Menu

المحرر موضوع: ((خــــذني يمـــــك)) الشاعر جبار رشيـــــد  (زيارة 6515 مرات)

0 الأعضاء و 1 ضيف يشاهدون هذا الموضوع.

غير متصل العقيد

  • مبدع قسم الهجرة
  • عضو مميز جدا
  • *
  • مشاركة: 3209
  • الجنس: ذكر
  • ★★ نحـن مـن يمنـح الأسـماء مجـداً ★★
مـــن اروع ما قرأت للشاعر

جــــبار رشيــــــد

خذني يـــــمك


خذني يمك بعد ماظل كل عذر لا تعتذر
ليل عمري وعمرك مخلص بعد مابيه صبر

خل نلم احلامه ونحفظ صورهن كبل لاياخذهن بدربه الفجر
وخل نلم الباقيات..... اسنيني وسنينك نسويهن عمر
وهنه ميكفن عمر

ونبدي من جده وجديد بواهس اسنين الصغر
ولو وازانه الكبر
خلي تمشي ايامنه بخطوه العاقل من عثر مره ورجع يمشي حذر
خل نعيش الحب ستر

خل نضم ارواحنه ابيناتنه ويا اسرارنا ولا نشتهر
وافتخر بيه ويا روحك وانا وي روحي اظل بيك افتخر
حبني لتظل تعتذر

خل نسوي العشره ورقه ونصنع من الدمعه والضحكه حبر
حتى كل لحظه التمر بالجاي نكتبه شعر
وخل نكول الماضي غلطه وذنب يسجل ذنب من ينذكر
حبني لتظل تعتذر
  
حبني واجبرني على حبك الروح ماتعشك لون ما تنجبر
السيف ما ينهاب لو ماكو الطبر
حبني لتظل تعتذر

اعترف راح اعترفلك واحنه شو نفس الامر
اثنينه انبعنه بسعر جوه السعر
اثنينه انبكنه حدر شمس الظهر
اثنينه السجين تانتنه نذر
اثنينه اتواهمنه بالحب ننتصر
اثنينه انعاني الغدر

واعترف راح اعترفلك كلبي جان شكد جسر
وانا جتفت الجسر
واناوزيت الحمامه على النسر
واسمع السر الخطر
صنم سويته بديه وادري ما ينفع يضر
وحاطه كبالي وعجيبه الشوك من عنده انتظر
وانت مثلي بهل امر
صنم سويته بديك اشتنتظر
خل نهد اصنامنا وكافي كفر

وبلكي نهده ونستقر
وبلكت اوياي وانا اوياك استمر
وبلكت المامر كبل هسه يمر
وبلكت اجناح العشك لبعيد ياخذنه ويفر
ونترك الممنوع والميصير
خل نغط بالماي مو صرنه جمر
وبلكي نصحه من السكر
وبلكت المامر كبل هسه يمر

خذني يمك
كبل لا يخلص صبرنه ويطفه دم اوجوهنه ونطلع صفر

خذني يمك
كبل لا ينحك ذهبها اطباعنه ونطلع صفر

خذني يمك
كبل لا رمضان يفطر ويفكر العالم مثل جيه صفر

حطني يمك كبل لا يم الصفر نطلع صفر


غير متصل نادر البغـــدادي

  • عضو مميز متقدم
  • *******
  • مشاركة: 12180


      نصّ شعبي منقول ممتـــــاز !!!

          تسلم اياديكم عزّيــزا { العقيــــد }

              ننتظر المزيد من الإبــداع !

                  تقبلّوا تحيّاتنا القلبيّـــة ...

غير متصل العقيد

  • مبدع قسم الهجرة
  • عضو مميز جدا
  • *
  • مشاركة: 3209
  • الجنس: ذكر
  • ★★ نحـن مـن يمنـح الأسـماء مجـداً ★★

اسعدني موررك الرائع بابا عابد
كلي شكر واحترام لجميل مرورك



غير متصل evon 1987

  • عضو مميز
  • ****
  • مشاركة: 1673
  • الجنس: أنثى
  • أن كان الله معـــنا,فمـــن علينا
كلمات في غاية الجمال عاشت الايادي المبدعة
                         تقبل مروري

غير متصل وردة الربيع

  • عضو مميز متقدم
  • *******
  • مشاركة: 9869
  • الجنس: أنثى
كلمات ولا اروع عاشت ايدك على اختيارك
تحياتي لك
من أحب الله رأى كل شيء جميل .

غير متصل العقيد

  • مبدع قسم الهجرة
  • عضو مميز جدا
  • *
  • مشاركة: 3209
  • الجنس: ذكر
  • ★★ نحـن مـن يمنـح الأسـماء مجـداً ★★

ايـــــفون المبدعه

وردة الربيـــــع الشاعريه

مروركم الراقي والعطر اسعدني جداً


غير متصل myacob

  • عضو مميز جدا
  • *****
  • مشاركة: 3226
  • الجنس: ذكر
دمـــــت ودام نبـــــض قلمــــــك
فـــائـــــق الحتــــرام والتقديـــــــر،؛،؛،
دمـــــت بهــذا التـألـــــق دومـــــاً،،؛،؛،؛
ولـــك ارقــــ التحيــــة و اجمـــــل
الــــورد،؛،؛،؛ميخــــائيــــل

غير متصل alashoty10

  • اداري منتديات
  • عضو مميز متقدم
  • *
  • مشاركة: 13328
  • الجنس: ذكر
  • ليس كل مايلمع ذهب
عاشت الانامل على الابـــــــــــداع


على خدود المرايا تمشط الحلوات
وعلى خدودك شعرها تمشط المرايا

غير متصل haigo

  • مبدع قسم الهجرة
  • عضو مميز متقدم
  • *
  • مشاركة: 8877
  • الجنس: أنثى
عاشت ايدك يا مبدع كلمات جميله جدا


احترامي لك

غير متصل العقيد

  • مبدع قسم الهجرة
  • عضو مميز جدا
  • *
  • مشاركة: 3209
  • الجنس: ذكر
  • ★★ نحـن مـن يمنـح الأسـماء مجـداً ★★

استاذنا الكبيــــر ميخائيل ::: تشرف موضوعي بمروركم الكريم وزادني فخراً واعتزازاً بكم ..شكراً لكم

العزيزة هايكو ::: مروركِ هو الاجمل دائماً وبكل مكان .. شكراً لكِ