Menu

المحرر موضوع: مدى صحة مسالة تقليص المساعدات للاجئين العراقيين في امريكا  (زيارة 6036 مرات)

0 الأعضاء و 1 ضيف يشاهدون هذا الموضوع.

غير متصل ريتا سعد

  • عضو فعال جدا
  • ***
  • مشاركة: 348
اخوان سمعت ان المساعدات التي تقدمها المنظمات الانسانية في امريكا للاجيء العراقي ستتقلص .
اقصد بالمساعدات (مساعدات مالية " ايجار المسكن + الفوود ستامب " رواتب الابناء القصر ...الخ )
مدى صحة هذه المعلومات ، نرجو مشاركة الاخوان في امريكا .

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3416

غير متصل سرى1

  • عضو مميز
  • ****
  • مشاركة: 1276
اختي العزيزة اكو بوادر في عدة ولايات


لكـــــــــــــــــــــــــــــــــــــــــــــــــــــــــــــــــــــــــن


احب اوضح نقطة مهمة للجميع انه المساعدات هي مو بس للعراقيين هي لكل من يقدم عليها من اي جنسية حتى الامريكان نفسهم ذوي الدخل المحدود

غير متصل kfc_w2002

  • مبدع قسم الهجرة
  • عضو مميز
  • *
  • مشاركة: 1585
  • الجنس: ذكر
والله يااخوان هو هذا الي صار قبل شهرين مو هسه ولا اعرف كم بالتحديد
المهم اذا كانت العائله التي تستلم الكاش ايد مكونه من 5 نفرات يلله يكفي لدفع الايجار !!!
اما اذا كانت اقل فلا بد من دخل يساعد في ذلك
وان شاء الله الاخوان الي عندهم خبره اكثر 

تحياتي
يرجى رفع صورة التوقيع عن طريق موقع عنكاوا كوم
uploads.ankawa.com

اذا الشعب يوما اراد الحياة فلا بد ان يستجيب القدر
ولا بد لليل ان ينجلي          ولا بد للقيد ان ينكسر

غير متصل جاسم كراده

  • عضو فعال جدا
  • ***
  • مشاركة: 290
  • الجنس: ذكر

والله عمي كلامك صحيح .....لان اتصلوا بالكفيل (اخوية) ساكن امريكا وبلغوا بان يجي يوقع اوراق الكفاله مال والدي ومن راح الى مكتب المنظمة بلغوا بان راح يدفعون ايجار لمدة شهر واحد فقط ... وبالنسبة الى كارت الطعام فقط لمدة 6 اشهر...؟ وبقيت الامور بعد ما اعرف....؟ بس حتى بالدورة التثقيفيه قبل خمسة ايام هم خبرونه نفس الكلام ....!  :'(


تحياتي الكم.... و على الله العوض
مـن السهـــل أن تجــــد مـن تـتـحــدث الـيــــــه... ولـكـــن مـن الـصـعـــب أن تـجـــد مـن تـثـــق بــــــه...!!!

يـــارب السفــــــر القريــــب للجميـــــع....

تحياتـــــــي
جاســــم كـــرادة

غير متصل سرى1

  • عضو مميز
  • ****
  • مشاركة: 1276

والله عمي كلامك صحيح .....لان اتصلوا بالكفيل (اخوية) ساكن امريكا وبلغوا بان يجي يوقع اوراق الكفاله مال والدي ومن راح الى مكتب المنظمة بلغوا بان راح يدفعون ايجار لمدة شهر واحد فقط ... وبالنسبة الى كارت الطعام فقط لمدة 6 اشهر...؟ وبقيت الامور بعد ما اعرف....؟ بس حتى بالدورة التثقيفيه قبل خمسة ايام هم خبرونه نفس الكلام ....!  :'(


تحياتي الكم.... و على الله العوض


اذا والدك رايح كشخص وحده وما عنده اولاد تحت سن ال18 هي هاي المساعدة اللي يحصلها بس اذا واصل سن التقاعد ممكن يقدم من يوصل على التقاعد

غير متصل ريتا سعد

  • عضو فعال جدا
  • ***
  • مشاركة: 348
اخ اخ اخ شهر واحد بس يدفعون ايجار هاي مو خوش شغلة .
للي عنده معلومات ياريت يفيدنا
وينكم جماعة امريكا

غير متصل سرى1

  • عضو مميز
  • ****
  • مشاركة: 1276
اخ اخ اخ شهر واحد بس يدفعون ايجار هاي مو خوش شغلة .
للي عنده معلومات ياريت يفيدنا
وينكم جماعة امريكا

اختي العزيزة يعتمد عالولاية كما اسلفت في ردي اضافة الى وضع العائلة

غير متصل Iraqi77

  • عضو فعال جدا
  • ***
  • مشاركة: 300
مرحبا

اخوان شنو القصة ماكو اعضاء بالمنتدى بامريكا  يشرحولنة  مدى صحة هاي الاخبار  لو بس  باركولي وصلت  زين الف مبروك  بس  نريد احد  ينورنة بالمعلومات   وخصوصا الاخوة الاعضاء  الذين وصلوا  مؤخرا

تحياتي

تقبلوا مروري
iraqi77

غير متصل سرى1

  • عضو مميز
  • ****
  • مشاركة: 1276
اني يمكن بالصين كاعدة هههههههههههههههه

غير متصل هنوة

  • مبدع قسم الهجرة
  • عضو مميز جدا
  • *
  • مشاركة: 4092
المساعدات هي من الاصل تختلف من ولاية لولاية
تقليص المساعدات في الوقت الحاضر في بعض الولايات
بالنسبة لولاية الينوي لحد الان هي نفسها بالنسبة للاعزب والعوائل

الينوي ...شيكاغو

غير متصل ابو هنودة

  • عضو فعال جدا
  • ***
  • مشاركة: 671
قبل قليل كنت على النت ويا جماعتنا بكاليفورنيا وتحديدا سانديكو وكالوا ماكو هيجي اخبار لأن كل شيء على ما كان عليه سابقا ً .

غير متصل أبو زيوني

  • عضو فعال جدا
  • ***
  • مشاركة: 112
أختيا العزيزة صاحبة الموضوع

 

بالنسبة للمساعدات تختلف من ولاية الى أخرى



وأحنة اهنا بولاية أنديانا المساعدات باقية مثل ماهية ولايوجد فيها أي تغيير

أيجار لمده 6 أشهر
والفود ستامب 200 دولار للشخص أذا كان عازب وأذا عائلة فكل نفر تقريبا 150 يعني أذا عائلة مكونة من 4 نفرات ياخذون تقريبا 650 دولار وهذا المبلغ يصرف للأكل فقط

غير متصل abuhatem

  • عضو فعال جدا
  • ***
  • مشاركة: 958
قبل ايام قليلة ، اعلنت ولاية مشكن بتحديد مساعدات الولفر الى 48 شهر فقط ، وهذا يعني انه سيتم قطع المساعدات عن اعداد كبيرة جدا بداية شهر العاشر.
Snyder Signs 48-Month Welfare Limit

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
اختي بالنسبه الى المساعدات التي يستلهما اللاجيء عنده وصوله هي مساعدات حكوميه فدراليه
تخص كل الولايات بدون استثناء وهي (الولكم مني والمساعدات الماليه الممنوحه له حسب البرنامج الذي
سيوضع به (ماجكراند او ار سي اي ) وهذه لم يطرا عليها اي تغير ولن يطرا باعتقادي

اما بعد انتهاء مده البرنامجين فهناك برامج ممكن الى اللاجيء ان يقدم عليها وبشروط معينه
وهذه تختلف من ولايه الى اخرى وممكن ان تتقلص بالمده او بالمبلغ

تحياتي


غير متصل ريتا سعد

  • عضو فعال جدا
  • ***
  • مشاركة: 348
شكرا لكل الاخوة الذين شاركونا في هذا الموضوع وافادونا كثيرا .
ارجو من الاخوان في امريكا افادتنا بمعلوماتهم بخصوص هذا الموضوع.

غير متصل AbU MarYam1973

  • عضو فعال جدا
  • ***
  • مشاركة: 195
هذا الكلام غير صحيح
لان اقاربي اكثرهم باميركا
خالي صارله اكثر من اربع سنوات ويكول اصلا المساعدات صارت للعراقيين والافغان لمدة خمس سنوات حصراً

غير متصل Iraqi77

  • عضو فعال جدا
  • ***
  • مشاركة: 300
هسة المساعدات 5 سنوات  لو 6 اشهر  اكو تناقض  بالمدة والفرق اكثر من4 سنوات شنو الموضوع 
اكيد اكو واحد بالمنتدى  عايش  هناك  ويجاوب على هذا التساؤل


تقبلوا مروري
iraqi77

غير متصل abuhatem

  • عضو فعال جدا
  • ***
  • مشاركة: 958
انا سائل جماعة امريكا ، بالنسبة للعوائل ، كل ثماني اشهر يراجعون ويجددون المساعدات لثماني اشهر جديدة ، وطبعا راح يطلبون منهم معلومات عن واردهم الحالي واشياء اخرى لكي يعرفوا كم يعطوهم.

غير متصل ريتا سعد

  • عضو فعال جدا
  • ***
  • مشاركة: 348
UP
جماعة امريكا وينكم افيدونا بمعلوماتكم.

غير متصل اسمر زيونة

  • عضو فعال جدا
  • ***
  • مشاركة: 520
    يكفي شرف  الدخول والاقامة في امريكا    احنا ابلدنا ممحصلين حقوقنا ...وشميكون حجم المساعدات المقدمة للاجئين
                        مشكورين عليها

غير متصل امين عبد الله

  • مبدع قسم الهجرة
  • عضو مميز جدا
  • *
  • مشاركة: 2421
  • مثل حاتم جنت تذبح فرس للضيف وشعرة فرس مايسوه خطارك
ان مدة تقديم المساعدات تختلف من ولاية الى اخرى. وقد سمعنا ان هناك تقليص في المدة قد بدأت تطبق في بعض الولايات وذلك بسبب الظروف الاقتصادية التي مرت على الولايات المتحدة في الاونة الاخيرة اضافة الى ازمات اقتصادية اخرى قد تمر بها ولاية بعينها نتيجة ظرف طارئ كاعصار او كارثة طبيعية معينةمما يضطرها الى تقليص مبلغ ومدة المساعدات استنادا الى الدستور الامريكي الذي يمنح الولاية حق الحكم الذاتي وتشريع القوانين بما يتلائم مع ظروف الولاية. لكن في الوقت نفسه نجد ان هناك ولاية ماين ( Maine ) الواقعة في اقصى الشمال الشرقي للولايات المتحدة الامريكية قد قررت ان تمنح المساعدات للاجئين لمدة خمسة سنوات على امل ان يكون في قرارها هذا فرصة لاستقطاب المهاجرين لسد النقص الحاصل في هذه الولاية من السكان.


                               Where Liberty Dwells, There is my Country

                                                   Benjamin Franklin


غير متصل ريتا سعد

  • عضو فعال جدا
  • ***
  • مشاركة: 348
اخوان حسب مسمعت اليوم انه الولكم مال ولاية مشيكان صار 450 بعد مكان 900$

غير متصل Deltaforce

  • عضو فعال جدا
  • ***
  • مشاركة: 998
  • الجنس: ذكر
    يكفي شرف  الدخول والاقامة في امريكا    احنا ابلدنا ممحصلين حقوقنا ...وشميكون حجم المساعدات المقدمة للاجئين
                        مشكورين عليها

لا عاب حلكك ;D

غير متصل العراق بدمي

  • عضو فعال جدا
  • ***
  • مشاركة: 341
أختي ريتا صار فعلآ بعض التقليص في الويلكم لأغلب الولايات في ولايتي نزلت بحدود ١٠٠ كانت الف دولار صارت ٩٠٠ قبل فترة عمومآ مو مشكلة اليجي لأمريكا هاي كلها يعتبرها مساعدات مؤقتة لأشهر قليلة ولازم نعتمد على نفسنا ..بس الفود ستامب ما قلصو ويعتمد عل عدد أفراد العائلة ..تحياتي

غير متصل بغدادي76

  • عضو فعال جدا
  • ***
  • مشاركة: 900
اخوان لازم تفرقون بين مساعدات المنظمة المؤقته , ومساعدات الولاية
والأثنين يختلفن من ولاية لولاية
بالنسبة لولاية تنسي , مساعدات المنظمة قلت من فتره طويلة , صار سنه من شالو الولكم , وباقي الإيجار والكهرباء والمساعدة المالية ماشية على برنامج ماج كرانت
المساعدات الحكومية عديدة , وباقية نفس الشي , اهم شي بالنسبه النه هيه الفود ستامب , والسكن اللي إيجاره حسب الدخل هذني موجودات على حطتهن.
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل الفضلي

  • مبدع قسم الهجرة
  • عضو فعال جدا
  • *
  • مشاركة: 893
  • الجنس: ذكر
المساعدات مستمرة  و  يقدمون    كل الدعم والمساعدات للاجئين  هنا   من ماديه ومعنويه   ورعايةصحية واجتماعية  ..... والخير كثير هنا
على قدر أهل العزم تأتي العزائم ...... و تأتي على قدر الكرام المكارم
و تكبر في عين الصغير صغيرها ....... و تصغر في عين العظيم العظائم

غير متصل عاشق الوزة

  • عضو فعال جدا
  • ***
  • مشاركة: 132
للاسف اليوم جتني رسالة تقليص الفود ستامب من 929 دولار لعاءلتي المكونة من سبع افراد بس اني بيهم اشتغل والباقين بالمدارس الى 408 دولار
علما ان ال 929 كانت بصعوبة تكفي ومااعرف الان مالعمل راتبي يكفي ايجار وكهرباء فقط وزوجتي لا تسطيع العمل الان مشغولة بتربية اخر اولادي وعمره 5 اشهر

غير متصل سرى1

  • عضو مميز
  • ****
  • مشاركة: 1276
للاسف اليوم جتني رسالة تقليص الفود ستامب من 929 دولار لعاءلتي المكونة من سبع افراد بس اني بيهم اشتغل والباقين بالمدارس الى 408 دولار
علما ان ال 929 كانت بصعوبة تكفي ومااعرف الان مالعمل راتبي يكفي ايجار وكهرباء فقط وزوجتي لا تسطيع العمل الان مشغولة بتربية اخر اولادي وعمره 5 اشهر

شوكت اشتغلت اخي؟ وممكن تذكر الولاية بلا زحمة عليك ومشكور مقدما

غير متصل ܓღ أنجـــــي ღܓ

  • عضو فعال جدا
  • ***
  • مشاركة: 608
  • الجنس: أنثى
اخوان سمعت ان المساعدات التي تقدمها المنظمات الانسانية في امريكا للاجيء العراقي ستتقلص .
اقصد بالمساعدات (مساعدات مالية " ايجار المسكن + الفوود ستامب " رواتب الابناء القصر ...الخ )
مدى صحة هذه المعلومات ، نرجو مشاركة الاخوان في امريكا .

اختي انتي حاليا بعدك مواصل الامريكا مجرد سمعتي من فلان وفلان انه المساعدات قللوها رغم اني هم  سمعت من اختي بكلفونيا بس هي وضعها يختلف لانه اولادها اشتغلوا  part time يعني ساعات قليلة بالاسبوع لذالك نقصوا منها  رغم اكو عوائل كلهم ديشتغلون بالخفية وياخذون مساعدات يعني حبيبتي كل حالة شكل وكل ولاية تختلف عن الثانية بالانظمة واصلا هي كلها تعتمد على دخل العائلة الشهري والسنوية عليه يقررون  انه هذة العائلة تحتاجه مساعدات او لا
المهم  على ما يجي موعد سفرك  انشاء يكون النظام تغير اذا كان تم تطبيقة بالولاية الي راح تروحين الها هسى خلي ينطوكم موعد السفر تسافرون وتستقرون والباقي الله يدبرها محد مات من الجوع هنا  مدام برنامج المساعدات مستمر لاصحاب الدخل المحدود اصلا  اكو ناس هنا صارلهم سنين وسنين عايشين على مساعدات وكل فترة تزيد وما تقل وكل هذا يبجون بوجه الله ماعدنا وماعدنا عمرهم ما يعرفون يحمدون الله ويشكروه لو يملكون مال الدنيا كلها !!
المهم اختي انشاءلله السفر القريب والتوفيق بالحياة الجديدة

غير متصل raadmteer

  • عضو فعال جدا
  • ***
  • مشاركة: 241
  • بدأ عمرنه بالتأميم وخلص بالتحرير والحمد لله
    • http://img512.imageshack.us/f/ridha17xt5.jpg/
اخوان اللي ماعنده فلوس جوه ايده تمشيه اقل شي سنتين فلا يذل نفسه ولا يذل اهله
نصيحه لوجه الله تره المساعدات ماتكفي ايجار ولا عيشه واني اكلمكم عن كاليفورنيا
اهم شي العزه والكرامه

غير متصل بنت حواء

  • مبدع قسم الهجرة
  • عضو فعال جدا
  • *
  • مشاركة: 127
  • الجنس: أنثى
 :'(إخوان والله الي يسمعكم ينتحر أحسن شنو ذل شنو فلوس مال سنتين جوه ايده ترة أهنا اكو ناس جتي ماعده غير 100 دولار والكل  يلكوله شغل مايتركون احد اما البطران والي يريد يتعين  فد شي عله ذوقه هاي تختلف وهسه اصلا التعينات كله زينة لابيه ذل ولا شي واقل راتب الساعة 9 دولارات اصور شي زين للجاي يدور مستقبل بيه خير مو جاي سياحة ولازم إخوان الواحد يتعب بالبداية خلي يحسبه كطعة مال كهرباء لو ديدور عله غاز وبنزين هههههههه المهم إخوان أني الي شفته الي تعبوا هسه مرتاحين ومستقرين اما الي تبطروا بعدهم يراوحون بمكانهم إخوان والله اهم شي الواحد يفكر صح وبدون ميتبطر والله يوفق الجميع

غير متصل Deltaforce

  • عضو فعال جدا
  • ***
  • مشاركة: 998
  • الجنس: ذكر
أكو ناس و للأسف هيجي حجيهم يثبط المعنويات و كأنما ديحجي عن دولة من دول العالم الثالث مو الولايات التحدة اللي هية بالحقيقة أرض الفرص !!!! و اللة اللي يريد يعتمد على نفسة و يشتغل شغل شريف ينجح بامريكا بس هذا الي يتبطر و عايش عل المساعدات هذا يضل يشكي و يبجي و يدك و يلطم و يكول أهوووووو يمعود ماكو شغل بأمريكا !!!!

غير متصل raadmteer

  • عضو فعال جدا
  • ***
  • مشاركة: 241
  • بدأ عمرنه بالتأميم وخلص بالتحرير والحمد لله
    • http://img512.imageshack.us/f/ridha17xt5.jpg/
عيني بنت حواء و حبيب قلبي دلتا فورس
حاشاكم من البطر والبطرانين انا اتكلم عن كاليفورنيا واني من وصلت هنا لحد الان هاي صارلي تقريبا سنه ماشفت احد حتى اللي يشتغلون مكتفي بالفليسات اللي يستلمهه مقابل غلاء ايجار وغلاء فواتير فحطو الله بين عيونكم ولا تزوقون الصوره اكثر من اللازم
اني بفضل الله صارلي مغترب خارج العراق 15 سنه وما اتذكر بيوم من الايام قعدت ببيتي مرتاح وكل يوم شغل وهم وتعب لذلك اللي يتهمني بالبطر فهاي بحظه وبخته
ممنون للجميع
اهم شي العزه والكرامه

غير متصل بنت حواء

  • مبدع قسم الهجرة
  • عضو فعال جدا
  • *
  • مشاركة: 127
  • الجنس: أنثى
اخي محد متهمك بشي بس مو لدرجة انو تكول يذل وعلى العموم كلفورنيا مو مثل عمو الولايات الله يشهد اني تحولت لعدة ولايات ولحد الان ماشفت اي ذل بالعكس والله اكو الي مراكب سيارة ركب احسن شي بس المهم الحمدلله الكل عايشة ومرتاحة تلبس وتاكل ويروح سفرات وقلة قليلة تبجي مو عموم ولان همه يدورون خدة الصراحة
على كل حال الله يغير حال ولايتكم ويخليها بخير
تحياتي

غير متصل snoopy

  • عضو فعال جدا
  • ***
  • مشاركة: 262
عزيزتي بنت حواء انتي دتتكلمين عن نفسج فقط و تعيبين على الاخرين يتكلمون عن نفسهم..امريكا العمل فيها مذل بشكل رهيب و خصوصا الاعمال المنحدرة المستوى و الي يعملها الناس اول ميوصلون ..الي استشفيته من كلامج انتي حالتج زينة اصلا و تركبين احسن شي و ممشتغلة اي شغل انتري لفل بامريكا فكلامج بصراحة ينطبق على حالتج الي هيه نادرة جدا..عود اشتغلي هاوسكيبنك و اريد اشوف كلامج يختلف لو يبقى نفسه..تحياتي و لا تزعلين من قول الحقيقة

غير متصل adam22

  • عضو فعال
  • **
  • مشاركة: 37
تحية طيبة اخواني ب النسبة للمساعدات الكاش ايد قبل شهرين كصو منه 10% ما اعرف النسبة بالضبط بس هل حوال ??? هاي دا احجيلكم بولاية كاليفورنيا بعد ما اعرف باقي الولايت  ;Dوستمر الحال على ماهو عليه وبالنسبة للشغل من خلال تجربتي البسيطة الي يتعب نفس يحصل شغل ;D الحمدالله اني حصلت بعد 5 اشهر تقريبا وشغلة حلوة ومرتبة Accountant بشركة بس الي فتهمت انهو لا تعتمد عل التقديم اون لاين :-\ لا ضليت اروحلهم بالسبوع مرتين واسال صار عدكم فرصة تعين الى ان الله شاء وشتغلت امريكا بلد الفرص ها نسيت اكول حصلت ترقية و3 اشهر من العمل :D يعني مو مثل العراق تضل تدوك وتلمط وتالي ياخوذه النايم للضهر >:( هنا يقدرون العمل والحمدالله عل كل حال

غير متصل بنت حواء

  • مبدع قسم الهجرة
  • عضو فعال جدا
  • *
  • مشاركة: 127
  • الجنس: أنثى
مرحباً أخوية snoopy احترامي لرايك وكانك تعرفني زين لان الحقيقة أني اول ماوصلت اشتغلت هاوس كيبنك بشركة تجميل ولأول مرة بحياتي اشتغل هيج شغلة حتا ابيتنة مامشتغلتها بس كلت مو عيب المهم احس أني سويت شي وماحرمت أطفالي من شي وأبدا حديثي عن حالتي بصورة خاصة بالعكس اكو هواية ناس مثلي المهم اخي الي ينجز شي بالأخر واريد أكلك انو طلعت من شغلي بعد مافتحنا شغل خاص النا أني وزوجي والهاوس كيبنك. الي هي صحيح شغل متدني بس احسن اضل اراوح بمكاني والنتيجة أني تخلصت من العبودية وصار الي عملي الخاص وغيري كاعد يبجي ويندب حضه اخي الي يريد يسوي شي ترة بس يتوكل عله الله وان شاءالله ينجح واهم شي صفاء النية والحقيقة أني فخورة أني اشتغلت عامل
 نظافة بس المهم سويت شي لمستتقبل أولادي يرفع راسهم   والله يسهل امر الجميع. وشكرا لك اخي

غير متصل Deltaforce

  • عضو فعال جدا
  • ***
  • مشاركة: 998
  • الجنس: ذكر
مرحباً أخوية snoopy احترامي لرايك وكانك تعرفني زين لان الحقيقة أني اول ماوصلت اشتغلت هاوس كيبنك بشركة تجميل ولأول مرة بحياتي اشتغل هيج شغلة حتا ابيتنة مامشتغلتها بس كلت مو عيب المهم احس أني سويت شي وماحرمت أطفالي من شي وأبدا حديثي عن حالتي بصورة خاصة بالعكس اكو هواية ناس مثلي المهم اخي الي ينجز شي بالأخر واريد أكلك انو طلعت من شغلي بعد مافتحنا شغل خاص النا أني وزوجي والهاوس كيبنك. الي هي صحيح شغل متدني بس احسن اضل اراوح بمكاني والنتيجة أني تخلصت من العبودية وصار الي عملي الخاص وغيري كاعد يبجي ويندب حضه اخي الي يريد يسوي شي ترة بس يتوكل عله الله وان شاءالله ينجح واهم شي صفاء النية والحقيقة أني فخورة أني اشتغلت عامل
 نظافة بس المهم سويت شي لمستتقبل أولادي يرفع راسهم   والله يسهل امر الجميع. وشكرا لك اخي

فعلا أختي بنت حواء ...هذي طريقة تفكيرج هي بداية النجاح بأمريكا , الامريكان ما يستنكفون من الشغل و يكول اووووي هذا مو من مستواية بالعكس , الامريكان يشتغلون أي شغل متاح و هذا هو الاسلوب الصحيح و مثل ما كال أخوية اللي جاوب و كال اللي يتعب يحصل . ثانيا أكو مسألة يجب مراعاتهة و هي ان تكون واقعي بتوقعاتك , يعني انت هسة واصل لأمريكا , شتتوقع تحصل وظيفة ؟ مدير تنفيذي بشركة ؟؟؟ طبعا لا ؟؟ لازم تتوقع انه انت راح تشتغل توصل بيتزا و جرايد بالبداية و هذا مو عيب أبدا 

غير متصل abuhatem

  • عضو فعال جدا
  • ***
  • مشاركة: 958
قبل كم يوم كنت اخابر صاحبي ، كلتله ليش ما تدور شغل ، كال الامريكان ما محصلين شغل تريدني انا احصل؟ اليوم الصبح اجاني امريكي شاب بالثلاثينات ومعاه الة قص الثيَل : تريدني انضفلك الحديقة بعشرين دولار؟ يكول جاوبته عشر دولارات كافي. وما كذب خبر ، اشتغل ساعتين بالحديقة على عشر دولارات بس.

غير متصل snoopy

  • عضو فعال جدا
  • ***
  • مشاركة: 262
عزيزتي بنت حواء
انتي الظاهر اختلطت عليج الاوراق..احد الاخوان ذكر انه الشغل في امريكا ذلة و عبودية و حضرتج كلتي انه بالعكس امريكا مابيهه لا ذلة و لا عبودية و بالنتيجة اني جاوبتج جوابي اعلاه..اشو النوب رجعتي و كلتي اني اشتغل هاوس كسيبتك و هسه يله خلصت من (العبودية)!!! هاي شنو ..اشو ساعة امريكا ما بيهه عبودية و ساعة هستوج خلصتي من العبودية..زين لو مفاتحة مشروعج الخاص  و بعدج هاوسكيبنك كان كلامج اختلف لو بقه نفسه؟سؤال يطرح نفسه

غير متصل ܓღ أنجـــــي ღܓ

  • عضو فعال جدا
  • ***
  • مشاركة: 608
  • الجنس: أنثى
تعلموا مهنة الي يعرف مهنة هنا ملك زمانه مثل مهنة

 _ حلاق _ ميكانيك _ مصلح ادوات كهربائية _ مصلح كمبيوتر
منظف زوالي _ سائق _ صايغ _  تركيب الدش ستلايت _ كاتب عدل _ هاي الاشغال الي اغلب العراقيين يشتغلوها هنا !
حتى الي عدهم شهادات اذا ما شافوا شغل بشهادتهم خما يظلون ينتظرون تنزل رحمة الله ويتوظفون قابل الي جوي قبل كلهم جانوا عدهم شهادات واشتغلوا بشهاداتهم وصاروا اغنياء طبعا لا  !!   منظف الزوالي يومية مالته تعادل مرتين اسبوعين مال موظف وحتى الحلاق ومصلح كهربائيات وغيرهم وغيرهم الي يمارسون الاعمال الحره ليش اكول تعلموا اي مهنة تنفعكم هنا اي مهنة كانت سوى انتوا او عوائلكم عدكم مجال تعلموا روحوا دورات تعليم المهن مال تنتظرون تتوظفون بشهادتهم صعبة حاليا وكلها صايره بالوسطات عندك معارف يتوسطون الك تشوف شغل ماعندك راح تقضي يومك كاعد مقابيل النت وتنتظر امنية الشغل انوب بعد ما خلصت انتظار امنبة اللجوء  >:(  وهذا حالك ياغريب

 


 

Hämta Adobe Flash Player