Menu

المحرر موضوع: الى جميع الاخوان الي يريد يبعث فلوس او حواله الى جميع دول العالم 3طرق مضمونة ارجو المساعده من قبل خب  (زيارة 1928 مرات)

0 الأعضاء و 1 ضيف يشاهدون هذا الموضوع.

غير متصل hussein a

  • عضو فعال جدا
  • ***
  • مشاركة: 196
السلام عليكم
ان شاء الله اكدر اساعدكم بهذا السوال كوني كنت اعمل لمده طويله في
هذا المجال وانا كنت ابعث الحوالات الى جميع انحاء العالم
راح اشرحلكم الموضوع بخطوتين

اولا نجي على الحوالات البنكيه هذا النوع من الحوالات تحتاج
1-اسم شخص عنده حساب في اي بنك بميركا او اي مكان اخر اسمه باللغه الانكليزيه
2-سويفت كود اعتقد مكون من 10 او اكثر ارقام وحروف يكون كل بنك
له سويفت كود مختلف
3-اسم البنك المراد التحويل له
4- اسم المرسل من بغداد مع جواز او جنسيه مستنسخه
5-اكو اي بي ان كود هذا مو ضروري همه يخلوه
6- سبب التحويل
واغلب الحوالات البنكيه تطلع من عمان او دبي
وتحتاج الى ثلاثه ايام حتى تنزل بحساب اميركا
بس بهاي الحاله اعتقد متفيد اللاجئين لان اذا راح تحول بسمك
راح يعرفون جماعه المساعدات حسب ما جانو يكولون اغلب
الناس الي تحول يمنا فميردون بهاي الطريقه

اكو طريقه ثانيه
اسمها حواله تسليم يد عاديه هاي اكو مكاتب بلنسبه بمنطقتي
بلكراده اكو شركة اسمها الطيف للتحويل المالي وعدها فروع
بكافه المناذق في بغداد والمحافضات واكو شركة اسمها
الاصدقاء هم عدها فروع هم تحول الى ديترويت عدهم وكيل
ومناك هو الوكيل يوصلها للشخص باي ولايه هاي الطريقه
يفضلوها الاجئين اكثر لان تصير بدون علم المنظمه ميكدرون
يعرفون بيك شكد حولولك فلوس بلنسبه للشركتين هاي كراده
داخل

واكو طريقه ثالثه هم تكدر ادز الحوالات الى جميع دول العالم
واسرع طريقه شركة اسمها ويسترن يونين هاي فروعها بكل
دول العالم بس اكو شغله هاي الشركه اكثر مبلغ تكدر تحوله
هو 7500$. يعني اذا جان عندك شده تندز على دفعتين
بس بلنسبه للمبالغ الصغيره هاي الشركه روعه وسريعه بشكل
يعني ممكن تستلم حوالتك بنصف ساعه في اي مكان بلعالم
نجي ع الطريقه
1- اسم المستفيد باللغه الانكليزيه نفس مامكتوب بجواز سفره
اذا حرف ناقص او زايد او يختلف تعديل الحواله 10 دولار
عده العموله الي هيه الرسميه على ال500 $15 بس الشركه
ياخذ عشره. يكلك 25 كل ميكثر المبلغ العموله تكثر بس شي بسيط
ويحتاج جنسيه او جواز المرسل مستنسخ واسم المرسل
وسبب التحويل ورقم تلفون المرسل حتى بعد ربع ساعه او اكثر
حسب الشركه وشطاره الموضف اني جنت بربع ساعه اسلم الكود
يتصل عليك ابو الشركه الي حولت منه ويعطيك الكود الي مكون
من ارقام 10 اعتقد او 8 ما اذكر بلضبط وانت بعد متستلم
الكود تبعثه للشخص المستفيد وهو من اي كاش مشين باي مكان
يكدر يصرفه
واتمنى كدرت اوضحلكم الطرق الي ممكن تبعث بيها الفلوس
واي سوال او استفسار اني حاضر اخوكم حسين الكرادي
لا تفكرررر بلمفقوووود كي لاتخسرررر  اااااالموجود

حسين الكرادي

غير متصل Abdullah2006

  • مبدع قسم الهجرة
  • عضو مميز
  • *
  • مشاركة: 1984
  • الجنس: ذكر
  • تعبنا من انتظار العيد




Send the data and get IZ-128 at may2011
First interview 6 June 2012
Medical test 29 Jul 2012
Second interview 13 Aug 2012
Sponsor contact 1 Oct 2012
Deferral Letter 17 Oct 2012
Security Check Completed 10 July 2013
Arrive to US at 24 Jul 2013

غير متصل احساس عاشق

  • عضو فعال جدا
  • ***
  • مشاركة: 583
بارك الله بيك

شرح وافي وكافي لخدمه الجميع

تحياتي الشخصك

غير متصل um shaheen

  • مبدع قسم الهجرة
  • عضو مميز جدا
  • *
  • مشاركة: 2700
  • الجنس: أنثى
بارك الله بيك اخويه
تحياتي
اختك ام شاهين من سوريا

غير متصل steven_siv

  • مبدع قسم الهجرة
  • عضو مميز جدا
  • *
  • مشاركة: 3709
  • الجنس: ذكر
  • لايهمني الحقراء من الناس لاني اخدم الشرفاء منهم
اسام طريقة هي الاولى وقد نصحت بيها من قبل لانها قانونية اكثر من الثانية
' LEONA
متى سيموت الجلاد لكي اعود لبلدي

غير متصل الخديدي 2008

  • عضو فعال جدا
  • ***
  • مشاركة: 325
مشكور اخونا بارك الله بيك على هذا الموضوع
بس عندي تعليق بسيط على ال ويسترن يونين طريقه جيده جدا وسريعه بس مشكلتها من يستلم الشخص الحواله راح يستلمها بعمله البلد الموجود فيه ويتم حساب سعر صرف العمله على سعر العمله في البنوك المركزيه وليس على السوق السوداء وبهذا راح تخسر جزء من المبلغ
 تحياتي

غير متصل Sonata*

  • عضو فعال جدا
  • ***
  • مشاركة: 507
  • الجنس: ذكر

غير متصل looseurself

  • عضو فعال جدا
  • ***
  • مشاركة: 131
اني اكول الطريقة الثانية اضمن ... واني من اللي دازين فلوس ومن زمان حيل ويا شركة الطيف وناس محترمين ومضبوطين
اني من عام 2002 اتعامل وياهم بنظام الحوالة مضبوطين بالمواعيد دقة متناهية
بس المشكلة وبكل الاحوال ... انو اللاجيء اذا اجاه مبلغ اكثر من 2000 دولار راح يتعرض لمسائلة عليه , منينلك واشلون وليش ؟؟
وهذا الكلام من حلك صديقي البارحة اني امخابره وهوة بكاليفورنيا والولد من زمان عنده تعامل مع البنوك الجيدة خارج العراق شي اكيد ... ونتعامل اني وياه بنظام الفيزا كارت
بس كلي الولد اذا مبلغ جبير لازم تجيب موافقات واختام وترجمها والخ هاي بالعراق قبل متحولها يعني دوخة راس اني اشوفها
بالحقيقة اني دااحجي على مبلغ بال100 الف دولار يعني وبايضاح اكبر واحد بايع بيته ... ف هاي المسألة اعتقد معقدة شوية في الوقت الحالي لان بامريكا ديدققون حيل على مسألة المبالغ الجبيرة خوفا من تسهيلها لعمليات ارهابية والخ
اتمنى من الله ان اكون وفقت في نقل معلومة عن التحويل المالي
شركة الطيف للحوالات الخارجية . بغداد / الكرادة داخل / بعد احمد زويد حوالي شارعين على الجهة اليمنى وتحياتي
اما الويستيرن يونين موجودة بمصرف بغداد الكائن في الكرادة خارج بجانب المسرح الوطني

غير متصل AboDiana

  • مبدع قسم الهجرة
  • عضو مميز
  • *
  • مشاركة: 1399

غير متصل برنسو

  • مبدع قسم الهجرة
  • عضو مميز جدا
  • *
  • مشاركة: 3869
  • الجنس: ذكر
  • تكلّم لكي أراكـ !
مشكور اخوية العزيز . خوش معلوماااااات

غير متصل hussein a

  • عضو فعال جدا
  • ***
  • مشاركة: 196
اخواني واخواتي تدللون واي واحد عنده استفسار او يحب يسال اني بلخدمه.
و بلنسبه لسوال الاخ looseurself اذا عندك هيج مبالغ كبيره تكدر تحولها عادي
بس بشروط مثلا عندك بيت بعته بلعراق وتريد تحول فلوسه الئ اميركا تحولها
عادي وتنطيهم نسخه من عقد البيع مالتك بس بشرط يكون المبلغ نفسه الي
بلعقد تحوله لا اكثر ولا اقل بهاي الطريقه ماكو اي اشكال وهكذا يعني المبالغ الكبار
تحتاج شويه اثباتات عقود بس .
واتمنى اكدر اساعد وافيد اخواني بلمنتدى
                                                اخوكم حسين الكرادي
 
لا تفكرررر بلمفقوووود كي لاتخسرررر  اااااالموجود

حسين الكرادي

غير متصل الفرج قريب

  • عضو فعال
  • **
  • مشاركة: 48
بارك الله بيك أخي hussein على مساعدتك للأخوانك. عندي سوءال رحمه لوالديك،إني عندي مبلغ 100 ألف دولار وهشه دانتظر االسفر لأمريكا شلون أكدر أوصل فلوسي لأمريكا وماعنذي عقد بيت مبيوع ولا شيء شلون ؟وجزاك الله ألف خير

غير متصل hussein a

  • عضو فعال جدا
  • ***
  • مشاركة: 196
اخي الفرج القريب اي برايي اكول قسم المبلغ الي نصفين نصف اخذه وياك من تسافر
لان من حق كل شخص يحمل معه 10 الاف دورلار حسب ميكولون خبراء المنتدئ
يعني انت وزوجتك واولادك وقسم الثاني تكدر تحوله من شركه تحويل مالي بس حاول
تبعثه حواله تسليم يد حتى ميعرفون بيك المنظمه لان هاي الطريقه مال تحويل ميكدرون يعرفون
بيها وكتلك اخذ قسم وياك حتى لتخصر فلوس العموله الي تاخذها منك الشركه تفيدك تدفع
بيها اجار شهر هههههه وتكدر تاخذ كم شده وياك والباقي تسوي دفعات شده شده شتين شتين
هيجي حتى ميببن دفعه وحده ومبلغ جبير واهل مكاتب التحويل يكصبوك بلعموله ههههه هذا رايي
واني هسه هم اسالك الشركه الي جنت بيها لان صارلي هواي من تركت هذا الشغل اذا هسه
اكو طرق اسهل واكو هواي مكاتب تحويل اكد ادزك عليهم بس انت بيا منطقه واذا تكدر تجي للكراده
اكو شركه الكنز بلعرصات واكو شركه الذيف كراده داخل وشركه العرببه بلحارثيه والاصدقاء كراده
هاي شركات عدهم وكلاء باميركا وبكل مكان دول العالم واني بلخدمه واذا شي تحب اوضحه الك
تدلل  اخوك حسين الكرادي
لا تفكرررر بلمفقوووود كي لاتخسرررر  اااااالموجود

حسين الكرادي

غير متصل الفرج قريب

  • عضو فعال
  • **
  • مشاركة: 48
يابه رحمه والديك على هذا الشرح والله صدك لو خليت لقلبت. زين بأمريكا وين أخلي الفلوس مو يعرفون إذا أخليها بحسابي بالبنك؟

غير متصل مهندس احمد

  • عضو فعال
  • **
  • مشاركة: 63
موضوع اكثر من رائع بس عندي سؤااال اذا واحد يريد يحول كل شهر 1500 دولار المنظمة تحاسبة وتقلل المساعدات ...يعني المنظمة بشكد تسمح انو تستلم من  الخارج بحيث ميأثر على المساعدات ؟

غير متصل OK H.K

  • عضو فعال جدا
  • ***
  • مشاركة: 722
( وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ )

غير متصل hussein a

  • عضو فعال جدا
  • ***
  • مشاركة: 196
تدلل اخي الفرج القريب بلخدمه وبلنسبه السؤالك وين تخلي الفلوس ؟؟؟
اني اعوذ بالله من كلمت اني برايي تاخذ وياك مبلغ فد 20 الف دولار
وتروح هناك وتشوف الوضعيه وتبقي الباقي يم ناس كرايب او عرف ثقه بلعراق
تشوف امورك شلون هناك واذا بعد فتره الله وفقك وتريد تفتح مشروع
او احتاجيت يدزوهن الك بحواله لان اني اعتقد حسب ما قريت بلمنتدى
انو امريكا خطره بهيج سوالف يعني اذا تاخذ هيج مبلغ وياك لازم
متخلي بلبنك لان راح تعرف المنطمه وتتوقف المساعدات زين شنسوي بهاي
الحاله راح تضطر تخليهن بلشقه مالتك او يم كفيلك اذا كرايب والطريقين
اني ما احبذهن لان اذا بلشقه يكلك كلش عادي تنباك الشقه هناك وراح
يضل بااك كل متطلع من البيت واذا تخليهن يم كفيل يمكن علاقتك مو قويه
او متريده يعرف عندك فلوس او او .......الخ. فا اخذ هذا المبلغ كلش هواي
شدتين لان انت عندك مساعدات ان شاء الله متحتاج هذا المبلغ هاي اني
اشوفهه احسن طريقه حتئ بلنسبه النا عائلتي هيج راح اسوي لان حواله
يوم او يومين توصل اذا تحتاج فلوس والله كريم اتمني اكون ساعتك واني بلخدمه




وبلنسبه للاخ احمد اني اعتقد اذا تحول حواله تسليم يد حتلو كل شهر مراح تعرف المنظمه
لان هاي الشغله على كولت ابو المثل من جوه العبايه ^_^ يعني ما عليها رقابه من الحكومه
الامريكيه لان همه مو شركه رسميه ناس عاديين عدهم اقاربهم ابو صيرفه وهيجي صار الشغل
اتفاق وعمولات فقصدي يعني لو شكد متحول كل شهر ميعرفون وتدلل اخويه 
لا تفكرررر بلمفقوووود كي لاتخسرررر  اااااالموجود

حسين الكرادي

غير متصل Hasan&Yaseen

  • عضو فعال جدا
  • ***
  • مشاركة: 215
بالبدية عاشت ايدك على الموضوع وعندي سؤال بدون زحمة اذا واحد اخذ مبلغ 7000 دولار يريد يشتري بيها سيارة هم اتأثر على المساعدات و يسألوك هاي منين لو لا وشكرا؟؟

غير متصل الفرج قريب

  • عضو فعال
  • **
  • مشاركة: 48
ألف شكر أخونا الغالي الله يوفقك. زين أكدر أفتح صندوق بالبنك واضمهن بي بعد شمدريهم شكو بي. مو بله خوش فكره لو لا. شتكول أخوي ولو تعبناك بالاسءله بس موضوعك مهم جدا

غير متصل hussein a

  • عضو فعال جدا
  • ***
  • مشاركة: 196
والله اخويه صراحه اني ما عندي ايفكره على موضوع الصندوق بلبنك بس قريت مره بموضوع هنا بلمنتدى على ما اذكر
انو تكدر تاخذ صندوك بلبنك وتخلي بي غراض حتى البنك ميعرف شنو بس ما اعرف شلون التفاصيل بلضبط
اتمنى احد اعضاء والاخوان بلمنتدى الي عنده فكره بهذا الموضوع ينورنا حتى تعم الفائده على الجميع واني
جدا اسف اخويه مكدرت اساعدك بهذا الموضوع لان اني بلعراق بعدني  
لا تفكرررر بلمفقوووود كي لاتخسرررر  اااااالموجود

حسين الكرادي

غير متصل الفرج قريب

  • عضو فعال
  • **
  • مشاركة: 48

غير متصل ابن الحله

  • مبدع قسم الهجرة
  • عضو مميز
  • *
  • مشاركة: 1497
  • الجنس: ذكر

ابـــــــن الحـــــــله

غير متصل ArUsH

  • عضو مميز
  • ****
  • مشاركة: 1269
  • الجنس: أنثى
  • ربــي يسر ولاتعسر
السلام عليكم اخي


عندي سؤال بالنسبه لعمولة الوسترن يونين
حضرتك ذكرت بالموضوع العموله قليله
في حين لو تجي للواقع وقبل يومين سألنه طلبو 7-8% عموله على المبلغ !!!
يعني عموله عاليه
لكن بغض النضر عن العموله
هل الويسترن يونين تحويل باليد بعيداً عن انضار الحكومه ؟؟؟


سؤال ثاني بالنسبه لمكتب الطيف
ايضاً اتصلنه بيهم قبل يومين
وكالو شرط التحويل ان مستلم المبلغ في اميركا يكون عنده حساب بالبنك !!!
يعني اعتقد بهذي الحاله ميصير التحويل باليد !!!
صح ؟؟

غير متصل uae123

  • عضو فعال جدا
  • ***
  • مشاركة: 544
السلام عليكم اخويه حسين بالنسبه للصندوق بالبنك انا فاتحه صندوق بالبنك اصغر صندوق سعره 30 دولار بالسنه اغلب الناس حاطه صندوق مو بس علمود الفلوس كلشي حتى ذهب واوراق مهمه وعادي تكدر جكد ما تريد تحط فلوس لان اكو  غرفه تكعد بيها لوحدك وتحط كلشي بيها وهاي الغرفه المكان الوحيد الي ما بيها كاميرا  وتكعد جكد من تريد من وقت فطمن اخويه واي استفسار انا حاضره

غير متصل الفرج قريب

  • عضو فعال
  • **
  • مشاركة: 48
الله يطمنج اختنا. يعني اني شكد مااخلي فلوس عادي محد يعرف. بس هسه مشكله تحويل المبلغ من شركه الطيف لازم أكو واحد عنده حساب بالبنك مأكو تسليم باليد مثل مذكر الأخ. بله هاي شلون مصيبه كلساع يطلعنا شيء 

غير متصل احمدمالك

  • عضو مميز جدا
  • *****
  • مشاركة: 2819
  • الجنس: ذكر
بارك الله بيكم اخوان على هاي المعلومات القيمه
تحياتي

غير متصل hussein a

  • عضو فعال جدا
  • ***
  • مشاركة: 196
السلام عليكم اخواني واخواتي الاعزاء 
اولا اعتذر بلتاخير على اجابتكم بس والله 
مشغول شويه ومكدرت افتح نت اما بلنسبه 
لاسئلتكم اني خلال هاي الفتره الاخت العزيزه
ام ساره رادت مني اساعدها بان تجد شركه تحول
من خلالها وبعد الاتصال بلشركات هسه شويه شغله
امريكا صايره صعبه بعدالفيضانات الاخيره يعني
اني صاحبي بشركه اللطيف خابرته علمودالاخت ام ساره
كال والله حسين متوقفه صار الفيضان لحد الان هاي بلنسبه 
للحواله تسليم يد اما بلنسبه للوستر اعتقد كال موجوده 
والله شاهد اتصلت ب3 او 4 شركات الي عندي علاقه بيهم
اغلبهم ماعدهم هسه تسليم يد بس واحد وكلي حسين انتضرني
اني اخابرك اردلك خبر ما اعرف هسه شو صايره صعبه قبل 8 اشهر
جانت كلش سهله وعاديه علئ كلن هسه موجوده وستر وحواله بنكيه واكو 
شركه جديده اسمها مكرم مدري شنو هاي شغلها نفس الوستر بس يخابرني 
الولد يكلي موجوه راح انزل اسم الشركه والعنوان حتى الكل يستفاد 

اما بلنسبه لسوال الاخ على العموله لحواله الوستر اخويه العزيز شغل الحوالات 
هسه اشرحه الك بصريقه مختصره اصحاب شركات الصيرفه يخول عن طريق
شركه التحويل المالي واحتمال اكو صيرفات ماعدهم تهامل مع شركه تحويل مالي
عنده تعامل مع شركه صيرفه اخرئ والشركه الاخرئ عدها تعامل مع شركه تحويل مالي
فا انت خلي ابالك يعني راح تحول من شركه كل واحد يخلي عمولته وانت قيس اذا 3شركات خلت عموله
على الحواله اضافه الى عمولهالوستر فراح تصير هواي يعني مثلا ال500 دولار عموله الوستر 15 ابو التحويل
المالي يخلي اله 5 وابو الصيرفه 5 وابو صيرفه ثانيه الي عنده تعامل ويه هذا ابو الصيرفه هم 5 شكد صارت
هيجي عرفت شلون بينما اذا تحول من شركه تحويل مالي يكون ارخص يخلي بس 5 او 10 حسب الشركه وهكدا
فتصير عموله هوايه عليك واقلعمولهابو الشركه يخليها هيه 5 دولارات  هاي طريقه التحويل تكون بهذا الشكل
وحواله الوستر لا مو تسليم يد لان هايه الشركه رسميه واسمك ياخذو نفسه الي بلجواز مالتك وخاضعه للرقابه الحكوميه
وان شاء الله الكالكم احد يحويل حواله تسليم يد اني بلخدمه اخواني الاعزاء
لا تفكرررر بلمفقوووود كي لاتخسرررر  اااااالموجود

حسين الكرادي

abuihab

  • زائر
اخي حسين ممنونين منك على هذه المعلومات...
سؤالي بعد تحويل واستلام المبلغ .. شلون اكدر استفاد منه بدون مشاكل قطع المساعدات وو ؟ ...
يعني شراء سيارة او بيت او عمل مشروع .. لعد شنو فايدة الفلوس بس أظمها ؟؟!
والف شكر الحظرتك...

غير متصل hussein a

  • عضو فعال جدا
  • ***
  • مشاركة: 196
اخي العزيز truth والله صراحه اني حالي من حالك لان اني بعدني بغداد
واتمنى احد من الخوان ومن الذين لديهم خبره غي هذا المجال ان يساعدونه
كيف نكدر نشتري سياره او غراض بدون ما يتاثر برنامجالمساعدات ؟؟؟؟
لا تفكرررر بلمفقوووود كي لاتخسرررر  اااااالموجود

حسين الكرادي