Menu

المحرر موضوع: لاصحاب الخبرة والتجربة احتاج تغير ولايتي باي ولاية تنصحوني  (زيارة 2199 مرات)

0 الأعضاء و 1 ضيف يشاهدون هذا الموضوع.

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
مرحبا شباب شلونكم انشالله بخير رايد رايكم من اصحاب الخبرة واصحاب التجربة الي ساكنين بامريكا بمختلف الولايات رايد ارائكم حول افظل ولاية ومدينة احول بيه بلاول اشرحلكم ان وين ساكن وشنو الي اريده اني ساكن بولاية يوتا بمدينة سالت لايك ستي  صارلي 5 اشهر اجيت بالظبط يوم 12/9 هاي الولاية مال مسيحين مورمن يعني متديينين كلش واني سنجل وهاي اول شي متفيدني ثاني شي الشغل بيه زين بس الاجور قليلة تبدي من 7 وربع بالساعه السكن مالتي ب600$ بيه غرفة وحدة وهول ومطبخ الولاية امينة بس متشوف بيه ناس لا نادرا الحياه تنتهي ساعه 6 العصر نسبة البيض هنا 95% نسبة العرب والعراقيين كلش قليلة  بيه وسائل نقل باصات وقطارات طبع الجو كلش بارد وعالطول ثلج الشتى يبدي من شهر ال10 وينتهي شهر ال 5 يعني الصيف عدهم بس 4 اشهر مابيه بنيات ضخمة ولا بيه مولات بيه مولاين بس ستي كريك وجريت وي طبعا الضرائب على كل شي ياخذون علاكل والشرب والبس
الي اريده اني تقريبا حار ومكسب ورخيص هههههههه
اريد ولاية ضخمة وحلوة وبيه ناس هواي شلون بغداد وين متروح تشوف ناس وبكل الايام والاوقات الاجور بيه زينة والشغل متوفر الايجار مناسب بالنسبة لاجور العمل الامان بيه زين  الجو حلو تقريبا يعني لاكلش باردةمثل يوتا ولا عالطول تمطر  مثل واشنطن ديسي ..اني قريت هواي وشفت تكساس هيوستن  افظل شي ممكن تنصحوني شباب عن تجاربكم هم راح تفيدوني وهم تفيدون الي راح يقدم يختار اي ولاية واي مدينة

غير متصل Leroy Jethro Gibbs

  • عضو فعال جدا
  • ***
  • مشاركة: 223
  • الجنس: ذكر
  • أتبكي وربك الله ؟
السلام عليكم اخوية العزيز

اشرحلك حالتي , طبعا اني من متابعين المنتدى من اكثر من سنتين تقريبا وماسجلت وبقيت ضيف لان كانت اكو نماذج مسيئة جدا وماتحب الخير للناس وهسة الحمد لله الادارة خلصتنا منهم , طبعا مع وجود كم نموذج الى الان بس الحمد لله على كل حال , والسبب الاكبر اللي خلاني اسجل هو مدينة هيوستن في تكساس اللي دائما يتكلم عن مساوءها عضو اسمه ستيفن وللاسف محد صدكه والاغلبية شنوا هجمة ضده مع اني اقف معه في كل كلمة قالها بوصف هذه المدينة من وساخة وقذارة وحشرات وجو سيء جدا ورطب جدا , احكي لك قصتي مع هذه المدينة التي بقيت فيها فترة ثمان اشهر وهي من اسوء ايامي في امريكا , كنت ساكن في مجمع الكثيرين يقولون عنه انه جيد جدا ولكني تفاجأت يوم بعد يوم بالعنصرية به من قبل الامريكان الافارقة والمكسيكان ولم اجد به ماكنت اسمع بالمنتدى عن أبتسامات الشعب الامريكي في وجهك وعن مساعدتهم للناس في كل صغيرة وكبيرة وقلت يمكن هذا الوضع في مجمعي فقط ولكن لدي اصدقاء كثر في مجمعات اخرى وفي مختلف مناطق هيوستن واصدقائي تربطني بهم علاقة عائلية واستمعت الى تجاربهم واراءهم وجميعها كانت سلبية وكانوا يعانون من نفس مااعاني من قذارة ووساخة وحشرات من مختلف الانواع ومنها الصراصر والديدان التي ماانزل الله بها من سلطان ناهيك عن اسوء حشرة موجودة في امريكا وهي البيد بكس حشرة الفراش فهي تقريبا موجودة في كل مكان في هيوستن طبعا ماعدا الجزء الشمالي من المدينة المتمثل بمدن شوكر لاند وماجاورها والمباني الحديثة في الداون تاون , هذه الحشرة صدقني اسوء من الارهاب في العراق لانها اذا وصلت الى بيتك ستجعلك ترمي كل ماتمل من اثاث وادوات لكي تتخلص منها وليست هناك اي شركة مبيدات تعطيك ضمان كامل للتخلص منها وهي تكثر في الصيف وانا اجزم لك من خلال تجربتي ان اغلب مجمعات هيوستن بها هذه الحشرة وادارات المجمعات تكافح وتقاتل ضدها ولكن دائما ماارى ان الغالب دائما يكون هذه الحشرة وهي متواجدة في اغلب المناطق مثل الويست هايمر والهليكرافت والساوث والويست ساوث من المدينة , لذا نصيحة لله يااخي الكريم ابتعد عن هذه المدينة ولك ان تسأل الاخوة الاعضاء ستيفن عن كلامي والاخ ابو فرقان لانهم ساكنين الى الان في هيوستن ولااعلم كيف يتحملون الوضع اعانهم وساعدهم الله على بقاءهم هناك , وطبعا انا لم اتحدث لك عن العمل الى الان لاني لم اجد الفرص التي طالما تحدثوا عنها وقالوا انها موجودة في ولاية تكساس وجميع فرص العمل وجدت راتبها هو الحد الادنى وهذا قطعا لايكفي للايجار حتى , هذه نصيحتي لك ياسيدي ولك ان تختار وتسأل اكثر .



قبل أن تتفوه بأي كلمة غير لائقة , أعلم انك تتحدث بلسان ستة الالاف عام من الحضارة

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر

تسلم حبيب قلبي اني بعدني حاليا بيوتا واحول بشهر ال6 او 7 وراح اخذ راي اكثر الاعضاء هنا الي عايشين ونشوف وين نستقر  انشالله مو المشكلة الي اريدهن اني كلهن موجودات بتكساس وبعد ماعرف باقي ولايات ياريت ينصحونا الي ساكنين بامريكا
[/quote]

غير متصل slam hawk

  • عضو مميز جدا
  • *****
  • مشاركة: 4342
  • Engineer Slam Hawk
Engineer
Slam Hawk

غير متصل لازم نهاجر

  • عضو فعال جدا
  • ***
  • مشاركة: 185
والله اخوية دوختني .اني وجهتي الى يوتا ,اذا عندك تفاصيل اكثر عنها ياريت يعني عن الشغل والدراسة والمعيشة لان قلما اكو مواضيع عن هاي الولاية ولو اني مفكر من هسه على تغيرها والي ببالي دالاس تكساس بس هالقرار يكون بعدما ماالله يسهل ونوصل ويسهل الوصول للجميع .

غير متصل Ali leo

  • مبدع قسم الهجرة
  • عضو مميز
  • *
  • مشاركة: 1200
  • لا تعتمد على الكال والكلت عندك السان ورجلين تعبهن
اخوية وحبيبي الغالي بريزون المحترم
موضوعك حلو وهذا الشي يتبادر الى اي شخص اول ما يوصل الى امريكا ويفكر يبدي ايغير الوﻻية مالتة

نا راح احجيلك على تجربتي وية التغير من ولاية لوﻻية

 ما بين فرجينيا ومشيغان وكنتاكي واوهايو وتكساس

انا ﻻ اعطي اي نصيحة بالنسبة للشخص الي يريد ايحةل وﻻيتة والي اقصد بي الشخص الي عايش فترة بيها مو الشخص الي يجي اول اسبوع بامريكا ويريد ايحول
بس اكو نقاط على ضوءها انت تختار اتعوف وﻻيتك وتغير  هذا الكﻻم  اقصد بي الي ساكن فعلا بامريكا وحاب ايغير

1-  انت سنكل او عائلة
اذا جنت سنكل فنقلتك من وﻻية لوﻻية اتصير اسهل من نقلتك اذا جانت وياك عائلة ﻻن السنكل ايجيبها منا ايخليها منا يكدر ايدبر روحة وسوالي ابو العائلة شراح ايسوي اذا  الناس راوتة حنطة واجة لكاه شعير
ابو العائلة عندة ارتباطات اطفالة بمدارس او كليات او ناس كبار محتاجة رعاية وهاي نقلتهم نن مكان الى مكان تاخذ وقت طويل لمن مايرجع مثل ما جانوا متعودين علية بالولاية اﻻولى

2- شنو الي اخسرتة والي ماخسرتة
الي اقصد بي انت بشغل وجاي تشتغل  من اتحول تلكة نفس الشغل او اصعب من هذا الشغل او ماراح اتحصل شغل والدفع اشلون راح ايكون اقل او نفسة او اكثر
اجار السكن الي تدفعة ﻻزم تحسب احسابك اشكد جنت تدفع واشكد راح تدفع وهل سكنك قرب شغلك الجديد او ﻻ والسكن مالتك مريح او غير مريح يعني مقارنة بين االحالي والي راح تقدم علية
الناس الي ساكن يمها حاليا مساعدين عنصريين عصابات مخدارات ومن راح اتروح من هذولة الناس الي راح تكعد بالقرب منهم
الغة الي تستخدمها حاليا هل هيه مساعدة لك وطريقة تعامل الاشخاص الي بوﻻيتك من اتروح الغة مالتك راح تبقة اتساعدك وتصور الناس راح تفتهم شنو الي تريدة
وسيلة نقلك الحالية كان اتكون سيارة اتفكر اتبيعها او تشتري سيارة جديدة بالوﻻية الجديدة او نفسها تاخذها وياك وتفيدك اهناك
ﻻنشورنس الي تدفعة للسيارة والزب كود الي راح اتروح يمة غالي او رخيص واشكد تدفع بالشهر
هل توجد اسواق عربية او محلات حلال بالمكان الجديد او بالقرب منها
هل انت لديك اصدقاء او اقارب في الوﻻية الجديدة يمكن اﻻعتماد عليهم في حال ساء الحال

3- ارتباطك مع منظمتك
هل ستتوقع عند غلقك الكيس الي بوﻻيتك الحالية  سوف يفتح من جديد بالوﻻية الجديدة
 هل تتوقع المساعدات الي جاي تحصل عليها بوﻻيتك الحالية راح اتحصل نفسها او اقل او اكثر بالوﻻية الجديدة
هل التامين الصحي الذي لديك معمول به في الوﻻية الاخرى


4-اذا كت طالب كلية او معهد او برنامج عمل
هل تتوقع الكردت مالتك مال المواد راح ينقل او تقبلة الكلية الي رايح الها
هل تتوقع البرنامج الي جاي تدرس علية متوفر بهاي الكلية الي بوﻻيتك
هل الفاينيشل ايد  مسموحلك بهاي الوﻻية
سعر الكردت بين مادة ومادة بين الوﻻية القديمة والحديثة
هل المساعدات الي جاي تاخذها  من تدخل بكلية جديدة راح تيقى او راح تنكطع

5 - اذا كنت متزوج وزوجتك محجبة
هل تتوقع ان زوجتك سوف ترتاح نفسيا بهاي الوﻻية
هل تتوقع زوجتك راح  يعارض عليها ﻻرتدائها الحجاب
هل تتوقع زوجتك راح تلكة جميع ممتلزمات المراءة المحجبة بالاسواق الي بوﻻيتك
هل تتوقع زوجتك راح اتحصل شغل بهذا المكان  بسبب الحجاب

اتمنى من اﻻخوان  فهمي لذكر الحجاب و3 حالات انا جنت حاضرها بسبب امراءة محجبة ومضايقة الناس لهم لارتدئها الحجاب وبالخصوص في وﻻية تكساس مدينة اوستن مستشفى دل بوصفها زوجة اسامة ابن ﻻدن وعدم مساعدتها وهاي السالفة سالفة طويلة مو وكتها ﻻن صارت طكني واطكك بذاك اليوم ليس الشجار على اﻻسلام والحجاب بل على تعامل امريكا والانسانية المعدومة لدى بعض اﻻشخاص الي هم فئة قليلة فاهمة موضوع الحجاب بالغلط

6- المناخ
تكدر تتحمل البرد
تكدر تتحمل الثلج
تكدر تتحمل الشرجي
كدر تتحمل المطر
هل هية وﻻية حارة او باردة

النقاط الي ذكرت اعلاه هيه اسباب الواحد ﻻزم ايخليها كدامة ويباوع عليها ويحسب بورقة وقلم وحدة وحدة قبل ﻻ تسافر او تنوي تجي وتحسبها عدل شنو جان وضعك قبل وشنو وضعك راح ايصير من اتحول
لا تخلي العواطف تسيطر عليك والحنية وميخالف الله كريم ونعمة يالله بس ﻻزم تنحسب عدل يالله تخطي هاي الخطوة
انا الي الي ايريد يجي وينتقل على سبيل المثال الى تكساس ما راح اشرحلة واكلة اتخبل وام الفرص  بس تعال وبعدين يجي وما عجبتة وانا اطلع بالوجه اﻻسود ومذموم ﻻن قشمرتني ا
ما اذم الوﻻية الي عايش بيها واسويها باب الشرجي ايجوز الي يجي راح ايشوفها هوه هذا المكان الي يحب يستقر بي

النسبة الى الاخوان الي موجودين بالعراق والي على ابواب سفر والي ما مفكرين بولايتهم  اي شي راح يختارون اتمنى يطلعون على هاي النقاط والي هيه ايجوز قليلة من مجموعة اسئلة بذهنهم بس انا اسف هاي اهم النقاط الي واحد يحسبها بالحسبان ويختار الوﻻية الي يريد ايروحلها
وبالنسبة الى اﻻخوان الي راح ايسافرون والوﻻية الي راح يرحولها مايردونها ويريد ايغيرون بالمطار من يوصلون فهذا موضوع اخر يطيل شرحة بس راح تنزل عنه مواضيع

اشكرك اخي بريزون على اتاحة الفرصة وعلى هذا الموضوع الحلو واتمنى اكون وصلتلك فكرة عن التحويل حتة تكون مستعد الها منين ماتدور وما تطيح بخطء التحويل والخسارة

تقبل مروري ومشاركتي
اخوك
علي ليو -تكساس اوستن

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
والله اخوية دوختني .اني وجهتي الى يوتا ,اذا عندك تفاصيل اكثر عنها ياريت يعني عن الشغل والدراسة والمعيشة لان قلما اكو مواضيع عن هاي الولاية ولو اني مفكر من هسه على تغيرها والي ببالي دالاس تكساس بس هالقرار يكون بعدما ماالله يسهل ونوصل ويسهل الوصول للجميع .

عيوني  انته الشغل بيه متوفر وهواي بس الاجور قليلة تبدي من 7 وربع وحسب نوع الشغل بالنسبة للدراسة فماعندي معلومات بصراحة لان اني مقدمت على دراسة مجرد سجلوني بمدرسة تعليم لغة انكليزية مال لاجئين على حساب الدولة بالنسبة للسكن الايجارات تبدي من 600$ وانته صاعد حسب نوع المكان وحسب نوع مجمع نفسه الي ب600 يكون مال سنجل يعني غرفة وهول صغير ومطبخ وحمام  واذا تريد غرفتين وعندك عائلة اكيد راح يكون الايجار اغلى تقريبا 800$ وحسب نوع المكان والمجمع الولاية امينة جدااا ومابيه عصابات ولا اي شي ومابيه تفرقة ولاعنصرية الاغلبية هنا بيض ويساعدون بكل شي بالنسبة للمعيشة فالاكل والشرب تقريبا مناسب بالنسبة لاجور العمل الولاية محافظة جدا تفيد الي عندة عائلة واطفال اني سنجل بصراحة متفيدني اريد ونسة وشغل بنفس الوقت وبيوتا ماكو ونسة بصراحة بس شغل واكل ونوم وانته براحتك بعد حبي واقرة ردود الاعضاء وانشالله يفيدونة باي ولاية زينة

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
اخوية وحبيبي الغالي بريزون المحترم
موضوعك حلو وهذا الشي يتبادر الى اي شخص اول ما يوصل الى امريكا ويفكر يبدي ايغير الوﻻية مالتة

نا راح احجيلك على تجربتي وية التغير من ولاية لوﻻية

 ما بين فرجينيا ومشيغان وكنتاكي واوهايو وتكساس

انا ﻻ اعطي اي نصيحة بالنسبة للشخص الي يريد ايحةل وﻻيتة والي اقصد بي الشخص الي عايش فترة بيها مو الشخص الي يجي اول اسبوع بامريكا ويريد ايحول
بس اكو نقاط على ضوءها انت تختار اتعوف وﻻيتك وتغير  هذا الكﻻم  اقصد بي الي ساكن فعلا بامريكا وحاب ايغير

1-  انت سنكل او عائلة
اذا جنت سنكل فنقلتك من وﻻية لوﻻية اتصير اسهل من نقلتك اذا جانت وياك عائلة ﻻن السنكل ايجيبها منا ايخليها منا يكدر ايدبر روحة وسوالي ابو العائلة شراح ايسوي اذا  الناس راوتة حنطة واجة لكاه شعير
ابو العائلة عندة ارتباطات اطفالة بمدارس او كليات او ناس كبار محتاجة رعاية وهاي نقلتهم نن مكان الى مكان تاخذ وقت طويل لمن مايرجع مثل ما جانوا متعودين علية بالولاية اﻻولى

2- شنو الي اخسرتة والي ماخسرتة
الي اقصد بي انت بشغل وجاي تشتغل  من اتحول تلكة نفس الشغل او اصعب من هذا الشغل او ماراح اتحصل شغل والدفع اشلون راح ايكون اقل او نفسة او اكثر
اجار السكن الي تدفعة ﻻزم تحسب احسابك اشكد جنت تدفع واشكد راح تدفع وهل سكنك قرب شغلك الجديد او ﻻ والسكن مالتك مريح او غير مريح يعني مقارنة بين االحالي والي راح تقدم علية
الناس الي ساكن يمها حاليا مساعدين عنصريين عصابات مخدارات ومن راح اتروح من هذولة الناس الي راح تكعد بالقرب منهم
الغة الي تستخدمها حاليا هل هيه مساعدة لك وطريقة تعامل الاشخاص الي بوﻻيتك من اتروح الغة مالتك راح تبقة اتساعدك وتصور الناس راح تفتهم شنو الي تريدة
وسيلة نقلك الحالية كان اتكون سيارة اتفكر اتبيعها او تشتري سيارة جديدة بالوﻻية الجديدة او نفسها تاخذها وياك وتفيدك اهناك
ﻻنشورنس الي تدفعة للسيارة والزب كود الي راح اتروح يمة غالي او رخيص واشكد تدفع بالشهر
هل توجد اسواق عربية او محلات حلال بالمكان الجديد او بالقرب منها
هل انت لديك اصدقاء او اقارب في الوﻻية الجديدة يمكن اﻻعتماد عليهم في حال ساء الحال

3- ارتباطك مع منظمتك
هل ستتوقع عند غلقك الكيس الي بوﻻيتك الحالية  سوف يفتح من جديد بالوﻻية الجديدة
 هل تتوقع المساعدات الي جاي تحصل عليها بوﻻيتك الحالية راح اتحصل نفسها او اقل او اكثر بالوﻻية الجديدة
هل التامين الصحي الذي لديك معمول به في الوﻻية الاخرى


4-اذا كت طالب كلية او معهد او برنامج عمل
هل تتوقع الكردت مالتك مال المواد راح ينقل او تقبلة الكلية الي رايح الها
هل تتوقع البرنامج الي جاي تدرس علية متوفر بهاي الكلية الي بوﻻيتك
هل الفاينيشل ايد  مسموحلك بهاي الوﻻية
سعر الكردت بين مادة ومادة بين الوﻻية القديمة والحديثة
هل المساعدات الي جاي تاخذها  من تدخل بكلية جديدة راح تيقى او راح تنكطع

5 - اذا كنت متزوج وزوجتك محجبة
هل تتوقع ان زوجتك سوف ترتاح نفسيا بهاي الوﻻية
هل تتوقع زوجتك راح  يعارض عليها ﻻرتدائها الحجاب
هل تتوقع زوجتك راح تلكة جميع ممتلزمات المراءة المحجبة بالاسواق الي بوﻻيتك
هل تتوقع زوجتك راح اتحصل شغل بهذا المكان  بسبب الحجاب

اتمنى من اﻻخوان  فهمي لذكر الحجاب و3 حالات انا جنت حاضرها بسبب امراءة محجبة ومضايقة الناس لهم لارتدئها الحجاب وبالخصوص في وﻻية تكساس مدينة اوستن مستشفى دل بوصفها زوجة اسامة ابن ﻻدن وعدم مساعدتها وهاي السالفة سالفة طويلة مو وكتها ﻻن صارت طكني واطكك بذاك اليوم ليس الشجار على اﻻسلام والحجاب بل على تعامل امريكا والانسانية المعدومة لدى بعض اﻻشخاص الي هم فئة قليلة فاهمة موضوع الحجاب بالغلط

6- المناخ
تكدر تتحمل البرد
تكدر تتحمل الثلج
تكدر تتحمل الشرجي
كدر تتحمل المطر
هل هية وﻻية حارة او باردة

النقاط الي ذكرت اعلاه هيه اسباب الواحد ﻻزم ايخليها كدامة ويباوع عليها ويحسب بورقة وقلم وحدة وحدة قبل ﻻ تسافر او تنوي تجي وتحسبها عدل شنو جان وضعك قبل وشنو وضعك راح ايصير من اتحول
لا تخلي العواطف تسيطر عليك والحنية وميخالف الله كريم ونعمة يالله بس ﻻزم تنحسب عدل يالله تخطي هاي الخطوة
انا الي الي ايريد يجي وينتقل على سبيل المثال الى تكساس ما راح اشرحلة واكلة اتخبل وام الفرص  بس تعال وبعدين يجي وما عجبتة وانا اطلع بالوجه اﻻسود ومذموم ﻻن قشمرتني ا
ما اذم الوﻻية الي عايش بيها واسويها باب الشرجي ايجوز الي يجي راح ايشوفها هوه هذا المكان الي يحب يستقر بي

النسبة الى الاخوان الي موجودين بالعراق والي على ابواب سفر والي ما مفكرين بولايتهم  اي شي راح يختارون اتمنى يطلعون على هاي النقاط والي هيه ايجوز قليلة من مجموعة اسئلة بذهنهم بس انا اسف هاي اهم النقاط الي واحد يحسبها بالحسبان ويختار الوﻻية الي يريد ايروحلها
وبالنسبة الى اﻻخوان الي راح ايسافرون والوﻻية الي راح يرحولها مايردونها ويريد ايغيرون بالمطار من يوصلون فهذا موضوع اخر يطيل شرحة بس راح تنزل عنه مواضيع

اشكرك اخي بريزون على اتاحة الفرصة وعلى هذا الموضوع الحلو واتمنى اكون وصلتلك فكرة عن التحويل حتة تكون مستعد الها منين ماتدور وما تطيح بخطء التحويل والخسارة

تقبل مروري ومشاركتي
اخوك
علي ليو -تكساس اوستن


تسلم حبي على الشرح الوافي كفيت وفيت واتمنى من الكل يشاركون حتى يفيدون الاعضاء والزائرين ويعرفون يختارون اي ولاية بامريكا تفيدهم وياريت كل واحد يذكر ولايته ويذكر محاسنهه وسيئاتهه حتى تبقى حسب الشخص هو الي يختار الي تفيده مثلا اكو عوائل متريد ولايات منفتخة تفيدهم ولايتي هاي يوتا وبالنسبة الي اعزب واكو غيري متفيدهم ولايتي يوتا لان يردون ونسة وشغل لان بس شغل بصراحة اطك روحك من الضوجة عموما ترة هي كل الولايات حلوة مقارنة بالعراق فمستحيل المقارنة بس احنة نريد نختار الافظل وحسب رغبة كل انسان شخص يفظل ولاية هادئة وشخص يفظل ولاية مزدحمة يعني حسب طبيعه كل واحد شنو يحب ويكره واشكرك حبي على شرحك الوااافي ومعلوماتة القيمه

غير متصل لازم نهاجر

  • عضو فعال جدا
  • ***
  • مشاركة: 185
والله اني صديقي هماتين سنكل وشفت الداون تاون باليوتيوب بصراحة مدينة صدك خالية على حجايتك .واني مقرر ومثل مكتلك القرار يكون بعد الوصول لان مااريد من هسه احكم بس هيج والله حاس بهالشي. والشتا طويل بيها وهي كلها يوتا حسب مقريت عنها مليون ونص .وبصراحة مثل مكتلك الي ببالي دالاس او فورت ورث بس ان شالله من بعد مااوصل واستقر فترة ازور هاس المناطق ونشوف .لان الشغل اهم شي بالولاية . وتكدر تشوف هذا الرابط الي من خلاله تقارن المدن الي بيها او تفكر تروحلها بس تكتب اسم الدينة وهو ينطيك الايجارات والميعيشة بيها تبقى اذا تريد تشوفها مدينة حلوة لو لا تبحث عنها واذا انت هناك الافضل تزورها والله يسهل بمنطقة حلوة وتستقر بيها.واعتقد الي ببالك هو الي ببالي لان اني عشت فترة بماليزيا ومكدرت اعيش الا بالعاصمة لان حلوة ومزردحمة وونسة وبيها اكثر من مكان تروح عليه بقطار ومن هالشي .

http://www.areavibes.com/

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
والله اني صديقي هماتين سنكل وشفت الداون تاون باليوتيوب بصراحة مدينة صدك خالية على حجايتك .واني مقرر ومثل مكتلك القرار يكون بعد الوصول لان مااريد من هسه احكم بس هيج والله حاس بهالشي. والشتا طويل بيها وهي كلها يوتا حسب مقريت عنها مليون ونص .وبصراحة مثل مكتلك الي ببالي دالاس او فورت ورث بس ان شالله من بعد مااوصل واستقر فترة ازور هاس المناطق ونشوف .لان الشغل اهم شي بالولاية . وتكدر تشوف هذا الرابط الي من خلاله تقارن المدن الي بيها او تفكر تروحلها بس تكتب اسم الدينة وهو ينطيك الايجارات والميعيشة بيها تبقى اذا تريد تشوفها مدينة حلوة لو لا تبحث عنها واذا انت هناك الافضل تزورها والله يسهل بمنطقة حلوة وتستقر بيها.واعتقد الي ببالك هو الي ببالي لان اني عشت فترة بماليزيا ومكدرت اعيش الا بالعاصمة لان حلوة ومزردحمة وونسة وبيها اكثر من مكان تروح عليه بقطار ومن هالشي .

http://www.areavibes.com/

تسلم حبي على الرابط اتمنى تغير ولايتك قبل متوصل حتى المساعدات متنكطع عليك لان اذا تجي هنا فترة وتحول ولاية المساعدات تنكطع لو تحول من اول ايام توصل لو راسا قبل لاتوصل تحول ولايتك واذا انته سنجل نصيحة من اخووك لاتجي ليوتا ابدد حتى الناس الي عايشة بيه هنا اول سؤال تسئلني ليش اجيت هنا لان ولاية كئيبة ومو حلوة فكتلهم اجيت لان اخوية هنا وبصراحة تورطت لان كئيبة جدااااا تصور يوتا تقريبا بكد مساحة العراق او اقل بشوية كل سكانهه 3 ملايين فوزعها بعقلك 3 ملايين على طول مساحة العراق ؟؟؟ يعني نادرا تشوف بشر بينما بغداد وحدها 7 مليون واني اريد هيجي ولايات ضخمة مثل هيوستن 9 مليون

غير متصل aljaderi11

  • عضو فعال جدا
  • ***
  • مشاركة: 283
الاخ علي ليو كال تقريبا كل الي اريد احجيه
أخي انت صريح و تعرف شنو تريد
حار و مكسب و رخيص
ههههههههههههههههههه

ما اعرف و ما عندي اي معلومة دقيقة حتى افيدك بس يمكن ميامي فلوردا أو سان انتونيو تكساس او سان دييغو كالفورنيا مدن معتدلة الجو و بيهة اغلب الموصفات الي تريدهة
و اذا تريد تجي لميشغان ديربورن اهلا و سهلا بس باردة و ثلج من شهر 11 الى شهر 3 بس اذا اجاجك الصيف رائعة جدا و اذا تحب اسولفلك عليهة
و على عناد علي ليو الي عافنة و طفر لهيوستن تكساس
هههههههه


تحياتي

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
الاخ علي ليو كال تقريبا كل الي اريد احجيه
أخي انت صريح و تعرف شنو تريد
حار و مكسب و رخيص
ههههههههههههههههههه

ما اعرف و ما عندي اي معلومة دقيقة حتى افيدك بس يمكن ميامي فلوردا أو سان انتونيو تكساس او سان دييغو كالفورنيا مدن معتدلة الجو و بيهة اغلب الموصفات الي تريدهة
و اذا تريد تجي لميشغان ديربورن اهلا و سهلا بس باردة و ثلج من شهر 11 الى شهر 3 بس اذا اجاجك الصيف رائعة جدا و اذا تحب اسولفلك عليهة
و على عناد علي ليو الي عافنة و طفر لهيوستن تكساس
هههههههه


تحياتي

تسلم حبيب قلبي يكفي مرورك عالموضوع والله الصراحة اهم شي حتى ناس تعرف شنو اريد وبالمقابل حتى الي يريد يجي او يغير ولاية هم يعرف شنو يريد وبدون خجل ومستحى مابيه شي هاي حياته ولازم يختار الي يريدة ..ويسلم راسك وردة اني صاحبي بميشغن ديتريوت وهم من اقرى عليه بلانترنت اخطر مدينة بامريكا ولاعبالك ناس عايشة بيه بالملايين مثل من يوصفون هيوستن بتكساس يكولون كله عصابات ادري قابل اني بالعراق ماكو قانون بس كلمن وحسب منطقة سكنة الي جان عايش بيهه اكيد راح ينقل صورة المجمع والمدينة الساكن بيهه

غير متصل alialiali10099

  • عضو مميز
  • ****
  • مشاركة: 1473
  • الجنس: ذكر
  • الحمد لله رب العالمين
بريزن حبيبي
اني نصيحتي الك ولاية بيها شغل ونسة وناس بالشوارع وشيء خرافي وبنايات وكل مايدعوا الى الونسه والفرفشه  بس شغله وحده مابيها بس بحر مابيها
بس كلشيء حلو بيها وتخبل والجو يخبل مو طبيعي
اتوكل وتعال فيكس تفيدك شغل ونسه ومال شباب
اروع واحى ولاية شفته لغاية الان هي لاس فيكس وتحياتي للشباب وهم يعرفوني هسه اكيد
بس اني صراحه ماتفيدني لان حجي ههههه
تحياتي اخوكم علي
لاس فيكاس اروع ولاية من ناحيه العمل الجو والونسه والجمال والنظافه ممتازه جدا للاعزب فقط طبعا
سُئل علي أبن أبي طالب عليه السلام
كم صديق لك ..؟ قال لا أدري الآن
لأن الدنيا مُقبلة عليّ
والناس كلهم أصدقائي
وإنما أعرف ذلك إذا أدبرت عنيّ
فخير الأصدقاء من أقبل إذا أدبر الزمان عنك

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
بريزن حبيبي
اني نصيحتي الك ولاية بيها شغل ونسة وناس بالشوارع وشيء خرافي وبنايات وكل مايدعوا الى الونسه والفرفشه  بس شغله وحده مابيها بس بحر مابيها
بس كلشيء حلو بيها وتخبل والجو يخبل مو طبيعي
اتوكل وتعال فيكس تفيدك شغل ونسه ومال شباب
اروع واحى ولاية شفته لغاية الان هي لاس فيكس وتحياتي للشباب وهم يعرفوني هسه اكيد
بس اني صراحه ماتفيدني لان حجي ههههه
تحياتي اخوكم علي
لاس فيكاس اروع ولاية من ناحيه العمل الجو والونسه والجمال والنظافه ممتازه جدا للاعزب فقط طبعا

تسلم حبي والله بصراحة اني رحتله قبل شهر وشفته كلش حلوة وتخبل بس ماعرف شغل مابيه بس تنضيف بفنادق واني استحي اشغل منظف بصراحة بس هية بالي الوﻻية ﻻن كلش عجبتني

غير متصل Ali leo

  • مبدع قسم الهجرة
  • عضو مميز
  • *
  • مشاركة: 1200
  • لا تعتمد على الكال والكلت عندك السان ورجلين تعبهن
اخوية الجادري البرد بمشيغان ما اتحملة ما اكدر والله ما اكدر مو بيدي هههههههه هنوب المصيبة بتكساس حارة راح ارجع اشوفلي وﻻية باردة معتدلة صيفا وارجع اشوفها واكضي بيها لللشتا

غير متصل ĈAŃDŶ

  • اداري
  • عضو مميز متقدم
  • ***
  • مشاركة: 6243
  • الجنس: أنثى
  • كيف يكون للمستحيل معنى ؟! ولنا رب يقول كن فيكون
فعلا مشيكان باردة هليوم عظامي  كلها توجعني من البرد  :'(


VOICE     أنـــــــت رح تــــــكون     THE

عذرا لمن لاأعجبهم فمهارة ذو الوجهين لا أتقنها...!!!

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
منورين شباب وشكرا على ردودكم الحلوة وننتظر من البقية يشاركونة بالموضوع حتى تعم الفائدة للجميع انشالله
 :-* :-* :-* :-* :-* :-* :-* :-* :-* :-* :-* :-* :-* :-* :-*

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
يابة وينهم جماعه الخبرة وينهم سكنة امريكا اشو ماكو ممكن تفيدونة بولاياتكم الحلوة

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
شنو جماعه اميركا محد عنده وقت يدخل للمنتدى يمكن ويجاوب حقهم لان اني اقدر ضروفهم الله يساعدهم اتمنالهم الموفقية بحياتهم

متصل steven_siv

  • مبدع قسم الهجرة
  • عضو مميز جدا
  • *
  • مشاركة: 3821
  • الجنس: ذكر
  • لايهمني الحقراء من الناس لاني اخدم الشرفاء منهم
ماانصحك بهيوستن
مدينة اتعبك
الناس مو خوش ناس
الجو مينراد
مو نظيفة بكل المعايير
واني من كتبت
كتبت عن تجربة
شفت بعيني محد كلي
الي يزعل وميريد نصيحة مشكلتهة
اللي عليه سويته
مدينة مليانة منافقين
وخصوصا العراقيين
عنده مصلحة يمك انته حبيبة
معندة شي يمك ميعرفك
تسويلة شي حبيبك
متسويلة شي
يمسحك من حياتة
واسماء كثيرة ساذكرها لاحقا بموضوع منفرد
اسماء لاعضاء من عنكاوا وتجربتي معهم باللي سوه معي وكيفية تعاملهم معي
لاني بيوم قلت لا
يعني من الاخير لازم دوم تكول بهيوستن حاضر
نعم
تدلل
اذ بيوم داس واحد ابطنك وتكول لا
تنمسح من حياتهم
وانتة جاي تدور عراقيين وماعرف شنو
عمي 90% مصلحجية
منافقين
ميستحون
مع احترامي لل 10% الموجودين بكل مكان بالعالم الطيبين
ولد الحلال
اللي حليبهم طاهر
والراي بالاخير يعود الك

' LEONA
متى سيموت الجلاد لكي اعود لبلدي

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
ماانصحك بهيوستن
مدينة اتعبك
الناس مو خوش ناس
الجو مينراد
مو نظيفة بكل المعايير
واني من كتبت
كتبت عن تجربة
شفت بعيني محد كلي
الي يزعل وميريد نصيحة مشكلتهة
اللي عليه سويته
مدينة مليانة منافقين
وخصوصا العراقيين
عنده مصلحة يمك انته حبيبة
معندة شي يمك ميعرفك
تسويلة شي حبيبك
متسويلة شي
يمسحك من حياتة
واسماء كثيرة ساذكرها لاحقا بموضوع منفرد
اسماء لاعضاء من عنكاوا وتجربتي معهم باللي سوه معي وكيفية تعاملهم معي
لاني بيوم قلت لا
يعني من الاخير لازم دوم تكول بهيوستن حاضر
نعم
تدلل
اذ بيوم داس واحد ابطنك وتكول لا
تنمسح من حياتهم
وانتة جاي تدور عراقيين وماعرف شنو
عمي 90% مصلحجية
منافقين
ميستحون
مع احترامي لل 10% الموجودين بكل مكان بالعالم الطيبين
ولد الحلال
اللي حليبهم طاهر
والراي بالاخير يعود الك


تسلم حبيب قلبي وشكرا علرد واسف تاخرت يالة جاوبتك بس والله تعرف هنا الحياه تشغلك بالنسبة الي اني مادور عراقيين بالعكس وحتى المكسيكان ماحبهم وجاي اشوف هنا ينصحوني الي مجربين الولايات منو افظل ولاية طبعا حسب رغبتي اني لان كل واحد يفضل شي اني احب الهوسة غيري يحب الهدوء اني احب الحر غيري يحب البرد فتعرف كل واحد ويحب شي اني ذكرت مواصفات واريد اشوف باي ولاية راح احصلهن هذني حتى انتقل الهه

غير متصل ابو علاوي

  • عضو فعال جدا
  • ***
  • مشاركة: 504
  • الجنس: ذكر
تحياتي للجميع انا مشكلت ولايتي مثل ولايتك انا اعيش في سكرمنتو باليل ماكو ناس تمشي بالنهار فقط في وقت دخول المدارس وخروج المدارس والشغل متوفر بيهة  لاكن اذا اتريد مدينة لا تنام فعليك في  لاس فيكـــــــــــــاس  هم شغل وهم ونسة بس اعتقد صيفهة يسلك تحياتي   الك وانشاء الله تنتقل الولاية اتعجبك وسلملي على المورمن  وذكرتني صديقي ايريد يزوج وحدة منهم اكلة ليش ايكول حتة من اكتلهة ما تشتكي علية هههههههه طبعا المورمن ما يحاربون وطائفة تحرم القتل اصلن مسالمين جدا
العفاف زينة الفقر والشكر زينة الغنى

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
تحياتي للجميع انا مشكلت ولايتي مثل ولايتك انا اعيش في سكرمنتو باليل ماكو ناس تمشي بالنهار فقط في وقت دخول المدارس وخروج المدارس والشغل متوفر بيهة  لاكن اذا اتريد مدينة لا تنام فعليك في  لاس فيكـــــــــــــاس  هم شغل وهم ونسة بس اعتقد صيفهة يسلك تحياتي   الك وانشاء الله تنتقل الولاية اتعجبك وسلملي على المورمن  وذكرتني صديقي ايريد يزوج وحدة منهم اكلة ليش ايكول حتة من اكتلهة ما تشتكي علية هههههههه طبعا المورمن ما يحاربون وطائفة تحرم القتل اصلن مسالمين جدا


هلا بيك حبي منوررر مشكلة وي هاي الولايات الكئيبة الي مابيهه بشر فيجاس كلش حلوة بس مشكلة شغل هناك بس تنظيف غرف بفنادق ماكو غير شغل لو توزع كارتات ههههههههههه اي المورمن كلش مسالمين ومحبوبين ويضحكون ويساعدون بس مشكلة اني سنجل مايفيدوني يعني افهمهه حبي شنو يعني سنجل ههههههههههههه

غير متصل hardihardi

  • عضو فعال جدا
  • ***
  • مشاركة: 618
يابة انتم ليش تتبطرون تكون بماين باقصى الشمال ولا تكون بتكساس هي كلها امريكا
هسة كمنا ندلل والله مدري شنو والله الجو تعبان والله ماعرف شنو
تكعدوا كافي المهم انتم باميركا وخلاص

غير متصل بريزن بريك

  • عضو فعال جدا
  • ***
  • مشاركة: 218
  • الجنس: ذكر
يابة انتم ليش تتبطرون تكون بماين باقصى الشمال ولا تكون بتكساس هي كلها امريكا
هسة كمنا ندلل والله مدري شنو والله الجو تعبان والله ماعرف شنو
تكعدوا كافي المهم انتم باميركا وخلاص
[/quote

هلا بيك حبي منورر شوف وردة احنة صح بامريكا والحمدلله وهالشي حلم حياتي بس امريكا 51 ولاية و300 مليون يعني شنو الي يجبرني اكعد بمكان مامرتاحله مثلا انته بالعراق والمكان معاجبك شنو الي يجبرك تبقى بيه غير تغير لغير منطقة او غير محافظة فاعتقد هذا الشي مابي غلط ولا تبطر ولا اي شي اني مجاي احجي على امريكا حتى تكول وصلت لهناك وكمت تتبطر بالعكس كل امريكا بالنسبة للعراق فهي جنة بس ارجع واكلك اني مامجبور اكعد بمكان مامرتاحله اكو هواي ولايات حلوة وجبيرة والانسان دائما يختار الافظل مثل مختاريت امريكا بلد الي افظل اعيش بيه اكدر اختار ولاية افظل من ولايتي وهذا طموح الانسان ومابي عيب وغلط واشكر مرورك حبي

 


 

Hämta Adobe Flash Player