اخي نيسان
عاشت افكارك وعاش قلمك واسلوبك النقدي الهزلي , لكن لا اعرف ليش الجماعة محد علق شنو مسويلك مقاطعة ... عاد مو كلنا عاش وعاش وانت هم تصير مثلهم وتنفش برشيك وتتكلم ويانا بالبوزات ومن ورى الميز ... هههههه ...
شخصيا الموضوع عجبني جدا , لكن اسمح لي ان اضيف او اعدله وحسب رؤيتي واعتقد سنكون قريبن جدا .
انا أقول أن تحققت المعجرة يجب حل الحكومة من رئيسها الى اخر واحد بالشليلة وكل واحد يروح البيته ... القادة الوطنيين الشرفاء من الجيش العراقي الي گلبهم عالوطن لحمايته يشكلون خلية امنية وطنية ويسدون الحدود ويه كل الجيران ... گومه حجار ولا هيجي جار .. أي نعم يسدون الحدود ويخرجون كل إيراني او سعودي او كويتي وگبل على الحدود .. لا لا حتى تكمل السالفه وتصفى الأمور ... كل من ينطي ولائه الهم يوضع بالسيارة ويوصلوه للحدود وينطوله كروة السيارة ويدزوه يم أولياء نعمته وروحه بلا رجعه ... وعندها يبقى العراقين الشرفاء الأصلاء الذين گلبهم وولائهم للعراق فقط ...
اهنا تجي المرحلة الحاسمة والمهمة التي يمكن البعض سيضحك او يقلل من شأنها ... لكن هي الحل ولا غير
1 - يقوم حماة الوطن من الجيش العراقي بأستدعاء الكفاءات العلمية المتمكنة ومن كل الأختصاصات العلمية والذين لم يشاركوا لا مع المقبور صدام وشلته ولا مع الحثالات الذين أتوا بعده , ويعطوهم المسؤولية الكاملة وبدون تدخل .
2 - تقوم هذه القياداة المدنية بتشكيل ادارات ولجان وكل حسب اختصاصها لتشخيص الخلل في كل المؤسسات والأحتياجات المطلوبة من خلال دراسات ميدانية .
3 - والحل الأهم والنقطة التي افكر بها
تقوم هذه القيادات بدعوة الكفاءاة ومن كل الأختصاصات من ابنائنا الذين ولدوا وترعرعوا في اميركا واورپا وكندا وأستراليا والذين اكثرهم يفور دمهم ويفرحون لفوز العراق بمبارة كرة القدم فشلون اذا سلموهم مسؤولية بناء العراق ... يسلموهم المسؤولية لمدة سنتان فقط نعم فقط سنتان من الأمن والأستقرار والحماية العسكرية وعمل مباشر ومنسق مع الكفاءاة العراقية ... وراح يشوف العراقيين الشغل الصحيح ... ووين راح يوصل العراق على ايدي وأفكار أبنائنا الذين ولدوا في بلد الكفر والكفار كما يسمونهم أصحاب اللحايا ....ههههه
ملاحظة بسيطة : - بثقة أقول ان أولادنا الشباب في اميركا وفي مشيكان مثلا او سانتياكو لا يوجد مؤسسة او منظمة حكومية لا يوجد فيها شخص من اب عراقي وبالأخص كلداني وحتى على مستوى العلاقة مع الرئاسة او الكونكرس ... اما المؤسسات المدنية والمعامل بكل أنواعها والسيطرة على الأقتصاد المحلي وبعناية وامتياز وتفوق مشهود له من اعلى المستويات .
حلم لا يتحقق لكن يبقى امل عسى ان يتحقق
محبتي