المحرر موضوع: نتمنى المشاركه من جميع الاعضاء... (زيارة 152244 مرات)

Ritta · « **في:** 17:04 14/06/2005 »

الموضوع هو عن التعارف للي يحب ان يعرف بنفسه و يذكر مختصر عن نفسه و اذا يحب بلد الاقامه والعمر
للتعرف على بعض اكثر واكثر وتكوين علاقات اخويه

واني الي راح ابدي بيها

ريتا عراقيه /بغداديه "ارمنيه" مقيمه بالمانيا عمري راح يصير يوم 25.12 .07 23 سنه من هواياتي اولا السباحه والغوص وبعدها قرأه الروايات الرومانسيه

اتمنى المشاركه من الكل ....

اختكم ريتا

Firass · « **رد #1 في:** 06:42 15/06/2005 »

هاي ريتا ..... فكرة حلوة .... ورح اكون الثاني

فراس نصرت .... عراقي كلداني بغدادي مغترب حاليا بولاية مشيغن الأمريكية ... عمري 22 سنة برج الدلو
هواياتي ... القراءة والسباحة والأنترنت ومشاهدة افلام الآكشن

اتمنى المشاركة من باقي الأعضاء

فراس

Ritta · « **رد #2 في:** 11:11 15/06/2005 »

هاي فروسي شكرا المشاركتك وسعيده هوايه بمعرفتك

اختك ريــــــــــــتا

mimirita · « **رد #3 في:** 16:46 17/06/2005 »

هاي ريتي

اني فيفيان عمري 26 متزوجه وعندي بنتين مريم وريتا مريم عمرها 6سنوات ونص ريتا راح اتصير 3 سنوات

عراقيه اثوريه مقيمه بل السويد.

Kompis · « **رد #4 في:** 20:33 17/06/2005 »

هالووووووووو ريتا شكراً على الموضوع .. أنا أسمي تعرفيه ... عمري 33 سنة بس .. عراقي آشوري بصرواي غير مقيم بس اعيش بالسويد .. متزوج وماعندي اطفال ..
هواياتي .. متعدد الطموحات لكني مدمن الكومبيوتر والأنترنيت بس للأمور المفيدة .. والعزف على الأورك .. سماع الموسيقة الكلاسيكي والرومانسي وووووووووووووووووو هواية أشياء .
و حبيبتي تعرفين اسمها .... عراقية أشورية بصراوية .. 27 سنة والحمد لله ..
هواياتها .. اول شيء انا .. متابعة الأفلام الأجنبية .. قراءة القصص الأنكليزية وووووو الدراسة ..

Ritta · « **رد #5 في:** 11:28 18/06/2005 »

اهلا بيكم يا ورود المنتدى وعاشت ايدكم عالمشاركه ونتمنى من الباقين المشاركه لنزيد من المحبه والصداقه بمنتدانا المفضل عنكاوا

اختكم ريتاااااا[/b]

evontoma · « **رد #6 في:** 04:33 26/06/2005 »

هاي ربتا .اني ايفون توما .مواليد3/2 متزوجة وعندي ولد اثنين سرمد 8 سنوات وسافيو3 سنوات واقيم في امريكا.

Ritta · « **رد #7 في:** 17:32 26/06/2005 »

اهلا بيج عزيزتي ايفون وربي يحفضلج ويحميلج سرمد وسافيو ويخليج الهم

سرمد دتلاحظ ام مريم عندها بنت اسمها ريتا على اسمي واختها عندها ولد اسمه سرمد على اسمك هذا دليل على انه همه يحبونه هوايه فسموهم على اسمنه مو بالله؟؟ هههههههههههههه

شكرا المشاركتج عزيزتي

Sermed · « **رد #8 في:** 19:37 26/06/2005 »

صدوك،جذب،اختي ريتا... اصلا احنا نخبل و حتى اسامينا هم ....اي شلون لعد ميسموهم علينا هههههههههه
لا من صدوك عندهم ذوق حلوا ابكلشي ...وخصوصا باختيار الاسماء لووووول

يعني حسب القوانين الهندسيه اني وانت اولاد خاله بل الاستعاضه .....
نضريه المستقيمات المتوازيه لصف السادس تذكريها !!!!!!!!!
اذا توازا مستقيمان حبابان ...وجاء مستقيم فضولي ليتحرش ويتوازا مع احدهما ...فانه غصبا عن الثاني قد توازا معه

شكرا اختي ام سرمد على طمئنتنا حول احوال ام مريم ....بس بدون حسد اكيد الضيوف شبعوا عزايم ..
دولمه ،برياني ،مقلوبه ،وكبب ......واني ابن الخايبه كاضيها على المعلبات و البيزا....ههههه

Ritta · « **رد #9 في:** 19:53 26/06/2005 »

هههههههههههههههههههههههههههههههههههههههه سررمد انت متجوز من هاي سوالفك اني بكل مره اكول لا هسه راح اصير اتعود على سوالفه واصير ما اضحك بعد من يكتب شي اشو هم كل ما اجي واقرء ردودك اخرب ضحك تالي وياك يعني؟؟ هههههههههههههههه

mimirita · « **رد #10 في:** 13:24 27/06/2005 »

هههههههه سرمد منين عرفت اني مسويا هل الاكلات شنو اشتميت الريحه ...

evontoma · « **رد #11 في:** 20:34 27/06/2005 »

هاي.اكول انتوا ما تجوزون من هاي سوالفكم مو راح يصير عندي ادمان على منتدى عنكاوى من وراكم .

Sermed · « **رد #12 في:** 23:22 27/06/2005 »

ها ملكا.... البنيه كفرت من كالت عندي باجيروا 2000 ...وانت فتحت اربع وياله ......ههههههه
لا دا اشاقه...لان هيه تعرف اسمك ...وانت هارب من وجه العداله وتخاف لتفضح سرك هههه وهم دا اشاقه والله اعلم

اويلي عليك ام مريم.....يعني هاي الاكلات كله مسويتها......
رجاء اخوي...بما اني حباب واحب اساعد الناس ...مره ثانيه من عندك عزومه اني مستعد اجي اساعدك في غسل
الصحون دون ماء او صابون ....واكون سعيد صدقني ...

mimirita · « **رد #13 في:** 12:36 28/06/2005 »

مو تدلل سرمد تعال واني اسويلك كل الاكلات الطيبه ....

بس بدون عسل الصحون

Sermed · « **رد #14 في:** 22:28 28/06/2005 »

الله يحفضك ام مريم .ويخليلك مريم وريتا وتفرحين بيهم ..وينطيك الصحه والعافيه وطبخين لاطفال اطفالهم انشالله
موا هذه السنه بس يجوز السنه القادمه اوالبعدها... اسويلي سفره للسويد...منوا يعرف الضروف....
بس عزيمتك واصله....وصدك الواحد يتشرف ويستمتع بمعرفتك وكذلك اخواتك العزيزات.

boqta · « **رد #15 في:** 00:11 01/07/2005 »

هاي اخت ريتا
اني هم اسمي ريتا عراقية بصراوية
عمري 21 سنة من مواليد برج الاسد
متزوجة و دا انتضر bayby بالطريق
هوايتي سماع الاغاني الهادئة

Sermed · « **رد #16 في:** 00:21 01/07/2005 »

تشرفنا اختي العزيزه ......وانشالله نسمع اخبار حلوه عن البيبي واكيد حيكون عضو حباب مثل امه ...
بس ما اوصيك على الاسم ...اذا ولد سميه سرمودي واذا بنيه سرموديه لوووووول

boqta · « **رد #17 في:** 00:44 01/07/2005 »

هههههههههه سرمودي بيهة مجال بس مو سرمودية لووووول شكرا سرمد على كلامك الحلو

emanyahya · « **رد #18 في:** 01:48 11/07/2005 »

هاي ريتا سوري على تاخري بس كنت دا اشوف ردود المشاركين وخاصتا واحد كلش انسعد بقرائتي ردودا .لاني اخرب ضحك وما انسى ابدا ردا مال ساندويج لووووو.والمعنى في قلب الشاعر المسكين هههههه

على كل حال .احب اشارك بلموضع الجميل وانا واعوذو من كلمة انا ههههه اسمي ايمان وينادوني ام وديع .من مواليد برج الحوت 11/3/1974 متزوجه وعندي ولد واحد الي هو وديع الورد طبعا عراقيه مقيمه في المانيا. من هواياتي السباحه وسفر .واحب ان يكون لدي الكثير الكثير من الاصدقاء الحقيقين بس للاسف الشديد ليس لدي ولا صديق حقيقي والي اقول عنه او عنها هذه صديقه فعلا يتضح لي انها قد صادقتني للمصلحه فقد واتمنى ان يكون كل عضو او عضوا في هذا المنتدا الجميل صديق لي . مع تحياتي ام وديع

abbas55 · « **رد #19 في:** 21:59 17/08/2005 »

هلوشباب شلونكم مشتاقلكم مرت عليه ايام اني بعيد عنكم عن جد حسيت بتعاسه

اني اسمي abbas55 عمري 34 سنه مامتزوج بس عني 6 ..................... عصافير حب ومتزوجين

وقبل كم يوم بيضو الأناث كل وحده جواها اربع بيضات واحسهم مثل ولدي لازم كل يوم اكعد وياهم

مرتين علمود اوكلهم واتفرج عليهم مقيم في القاهرة وانا من سكنه بغداد الكرادة وصارلي 9 سنوات برة

العراق وبالنسبه للأخت بوكتا ان شاء الله يجي ولي العهد بالسلامه وتشوفين ولد ولده

وان شاء الله يكون من الأبناء الصالحين .....................http://ها ريتا بعد اكو شي

ahmed · « **رد #20 في:** 10:13 29/08/2005 »

شكرا ريتا على الفكره الحلوه

انا احمد حسين عراقي ....دبلوم محاسبه مع ايقاف التنفيذ..... احب الموسيقى واعزف عود واحب الالات الايقاعيه واحب الخشبه والكاسوره العراقيه ...كل يوم وكل شهر في بلد مع الفرقه الموسيقيه وحاليا في سوريا .........عمري 28 سنه... غير متزوج ...احب الكمبيوتر والرياضه واحب ان اعيش بحريه واحب السفر واحب التعارف.....انا من برج الميزان

Ritta · « **رد #21 في:** 10:15 29/08/2005 »

شكرا عبوسي واخ احمد على مشاركتك الحلوه وانشاء الله تحقيق الاماني

مع تحيات عنكاوا كوم ....[/size][/color]

Loleeee · « **رد #22 في:** 01:03 01/09/2005 »

هاي اني جديدة بهذه الزاوية واحب اشارك

اني كلدانية اكيد عراقية اسمي مممممم لولي الحقيقي مو لولي عمري 24 سنة ما متورطة قصدي ما متزوجة اعيش بالعراق وبالضبط بكركوك واعمل معلمة اللغة الانكليزية برجي الثور واحب الاطفال كلش وهواياتي طبعا اول شي الانترنيت والقراءة والسفر للخارج لوووول واحب الاغاني الحزينة

Ritta · « **رد #23 في:** 11:15 01/09/2005 »

شكرا لولي وكارولين البغداديه على مشاكتكم الحلوه واتمنى من الرب ان يحقق الكم كل امانيكم ..

اختكم ريـــتا [/b]

rehan 8oda · « **رد #24 في:** 15:05 01/09/2005 »

الاسم: اني ريهان ابلحد عراقي من ناحية( القوش ) شمال محافظة نينوى ولكن اسكن في الموصل حاليا.

المواليد: 30 \ 5 \ 1987 برجي ( الجوزاء) خلصت السادس الاعدادي هال سنة ودا انتظر القبولات يا ويلي ههههه

الهواية: من اهم هواياتي التكلم بعدة لغات واحب الاستماع للاغاني العراقية القديمة

اخوكم ريهان

Ritta · « **رد #25 في:** 09:22 02/09/2005 »

شكرا اخ ريهان عالمشاركه واهلا بيك [/color] [/b] [/size]

duraidrofo · « **رد #26 في:** 15:02 03/09/2005 »

هاي انا جديد بهذه الزاوية

احب اشارك اسمي (دريد ) كلداني عراقي من مواليد 1989 و انا في عنكاوة

من هواياتي السفر والسياحة

شكرا

Ritta · « **رد #27 في:** 15:19 03/09/2005 »

اهلا وسهلا بيك دريد نوت المنتدى بأنظمامك الينا ...[/color]

walaa · « **رد #28 في:** 06:33 05/09/2005 »

هاي
ولو اني دا اشارك بالمواضيع قبل لا اعرف بنفسي هسه حبيت اعرفكم بنفسي واتمنى ان اكون صديقة الكموان شاءلله اشارككم دائما
اني اسمي ولاء والدلع لولو من العراق طبعا ما احب اكول الطائفة لان من نكول يا طائفة معناه دنسوي فرق
العمر 27 سنة اعمل حاليا موظفة في احد مراكز الانترنيت في الموصل
من هواياتي طبعا واكيد هو التصفح بالانترنيت وسماع الموسيقى الهادئة
مع تحياتي لكل الاصدقاء في الموقع

RoOoVi · « **رد #29 في:** 09:05 05/09/2005 »

هاي ريتا شكرا على الموضوع وردة
وهاي شباب كلكم ... ما دام لولي شاركت اني هم اشارك ... لوووووول

اني اسمي روفان واسمي الدلع روفي .
من مواليد 1983/11/1 ، برجي هو العقرب ... يعني مصيبة
مقيم في السويد و غير متزوج اكيد ... اعيش ويا اهلي يعني ...

دا اكمل دراستي هسه ونشوف وين نوصل .. لووووووول
هوايتي هي كرة القدم ، الرقص ، مطالعة الكتب وخاصة كتب الرومانسية ...

مع تحياتي للجميع
وشكرا مرة ثانية ريتا

Ritta · « **رد #30 في:** 12:46 06/09/2005 »

شكرا اخت ولاء واخ روفي عالمشاركه الحلوه ...

aln ankawe · « **رد #31 في:** 15:55 08/09/2005 »

هااي اني الن مواليد 1991 اني طالب في الصف الثالث مطوصط

Ritta · « **رد #32 في:** 21:14 08/09/2005 »

اهلا الن ونورتنا ويسعدنا وجودك معنا

مع تحيات عنكاوا كوم

أوليفر البازي · « **رد #33 في:** 01:01 11/09/2005 »

مرحبا أصدقائي .. أنا جديد هنا وياكم بهذا الأسم ... بس أحب اعرفكم على نفسي ...

أسمي ... أوليفر ........... البازي .

عراقي آشوري .. بصرواي ... وبغدادي ... أعيش مع شريكة حياتي وروحي بالسويد .. ونحن غير مقيمين .....

عمري ... من مواليد27/10/1971 ...

بطبعي أحب كنيستي التي علمتني على حب الله وحب الناس .. العنصرية ليست في قاموس حياتي .. الكل واحد في نظري .. مادام الهنا هو واحد ...

هوايتي .. متعدد الطموحات لكني مدمن الكومبيوتر والأنترنيت بس للأمور المفيدة .. والعزف على البيانوا .. سماع الموسيقى الكلاسيكي والرومانسي وووووووووووووووووو هواية أشياء ...

ولي الشرف بالتعرف عليكم جميعاً ..

[/b]

Ritta · « **رد #34 في:** 16:22 12/09/2005 »

اخ اوليفر حسب ما اعتقد انت معروف بيناتنه والكل يحبوك ويعزوك معزه خاصه وذلك لطيبة قلبك و بالنور الي تنوره كل اليوم بالمنتدى فميحتاج تعرف نفسك من جديد الي يحتاج ان يعرف نفسه من جديد هم الي منعرفهم من الرغم انهم موجودين دائما معنا!ّ!

وهم المعنى في قلب الشاعر..

ومع احترماتي للاغلبيه!!!

roseleanda · « **رد #35 في:** 10:28 16/09/2005 »

هاي ريتاوي راح اعرفج بنفسي

اني اسمي روزاليندا
هوايتي قراية و كتابة و شعر

Ritta · « **رد #36 في:** 11:38 16/09/2005 »

اهلا روزاليندا الروز وشكرا لمشاركتج الحلوه ...

shamiram · « **رد #37 في:** 19:46 18/09/2005 »

هاي يا ريتا يا حلوة

انا شميرام اشورية و كلدانية و سريانية !!!!

احيكي على هذة الفكرة ،نحن في الغربة بحاجة الى كل اتصال مع اخوتنا في كل العالم،و اشكر من كل قلبي عنكاوا على اتاحهاالفرصة لنا بالتعارف عليكم،تحياتي الى كل اخوتي و اخواتي في كل اطراف الارض.

انا عايشة في المانيا منذ 1989.لي ولدين،ابنتي كرستين 14 سنةوابني اشور 10 سنوات.
ولدت في سورية ،ابي وامي من الموصل،،عمري 33 سنة.
هواياتي كتابة الخواطر ،الذهاب الى السينما،المطالعة *سياسة*قصص رومانسية*تاريخ*تعلم اللغات منها اتكلم بطلاقة العربية طبعا *الالمانية*اليونانية*الفرنسية و قليلآ الأنكليزية والفارسية.و طبعا لغة الام.
سلامي و قبلاتي لكي و الى كل الاخوة و الاخوات.

شميرام

Ritta · « **رد #38 في:** 19:53 18/09/2005 »

Wellcommen Welcommen Wellcommen:::

اهلا وسهلا اخت شاميرام سعيده جدا بمشاركتج الحلو على فكره اني هم من المانيا ...

david · « **رد #39 في:** 23:38 18/09/2005 »

شكرا اخت ريتا على الموضوع
اني اسمي ديفيد بغدادي مصلاوي عراقي بس هذا الاسم بالعماذ
على عموم اني عمري22 سنة اعيش في السويد و ماعندي اقامة
طبعا ممتزوج و اعيش مع اهلي ،انا من مواليد برج الجوزاء
هواياتي ،السباحة، الغناء، الرقص ،الشعر ،الرسم،حل الالغاز ، الرياضيات
السفر،وقرا المعلومات

Ritta · « **رد #40 في:** 11:20 19/09/2005 »

هلا اخ ديفيد وشكرا عالمشاركه اللطيفه واتمنالك التوفيق والاهم الحصول علاقامه بأسرع وقت...

malektaa · « **رد #41 في:** 11:17 24/09/2005 »

هاي حبيبتي ريتا ،شكرا على هذا الموضوع ،،حبيت هم اني اشارك و اعرفكم عن نفسي،،اني عراقية اعيش باستراليا و عمري 21 ،من برج اسد ،،هواياتي هي مطالعة ،سماع الى اغاني evin aggasi and kathem ،و السباحة،و احب زيارة الاماكن الاثرية،،،،،،شكرا مرة ثانية اختي ريتا،،لتكن نعمة الرب معكم جميعا

shamiram · « **رد #42 في:** 04:15 30/09/2005 »

عزيزتي الحلوة ريتا.

تحياتي لك،فرحت جدا عندما علمت بانك في المانيا،هل ممكن اعرف في اي مدينة انت ساكنة،؟؟من الممكن نكون قريبين على بعضنا.

مع تحياتي واشواقي و سلامي الى كل اخوتي في عنكاوا العزيزة.

شميرام

bolbol111 · « **رد #43 في:** 11:58 01/02/2006 »

هاى ريتا
انا عضو جديد
من مصر واسمى نبيل عمرى 25 سنة
بكالوريوس تربية
وفكرة حلوة حالص فكرة التعارف من خلال النت
الرب يعوض تعب محبتكمi]

Ritta · « **رد #44 في:** 18:10 02/02/2006 »

تسلمولي جميعا على مشاراتكم اللطيفة ونورتونا

اما بالنسبة لسؤالك اخت شميران* اني في منشن،، واتمنى ان تكوليبي انتي هم وين

جيران_الحب · « **رد #45 في:** 19:40 02/02/2006 »

شلامااااا

اني جيران_الحب اعرفكم على نفسي اكثر

اسمي/ جونليز

مواليد/12/6/1984

برج/ الجوزاء

هواية / محادثات دينينة يعني شنو اني شماس ههههههه

اني عايش بزاخو شمال العراق الان

وشكرا للجميع وبالاخص ريتا فكره كلش رائعة

واتمنالكم التوفيك

Ritta · « **رد #46 في:** 21:20 03/02/2006 »

تسلم شماشا جونليز على مشاركتك الحلوووه

ديراني · « **رد #47 في:** 14:40 19/03/2006 »

مرحبا ريتا شلونج فكرتج كلش كلش حلوة واني هم اعرفج بنفسي حتى نكون اصدقاء
روبرت ديراني
26 سنة
برج الاسد
ابيضاني الشعر بني والعيون بني فاتح
الهواية :الاخراج وكتابة الشعر والمسرحيات والفنون الابداعية اليدوية والعزف على الناي وتاليف وتلحين الترانيم الدينية
مقيم حاليا في مدينة الفحيص الاردن
اصلي من ديرابون زاخو

ارحب بيج وبباقي الاصدقاء كصديق دائم
واتمنالج الموفقية للابد

brave heart87 · « **رد #48 في:** 17:43 19/03/2006 »

هاااااي ريتا .... هاااااااي لكل الاعضاء في احلى واروع منتدى
معاكم رامي طالب مرحلة اولى كلية طب الموصل عمري 19 سنة ومن موالي برج الحوت ومن هواياتي الرياضة وخاصة كرة القدم وسماع الاغاني والكومبيوتر وكثيييير اشياء

nuhra · « **رد #49 في:** 11:17 21/03/2006 »

شكراااا خاثي ريتا الوردة على الموضوع الجميل واحباشارك
اسمي نوهرا من بغداد الحبيبة ....مرحلة رابعة كلية علوم الحاسبات.....
مواليد 25/3/1984 برج الحمل
من هواياتي قرائة القصص وخاصة الاساطير .....التعمق في دراسة عالم الكومبيوتر.....الرسم
مشكلتي اني عصبية وصريحة جدا وبنفس الوقت اسامح بسرعة وانسى

Ritta · « **رد #50 في:** 16:45 22/03/2006 »

اشكركم جميعا عالمشاركة اللطيفة واتمنى لكم التوفيق يا رب

chee · « **رد #51 في:** 18:05 18/05/2006 »

اذا مرت الايام ولم تروني هذا ايميلي فتذكروني moh_auada@hotmail
لحظة وفااااااااااا...محمد
تحياتي

ناظم علي · « **رد #52 في:** 10:04 21/05/2006 »

اهلا باخواني واخواتي احب اعرف نفسي وارجو ان تقبلوني صديق مع اني متأخر شوية .........

اسمي (ناظم علي ناظم ) مواليد (3/6/1984) برج الجوزاء .. طالب في جامعة بغداد ..
في كلية التربية (ابن الرشد..قسم التأريخ) واعيش في بغداد

هواياتي العقلية هي قراءة وكتابة القصص والخواطر اما البدنية فهي السباحة
واعشق الانترنت واحب اعرف عنه الكثير وطبعا الحاسوب ما اكدر اتخلى عنه رغم اني لا املك حاسوب شخصي ....

ملاحظة* اسم (مجهول) احبه لانه يعطيني سيمفونية خاصة لحياتي ...وافصحت مرات عديدة هذا الشىء
في اماكن سابقة من هذا المنتدى الجميل..

محبتي للجميع
الاخ مجهول (ناظم) يحييكم
وشكرا للادارة على هذه الفكرة الحلوة

Ritta · « **رد #53 في:** 10:12 23/05/2006 »

شكرا على المشاركة الحلوة وبالعكس لا متاخرين ولا شي ، الموضوع لكل الاعضاء القداما و الجدد و نحب نتعرف عاالجميع، شكرا جزيلا و اتمنالكم امتع الاوقات في موقعنا العزيز و الراقي عكناوا كوم

[/color]

sarera · « **رد #54 في:** 13:27 17/06/2006 »

هاي كيفكم انا سارة عمري 16 سنة

Ritta · « **رد #55 في:** 10:12 22/06/2006 »

اهلا سارة الحلوة و اسعدتينا بالمشاركة

Sanyor_1 · « **رد #56 في:** 13:10 23/06/2006 »

هاي جماعة..
موضوع حلو صراحتا ومشاركات احلى, فيسعدني هوايا ان انظم وياكم....
Sanyor_1 ... اسمي هو لؤي, شاب ومن مواليد برج الميزان. واعيش في السويد.
تحياتي الى المشرف, الاخت ريتا طبعا وايضا الى كل الاخوة والاصدقاء.

linda_elias · « **رد #57 في:** 13:25 23/06/2006 »

هاي..اسمي لندا من السويد 19 سنة قريبا 20 .7/2 =)
احب القراءة و المرح و السفر ,,احب الاطفال موت (اكو احلى منهم)??! ..
الواني المفضلة هي الازرق,الابيض, الاسود.
احب ان اقول هاي للكل و اتمنى ان تقبلوني اخت..

Have a nice time !!

Sanyor_1 · « **رد #58 في:** 13:39 23/06/2006 »

هاي لندا ومرحبا بيج كاخت وصديقة ايضا.

سنيوور.

linda_elias · « **رد #59 في:** 15:13 23/06/2006 »

شكرا على الترحيب لؤي!!

linda_elias · « **رد #60 في:** 18:25 23/06/2006 »

شاكو ماكو ..؟؟

Ritta · « **رد #61 في:** 21:25 24/06/2006 »

اشكركم عالمشاركة الحلوة

ريــتــا · « **رد #62 في:** 19:55 29/06/2006 »

شكراااااااا حبيبتي ريتا على الموضوع الحلو ...

اعرف عن نفسي .. اني اسمي ريتا اني من العراق من بغداد اني عمري 15 سنة .. من هواياتي القراءة و المطالعة و الانترنت و احب انوا اتواصل مع الناس و اتعرف عليهم ... و الف شكر عيني على الموضوع الرائع

Ritta · « **رد #63 في:** 14:06 06/07/2006 »

شكرا رتروت ام الرووت عالمشاركة

safenaz · « **رد #64 في:** 10:09 11/07/2006 »

مرحبا شباب اولا اني جديدة بهذا القسم بس حبيت اشارك بالموضوع

اني اسمي صفيناز من العراق, الموصل يعني اعيش بالعراق ههههه بايخة مو؟
من مواليد 1991 من مواليد برج الحمل
من هواياتي الانترنيت ولعب كرة السلة والهندسة المعمارية

بعد اكو شي ههههههه

شكرا حبيبتي ريتا عالموضوع الحلو مثلج تسلمين

Ritta · « **رد #65 في:** 20:12 11/07/2006 »

شكرا الك صافيناس يا صافية القلب عالمشاركة الحلوة

safenaz · « **رد #66 في:** 21:21 11/07/2006 »

شكرا اخت ريتا عالرد الحلو اني بس حبيت اوضح انو اسمي مو صافيناس بل اسمي صفيناز وشكرا

janson · « **رد #67 في:** 17:23 14/07/2006 »

مرحبا
طبعا اسفين على التاخير في المشاركة وانشالة ماتزعلون منا وخاصة الاخت ريتا
اني جان مسيحي عراقي من سكان بغداد سابقا ومقيم في السويد حاليا العمر 29 سنة وبرج الجوزاء احب الرياضة والانترنيت غييييييير متزوج وامنيتي ارجع اعيش بالعراق ..............شكرا على الموضوع

Ritta · « **رد #68 في:** 20:01 14/07/2006 »

مو مشكلة اخت صفيناز اعذريني عالخلل الفني ههههه

واهلا بالاخ جان الغييييير المتزوج ههههه و طبعا ما ازعل منك الموضوع صح قديم بس مثبت للاعضاء القداما والجدد ااذا اهلا بك وسهلا بوجودك بيننا

عدنان الكرمليسي · « **رد #69 في:** 09:49 22/07/2006 »

انسة ريتا تسلمي على هذا الموضوع الجميل

انا عدنان سالم الكرمليسي من كرملش**مواليد 21/9/85** طالب كلية قانون المرحلة الثانية **برج العذراء***هواياتي**كرة القدم*سباحة*مطالعة النيت*سماع اغاني هادئة وخاصة هيثم يوسف*

وشكرا ثانية للانسة *ريتا*

Ritta · « **رد #70 في:** 18:31 23/07/2006 »

وشكرا الك على مشاركتك الحلوه و ذوقك الرفيع

ميدو · « **رد #71 في:** 08:19 31/08/2006 »

انا اسمى الحقيقي بيتر عضو جديد مصري مقيم في الاردن ويريت تقبلوني في وسطيكم اخ
عمر 21سنة احب الخدمة والترنيم ومن هوياتى السباحة والرياضة والمسيقة

وفاجة اتعرف علي علي ناس حلوة ذيكم

وسلام الرب معاكم

Ritta · « **رد #72 في:** 17:58 01/09/2006 »

اهلا وسهلا بك اخ بيتر و نتمنالك امتع الاوقات بيننا

nofl gorges · « **رد #73 في:** 16:46 14/09/2006 »

هاي ريتا نشكرج على الموضوع الجميل جدا انا جديد على موقع عين كاوا اني من بغداد مواليد 1979 برج الاسد
احب اكون وياكم صديق واخ جديد الي كل الاخوه الموجودين سلامي الاول مني الكم جمعيا مع تمنياتي لكم النجاح
اخوكم نوفل كوركيس

اختكم ريتا [/color] [/b] [/glow]

اقتباس

assyrianeagle · « **رد #74 في:** 16:24 20/09/2006 »

رامن عمانوئيل... عراقي اشوري ...عمري 17 سنة...

من هواياتي السباحة ، ولعب كرة قدم ، ومشاهدة افلام اكشن ، افلام وكوميديا

وشكرا

Luvly · « **رد #75 في:** 23:21 20/09/2006 »

Hi Rita,

Shukran 3al mawtho3 wa hay khosh fikra. Ani ismee Leena, Ashoria 3omree 26 min mawaleed Baghdad wa dab3an "single" wa a3eesh weal ahel fi Chicago. Ani hwaya aheb hathel mo8e3 wa dab3an modmena 3ale....hehehe...methal mayqoolon il amrican," keep up the good work". Ta7eyati lel jamee3 wa teslamoon!!!!!:)

Love, Leena!:)

Ritta · « **رد #76 في:** 17:45 23/09/2006 »

اشكركم جميعا على هلكلام الحلو وعلى ذوقكم الاحلى و يسعدني انه الموقع يعجبكم و الموضوع عجبكم ويارب يحقق جميع امنياتكم و يحميكم من كل شر

silvana_j · « **رد #77 في:** 17:30 27/09/2006 »

ANA ASMI SILVANA
ANA ASKN FI AL SWEDEN
2MRI 19 SANA
ATMNA AT3RF 3ALA AKHWAT O AKHWAN JDAD
BS ABSARA7A ANA HATHA AL MOTHO3 3JBNI KTHIR
SHKRAN

Ritta · « **رد #78 في:** 19:21 29/09/2006 »

اهلا وسهلا بيج خاثي سلفانا و يسعدنا وجودج ويانه و الاسعدني اكثر انه الموضوع عجبج ويارب تلتقين بمن تحبين ...

سمير الشماس · « **رد #79 في:** 08:27 07/10/2006 »

بسم الاب والابن الروح القدس الاله الواحد امين

اشكرك يا اخت ريتا على هذه المبادرة الحلوة واتمنى من الرب له المجد ومن مريم العذراء امنا قد اعجبت الجميع هذه المبادرة الحلوة ...... اعرفكم نفسي ......

اني سمير الشماس .. اي اني شماس رسائلي منذ سنة 1993 ومن مواليد 1958 مسيحي من العراق وحاليا اسكن ومقيم في المانيا في مقاطعة بايرن منذ سنة 1998 ومتزوج ولدي ولدين 10 سنوات الكبير والاخر 5 سنوات ... ومهنتي خياط ونا الان اعمل واعرف اتكلم اللغة الالمانية اكثر من خمسين بالمئة وطبعا اعرف العربية واعرف كذلك التكلم لغتي السريانية مع القراءة اي الصلوات الطقسية الكنسية .. هوايتي قراءة الكتب الدينية ومشاهدة الافلام الاجتماعية وكرة القدم والكتابة في الانترنيت ومشاهدة مواقع الانترنيت وفريقي المفضل هو بايرن منشن .... وشكرا والرب يقوي الجميع امين يا رب .

vanoshka · « **رد #80 في:** 12:06 07/10/2006 »

هاااااااااااااااااااااااااي ريتاااااااااا .............. هااااي ااااني فانوشكاااااا لوووووووووول ..
نسيت انتي ماتعرفيني!

اسمي فانيا وعضوة جديدة بمنتدى عنكاااااااااااااوة ..
ويارب اعجز وابقى عضوة بمنتدانا الحلو ..
اني نص او نص اقصد نص اثوري او نص كلداني بس اكيد كلي فخر انه اني منتوووووووج مسيحي .. هههه
عمري 30 سنة وبعدني محد قشمرني اقصد محد فرلي راسي وقنعني بالزواج ... يعني بالقلم العريض عااااااااانس ... خخخخخخخخخخ
برج العذراء ... من هواياتي .. السباحة .. التعارف .. المطالعة .. و الجوعررررررة , اقصد الغنااء ...
واتمنى اكون صديقة لجميع اعضاء المنتدى .. ويارب اكون عضوة خفيفة الظل ..
وشكرا على هذه الفقرة الجميلة ..

Ritta · « **رد #81 في:** 17:46 07/10/2006 »

اشكركم على مشاركتكم الحلوه وعلى خفه دمكم ويسعدني انه الموضوع عجبكم والرب يحميكم ....

باسل ادريس · « **رد #82 في:** 09:59 08/10/2006 »

شكرا ريتا على هذا الموضوع الحلو

انا باسل من ااموصل اعمل مهندس كهرباء ولدي خبرة واسعه في هذا الموضوع

هواياتي السفر ـ السباحه ـ الحاسبات ـ المراسله /عربي / انكليزي/

سلامي لك ولكافة المشاركين ....

your angle · « **رد #83 في:** 16:13 10/10/2006 »

هاي ريتا شو هالمواضيع الحلوة شكرا الج واتمنى التواصل دوما
انا اسمي انجل من العراق(بغداد) لكن حاليا (للاسف بسبب الظروف) في دهوك انا عمري 18 وهذه السنة خلصت السادس الاعدادي والان انتظر القبول مال كليات
من هواياتي : العزف على الكمان, السباحة
with my love to all

Ritta · « **رد #84 في:** 18:12 11/10/2006 »

اشكركم جميعا عالمساهمات الحلوه واطلب من ربنا ان يحميكم ويوفققكم و يـــــــــــــــارب ان ينشر السلام بعراقنا الحبيب

maher_hrmez · « **رد #85 في:** 21:58 11/10/2006 »

مرحبا اخت ريتا احب ان اشارك معاكم بهذا الموظوع وارجو ان تقبلوني صديق جديد .انا من العراق.الموصل.وانا موجود حاليا في تركيا.استنبول من مواليد 1966 من هواياتي مطالعة الكتب وبالاخص الكتب الدينية والسفر ....ماهر هرمز ... تركيا .استنبول

ابوميلاد · « **رد #86 في:** 10:35 12/10/2006 »

مرحبا أخت ريتا أنا عضو جديد واحب أن اشارككم انا العضو أبو ميلاد من العراق ومن مواليد 1967 وأحب المطالعة وكرة القدم

ابو ميلاد

Ritta · « **رد #87 في:** 10:51 14/10/2006 »

اهلا وسهلا بكم و يسعدني انظمامكم الينا و انشاء الله امتع الاوقات تقضونها برفقتنا

TeMoOoN · « **رد #88 في:** 08:59 18/10/2006 »

هلوووووو ريتا
اني وسام سيوريوس عمري 20 سنة طولي 180سم وزني 75 كيلو لون عيوني سودة وتحسد ديربالكم
هسة مقيم بسوريا برجي العذراء واني سريان ارثدوكس من بغداد العظيمة
وهواياتي : هي الانترنيت لو بيدي عمري كلة اكضي كدام الحاسبة وعندي هواية كلش مهمة بان اداهر المقابيلي اخلي يكرهني خخخخخخخخخخخ

اخوكم وسام تيمون

Ritta · « **رد #89 في:** 09:36 21/10/2006 »

ههههههههههه وسام هوايتك كلش حلوة و ياريتك لو تعلمني شلون تكدر تداهر المقابل؟؟ لانه ضروري كلش بهالوكت ان يكون الواحد شويه دهري حتى يكدر يعيش فترة اطول وليقصر من عمره ههههه

karemshaia · « **رد #90 في:** 11:02 23/10/2006 »

شلاما تا كولوخون....انا عضو مسجل في منتديات عنكاوا من زمان و لكن لم يكن لي الوقت للمشاركة....انا اسمي رامي من كرملش/ سهل نينوى/ العراق...من مواليد 11 حزيران 1983. خريج هندسة الكومبيوتر من جامعة الموصل..
هواياتي: الكومبيوتر و البرامجيات و الانترنت و القراءة و المطالعة و الاستماع الى الموسيقى و التعارف و المراسلة...

Ritta · « **رد #91 في:** 16:53 24/10/2006 »

اهلا وسهلا بكم واسعدتني مشاركتكم

mezaltta · « **رد #92 في:** 03:17 30/10/2006 »

شكرا الك اخت ريتا على مواضيعك الجميلة جدااااا

انا عضوة جديدة بالمنتدى اسمي ميس من سوريا -تل تمر

عمري 22 سنة خريجة معهد موسيقا برجي الاسد وبحب كتيررر سماع الاغاني الهادئة

والتصفح بالانترنيت عن اخبار شعبنا الحبيب في العراق وفي كل انحاء العالم

وانا بشكر كل القائمين على انجاح هذا المنتدى الجميل الرائع من ادريين واعضاء

اتمنى ان تقبلوني صديقة بينكون والكم المحبة والحب مني انا ميس- ادوار موسى

Ritta · « **رد #93 في:** 13:42 31/10/2006 »

اهلا وسهلا بك اختنا ميس و اتمنالك امتع الاوقات برفقتنا[/color]

randa_sadik · « **رد #94 في:** 02:33 20/11/2006 »

هاي اخت ريتا اول شي شكرا على الموضوع واني جديدة بهذا القسم اسمي رندة صادق عراقية مسيحية عمري 16 برج الحوت من هواياتي احب السباحة ولعبة كرة السلة وقراءة الاشعار مقيمة في استراليا

isaam1965 · « **رد #95 في:** 12:36 20/11/2006 »

انا اسمي عصام عايش في المانيا احب الاصدقاء الجادين في روئياهم وارجو ان اكون للكل صديقا واخا
اساهم في اغلب المواضيع المتعلقه بالمواقع التابعه ل (عينكاوا ),, وانا جديد هنا ارجو ان تتقبلوا صداقتي معكم ودمتم خيرا للشعب المسيحي المضلوم في ارضه ارض مابين النهرين ولكم جزيل الشكر والامتنان,,,
اخوكم وصديقكم
عصام الزوري (البطناوي )

Night Lover · « **رد #96 في:** 19:42 23/11/2006 »

هاي للكل
أنا أسمي أيمن أشوري من سوريا وأنا سوري الجنسية
أحب كل شي حلو بالدنيا
أعشق الموسيقى لأبعد الحدود أعزف 12 الألة موسيقية مختص بالإيقاعيات
برجي الحوت عمري 20 سنة غير متزوج لكني مرتبط بعلاقة حب عمرها 6 سنين
أتمنى أن تتوج بزواج واتمنى للكل السعادة في حياتهم وشكرا لكم على فكرتكم هذه

†عـــ ا شـــق ا لــــ لــــ يــــ لــــ †

Night Lover · « **رد #97 في:** 19:53 23/11/2006 »

أنا أسمي أيمن أشوري من سوريا وأنا سوري الجنسية
أحب كل شي حلو بالدنيا
أعشق الموسيقى لأبعد الحدود أعزف 12 الألة موسيقية مختص بالإيقاعيات
برجي الحوت عمري 20 سنة غير متزوج لكني مرتبط بعلاقة حب عمرها 6 سنين
أتمنى أن تتوج بزواج واتمنى للكل السعادة في حياتهم وشكرا لكم على فكرتكم هذه

† عــ ا شــــ ق ا لــــ لـــــ يـــــ لـــــ †

Ritta · « **رد #98 في:** 10:44 25/11/2006 »

اشكركم جميعا على هذه المشاركات االحلوة[/size][/color]

zakarea · « **رد #99 في:** 18:17 01/01/2007 »

حبيت ابدل الجو وأرعفكم بنفسي
انا زكريا عمري 23 سنة طالب مرحلة ثانية كلية الزراعة جامعة الموصل
أحب السباحة واتمنى ان يكون عندي نادي للجري وأهوى ركوب الخيل واتمنا يكون عندي حصان
اسف لاني اطلت الكلام بس الكلام مع الاهل العراقيين ما ينعجز منا .
طبعا اكره العنصرية وأحب كل العراقيين على الختلاف الوانهم السمر والبيض والحنطاويين (( ههههههه)) حلوة الحنطاويين

Ritta · « **رد #100 في:** 21:41 04/01/2007 »

اهلا وسهلا[/color]

charger · « **رد #101 في:** 02:18 12/01/2007 »

هلو شباب& بنات ... بنات & شباب ماكو فرق
شكرا عزيزتي ريتــــــــا على الموضوع الحلو و الفرصة تاحلوة الي خلتنا نتعرف على كل الاعضاء الموجودين ..
دخلت على الموضوع صدفة و قريت و حبيت اشارك والو متئخرة بس ميخالف ..

اني اسمي اوهــــان من بغداد العامرية و حاليا في عمان و بعد ايام في امريكا بعد عناء طويل ...
من مواليد 1981 برج الثور غير متعكل يعني غير متزوج هههههههههه بس انشاءالله من اسويها كل المنتدى يكونون معزومين و من هوايتي سباق الرالي يعني سباق سيارات و السفر لان يومية بدولة شكل و ركوب الخيل هذا احلالا شي عندي ..........

و شكرا مرة ثانية على الموضــــــــوع

Ritta · « **رد #102 في:** 12:54 12/01/2007 »

باريف اوهان اينجبيسيس؟؟

اشكرك على مشاركتك وبالعكس لا متأخر ولا شي ز وبالنسبة للعزومه احنه جاهزين و ننتظر زواجك هههههههه

charger · « **رد #103 في:** 13:28 12/01/2007 »

لافيم ريتـــــــــا تون اينجبسيس ..؟

اوكي مو مشكلة اذا على شغلت العزومة فا هذا الشي كلش سهل هههههههههههههه

zakarea · « **رد #104 في:** 18:55 12/01/2007 »

×?° أســـوأ صداقــــة ! °?×
أن يكون قلبك ممتلئ بكل الشوق والحنين
وتلقى شعور معاكس
وبرود قاتل ،،
من الذين حفرت أسمائهم
على لوح الصداقة الحقيقية ..!!

Ritta · « **رد #105 في:** 10:14 13/01/2007 »

الله يستر ، اخ زكريا شنو هذا التشائم مو هسه جنه نحجي على عرس اوهانيييي على كلا انشاء الله لا تتلقى اي شعور معاكسة لاتجاه شعورك و اقولك الصداقة موجودة و ذلك بوجود محبة الله بيننا

يس لافيم ميرسي ، انج كا ينج جكا؟؟ :-))))
اوهان عندي طلب من توصل اميركا اكيد هناك راح تلكي بنت الحلال و تتزوج فاني اريد اصير الاشبينة مالتك اذا امكن عود تسويي فد طلبية علمود نغنيلك اغنية /هارس او بيسان هههههههههه (عريس و عروسة)

zakarea · « **رد #106 في:** 19:35 17/01/2007 »

شكراً يا اخت ريتا عل رد وأشكرج مرة ثانية على هذي المبادرة الحلوة والتي سمحت لنا من خلال هذا المنبر أن نتعرف على زملاء جدد !!!!!!! والذين الى هذه اللحضة لم نتعرف على اي شخص منهم بأستثناء الرد الذي اتاني من فخامتك ههههههههه
من خلال الرد ورد بعض الكلمات لم أفهم معناها مثل (فاني اريد اصير الاشبينة مالتك ) شني يعني أشبينة عجبتني هذي الكلمة .
ومن خلال كلامك فهمت انك تسكنين في أميركا صحيح ؟؟

*****زكريا غانم *****زكريا غانم ***** يحب الصداقة ***** زكريا غانم ***** زكريا غانم ***راح أتأخر بل رد لانه أمتحاناتي قربت يوم 21 الشهر أدعولي بل موفقية إذا مافيها زحمة
وشكرا لحسن المتابعة

naseemmoon · « **رد #107 في:** 02:39 18/01/2007 »

شكرا ريتا على الموضوع الجميل ، وهسه اعرفكم على اسمي .

اسمي نسيم عيش في العراق في محافظة البصره عمره 26 سنه برجي الدلو خريج كليه الفنون الجميله قسم الفنون المسرحية فرع التمثيل .
هواياتي التمثيل والنت وكتابه الشعر وكره القدم والسفر وسماع الاغاني الرومانسية والهادئه . بعد تريديون شي اكوله اني حاضر اي استفسار او اي مشاركة بس يجيب وياه صورتين وبطاقة التموينيه وشهاده الجنسية العراقية هاي الي داخل العراق ولي خارج العراق يجيبون صورتين وجوازسفر ههههههههههههههههههههههز

Ritta · « **رد #108 في:** 10:19 20/01/2007 »

اخ زكريا الرد الي تقريبا مفتهمته هو للاخ charger و بالارمنية ، ااما عن كلمة اشبينة يعني القريبة ما اعرف اذا عندكم هذا الشي ؟؟ القريبة هي الي تكون بجنب العروسة و العريس كذلك له قريب

اخ نسيم اسعدتني مشاركتك الخفيفة االدم هههههه

hiba almasraf · « **رد #109 في:** 14:34 16/03/2007 »

هلو
سوف اعرفكم على نفسي انا هبه عضوه جديده قي هذا المنتدى
مسيحيه من العراق ومن مواليد 10\6\1985 من برج الجوزاء اكملت دراستي الجامعيه في جامعه النهرين
(جامعه صدام سابقا ) وحصلت على شهاده مهندسه معلوماتيه
وحاليا ساكني بالسليمانيه لسؤ الوضع في بغدا والان انا موظفه في دائره الضرائب هنا
وهوايتي هي الركض والمطالعه
واشكرك ياريتا على هذا الموضوع الجميل

hiba almasraf · « **رد #110 في:** 22:17 16/03/2007 »

هلو
سوف اعرفكم على نفسي انا هبه عضوه جديده قي هذا المنتدى
مسيحيه كلدانيه من العراق ومن مواليد 10\6\1985 من برج الجوزاء اكملت دراستي الجامعيه في جامعه النهرين
(جامعه صدام سابقا ) وحصلت على شهاده مهندسه معلوماتيه
وحاليا ساكني بالسليمانيه لسؤ الوضع في بغدا والان انا موظفه في دائره الضرائب هنا
وهوايتي هي الركض والمطالعه
واشكرك ياريتا على هذا الموضوع الجميل

Ritta · « **رد #111 في:** 10:07 17/03/2007 »

اهلا و سهلا هبة اسعدتني مشاركتك الحلوة و اتمنى لك كل التوفيق

الملكه · « **رد #112 في:** 12:45 01/04/2007 »

اسعد الله اوقاتكم
انا اختكم هدى
من مصر
محافظة الاسكندريه
اكتشفت انى اكبر عضوة سنا
حقول لكم سنى بس متتخضوش
هههههههههههه
46 سنه
يا ترى بعد ما عرفتوا سنى
هتقبلونى بينكم كشباب وشابات ؟؟؟؟
بقائى معكم متوقف على ردكم ...
مع التحيه

الملكه · « **رد #113 في:** 12:46 01/04/2007 »

تسيت اقول لكم
ان الموضوع يستحق التثبيت

المستبدة · « **رد #114 في:** 21:22 01/04/2007 »

اولا اشكرك اختي ريتا موضوع كلش حلو
انا كلدانية مقيمة في عراق و هوايتي الفن و الرسم و الله يطول عمري وعمركم عمري 2007 و أكتشفت اني أكبر واحدة بالمنتدى

Ritta · « **رد #115 في:** 12:58 02/04/2007 »

اهلا و سهلا بكم جميعا من صغار السن الى كبار السن و بالعكس نفرح كثيرا بوجود كبار السن و حاملي الكثير من تجارب الحياة و منكم نستفيد و منورين بيننا

mena_m · « **رد #116 في:** 02:01 06/04/2007 »

[/b

مرحبا
هذه اول مشاركة لي في المنتدى ،اتمنى ان تقبلوني اخت لكم
مينا برج الحوت عمري30سنة اعيش في عمان،احب كثيراالمطالعة والكتابة .............وخاصة في( المواضيع الدينية)،وكذلك ممارسة الرياضة والتمشي، ، ، شكرا
والرب يبارككم

Ritta · « **رد #117 في:** 00:04 15/04/2007 »

اهلا وسهلا مينا نورتينا...

romeo_iraqi · « **رد #118 في:** 12:37 03/06/2007 »

هاي هذه المشاركة الاولى لي في المنتدى
اسمي داني وعمري 19 سنة من مواليد مدينة كركوك
انا حاليا بالسادس العلمي وحاب ادرس هندسة انشاء الله
هواياتي هي سماع الموسيقة مثل pop, hip-hop, والاغاني العراقية و العربية طبعا
وشكرا على الموضوع

Ritta · « **رد #119 في:** 13:03 03/06/2007 »

اهلا وسهلا داني يسعدنا انظمامك الينا و انشاء الله بالتوفيق

Saad_7ana · « **رد #120 في:** 18:01 03/06/2007 »

هاي
اني اسمي سعد و شايب عمري 36 سنه ههههه
مهاجر من قبل 18 سنه ،عايش في اوسلوا ،
هواياتي المشي والانترنيت والطبخ لان اعزب هههه
اني دخت من دخلت للموقع لان هوايه منتديات بيه مثل هاي الصوره الجوه
،فكلت خلي اجرب اهنا اول مشاركه لو يقبلوني لو يدفروني هههه
لكن بصراحه الموضوع جميل للتعارف
وشكرا

aodeat · « **رد #121 في:** 21:21 03/06/2007 »

هااااااااااااااااي على الجميع وساء الخير ان كان مسااااااااااء صباح الخير ان كان صباحا الموضوع الاخت ريتا اكرر واعيد انة فكرة اكثر من رائعة لان المسيحين مختلف الوانهم داشوفهم متواجدين بهل مكان الحلو اني aodeatطبعا المستعار الحقيقي هو etanaمواليد1984والبرج الاسد ليش ماادري
خريجة بكالوريوس هندسة زراعية جامعة الموصل وبعدني ممتخرجة ماادري اتخرج لولا لان دور الثاني والله كريم هوايتي احب عادي استمع الموسيقى بس راح تستغربون مني اكثر اني احب اسمع اغاني ماافتهمة حتى مااوجع راسي واكثر شي اسمع اغاني يونانية اموت علية واحب افلام الاجنبية والهندية ليش احب افلام الهندية لان يشبهوني بيهم لان نفس سمار هههههههههه .....
مع خالص حبي وتقديري etana

Ritta · « **رد #122 في:** 21:44 03/06/2007 »

اهلا وسهلا اخ سعد مية هلا وليش شايب؟؟ اصلا هو هذا العمر الحلو ههههههههه دا اصجمك ... اهلا وسهلا ونورت بيننا

خاثثي ايتانا كلامج الاحلى ووجودج بيننا المحلي الموقع و افكاره... اما بالنسبة للاغاني فاني نفس الشي واحب يوناني هوايه وهم هيجي بيها موسيقى تفرح الكلب وهم منفهم ههههههه ولو اني شويه افهم لانه هلكد ما سمعت يوناني صرت اغني ويه الاغنيه وحافظه الكلمات واسأل عن معانيها

ونورتي بيننا ونتمنالج امتع الاوقات ونتعرف انشاء الله على بعض....

اختكم ريتـــا

Saad_7ana · « **رد #123 في:** 21:11 04/06/2007 »

شكرا عيني ريتا ،،،و صجمي براحتك...لا ن تصجيمج حلوا مو مثل الباقي من يصجموني يكولولي عموا ..
اني موضف بدائره البريد ومن يجون جماعتنه العراقيات واول مايعرفون اني عراقي يكولولي عموا حتى لو و ياهم عشر جهال وحدتهم بكد امي ههههه شسوي غير من وره الشيب ههه.. بس عاد ابتسم واني اغلي من جوه واكول اشتعل صدام وبوش شيبونه من وكت ههه

aodeat · « **رد #124 في:** 16:36 05/06/2007 »

مساء الخير على جميع وخصوصي الج ريتا الوردة يعني اكو فد شي رابط بيناتنا انة هم طلعتي تحبين اغاني يوناينية تدرين عندي اغاني جنن بس انشالله من نتعرف اكثر عليج راح احاول ادزلج هل اغني وعذروني هل فترة راح اقلل من كعدتي عساس مثل ميكولون عندي امتحانات والله كريم بس راح ادز رسائل يااختي العزيزة ريتا لازم نتذكرج ياوردة سلام للجميع الموجودين etana]

ريان · « **رد #125 في:** 19:13 05/06/2007 »

مقتبس من: Firass في 06:42 15/06/2005

هاي ريتا ..... فكرة حلوة .... ورح اكون الثاني

فراس نصرت .... عراقي كلداني بغدادي مغترب حاليا بولاية مشيغن الأمريكية ... عمري 21 سنة برج الدلو
هواياتي ... القراءة والسباحة والأنترنت ومشاهدة افلام الآكشن

اتمنى المشاركة من باقي الأعضاء

فراس

اني اخؤكم ريان مهترب هسة اني بكندا اني مؤليدي 1986 من المؤصل ان شاللة تقبلؤني صديقن لكم

kaser · « **رد #126 في:** 09:04 07/06/2007 »

يا جماعه ترحيب حار للملكه من الاسكندريه الف هلا ومرحبا .... نورتي المنتدى

Ritta · « **رد #127 في:** 21:29 08/06/2007 »

اهلا وسهلا بالجميع و بالنسبة للاخ سعد طبعا خربانه ضحك على كلامك بس مسامع بالاغنيه الي تكول عيريتني بالشيب وهو وقارو؟؟ ههههههه يعني حلاته من الرجل يكون طالعله شبي بس اني مدا اكلك عمو هههههههه على كلا معليك بيهم هذوله موديل قديم مال عمو ههههههههه

خاثي aodeat اني عندي فد موقع مال اغاني يونانيه بيها بس مع الاسف مو ام بي 3 اذا عندج هيجي شي كوليلي واتمنالج كل التوفيق يا رب و شدي حيلج و اريد تبيضين وجهنا ههههههههه

سلامي لجميع الاعضاء والزوار ونتمنى لكم امتع الاوقات

maralo · « **رد #128 في:** 13:53 11/06/2007 »

هاي ريتا هسة اني راح اشارك بموظوعج لان كلش حلو وعجبتني
اوكي
اسمي :مارال
عراقية وارمنية الاصل
عايشة بسوريا-حلب
مواليد: 1983
برح :الجدي
هواياتي :السباحة والرقص
اكره شي عندي هي ا:لمجاملة
هاي كل شي
باي

Ritta · « **رد #129 في:** 20:08 12/06/2007 »

اهلا وسهلا مارال واسعدني مشاركتج بالمنتدى وعلى فكره اني هم ارمنيه ,,,,

king_dream_fm · « **رد #130 في:** 11:29 15/06/2007 »

hii rita
thx kteer 3la hal mawdoo3
m3 ene lesa hala sajalet w 3m batfaraj 3l montada fa lama7et el mawdoo3 w da5alet w a3jabne
fa 7aket ana mase7e w lazem asharek
so
ana esme fara7 shb mesh benet iemken fe mnkom be7ke eno fara7 esem benet bs fara7 esem kedes esmo karalambos bel ionane i3ne fara7 bel 3arabi
el mohem ana 3omre 18
mase7e room orthothoks mn palestine
3aiesh be balad mase7eie esemha zababdeh w ele be7eb izoor mawke3ha www.zababdeh.com
howaiate el sports bal3ab football be nade ana 3odo fe
ba7eb kamal el ajsam i3ne batdarab fe nade kaman
ba7eb el a3mal el kashfeie
el sba7a
w aham eshe el love a7la eshe bel 7aia
w enshala ma akoon tawalet 3alekom btmana eno net3araf 3la ba3ad aktar
w had emaile batmana eno el kol idefne banat w shabab
w enshala bedal hal montada w ietawar mn el a7san lal a7san
yala cu......

frfora · « **رد #131 في:** 19:38 19/06/2007 »

هاي ريتا اني ريا من العراق /بغداد اني متزوجه وعندي طفل اسمه ريان وهوايتي اسمع اغاني ومطربي المفضل مساري واني من مواليد 13/5/1984 وشكرا على طرح الموضوع واني مشتركه جديده

Ritta · « **رد #132 في:** 20:12 20/06/2007 »

اهلا وسهلا بكم جميعا اسعدتني مشاركتم بيننا...

arass · « **رد #133 في:** 20:01 25/06/2007 »

هلو اني اراس من كركوك

من مواليد 1965 متزوج عندي ثلاث اطفال كوركيس و يوسف والحلوة ناردين احب ان اكون صديق واخ الكم

gardinya_a · « **رد #134 في:** 12:04 27/06/2007 »

عاشت ايدج ريتااااااا موضوع حلوو
الصراحة اني اول مرة دا اشارك بهذه الزاوية بس مريت بلموضوع وقريتة فمحبيت اطلع من غير ما اكتب الرد ..........وارجوا ان تقبلوني صديقة...........

اني مسيحية كلدانية من مواليد 25/10/1984 مقيمة في العراق/دهوك
خريجة وموظفة من برج العقرب
وشكراااااا

مصلاوية · « **رد #135 في:** 19:52 27/06/2007 »

هاي اني جديدة وياكم و حبيت اشارك بهذا الموضوع
اني مصلاوية مواليد بغداد عمري 24 سنا عايشة بالدنمارك بس ما عندي اقامة دا انتظر رحمة الله هواياتي اقرا قصص عربية خصوصا قصص احسان عبد القدوس وووو بس

Ritta · « **رد #136 في:** 19:27 29/06/2007 »

اهلا وسهلا يا ورود منورين المنتدى و اطلب من ربي يحميكم ويحقق كل امانيكم يا رب

أختكم ريتا....

مصلاوية · « **رد #137 في:** 01:13 30/06/2007 »

شكرا حبيبتي و شكرا على مواضيعكي الحلوة

اندي نبيل · « **رد #138 في:** 12:34 11/07/2007 »

شكـــرا على الموضوع الحـــلو

اني انـــدي نبيل
بغدادي عايش باستراليا ,
مواليد : 28/1/1991
برج : الدلو
هواياتي لعب كرة القدم " طوبة "
عضو جديد
تحـــــــــياتي...

Ritta · « **رد #139 في:** 21:21 12/07/2007 »

اهلا بيك خوني اندي ونتمنالك امتع الاوقات برفقتنا ...

fadi akalo · « **رد #140 في:** 17:06 25/07/2007 »

هلا بيج يا اخت ريتا وشكرا على هذا الموضوع الحلووووووووووو

noni2006 · « **رد #141 في:** 16:27 27/07/2007 »

هاي ريتا
اني لينا عراقية متززوجة و عايشة بباريس هواياتي القراءة و ممارسة الرياضة و كتابة الاشعار
مواليدي هي 1983 10 12
مع حبي للكل

Ritta · « **رد #142 في:** 21:29 27/07/2007 »

اهلا وسهلا بكم يا ورود المنتدى واشكركم على مشاركتكم الحلوة

spider_maniraqi · « **رد #143 في:** 16:27 31/08/2007 »

بالبداية
يابة صباح الخير للى مصبحين
ومساء الخير للى جاى يمسون
يسلمو ريتا على الموضوع الرائع لمعرفة المزيد عن الاعضاء
الاسم سبايد : الحقيقى ( ايفان )
السكن مسبقا العراق : بغداد
حاليا / استراليا سدنى , فيرفلد
المهنة طالب
البرج : العذراء
هواياتى : كرة القدم , الكومبيوتر , قراية القصص وخاصة الرومنسية والتاريخية ومشاهدة افلام الاكشن
تحياتى سبايدر

[/color]

Ritta · « **رد #144 في:** 00:08 02/09/2007 »

شكرا على مشاركم الحلوه و نورتو المنتدى

roua · « **رد #145 في:** 14:17 03/09/2007 »

الف شكر يا احبه

smantha · « **رد #146 في:** 08:01 25/09/2007 »

هاي ريتا ..... فكرة حلوة ....
انا عضوة جديدة
..انا اسمي smantha .. عراقية كلدانية ... عمري 20سنة برج الاسد
هواياتي ... القراءة والسباحة والأنترنت

اعيش في استراليا
smantha

Ritta · « **رد #147 في:** 20:58 25/09/2007 »

اهلا وسهلا يا حلوين و اتمنالكم امتع الاوقات

b-a-z · « **رد #148 في:** 03:29 29/09/2007 »

هاااااااااااااي
انا جانيت متزوجه ولي ابنتان وانا في المانيه .وبرجي الجوزاء...ومن هواياتي الفن باجماله ***

ankawe_4_ever · « **رد #149 في:** 22:33 01/10/2007 »

هاي ريتا..... فكرة كلش حلوة.....
الاسم:ثامر
المواليد:15/12/1989
السكن مسبقا العراق:انكاوة
حاليا/السويد ستوكهولم
هواياتي الرياظة فقط.

Possicat · « **رد #150 في:** 15:51 02/10/2007 »

Helloooooooooooooooooo Ritta

وهاي شباب كلكم ...
اني اسمي بوسيكات بس مو حقيق .
من مواليد 1983 ، برجي هو الميزان ... يعني مصيبة لان احبة حق
مقيم في استراليا /مابورند و غير متزوجه اكيد ... اعيش ويا اهلي يعني ...

دا ادور على شوغل حليا و انشاء الله اتوفق
هوايتي هي الرقص ، مطالعة الكتب وخاصة كتب الرومانسيةو الدينيه ...
و احب اتعرف على كل الاعضاء

مع تحياتي للجميع
وشكرا ريتا

Ritta · « **رد #151 في:** 15:29 06/10/2007 »

اهلا وسهلا بك جانيت سعيده جدا بوجودك بيننا :-))
اهلا وسهلا بثامر و بوسيكات واتمنى لكم امتع الاوقات برفقتنا

الوطن77 · « **رد #152 في:** 05:34 07/10/2007 »

السلام عليكم اني سعدون من الموصل

asyrian · « **رد #153 في:** 17:29 07/10/2007 »

سلام الى جميع الاخوة والاخوات والى المبدعة ريتا

انا فادي اشوري مقيم في المانيا في مدينة ميونيخ متزوج ولدي 3 اطفال

1 اسطيفان 13 سنة
2 الفريد 9 سنوات
3 مريم 4 سنوات

هوايتي هي مجنون بكرة القدم
ومدمن بلمطالعة والقراءة والمراسلة

الوطن77 · « **رد #154 في:** 19:40 07/10/2007 »

السلام عليكم اسمي سعدون من الموصل الحدباء من مواليد1978 برج الحمل خريج كلية الادارة والاقتصاد ممكن تقبلوني صديق مع جزيل الشكر

Ritta · « **رد #155 في:** 11:03 13/10/2007 »

اهل اوسهلا بالجميع وسعيدة جدا بمشاركتكم بالمنتدى واتنمى لكم امتع الاوقات

lena s · « **رد #156 في:** 15:36 13/10/2007 »

هاي اخت ريتا بالبداية موضوعج كلش حلو
اعرفج بنفس*
اسمي لينا من العراق عمري 20 سنة برج العقرب
ادرس بكلية التربية قسم علوم الحياة وصلت للمرحلة الثالثة
ومخطوبة حاليا اتمنى ان تقبليني صديقة الج لان من طريقة كلامج حبيتج....

Ritta · « **رد #157 في:** 16:48 13/10/2007 »

تسلميلي عزيزي اسلوبج اليخبل ، كلج ذوق

تحياتي

lena s · « **رد #158 في:** 19:00 13/10/2007 »

هاي ريتا موضوعج كلش حو
اعرفج بنفس انا عضوة جديدة
اسمي لينـــــــــــــــــــــا من العراق اعيـــــــــــش في قرية تللسقف
عمري 20 سنة طالبة في جامعة الموصل كلية التربية قسم البيولوجي
هواياتي التصـــــــــــــــــــــفح من خلال النــــــــــــيت برج العقــــــــــرب
والصـــــــــــــــــــــــــــــــــــــراحة حبيتج من طـــــــــــــــــــــريقة كلامج
والســـــــــــــــــــــــــــــــــلام ختـــــــــــــــــــــام الكـــــــــــــــــــــــــلام

بنت البصرة · « **رد #159 في:** 11:17 18/10/2007 »

السلام عليكم اخواني ممكن تقبلوني اخت جديدة لكم

تحياتي لارا

Ritta · « **رد #160 في:** 22:25 18/10/2007 »

اهلا وسهلا بكم جميعا وسعيده جدا بأنظمامكم الينا وانشاء الله قضاء امتع الاوقات برفقتنا

samir akrawe · « **رد #161 في:** 00:41 23/10/2007 »

هاي اخت ريتا شكرا على الموضوع الحلوو انا سمير عقراوي موصل عراق حالين اربيل عنكاوا
هذا مو رقم سيارتي هههههه انا من مواليد 1976 يعني شايب متزوج وعندي اجمل عصفورتين
بناتي مينا ومريم وهوياتي التمثيل ولاخراج والتاليف المسرحي الصدق اهم جزء من حياتي
والكذب اسواء ما اره في حياتي والصداقة الحقيقة عوناني وانتم يا احلى اعضاء اخواني
وموقع عنكاوا كوم عنواني ودمتم بامان وسلام اخوكم سمير العقراوي

Ritta · « **رد #162 في:** 13:29 25/10/2007 »

تسلمولي يا ورود على مروركم يلي منور المنتدى بحاله ... اتمنى لكم قضاء امتع الاوقات وربي يحميكم من كل مكروه

أختكم ريتا............

alnarges · « **رد #163 في:** 18:56 25/10/2007 »

{ بسم المحبة وبسم الصدق }

مرحباً بكم اصدقائي انا النرجس هنا وياكم بهذا الأسم بس احب اعرفكم على نفسي أسمي الحقيقي هو { ثائر } عراقي كلداني من محافظة دهوك والأن انا ساكن في السويد ستوكهولم شقتي لحالي وأمي وأبي وأخواتي
ايظاً في السويد اعزب عمري 33 سنة لدية الجنسية السويدية وأني أعمل مع والدي في محل صيانة السيارات ميكانيكي ومرحلتي الدراسية خريج اعدادي قسم ميكانيك وهواياتي هية الفروسية ركوب الخيل وصور الخيل والرياضة بصوة عامة والقراءة القصص الواقيعية ومشاهدة كرة القدم وأحب مشاهدة فلم تاتنيك وأشكركم جميعاً ...تحياتي للجميع.

{ مع الجزيل والشكر والتقدير ولأحترام } { النرجس }

color]

http://www.youtube.com/watch?v=RCKbuWsAKUA&feature=related

Ritta · « **رد #164 في:** 00:24 26/10/2007 »

شكرا ثائر على مشاركتك و اني هم احب الخيول هوايه واهديلك هاي الصوره ارجو ان تنال اعجابك...

njmat_alba7r · « **رد #165 في:** 09:23 26/10/2007 »

هاي ريتا شونكي فكرة حلوة وموضوع رايع

اني اسمي نجمة

وعايشة بالعراق حاليا ومن هوايتي المطالعة ومصافحة الانترنيت واحب منتدى عنكاوة وربتا كلش كلش

وتحياتي للجميع اختكم نجمة

Ritta · « **رد #166 في:** 17:51 27/10/2007 »

اهلا وسهلا خاثي نجمة فرحتيني بمشاركتك ...

njmat_alba7r · « **رد #167 في:** 17:18 29/10/2007 »

شكرا ريتا على الترحيب واللة يخليكي

samo89 · « **رد #168 في:** 00:31 10/11/2007 »

هاي ريتا موضوع كلش حلو

انا اسمي لورنس من عراق في قريه تللسقف

مواليد 11\3\1989

برج الحوت العاطفي والحساس

انا هسه عايش في السويد

احب رياضه انا هسه بدرجه ثانيه كرة قدم في السويد

هذا اميلي lorans1lorans1@yahoo.com

lorans_t_89@hotmail

ممكن نتعرف على الجميع اوكي باي

Ritta · « **رد #169 في:** 21:07 10/11/2007 »

اهلا وسهلا خوني لورنس فرحتني مشاركتك ويانه واتمنى لك التوفيق في حياتك ويوك النشوفك بطل وكابتن للفريق كره القدم في السويد...

mlkom_alashooty · « **رد #170 في:** 05:52 16/11/2007 »

خوش موضوع حلو ..................
الاسم ملكوم
مواليد 1989
عراقي اشوري (جماعة باختمي)
عايش بالسويد
هوايتي الموسيقة ومطالعة الكتب السياسية وكرة القدم والفلام الاجنبية ومطالعة الكتب بلغة الام
وشكرا تحياتي

Ritta · « **رد #171 في:** 21:16 16/11/2007 »

اهلا وسهلا ملكوم نورتنا ونتمنى لك امتع الاوقات...

Ritta · « **رد #172 في:** 21:16 16/11/2007 »

اهلا وسهلا ملكوم نورتنا ونتمنى لك امتع الاوقات...

Ritta · « **رد #173 في:** 21:16 16/11/2007 »

اهلا وسهلا ملكوم نورتنا ونتمنى لك امتع الاوقات...

meroo_madrid · « **رد #174 في:** 20:16 18/11/2007 »

هاي ريتا

اسمي امير من العراق واني من بغداد وحالين اني بتلكيف خريج مهد تكنلوجيا

وعمري 22 سنه وهواياتي سماع الاغاني الاجنبية الهدئة و احب السفر واحب كرة القدم

Ritta · « **رد #175 في:** 21:17 20/11/2007 »

اهلا وسهلا امير نورت المنتدى بوجودك

تانية · « **رد #176 في:** 10:22 21/11/2007 »

هاي عزبزتي ريتــــــــا.......

عاشت ايدج على الفكرةالحلوة اني تانيةعراقيةمانكبشية من سكنةبغداد ويسعدني ان اكون اخت لكل الاعضاء ان شاء الله......

samo89 · « **رد #177 في:** 01:29 23/11/2007 »

هلو خاثي ريتا بس اريد اتعلم على هذا المنتدى ممكن ان احجي وياج هذا ايميلي اريد اقرب وقت زين خاثي

lorans_t_89@hotmail

lorans1lorans1@yahoo.com

باي باي

Ritta · « **رد #178 في:** 22:52 23/11/2007 »

اهلا وسهلا يا ورود عالمشاركات الحلوه واتمنى الكم قضاء امتع الاوقات برفقتنه ...

Ritta · « **رد #179 في:** 22:54 23/11/2007 »

اهلا وسهلا يا ورود عالمشاركات الحلوه واتمنى الكم قضاء امتع الاوقات برفقتنه ...

Ritta · « **رد #180 في:** 22:54 23/11/2007 »

اهلا وسهلا يا ورود عالمشاركات الحلوه واتمنى الكم قضاء امتع الاوقات برفقتنه ...

janeet-60 · « **رد #181 في:** 06:29 24/11/2007 »

هـاي *لكل الاعضاء والادارين ولكل اسرة المنتدى تقبلوا مني كل الاحترام*
اسمي glads متزوجة ولي طفلتان هما cathrin وchristina ومعاني اساميهم سهل وجميل***وخرجت من العراق سنة 1992 وتزوجت في سنة1994 *وانا تخرجوا تحت ايدي كثير من طلاب الكنيسة لماركيوركيس ومار زيا وكثير من الكنائس التي كنا نعمل ندوات*وكذلك عندي رصيد لا باس من الثقافة بانواعها وانني ارتل الصلاة بلغة الام بصراحة احب لغة القديمة ومن عشاقها واتمنى الجميع ان يتعلمونها*** وعندي صوت حزين وشجي عندما ارتل **والان في المانية *والان البنات كملوا دوري والان هم ايضا شماساة في كنيسة المانية ،وبالتحديد كنيسة مار كيوركيس*لا انسى الالمان يحبون ان ارتل بلغة الام ويتقبلوا بصدر رحب واشكر الرب على هذا الرضا*** glads ليس اسمي الحقيقي وشكرا

فلورا · « **رد #182 في:** 07:28 24/11/2007 »

هاي شلونكم شكرا اخت ريتا على هذا الموضوع الحلو واني جديدة واتمنى انو اتواصل وياكم واكون اخت مو ثكيلة اني فلورا من بغداد سابقا هسة اني ساكنة بعنكاوة مسيحية من مواليد 6/3/1983 خريجة كلية الهندسة قسم الحاسبات وحاليا اشتغل بشركة غير مرتبطة وهواياتي قراءة القصص الاجتماعية و العاطفية واتمنى انو اكون صديقة الكم مع تحياتي لكل الاصدقاء

samo89 · « **رد #183 في:** 11:14 24/11/2007 »

هاي ريتا شلونج انا اسمي لورنس عايش في السويد

اريد احجي وياج اريد اتعلم على هذا الموقع اوكي

ايميلي lorans1lorans1@yahoo.com

fadi akalo · « **رد #184 في:** 09:57 25/11/2007 »

مرحبا اشلونكم
اني اسمي فادي عراقي كلداني مقيم في امريكا عمري 19 سنة اني من مواليد برج القوس من هواياتي السفر والمطالعة والسيارات والانترنت ....الخ

Ritta · « **رد #185 في:** 13:41 25/11/2007 »

اهلا وسهلا بكم جميــــــعا

جار القمر · « **رد #186 في:** 09:48 26/11/2007 »

مرحبا خواتي خواني
مرحبا ريتا
شرف اليه ان اشارك بالمنتدى عنكاوا
اني اسمي هجرس
مواليد 1987
هوايتي السفر
عايش في بغداد

samo89 · « **رد #187 في:** 01:38 28/11/2007 »

هلو شلونكم اني اسمي لورنس عراقي عايش في السويد

من برج الحوت 1989

باي lorans1lorans1@yahoo.com

sosysosy · « **رد #188 في:** 16:23 02/12/2007 »

عاجل عاجل عاجل ريتا ممكن سؤال انتي كلدانية لو آشورية دعرفينا بنفسج شنو السالفة اني اسمي وسن كلدانية بسوريا شكرا

Ritta · « **رد #189 في:** 22:46 02/12/2007 »

اشكر كل من شارك بالموضوع وعالمساهما الحلوة... اما عن اخت وسن :-)) فأني اذا رجعين على اول الصفحه ببدايه الموضوع معرفه عن نفسي وعن عمري وعن كلشي بس ميخالف الخاطرج هم راح اعيد اني لا كلدانيه ولا اثوريه اني ارمنيه هههههههههه حلوه مو؟ وعمري راح يصير 23 في يوم 25.12 ... البلد الذي اقيم به هو المانيا... واما عن هواياتي فهي السباحه والغوص والقرأه والتطلع على مواضيع أجهلها بما معنى احب اتعلم واقرأ عن الشغلات الي ما اعرفها والي لم يسبق لي وان سمعت عنها وهكذا....

شكرا على مشاركتك يا وسن واتمنى لك قضاء امتع الاوقات برفقتنا...

RERE_RERE · « **رد #190 في:** 20:25 03/12/2007 »

شكرا اخت ريتا على الفكرة الحلوة
انا اسمي ريتا مواليد 1987 ساكنة بسوريا برج الحمل

RERE_RERE · « **رد #191 في:** 20:28 03/12/2007 »

شكرا اخت ريتا على الفكرة الحلوة
انا اسمي ريتا مواليد 1987 ساكنة بسوريا برج الحمل

فنار · « **رد #192 في:** 16:21 05/12/2007 »

مرحبا للجميع احب اشارك وياكم واعرفكم على نفسي اني اسمي فنار ولقبي الحزين مسيحي طبعا وعراقي من مواليد برج الجوزاء عمري 23 سنة مقيم في هولندا هواياتي الغناء وكره القدم وسماع الاغاني الحزينة والرومانسية تحياتي للجميع الحزين