اي والله هيج ايام ابد ما تنسى اسمحيلي اكولج:
يشوكّ الشوكّ يا عطر يا فتاكـ!!
يبستان الورد وبأسمك يغرنوكّ
وحكّك كل صباح اريوكّ ما جيب
احط رسمك على اسمك يطلع ريوكّك
وكّمت بالليل اقره اسمك على الماي00
الصبح تلكّاني ابيع مربه ابسوكّك
على السّجين ربك خالق اشفاك
وربح اخره ودنيه الظاكّهن ظوكّك
و(وكاف) امسح ودليت هم يصير
والكون انمسح من لمسة اطيوفك
ابحجم دورة المحبس الله منطيك000
حلكّ بس عود يشبه هاي الحلوكّ
يورده من الزغر مزروعه بحشاي00
شراييني الك شديتها عروكّ
وزدت فوكّ الورد مو بس عطر بيك00
صرت اول ورد طلعتك اعثوكّ
(طاءك) (تاء) يعني ابنشئتك تين00
وغيرك (بوكّ) اضيف (الطاء) طابوكّ
وياموضوع كّلي اليرهم وياك00
وانته الشيبت روس المواظيع
طب سوكّ الحسٍٍن بس انته بالسوكّ00
ثكّل؟ خفه ؟ دلع؟ شيلوكّك بيع
خلق رب الجلاله الكون باسبوع00
وانته ايام خلقك عشر اسابيع
فيثاغورس الحكّ شيل الارقام00
قوانينك هباءً راحت اتضيع
جذر تربيع شتلت حاجب اهواي00
ودكّلي اشلون بحر ابجذر تربيع
تحياتي الج هذا رد بسيط تجاهج
صقر الميكانيك