كل من يگلك
أني أكبر نجم !
گلّه .. أنتَ أتفه
وأزغر من قزم !
واللي يگلك
أني هوايه أفتهم !
گله .. غَبي أنتَ
وبعد أكثر
لا أدب عندك
لا علم !
واللي مدح نفسه
تراه ذمها
زباله وطشَرها الغرور
ولك شيلمها !
أحفرلها وطم !
واللي يگلك
آنا آخو خیتی
أنا البطل والحُر !
گله چذاب
نفاخ وكلك هوا
وزماطك زماط الكر !
جبان أنتَ بالمحن
وأول واحد تنهزم !
ولك أخجل
الناس فتحت بالبن!
وأنت من دونها
عيونك عمن!
وعايش حلم !
ولك طير أصير!
شما عليت
بعيون الناس
تراك تزغر !
كافي ولك كافي
يمتى تحس
يادماغ سزز
يا أغبر !
يامال اللطم !
ولك .. أستحي
لاعلم علَّمك
لادين لاشرع !
مو گال المثل ..
مثل بول البعير
ليورا يرجع !
ولك ضل ارجع !
مهزله أنتَ
سينما أنتَ
وأرخص فلم!
..
حكمت البيداري