المحرر موضوع: محتاج مساعدتكم جماعة IOM بغداد عن المقابلة الاولى رجاءً\\ التحضيرات للذهاب  (زيارة 3211 مرات)

0 الأعضاء و 1 ضيف يشاهدون هذا الموضوع.

غير متصل siv2007

  • عضو فعال جدا
  • ***
  • مشاركة: 585
  • الحمد لله والشكر
    • مشاهدة الملف الشخصي
    • http://www.talksms.com/kat/000031.asp?pc=V4ZM


السلام عليكم اخوتي وأخواتي الاعزاء
بعد انتظار استمر من منتصف تموز 2008 الى هذا اليوم 23\3\2009 تم تحديد موعد مقابلتي في الأسبوع الاول من الشهر الرابع. انا مقدم على الـSIV وعلى الـ IOM بغداد.

لدي بعض الاستفسارات من الاخوه ممن قابلوا في بغداد واتمنى الاجابة عليها من اجل فائدة الجميع:

1-هل يسمح بحمل الموبايل واذا كان الجواب لا فاين يترك؟
2-هل اجلب معي سيارتي الخاصه ؟ وهل هنالك موقف للسيارات قريب من مكان المقابله؟
3-ذكروا في الايميل ان موعد المقابله هو 11 صباحاً ولنفترض ان المقابله اخذت 8 ساعات لحين وصول السره واكمال المقابله فكيف يتم العوده الى البيت اذ ان المنطقه ربما تغلق في وقت معين قبل العصر او المساء؟ الكل يعرف الظروف في هذه المنطقه حيث تتغير بالثواني!!بصراحه اني محتار بشغلة الوصول والعوده بعد اجراء المقابله :-\ :-\ :-\..
5-فيما يخص المقابلة الاولى ماذا طلب منكم بالضبط فيما يخص الاوراق الخاصه بالمعامله ؟بالاضافه الى ما ارسلتموه في اول ايميل التقديم
http://www.talksms.com/kat/000031.asp?pc=V4ZM
لأرسال رسائل مجانيه لكل مكان في العالم



غير متصل BaghdadGhost

  • عضو مميز جدا
  • *****
  • مشاركة: 2521
  • الجنس: ذكر
    • مشاهدة الملف الشخصي
اخي siv2007 .....

والله فرحت لمن قريت عنوان الموضوع .... الحمد لله ان صار تحرك بواحدة من الامور الي انته مقدم عليهه .... ان شاء الله الاخوة ميقصرون بالرد ..... بس حبيت اهنيك وارفع الموضوع ليفوك لان لكيته بنهاية الصفحة والا شوية جان وكع بالجرف .....هههههههههههه .....

يلة جماعة ال iom وينكم ..... فزعة .....
تقبل مروري ....

غير متصل سبع صنايع

  • عضو فعال جدا
  • ***
  • مشاركة: 398
  • الراحة بأمريكا =علاقات+فلوس+لغة
    • مشاهدة الملف الشخصي
الف مبروك اخوية العزيز
اني هم مثلك مقدم على البرنامجين
وراح اجاوبك على اسئلتك
1-بالنسبة للمقابلة الأولى فهي سهلة ومع موظف اردني او مصري بس مرات اجنبي بس مو امريكي والمستمسكات المطلوبة اكيد دزولكياهه بالايميل وهي شهادة الجنسية والجنسية والجواز وشهادات التخرج ودفتر الخدمة وهكذا والأفضل يكون مترجمة بس مــــــــو شرط
2-بالنسبة للسيارة فاكو كراج انت فرضا نازل من جسر الجمهورية بأتجاه كرادة مريم تعبر الترفك رح تلاكيك سيطرة وميدخل بس جماعة الباجات انت متلزم سرة بيهه تدخل بالرونك سايد راح تشوف فرع على ايدك اليسرة تمشي بيه عشرين متر رح تلاكي كراج على ايدك اليسرة
طبعا اكو غيرة بس هذا اقرب واحد ومن الأفضل انه تترك التليفون بالسيارة واذا تريد اتدخله تكدر بس بعد متطلع الباتري ومن توصل للكابينات مال المقابلة اكو ولد عراقيين تسلم التليفون وتاخذ كارد من عندهم
3-مكان الدخول هو من الباب الثالثة الخاصة بالدوائر العراقية يعني مو مال المنطقة الخضراء ومن تدخل لازم تكون شايل بيدك هويتين يعني شهادة جنسية وجنسية لكل شخص وياك ايضا والباب الثالثة صايرة كبال مركزشرطة الصالحية طبعا من تدخل رح تمشي وتعبر اكثر من سيطرة ورح يفتشوك اكثر من مرة الى ان توصل الى باب قصر المؤتمرات ورح تدخل وتمشي بنص الحديقة طبعا بالباب تكل للحرس الي همه يحجون اسباني بس يطكطكون انكليزي انه انت عندك مقابلة مال اي او ام وكلما تمشي وتلكاهم تكلهم نفس الشي الى ان توصل الى الكرفانات مال المقابلات الي صايرة بظهر الكراج

4- اول متدخل تروح تدور على المصري الي شايل ورقة علمود تكله اني وصلت علمود يسحب فايلك وتلزم سرة ولتغلط مثل غلطتي اجيت وكعدت كبل ولا شريف كلي لازم تسوي هيجي عبالك تكول راح اخذ مكانهم بالسفر وبعدين اجوي جماعة وراية بنص ساعة سجلوا اسمائهم وسألت الي بصفي يابة ليش مكتلي لازم نسجل اسمائنة اول مندخل طبعا كام يمتمت وريحة الجذب تعط من حلكة وطبعا مو كل البشر سوه اكو الي يحب يساعد واكو الي يغلس  تكول عبالك راح اخذ فرصتة بالسفر

المهم بخصوص المقابلة فالحديث طويل لكن باختصار راح يطكولكم صور واحتمال ياخذون بصمات لأن اني اخذوا بصماتي بالمقابلة الثانية ورح يسألوكم اسئلة كثيرة واهم شي شنو سبب مغادرتك العراق وهل انت مهدد بالوقت الحالي وطبعا تكدر تراجع المواضيع المثبتة
5-اخيرا بالنسبة للطلعة فلا تخاف المنطقة مؤمنة بالكامل وهم عمليا ينتهي دوامهم ب4 ونص يعني الدنية ضاوية ومعظم العالم بالمقابلة الأولى ميعبرون الساعة 3

اتمنالك الموفقية وبلكت هلمرة تكعد وياك واني حاضر لأي سؤال

غير متصل سيف المشهداني

  • عضو فعال جدا
  • ***
  • مشاركة: 237
    • مشاهدة الملف الشخصي
    • البريد الالكتروني
مبررررروك حبي واخيرا يلا ان شاء الله يدزولك موعد مال siv وتسهل امورك

غير متصل ام سارة

  • عضو فعال جدا
  • ***
  • مشاركة: 378
    • مشاهدة الملف الشخصي
الف مبروك اخوية على موعد المقابلة وربي يسهلهه عليك ويوم السفر والاخ سبع صنايع صدك اسم على مسمى مقصر بالمعلومات والمقابلة ان شاء الله كلش سهله هي بس جمع معلومات من بداية الابتدائية حتى التخرج والخدمة العسكرية وذكر التواريخ والافضل انه ادون كل التواريخ عندك بورقة وتحفظهه وتحتفظ بالورقة علمود بالمقابلة الثانية تكون الاجابات متطابقة ومن ظمن الاسئلة تاريخ زواج الوالد والوالدة يعني اذا ناسيه لازم تسأل الوالد او الوالدة وهذا نفس الشي بالنسبة للزوجة يعني الاسئلة هي مجرد تاريخ حياتك انت وزوجتك والقسم الثاني والمخصص لصاحب الكيس يعني الاهل يطلعون برة وتبقى انت تكون عن سبب طلب اللجوء والتهديدات وحاول لتكثر بالحجي احسن، وبالتوفيق

اختك ام سارة

غير متصل untitled.man

  • عضو فعال جدا
  • ***
  • مشاركة: 336
  • الجنس: ذكر
    • مشاهدة الملف الشخصي
مبروك اخوية siv2007....

الاخ سيع ما بقه شي وما شرحه... بس نسه يكلك تره الكراجيه 2000 دينار
ههههههههههههههههههه

تحياتي وانشالله الموفقية
لكل كلمة أذن، ولعل أذنك ليست لكلماتي، فلا تتهمني بالغموض

For every word their is a listener and probably my words don't suit your ears. So please don't accuse me of being ambiguous

غير متصل بت بطوطة

  • عضو مميز
  • ****
  • مشاركة: 1171
  • الجنس: أنثى
    • مشاهدة الملف الشخصي
مبرووووووووووك اخوية وانشالله سهلة وخفيفة .... مقبووووووووووول مقدما

غير متصل siv2007

  • عضو فعال جدا
  • ***
  • مشاركة: 585
  • الحمد لله والشكر
    • مشاهدة الملف الشخصي
    • http://www.talksms.com/kat/000031.asp?pc=V4ZM
والله انا خجلان من الرد لاني قبل ايام كتبت موضوع عن الشكر ويجب ان يكون على الخاص ولكني الان مضطر الى تقديم شكري لكم جميعاً على هذه الصفحه حتى لا يتصور البعض اني غلست  ;D :D :D :D و لانكم غمرتموني بالدعوات الصادقه والامنيات التي تنبع من اصالتكم .. عندما اقرأ هكذا ردود يعتصرني الألم لان خيرة الناس هي التي تهاجر وتطلب اللجوء ونحن نبقى مدينون لهؤولاء الذين بدمائم وصبرهم تحرر العراق وان شاء الله يتحرر من الظلم الذي بعون الله سينتهي

كل ما ذكرتموه افادني ولكني قررت عدم الذهاب للمقابله لان الكراجيه 2000 دينار لان كنت اتوقعها 1500 دينار!!! :'( :'( :'( :'( :'(
http://www.talksms.com/kat/000031.asp?pc=V4ZM
لأرسال رسائل مجانيه لكل مكان في العالم

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
لك اخويه العزيز صدك والله فرحتلك
وحتى فرحت لنفسي لان اذا انته اللي جنت تعتبرنفسك مكيس مشت وياك لعد اني يمكن يسووني وزير هع هع هع هع
ولتحشش على شغلة الشكر لان يمكن شغلتك اعقد شغله بالمنتدى وخلصت مو من حق العالم كلهه تفرحلك
بالمناسبه صارلي يومين اشوف موضوعك وديتمزلك لنهاية الصفحة ومحد يجاوب فكات هذا صديقي غير ممجنص حتى هنا ههههههه المهم مو بس هاي وانما كل ما اريد  ارد عليه لو تطفى الكهرباء لو تنكطع النت لو الحاسبه من كيفهه تطفى عبالك بيهه جني ههههههههههه الى ان هسه كدرت ارد

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
بالمناسبه اني من رايي اللي جنت اريد اكوله قبل اخويه سبع صنايع انه اما تروح وترجع بنقل عام يعني كيات او تكسيات لو تروح بسيارتك وخصوصا وياك العائله فتوكفهه بكراج قريب اما بباب الشرجي او بالعلاوي ويبقه تكسي زغيرونه تذبك اما من جهة وزارة التخطيط لو من يم وزارة الخارجيه وتتمشون والتلفون اخذه وياك وسلمه بالباب مثل اي دائره رسميه اما بالنسبه للدخول والاخوان موضحوا اكثر لان النقطه اللي حجوا عليهه بيهه مدخلين واحد اللي تروح بيه لتايتن او جي ال اس واللاخ اللي من صفحة فندق الرشيد ويودي لقصر المؤتمرات (طبعا انتضر تاكيد من اخواننا اللي قابلوا مره او اكثر لان اني بصراحه ممقابل بس رايح هناك هواي وهالاشياء تتغير باستمرار)
وبالمناسبه اكو كراج كبال الخارجيه (تابع لمجمع 28 نيسان) وكللي عليه صديق يشتغل بالخضراء بس ممتاكد يصير اي واحد يوكف سيارته بيه وهم انتضر تاكيد من اي احد يعرفز
حاول هم تنسخ موضوعك وتكتبه بموضوع "مواعيد IOM بغداد" لان الجماعه كلهم هناك وراح تحصل اجوبه اكثر

وعاشت ايدك على هالموضوع اللي محد طارحه بهالتفصيل قبل على حد علمي

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل سبع صنايع

  • عضو فعال جدا
  • ***
  • مشاركة: 398
  • الراحة بأمريكا =علاقات+فلوس+لغة
    • مشاهدة الملف الشخصي
والله اخوية العزيز
اني هم موكلش قوي بالشكر واضوج من اشوف هيجي مواضيع بس هذا امر واقع ومرات تخجل ولازم ترد
بس من اشوف احد محتاج مساعدة انطلق وهذا سبب انه ناس تللكاهه عندهه 2000 مشاركة وناس مية مع احتراماتي لهواة هذه المواضيع..............
وخلي اضحكك اني اليوم شفت احلى موضوع بخصوص الدعاء والشكر
احد الأخوان كاتب موضوع يندعي لعضو عزيز بالمنتدى ويطلب الدعاء لأن اخونة راح يسوي فحص طبي
يعني بلة هذا شحجي وياه ادري قابل هية مقابلة قنصل لو محلف يعني قابل شرح يصير بالفحص الطبي يعني قابل السرنجات تخلص ويأجلون سحب الدم لو الكهرباء تطفى وكاز ماكو بالمولدة ومراح ياخذون اشعة
والله الواحد ميعرف شيكول...............

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
سبع صنايع صديقي نفس الشعور بالضبط ولو ترهم اسوي كوبي بيست لحجيك بس فد مره اخويه نازكول او شبح بغداد كلي خوش راي وهو انه المواضيع اللي مبيهه داعي من نوع "باركولي...." و"ادعولي ...." و "باركوله ....." و "ادعوله.... " وهو رفع الحاله المعنويه للاعضاء وحجيه هم صحيح بس اذا ماكو مبالغه مثل هسه هذا ابو الفحص

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل siv2007

  • عضو فعال جدا
  • ***
  • مشاركة: 585
  • الحمد لله والشكر
    • مشاهدة الملف الشخصي
    • http://www.talksms.com/kat/000031.asp?pc=V4ZM
حبي واخي فينسينزو شكرا على شعورك الطيب وما تفضلتم به كنت قد نوهت عنه في موضوع تم حذفه  ... استر علينه لا يحذفون موضوعنه  >:( >:( >:( :-* :-* :-*


بالمناسبه ان شاء الله قبل ما اقابل راح انزل موضوع بعنوان " أدعولي يطلع المحلف من كرايبي" !!
وبالفحص انزل موضوع " باركولي طلعت سلامات من المستوصف" هاي شنو قابل مسوي عمليه!!!
 سبع صنايع اخويه العزيز موتتني من الضحك والله.
http://www.talksms.com/kat/000031.asp?pc=V4ZM
لأرسال رسائل مجانيه لكل مكان في العالم

angie-dawood

  • زائر
مبروك انشااللة المقابلة سهلة ربي يوفقك بكل خطواتك وانشااللة نبارك على السفر بالتوفيق

غير متصل show

  • عضو مميز
  • ****
  • مشاركة: 1126
  • الجنس: ذكر
  • pride man
    • مشاهدة الملف الشخصي
مبروك مره اخرى
حبيت اشكر الاخ سبع على المعلومات القيمه و المفيده و التفصيله
اخي سبع
الله ينطيك العافيه

بالتوفيق للجميع



good friends are hard to find harder to leave and impossible to forget

غير متصل siv2007

  • عضو فعال جدا
  • ***
  • مشاركة: 585
  • الحمد لله والشكر
    • مشاهدة الملف الشخصي
    • http://www.talksms.com/kat/000031.asp?pc=V4ZM
شكراً لك اخت انجي و Show ياريت يفيدونه الاخوة جماعة بغداد بالمزيد وياريت احدهم يدز المخطط لمكان المقابله لان حسب ما اتذكر احد الاخوان نزل موضوع كان فيه خارطه لـ أوشن كليفس وهو مكان المقابله وكان ماخذه صوره من كوكل ايرث . بحثت عن الموضوع ولم اجده ياريت اذا احد يقرا هذا الموضوع يفيدنا ولكم كل التقدير
http://www.talksms.com/kat/000031.asp?pc=V4ZM
لأرسال رسائل مجانيه لكل مكان في العالم

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اذا اكو هيجي موضوع بيه خريطه فصدك بداعه بس لو تتذكرلي شسمه الموضوع لو منو اللي كاتبه لو الفتره التقريبيه اللي نزل بيهه واني هسه انخلكياه للارشيف نخل واجيبه

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل siv2007

  • عضو فعال جدا
  • ***
  • مشاركة: 585
  • الحمد لله والشكر
    • مشاهدة الملف الشخصي
    • http://www.talksms.com/kat/000031.asp?pc=V4ZM
حبـــيبي الغالي فينونسينوزونسونزينسوزو اعذرني ما اعرف الفظ اسمك لان متريك زبد تركي

حبيبي الغالي الموضوع يمكن نزل بشهر الثاني واعتقد العنوان كان" خريطه الاوشن كلفس" او خارطه يعني هيج شيء. وأنت تعرف النت يمي كلش بطيء وياخذ وقت كلش هواي واحنه بالعراق العظييييييييم يادوب نلحك نجيك الايميل وتنطفي الكهرباء او النت ينقطع!!

المهم يا اخويه اشكرك جدا على مبادرتك بس خايف عليك تنعدي منيinfected وبعيدن تنام عليك الطابوكه وتنبقى تنتظر سنييييييييين حتى تحصل رد من ال IOM أو NVC 
شكرا لك ولكل من يساعد في هذا الملتقى الرائع.
http://www.talksms.com/kat/000031.asp?pc=V4ZM
لأرسال رسائل مجانيه لكل مكان في العالم