المحرر موضوع: أغرب لاجئ قابلته في حياتي  (زيارة 9216 مرات)

0 الأعضاء و 1 ضيف يشاهدون هذا الموضوع.

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
أغرب لاجئ قابلته في حياتي
« في: 02:49 24/05/2009 »
مرحبا شباب

ولو اني المفروض ان استغل وقتي القصير على الانترنيت بالاجابة على تساؤلات الاخوان وكتابة مواضيع مفيدة ..

لكن حبيت ان الطف الجو بحادثة حدثت لي خلال الرحلة .


في مطار الملكة علياء في الاردن تجمعنا نحن المسافرين مع اهالينا المودعين .. فجأة حضرت شله من الجيل الجديد شعر كبس مع جل مع قبعات رياضية وزنجيل على الرقبه وكلهم تقريبا اعمارهم من 16 - 20 سنه .
حضروا يودعون أحدهم .

حين حضر موظف ال IOM وقام بتوزيع اكياس المنظمة مع التكتات . اذاع اسم الشخص وعندما اقترب منه هذا الشخص البالغ من العمر 20 سنه سأله عن جوازه للتأكد من أنه نفس الشخص فأجاب هذا الشخص .. ( وهل الجواز مهم لانني أعطيته لصديقي كتذكار ) وبعدها قام صديقه بإرجاع جوازه له وحين فحه الموظف رأى جميع انواع الذكريات على صفحات الجواز مثل .. أصدقاء الى الابد .... لتنسى تتذكرني كلما رحت لوسط البلد ..الجبال تزول لكن الذكرى باقية لاتزول.

المهم في طريقنا للركوب الى الطائرة حدثت مشكلة بين هذا الشخص و ضابط اردني وتم تجاوزها من قبل موظف الاي او ام .

وعند وزن الحقائب .. لم يكن لديه حقيبة .. كل ماكان في حوزته كيس بلاستيكي ( علاكة نايلون ) فيها (تي شيرت و بنطرون رياضي وعلبة سكائر ).وعند التفتيش قام هذا الشخص بوضع هذا الكيس على ميزان حقائب الشحن ... فقال له الموظف لايمكنك شحن هذا الكيس ... يجب عليك حمله معك في الطائرة ... فقام هذا الشخص باخراج  علبة السجائر والقاء اكيس بمحتوياته في كيس القمامه قائلا ( بيه حيل اضل شايل هذا الجيس ). وصعد الطائرة والكل ينظر اليه باستغراب.

وعند وصولنا الى مطار المانيا التقينا بهذا الشخص في غرفة التدخين في المطار ... وسألته الى اي ولايه انت ذاهب ... فأجاب لا اعرف اسم الولاية .. ولكن يمكن اسم المدينه مارلبورو سألناه عندك كفيل لو على المنظمة قال : يامنظمة ؟؟؟ .... وحين سألناه عن جو الولاية او المدينه لانه لابس نص ردن قال : ما اعرف هيه وين صايرة.

المهم سألناه عن ماذا سيفعل عند وصوله قال اتفقت اني وجماعتي ابقى اسبوع بامريكا اذا موحلوة ارجع واذا حلوة اسحبهم يجون يمي .

سألناه من سيستقبله في المطار قال: ما ادري ... اني ما اعرف احد هناك بأمريكا ... كل جماعتي ببغداد وبعمان ... وعندي عمي بسوريا .

المهم الولد خلص الطريق بس نايم ... بس الشهاده لألله ألولد حيل حباب وخدوم و محترم نفسه حيل .

عند وصول موظف الاي او ام في المانيا وكان شخص يمكن كيني ... نايجيري ألمهم سأل هذا الشخص عن المدينه التي سيذهب اليها فقال له : والله لو تسويلياهه للسويد اكون لك ممنون .
بعد نقاش دار بينهما لمدة ربع ساعه .. قام الموضف باعطائي كيس الاي او ام الخاص بهذا الشاب واأوصاني به لانه سوف يتيه في المطارات او يضيع هذا الكيس ..
من وصلنا الى نيو جيرسي
قريتله الورقة اللي مكتوبله عليهه اسم المدينه واسم الكفيل او المنظمة في اميريكا .
اسم المدينه ماليبو مو مارلبورو .... اسم المنظمة وعنوانها خليته يحفظهن على الغيب بعد معاناة نص ساعه ... لان ماشاء الله علية حيل انكليزيته قوية .


صحيح الشغله عجيبة لكن هذا ما حدث بالتفصيل

واترك لكم التعليق
وادعو له بالموفقية والانتباه اكثر

أخوكم غسان لاشقر
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html



غير متصل مهاجرين بلا حدود

  • مبدع قسم الهجرة
  • عضو مميز جدا
  • *
  • مشاركة: 2261
  • الجنس: ذكر
    • مشاهدة الملف الشخصي
رد: أغرب لاجئ قابلته في حياتي
« رد #1 في: 03:03 24/05/2009 »
لا مبين حيل راح يدبرها من يوصل الف عافية
بس ماعرف شلون قنع المحلفين بقصته اكيد اكو انه بالموضوع ؟؟؟؟؟؟؟؟؟؟؟؟
سبحان الله ....والحمد لله
تسلم اخونا غسان على القصة الطريفة وعاشت ايدك

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
رد: أغرب لاجئ قابلته في حياتي
« رد #2 في: 03:08 24/05/2009 »
والله زين ممدوخ روحه وذابه عالساطور

غير متصل Shebo

  • مبدع قسم الهجرة
  • عضو مميز جدا
  • *
  • مشاركة: 2466
  • الجنس: ذكر
  • خاشوكة خاشوكة تنترس البستوكة
    • مشاهدة الملف الشخصي
رد: أغرب لاجئ قابلته في حياتي
« رد #3 في: 03:27 24/05/2009 »
هذا اقتصادي حت جوازه مستغله كدفتر مذكرات وحباب وخوش ولد واصدقائه هم حبابين من شباب هلوكت لطلعو على غفله فايت وكت أووي ماما هههههه اني عرفت شلون قنع لمحلف اذا احد يعرف يتصل بكرومبو
غيمه الحزن وتعدي عنك سهام الغدر كلهن خطنك
عراقي الاسم وأبيض ضميرك ولدنيا كلها يفيض خيرك
جف الفتن لا مايديرك يلي أنت منا وأحنه منك
باجر ترد كل العصافير تمله السما لو رادت تطير

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: أغرب لاجئ قابلته في حياتي
« رد #4 في: 03:53 24/05/2009 »
هذا ابن خالتي واحنه كل عائلتنه هيجي
عجيب امور غريب قضية
يلله بلكي فد اسبوع ويضوج ويرجع ويبدلوه بواحد من عدنه مثلا ابو محمد الورده

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل BaghdadGhost

  • عضو مميز جدا
  • *****
  • مشاركة: 2521
  • الجنس: ذكر
    • مشاهدة الملف الشخصي
رد: أغرب لاجئ قابلته في حياتي
« رد #5 في: 03:57 24/05/2009 »
حبي غسان ......

اني من رايي ان تغير عنوان الموضوع .... تسمي اغرب شخص على الكرة الارضية ......

زين هو الولد مسالك على الميكانو موجودة بامريكا لو لا .... لان تدري هيج امور يمكن راح تكون الها اولويه عند هيج شخص .......

خوما ضوجته انته ..؟؟؟؟؟  ترة بس يرفع راسه للسماء و يدعي بجاه السيدة نسرين جورج ,,, ترة تخرب امورك ......

غير متصل Haider 67

  • عضو فعال جدا
  • ***
  • مشاركة: 339
  • الجنس: ذكر
    • مشاهدة الملف الشخصي
    • البريد الالكتروني
رد: أغرب لاجئ قابلته في حياتي
« رد #6 في: 07:50 24/05/2009 »
لا هواية راح يدبرهه هنا بس بالمناسبة يمكن تمشي اموره احسن من هواية وانا سمعت عن واحد في ولاية تنسي ليس له شهادة ابتدائية وهذا ليس عيبا وما يعرف كلمة انكليزي وجاء قبل سنتين وهسة عنده محطة بنزين ويبت ملك

كل شي ممكن في اميركا

غير متصل Haidor

  • عضو فعال جدا
  • ***
  • مشاركة: 804
  • الجنس: ذكر
    • مشاهدة الملف الشخصي
رد: أغرب لاجئ قابلته في حياتي
« رد #7 في: 09:00 24/05/2009 »
هاهاهاهاهاهاهاااااا  هذا توب .. أذا دار الزمن و التقيت بي رح يكونلي الشرف ... هذا الشخص مو من هالدنيا ... الدنيا العايش بيها تثير اهتمامي و يعجبني اسمع عنها ... بالمناسبه اكو هوايه ناس خارج العراق دنيتهم بسيطه مثل هذا الشخص بس بالعراق و الدول المجاوره صعب جدا تلكه واحد محافظ على بساطته .. و لو هي صغير بالعمر ... يجوز ظروف اهله زينه .. الخ

شكرا و تحياتي. .. حيدور
غربه و هجر و فراك هالزمن طبعه*.*.*بس الوفي للدوم ما ينسه ربعه

غير متصل حمودي ابن زيونه

  • عضو مميز
  • ****
  • مشاركة: 1504
  • الجنس: ذكر
  • الحمد لله رب العالمين
    • مشاهدة الملف الشخصي
رد: أغرب لاجئ قابلته في حياتي
« رد #8 في: 09:07 24/05/2009 »
هذا شغله حيمشي اهناك  ... كلي الجينز مالته من النوع اللي يسحسل؟
" افضل العبادة: انتظار الفرج "

" من اكثر الاستغفار جعل الله له من كل هم فرجاً، ومن كل ضيق مخرجاً "

### لا تحزن فان عمرك الحقيقي سعادتك وراحة بالك، فلا تنفق ايامك في الحزن، وتبذر لياليك في الهم، وتوزع ساعاتك على الغموم، ولاتسرف في اضاعة حياتك ###

غير متصل abozaid

  • عضو فعال جدا
  • ***
  • مشاركة: 349
  • الجنس: ذكر
    • مشاهدة الملف الشخصي
    • http://www.shattalarab.com/vb/image.php?u=95589&type=sigpic&dateline=1230667951
رد: أغرب لاجئ قابلته في حياتي
« رد #9 في: 09:27 24/05/2009 »
هذا لاجئ بريكي ..... واللة ماعرف شنون اهاليهم يعوفون هالشباب لوحدهم ...على كل حال اللة المعين
سوف لا أتكلم بسوء عن احد ، بل سأتكلم بالخير الذى أعرفه فى كل انسان

غير متصل ارقى شاب بالمنطقة

  • عضو فعال جدا
  • ***
  • مشاركة: 114
    • ياهو مسنجر - i_raqi
    • مشاهدة الملف الشخصي
رد: أغرب لاجئ قابلته في حياتي
« رد #10 في: 09:39 24/05/2009 »
ابشرفي رهيب هذا واحلى مقطع عجبني هو

ابقى اسبوع بامريكا اذا موحلوة ارجع واذا حلوة اسحبهم يجون يمي

ابو الشباب يريد يسحبهم هع هع هع

صدك لو كالو الله ينطي جوز للماعنده سنون

مشكور اخي عالموضوع

غير متصل khldoon2000

  • عضو فعال جدا
  • ***
  • مشاركة: 653
  • الجنس: ذكر
    • MSN مسنجر - khldoon20042000@hotmail.com
    • ياهو مسنجر - khldoon20042000@yahoo.com
    • مشاهدة الملف الشخصي
    • http://rawacity.jeeran.com/04monument-Martyrs.jpg
رد: أغرب لاجئ قابلته في حياتي
« رد #11 في: 10:12 24/05/2009 »
هذا شامرها على الساطور وين متصير خلي تصير
اللهم اشفي ابني عبد الرحمن واشفي كل مريض

غير متصل Wingo

  • مبدع قسم الهجرة
  • عضو مميز جدا
  • *
  • مشاركة: 2853
  • الجنس: ذكر
  • UNHCR 2008 .........................عمّان IOM 2009
    • مشاهدة الملف الشخصي
رد: أغرب لاجئ قابلته في حياتي
« رد #12 في: 10:21 24/05/2009 »
و الله هذا تحفة زمانه !!
جديات يخرب من الضحك.  هههه
بس أكيد راح تمشي أموره زين ، هيجي ناس تمشي أمورهم عدلة بدون تعب.
يعني لو أحنا مثله مو أحسنلنا ، كاعدين دايخين بخبايا سالفة اللجوء ، و كاعدين نسأل و نبحبش و شايلين هم !
بس المشكلة هيجي واحد راح يضيع هناك ، راح يضيع بالمجتمع و يصير من جماعة المخدرات و المصايب .
الله يهديه لطريق الخير و يوعيه .

بس فعلاً شلون قنع المحلفين بسالفته ؟؟!
"اللّهم رحمتك أرجو فلا تكلني إلى نفسي و لا إلى أحد من خلقك طرفة عين و أصلح لي شأني كله لا إله إلا أنت"


غير متصل yousif82

  • عضو
  • *
  • مشاركة: 12
    • مشاهدة الملف الشخصي
رد: أغرب لاجئ قابلته في حياتي
« رد #13 في: 11:50 24/05/2009 »
صديقي العزيز ابن هيوستن عاشت ايدك يا ورد على الموضوع الصريح و الاكثر من رائع..
كل اللي كلته صح و موجود فعلا .. تكبر فارغ و كلام زايد و تذمر من كلشي .. اي شتريدون لعد ؟؟؟
شكرا صديقي على كلمة الحق و خليك على استمرار
الف تحية الك

غير متصل yousif82

  • عضو
  • *
  • مشاركة: 12
    • مشاهدة الملف الشخصي
رد: أغرب لاجئ قابلته في حياتي
« رد #14 في: 11:52 24/05/2009 »
اسف و اعتذر للجميع .. بالغلط علقت هنا .. اسف

غير متصل suzie83

  • مبدع قسم الهجرة
  • عضو مميز جدا
  • *
  • مشاركة: 2760
    • مشاهدة الملف الشخصي
رد: أغرب لاجئ قابلته في حياتي
« رد #15 في: 12:22 24/05/2009 »
هههههههههه هذا فلم لوحده ...  بالله اخاف  تشوفه ساله شلون يسحبهم بكرين لو سلنج؟؟
لا وجمالة  اسبوع وارجع .ههههههههههههه  رايح للبصرة مو لاميركا والله دنيا ...حظوظ ما اكول غيرها 

Abean in liberty is better than a feast in prison

غير متصل ايات

  • عضو مميز
  • ****
  • مشاركة: 1558
  • الجنس: أنثى
  • ايات من مصر
    • مشاهدة الملف الشخصي
رد: أغرب لاجئ قابلته في حياتي
« رد #16 في: 12:46 24/05/2009 »
اخي والله هذا خالها على الساطور بس نيته صافية والله منطيه على كد نيته اللهم يوفقه ويسهل اموره ...........اختكم ايات
الطفل يلهو بالحياة صغيراً دون أن يعلم الحياة سوف تلعب به كبيراً

غير متصل NOOR 2

  • عضو مميز
  • ****
  • مشاركة: 1050
  • الصداقه والسلام اروع شيء بالكون
    • مشاهدة الملف الشخصي
رد: أغرب لاجئ قابلته في حياتي
« رد #17 في: 13:13 24/05/2009 »
ابو ابراهيم الغالي

هنيالك على هذه الرحه الي انهيتها مع هذا الشخص

يمعود هذا حتي بالمريخ ماموجود

هههههههههههههه

تسلم اخويه الغالي


اخوك  NOOR 2

غير متصل بت بطوطة

  • عضو مميز
  • ****
  • مشاركة: 1171
  • الجنس: أنثى
    • مشاهدة الملف الشخصي
رد: أغرب لاجئ قابلته في حياتي
« رد #18 في: 18:18 24/05/2009 »
وعند وزن الحقائب .. لم يكن لديه حقيبة .. كل ماكان في حوزته كيس بلاستيكي ( علاكة نايلون ) فيها (تي شيرت و بنطرون رياضي وعلبة سكائر ).وعند التفتيش قام هذا الشخص بوضع هذا الكيس على ميزان حقائب الشحن ... فقال له الموظف لايمكنك شحن هذا الكيس ... يجب عليك حمله معك في الطائرة ... فقام هذا الشخص باخراج  علبة السجائر والقاء اكيس بمحتوياته في كيس القمامه قائلا ( بيه حيل اضل شايل هذا الجيس ).

هههههههههه جمالة لابس نص ردن ومماخذ هدوم وياه عبالك رايح للحبانية ... شخصية خنفشارية !!

غير متصل MAGGIC

  • عضو مميز
  • ****
  • مشاركة: 1555
    • مشاهدة الملف الشخصي
رد: أغرب لاجئ قابلته في حياتي
« رد #19 في: 19:21 24/05/2009 »

اخوان ليش تستغربون من هجي انسان ممكن هذا يطلع بيها ويصير هناك انسان مهم او صاحب عمل اذا التزمو وصقلو مثل المرمر

ترى هج ناس من جوة لجوة تعرف اتدبر امورها لاتغركم المضاهر ترى المضاهر خداعه


او جائزصدك يضيه هناك

بس صدك الي كال ينطي الجوز لبلا سنون

غير متصل القرش

  • مبدع قسم الهجرة
  • عضو مميز جدا
  • *
  • مشاركة: 3310
  • الجنس: ذكر
    • مشاهدة الملف الشخصي
رد: أغرب لاجئ قابلته في حياتي
« رد #20 في: 19:23 24/05/2009 »
                                              السلام عليكم

 الله يسهل امره . هذا حال شباب العراق مساكين والله ... من القهر والضيم الي شافوه فقدوا عقلهم وتفكيرهم .الله يكون بعون كل عراقي وعراقيه .

 ابو انس

غير متصل ابـو عـلي

  • عضو فعال جدا
  • ***
  • مشاركة: 314
  • الجنس: ذكر
  • رب اشرح لي صدري ويسر لي امري
    • مشاهدة الملف الشخصي
    • البريد الالكتروني
رد: أغرب لاجئ قابلته في حياتي
« رد #21 في: 20:29 01/08/2014 »
فعلا لاجيء غريب يعتز بالتذكار ويعطي جواز سفره بالمقابل 
هذا على نيته من اهل الاول 

غير متصل علوشششششه

  • عضو فعال جدا
  • ***
  • مشاركة: 108
  • الجنس: أنثى
  • ملــــــينــ ــآآإ..
    • مشاهدة الملف الشخصي
رد: أغرب لاجئ قابلته في حياتي
« رد #22 في: 20:35 01/08/2014 »
ههههههههههههههههههههههههههههههه آقوى شي آلجوآزكآتبين عليه ذكرى ههههههههههههههههههه ;D ;D

غير متصل سبيس

  • عضو مميز جدا
  • *****
  • مشاركة: 2430
    • مشاهدة الملف الشخصي
رد: أغرب لاجئ قابلته في حياتي
« رد #23 في: 20:52 01/08/2014 »
ممكن من اهل الله
وممكن ناصب عليكم 
ابو الوليد

غير متصل اجونة

  • مبدع قسم الهجرة
  • عضو مميز جدا
  • *
  • مشاركة: 4704
  • الجنس: أنثى
  • توكلنا عليك ياربي وسهل امورنا ياأرحم الراحمين
    • مشاهدة الملف الشخصي
    • البريد الالكتروني
رد: أغرب لاجئ قابلته في حياتي
« رد #24 في: 12:17 02/08/2014 »
ولله في خلقه شؤووون