المحرر موضوع: توضيح للاخوة الاعضاء عن دور الكفيل وعن دور المنظمة  (زيارة 4508 مرات)

0 الأعضاء و 1 ضيف يشاهدون هذا الموضوع.

angie-dawood

  • زائر
تحية اخوية لكل الاعضاء في قسم الهجرة والاجئيين

توضيحا على تساءلات الاخوة عن دور الكفيل ودور المنظمة وعن هاجز الخوف من ان ينحرم اللاجئ من حقوقه في حالة ان له كفيل إإإ

اخواني   اخواتي
بالنسبة للكفيل دوره هو 0000000000

1-  هو من سوف يستقبلك من المطار                          والمنظمة هي ايضا نفس الشئ
2- الكفيل ملزم ان ياخذك الى دائرة الولفر                      المنظمة هي ايضا نفس الشئ
3- الكفيل هو ملزم ان يبحث لك عن مسكن                    المنظمة هي ايضا نفس الشئ
4- الكفيل هو يذهب معك لشراء الحاجات للسكن الجديد          والمنظمة نفس الحالة
5- الكفيل ملزم ان يساعدك على التقديم على رخصة السياقة     والمنظمة بعض الاحيان نفس الشئ
6- الكفيل هو ملزم ان ياخذك الى الاطباء في حالة لا سامح اللة المرض          المنظمة بعض الاحيان
7 - الكفيل هو اذا احتجت اي شي في وقت هو ملزم بان ياخذك للمكان الي تريده          المنظمة لها دوام محدد وليست مجبورة ان تكون معك طول اليوم
8- الكفيل بحسب وجوده في الولاية يستطيع مساعدتك ايجاد عمل عند معارفه او عنده
المنظمة ستجد لك عمل في اي مكان دون اعترض منك حتى لو العمل في الفنادق او اي مهنة كانت
9- الكفيل هو يساعدك على تسجيل اولادك في المدارس
وانما المنظمة ليس لها علاقة بهذة الامور
10 - الكفيل هو من يساعدك على ان تعرف الاماكن الموجودة في الولاية من كل الاشياء المحلات المستشفيات المدارس اماكن التسويق الرخيص
المنظمة ليست ملزمة بذالك




يعني اخوان نظرتكم عن الكفيل خاطئة 00000000 صح بعض الي كان عدهم كفيل غدروهم وما اعتنوا بيهم
بس مو كلهم نفس الشي حتى لو ما كانو اقربائكم وحتى مرات الاقرباء من يكونوا هما الكفيل تجي مرات ظروف ماتسمح ان يساعدوهم مو على مود شي وانما انهم هما يشتغلون وما يكونوا عدهم الوقت حتى يخصصوه للشخص اللاجئ من يجي بس هم يكون اكو غيرهم من يقوم بالمهمة مثل زوجاتهم او اولادهم
المنظمة اذا تكون هي الكفيل اول شي راح يشمروك اللة يعلم باي ولاية يمكن ما راح تشوف بيها عراقين ويمكن قليل وثانيا هي صحيح راح تكون باول ايام وياك الى ان تاخذ حقوقك والى ان ياجرون الك شقة ويجهزوها بالاغراض اللازمة وهم راح يسجلوك بالمدرسة لتعلم اللغة هاي كلها بارك اللة بيهم زين اذا انت احتاجيت اي شي من الذهاب الى السوق مثلا لو صارت حالة مرض مفاجئة لا سامح اللة ويكون الوقت متاخر باليل وين راح تدور على المنظمة ووين هي راح تكون طبعا الدوام راح يكون منتهي وماكو موظفين حتى يساعدوك وانت ما تعرف اللغة ولا سياقة ولا طريق اي طبيب او مستشفى وماكو اي عراقي قريب من عندك واحتمال هم نفس ولايتك ماكو بهذة الحالة شنو مصيرك هل المنظمة احسن لو الكفيل الي تخابره في اي وقت وهو يساعدك في كل الحالات طبعا اذا الكفيل ابن ناس ويحب يساعد مو الي يخاف لا ينقص شي من اكله او يخاف لا يخسر بانزين اخوان حقوقكم كلاجئيين موجودة سوى اكو كفيل او من غير كفيل ومستحيل الي يكول انه اذا عندك كفيل راح تنحرم من المساعدات هذا الشي مستحيل بكل الولايات ولي ما يصدك يكدر يسال الموظفين بالدورة التثقفية وحتى اذا تريدون انطيكم تلفونات المنظمات مال المساعدات اللاجئيين حتى تتاكدون من صحة كلامي 00 اني هاي صار سبع اشخاص كنت كفيلة مالهم اربع اشخاص  وكلهم اخذوا حقوقهم كاملة من المنظمة ومن الولفر  00 هم   وربي يوفقكم جميعا وانشااللة ماتحتاجون غير للرب وليس لعبده



غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
مشكوررررررررررررررره اختي لميس

بارك الله بك بس اكو مكانات صايره فراغ مبيها صفاره 00000000000000000 ;D


تقبلي مروري

غير متصل ★AbN✰BaGhDaD★

  • مبدع قسم الهجرة
  • عضو مميز جدا
  • *
  • مشاركة: 4634
  • الجنس: ذكر
  • ★☠❶☠★
    • ياهو مسنجر - a7baab_alroo7_79@yahoo.com
    • مشاهدة الملف الشخصي
    • البريد الالكتروني
عاشت ايدج اختي انجي  على  هذا الموضوع الراقي  ...فعلا  موضوع يجيب العديد على الاسئلة الي  تخص موضوع الكفيل ..ويضع النقاط على الحروف  ...

همزين اني  ماعندي  كفيل  ;D ;D ;D

تحياتي الك
ابن بغداد
VA

لا آله الا الله وحدة لا شريك له,له الملك وله الحمد وهو على كل شيء قدير

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
تسلمين الاخت انجي علة هذا الموضوع المفيد صح اللي الللي ماعندة كفيل ينقبل امريكا  بس ميكون مثل اللي عندة كفيل لانه الكفيل هو اللي يساعد بهواية امور مثلا احنا مكان عدنا كفيل قبلونا امريكا بس ذبونا بولاية  اوريغون بيها عراقيين بس قليل والي موجودين كلمن يكول ياروحي ومحد الة علاقة بالاخر  ولهذا احنا دنفكر نروح لكاليفورنيا لانه بيها جماعتنا مسيحيين وكنائسنا لانه هنانة بولايتي ماكو هيجي شي .بس اني اكلج احنا  لمن اجينا هنانة كنا نعرف انكليزي ومحتاجينا اي شي حتى المراجعات احنا كنا نروح وندبر امورنا.واكو نقطة ثانية يكولج اللي ماعندة كرين كارد او جنسية ميكدر يكفل طبعا هاي المعلومة خاطئة 100% لانه احنا كان عدنا 4 شهور جايين وكفلنا اخوية زكورتي لوحدة وعمرة اكثر من 25 سنة وجابو يمنا يعني صرنا الكفيل مالتة وهسة مصارلي سنة اكدر اكفل 5 عوائل محد الة علاقة بية بس يكون اكدر امشي امورهم يعني باختصار الكفيل ما الة علاقة بالجنسية او كرين كارد وشكرا الكم

غير متصل lisaa

  • عضو فعال جدا
  • ***
  • مشاركة: 125
    • مشاهدة الملف الشخصي

angie-dawood

  • زائر
اخي ماجلان صحيح كلامك بس من وين الفلوس من جيب المنظمة لو من الفلوس الي كانت من حق اللاجئ ???

angie-dawood

  • زائر
لا يااخي العزيز لا 000  ماينطون بيد الكفيل اي مبلغ الكفيل ليس له علاقة باي مبالغ تكون من خصوصيات اللاجئ هو بس يستقبلك من المطار وتبقى كم يوم الى ان يشون الك مسكن والمنظمة هي تجي للبيت يم الكفيل ويقابلوك بعد وصولك بعدد ايام وهما راح ينطون كل المبلغ بيدك انت 00 مو الكفيل يااخي العزيز لانه لازم توقع باستلامك المبلغ  لهذا السبب الفرق بين المنظمة والكفيل لانه اذا المنظمة هي راح تتولى هاي الامور كلها راح تنقطع من هاي الفلوس واللة يعلم شكد يصفى الك وانما لو انت والكفيل تشترون الاغراض اللازمة  من اماكن مناسبة من مواد التغذية ومواد المطبخ وشراء الدواشك  راح تعرف شكد صرفت وشكد باقي من المبلغ  ؟

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخت انجي انتي دائما سباقه للخير ويارب الله ينور دربك وتسلمين على هذه المعلومات الجميله






اخوك :  الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل شبعت من الاهرامات

  • عضو فعال جدا
  • ***
  • مشاركة: 110
    • مشاهدة الملف الشخصي
    • البريد الالكتروني
السلام عليكم
شلونكم اخوتي ان شاءالله بخير
اعتذر عن غيابي عن المنتدى بالايام الي فاتت وذلك لظروف خارج نطاق ارادتي
بالنسبه للكفيل (طبعا راح احجيلكم عن نفسي)
بالنسبه الي اني عندي كفيل ومن خلاله كفيلي اجيت لاوستن وماكان اي دور للكفيل مالتي المنظمه هي الي استقبلتني بالمطار واجه وياهم كفيلي (صديقي )هو من نفسه مو المنظمه طلبت من عنده
وجانت المنظمه محضرتلي شقه غرفتين وهول وحمام ومطبخ وصلت تقريبا ب 12 بالليل جابوني اني وعائلتي لشقتي ومحضريلنه عشه بالثلاجه (وصديقي هم جابلي عشه)وكلشي جان موجود بالثلاجه (من المنظمه مو من صديقي )وحاطيلنه غراض بالبيت (غراض مطبخ وجم حاجه بالحمام ) واسره بالغرف وقنفات وميز اكل وكراسي بالهول . وره يومين اجتي الموظفه من المنظمه للبيت وجابت اوراق معاملاتنه وكالتلي باجر انت وعائلتك تجي  يمنه ورحنه وكلشي خلصوا النه (عدا هوية الولايه واجازة السياقه )وكان دور كفيلي بس دلاني المنظمه وعلمني على الباص وعلى الاسواق هذا كل الي سوا ويايه ....بس اني طلبت من اي او ام (مصر) ان تثبت الكفيل مالتي فقط كفيل معنوي
والموفقيه لكم جميعا

غير متصل يوجد امل

  • عضو مميز
  • ****
  • مشاركة: 1717
  • ذوقوا وانظروا ما اطيب الرب
    • مشاهدة الملف الشخصي
شكرا اخت انجي على الشرح
الله يباركك
اخوك يوجد امل

غير متصل حلو الكلام

  • عضو فعال جدا
  • ***
  • مشاركة: 186
    • مشاهدة الملف الشخصي
بارك الله فيكي اختى الكريمة

غير متصل مظلومه سوادي

  • مبدع قسم الهجرة
  • عضو مميز جدا
  • *
  • مشاركة: 3860
    • مشاهدة الملف الشخصي
عيني عكعك
هاي منو لميس  ??? ??? ;)

عيني انجي
عاشت ايدج عالموضوع المفيد
ونيالهه الناس اللي صرتي كفيلتهه لان عندج خبره وكلب طيب وروح مساعده ماشاء الله نادرا ناس عدهم منهه
الله يوفقج ويسهل امورج امين
مظلومه سوادي فلك


غير متصل عيني بغداد

  • عضو فعال جدا
  • ***
  • مشاركة: 311
    • مشاهدة الملف الشخصي
    • البريد الالكتروني

السلام عليكم
شكرا للاخت أنجي على الموضوع لان أغلب الاخوان مختلطه عليهم الامور واذا ماكو كفيل فتصير الامور صعبه عليه.


تقبلي مروري

عيني بغداد

غير متصل ذاكر ابو فابيان

  • مبدع قسم الهجرة
  • عضو مميز جدا
  • *
  • مشاركة: 2692
  • طوبى .. لفاعلي السلام
    • مشاهدة الملف الشخصي
بارك الله فيكي اخت انجي على التوضيح


رفقا .. ببغداد .. الحبيبة

غير متصل نور68

  • عضو فعال جدا
  • ***
  • مشاركة: 655
  • الجنس: أنثى
    • مشاهدة الملف الشخصي
بارك الله بك اختي العزيزه انجي على هذا الشرح الرائع واحنه دائما متعودين
على مواضيعك المفيده منك حبيبتي ربي يوفقك ويسهل امرك ويحميك من كل شر
امين يارب العالمين


اختك نور68

غير متصل ابو روزا

  • عضو فعال جدا
  • ***
  • مشاركة: 426
  • ومن يتق الله يجعل له مخرجا ويرزقه من حيث لا يحتسب
    • مشاهدة الملف الشخصي
هلوووووووووووو انجي الورده  موضوع مهم وحلو بالنسبه اليه راح اختارج كفيلتي   و مثل ميكولون احضر المهد كبل الولد لان ليهسه ما عندي توطين ;D

angie-dawood

  • زائر
تدلل اخي زهير باي وقت تحتاج كفيل اخ عزيز تدلل

غير متصل ايات

  • عضو مميز
  • ****
  • مشاركة: 1558
  • الجنس: أنثى
  • ايات من مصر
    • مشاهدة الملف الشخصي
بارك الله بيك اختنا انجي على هذه المعلومات القيمة

اختي انجي اني ارسلت لك رسالة على الخاص واني انتظر  منك الجواب اذا امكن على الخاص مع جزيل الشكر والامتنان........اختك ايات
الطفل يلهو بالحياة صغيراً دون أن يعلم الحياة سوف تلعب به كبيراً

غير متصل good sniper

  • مبدع قسم الهجرة
  • عضو مميز جدا
  • *
  • مشاركة: 2707
  • الجنس: ذكر
  • القناص
    • مشاهدة الملف الشخصي
الله يبارك بيج اخت انجي على التفاصيل المهمة شكرا نتمنى لكِ التوفيق والسعادة الدائمة




ابو فهمي
حب لأخيك مثل ما تحب لنفسك

غير متصل ammar4_u

  • عضو فعال جدا
  • ***
  • مشاركة: 239
    • مشاهدة الملف الشخصي
ممنون منج اخت انجي على هذا الشرح المفصل في تبسيط الامور

واكرك شكري الج

اخوج عمار

غير متصل كمال الشاطيء

  • عضو مميز
  • ****
  • مشاركة: 1236
  • الجنس: ذكر
  • مادام الرب راعيني فلا شيء ينقصني
    • مشاهدة الملف الشخصي
    • http://office.microsoft.com/ar-sa/help/HA100398981025.aspx#20
    • البريد الالكتروني
بارك الله بيج اختي انجي وشكرا للتوضيح الله يسهل كل امورك




قوس المدخل في ولاية ميزوري Missouri St - Louis مدينة سانت لويس