المحرر موضوع: معادلة الشهاده للاتعني حصولك على شهادة امريكية حالا  (زيارة 41260 مرات)

0 الأعضاء و 1 ضيف يشاهدون هذا الموضوع.

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
مرحبا شباب


شباب عندي هواي اجوبة لاسئلتكم بس حبيت انوه الي معلومه يمكن الكثير فهمهه بغير طريقة

هي معادلة الشهاده في امريكا

عندما تعادل شهادتك في امريكا ربما تكون هنالك بعض الدروس يجب عليك ان تدرسها وهي عبارة عن دروس اساسية في الاختصاص الخاص بك ولم تدرسها عند حصولك على شهادتك خارج امريكا لذلك يجب عليك ان تدرسها وهذا يعني فترة  من الزمن تمتد من 3 اشهر الى سنه او اثنين حسب المواد والفصول .

وها يعني ايضا انه يجب عليك الحصول على مساعدات مالية Financial Aid لغرض دراسة هذه المواد لان الدراسة غالية جدا في امريكا وماده واحده قد تلفك من 600 دولار الى 3000 دولار حسب الجامعه والولاية .ومعاملة ال Financial Aid صعبة وتحتاج الى وقت ايضا.

النصائح:
-   لاتعتبر موضوعي هذا هو اثارة للاحباط لاصحاب الشهادات ,لكنه تنبيه للي ضمن انه اول ميوصل لامريكا راح يعادل شهادته ويشتغل.قصدي مو الكل راح يكدرون يعدلون شهاداتهم بسرعه.
-   الــ Financial Aid صعب التقديم علية وانت في وضع لاجئ (لبعض الكليات فقط )قد يتطلب منك الحصول على الكرين كارد أو ان تحضر لهم اقرارك الضريبي للعام الماضي وهذا الشئ مستحيل عليك لانك لاجئ وفي الاشهر الاولى قبل السنه واذا كنت مخلص سنه يعني انته لو ماخذ كرين كارد او منتضر تحصله عن قريب .
-   اذا حبيتوا تقدمون على ألــ Financial Aid فنصيحه قدموا معاملة الدراسة الى الجامعه اللي تريدوهه وهمه يقدمولكم على الــ Financial Aid لان راح يذبحون نفسهم حتى تنقبل على الــ Financial Aid وتدرس عدهم وهذا الشئ صار ويايه حتى همه اتصلولي بالــ Financial Aid وقدمولي ومشوا ويايه بالاجراءات (اللي هيه تكون On Line) يعني على الانترنيت لحد موصلت مرحلة الكرين كارد وانلاصت,هههههههههههههه.
بالمناسبة هذا رابط التقديم على الــ Financial Aid
. http://www.fafsa.ed.gov/

-   معادلة الشهاده بالاجراءات العادية تطول اقل شئ 3 اشهر .
-   اذا كنت مستعجل جدا جدا أكو مكاتب مختصة بمعادلة الشهاده لكنها تكون مقبوله من بعض الجامعات وغير مقبولة من البعض الاخر .يعني اذا تريد تدرس بجامعه معينه روح عليهه واسألهم اي مكتب معادلة تعترفون بيه وهمه ينطوك اسم المكتب وعنوانه وتروح تعادل بيه شهادتك بس هذا هم يطول بس اسرع من المعامله العادية.

تنبيه ::: بعض الاعمال والوضائف اللي تطلب شهاده منك قد لاتعترف ببعض مكاتب معادلة الشهادة فانته احسب حسابك على احسن مكتب معادلة او انتظر شويه وقت وعادلهه بالجامعه اللي تريدهه لان تكون معترف بيهه غصبا على كل الشركات.
-   الدراسة وانواعها واهميتها في امريكا ( اوقات الدراسة ,الدراسة والعمل و الدراسة عن طريق الانترنيت) ستكون انشالله في موضوع قادم.
-   اكو مشكلة في الـــ Financial Aid هي انه من يشوفون واحد مخلص بكالوريوس صعب يوافقوله يدرس من جديد لان يكولون انه المساعدات الماليه للدراسة يستحقهه اللي مدارس كلية اصلا. اكو هواي لاجئين صارو لواته ومكالو انهم دارسين جامعه قبل حتى يحصلون على المساعدات الماليه للدراسة بس الكثير منهم انكشفوا بسبب انهم بمعامله ال IOM  زودوا معلوماتهم الدراسية وشهاداتهم .لذلك لتغامرون بهذا الشئ والبعض ينقبل والبعض الاخر لا وذلك حسب الولايه والضغط على المساعدات المالية الخاصه بها.

هنالك الكثير من الملاحضات انشالله اتأكد منهه واكتبهه بعدين وانشالله اكون فدتكم بهذا الموضوع.

مع التقدير
أخوكم غسان الاشقر
سان دييكو - كاليفورنيا


من مواضيعي

- الهواتف والموبايلات في امريكا http://www.ankawa.com/forum/index.php/topic,334536.0.html
- مقهى عراقيو كاليفورنيا http://www.ankawa.com/forum/index.php/topic,286165.0.html
- ادرس و اكسب المال في نفس الوقت http://www.ankawa.com/forum/index.php/topic,402780.0.html
- اذا شفت هذا الشئ بالك http://www.ankawa.com/forum/index.php/topic,402629.msg4538074.html#msg4538074
- عودة الى المنتدى http://www.ankawa.com/forum/index.php/topic,402130.0.html
-  معلوماتي لحد الان عن الكاهون - سان دييغو  http://www.ankawa.com/forum/index.php/topic,298036.0.html
- الخريجين : موضوع مهم جدا  http://www.ankawa.com/forum/index.php/topic,317562.0.html
- استخدام المواصلات في اميريكا ... والبحث عن عناوين  http://www.ankawa.com/forum/index.php/topic,319256.0.html
- حياة اللاجئ في سان دييكو - كاليفورنيا http://www.ankawa.com/forum/index.php/topic,329520.0.html
- اهم الاشياء التي تفعلها حال وصولك  http://www.ankawa.com/forum/index.php/topic,302314.0.html
-  طريقة البحث عن عنوان والوصول اليه http://www.ankawa.com/forum/index.php/topic,336109.0.html
- معادلة الشهاده للاتعني حصولك على شهادة امريكية حالا http://www.ankawa.com/forum/index.php/topic,318670.0.html [/size
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html



غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
تسلم اخي على هذه المعلومات بارك الله بيك

تقبل تحياتي

غير متصل show

  • عضو مميز
  • ****
  • مشاركة: 1126
  • الجنس: ذكر
  • pride man
    • مشاهدة الملف الشخصي
تسلم اخي غسان على المعلومات الذهبيه
لدي سؤال
هل توجد معاهد تمنح شهادات سريعه و حسب ما يمتلكه الشخص من معلومات بمجال معين ؟
حكوميه او اهليه
يعني مثلا
شخص لا يملك شهاده بمجال معين ولكن يمتلك معلومات جيده عملي و نظري  و اراد الحصول على شهاده ذلك المجال من احد المعاهد هل هذا سهل و هل يحق له الالتحاق باحدى الجامعات نتيجه حصوله على شهاده معهديه امريكيه ؟

بالتوفيق للجميع 



good friends are hard to find harder to leave and impossible to forget

غير متصل toofy

  • عضو فعال جدا
  • ***
  • مشاركة: 616
  • toofy
    • مشاهدة الملف الشخصي
عاشت ايدك على هالمواضيع اللي ببال كل صاحب شهادة على ابواب السفر
الله يوفقك ويسهل امورك وبارك الله بيك
تحياتي toofy من عمان

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
شكرا  اخوية غسان و بارك الله بيك نورت دربنا الله ينور عليك دربك و اتشوف الخير بطريقك 

غير متصل مهاجرين بلا حدود

  • مبدع قسم الهجرة
  • عضو مميز جدا
  • *
  • مشاركة: 2261
  • الجنس: ذكر
    • مشاهدة الملف الشخصي
تسلم والف شكر على هذه المعلومات القيمة وبارك الله بجهودك الطيبة والله يوفقك وتبشرنا باخبارك الحلوة دائما

بس سؤال ((( ليش كاتب ساندييكو الكشرة  ;D )))

اخوك ابو محمد

غير متصل mandooo

  • عضو فعال جدا
  • ***
  • مشاركة: 140
    • مشاهدة الملف الشخصي
تسلم اخ غسان على هل معلومات المفيده
بس عندي سؤال اني حاليا ادرس صيدلة سنة خامسة بالاردن يعني اخر سنة سؤالي هسه لو اجالي موعد سفر شنو الاحسن اسوي ااجل سنة او سنتين و انتضر الكرين كارد و ارجع اكمل  لو  اجيب درجاتي ويايه و ارجع اعادل من جديد بدون ما ارجع للاردن
شكرااا

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
مشكورين اخواني واخواتي على ردودكم الحلوة

اخي Show صراحه ماعندي معلومه اكيدة بس راح أسأللك أكو هيج شئ لو لاء واذا موجود بس اطلب منك اسم الولايه اللي ناوي تروحلهه لان هاي الشغلات تعتمد على الولاية . وتتدلل اخي العزيز.

اخويه ابو محمد
سان دييكو الكشرة لان الشغل بيهه بس واسطات وين متروح .عبالك وزارة الخارجية . أبو محمد اذا تحتاج اي شئ خابرني ومن توصل بالسلامه هم خابرني.
وسلامي للاهل.

mandooo
صراحه هذا السؤال حتى استاذ هنانه ميكدر يجاوبه لان سؤال مصيري بس انته ممكن تنطيني معلومات اكثر حتى اسأللك أو تنطيني اسم الولايه اللي رايحلهه انشالله حتى اني اشوف الجامعات اللي بيهه واسألهم عن وضعيتك بالتفصيل واجيبلك جواب منهم أو احصللك رقم استاذ أو قسم التسجل انته تتصل بيهم وتفتهم منهم .والموضوع مهم جدا كارت معاك بأربع دولارات من الارضي ينطيك ساعتين لامريكا .وانته مخسران شئ.
واني حاضر لاي طلب

أخوكم
غسان الاشقر
سان دييكو الكشرة - كالفورنيا
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل freeman2

  • عضو فعال جدا
  • ***
  • مشاركة: 464
  • الجنس: ذكر
  • Life is a gift of ALLAH
    • مشاهدة الملف الشخصي
تسلم ايدك اخي غسان واتمنى ان تكتب الينا التفاصيل حول هذه المواضيع المفيدة جدا للجميع

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
الله يخلصك من ساندييكو الكشره (اني اعرف ليش كشره بس ما اكول هههههه لان اذا اكول تكب العيطة بعين كاوا ههههه)
سوعال:
اذا الواحد قدم عالمساعدات مال الدراسة وقبلوه او لا مو مهم
وهو siv يعني عنده كرين كارد بس هستوه واصل
واصلا عنده شهاده عليا او بكلوريوس ويريد يكمل بعد
واصلا مقدم على الbenefits مالة ال welfare
فشراح يكون موقف جماعة المساعدات اذا الجامعة قبلته عالدراسة؟؟؟
ويصير يسد حلكهم بان يلكه شغل part time او اي شغل بالجامعة بحيث ميقطعون عليه المساعدات؟؟

طبعا اني حاولت اخلي السؤال يبين عام بس ما رهمت هههههه وانت تعرف وضعيتي زين وتعرف داسئل على شنو


سوعال ثاني:
بالمواقع مال الجامعات الامريكية اكو منهاج كل قسم
يعني ال syllabus
فاذا المواد المذكوره تشبه المواد اللي الواحد ماخذهه بالعراق بس الاسم شوية يختلف (يعني المضمون واضح انه نفسه او حتى شامل لشغلات اكثر) فهل هاية تعتبر من المواد اللي لازم الواحد يدرسهه من جده وعتيك

سوعال اخير ولو دوختك
اذا الواحد معدله مو كلش قوي مثلا بالبكلوريوس ويريد يعدله شويه (يعني يرفعه...ولو ما اعرف اصلا نحتاج هيجي شي للقبول بالدراسات العليا هناك واحتاج رايك بهالسالفة هم) وعنده فلوس هواي
يصير يختار مواد معينه يدرسهه (بطر!!) حتى يرفع معدلهوبحيث هو يختار مواد رخيصة وهو درجاته بيهه ضعيفة ويعرف نفسه يكدر هواية يرفعهه اذا امتحنهه من جديد
يعني مثل اختيار مواد لرفع المعدل بالدراسات العليا بالجامعات العراقية اذا طلع اكمال بالمعدل بالكورسات اذا واحد دارس عليا بالعراق ويعرف شنو قصدي؟؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Majid Radhaa

  • عضو فعال جدا
  • ***
  • مشاركة: 194
    • مشاهدة الملف الشخصي
    • البريد الالكتروني
الاخوان الاعزاء
بالنسبة لسؤال الاخ شو حول دورات تدريبية مو دراسة سنتين او اكثر و الجواب نعم توجد مثل هذه الدورات. في كليات المجتمع (community college ) وهذه الكليات تعطي دورات  تسمى دورات مهنية (vocational training ) و الغرض منها الحصول على تدريب مهني و الحصول على ما يشبه اجازة ممارسة مهنة مدة الدراسة تتراوح بين ستة اشهر الى سنة وطبعا للاجئين في اول سنة او سنتين (مو كلش متاكد) تكون الدراسة مجانية بس يشترط الدخول بها كفاءة لغة و هنا مو المقصود كفاءة 100% لكن مثل ما نعرف انه اللاجئ يقدر يسجل على كورسات لتعلم اللغة الانكليزية و هي موجودة في هذه الكليات بعد تجاوز مرحلة 701. لماذا هذه المرحلة؟ لانه تجاوز هذه المرحلة تعني ان الشخص متمكن من القراة و الاستماع اي ما يكفي للدراسة في الدورات المهنية. مرة اخرى دروس الانكليزي و الدورات مجانية للاجئين. ولي عودة على موضوع المعادلة. مع تمنياتي للجميع بالموفقية 
 

غير متصل show

  • عضو مميز
  • ****
  • مشاركة: 1126
  • الجنس: ذكر
  • pride man
    • مشاهدة الملف الشخصي
اخي العزيز  Majid Radhaa

شكرا للمبادره الكريمه و الرد على السؤال
ضمنا انا اعرف هنالك معاهد تزود بشهاده خبره في مجالات كثيره
ولكن ما هي قيمه هذه الشهاده و ما الفرق بينها و بين الشهاده التي تقدمها الجامعات ؟
الى تعتقد انها طريق مختصره للحصول على شهاده تنفع اكثر من شهادتنا التي حايرين شلون نعادلها
او ستساعدنا في المستقبل فيء التقديم على الجامعات او رفع شهاده المعهد الى شهاده جامعيه ؟
بالتوفيق للجمع



good friends are hard to find harder to leave and impossible to forget

غير متصل Haider 67

  • عضو فعال جدا
  • ***
  • مشاركة: 339
  • الجنس: ذكر
    • مشاهدة الملف الشخصي
    • البريد الالكتروني
اعزائي
ان معادلة الشهادة العراقية او غيرها لا تعني ان من يحصل على المعادلة يكافىء من حصل على البكلوريوس الأمريكية اي يبقى مثلا مهندس يحمل شهادة بكلوريوس هندسة عراقية وعند العمل يبقى الموضوع حسب تقدير صاحب العمل بتعيينه بدرجة مهندس او لا لذلك اقترح حل الموضوع كالتالي وحسب سؤالي عن الحل لهذه المعضلة ممن سبقنا الى اميركا ممن يعيش هنا منذ سنوات طويلة

الحل الأول وهو الأفضل بتقديري هو الحصول على الماستر من اميركا وانم تعرفون عند الحصول عليها تعتبر هي الاساس وليس البكلوريوس ولكن يحتاج الموضوع الى لغة وفلوس

الحل الثاني وكما تفضلتم الدورات المتخصصة مثل ما يسمى هنا PE اي Profisional Engneer مثلا او دورة PM اي Project Managment هذه الشهادتين من افضل الشهادات لمن يحمل شهادة الهندسة ومدتها سنتين وتكلف بحدود 8000 دولار في جامعة UCLA في كالفورنيا وهي من افضل الجامعات في العالم وتقسط كلفة الدراسة حسب الكورسات وهناك جامعات ارخص ولحامل احدى هاين الشهادتين مجال واسع في العمل وليس شرط معادلة الشهادة العراقية ولكن ينرادلهة قراية مظبوطة يعني مو بسهولة الحصول عليها

غير متصل Majid Radhaa

  • عضو فعال جدا
  • ***
  • مشاركة: 194
    • مشاهدة الملف الشخصي
    • البريد الالكتروني
اخواني الاعزاء
سبق و ان تم التطرق الى موضوع معادلة الشهادات في اكثر من موضوع من قبل اخوان كثيرين ولكن لا بأس من اعيد كتابة تجربتي في هذا المجال. في الولايات المتحدة و منها فلوريدا الكثير من شركات معادلة الشهادات و منها التي تعاملت معهم و هي josef Silny & Associates, Inc و هي شركة معترف بما تنجزه من قبل الحكومة الفيدرالية و الجيش و حكومة فلوريدا و ما يقرب من 100 جامعة في عموم الولايات المتحدة. و هم لديهم خبرة واسعة بالجامعات و المعاهد العراقية (تجربة شخصية يعرفون جامعة بغداد و التكنولوجية و هيئة المعاهد الفنية) حيث عند بدء التقرير مالهم ينطي نبذة عن الجامعة او المعهد شوقت تأسس و من الجهة الممولة (خاص او عام) كيف يتم قبول الطلبة اي شروط القبول و يذكر انه يجب الحصول على البكالوريا التي تعادل شهادة المدرسة الاعدادية الامريكية. ثم يبدأ بذكر المواد التي درسها الطالب و يحول الدرجات الى اسلوب ال(credits) و هو الاسلوب الامريكي ثم يعطي نتيجة نهائية عن التقييم و هي مثلا بكالوريوس هندسة يعادل الشهادة الامريكية. لكن هنا هو يخلي ملاحظة و سبق ان كتبتها في رد سابق و هو انه التقييم للشركة غير ملزم للجامعات و المعاهد اي انه اي شخص يريد اكمال دراسته قد تطالبه الجامعة بدراسة كورس او سنة او اكثر للوصول الى متطلبات تلك الجامعة للدراسة فيها واكمال البكالوريوس او الماجستير او الدكتوراه و حتى دراسة ما بعد الدكتوراه. اذا اخواني نعيد هي شهادة بالنسبة لسوق العمل مكافئة لكن لاغراض الدراسة جائز يطلبون منك بعض الدراسة الاضافية وقد لا حسب نوعية دراستك و الدراسة في الجامعة و هنا يدخل موضوع تفاصيل الدروس اللي اخذتها في دراستك (syllabus ). هذا ما يخص معادلة الشهادة و اتمنى انه قد ساهمت بازالة بعض الغموض عن هذه المسألة.
الشغلة الثانية و هي اجازة ال PE  اخوي حيدر ان المهندس الاستشاريPE  هو لقب لا يتم الحصول على هذا اللقب عن طريق دورة ما و قد شرحت الموضوع في هذا الرابط:
http://www.ankawa.com/forum/index.php/topic,317887.0.html
اما بالنسبة ل PM فهذه لا معلومات لي عنها و لكنها على العموم لها فائدة في تسهيل الحصول على عمل. اما ما فائدة لقب استشاري و هل الحصول على اللقب شرط للعمل و الجواب لا لكنه بالتاكيد يسهل المهمة لانه انت معترف بقدراتك كمهندس من جهة امريكية لها وزنها مثلا هنا في فلوريدا اسمها:
Floria Board of Professional Engineers
تمنياتي للجميع بالموفقية

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
استاذنا Majid اكيد حضرتك تاكدت انه هاية الشركه هي احسن خيار متاح الك
وبموجب خبرتك المتواضعة وية هاية الشركة فبرايك شهادة الهندسة الاولية او العليا من جامعة بغداد وبدرجات جيدة تحتاج من الجامعات (عموما مو من جامعة معينه) دراسة كورسات اضافية لاكمال الدراسة؟؟ لو كورسات بغداد كافية على الاغلب وهنا دا احجي على الشهادة بالعشرين سنه الاخيرة

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ايات

  • عضو مميز
  • ****
  • مشاركة: 1558
  • الجنس: أنثى
  • ايات من مصر
    • مشاهدة الملف الشخصي
بارك الله بيك اخونا على المعلومات القيمة ........اختك ايات
الطفل يلهو بالحياة صغيراً دون أن يعلم الحياة سوف تلعب به كبيراً

غير متصل عراقي بلبنان

  • عضو فعال جدا
  • ***
  • مشاركة: 216
  • الجنس: ذكر
    • مشاهدة الملف الشخصي
    • البريد الالكتروني
يعني الامم انطتهم شهادتي لامريكا مااعتقد انا الملف جبته وياي وجيكته انطوني اوراق الفحوصات وانطوني الاشعه وارواقي الثبوتيه ماشفت اي شي حتى من انطيت الجنطه مال iom اخذوا منها بس هاي الاوراق وبعد الله اعلم من وراي شنو مسوين اللبنانين

غير متصل Iron_man

  • عضو فعال جدا
  • ***
  • مشاركة: 428
    • مشاهدة الملف الشخصي
شكرا لك اخي غسان ... وفقك الله لما في ذلك من فائدة لكل من يشغله هذا الموضوع ...

اخوكم
Iron_man

غير متصل Mark_usa

  • نجم منتدى الهجرة و اللاجئين
  • عضو فعال جدا
  • *
  • مشاركة: 160
  • الجنس: ذكر
    • مشاهدة الملف الشخصي
السلام للجميع،

معادلة الشهادة ، لاتعني بأي حال من الاحوال ان شهادتك هي امريكية، علماً انه اثناء التقديم على اي برنامج دراسي في اي معهد دراسي في اميركا سيخضعك هذا المعهد لامتحان لتحديد مستواك العلمي في البرنامج المطلوب ومن ثم تحديد الكورسات التي ستحتاجها لتكملة هذا البرنامج.

أغلب مراكز تقييم الشهادات الخارجية داخل الولايات المتحدة تعتمد مراسلة الجهة المصدّرة للشهادة مباشرةً (الجامعة أو المعهد) للـتأكد من صحة الصدور (وهذا يستغرق بضعة اشهر عادةً)، والمطلوب الرئيسي للشهادة العلمية هو ان تكون أما صادرة أصلاً ومختومة باللغة الانگليزية، أو مترجمة للأنگليزية ترجمة مصدقة و معترف بها، بالاضافة الى كونها تحوي على تفصايل المواد الدراسية وساعاتها لكل فصل ولجميع سنوات الدراسة.

يفضل استخراج شهادة التخرج من الثانوية العامة بالانگليزي أو مترجمة لها (ان امكن) ؛ لانها قد تكون مطلوبة عند طلب معادلة شهادة جامعية.

اليكم رابط لاحد اتحادات مؤسسات تقييم الشهادات الخارجية المعترف بها من وزارة التعليم الامريكية ويحوي على 19 مؤسسة لتقييم الشهادات تستطيع اختيار اي واحد منها  http://www.naces.org/members.htm،  وارشح لك من بينها WES في نيويورك و ECE في ملووكي/وسنكانسن و Josef Silny في ميامي فلوريدا.

بالنسبة الى خريجي الكليات الهندسية واذا كنت ترغب في ان تكون Licensed اي مرخص كمهندس محترف في ولاية معينة (وهذا يخولك في التصديق على الوثائق الهندسية من تصاميم وتقارير وتحمل مسؤوليتها والتعامل الرسمي مع الجهات الرسمية)، لفمن أكثر الجهات المعترف بها هي Center for Professional Education Services وهذا هو الرابط لها http://www.cpees.org  (وهي مكلفة بعض الشئ لكن تقييمها معترف به في معظم الولايات ومطلوب كشرط اولي للتقديم على أمتحان الترخيص للمهنة وكل ولاية هنا تحدد لك مراكز التقييم التي تعترف هي بها حصرياً لغرض التقديم لهذا الامتحان، و مركز cpees و wes هما الاكثر شيوعاً).

ينصح الكثيرين لحاملي الشهادات الهندسية الاولية (وحتى العليا احيانا)، واذا كانت لهم النية والوقت والجهد لتكملة الدراسة بعدم تضييع الوقت في اخذ كورسات لمعادلة الشهادات ، بل بالتقديم على MBA وهو درجة ماجستير عام ينفع في كل أميركا ولا يحصرك في منطقة اختصاص ضيقة. ويعتبر احياناً شرط اساسي للتعيين في كثير من المؤسسات الهندسية ، خصوصاً ان هذا الاختصاص يفتح لك الباب للدخول في المجال الاداري والتخطيطي والتنفيذي للمؤسسات وهذا اكثر ما تطلبه المؤسسات لان المهندس مهما كان اختصاصه فمن اهم مسؤولياته في أي دائرة هي القيادة و اتخاذ قرار.

ملاحظات:

- تستطيع الحصول على تقييم مفصل لشهاداتك الدراسية او تقييم مختصر يبين انك خريج ولغرض تكلمة الدراسة او العمل وحسب طلبك وطلب الجهة الطالبة للتقييم.
- بعض مراكز التقييم تعطيك خيار ارسال التقييم مغلق ومختوم بالشمع (لان بعض الجهات قد تطلبه ضرفاً مغلقاً) او مفتوح حسب رغبتك، أو ان ترسل نسخة من التقييم مباشرة الى الجهة الطالبة للتقييم وحسب المطلوب.
- في معظم مراكز التقييم عند تقديمك لأول مرة فانك معلوماتك ستدخل في قاعدة بيانات المركز الذي قدمت عليه لذلك تستطيع دائماً ان تطلب منه اي نسخ اضافية في اوقات اخرى، دون اعادة التقييم مرة ثانية.

آملاً ان تكون المعلومات مفيدة،
ودمتم

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
بارك الله بيك اخي الكريم بس بالنسبة الى خريجين اللغات هل ينطبق عليهم نفس الكلام انه اذا يريدون يقدمون على الدراسات العليا لازم يدخلون كم كورس حتى يستطيعون ان يكملون دراساتهم العليا و شكرا اخي

غير متصل القرش

  • مبدع قسم الهجرة
  • عضو مميز جدا
  • *
  • مشاركة: 3310
  • الجنس: ذكر
    • مشاهدة الملف الشخصي
                                       السلام عليكم

 بارك الله بيك اخويه غسان على هذه المعلومات والله يكثر من امثالك .

 ابو انس

غير متصل Iron_man

  • عضو فعال جدا
  • ***
  • مشاركة: 428
    • مشاهدة الملف الشخصي
شكرا لك اخي مارك ....

اتمنى التواصل دائما في مثل هكذا مواضيع لعلاقتها في الدراسة او حتى من باب ايجاد فرص العمل ....

تقبل مروري ..


مع فائق الاحترام

Iron_man

غير متصل hussein5582

  • عضو فعال جدا
  • ***
  • مشاركة: 484
  • الجنس: ذكر
  • بعد عشر سنين هسه البطاقه التموينيه متعجب,, عجبي!!
    • مشاهدة الملف الشخصي
    • البريد الالكتروني
 WES في نيويورك
فعلا مكتب جيد حسب تعاملي وياهم واني حاليا داانتظر نتيجة المعادله لانوا
الكليه الي بتينيسي نصحتني بيه و ياخذون على المعادله الي هي كورس باي كورس وهو المطلوب في حالاتنا لاكمال الدراسه 160 دولار
لا تأسفن على غدر الزمان لطالما ..رقصت على جثث الأسود كلاب
لا تحسبنّ برقصـها تعلـو على أسيادها فالاسدُ أسدٌ والكلابُ كلابُ

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
مرحبا شباب

اليوم رحت افتريت سألت عن الكثير من التساؤلات

وبصورة عامة جدا شفت وسمعت كم حاله أو جواب :

- بالنسبة للي عنده خبرة أو مهنه بس بدون شهاده ممكن يقدم على اتحاد العمال التابع للمقاطعة اللي ساكن بيهه (Labor Union) وهمه يسجلوه يمهم ويمكن يحصلوله شغل حر.

- الدكتور على الاكثر لازم يدرس في اميريكا حتى لو عادل شهادته فلازم يتخرج من اميريكا حتى يحصل على ترخيص ممارسة المهنه . ولو اني شفت دكتور عراقي قال انه عادل شهادته مال كلية الطب و انطوه ترخيص ممارسة مهنه بس من سألته عن التفاصيل والطريقة تهرب من الجواب.

- شفت واحد كوري جايب شهادته من كوريا مال هندسة كيميائية بس بدون وصف المواد و قال لهم مستحيل اكدر احصل على الوصف بس اني خبير بمجال دراستي فقالوله Prove it يعني اثبت النا انه انته خبير حتى نصدق انه انته نفنهم حتى نشوفلك شئ تشتغل بيه ... ومن تجيب الوصف نعادل شهادتك ونعترف بشهادتك معادلة لشهادتنه.

- بالنسبة للتدريس لازم تدخل بعض الاختبارات حتى تمارس التدريس.

اما مسأله المكاتب مال المعادلة فإنشالله باجر اتصل بيهم

أخوكم
غسان الاشقر
سان دييغو - كاليفورنيا
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
شكرا تاج راسي غسان بس حبي ما جوابتني على سؤالي انه خريجين اللغات و خصوصا قسم الترجمة شلون راح يكون وضعهم اذا وصلوا الى امريكا و حبوا ان يقدمون على وظيفة بحكم شهادتهم او حبوا يكملون دراسات عليا و ممنون منك يا ورد

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
اني اسف taif_alsaad1982
انشالله اجيبلك الجواب
وتامر امر
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني

غير متصل Iron_man

  • عضو فعال جدا
  • ***
  • مشاركة: 428
    • مشاهدة الملف الشخصي
شكرا لك اخي غسان الاشقر على اضافة المعلومات ...... انشاء الله دائما حيوية ونشاط وتقدم ...

ممنون


Iron_man

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
انته تأمر اخي Iron Man
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
شباب اعذروني للتقصير في الكتابة لكنني احاول الاتصال بمكاتب المعادلة والخروج بمحصلة نهائية اضعها بين ايديكم لاحقا انشالله.
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل freeman2

  • عضو فعال جدا
  • ***
  • مشاركة: 464
  • الجنس: ذكر
  • Life is a gift of ALLAH
    • مشاهدة الملف الشخصي
اخي غسان المحترم
عندي سؤال ماهي فرص العمل بمجال شبكات الكومبيوتر في سان دياكو وكذلك مجال صناعة الاسنان
انتظر ردك اخي العزيز
شكرا على المعلومات القيمة

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
زين اني اسالتي كلش صعبه ؟؟؟ ;D
يمته الفرج يا ربي

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
أخي الكريم فري مان
سان دييغو مدينه تتطور بسرعه في هذه الايام ومن أهم الاختصاصات المطلوبة في سوق العمل هي .
ألبناء , ألطب و تكنلوجيا المعلومات.

بس هذا الكلام المعلن ومو رأس مال .

بس طب الاسنان هنانه جدا ماشي.

الاخ فنجنزو انته أسألتك مال واحد يأخذ موعد ويه وزير التعليم ألعالي مال سان دييغو.هههههههه

بس انشالله اجيبلك جواب مو حجي ناس . بس اريد اجيبلك كلام مضبوط.
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
غسان الأشقر انت انسان عظيم و ممنونين منك اخوية و انت  مثال للمواطن الغيور صاحب الهمة بارك الله بيك و بأرضك وليدي غسان بس اسالنا على اللغات و لا تنسى اني خريج اداب ترجمة يعني بعد عمر طويل اذا اجيت للمعمورة ارض الأحلام اكدر الكه شغل لو همين صعبة مثل حشاك و حشا الطيبين غير ناس يصعبوها و تحياتي الك وين انت موجود ومشاعر مالها حدود

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
أخي taif_alsaad1982
حبيبي هاي من اخلاقك الطيبة .

بس اشو اسمك taif_alsaad1982 يعني اكيد مواليد 82 وتكللي ((وليدي غسان ))هههههههههه تره اني هم مواليد ثمانينات.

أكو شخص ديمشي بإجراءاته ويايه وهو خريج اداب .انشالله انقللك كل تجربته وتتدلل.

بس حبيت اوضح شئ صغير ... هوه كلية الاداب ترجمتهه خطأ في العراق .. يسموهه بالعراق College of Arts.
وهنانه عبالهم كلية فنون .

فإللي يجي هنانه يكللهم  College of literature studies .
أو أي مصطلح معادل إلهه.
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
صحيح عمي غسان هذه من التسميات الخاطأة و المصطلح الي كتبته هو الأصح شكرا لك مرة ثانية و اسمحلي اغنيلك اغنية قديمة


 سالم يا غسان يل عينك متنام اني حبيت اتشاقه وياك لأن انت دخلت في قلبي ما اعرف ليش احنه لازم نعلن خطوبتنا و نوقف حجي الناس هههههههههههههههههههههههههههههههههه

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
غسان عيني اني اتاكدت من كلمة اداب و تكون ترجمتها باللغة العربية
ARTS 

غير متصل freeman2

  • عضو فعال جدا
  • ***
  • مشاركة: 464
  • الجنس: ذكر
  • Life is a gift of ALLAH
    • مشاهدة الملف الشخصي
اخي غسان الورد
انا شاكر لك كثيرا على مرورك وردك على سؤالي
انتظر اي تطورات وكلنا ننتظر مواضيعك لانها تمس الجميع وهي عن خبرة
شكرا مرة اخرى

غير متصل nana09

  • عضو فعال
  • **
  • مشاركة: 62
    • مشاهدة الملف الشخصي
الاخ Taif _alsaad  1982
اني همين خريجة ترجمة وسالت هواية شون اقدم على شغل ب مجال اختصاصي والكل جاوب نفس الشي انو
you have to be a certified translator
حتى نشتغل ب المحاكم ومشتشفيات ودوائر حكومية 
واعتقد ماكو مشكلة بهالحجي لان لازم تسوي اختبار ويشوفون مستواك
اكو مواقع هواية بامكانك ان تتاكد واحد منهم هو هذا  بس ينطي الك دبلوم ب الترجمة طبعا طكوك كلش وفهموني انو تكدر تشتغل وية هاي الايجنسي نفسها ويهيئوك.......

http://certifiedtranslators.com/wordpress/?page_id=236

اقراه زين وافتهم السالفة
واذا تكدر انت سوي كوكل على هالحجي وانشاء الله نتعاون حتى نوصل لنتيجة
اني لهسة ممسوية الاختبار لان اخر واحد كان ب لوس انجلوس ومكدرت اروح

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
اخي العزيز اني ما اعرف شلون اشكرك يا  وردة و هذا كلامك يطمئن الف الحمد لله بس اهم شيء انه نطلع و نسافر الى امريكا بس اكو شغلة انه بس دبلوم ينطوك هل هذا معاه انه درجة اقل من البكلوريوس ؟ اني بصراحة بحكم عملي وية الجيش جماعتي الأمريكان يكولولي اذا تجي خوش شغل اتحصل بأمريكا بس المشكلة هي الطلعة الكشرة حشاكم شلون راح اتصير على العموم تقبل مروري و اني ممنون منك يا ورد

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
مشكورين على ردودكم

لكل الخريجين بإختصاصات تدريسية مثل جامعة التربية:
بعد معادلة شهاداتكم يجب عليكم اجتياز خمسة اختبارات :

الاول اسمه سي بيست ويكلف 40 دولار.
اما الاختبارات الباقية تسمى سي سيت وتكلف 120 دولار او اكثر.

لكن اللي يريد يعادل شهادته ميهتم لان الشهاده مهمه في امريكا.
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
أشكركم على التواصل

وأحب ارجع وانوه الى انه قبل ان تقوم بمعادلة الشهاده يجب ان تحدد لماذا تعادل الشهاده اصلا يعني تريد تدرس أو تشتغل. ومن تحدد هذا الشئ تروح للمكان اللي انته تريد تقدم عليه دراسه او شغل وتسألهم عن نوع المعادله المطلوبه هل هيه :
- course by course evaluation.
أو
- General Evaluator.

وثم تسألوهم عن مكاتب المعادله المعترف بيهه عدهم لان ميعترفون بكل المكاتب.

وانشالله ارجعلكم ببعض التوضيح
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل جوني جاك

  • عضو فعال جدا
  • ***
  • مشاركة: 658
  • الجنس: ذكر
  • مابقى عقل براسي ( هذا هو حالي )
    • مشاهدة الملف الشخصي
عمي غسان الاشقر وينك والله الك وحشة
وشكرا على الموضوع
جوني جاك
()

منتظر الموافقة الامنية منذ السادس 2009

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
الاخ العزيز غسان احب اسألك شنو رأيك بالاونلاين degrees؟ يعني عادي ممكن واحد ياخذ هيج درجة علمية ويكون معترف بيها بامريكا؟

غير متصل نورالمعرفة

  • عضو
  • *
  • مشاركة: 11
    • مشاهدة الملف الشخصي
اخي غسان الله يسعدك

ممكن سؤال بسيط؟

انت قلت فيما مضى فوق

(فانته احسب حسابك على احسن مكتب معادلة او انتظر شويه وقت وعادلهه بالجامعه اللي تريدهه لان تكون معترف بيهه غصبا على كل الشركات.)

طيب انا اريد مكتب مضمون والكل يعترف بمعادلته؟ ممكن؟

اشكرك وربي يوفقك

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
اختي سرى
شهادة الاون لاين تعتبر مثل شهادة الجامعات الاهلية بالعراق يعتبروهه حتى ورة المسائي بالتعيينات.لكن اريد اتأكد من هذا الشئ من خلال شركات أو مختصين بهذا المجال وانشالله اجيب خبر.

اخي نورالمعرفة
صراحه ممتأكد لان لازم اسأللك كل كليه وجامعه بأمريكا
بكن لحد الان مكتب ece هو المقبول لدى الكثيرين وهو ارخص نسبيا
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل حمودي ابن زيونه

  • عضو مميز
  • ****
  • مشاركة: 1504
  • الجنس: ذكر
  • الحمد لله رب العالمين
    • مشاهدة الملف الشخصي
هل ECE يطلب ارسال الشهادات من الجامعه لو يعترف بالاصلية اللي عندي؟
" افضل العبادة: انتظار الفرج "

" من اكثر الاستغفار جعل الله له من كل هم فرجاً، ومن كل ضيق مخرجاً "

### لا تحزن فان عمرك الحقيقي سعادتك وراحة بالك، فلا تنفق ايامك في الحزن، وتبذر لياليك في الهم، وتوزع ساعاتك على الغموم، ولاتسرف في اضاعة حياتك ###

غير متصل (بغدادي)

  • مبدع قسم الهجرة
  • عضو فعال جدا
  • *
  • مشاركة: 672
  • الجنس: ذكر
    • مشاهدة الملف الشخصي
يعترف بالاصلية اللي عندك واني عادلت شهادتي يمهم..

عضو فرقة سان دييغو للحزب تنظيم الرفيق ابراهام لنكن

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اني هم عادلت يمهم بس ذاك اليوم عدنه هنا بنية هم مهاجرة من اوربا وكملت كومة دراسة و ورة مدري شكم سنة يلله حصلت كرين كارد وذاك اليوم يلله راحت على جامعة Rutgers اللي هي الState University of New Jersey واللي هي تجي بالمرتبة الثانية ورة جامعة Princeton  بنيو جيرسي وكالولهه  ECE  ما يمشي عدنه واللا WES اللي هو مو مشكلته مجرد انه شوية اغلى وانما على الاغلب اللا يراسلون العراق وهنا شلعان الكلب

بالنسبة للمهندسين اللي يريدون يحصلون Certificate مالة هندسة حتى يصيرون Certified Engineers فأصلا هو الBoard of Engineers بولايتهم او احتمال اله اسم مشابه هو اللي يعادل وهاية بحدود ال400 دولار ولازم يتصل ويستلم الوثائق من الجامعة العراقية
وطبعا وراهه لازم تنجح بالتوفل وتدزلهم نتيجته وتفوت بامتحان ال FE اللي هم يكلفله فد 125 دولار وطوله فد 9 ساعات ويصير مرتين بالسنة ولازم تطلع بيه فوك ال70 بالمية (يعني مثل لغوة ال USMLE مالة الاطباء) يلله تصير مجاز كمهندس

فبهالاثناء يكدر الواحد على ما يكمل هالاجراءات والامتحانات يطكطك بالترجمة وهاي شغلهه كلش طاك ومتوفر للي لغتهم قوية (خصوصا جماعتنه الاس اي في الابطال اللي جانوا مترجمين بالعراق) بس هم لازم لغتك قوية واقصد قوية يعني صدك قوية فتكدر تعيش الى ان ترتب وضعك الهندسي

او ممكن اصلا ما تاخذ اجازة بالهندسة وتختار تكمل ماجستير او دكتوراه وهاي هم دوخة بس بغير اتجاه

فائدة الشغل بالترجمة عن الشغل بالحاسبات والهندسة انه ما عندك هواي منافسين اذا لغتك قوية لان وعن تجربة تلترباع العرب بامريكا مكضيهه باليس والنو وحتى بالعربي هم مو كلش تفتهمهم وما اعرف شوصلهم لامريكا (اعتقد اخوية المدرس الاشقر حيل يتفق وياية لان هو بنص العراقيين والعرب المطفين بساندييكو...وطبعا ماجلان وبغدادي ومشرفنه بيرج لان كلهم هناك وممكن تسألوهم)

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
كالولهه  ECE  ما يمشي عدنه واللا WES

وهو هذا اللي اكوله اني انه مو مهم انه بس تعادل الشهادة يم الاسهل وانما اسألوا جامعاتكم لانه مضيعة وقت وفلوس.اكو جامعات ما تعترف بس بويس وهاي مسألة فردية وتعتمد عالجامعة.

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني

أخت سرى مشكورة على التوضيح وهذا اللي اني ذاكره سابقا في موضوعي :
 

مرحبا شباب

-اذا كنت مستعجل جدا جدا أكو مكاتب مختصة بمعادلة الشهاده لكنها تكون مقبوله من بعض الجامعات وغير مقبولة من البعض الاخر .يعني اذا تريد تدرس بجامعه معينه روح عليهه واسألهم اي مكتب معادلة تعترفون بيه وهمه ينطوك اسم المكتب وعنوانه وتروح تعادل بيه شهادتك بس هذا هم يطول بس اسرع من المعامله العادية.

تنبيه ::: بعض الاعمال والوضائف اللي تطلب شهاده منك قد لاتعترف ببعض مكاتب معادلة الشهادة فانته احسب حسابك على احسن مكتب معادلة او انتظر شويه وقت وعادلهه بالجامعه اللي تريدهه لان تكون معترف بيهه غصبا على كل الشركات.

مع التقدير
أخوكم غسان الاشقر
سان دييكو - كاليفورنيا

لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
السلام عليكم اخواني عندي سؤال من فضلكم

شكد درجة النجاح في امتحان ال GRE و شكد اصلا هي الدرجة الكلية و شكد الدرجة الكلية للتوفل و شكد المطلوب للنجاح في هذا الأمتحان؟

اني رحت الى جامعة لويزيانا و اتكلمت مع موظفة قبل كم شهر و استفسرت منها عن كيفية القبول كلت لازم تجتاز امتحان التوفل و الجي ار اي ...... و لازم اجيبلها شهادة خطية من 3 اشخاص انه اني اتكلم اللغة الأنجليزية و انطيهم شهاتي بالدرجات و مترجمة. فبصراحة ما اعرف الأخ الي يكول خريجين التربية لازم يجتازون 5 امتحانات. شوكت هذا الكلام صار. و اتمنى ان يكول غير صحيح. و شكرا

غير متصل mohsemian

  • عضو
  • *
  • مشاركة: 16
    • مشاهدة الملف الشخصي
    • البريد الالكتروني
الأخوة الأعزاء شكرا لكل هذا التوضيح والأجابات ولكن من يقرأ هذه الأجابات واختلاف وجهات النظر وكل واحد يسرد تجربته الخاصة يحصل لدينا ارتباك وندوخ خصوصا احنا اللي بالعراق ومنظرين السفر عن قريب انشالله. طلبي هو ان يقوم احد الأخوة بسرد موضوع معادلة الشهادة بشكل متسلسل وتفصيلي للحفاظ على ترابط الأفكار وكالآتي:
1. ما هو الفرق بين معادلة الشهادة لأغراض الدراسة ومعادلتها لأغراض العمل؟
2. عند معادلة الشهادة لأغراض العمل هل تصبح قادر على العمل كمهندس في الشركات الأمريكية؟ ام يجب الحصول على FE و PE ؟
3. متى ابدأ بالتقديم على ال FE ومتى ابدأ بالتقديم على ال PE ؟
4. ما المتطلبات للحصول على ال FE؟ وما هي متطلبات الحصول على PE ؟
5. في حالة اخترت اكمال دراسة الماستر هل تكون كافية لي للعمل كمهندس بأختصاصي ؟ وتعتبر كنوع من المعادلة لشهادة البكلوريوس؟ ام ايضا لا يمكن ان اعمل الأ ضمن شهادة الماستر اللي حصلت عليها؟

بأنتظار اجابات الأخوة اصحاب الخبرة وانشالله ماتقصرون ويانا

تحياتي

غير متصل ام الهنا

  • مبدع قسم الهجرة
  • عضو مميز جدا
  • *
  • مشاركة: 2306
    • مشاهدة الملف الشخصي
( كَلَّا إِنَّ مَعِيَ رَبِّي سَيَهْدِينِ )