سوال صريح لكل فتاه؟؟

[dany.k]

وأتمنى الجواب بكل صراحه
إذا تعرفت البنت على شاب في الدراسه أو العمل وكان على خلق ودين وبينهم الإحترام المتبادل وما عرفت منه إلا كل خير وصار بينهم تواصل محترم على أساس الزمالة أو الأخوة عن طريق الرسائل القصيره أو الإيميل

ورغب هذا الشاب في الزواج من البنت!!
لكن الظروف ما سمحت بسبب ظروف والزواج قسمة و نصيب!!

وبعدين تزوجت البنت!!

السؤال :
هل تعتبرين وتنظرين إلى تواصل البنت معه بالإيميل مثلا أو الرسائل القصيرة نوع من الخيانة للزوج؟

دمتم سالمين


اتمنى ان تجاوبو بكل صراحة


تحياتي

[nabil maria]

عاشت الايادي للموضوع

برأي الشخصي اعتبرها خيانة لانه عندما يستمر الاتصال مرة كل شهر سيتقلص الى اقل من شهر وهكذا الى تصبح اللقاءات قريبة جدا والاتصالات كثيرة ويأتي اليوم يشعر الفرد عندها يوجد شيء غير طبيعي ولكن الصداقة تستمر اذا كان هناك الصراحة والاحترام بين الطرفين والحوار البناء .
لهذا الرسائل القصيرة او الايميل قد يزيد يوما ما وعندما يكون اخفاء في الموضوع وهنا تبدء المشكلة لهذا انصح ( كل واحد بطريقه) لان الحب ابدا لن ولم يتحول الى صداقة ...


تحياتي وعاشت الايادي

رأي الشخصي

[noni2006]

هاي داني.....اني برايي انو اذا تستمر المراسلة و الاتصالات ماكو مشكلة بس بشرط انو الطرفين يعررفون انو الوضعية تغيرت ومن المفضل انو الزوج يعرف غير هذا مو ممكن ...وما اتصور واحد  يحب وحدة يعرضها لمشاكل...مووووووو لو مومو

[dany.k]

شكرا  noni2006 و nabil maria  على المرور العطر



تحياتي

[JANEETYOUNAN]

الى عزيزي داني هذه التي تكلمت عنها هي عمق مشكلات الزواج ...يا اخي هي تزوجت  وانتهى الامر ولكن هل الزواج ملئ بالحب...وهل فيه الصداقة الزوجية...بدون سابق انذار تدخل ضمن حياة كانها بحر لا اطمئنان فيها.
اذا استمرت فلافضل ان تنفصل عن زوجها فلا داعي ان تكون شخصيتين مختلفتين وتعطي كل واحد الحق.
اذا استمرت فلماذا تتزوج اذا مادام قلبها مع الاخر...ياداني هنا في خلية وفيها كل المواصفات والاقدار ونحن بيدنا نعملها .
اذا كانت الاستمرالاية نابع صداقة اخوة ولما لا يعني هنا تتبدل الامر فالكتابة تعبر عن مصداقيتها ولما لا نحترم
الصداقة والزمالة في ان واحد.
                                   اذا كان القلب صافي اذا لاخوف منه اما اذا كان القلب نجس ذلك قولوا يا ويلاه
                                                                             وشذرا على ه\ا الموضوع الحلو

[dany.k]

يسلمووو اخت جانيت غلى الرد

[سلام العاشق]

اني احي الاخت الفاضلة على هذا السؤال المهم في حيات الشباب و الشابات بالخصوص ارجو الاستفادة مع التقدير

اخوكي 
سلام العاشق 

[bnottkamel]

موضوع رائع واكثر مشاكل الزواج سببها الحب الاول واني اعتبرها خيانه لان كل شخص عندة كلب واحد والي لازم يسكنه شخص واحد / الاخطاء الي تصير هيه
*المخابرات بالخفيه يعني من جوا الجوا يعني اكيد ماراح تخابر حبيبها الاولاني كدام زوجها!
*المحادثة الي تصير اكيد تمر بيها كلامات غراميات وراح يظلون يفكرون واحد بالاخ وهذا اكثر يعقد الامور
*من يجي الزوج يغازل مرته هية تكون كارهته وماطيكه وتكله مالي وهسك وتصير مشكلة
هاي اكبر خيانه ـ  والشخص مايكون ناجح بحياته لان الحب الاول ضاع والزوج ماداتنطيلة حقه كازوج
واكو هوايه اشياء تصير بس المختصر المفيد احسن ،نصيحتي الي يمر بهاي التجربه الصعبه هو ان ينسى ويتقدم خطوه للامام بدون النظر للوراء والي راح ماااااااااااااات
هذا رائي الشخصي تحياتي
تقبل مروري

[عيون العراق]

انا برائ اكيد هاي خيانة  لان راح تبدي الامور بشويا شويا يعني مرة تحجي وياه ومرتين وتزيد العلاقة ولاننسى انو هي جانت تحبه!!!! وراح تكذب على زوجها وبعدين لو لكفها تصير مشاكل وتهدد حياتها الزوجية
فبراي ماانصح اي بنت بهل الشي لان من اتزوجت خلص بعد تعيش ويا زوجها وتنطي قلبها لزوجها وبس
تحياتي

[اياد الساهر]

اني برأي هاي اكبر خيانه ان تستمر الفتاة بعلاقتها القديمه علما مستحيل الحب يتحول صداقة
لان الرسائل والاتصالات ممكن ان تؤدي الى اشياء اخرى مثل المواعده او المغازلة
نصيحتي لكل فتاة ان تحترمها زواجها وتقدسه وتستمر بتكون اسرة واطفال بعيدا عن اي نوع من انواع العلاقات 

[SAIF_aladil]

والزواج قسمة و نصيب!

في البداية اود ان اعلق على هذة الكلمة انه في الزواج لايوجد قسمة ونصيب في الزواج يوجد نعم ولا
لان الانسان مخير
وعندما تقف الفتاة وتقول نعم ويقول الشاب نعم فأنهما اختارو حياتهم فلاداعي لان يدخل طرف ثالث سوا الله

مع تحيااتي

[** يدكو **]

تعتبر اكبر خيانه

[زهرة القرنفل]

موضوع كلش حلو ومرة سمعت بالراديو قصة هم هيجي وحدة تحب واحد وتزوجت وزوجها كلش يحبها ويقدرها وهي مستمرة بحبها القديم وتبجي وتتالم من اي مشكلة تصيرلها وياه ورغم انها تحبة بنفس الوقت متريد تعوف زوجها وهذه انانية طبعا

وخيانـــــــــة اكيدومدام تزوجت لازم تحب زوجها الي منطيها اسمة والحبيب السابق لازم تنساه وينساها

تحياتي

[nuhra]

موضوع جميل وسؤال مهم جدا


واستطيع ان اقتصر الاجابة بالتالي

الحب لا يتحول الى صداقة ابدا

ممكن صداقة تتحول الى حب ولكن شنو معنى التواصل مع حبيب سابق ؟؟؟ فبراي هي خيانة مية بالمية
لان من انتهى الحب ينتهي كلشي وياه وميبقى للصداقة وجود لان على الاقل يبقى احد الطرفين متعلق بمشاعر الحب ومن الخطا ان يبقوا على اتصال بالرغم من زواج احدهم


تحياتي
نوهرا

[dalia1975]

اكيد هيجي علاقة وهي متزوجة خيانة بس اكيد اكو فد خلل من زوجها حتا لو تحب واحد قبل الزواج او حتا بعد الزواج لازم اكو فراغ عاطفي بحياتها والزواج هو شراكة بين اثنين بكلشي ولازم واحد يحس بالثاني ومثل هجي علاقات اكيد مكتوبلها الفشل لان ماكو شي يغذيها واكيد الابنية تعرف انو الطرف اللي دتخون زوجها علموده او يحب يتسلى بيها وهي تدرك هذا بس نتيجة الفراغ العاطفي يكون مخدر الها وحتا لو جان عشيقه يحبها من صدك فاكيد مثل ماكلت اتوماتيكيا راح اتصالات وبعدها لقاءات وهي بالاخر اللي راح يكع كل اللوم عليها وراح تتعب نفسيا وهي اللي راح تنجرح فخلي تفكر بعقلنية وتوعا انو هذا الشي غلط وهم بالاخر اضع اللوم عل الزوج لازم الزوج يقترب من زوجته وييحسسها بوجده بحياتها اكيد مافد يوم تفكر انو حتا تباوع عل غيره لو اهتملها وقدر قيمتها

[فيفي luv]

hello  طبعا هذا نوع من الغدر والخيانة هي ازوجت والمفروض متحجي وياه ابد شلون تقبل عل نفسها هلشي غلط

[زهرة الصبار]

هاي شذكركم بالموضوع العتيك
على كلن مادام نفتح اني راح اجاوب
والله عاد تعتمد على دواخل البنت والشاب اذا داخلهم نظيف وكل واحد يتمنى الخير والسعاده للثاني وماكوقسمه ونصيب وكل 1 يروح
حال سبيله ونيته صافيه والله عاد مابيها شي اذا كل فترة يحجون ويشوفون شنو اخبار الثاني وسلام ومع السلامه بسسسسس
مثل ماكلت بشرط نظافة كلوبهم وصفائها

[3ankawetha1]

  شكرا dany.k عالموضوع الحلو

 
طبعاخيانه ....يعني هي تزوجت وخلص ......طبعا لازم تكون تحب زوجها من هيجي تزوجت مو لحتى تنسى روميو يعني حبيبها......و لازم تنطي حبها واخلاصها و وقتها لزوجها وبس والباقي  كلو خس هههههههه ...... يعني بدل ماتروح تضيع وقتها بالمسجات والايميلات وياه خليها تكعد ويه زوجها لان هو احق بيها لا حبيب سابق ولا صديق حالي زوجها وبس

  تحياتي 3ankawetha1

[ماريان كوركيس]

اكيد خيانة لئن الحب صعب ان يتحول الى صداقة ولكن ممكن ان تتحول الصداقة الى حب