المحرر موضوع: المنظمة دتشغل اللاجئين ههههههههه  (زيارة 3854 مرات)

0 الأعضاء و 1 ضيف يشاهدون هذا الموضوع.

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
مرحبا شباب اتمنى تكونوا بأحسن الاحوال

البارحه اتصلت بيه المنطمة حتى اسوي مقابله عمل في محل احذية مشهور .. المقابلة كانت الساعه 2 ظهرا في المنظمة نفسها لان صاحب العمل سيأتي للمنظمة لأجراء المقابلات مع اللاجئين.

اني كان عندي ارتباط مع صديق استقبله في المطار فمقدرت ابقى للمقابلة ووصيت احد الاشخاص اللي شفتهم بالمنظمة أن يسجل اسمي في القائمة لأنني سأحضر لاحقا. وصراحه إختاريته لأن كان معه طفل وعربه حتى احفظ شكلة بسرعه . المهم رحت ومكدرت ارجع لحد الساعه 5 العصر ولكيت هذا الولد مخلص مقابلة ومنتظرني و مقابل يرجع للبيت لحد ما ارجع ويبلغني بالمقابلة وانه اخذلي موعد ودخلني على ممثل الشركة اللي راح يسوي المقابلة (شوفوا شكد انسان شريف).

المهم دخلت للمقابلة وشفت شخصين من باكستان هم ممثلين للشركة وبعدني محجيت شئ كان يكوللي شسمك ... جاوبته ...  وسألني تقبل تروح لأريزونا ؟؟؟؟؟؟؟ اني تعجبت سألته ليش؟ كال اي الشغلاللي عدنه هو بأريزونا فقط مو بكاليفورنيا ... إذا تقبل اهلا وسهلا واذا لا ماكو شغل. المهم اني شكرته وطلعت .

المهم هذا الشخص حجالي على المقابلة كلهه . الولد يقابلوهم لمده دقيقتين والبنات بس نص دقيقة وكلهم ينطوهم كارد المحل وبيه اسم ورقم شخص يتصلون بيه يوم الاثنين القادم لمعرفة النتيجه .

الولد صاحب الطفل كان منتظرني حتى يوصلني لبيتي لأن عرف انه ماعندي سيارة و هوه صديقة عنده سيارة لكني كان عندي غير مشوار.

المهم كانت تجربة سخيفة من المنظمة ... لكن تعرفت على شخص رائع جدا وإبن أوادم ومثقف مع طفله المحبوب.وصراحه صارله فترة اقل من عندي في امريكا لكنه يعرف اكثر مني عن هذه المدينه وتبادلنا ارقام الهاتف واتصلت بيه وحجيت معاه تقريبا 3 ساعات وشرحلي الكثير من الامور التي سأذكرها انشالله لاحقا.

والطريف انه احد الاعضاء في هذا المنتدى ومتابع لمواضيعي ولكنه لا يجد الوقت الكافي لنشر تجربته وطلبت من الكتابة ولكنه اعتذر ووعدني ان يشرحلي الاشياء وانا اكتبها لكم.

المهم شباب لتعتمدون على المنظمة اعتماد كامل .لأن كل اصحاب الاعمال اللي يطلبون عمال من اللاجئين هم يريدون يستعبدوهم بأعمال متعبة واجور الحد الادني.

لكن هنالك بعض المنظمات اللي صدك تتعب مع اللاجئ.

مع التقدير أخوكم غسان الاشقر
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html



غير متصل maitham70

  • عضو فعال جدا
  • ***
  • مشاركة: 436
  • الجنس: ذكر
  • Maitham from Dallas
    • ياهو مسنجر - maitham.alkifaey
    • مشاهدة الملف الشخصي
    • البريد الالكتروني
حبي غسان حياك الله على الموضوع وبالنسبة للمنظمة تريدك تشتغل اي شغل وين ماكان حتى تخلص من مسؤوليتك بس انته خوية ضل صامد وانشاء الله تلكي شغل وترتاح اسال الله ان يفتح ابوابه في وجهك

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
الله يساعدك غسان
حبييب الي اعرفه انه اكو شي اسمه المنيمم ويج وهو مختلف في كل ولايه عن الاخرى \ يا ترى اشكد بكاليفورنيا ؟
هل من المعقول راح انحصل احنا كمهاجرين ولاجئين على شي احسن من المنيمم (( ماكس باي)) ما اتصور
فالي اريد اكوله المنضمه مدايمتلك وكل واح بينا يعرف هذا الشي فشنو رئيك . نبقى عالمنظمه لونحصل شغل شلون ما يجي يجي ؟؟
اريد رائيك بصراحه

اخوك ابو عبد الله  من بغداد

غير متصل haitham40

  • عضو فعال جدا
  • ***
  • مشاركة: 216
    • مشاهدة الملف الشخصي
اخ غسان اعانكم الله وفقكم لي وجود العمل المناسب والذي ترغبون به واحب ان ازودك بهذا الرابط فيه بعض الاعمال قد تناسب علمآ عند بداية في العمل كانت في مطعم بيزا وفندق اي كنت اعمل عملين في ان واحد  ارجو لك التوفيق   http://www.snagajob.com/job-seeker/jobs/search-results.aspx?

غير متصل Shebo

  • مبدع قسم الهجرة
  • عضو مميز جدا
  • *
  • مشاركة: 2466
  • الجنس: ذكر
  • خاشوكة خاشوكة تنترس البستوكة
    • مشاهدة الملف الشخصي
مشكور أخي غسان على تواصلك
اني اشوف واحد ميعتمد على المنظمة واضح ان بعض لاجئين متعبيها بحيث دتريد تشمرهم باريزونا الافضل واحد يدور بنفسه وشغل لمنظمه يخليه اسبير
غيمه الحزن وتعدي عنك سهام الغدر كلهن خطنك
عراقي الاسم وأبيض ضميرك ولدنيا كلها يفيض خيرك
جف الفتن لا مايديرك يلي أنت منا وأحنه منك
باجر ترد كل العصافير تمله السما لو رادت تطير

غير متصل القرش

  • مبدع قسم الهجرة
  • عضو مميز جدا
  • *
  • مشاركة: 3310
  • الجنس: ذكر
    • مشاهدة الملف الشخصي
                                    السلام عليكم

عاشت ايدك اخويه وكلامك صحيح لان المنظمه تجيب اتعس الاعمال ومايهما اذا كنت انت مثقف او عندك شهاده ..بس المهم تشتغل حتى يقطعون عنك المساعدات .

ابو انس

غير متصل starxb

  • عضو فعال جدا
  • ***
  • مشاركة: 410
    • مشاهدة الملف الشخصي
شكرا اخي غسان على هذا الموضوع . وانشاء الله ان تحصل على عمل ايناسبك وترتاح بي.


                        ابو مريم

غير متصل ethan texas

  • عضو مميز
  • ****
  • مشاركة: 1165
  • الجنس: ذكر
  • جوزيف العراقي الجزء 2 سابقا
    • مشاهدة الملف الشخصي
مشكور اخي غسان والله ايكون بالعون يارب وتلكي شغل احسن ويكون جيد انت تستاهل كل خير

اخوك جوزيف

ميكانيكى بيسألوه مين مطربك المفضل رد وقال
همر دياب ودودج وسوف ومازدا الرومى وتاكسى عجرم

غير متصل BaghdadGhost

  • عضو مميز جدا
  • *****
  • مشاركة: 2521
  • الجنس: ذكر
    • مشاهدة الملف الشخصي
بس لا اسم المنظمه هو (منظمه ام ستوري) هههههههههه

مشكور ورد على الموضوع و التجربه الطريفه

غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39383
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي

عاشت ايدك اخوية العزيز على المعلومات والتجربة  والشرح الوافي منك

وبنظري واحد لايعتمد على المنظمة بالشغل احسن اله


تحياتيــــ الك بالتوفيق الدائم

غير متصل عاشق تراب العراق

  • عضو مميز
  • ****
  • مشاركة: 1561
    • مشاهدة الملف الشخصي
اخوية غسان مشكور على الموضوع و هاي اذا محل احذية و شمروك باريزونا لعد لو فد شركة زينة جان وين ودوك

تحياتي
لقد تعلمت في المدرسة و الجامعة ان نتعلم الدروس ثم نواجه الامتحانات ...
اما في الحياة ....
فاننا نواجه الامتحانات ثم نتعلم الدروس....

غير متصل AbU.SaRa

  • عضو فعال جدا
  • ***
  • مشاركة: 606
  • Sea Of Darkness
    • مشاهدة الملف الشخصي

 أخوية العزيز ......

 من الأفضل أن لا نعتمد عالمنظمة لأن أكيد بس يريدون يخلصون من عدد اللاجئين والمهاجرين بتوفيرهم أي وظيفة وأكيد أحنه ما نقبل بهذا الشي ............من الأفضل الأعتماد على النفس وروح دور وظيفة بنفسك أحسن ....


     تحياتـــــــــــــــــــــــــــــــــــــي ;)
GOOD FRIEND’S ARE HARD TO FIND, HARDER TO LEAVE AND IMPOSSIBLE TO FORGET…