المحرر موضوع: ارجو من الاخوة الصيادلة الدخول  (زيارة 23209 مرات)

0 الأعضاء و 1 ضيف يشاهدون هذا الموضوع.

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
اخواني الصيادلة اذا عدكم معلومات عن افضل كتب معادلة شهادة الصيدلي المطالبين فيها بامريكا او اي مراجع مفيدة لامتحان المعادلة ياريت تفيدونا بيها على الاقل الوقت نكظيه بشئ مفيد بدل مااعصابنا تتهستر بانتظار الفرج والمحروسة وشكرا مقدما


angie-dawood

  • زائر
باجر اسالك ام الصيدلية الي يمنا واكتبلك الجواب شنو هي الكتب لمعادلة الشهادة تدلل اخي

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
مرحبا

اكو اكثر من كتاب لازم تقراه حضرتك بس كولي انته وين وصلت بل معاملات وباي ولاية نته؟

شكرا


غير متصل abu sama

  • عضو
  • *
  • مشاركة: 21
    • مشاهدة الملف الشخصي
بارك الله بيك اخي جورجيو والله اني نفس الاسئلة تدور ببالي خصوصا اني قديم ونسيت كل اللي اخذنا ....
حضرتك باي بلد وهل جلبت معك المترجمه من بغداد ام لا؟مصدقه ام لا؟لان اني عندي لكن ما مصدقهه وبيهه عدد الساعات وكل التفاصيل لان مطلعهه من زمان هسه وكلت جماعه ببغداد يحاولون يطلعولي جديده بس لحد الان ماكو جواب منهم ...
ننتظر ملاك المنتدى ترجعلنه خبر حتى نعرف شنسوي ..
وبالنسبه للاخ عبوده يا ريت تذكرلنه بصورة عامه بغض النظر عن الولايه لان بعدهه ما متحدده مع شكري الجزيل ....

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
الاخت انجي ملاك عنكاوا اشكرك جزيل الشكر ومتميزة دائما بمساعدتك لاخوانك  الاخ 3abooda آني لحد هاللحظة بطرك الكيس نمبر وموجود بالعراق لهذا كلت استغل الوقت ماطول الشغلة مبين عليها طويلة . الاخ ابو سما الشهادة (اذا هذا قصدك)مترجمة بس بعد مامصدقها لان يكولون تصديق الشهادة خالين بيه فترة معينة ويصير اكسباير. . اشكر تعاونكم

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
السلام عليكم
قريت عن موضوعكم اخواني وحبيت اساعد اني هم من الجماعه الي بعدني دا انتظر الموافقه الامنيه بس عندي بعض المعلومات.
بالنسبه للكتاب الي مطلوب ينقره وهو بصراحه ايكفي ويوفي (يخرع). اسمهcomprehensive pharmacy review
by Alan H.Mutnick
بس عندي سؤال لو سمحتوا اني كل شهاداتي مصدقه بس من زمان من اكثر من عشر سنين هل التصديق يسقط بعد فتره يعني مطلوب اعيد تصديقها؟؟؟
اخوكم ابو منصور

غير متصل abu sama

  • عضو
  • *
  • مشاركة: 21
    • مشاهدة الملف الشخصي
اخي ابو منصور اني حسب معلوماتي ولو اني اصلا ما مصدقهه بس اني هم قديم مثلك كالولي هنا بعمان انه الاختام القديمه متمشي الا تصدقهه بهاذ الوكت بعد ما ادري !!!
والعفو بالنسبه للكتاب اللي كتبت عنوانه موجود وين بالضبط ؟
مشكور مقدما

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
والله اني بالنسبه الي استعاروليا من مكتبه جامعه العلوم التطبيقيه\قسم الصيدله بس اكيد تلكي بالمكتبات الي تبيع الكتب العلميه ما اعرف اسمائها بالضبط بس سمعت بوحده بشارع المدينه المنوره تبيعه وسعره بالثلاثين دينار. وامنياتي بالتوفيق

غير متصل abu sama

  • عضو
  • *
  • مشاركة: 21
    • مشاهدة الملف الشخصي
مشكور ابو منصور وقبل شويه اتصلت بصديق بالسفاره كللي بالعكس الاختام القديمه افضل من الجديده فان شاء الله شهاداتك مقبوله هناك وعلى العموم اشو كل واحد يحجي شكل الله اعلم بس اني سمعت انهم بكل الاحوال الجامعات الامريكيه  يفاتحون الكليه ويسالوهم عن شهادات الخريج حتى يتاكدون منهه 
شكرا عالمعلومات

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
بالمناسبه اكو شغله كلش مهمه احب افيد الصيادله بيها. اهم شي تاخذون وياكم هويه النقابه مترجمه ومصدقه وكذلك شهاده النقابه (شهادة ممارسه المهنه)طبعا هم مترجمه جدا مهمه وهذي المعلومات اكيده لان الي صديق صيدلي بأمريكا كلي عليها.

امنياتي بالتوفيق للجميع

غير متصل abu sama

  • عضو
  • *
  • مشاركة: 21
    • مشاهدة الملف الشخصي
اخواني الاعزاء اني هويتي ببغداد ما جايبهه وصار من سنة 2005 ما مراجع النقابه ....لنفرض دزولياهه من بغداد زين اترجمهه هنا عند مكتب معتمد لو انتظر من اوصل اترجمهه هناك؟
مشكورة الاخت انجي عالموقع ودخلت على موقع اختبار NAPLEX  جدا مفيد لممارسة المهنه هناك وكل شي نقراه اكيد راح يفيدنه ومن الله التوفبق

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
اخويه ابو سما

من الضروري ان يبعثولك الهويه حتى لو ممجدده مو مشكله وترجمها وتصدقها من عمان بعد ان تسأل بالسفاره العراقيه عن مكتب معتمد

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
الاخ ابو منصور شكرا جزيلا لمشاركتك بالنسبة لهوية النقابة شيسون بيها وليش يريدوها

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
السلام عليكم

والله اني مثل ما كتلكم هذي المعلومات من صديق الي بامريكا كلي عن التقديم الاولي لمعادله الشهاده يطلبون شهادة ممارسة المهنه الصادره من النقابه مترجمه طبعا وهوية النقابه لكي تثبت انك ممارس كصيدلي في البلد الي تخرجت من عنده.

ومن الله التوفيق

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
اخواني احد يعرف فد موقع نكدر منه نحمل كتاب naplx ؟

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
اخي حاليا كتاب NAPLEXمايفيدك لان هذا الكتاب تقراه للامتحان الثاني وبلنسبة للتصديقات ما تسقط حتة لو ورة عشرين سنة

اني هسة باميركا ودانتضر ودااحضر


عبودة

غير متصل abu sama

  • عضو
  • *
  • مشاركة: 21
    • مشاهدة الملف الشخصي
الاخ عبودة لمحترم
ممكن نعرف باي ولايه اكو جامعات بيهه كلية صيدله ممكن تعادل شهاداتنا وحضرتك ما ذكرت اي الكتب بصورة عامه ممكن الواحد يبدي يقراهه حتى نحضر نفسنه علما اني شهاتي ما مصدقه مع الاسف
مشكور لتعاونك

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
الاخ ابو سما الورد

المعادلة ما تصير عن طريق جامعة وانما فقط عن طريق امتحانات يعني تقرة وتروح تمتحن وهاي كل ولاية بيهة مكانات للامتحان يعني تدفع رسوم الامتحان هاي بعد ما تكمل اوراقك من الكلية والنقابة لان اذا ما تثبت الهم انك خريج صيدلة ما ينطوك موعد امتحان اصلا

واعتقد تكدر تصدق شهادتك واولااق النقابة اذا  انته حاليا ايغداد


عبودة

غير متصل abu sama

  • عضو
  • *
  • مشاركة: 21
    • مشاهدة الملف الشخصي
شكرا جزيلا اخي العزيز عبوده عالتوضيح ...اني حاليا بعمان وما اكدر ارجع لبغداد لان بانتظار الموافقه الامنيه
بس ردت اعرف اذا حضرتك ببغداد ...او يا ريت لو الاخ جورجيو يعرف..زاني شهادتي المترجمه من زمان مطلعهه من كان العميد د عبد الله ثامر جامعة بغداد
لكن ما مصدقه لان توقفت التصديقات بذاك الوكت ...هسه اكدر ادزه بايد احد نفسهه يرجعون يعنونوهه للخارجيه لو لازم اطلع جديده؟وشرط اني بنفسي اروح لو ممكن احد يراجع بمكاني؟
اسف عالاطاله ومشكورين مقدما

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
اخي العزيز ابو سما اذا عنك صديق موثوق صيدلاني في بغداد او واحد من كرايبينك يكدر اتصل بيه ودز وثيقتك وهو يروح للخارجية ويوثقها مو شرط انت بنفسك توثقها اما اطلع وثيقة جديدة او مااطلع فما اعتقد ضروري هالشي (حسب ما اعرف) حتى لو كانت سهادتك قديمة.
الاخ عبودة العزيز ياريت تحجيلنا عن تجربتك شلون قدمت وباي جامعة وتنطيلنا فد صورة حتى نعرف شلون الواحد يتصرف لمن يوصل هناك.
وشكرا اخوكم جورجيو

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
الهخ ابو عبوده المحترم

ياريت تقدملنا شي توضيحي بشكل مفصل لو سمحت يعني الواحد اقصد الصيدلي طبعا اول ما يريد يبدي شيسوي وين روح وشنو اول خطوه يسويها ولو نسوي زحمه عليك بس احنا اخوتك ونمون عليك وسنكون ممنونين لتعاونك معنا.

اخوك ابو منصور

غير متصل MUHANAD_2009

  • عضو فعال جدا
  • ***
  • مشاركة: 235
    • مشاهدة الملف الشخصي
السلام علبكم
اخي العزيز انا اسكن ولاية الينوي وقدمت اوراقي. المطلوب 2 نسخة Eوواحدة عربي وكل واحدة ف ظرف مختوم 4 زوايا وغير مفتوح. وهم يقررون مستواك .لاتحتاج تصديق من الخارجية.وايضا كتاب تاييد من النقابة انه اتت عضو او كنت عضو وايضا مختوم بختم النقابة.وهذا الرابط افادني       www.careersfornewamericans.org
عسى ان ينفعكم مع التوفيق.
اخوكم مهند

غير متصل شبعت من الاهرامات

  • عضو فعال جدا
  • ***
  • مشاركة: 110
    • مشاهدة الملف الشخصي
    • البريد الالكتروني
السلام عليكم
الاخوان الصيادلة الاعزاء
بالنسبة الى معادلة الشهادة فالشروط كالتالي
اولا الشهادة لازم تكون بظرف مغلق ومختوم عليه ختم الجامعه ويريدون نسختين العربي والانكليزي
ثانيا سلسلة الامتحانات لمعادلة الشهادة بالنسبة لولاية تكساس هي كالتالي
الاستفسار والحصول على اجازة ممارسة المهنه من خلال
Texas state board of pharmacy  
وهذا الرابط يوضحلك ما مطلوب منك
http://www.tsbp.state.tx.us/infocist/foreigngrad.htm
الاوراق ترسل الى مكتب معتمد من قبلهم مو اي مكتب وهو
Educational Credential Evaluators, Inc
رسم معادلة الشهادة لتاهيلك للامتحان 85 دولار
رسوم امتحاناتك الاجمالية 600 دولار
درجة النجاح في الامتحان 75
احب اوضح هو ليس امتحان واحد  هي عديدة ومنها FPGEC  , FPGEE , NAPLEX , TOWFEL
بعد ما تنجح بالامتحان وتحصل على اجازة ممارسة المهنه تعمل كصيدلي متدرب لمدة 1500 ساعه  تحت اشراف صيدلي خبير  يعني اقدم وافهم باداراة الصيدلية
بعد هذه الفترة من تخلصهه بنجاح تتحول الى صيدلي ممارس
ومع اعتذاري اذا نسيت شي لان كتبت الرد واني نعسان واي استفسار ممكن تلكوه بالموقع الخاص بمنح اجازة ممارسة المهنه وهو
Texas state board of pharmacy

التوفيق من عند الله للجميع

اخوكم
شبعت من الاهرامات


غير متصل abu sama

  • عضو
  • *
  • مشاركة: 21
    • مشاهدة الملف الشخصي
مشكورين الاخوة مهند 2009 وشبعت من الاهرامات على المعلومات القيمه والتوضيحات والروابط
الله يوفقكم ويسهل اموركم وتعادلون الشهاده بسرعه
لكن بالنسبه للظرف المختوم الذي يحوي على الشهادات هاي مين نجيبه ؟من كليتنه ببغداد؟لان اني مجرد عندي السبع نسخ انكليزي حتى بالعربي ما عندي ؟وشيسوون بيهه بالعربي؟اما شهادة ممارسة المهنه او هوية النقابه فهل اترجمهه من عمان ام عندما اصل ؟لو لازم اجيب كتاب تاييد حديث من النقابه؟
مشكورين جميع الاخوه للتعاون
اخوكم ابو سما

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
الشكر الجزيل للاخوه مهند واشبعت من الاهرامات. بس بصراحه اني دخت. لان اني عندي الوثائق بالعربي والانكليزي ومختومه ومصدقه بس مو بالظرف المطلوب يعني يصير هي نفسها ابعثها هسه للجامعه ويخلولياها بظرف ويختمو .وبالنسبه لتأييد النقابه يعني الهويه وشهادة ممارسة المهنه  شنو ميوفون بالغرض لو لازم كتاب تأييد.

شكرا مقدما على مساعدتكم وامنياتي بالتوفيق للجميع.

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
الاخ مهند 2009 والاخ شبعت من الاهرامات شكرا جزيلا لتعاونكم مع اخوانكم الصيادلة ولمعلوماتكم القيمة اللي رفدتونا بيها ربنا يجعلها بميزان حسناتكم.
سؤالي الكم نفس اسئلة الاخ ابو منصور هل ضروري الظرف المختوم من قبل الجامعة؟ والاخ شبعت من الاهرامات تكدر تنطينا فد نبذة عن الكتب اللي درستها للامتحانات اللي ذكرتها اذا عندك موقعها بالنت حتى نكدر نحملها؟
 
اشكر تعاونكم اخوكم
جورجيو

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
الاخ شبعت من الاهرامات الوردة ممكن اعرف اذا انته امتحنت المعادلة او لا  او شنو قريت مصادر او وين وصلت بهاي المسيرة اللي مبين عليهة طويلة

الاخوان الباقين المحترمين امريكا بتانتضاركم

غير متصل شبعت من الاهرامات

  • عضو فعال جدا
  • ***
  • مشاركة: 110
    • مشاهدة الملف الشخصي
    • البريد الالكتروني
السلام عليكم
الاخوة الاعزاء
بالنسبة الي اني وصلت لامريكا من 6 اشهر ولحد الان ما امتحنت لان مشكلتي هي الظرف المغلق المختوم اللي طلبوا من عندي وهذا مو كلام قريته هذا ما تم باتصال هاتفي بيني وبينهم طليوا مني بالنص ان تكون الوثائق مغلقة بظرف ومختوم ختم الجامعه وليس الكلية
فاتصلت باحد اقاربي ان يسحب لي الوثائق مثل ما يريدون وحاليا راح ارسل له وكالة حتى يتمكن من تعقيب معاملتي
بالنسبة للمصادر المطلوبة فاكو دورات تدريبيه تنشيط للذاكرة تتناول مواد اساسية
Pharmacology , clinial pharmacy
وغيرهه كثير  وهذه المراكز عدهم نماذج من امتحانات متكررة يدرسونا اياهه حتى نركز على اساسيات همه يعرفوهه
طبعا اكيد راح تكون بتكاليف بس تستحق الدخول فيها حتى ما ندخل بمتاهه
بالنسبة اللي اني افضل اي صيدلي ان يقرأ كتاب   pharmacology
وهذا رابط يوضح صورة الكتاب
http://newbooks.lib.ntu.edu.tw/wp-content/uploads/2009/04/2919575.jpg
طبعا الكتاب يتناول سريريه وفارما وحسابات صيدلانية وكلشي بيه امرتب وحلو حتى يتناول فسيولوجي

التوفيق للجميع واي سؤال اني حاضر

اخوكم
شبعت من الاهرامات

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
اسلام عليكم
 الاخ شبعت من الاهرامات اول شي حمد لله على سلامتك وان شاء الله تكون مرتاح ومستقر في بلدك الجديد واشكرك على معلوماتك القيمة وربي يسهل عليك شغلة الظرف المختوم.
اخوك
جورجيو

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
الاخ المحترم شبعت من الاهرامات
السلام عليكم

اشكرك جزيل الشكر على العلومات القيمه التي قدمتها لنا. بس اذا ممكن عندي استفسار بالنسبه للظرف المغلق والمختوم . اني عند وثائق التخرج من قبل سنين اكدر ادزها نفسها للجامعه حتى يوضعوها في ظرف ويختمون الظرف هذا السؤال الاول .
وثانيا كم نسخه مطلوبه واحده ام اكثر .
ثالثا هل يعنون الظرف لجهه معينه لو ميحتاج.

مشكور مقدما وبارك الله فيك .

غير متصل Blue Ice

  • عضو
  • *
  • مشاركة: 11
    • مشاهدة الملف الشخصي
السلام عليكم
شكرا الى كافه الاخوان اللذين زودونا بمعلوماتهم عن معادله الشهاده وان شاء الله يتوفقون بالامتحان وبحياتهم الجديده سوالي للاخوان اذا كانت الشهاده مصدقه من الخارجيه العراقيه هل تحتاج ان توضع في مغلف ومختوم من رئاسه الجامعه وهل لشهاده الماجستير في الادويه فائده لمن يرغب باكمال الدكتوراه وشكرا لكرمكم مره اخرى ولكل اعضاء المنتدى
ابوديمه

غير متصل شبعت من الاهرامات

  • عضو فعال جدا
  • ***
  • مشاركة: 110
    • مشاهدة الملف الشخصي
    • البريد الالكتروني
السلام عليكم
الاخ ابو منصور نعم يصير نفس الوثائق ادزها للجامعه ويخلوها بظرف مغلق ويختموا ومطلوب نسخه عربي ونسخه انكليزي والظرف ما يتعنون لاي مكان فقط مختوم من الجامعه
الاخ Blue Ice الشهاده لازم تكون مصدقه من الخارجيه وموضوعه بظرف مغلق ومختوم من الجامعه يله يستلموها منك . هذا الشي بخصوص الصيدله ومعادلة شهادتها بس باقي الاختصاصات احتمال غير شي واحتمال نفس الشي
وان شاءالله الموفقيه للجميع
اخوكم
شبعت من الاهرامات

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
السلام عليكم اخي شبعت من الاهرامات

احب اشكرك على جوابك السريع وما قصرت واتمنى لك الموفقيه والنجاح والله يسهل طريقك .بارك الله فيك. بالمناسبه انا ايضا سأكون في ولايه تكساس دالاس.بالنسبه اليك هل عبرت امتحان التوفل بالنسبه لي امتحنت في عمان لكن الدرجات الي حصلت عليها مو بالمستوى الي محددي للصيادله هل لديك فكره عن موضوع الدرجات اني الي اعرفه يطلبون من الصيدلي درجات كلش عاليه ابد مو سهله.

امنياتي بالموفقيه للجميع

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
الاح ابو منصور

اعتقد امتحان التوفل من اصعب الاشياء والشروط يعني الواحد حتة لو يشد حيلة هم تبقة صعبة

اعرف ولد هنانة صار عشر مرات يمتحنون وماكو فايدة

ابو منصور هل صحيح الامتحان بعمان اسهل شوية ويكونون متعاونين اكثر بل درجات لو نفس الشي؟؟؟

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
السلام عليكم اخي عبوده
بالنسبه لامتحان التوفل فهو نفس الامتحان بعمان او بامريكا لهذا هو معترف بي ومثل ما كلت جدا عب وخصوصا الريدنك بس انيحبيت اتأكد من الدرجات المطلوبه للصيدلي لان حسب ما اعرف وان شالله يكون صار تغير reading 21
listening 18
speaking 26
writing 24
اني اديت الامتحان مره وكنت اكدر اقدمه مره ثانيه بس كلت خلي اروح لامريكا وبعدين اسوي هناك على الاقل بلكت الواحد يحسن لغته شويه .

غير متصل MUHANAD_2009

  • عضو فعال جدا
  • ***
  • مشاركة: 235
    • مشاهدة الملف الشخصي

اخواني الاعزاء ،في ولاية الينوي ليس هناك حاجة لتصديق الخارجية. بعد وصولي قمت بترجمة شهادة السادس  الاعدادي وعلى اساسها حصلت على اجازة معاون صيدلي لكن لم احصل على عمل.لانعدام الخبرة في امريكا،بالرغم من حصولي على تزكية من داخل الصيدلية.العمل يختلف تماما هنا، ولهذا تراجعت عن اكمال المعادلة مؤقتا ،وقررت دراسةالامر.فقدمت في الجامعة للحصول على شهادة معاون صيدلي في 3 اشهر.انشاء الله قريبا.
ا لمدة اللازمة للمعادلة 2 سنة وهي فترة طويلةونحن بحاجة الى عمل ولهذا من الافضل ان تجد عملا داخل الصيدليةللممارسة.
وخاصة اذا كنت خريجا قديما او تارك عمل لسنوات مثلي.مع التوفيق.اخوكم مهند
بالنسبة للمعادلة استلمت الرسالةوتذكرانه لااعتراف بجامعة بغداد بعد انتظاري 6 اشهر للحصول على الشهادة من الجامعة.
ولكن المطلوب عبور التوفل ثم 1200 ساعة عمل كمعاون صيدلي في مستشفى او صيدليةثم اكمال باقي الامتحانات.
اخوكم مهند

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
اخي مهند
ارجو لك التوفيق. واختيارك للدراسه والعمل في الصيدليه كمعاون صيدلي هو احسن اختيار في الوقت الحاضر لان من الضروري لشخص غريب عن البلد ان يتعرف على السيستم بأي طريقه وان شالله يجي اليوم وانشوفك صيدلي خبير انت وكل اخواننا الصيادله .الله كريم ماكو شي يجي بالساهل.


غير متصل ابو محمود

  • عضو فعال جدا
  • ***
  • مشاركة: 184
    • مشاهدة الملف الشخصي
الى اولادي الاعزاء

السلام وعليكم ورحمة الله

قرأت موضوعكم الجميل هذا واسترعى انتباهي كثيرا , ولي ابن صديق صيدلي بأنتظار سفره الى اميركا, وعندما استفسرت منه بخصوص اسئلتكم تحمس جدا للموضوع وخصوصا انه صادف وان اتصل بصديق له هناك وابلغه بأن شهادة بكلوريوس الصيدلة العراقية غير معترف بها في امريكا للاختلاف الشديد في التطبيق (خصوصا للصيدلي الذي يعمل في صيدلية) , وان الخريجين من جامعات الامريكية  يمنحون شهادة pharm D  اي دكتور صيدلي واي شخص يحمل شهادة صيدلة حتى لو كانت من انكلترا او كندا, لمعادلتها بالشهادة الامريكية  يجب عليه الدراسه في كلية الصيدلة بقسم يدعى non-traditional degree حتى تعادل شهادته من قبل الجامعة ...

اما بخصوص الpharmacy technician فهي كما قال وظيفة مطلوبة جدا في اميريكا حاليا وممكن ان تؤهل صاحبها للعمل في الصيدليات والمستشفيات كما تمكنه ايضا  احتساب ساعات خبرة ضرورية ومطلوبة جدا عند التقديم للجامعات هناك .
وهذا موقع به معلومات شاملة عن الوظيفه اعلاه
                                                                                       http://www.bls.gov/oco/ocos252.htm
هذا كله نقلا عن ابن صديقي ... والله اعلم .
وفق الله الجميع ....

عمكم ابو محمود




غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
ابو منصور المحترم

الدرجات اللي انته ذكرتهة صحيح وماكو تغيير

ممكن تكولي عل دلاجات  اللي انته حصلتهة؟

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
اخي عبوده

اني امتحنت مره وحده في عمان ودرجاتي كانت
R 13
L 19
S 18
W 21

ما ادري اذا أنت ممتحن لو لا وكيف كانت درجاتك حتى الواحد يعرف يقارن مستوا بين زملائه.

غير متصل abu sama

  • عضو
  • *
  • مشاركة: 21
    • مشاهدة الملف الشخصي
بارك الله بيك عمي ابو محمود على اهتمامك بالموضوع ومشكور عالمعلومات القيمه....
اخواني اني من خلال ما سامعه من بعض الزملاء اللي وصلو لامريكا بان هناك اختلاف بين جامعه واخرى بالنسبة لمتطلبات معادلة الشهادة .....لذلك قمت بمراسلة الجامعه التي تقع  في الولايه المتوقع الذهاب لها واستفسرت منهم بخصوص ما هو مطلوب لمعادلة الشهادة وانتظر منهم الجواب وساطلعكم على اجابتهم اذا لم تهمل رسالتي !!
مع شكري الجزيل لتجاوب جميع الاخوه ...وفقكم الله جميعا

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
لا والله ابو منصور اني ما امتحنت لان ماللي واهس وماعرف شنو ترتيب الامتحان واكو جماعة امتحنو هواية وهمة احسن مني بل لغة ونا دبروهة فما اعرف شنو اللي راح نسوي

غير متصل ابو منصور

  • عضو فعال
  • **
  • مشاركة: 64
    • مشاهدة الملف الشخصي
من الافضل لك ان تدخل دورات لغه لتقوية لغتك لان الامتحان ابد مو سهل يعني اني داخل العديد من الدورات وقبل ما اقدم لامتحان التوفل دخلت دوره تأهيليه لامتحان التوفل وهذه الدوره مو اي واحد يدخلها الا يقدم امتحان ويشوفون مستواك يأهلك لدخول الدوره لو لا واني بوقتها اجتزت الامتحان وكملت الدوره الي هي شهر ونص وبعدين قدمت الامتحان وانصدمت بصعوبة الاسئله .لهذا قررت تأجيل الموضوع حاليا لحين وصولي الى امريكا.
امنياتي بالتوفيق للجميع

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
العم ابو محمود مشكور على معلوماتك القيمة ومشاكتك ويانا وربي يجعلها بميزان حسناتك.
الاخوان مهند وشبعت من الاهرامات وعبودة اهنا بالعراق اكو مراكز للتوفل في بغداد او اربيل او غيرها يكولون معترف بيها وبشهاداتها بامريكا فهل هذا الشي صحيح يعني اذا امتحنا اهنا بالعراق يعترفون بشهادة التوفل بامريكا؟
وشكرا اخوكم
جورجيو/size]

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
العم ابو محمود مشكور على معلوماتك القيمة ومشاكتك ويانا وربي يجعلها بميزان حسناتك.
الاخوان مهند وشبعت من الاهرامات وعبودة اهنا بالعراق اكو مراكز للتوفل في بغداد او اربيل او غيرها يكولون معترف بيها وبشهاداتها بامريكا فهل هذا الشي صحيح يعني اذا امتحنا اهنا بالعراق يعترفون بشهادة التوفل بامريكا؟
وشكرا اخوكم
جورجيو/size]

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
العم ابو محمود مشكور على معلوماتك القيمة ومشاكتك ويانا وربي يجعلها بميزان حسناتك.
الاخوان مهند وشبعت من الاهرامات وعبودة اهنا بالعراق اكو مراكز للتوفل في بغداد او اربيل او غيرها يكولون معترف بيها وبشهاداتها بامريكا فهل هذا الشي صحيح يعني اذا امتحنا اهنا بالعراق يعترفون بشهادة التوفل بامريكا؟
وشكرا اخوكم
جورجيو/size]

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
الاخ جورجيو  تكدر تمتحن بل عراق ماكو مشكلة معترف بيها بل عالم كلة واميركا  بل توفيق

غير متصل جورجيو

  • عضو فعال
  • **
  • مشاركة: 60
    • مشاهدة الملف الشخصي
السلام عليكم
شكرا الاخ عبودة على ردك السريع وربي يوفقك
اخوك
جورجيو

غير متصل شبعت من الاهرامات

  • عضو فعال جدا
  • ***
  • مشاركة: 110
    • مشاهدة الملف الشخصي
    • البريد الالكتروني
السلام عليكم
الاخ جورجيو كل مركز توفل باي بلد معترف بي بامريكا بس بشرط نتيجة الامتحان ماتجاوز ثلاثة اشهر

غير متصل heart_0f_baghdad

  • مبدع قسم الهجرة
  • عضو فعال جدا
  • *
  • مشاركة: 894
  • الجنس: ذكر
  • Success Is My Only Option .... Fail Is Not
    • مشاهدة الملف الشخصي
السلام عليكم
بالنسبه للمعادله الشهاده للصيدله
ولو الرد متاخر
اول شي لازم تتصل بمركز معادله البورد الامريكي للصيدله على هذا العنوان
www.nabp.net
وتروح على programes
وبعدين على FPGEC
وبعدين
FPGEC APPLICATION
تطلع صفحه تكتب بيها بياناتك وعنوانك مثل مامطلوب
وراها تنتظر الى ان توصل استماره التقديم على عنوان بيتك يعني بالبريد العادي مو الايميل
وره ماتوصلك تكتب المطلوب منك بالاستماره ويجي وياها مظروف ابيض ووردي الوردي تحط بي الفلوس اللي هيه 800 دولار
والابيض تحط بي الاستمارة وترد دزها على عنوانهم وتفاصيل اكثر بالموقع
وبنفس الوكت تدز نسختين بالانكليزي مختومه من الجامعه ومستمسات اخرى تكدرون تشوفوهن على على هذا الويب سايت
www.ece.org
تفتحلك اكاونت بي وتمشي على الستيبات ودزلهم النسختين على عنوانهم البريدي وتدفعلهم 85 دولار بالكريدت كارد واكو مستمسات اخرى يريدوها منك
حتى هم يسوولها evaluation
وبعدين يدزوها لل NABP
اللي هم يدزولك القبول لللامتحان الاول اللي هو

اولا امتحان FPGEE 
FORIGHN PHARMACIST GRADUATE EVALUATION EXAM
صعوبته وسط
هذا امتحان معادله للشهاده اي واحد خارج امريكا لازم يمتحن هذا الامتحان
درجه النجاح هيه 75 من 150 سؤال
مرتين بالسنه يقام هذا الامتحان اذا نجحت بي لازم تمتحن توفل
حاليا اصعب شي هو السبيكنك لازم تجيب 26 من 30

اذا نجحت بي تشتغل 1200-1500 ساعه حسب الولايه  INTERNSHIP
ينطول تقريبا 25 دولار بالساعه
وره ماتخلصها
رح ينطول
FPGEC
يعني السيرتيقيكيشن
بس مو معناها انه تكدر تشتغل بيها

تروح لللامتحان الثاني اللي هو

NAPLEX
NORTH AMERICAN PHARMACIST LICENSURE EXAMINATION
الصعب

اللي من خلاله اذا نجحت تاخذ الترخيص لمزاوله المهنه بالولايات المتحده
مع العلم هذا حتى الخريجين الامريكيين يمتحنوه لان امتحان مركزي

اذا نجحت تروح للامتحان الاخير اللي شي سهل
MPJE
Multistate Pharmacy Jurisprudence Examination
السهل
هو مجموعه اسئله تخص الولايه اللي انت رح تاخذ الرخصه بيها
يعني كل ولايه الها امتحان شكل
يعني تضل بهاي الولايه اذا تريد تنقل لغير ولايه لازم تمتحن هذا الامتخان مال الولايه اللي تريدها


ان شالله اكون وفيت بالاجوبه
[/color]