هام جدا....ارجو المساعدة

[hozi]

الأحبة الاعزاء
تحية طيبة ....أرجو منكم أن تساعدوني لان أهلي يسكنون في بغداد ولا يستطيعون البقاء أكتر هناك و أنا محتار ولا أدري إلى أي بلد مجاور يذهبون أي أيهما أحسن لهم ..و أكون ممنون إلكم لمساعدتي لان الأمر مهم جدا لي و لهم .

[alfaras]

اخي العزيز من اي ناحية تريد البلد يكون احسن  وضح حتى يكدرون الاخوة الاعضاء ابداء النصيحه

اخوكم
alfaras

[ابو خالد]

اذا كنت تقصد من ناحية التقديم على المنظمه فالاردن افضل من غيرها

[hozi]

مشكورين أحبتي أبو خالد و الفارس ليجابتكم السريعة ...أقصد من ناحية المعيشة و المعاملات في دائرة الهجرة لانهم ألان في بغداد ولا يستطيعون البقاء أكتر هناك وتعرفون جيدا الوضع هناك .

[AbU.SaRa]

 والله يا أختي ...من ناحية التقديم طبعا الكل جاي دكول عمان أسرع بالمقابلات والتقديم بس المشكلة غالية نار ...وتختلف من منطقة لأخرى ولازم تحصلين فيزا دخول عمان.......عندج تركيا نفس الشي فأنتي شوفي وين المكان المناسب لأن محد يكدر يعرف وضعج أنتي شنو من ناحية الأمكانية وكلشي .......


               تحياتــــــــــــــــــــــــــــــــــــــــــــــــــــــــــي

[ذاكر ابو فابيان]

انا من رايي اذا هي امكانيتهم جيدة خل يروحون ياما اردن او لبنان واذا كانت امكانياتهم  غير جيدة خل يسافرون لسوريا للشام وهم ميحسون بالغربة لان كل اهل بغداد بالشام

                             تحياتي ابو فابيان

[ethan texas]

السلام عليكم رمضان كريم اخوية العزيز


اني عم حسب تجاربي مصر والاردن احسن واسرع  واذا مكانت عندك امكانية للسفر فة سوريا الخيار الوحيد بس رح اطول
 بالموفقية يارب
اخوك جوزيف

[شجرة الدر]

اخوتي سوريا بطيئه بالمعاملات بس المعيشه ارخص من باقي الدول لكن الاردن ولبنان ومصر اسرع وانت اختار والله يسهل للجميع

[hozi]

أحبتي الكرام ...أشكركم كتيرأ على جوابكم السريع أعني سرعة المعاملات و الوضع المعيشي لااني الوحيد الدي يساعدهم في المعيشة و لولا الوضع الصعب لما فكروأ بالسفر .

[rafid82]

الاردن صعبه الفيزا هذه الايام
الاردن غالية من ناحية المعيشة ولكن تحصل بورقتين ايجار بس منطقة تعبانه
الاردن أسرع من ناحية الهجرة و اللجوء عن طريق الامم المتحدة

سوريا نعم اسهل من ناحية الدخول و الاقامة و حتى بمائة ليرة يدخلوك
سوريا من ناحية الامم المتحدة  كلش كلش تعبانه أني سنتين بسوريا و كلشي ماكو و هسة بالاردن بانتظار المحلفين بوقت 2 شهرين
سوريا جيدة من ناحية المعيشة و الاكل و النقل

لبنان اتصور الفيزا اسهل بس شلون التفصيل حاول تسأل مكاتب السفر ابغداد
لبنان من ناحية الهجرة و اللجوء جيدة و سريعة ايضا
لبنان من ناحية المعيشة حسب المنطقة اكو غالية واكو رخيص  اذا تكعد بمنطقة الجبل

مصر بصراحة ماعندي فكرة من ناحية الفيزا أذا اكو لو لا
مصر من ناحية المعيشة ارخص من الاردن و لبنان 
مصر من ناحية الهجرة واللجوء جيدة

تركيا بصراحة ماعندي اي فكرة

اخوك رافد

[alusha1]

السلام عليكم والله بصراحة اخي اني عشت بلأردن وعشت بلعراق ما شفت فرق بأسعار المعيشة عن بغداد نفس الشي الفرق الوحيد هو انه في عمان البيت أجار و التنقل صعب اذا ما عندك سيارة لان التكسيات مكلفة وبعمان النظام افضل من سوريا لأن عشت في سوريا أيضا والنظام ضروري جدا من خلال ما جربت تكون مرتاح بكل شي يعني اكيد شايف الهوسة في بغداد وبدون نظام ولا قانون يحكمك سوريا قريبة الهة بهلشي على افضل بشوية أما بلنسبة لأسعار المواد الغذائية او اي شي آخر فنفس الاسعار بلضبط وأرخص هم بعمان عن بغداد خصوصا الخضرة والفاكهة
أرجو ان اكون قد فدتك بشي ما اعرف هذا الشي اللي تريد توضيحات عنة او لا
فرأي انه تختار الأردن افضل من سوريا

[hozi]

شكرا عزيزي رافد.....
كفيت و وفيت لانه مثل ماكلت سابقا فانا معيلهم االوحيد اذا خرجوا وانا امكانيتي محدودة ولااستطيع تحمل بقائهم هناك اكثر لانكم تعرفون جيدا الظروف والاخطار هناك.