عندي وطن ؟

[اخو خيته]

عندي وطن والله وطن بس موالي       وكل الناس صاحت وطن ألغربه يا هلي

عندي وطن الضحكة بيه ممنوعة         والبسمة بعين الطفل دمعه مجروحة    
 
عندي وطن بيه دجله و الفـــرات          ومايه صار لونه احمر للمـــــــــــات 

عندي وطن بيه كل الخــــــيرات            وشعبه ألأصيل فقير وشحـــــات

عندي وطن أهدافه بس شعارات          وضل الشعب مصدك بل تفاهـــات

عندي وطن تشرق بيه شمــــــس            وكلام الناس ضلمه وهمس بهمــس

عندي وطن بيه كل مبدع وفنـــان             وألان بقى بيه كل خائن وجبـــــان     

عندي وطن أحتلوه كل الأجناس             وصبحت أني غريب يا نـــــــــاس   

عندي وطن أصل الحضــــــارات             وأصبح كله تفخيخ وانفجـــارات

عندي وطن منــبع الحـــــــريات             والكلام بيه بس بل هويــــــــات     

عندي وطن يكولون بيه أمـــــــــان           ومن يصير اليـــل كول يا رحمـــــن

عندي وطن الوحدة  بيه موجودة              بس القتل والتفرقة مشروعــــــــــــه 

عندي وطن بيه أحرار وماجــدات            ومسكنهم صار السجن والزنزانات 

عند ي وطن بيه كل المقدســــــات            وما بقى بيه  دين وأيمان يا نــــاس

عندي وطن أحلى من كل الأوطان            وما بقه بيه لأورد ولا زهره الرمان

عندي وطن مجمع اللغة العربية                 وصار تاريخه أغنيه فارســــــــيه 

عندي وطن مرفوع علمه عالي                 لأكن صار متعدد وهذا حالــــــــي 

عندي وطن أضل للموت أحبـــه             ولازم يجي يوم ويجمعنـــه مع الآحبه 

[ملكه الاحساس]

عندي وطن أضل للموت أحبـــه             ولازم يجي يوم ويجمعنـــه مع الآحبه                                                                                                                                                عاشت ايدك على هذه الكلمات يسلمو خيو

[شماسة هبة ادور]

    عندي وطن أحتلوه كل الأجناس             وصبحت أني غريب يا نـــــــــاس  


     فعلآ اصبحنا غرباء تاأهين في الغربة ,,, عاشت ايدك اخو خيته على الكلمات الرائعة  واتمنالك

       الموفقية  والنجاح وننتظر المزيد من ابداعاتك ,, باركك الرب ,,,


         تقبل تحياتي  ,,,


                                                 الشاعرة هبة ادور

[alashoty10]

عاشت الانامل المبدعه

كلمات جميله جدا

[nader_abofade]

سمعت بغداد تناشدني ..... ماخذها الخجل تسألني عالناس
ألا من ثائر يأخذ بثأري ...... ويداوي الجروح ويرفع الراس

هذا اللي صاير بيه ما يستاهله ... عندي وطن ظليت بس أشتاق أله



                   شماس نادر

[اخو خيته]

الى كل من افرحني   برده  لكم مني   فائق الاحترام
شكري وتقديري  لكم  وانا جدا  فرحان  بهذه الردود الجميله منكم
مع حبي لكم