عمت عيني يا ابني من البجي عليك من اليوم الودعتني وسافرت ,,,
عمت عيني يا ابني من كبرتك من صغرك وحيد وجنت اني الام والاب الك وتحملت الحلو والمر لخاطرك ,,,
عمت عيني يا ابني من جنت اغطيك باايام البرد وادفيك ,,, واني الجنت امرض واكول الحمدالله اني ولا ابني ,,,
عمت عيني يا ابني من خلقك ربي ابطني تسعة اشهر وولدت ابهاي الدنيا الغريبة وجنت اجمل فرحة عندي ,,,
عمت عيني يا ابني من تعبت وكبرت وسهرت ليالي الك ,,, وانت جازيتني بدمع ,,,
عمت عيني يا ابني من ودعتني وسافرت ونسيتني ,, واسمع اخبارك من الغريب ,,,
ما حنيت ورحمت على امك وسئلت عليها ومن جانوا يسئلوك الناس عني جنت تستحي وتكول مااعرفها ,,,
عمت عيني يا ابني على الدنيا الخلتني انجوي بنار الدموع عليك ,,,
عمت عيني يا ابني من جنت احضنك وامسح دموعك واشيل همك واسعدك ,,,
عمت عيني يا ابني محسيت بيوم باامك وشيبت شعري من القهر عليك ,,,
عمت عيني يا ابني على ذيج الايام الجنت تكولي انتي امي وابويا واخويا ,,,
عمت عيني يا ابني سافرت وهديت حيلي منو بقى ويايا يحس بحزني ,,,
اهداء الى كل أم تحملت ألام ودموع فراق اولادها الله يصبركي ,,,
مع تحياتـــــــــــــــــــــــــــــــــــــي
الشاعرة
هبة البازي