اذا ما تعرفني .. ادخل واعرفني !!
العراقي يا ناس من فوك ليجوة كله إحساس واليشوفة ينبهر
العراقي الينحت على الدمع احبك يالعراق حتى لو كلبة ينفجر
العراقي تعرفون مثل شنو مثل طير الحر لو يظل حر لو ينتحر
لا احتلال ولا سجن ولا غيره يخلينا نستطبع اجناب وندك بهالخمر
********
عرفتوني لو بعد يمعودين أني العراقي الوكف التاريخ بنفخة غضب
شكد يروح جيل ويجي جيل فاضل اني العراقي اليحارب أهل الـ نصب
الناس كله تعرفني ليش انت ما تعرفني اني الباكوا اثاري وهسه ارجعها غصب
لو شمتسوي رح اخليك تغير نظرتك اني العراقي مو غيري والغيري سمعته طرب
*********
العراقي لو شميسوولة أعداءه فصدكوني لا اسمة ولا تاريخة ينتدثر
العراقي حارب الضيم وحارب الهم وحارب الاستعمار وفوك كلشي ينتصر
العراقي ما ييأس لانه يعرف النصر قريب وما يجيبة هالاجنبي البعيد المحتقر
العراقي وحدة من الاثنين لو عالم لو موهوب ما يكول من الضيم لازم انتظر
**********
هسه شنو عرفتوني لو هم بعد لكم اني الطيح حضي الزمان وخذ كاس ودك شرب
مرة يكول انت مسلم مرة مسيحي ومرة شيعي ومرة سني ومرة حتى مو من العرب
على حضي الزمان سكر ومن صحى سألتة تعرف العراقي منو نصه راسه وهرب
يا زمان ما تكدر تنصي راسي لان اني عراقي الدافع على نفسة وعلى جارة بكل حرب
الكاتب Ehab_Thommas