المحرر موضوع: اخواني واخواتي الاعضاء اريد خبرتكم بمسالة تخصني ارجو مساعدتي  (زيارة 9676 مرات)

0 الأعضاء و 1 ضيف يشاهدون هذا الموضوع.

angie-dawood

  • زائر
مرحبا الاخوة الاعزاء شونكم انشاءللة الكل بالف خير
اليوم اني اريد مساعدتم لي عندي اختي الكبيرة موجودة بسوريا اريد تروح الى لبنان هناك بس اريد مساعدة شون تروح باي طريقة هي ما تكدر ترجع لبغداد يعني ما تريد تروح لبغداد ومناك تحجز طيارة الى لبنان تريد تروح من سوريا بس مااعرف اي طريقة وما اريد عن طريق قجخ اكو طريقة اخرى غير الي ذكرتهم ارجو المساعدة ولكم جزيل الشكر والتقدير     اختكم   انجي



غير متصل queen777

  • عضو فعال جدا
  • ***
  • مشاركة: 201
    • مشاهدة الملف الشخصي
اختي الكريمة اني لو بسوريا كان بيدي وصلت اختك لبيروت لان فضلك على كثيريبن هنا بس احب اكولك انو اذا اختك داخلة بفيزة زيارة عادية الى سوريا تروح بالطيارة الى بيروت بس في جيبها مو اقل من 2000 دولار و اذا مقيمة في سوريا اقامة عادية تكدر برا تدخل الى لبنان بسهولة بس اذا اقامتهة على الامم المتحدة خلي تروح الى منطقة السيدة زينب اكو شركتين سياحيات نسيت اسمائهم يدخلوهة لبنان مقابل 500 دولار و الي بسوريا يعرفوهم اكيد و اتمنى قدمتلك شيء بسيط

اخوكي مصطفى

angie-dawood

  • زائر
الف شكر لك اخي الغالي على الاجابة السريعه ربي يبارك بك اعرف اخي الغالي ما تقصرون ربي يخليكم كلكم  اخي العزيز اختي داخله لسوريا قبل كم يوم بس غير يكون فيزا لو شلون واللة ما اعرف شون يدخلون هناك بس هي تكول ماكو من سوريا الى لبنان حجز بالطائرة الا قجخ واني ما اريدها تجازف هيجي مجازفه وخصوصا هي وحدها يعني ارملة واولادها مو وياها كل واحد بديره سافر ارجو من الاخوة ينصحوني اي طريقة تروح الى لبنان والف شكر لك اخي الغالي مصطفى ربي يحميك يارب

غير متصل MAGGIC

  • عضو مميز
  • ****
  • مشاركة: 1555
    • مشاهدة الملف الشخصي


اختي العزيزة انجي

انتي ماانطيتي تفاصيل عن اختج موجودة بسوريا وعدها اقامه لو لا  ؟؟

انا بسوريا مسافر الى لبنان 3 مرات عن طريق مكاتب السياحه
اذا عدها اقامه تكدر تاخذ مغادرة وعودة 3 اشهر من الهجرة والجوازات السوريه وتروح تحجز باي مكتب وتسافر الى لبنان وهناك اتدبر امرها
هذا الي عندي من معلومات وحسب الي فتهمته من كلامك
واذا تردين وهيه موجودة بسوريا راسليني على الخاص اعطيك تلفوني وخلي تتصل بيه واكدر افهمها اكثر وكذلك ممكن تاخذ فيزة لان السفارة اللبناتنيه موجودة بسوريا

تقبلي مروري

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
الله يفرجها عليك انجي ياااااااااااااااااااا رب

غير متصل جوني جاك

  • عضو فعال جدا
  • ***
  • مشاركة: 658
  • الجنس: ذكر
  • مابقى عقل براسي ( هذا هو حالي )
    • مشاهدة الملف الشخصي
والله ياانجي  اتمنى اعرف حتى اجاوبج لان انت مواقفج وية الكل واني منهم كلش هواية بس قريت موضوع انت كاتبتة راسا فتحتة وكلت ياريت اكدر اساعد كل اللي املكة هوة انو ادعو لاختك بالموفقية وتسهيل الامر اللهم امي
جوني
()

منتظر الموافقة الامنية منذ السادس 2009

غير متصل volca

  • عضو فعال جدا
  • ***
  • مشاركة: 247
  • الجنس: ذكر
    • مشاهدة الملف الشخصي
والله اختي اتمنى ان اساعد بس والله اني ماشايف سوريا اصلا
بس انشاء الله اسئلج الجماعه الي جايين من سوريا يمي وانشاء الله الكيلج جواب

اتمنالكم الموفقيه والله ايسهل ع اختج


تحياتي
Achievement is not to get a thousand friends in one year .Achievement is to get a friend for thousand years

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
صباح الخير اختنا العزيزة انجي ...
بالنسبة لموضوع السفر من سوريا للبنان ... مثل ما حكى الاخ مكن تروح لشركات السياحة ... وهذا الشي صار وياي .. اغلب مكاتب السياحة عدهم برامج سياحية من سورية الى لبنان ... بس المفروض يكون عدها اقامة بسوريا ... وتروح للهجرة والجوازات تسوي خروجية لمدة ثلاثة اشهر ... مكاتب السياحة مجرد تنطيهم الجواز وهما يحصلولها الفيزة بس لازم تروح وياهم وترجع وياهم ... اني هذا الشي صار وياي بعيد الفطر مو هذا القبله ... بس المشكلة من الحدود الامن البناني ياخذ جوازها حتى يضمنون رجوعها ويا الكروب السياحي ...
هذا الي اعرفه عن موضوع لبنان والي صار وياي سابقا ...

تحياتي

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

angie-dawood

  • زائر
طبعا اشكركم جدا جدا اخوتي الغالين واشكر كلامكم الرائع ربي يبارك بكم جميعا
اخواني اختي ما عدها اقامة هسى داخله قبل كم يوم بس واللة مااعرف شون دخلت بفيزا لو شون مااعرف راح اخابرها واعرف التفاصيل اكثر بس الي اعرفه كالت تريد شخص من سوريا يدخلها عن طريق قجخ واني بصراحة ما اريد تجازف هاي المجازفه فكلت اسالكم اكو طريقة غير هاي وهي حسب ما كالت ماكو حجز طيارة من سوريا الى لبنان ما اعرف ليش تكول ماكو غير معناها ما عدها اقامة واللة بصراحة الي اعرفه انه تريد تروح هناك على مود ابها راح يرجع من السويد وهناك يقدمون على اليو ان لانه هم ابنها كان بسويد بدون اقامة وهو يريد يرجع ويقدم رسمي على اليو ان هذا كل الي اعرفه

angie-dawood

  • زائر
صباح الخير والخيرات اخي الغالي ابو قمر كيفك كيف الاهل انشاءللة دوم تكونون بالف الف خير يارب اخي الغالي صدكني ما اعرف ليش هي ما تكدر تسافر عن طريق الحجز بس راح اخابرها ليش متكدر تحجز من سوريا الف شكر الك اخي الغالي ابو قمر ربي يبارك بك

غير متصل MAGGIC

  • عضو مميز
  • ****
  • مشاركة: 1555
    • مشاهدة الملف الشخصي


الاخت العزيزة انجي

الامور ان شاء الله سهله وانا كتبتلك اذا قريتي كلامي اعلاة

اذا هيه داخله لسوريا بفيزا اي صورة رسميه تكدر تحصل على اقامه مرضيه وبعدين اتطلع مغادرة وعودة للبنان ومن توصل الحدود تكدر تكول انا رايحه لاي سفارة مثل السفارات الي ماموجودة بسوريا راح يجيبولها الجواز بالفندق نفس اليوم وهناك ادبر امورها


وشوفي بقيه الاعضاء اذا يكدرون اساعدون اكثر ترى اكو مجالات كثيرة

تقيلي تحياتي

angie-dawood

  • زائر
اخي الغالي ماجك خلي اشوف شون هي داخله الى سوريا وبعدين اراسلك اشوف اي طريقة تدخل بيها الى لبنان ربي يبارك بك واشكر ردك لي

غير متصل Baghdady73

  • عضو فعال جدا
  • ***
  • مشاركة: 671
  • الجنس: ذكر
    • مشاهدة الملف الشخصي
الاخت العزيزة انجي..
تحية طيبة

بامكان اختك السفر الى لبنان بطريقتين:

الاولى: تقديم طلب الحصول على فيزا من السفارة اللبنانية في دمشق لغرض العلاج وارفاق التقارير الطبية مع اسم شخص في لبنان ككفيل ويستغرق الحصول على الفيزا فترة 3-5 اسابيع
الثانية: الحجز المباشر على الطيران السوري "الرحلة تكون كل يوم سبت من كل اسبوع والانطلاق في الساعة 4 صباحا" تكلفة التذكرة 160 دولار ذهاب واياب حصرا وبدون فيزا..بامكانها الحجز مباشرة من مكتب السورية في ساحة يوسف العظمة او من اي مكتب حجز خطوط سفر.يجب ان تصطحب معها مبلغ 2000 دولار حصرا "اي ان لا تعادله باي عملة اخرى لان الرفاق في مطار دمشق سيستغلون الامر من اجل تصريف المبلغ بالسعر الذي يرغبونه" بالاضافة الى حجز فندقي وهذا بالامكان عمله اونلاين او من اي مكتب سياحي.
معلومة مهمة وهي يشترط توفر الاقامة السورية للراغبين في السفر برا من سورية الى لبنان والا فيجب الانضمام الى احد الكروبات السياحية ولكن هناك تعليمات بالتشديد من قبل الامن اللبناني ولهذا فان المكتب السياحي سيقوم بالحصول لها على الفيزا للسفر مع الكروب ولكن سيستغرق اسبوعين انتظار.
انا لا اعلم ما هي الظروف ولكن كان بالامكان الطيران مباشرة وبدون فيزا الى بيروت من بغداد على خطوط اجنحة لبنان
بالنسبة لوضعها فالافضل السفر بواسطة الطائرة لان بواسطة الكروب السياحي سيتم حجز جواز السفر لدى الشركة السياحية عند الوصول الى حدود لبنان.
انا بالخدمة وحاضر وفي حال ارادت اي مساعدة بامكاني ارسالها الى المكتب السياحي الذي كنت اعمل به في دمشق ودللي

بغدادي
عضو فرقة سان دييغو للحزب تنظيم ابراهام لنكولن


angie-dawood

  • زائر
اخي الغالي بغدادي كل الشكر والامتنان لك اخي الغالي اني المشكلة داخابرهم مداحصل الهم حتى اعرف التفاصيل لي ما تحجز من سوريا وتروح الى لبنان بس هي ما تريد ترجع مرة اخرى الى سوريا تريد تبقى هناك شون لعد تكول ياخذون الجواز منها ولازم ترجع لعد ليش هي تسافر اصلا اذا راح يرجعوها اني دخت بهاي الشغلة فهموني ليش يرجعوها مرة اخرى من لبنان الى سوريا وليش ياخذون الجواز منها واللة دوخة هاي الشغلة ؟؟؟؟؟؟؟؟؟؟؟

غير متصل Baghdady73

  • عضو فعال جدا
  • ***
  • مشاركة: 671
  • الجنس: ذكر
    • مشاهدة الملف الشخصي
كلام اختك صحيح واني اشرحلج شلون..الظاهر اختك راحت الى مكتب سياحة وسفر حتى تطلع مع كروب سياحي واكيد ابو الشركة خبرهة في حال هربتي من الكروب او اتاخرتي على موعد الرجعة "لان بامكانها عدم التقيد ببرنامج الكروب السياحي وتقضي ايام السفرة بغير مكان مع الاقارب او الاصدقاء ولكن شرط ان تحضر للفندق باخر يوم السفر" فاذا حصل هالشي فراح يحجزون كل الكروب وميكدر الباص يرجع للشام الا بعد ان يجدو صاحب الجواز المفقود واللي ظل بحوزة الامن اللبناني ولهذا هية مرتبكة..
نصيحتي تسافر بواسطة الطائرة وجوازهة بجيبهة وينطوهة 15 يوم قابل للتجديد بس هية بس تدخل وبعدين ادبر امورهة وية الامم المتحدة..
بغدادي
عضو فرقة سان دييغو للحزب تنظيم ابراهام لنكولن


غير متصل abdo_99

  • عضو فعال جدا
  • ***
  • مشاركة: 176
  • الجنس: ذكر
  • صبر مفتاح الفرج
    • مشاهدة الملف الشخصي
    • البريد الالكتروني
الاخت العزيزة انجي..
تحية طيبة

اولا اني اخوك موجود في سوريا وعلى استعداد تمام انته واختك شنو تحتاجين اني بخدمتك وسوف ارسال تليفوني بسوريا اليك على الخاص او ترسليلي تليفون اختك واني اخابره واني حاضر شنو تريد
انشاء الله مانقصر وهذا جزء صغير اقدمه اليك ياحماااااااااامة المنتدى

ابو مرتضى

angie-dawood

  • زائر
تسلمون ياغلى اخوة على المبادرة الرائعه منكم ربي يوفقكم ويحرسكم كلكم يارب واني راح احاول الاتصال بيها واشوف شنو الموضوع بالضبط تسلم اخي الغالي بغدادي على الشرح ربي يبارك بك يارب واخي الغالي ابو مرتضى راح اخذ رقمك وانطيه الها حتى هي تعرف شلون تكدر تسافر الى لبنان ربي يبارك بكم جميعا الف الف شكر لكم

غير متصل ناردين

  • عضو فعال جدا
  • ***
  • مشاركة: 445
  • الجنس: أنثى
  • اذا كان الله معنا فمن علينا
    • مشاهدة الملف الشخصي
اختي العزيزة انجي حسب معلوماتي ممكن تقدم طلب فيزة من السفارة البنانية وتسافر بالطائرة ولازم يكون بجيبها اقل شي 2000 دولار وتكون حاجزة مسبقا بفندق بلبنان وبعد دخولها الى لبنان وانتهاء مدة الفيزة تطلب الجوء بالامم المتحدة
ياريت لوخواتي بعدهم بلبنان ماجان خليتج محتارة لانه اتمنى اقدملج اي شي

angie-dawood

  • زائر
يسلمووووووووو حبي نادين اعرف حبي ما تقصرين حياتي الف شكر حبي للرد الرائع

غير متصل alprince1980

  • عضو فعال جدا
  • ***
  • مشاركة: 167
    • مشاهدة الملف الشخصي
    • البريد الالكتروني
مرحبا اختي العزيزة انجي

تدللين وتامرين امر ونحنا اقل شي نعملوا نساعدك لان انتي والله ابد ما مقصرت مع اي احد من الاعضاء

اختي انا اعرف شخص سوري موظف بالمطار راح اسئلوا واعرف منو كلشي بالتفصيل
وكمان عندي شوفير عرف هو يشتغل على خط الشام _ بيروت
وشغلت التهريب ابد ما انصح بيها لان مو مضمونة واذا دخلت لبنان ومسكوها لا سامح الله راح يسجنوها ابعيد عنها

وطبعا اذا دخلت ويا كروب سياحي يحجزون جوازها بالحدود مثل ما تفضلوا الاخوان

انشالله انا اسئل باجر واردلك الجواب

تحياتي الك وللجميع

 al.pince

غير متصل sinan_1988

  • عضو فعال جدا
  • ***
  • مشاركة: 88
    • مشاهدة الملف الشخصي
    • البريد الالكتروني
اخت انجي ياريت لو جنت بسوريا جان جبتلج المعلومات من جوه الكاع صدكيني انتي ورده وتستاهلين كل الخير انشالله الاخوان  ماقصرو وياج وانشالله نسمع منج انو اختج وصلت بخير وسلامه الى لبنان

تحياتي الج سنان الحداد

غير متصل روزماري

  • اداري منتديات
  • عضو مميز جدا
  • *
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
عزيزتي الغالية وأختي أنجي لن أضيف كثيرا مما أخبروكي به أخوتي الكرام ولكن الشئ المتأكدة منه أنه يجب عليها حمل مبلغ مايعادل ألفين دولار وحجز بفندق على الأقل ثلاث أيام ليتم السماح لها لدخول الأراضي اللبنانية من خلال المطار وأذا حبيبتي أعطيك رقم وعنوان فندق بمنطقة أمينة وسعر مناسب أني بالخدمة طبعا بعد حصول أختك على الفيزا وأعطيك أرقام الأمم المتحدة فأجرأتها بالنسبة للسفر أسهل من سوريا الواقعة في شارع فيردان  أما بالنسبة للأقامة يتم أعطاءها أقامة لمدة شهر في المطار وتدفع فقط خمسين ألف ليرة يعني حوالي خمس وثلاثون دولار

وأني بخدمتج أختي أي شي تريدة أختج حينما تصل  الى لبنان  سأكون لها الدليل لتسهيل كل أمورها

تحياتي مع خالص حبي وتقديري لكي
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل tanea iraq

  • عضو فعال جدا
  • ***
  • مشاركة: 165
    • مشاهدة الملف الشخصي
مساء الخير ، لو اعرف اي معلومة كان فدتكم بيهة ، انشاء اللة تنحل قريبا ولا تقلقي

angie-dawood

  • زائر
تسلمون حبايبي واللة اعرف ما تقصرون ربي يبارك بكم يارب الف شكر لكل الاخوة والاخوات ممنونه هواي منكم وانشاءللة باجر اخابرها واشوف شنو الموضوع ليش ما تكدر تحجز من سوريا الى لبنان

غير متصل echo 9

  • عضو مميز جدا
  • *****
  • مشاركة: 2227
    • مشاهدة الملف الشخصي
اختي العزيزة انجي
صباح الخير يا وجه الخير
 ان شاء الله ربي انه يفرج همك وهم اختك العزيزة وتوصل لك بالسلامة ان شاء الله وياريت اكدر اقدم لك مساعدة بهذا الموضوع بس للاسف ما املك اي معلومات عنه
كل اللي املكه هو الدعاء لاختك الكريمة بان الله يدليها على الدرب الزين والسهل ويحفظها ان شاء الله
انتي تستاهلين الواحد يفزع لك ويشارك بموضوعك لان افضالك علينا كلنا بهالمنتدى وخصوصا انا .
Echo 9
هذا الزمن يبغاله لسان دلاّل !
من يستحي هالوقت واعزتي له
وقت به الراعي غدى راعي دلال
كل على طاريه ينفض شليله
ومن كان ساسه للردى مضرب امثال
اليوم يحسب من كبار القبيله !
المال يابن حنيف ملعون أبو المال
ذل العزيز وعز ناسٍ ذليله !

http://www.youtube.com/watch?feature=player_embedded&v=e9pGCb5Kusw

غير متصل ابو شهد

  • عضو فعال جدا
  • ***
  • مشاركة: 169
    • مشاهدة الملف الشخصي
اختي العزيزة انجي والله والله اني لو بسوريا جان خدمت اختج بعيوني لان انتي ما قصرتي ويا اي واحد من اعضاء المنتدى وانتي تستاهلين كل خير وان شاء الله اصحاب الخبرة ما يقصرون

تقبلي مروري

اخوج ابو شهد ................

angie-dawood

  • زائر
تسلم اخي الغالي ابو شهد ربي يسلم عيونك ربي يخليك يارب والف شكر لكل الاخوة والاخوات الي ردو على موضوعي ولي قدموا المساعدة ربي يبارك بكم جميعا وربي لا يحرمنا من كلامكم الطيب والرائع الف شكر لكم جميعا

غير متصل alawi the tiger

  • عضو فعال
  • **
  • مشاركة: 46
    • مشاهدة الملف الشخصي
الاخت الغالية انجي

طبعاًوالله مثلي مثل بقية الاخوة في المنتدى من قرات انو حضرتك كاتبة الموضوع دخت على طول وكم تمنيت ان اقدملك اي خدمة او طلب كان فقط لكي تشعرين بالسعادة التي نشعر بها حين تسعفينا باجوبتك التي تكون مثل الماء الزلال البارد في قمة العطش ولكن للاسف اخوك علاوي لم يذهب الى اي مكان خارج العراق(حالف يمين لو امريكا لو ما اطلع) واذا تامرين باي شي في عمان او بغداد او سويسرا فاخوك حاضر يا اختنا الغالية انجي


اخوك علاوي

غير متصل المهاجر الجديد

  • عضو فعال جدا
  • ***
  • مشاركة: 277
    • مشاهدة الملف الشخصي
الاخت العزيزه  انجي ممكن  اختك تكدر تسافر الى لبنان عن طريق احدى الشركات الي  تسوي كروب سياحي الى لبنان وتكدر هيه  ببعض الشطاره  تحصل على جوازها من تدخل الى لبنان  ومن هناك  تكدر تسافر اذا كانت مظبطه امورها     هذا الكلام  طبعا اذا كانت هيه موجوده بسوريا  والي عنده اقامه ام الصوره  بسوريا  يكدر يسافر الى لبنان  عادي كلش اتمنى ان اكون  قد مت الك  شي  يفيد    لانك  بصراحه تستاهلين   واي شي  الواحد يقدمه  الك قليل  وضئيل  بالنسبه  للخدمات الي  تقدميها  للاعضاء  واتمنى للاخت السفر  باسرع  وقت                                                                                                                                                                                                                                                                                                                                                                                                                                                                                                                                                                                                                                                                                                             

angie-dawood

  • زائر
الف الف شكر لكم اخوتي واحبتي لكل الردود الرائع والف شكر لكم لتقيدم المساعدة لي ربي والاهي يبارك بيكم وانشاءللة يوم ابارك الكم كلكم بموعد سفركم يارب منونه منكم هواي والف الحمد والشكر لفضل الرب على كل شي يعطيه لنا اختي وصلت الى لبنان احمد الرب على فضله  وهي حاليا عند اقرباءنا وانشاءللة راح تقدم على اليو ان بس حبيت اشركم كلكم على كل من قدم المساعدة وعلى كل رد الف الف شكر

غير متصل tanea iraq

  • عضو فعال جدا
  • ***
  • مشاركة: 165
    • مشاهدة الملف الشخصي
الف مبروك وصول اختكي بالسلامة عند افربائكم في لبنان وانشاء اللة يوم الي توصل يمج وتلتقين بيهة وتكتمل لمتكم

غير متصل يمتى الفرج

  • عضو فعال جدا
  • ***
  • مشاركة: 179
  • Little keys can open big locks
    • مشاهدة الملف الشخصي
صدك جذب الأخت الكريمة العزيزة ✿AnGie✿ تطلب مساعدة يمعودة إنت مواقفك بهذا المنتدى كلها مشرفة ووكفاتك مال (إسمحيلي) زلم خشنة لأن من تقديم لحد الاعضاء كأنه قدمتيلنه كلنا وإنت تستاهلين مي العين.

الف الف مبروك وصول أختك الكريمة الى لبنان وأتمنى يكون عندك طلب ثاني حتى نكدر كلنا نردلك ولو جزء بسيط من جمايلك.
اخوك يمتى الفرج
-
                            الله
                 ما أخذ منك إلا ليعطيك
                  وما أبكاك إلا ليضحكك
                وما حرمك إلا ليتفضل عليك
                  وما إبتلاك إلا لأنه يحبك
        سبحان الله وبحمده...سبحان الله العظيم

غير متصل المهاجر الجديد

  • عضو فعال جدا
  • ***
  • مشاركة: 277
    • مشاهدة الملف الشخصي
1000 مبروك وصول اختك الى لبنان واحمد لله على سلامتها  ويارب تتوفق وتسافر باسرع وقتك تحياتي                                                                                                                                                                                                                                                                                                                                               اخوك ابو حارث

غير متصل nana1972

  • عضو فعال جدا
  • ***
  • مشاركة: 113
  • الجنس: أنثى
  • الفرج ياصاحب الفرج لكل العراقيين
    • مشاهدة الملف الشخصي
حمد لله على سلامة وصول اختك الكريمه الى لبنان واعتقد راح تتهاون بموضوع هجرتها لان لبنان بلد رائع وجميله جدا وستايلها اوربي على امريكي على عربي . نتمنى لها التوفيق ولم شملكم وهي محظوظه لان لديها اخت رقيه وحنونه ومهذبه مثلك
نانا / سان دييكو
لا تشك للناس جرحا انت صاحبه لا يؤلم الجرح الا من به الالم

غير متصل المهندس حمودي

  • عضو فعال
  • **
  • مشاركة: 68
    • مشاهدة الملف الشخصي
الاخت انجي المحترمة
الانسانة الرائعة الي قدمت وما زالت تقدم كثير من العون والمساعدة للجميع .

مبروك على وصول اخت الى لبنان وانشاء الله التوفيق .

تحياتي
اخوك
المهندس حمودي

angie-dawood

  • زائر
شكرا حبي نانا للكلام الرائع
تسلم وتعيش اخي الغالي المهندس حمودي على مرورك وتقديم التهنة ربي يبارك بكم جميعا ويارب الكل يسافر ويرتاح ويستقر الف شكر يااحبتي

غير متصل حسين علي كاظم

  • عضو فعال
  • **
  • مشاركة: 49
    • مشاهدة الملف الشخصي
الف الف الف مبروك على وصول اختك الى لبنان اخت انجي وانشاء الله يوم السفر يارب عن قريب انشاء الله

غير متصل صابرين

  • عضو فعال جدا
  • ***
  • مشاركة: 455
    • مشاهدة الملف الشخصي
الاخت العزيزة انجي الف الف حمد الله على سلامة وصول اختك الى لبنان وان شاء الله تتسهل امورها وتحقيق امنياتها

صابرين