980x120

المحرر موضوع: المصارف في امريكا اي منها هو الافضل لللاجيء الجديد  (زيارة 11291 مرات)

0 الأعضاء و 1 ضيف يشاهدون هذا الموضوع.

غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
الاخوة الاعزاء ارجو في هذا الموضوع ان اطرح حسب ما اعتقد سؤال جديد ويفيد اللاجيء لانه من متطلبات استخراج اجازة السياقة وهو تاييد من مصرف بالعنوان الذي يقيم فيه الشخص وهذا يعني على المتقدم للحصول على اجازة للسياقة ان يودع مبلغ معين في احدى المصارف والسؤال في هذا الموضوع اي مصرف هو الافضل في التعامل معه في البداية لاجل هذا الغرض واي مصرف معتمد لاغراض ايداع الاموال في المستقبل لان حسب علمي بان المصارف مثل الشركات ممكن ان يعلن المصرف افلاسه في اي وقت وتضيع الاموال المودعة فيه لان حسب الولاية التي انا فيها لدي الاختيارات التالية:
Bank of Amerce
TCF
Chase
فارجو المشاركة بالخبرات نتيجة التعامل مع هذه المصارف
تقديري للجميع



غير متصل ethan texas

  • عضو مميز
  • ****
  • مشاركة: 1165
  • الجنس: ذكر
  • جوزيف العراقي الجزء 2 سابقا
    • مشاهدة الملف الشخصي
اخوية العزيز اني باللنسبة الي طالب با امريكا وفاتح حساب بنك  اوف امريكا اسمة كرين اكاونت يعني مجانا ماكو ضرائب كل شهر ولمدة 5 اسنين

وبصراحة هوة بنك الكل فاتح بية  واحسن من هذا بكل الولايات موجود فرع الة   

وقبلهة جنت على بنك  ستزين بنك بس هذا مو زيين وخسروني 200 دولار 
فة لغيتة وفتحت بنك اوف امريكا 

اخوك جوزيف

ميكانيكى بيسألوه مين مطربك المفضل رد وقال
همر دياب ودودج وسوف ومازدا الرومى وتاكسى عجرم

غير متصل ابو ياسين

  • عضو فعال جدا
  • ***
  • مشاركة: 409
    • مشاهدة الملف الشخصي
    • البريد الالكتروني
اخي العزيز السلام وعليكم

هواي اكو بنوك وبنك اوف امريكا زين بس احب اوضح شي للفائده اجازة السياقه مو شرط عندك حساب والسكن يكون اما بعقد الايجار او قائمة الكهرباء او الماء هذا اثبات سسكن مو اله تفتح حساب

angie-dawood

  • زائر
اخي العزيز اني اول مرة اسمع بانه الايجازة السياقة ما تطلع الا ان يكون عندك حساب بالبنك مااعرف يجوز هذا قرار هسى طلع بالنسبة للبنك اني وي بنك chase  هم خوش بنك وهم اكو اخر هو
 PEOPLES
    STATE BANK  هم هذا زين هاي البنوك بس اكو هواي وكل بنك شكل اذا تريد تفتح اكاونت افتح سيف اكاونت احسن الك يعني تكدر تخلي فلوس بس على كد تدفع الايجار والبلات يعني اي قائمة تجيك مال دفع كهرباء كيبل اي شي واي مساعد احنا بالخدمة اخي العزيز
                                                                                         


 

غير متصل hussein5582

  • عضو فعال جدا
  • ***
  • مشاركة: 484
  • الجنس: ذكر
  • بعد عشر سنين هسه البطاقه التموينيه متعجب,, عجبي!!
    • مشاهدة الملف الشخصي
    • البريد الالكتروني
اخويه العزيز كل البنوك زينه هي بس الاختلاف بالتشدد اذا سحبت تحت الصفر,,
اما بالنسبه لافلاس البنوك فلا تخاف انته فلوسك مودعه ببنوك معتمده من البنك المركزي يعني اذا البنك اعلن افلاسه الاصول الماليه الي للبنك هي تدفع من البنك المركزي
لا تأسفن على غدر الزمان لطالما ..رقصت على جثث الأسود كلاب
لا تحسبنّ برقصـها تعلـو على أسيادها فالاسدُ أسدٌ والكلابُ كلابُ

غير متصل Baghdady73

  • عضو فعال جدا
  • ***
  • مشاركة: 671
  • الجنس: ذكر
    • مشاهدة الملف الشخصي
اخي العزيز..Bank of America خوش مصرف وكثيرين من العراقيين فاتحين بيه..بس شغلة انو اجازة السياقة لازم حساب مصرفي هاي اول مرة اسمع بيهة..

في حال فتحت بمصرف بانك اوف امريكا فراح فورا وبنفس اليوم يفتحولك حسابين حساب جيكينج وحساب توفير وتاخذ الكارت ATM  وياك بعد ان تمليء الاستمارات يعني شغلتك ربع ساعة اتكون مكمل كل امورك واني البارحة رحت وية صديق قادم جديد فتحناله حساب واستلم الكارت المؤقت والكارت الدائمي يوصلك بالبريد خلال فترة 10 ايام من المركز الرئيسي في اريزونا وحاليا عدهم عرض 5 سنين متدفع اي رسوم سنوية على الحساب..
تحياتي
عضو فرقة سان دييغو للحزب تنظيم ابراهام لنكولن


غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
اخي اني اايد الاخوان الي كالو بنك اوف امريكا لان بالفعل جدا لطيف والتعامل وياهم سهل
ما عدهم غرامات ويفتحولك حسابين الاول هو الجاري والي يسمى الجيكنك والثاني حساب توفير يدعم الحساب الاول في حاله صار عندك سحب مضاعف من الحساب الاول و ما يطلبون منك الا ان تخلي 25$ لكل حساب

والي كاله الاخ بغدادي جدا صحيح و مضبوط والديبت كارد مالهم ما يجرجك من تستخدمه مو مثل البنوك الاخرى
الا في حاله سحبت كاش من اي تي ام غير تابعه للبنك

سؤالي
اجازه السياقه شنو علاقتهه بالبنك ؟؟


تحياتي
اخوك ابو عبد الله التكساسي

غير متصل روزماري

  • اداري منتديات
  • عضو مميز جدا
  • *
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
أخي العزيز الدكتور هندسة  كل ما تفضلوا به أخوتي الأعضاء من معلومات هي صائبة مئة بالمئة أما في حال لم يكن لديك أي فاتورة بأسمك اوعقد أيجار فالبديل ستيتمنت من البنك  أحببت أن أفيدك وأأيد بالمعلومة لأني ممرت بها ومهمة جداً صحيح يجب الحصول على حساب مصرفي من البنك  لأثبات عنوان السكن للحصول على الأمتحان المبدأي البيرمت أو هوية الولاية هذا قانون ولاية مشيكان من السكرتاري أوف ستيت  والأن أصبحوا يطلبون فايف دوكيومنات أي خمس مستمسكات أو أربعة أما بالنسبة أفضل البنوك كل الذي ذكرته من البنوك الجيدة وخصوصاَ بانك أوف أميركا ولكن ميزته أن تودع مبلغ ليس أقل من ألف دولار ولديك عمل   أو طالب أما tcf bank or chase تستطيع تودع مبلغ صغير لا يبالوا أبداً

 1: ورقة بنك أو فاتورة كهرباء ,, ماء,, غاز,, عقد أيجار ,, هاتف
2: أذا كنت لاجئ وليس مهاجر أو فيزة عادية (( وايت كارت أو كارت العمل ))
3: المستمسك والعنوان المدون اعلاه على ضرف البريد عندما أستلمت  السوشال نمبر هنا أقصد(( السوشال نمبر نفسه))
4: جواز السفر
 
وأسفة على الاطالة
وبالتوفيق أنشالله  
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل Baghdady73

  • عضو فعال جدا
  • ***
  • مشاركة: 671
  • الجنس: ذكر
    • مشاهدة الملف الشخصي
هسة انتبهت حضرتك ذكرت موضوع افلاس البنوك..بالنسبة للقانون الفدرالي فان اي شخص يملك مبلغ قدره 100000 دولار ضمن حسابه الشخصي فهو مكفول من قبل الخزينة المركزية وفي حال اشهر البنك افلاسه فيتم تعويضه بنفس المبلغ اما اذا تعدى المبلغ الحد المذكور فان القانون ينص على مبدا التفاوض لحل النزاع والوصول الى مبلغ معين للتراضي...

بغدادي
عضو فرقة سان دييغو للحزب تنظيم ابراهام لنكولن


غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
الاخوة الاعزاء اشكر ما تفضلتوا به من معلومات قيمه ومفيدة ما كنت لاعرفها لولا هذا المنبر المميز والاصدقاء المميزين بارككم الرب
الاخ العزيز جوزيف العراقي الجزء2 اشكرك على سرعة الرد كونك الاول في الاجابة ولو ماكو فرق وسوف اخذ بنصيحتك انشاء الله
الاخ ابو ياسين اشكرك على هذه المعلومة لاني انا هنا جديد فافعل ما اسمع من نصائح وخاصة عندما تكون ذات فائدة وبدون مضرة فارجو التاكد والرد بعد ذلك هل تكفي قائمة واحدة لتاكيد عنوان البيت لاني سوف اعتمد على اجابتك واجابة الاخوان مع تقديري واعتزازي
الاخت الوردة انجي اشكرك على كافة المساعدات والمبادرات التي تقدمينها من خلال صفحات المنتدى ومن خلال الجهد الشخصي وانا ممنون لك جدا واعتز بحضرتك كما يعتز بك كافة الاخوة والاخوات في هذا المنبر العائلي بالنسبة لاجازة السياقة حسب ما سمعت يتطلب تاكيد عنوان من رسالة او قائمة ترسل الى العنوان البريدي لتاكيد العنوان فاحد الاختيارات هو ان يرسل لك احد المصارف على عنوانك الدائم اي رسالة بشرط ان يكون لديك فيه رصيد لتثبيت العنوان واشكرك مرة ثانية
الاخ العزيزhussein5582 اشكر هذه المعلومات التي تفضلت بها لانها تطمئن على صعيد المستقبل لكي ابداء مع مصرف معتمد وابني معه رصيد من خلال الحصول على عمل في المستقبل انشاء الله لان كثرة المصارف المتوفرة هنا تدعوا الى القارنة مع شكري الجزيل   

غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
الاخ العزيزBaghdady73ان موضوع فتح رصيد في مصرف هو ليس شرط بحد ذاته بل الرسائل المتبادلة بين المصرف والزبون يوكد عنوان الزبون وهذا هو المطلوب في استخراج اجازة السياقة وكذلك هذا هو توجيه المنظمة التي استضافتنا طلبوا ان نفتح رصيد باحد البنوك لتثبيت العنوان واشكر ما تفضلت به من معلومات ولك جزيل الشكر

الاخ العزيزshawqi shumran اشكر مرورك وما تفضلت به عن مميزات المصارف ومن خلال اتفاقك مع الاخوة بان المصرف الافضل هو اوف امريكا سوف ابحث عنه وعن اقرب فرع من محل سكني اما عن العلاقة بين اجازة السياقة والمصرف فهي لاجل تاكيد وتثبيت محل سكن طالب الاجازة مع امتناني وتقديري
الاخت المميزة  روزماري  اشكر تفهمك للموضوع الذي لم يجده بقية الاعضاء المحترمون ذو صلة باجازة السياقة ولكنك وصفت ما تاخرت عن وصفه من صلة ترابط بين الحساب المصرفي واجازة السياقة اما عن المستمسكات ان كانت اربعة او خمسة فارجو ان تفيديني وبقية الاخوة اكثر لانها تختلف فمن اين اتي بالمستمسك الخامس؟
وسؤال اخر هل الاحتفاظ بظرف السوشيل مهم لانه هو ما يقدم لتثبيت العنوان؟ لاني سوف ابحث عنه  حيث لم ادرك فائدته!!!
اما عن بنك اوف امريكا من خلال المعلومة الجديدة التي تقدمت بها فاني لا استطيع ان ان افتح حساب فيه لاني لست طالب وليس لي عمل لكوني جديد ولا املك هوية عمل لحد الان وكذلك ليست هناك فرصة عمل تحت يدي
اشكر حسن تفصيلك للموضوع ومعالجة كافة مداخلاته واثرائه بالمعلومات القيمة الدقيقة انشاء الله لانه سوف مصدر عون وفائدة لي ولبقية الاخوان

غير متصل eng.a7med

  • عضو فعال جدا
  • ***
  • مشاركة: 269
    • مشاهدة الملف الشخصي
السلام عليكم

برايي ان Bank of America بنك ممتاز و خدماتة جيدة جدا بالاضافة الى انه الحكومة الامريكية انطتا قرض كبير لمن اتاثر بالازمة المالية يعني مدعوم نوعا ما من قبل الحكومة الفيدرالية

تحياتي

غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
الاخ العزيز ماجلان انا اقيم في ولاية مشيكن وليس لدي اي هوية صادرة من امريكا لحد الان تحمل صورة لان عندما اتصلت بالمنظمة المسؤولة قالوا نحن نرسل لك الهوية لحين اكتمال كافة الاوراق ولا نعرف متى ولا اعرف ما هي خطوات استخراج الهوية ذات الصورة وكما وضحت لكافة الاخوان ان عنصر الربط بين الاجازة والمصرف هو لتثبيت العنوان
اشكرك على كافة المعلومات القيمة التي وضحتها

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
احسن بنك في امريكا هو Wells Fargo

اما اسوء بنك بخبرات هواية ناس وخاصة الجدد والالجئين لان ميفيدهم نهائيا في االبداية هو Bank of America

وخاصة بسبب السياسة اللي يعتمدوها واللي ورة فترة راح تنصدم بيهة وخاصة في استخدام الكردت كارد


من اكول اسوء مو يعني فاشل

كل بنك في امريكا الا مميزاتة لانه بنك خاص غير تابع للحكومة وكل واحد عندة عروض وسياسة متبعة تختلف عن الاخر

اما اذا اتريد تعرف عن شنو احسن واحد وسمعتة بين الامريكان فا اني مشفت واحد مكال بنك ويلس فاركو من اقوى البنوك واللي متاثر بالازمة الاقتصادية اللي صارت بامريكا

بالمناسبة بنك اوف امريكا امراء السعودية عدهم حصة كبيرة بي ويمكن مستقبلا ايصير كلة الهم(هاي بالباكيت مو ؟  ;))
واذا اتريد تتاكد اسال العضو البغدادي هو يشرحلك عن المسوي وياة بنك اوف امريكا

اخذ هاي المعلومة

اذا اتريد تعرف منو المصرف الزين اسال شخص مو من المنتدى لان احنا كلنا صارلنة سنة او اقل نتعامل وية المصارف

اسال الناس اللي عايشة بامريكا سنين يعني 30 سنة وفوك

وكلهم شنو احسن مصرف واعتقد راح تاخذ الاجابة الصحيحة من عدهم واني هذا اللي سويتة بعد بحث طويل عن انسب المصارف اللي تتعامل وياهة

غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
الاخوة الاعزاء eng.a7med وAbo Andrew اشكركم على المعلومات التي قدمتموها في هذا الموضوع بالرغم من تضارب الاراء   اعتقد الاستخدام هو السبب في كون المصرف
 Bank of America جيد ام لا وهذا يعتمد على طريقة الاستخدام وحسب استنتاجي فاذا استخدمت اكثر من الرصيد الموجود في التوفير فان المصرف سوف ياخذ فوائد كبيرة
ارجو من الاخ Abo Andrew توضيح السلبيات التي مررت بها لتعم الفائدة مع شكري الجزيل على نصيحتك المبنيه على بحث طويل بالاعتماد على خبرة الاشخاص الساكنين منذ سنوات طويلة في هذا المجال
تقبلوا امتناني وتقديري

غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
اخي العزيز امير الاحلام في اي ولاية يوجد هذا المصرف wachovia اشكر مشاركتك ومرورك وتقبل حبي وتقديري

غير متصل freemann

  • عضو فعال
  • **
  • مشاركة: 53
    • مشاهدة الملف الشخصي
اخي العزيز امير الاحلام اني ايضا اعرف عن بنكwachoviaاني شخصيا استلم صكوك الراتب مالتي مكتوب عليها بنك wachovia او ايضا صكوك منظمة ورلد ريليف ايضا على هذا البنك
اني في ولايه تينيسي والي سمعته انو هذا البنك سمعته قويه وحسب ما افتهمت شبه حكومي وله فروع كثيره اب اميركا بس ما اعرف تفاصيل التعامل بيه ممكن الاخوان يشوفولنا فلم هاذا البنك للي عنده حساب بيه

لان سمعته ممتازه يمنا

غير متصل eng.a7med

  • عضو فعال جدا
  • ***
  • مشاركة: 269
    • مشاهدة الملف الشخصي
السلام عليكم

اخي العزيز بالنسبة لبنك wachovia جيد جدا اني شخصيا جان عندي حساب بي بس الي لاحظتة من تجيني فلوس بصك من غير بنك تاخذ اسبوع كامل حتى تنزل بحسابي بينما بنك اوف اميركا ثاني يوم و اذا المبلغ مو جبير بنفس اليوم تكدر تسحب نسبة قليلة من المبلغ و الباقي ينزل ورا يوم واحد فقط

هاي وجهة نظري عن تجرية بسيطة

تحياتي

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
الاخوة الاعزاء eng.a7med وAbo Andrew اشكركم على المعلومات التي قدمتموها في هذا الموضوع بالرغم من تضارب الاراء   اعتقد الاستخدام هو السبب في كون المصرف
 Bank of America جيد ام لا وهذا يعتمد على طريقة الاستخدام وحسب استنتاجي فاذا استخدمت اكثر من الرصيد الموجود في التوفير فان المصرف سوف ياخذ فوائد كبيرة
ارجو من الاخ Abo Andrew توضيح السلبيات التي مررت بها لتعم الفائدة مع شكري الجزيل على نصيحتك المبنيه على بحث طويل بالاعتماد على خبرة الاشخاص الساكنين منذ سنوات طويلة في هذا المجال
تقبلوا امتناني وتقديري

اني بالنسبة اللي معانيت من اي سلبيات وية ويلس فاركو

بس سمعت هواية ناس صار عدهة مشاكل وية غير بنوك وبصراحة هذا ايكون بسبب قلة المعرفة بالسياسات اللي يتبعهة كل مصرف لانه المصارف استغلالية واتحاول دائما تستفاد من الزبون

لذلك على كل شخص يقرا ال Policy الخاصة بكل بنك ولو لو اتريد الصدك اني مسويت هيج بس اني عندي عمي الجبير صارلة فوك ال 30 سنة عايش هنا ويعرف كل صغيرة وجبيرة وكل كلاواتهم وسوالفهم التعبانة بالاضافة الا انه في منطقتي اغلبية الايجينت بالبنوك همة عراقيين فيفهموك هواية شغلات

تحياتي

غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
الاخوة الاعزاء اني فتحت حساب هذا اليوم في مصرف اسمه chase وقالوا لي ان يتميز باعطاء فائدة على الشراء بحيث كل دولار يصرف يعطون 4 نقاط وبعد جمع عدد من النقاط تحصل على مبلغ كاش قيمته 4 دولارات لكل 2000 نقطه اما سلبيات هذا المصرف هو اذا لم تشتري ببطاقة الاعتماد خمسة مرات او اكثر يقطعون 6 دولار انا اخترت هذا المصرف لانه قريب وفروعه متعددة وتم مدحه في هذا الموضوع وشكري لكل من شارك وادلا بنصائحة وخبراته

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
هذا هم واحد من المصارف الجيدة عاشت ايدك

بس انطوك 100 دولار هدية لو غلسوها ؟

غير متصل الدكتور هندسه

  • عضو فعال جدا
  • ***
  • مشاركة: 303
    • مشاهدة الملف الشخصي
    • البريد الالكتروني
 اشكرك يا اخ ابو اندرو  واشكر كافة الاخوة الذين ما قصروا في تقديم معلوماتهم وخبراتهم في هذا المجال اما من ناحية ال100$ فلم استلم اي مبلغ ولم اقراء في التعليمات عن وجود مبلغ مالي يقدم الى الزبون احتمال هذا الاختيار حذف في الوقت الحاضر لا اعلم ؟ ولكن اذا كان هذه هو اسلوب التعامل مع الزبون الجديد فارجو اخباري لكي اطالب بالمبلغ
شكري وامتناني للجميع

غير متصل ابو اسينات

  • عضو فعال جدا
  • ***
  • مشاركة: 279
    • مشاهدة الملف الشخصي
السلام عليكم

نشكر كل الاخوة والاخوات الي وضحو اسماء البنوك ووضحو سلبيات وايجابيات كل بنك

لكن سؤالي قد يكون خارج عن الموضوع الرئيسي بس حبيت اسأل هذا السؤال لان امبين من كلامكم انه انتو اهل خبرة لايستهان بيه

اولا اذا الواحد وصل الى امريكا وطلع السوشل سكيورتي نمبر وهو مازال ملاكي شغل فاذا فتح حساب اشكد يكدر يخلي بالبنك مبلغ حتى مياثر على المساعدات(علما اني مو من الناس الي ديفكرون بالمساعدت الدائمية)
ثانيا اذا انتو تكولون ان بنك اوف امريكا يطلب 1000 دولار لفتح الحساب واني سامع انه اللاجئ لازم ماعندة بالبنك اكثر من 200 دولار شلون يكدر الواحد يفتح حساب بهذا البنك
ثالثا اذا الواحد جايب وياه مبلغ يكدر يفتح قاصة او صندوق امانات بالبنك خوفا من سرقة المبلغ من البيت؟

مع شكري الجزيل لكم

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
لا اخوية ابو اسينات المهم اللي عندك بالبنك ما يتجاوز الحد الاعلى المسموح وهذا يتحدد بعدد افراد العائلة وخط الفقر للولاية.

مثلا ولاية فرجينيا: ال3 نفرات يحقلهم يكون مدخولهم الشهري اي مبلغ اقل من 1920 دولار تقريبا ان شاء الله وصلتك الفكرة.

غير متصل koka75

  • عضو فعال جدا
  • ***
  • مشاركة: 418
    • مشاهدة الملف الشخصي
    • البريد الالكتروني
  مشكووور اخوية العزيز على طرحك لهذا الموضوع والشكر للاخوان على مشاركاتهم ونشالله الفائدة للجميع وبالتوفيق للجميع
       اخوووكم ابو

angie-dawood

  • زائر
السلام عليكم

نشكر كل الاخوة والاخوات الي وضحو اسماء البنوك ووضحو سلبيات وايجابيات كل بنك

لكن سؤالي قد يكون خارج عن الموضوع الرئيسي بس حبيت اسأل هذا السؤال لان امبين من كلامكم انه انتو اهل خبرة لايستهان بيه

اولا اذا الواحد وصل الى امريكا وطلع السوشل سكيورتي نمبر وهو مازال ملاكي شغل فاذا فتح حساب اشكد يكدر يخلي بالبنك مبلغ حتى مياثر على المساعدات(علما اني مو من الناس الي ديفكرون بالمساعدت الدائمية)
ثانيا اذا انتو تكولون ان بنك اوف امريكا يطلب 1000 دولار لفتح الحساب واني سامع انه اللاجئ لازم ماعندة بالبنك اكثر من 200 دولار شلون يكدر الواحد يفتح حساب بهذا البنك
ثالثا اذا الواحد جايب وياه مبلغ يكدر يفتح قاصة او صندوق امانات بالبنك خوفا من سرقة المبلغ من البيت؟

مع شكري الجزيل لكم


تكدر تخلي لغاية 2000 الفين دولار مسموح والصندوق الي تريد تفتحه تكدر تخلي حاجاتك مثل اوراق مهمة وذهب وحتى فلوس اغلب العراقيين والامريكان هم يخلون فلوس بالبنك هو ممنوع بس كلهم يخلون فلوس وايجار الصندوق اعتقد 25 دولار بالشهر 

غير متصل ابو اسينات

  • عضو فعال جدا
  • ***
  • مشاركة: 279
    • مشاهدة الملف الشخصي
شكرا دكتورة سرى و الاخت انجي على التوضيح

بس اذا الواحد ماعندة شغل ميكلولة مين جبت هذه الفلوس واشو بعض الناس يكولون لازم مو اكثر من 200 دولار


 

980x120