اريد معلومات عن ولاية يوتا

[ابو اسينات]

السلام عليكم ارجو من الاخوة العراقين الذين ساكنين في ولاية يوتا تزويدنا بمعلومات عن وضع الولاية واهتمام المنظمة بلاجى العراقي وهل يتوفر العمل فيها وما هي طبيعة الاعمال بالاضافة الى اسعار الايجارات والمناطق الجيدة علما اننا لدينا معلومات عامة عن الولاية بالموقع ولكن نريد تفاصيل دقيقة ولكم الشكر الجزيل

[angie-dawood]

اخي العزيز ابو اسينات بالنسبة لولاية بوتا مااعتقد عدنا  عضو رايح الها بهل  اشهر اذا نقلت الك  معلومات من الارشيف راح تكون معلومات مر عليها اكثر من سنتين اتذكر كان عندنا عضو راح لهاي الولاية بس ما تفيدك هاي  المعلومات لانها قديمة    لان نظام المساعدات يتغير بين فترة و فترة  وحتى الايجارات تختلف من مدينة لمدينة ومنطقة لمنطقة والمنظمة تختلف عن منظمة بالمساعدة وانت هم لازم تذكر اي منظمة تكون مسؤولة عليكم  اذا سفرك مو قريب كلش انتظر هاي الفترة بلكن عضو يسافر لهاي الولاية ويكتب النا ما هو جديد احسن ما ننقلك معلومات من الارشيف مر عليها سنتين وانشاءلله السفر القريب والاستقرار وراحة البال ربي يوفقكم

[الاصالة]

lمرحبا اخي ان شاء الله توصلون بالسلامة اني من سكان ولاية يوتا وصلت منذ 7 شهور بالنسبة للمنضمة اكو منضمتين اهنا للاجئين وهي الكاثوليكية والirc همة تقريبا نفس الخدمات ايقدمون بس من البداية اكلك انتة تعتمد على نفسك هاي تجربتي الشخصية او اكو اهواية شغلات رح اتصير وياك انتة او حضك مثل البرنامج الي ايحطوك علي اكو برنامج لمدة 6 اشهر كلشي عليهم  اواكو برنامج ينطوك كاش او انتة عليك الباقي طبعا الكاش حسب العدد مال العائلة اني بالنسبة الي على البرنامج الكاش بس لا اتخاف سهلة ان شاء الله خاصة اذا لغتك زينة تلكة شغل ابسرعة

[شناشيل بغداد]

الاخ العزيز الاصاله ارجو توضيح اكثر عن ولاية يوتا لان  طالبين مني عنوان الكفيل ومحتاره بين ارزونا عندي ويوتا اريد اسئل هل صحيح هذه الولايه بيه تعصب ديني بلنسبه لشعبه

[ابو اسينات]

السلام عليكم  الى الاخوة والاخوات كافة
اشكركم جزيل الشكر على الرد على هذا الموضوع
سؤالي للاخ (الاصايل) هل انت تقيم بالعاصمة (ساوت لك) وكم مبلغ الايجار في منطقة جيدة لسكن عائلة من اربعة اشخاط (انا وزوجتي وبنتي 8سنوات وابني 4 سنوات) واذا امكن ان تذكر نوعية الاعمال للاشخاص انكليزيتهم مقبولة وليست جيدة وهل المنظمة جادة في ايجاد فرص العمل لو يترك الموضوع عليك مع شكري الجزيل.
اما بالنسبة لسؤال الاخ شناشيل بغداد عن تعصب سكان هذه المدينة حسب معلوماتي انهم متحفضون على تعاليم الطائفة المارمونية التي تحرم شرب الخمر وتجيز تعدد الزوجات وليس لهم روح عدائية على باقي الاديان والطوائف والله اعلم مع فائق شكري واحترامي.
وكذلك اشكر الاخت انجي على سعيها لتوفير معلومة صحيحة واتمنى لك التوفيق.       ابو اسينات

[الاصالة]

اخوية شناشيل بغداد اولا اني انثى مو ذكر وبالنسبة للولاية الاغلبية مورمن اواهنا ماكو احد ايغصبك على شي ولا احد يدخل ابدينك لكن همة يفترون على البيوت ويحجون على دينهم بس انتة اذا متحب مدخلهم حتى للبيت همة مرح يجون مرة ثانية واذا اتريد اي معلومات اني جاهزة

[الاصالة]

بالنسبة للايجار اني ساكنة في سالت ليك ستي اذا 3 غرف مثلا ادفع 900 مع الماء بس اذا بيت فوك الالف وبالنسبة للمنضمة موكلش اتساعد بالشغل كلشي انتة مثل مكتلك انتة اوشطارتك اكررواكول ماكو اعتماد على المنضمة وبالنسبة للعمل للي انكليزيتة ضعيفة عامل اومنضف اما اذا انكليزيتك زينة فتكدر تشتغل بمحل  او مترجم او اهواية شغلات بس تعتمد اهنا على العلاقات لان رح تتعرف على امريكان وهمة اهنا ايساعدون

[ورد]

الاخ العزيز اهلا ومرحبا بيك في الولايات المتحدة وولاية يوتا تحديدا,,,,انا من سكان الولاية من عامين تقريبا وهي ولاية زينة ومناسبة خاصة للأولاد ومجتمعها هادئ واكو هواية برامج ممكن تستفيد منها بس طبعا حسب المنظمة الي رح تلتزمكم والايجارات طبعا انتو 4نفرات يعني غرفتين وصالة تكفيكم وبمجمع راقي سعرها 750دولار وطبعا المورمن ناس مسالمين لاعنصرية ولا اجبار ولا شيء غير بس يعرضون عليك دينهم والانضمام لهم وانت براحتك تكللهم بطريقة دبلوماسية انه اني ماافرق بين الاديان وهمة رح يروحون بعد انشاءالله شتحتاجون اني بلخدمة اي وقت.....

 اختكم ورد

[شناشيل بغداد]

ارجو المعذره للاخت الاصاله  والف شكرا  ابواسينات والاخت ورد على هذه المعلومات عن ولاية يوتا

[ابو اسينات]

السلام عليكم


بالبداية اني اعتذر لان صارلي فترة غائب عنكم  واحب ان اشكر الاخت الاصايل والاخت ورد على مشاركتهم النة ويارب تكونون بخير وسعادة دائمة

بس سوالي شكد طولتو من مدة زمنية حتى وصلتو الى يوتا (اقصد المدة بين اول مقابلة توطين الى يوم السفر مرورا بكل التواريخ والبلد الذي كنتم ساكنين فيه)ولكم جزيل الشكر والتقدير


اخوكم ابو اسينات