المحرر موضوع: ((تليفون الماجك جاك والاتصال داخل امريكا)) تجربة وموضوع للنقاش  (زيارة 13263 مرات)

0 الأعضاء و 1 ضيف يشاهدون هذا الموضوع.

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اخواني موضوعي يفيد اللي ما يريدون يخلون تليفون ارضي او يريدون يخابرون بالارضي بسعر رخيص اكو جهاز موجود صارله فترة بامريكا بس مو هواية يستعملوه اسمه الماجك جاك وهو على شكل جهاز صغير الحجم بيه جزء مثل الفلاش رام يتشكل عالحاسبة ممكن تشتروه من المحلات او المولات هو كل المحلات تقريبا تبيعه بنفس السعر احنا اشتريناه ب37 دولار وموجود حتى بمحلات الراديو شاك radio shack بنفس السعر

المهم تاخذون الجهاز للبيت وتطلعوه وتقرون التعليمات مثل ما سوينا تشكلوه عالحاسبة وتنصبوه وهو يتنصب بسهولة وراح ينطيكم رقم الكم يعني كأنه يكون عدكم ارضي بالبيت بس عالانترنيت سعره 37 دولار وبضمنه اول سنة وبعدين كل سنة ب20 دولار فقط

من تنصبوه تختارون الرقم اللي انتو تريدوه يعني ممكن تختارون رقم الكود مال اي ولاية يكون رقمكم خلي انطيكم مثال

فرجينيا الكود مالتها هو 703 فمن تختارون ولاية فرجينيا راح يكون بداية رقمكم هو 703 وبعدين ينطيكم تكملة الرقم هم انتو تختارون الرقم اللي يعجبكم ورأسا تكدرون تخابرون وجربوه انه خابروا على موبايلكم واحجوا بيه

المحاسن: السعر رخيص/امكانية اختيار الرقم/اللي بدولة غير العراق ممكن يدزه لأهله وتصير المكالمة ببلاش يعني هو عنده ماجك جاك وهم عدهم ماجك جاك/ تخابر من عنده المكالمات اللي تسويها من البيت للدوائر الحكومية مثلا او لصديق او اي احد وراح تكون كأنه ببلاش واذا عفتوه مشكل عالانترنيت ممكن من يخابروكم على رقمكم مال الجاك جاك

المساوئ: انه ما تكدرون تخابرون دولي واذا سجلتوا عالدولي (يعني خدمة دولية) راح يكون سعر الدقيقة للعراق غالي/يحتاج وجود الانترنيت

هذا رابط حتى تشوفون شكله وطريقة الاستعمال

http://www.magicjack.com/2/?mid=308001&a=55959&s=429

هاي تجربتنا وياه وياريت اخواني الل مستعمليه هم ينورون الموضوع ويفيدونا

تقبلوا تحياتي


غير متصل BaghdadGhost

  • عضو مميز جدا
  • *****
  • مشاركة: 2521
  • الجنس: ذكر
    • مشاهدة الملف الشخصي
اختي سرى ,,,,,


عاشت ايدج على الموضوع ,,,, عندي سوال ,,,, اذا قمت بكل الخطوات و صار عندي رقم تبع الماجك جاك و وراها دزيته لاهلي بالعراق و همه خلو متصل على النت على طول ,,, اكدر اتصل بيهم على الرقم مال الماجك جاك حته لو كان الاستخدام بالعراق ,,,,, ؟؟

غير متصل (بغدادي)

  • مبدع قسم الهجرة
  • عضو فعال جدا
  • *
  • مشاركة: 672
  • الجنس: ذكر
    • مشاهدة الملف الشخصي
اني قبل كم يوم كنت استفسر على هالموضوع من راديو شاك وحسب مخبرني الموظف انو لازم اخذ جهازين واحد الي وواحد للاهل وبهالطريقة راح نحجي ابلاش لان يعتبر من ضمن الشبكة يعني"محلي" مو دولي بس بعد لحد الان ما ماخذة ودا افكر بالموضوع واذا اكو شخص مجرب هالطريقة ايفيدنا وشكرا عالموضوع..

اضافة: حسب كلام الموظف انو اللي عندة حساب ايميل على google "GMAIL يطلعله تلفون مجاني مشابه لهالطريقة وبس افتهم بالضبط شنو القصة انزل تفاصيلهة..

بغدادي

عضو فرقة سان دييغو للحزب تنظيم الرفيق ابراهام لنكن

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
افتهمت انه قصدك يكون عند الاهل بالعراق ماجك جاك مو؟ احنا هم فكرنا نفس الفكرة انه ننصبه يمنا وندز الجهاز للاهل بالعراق وخابرنا عالسيرفس مالتهم مرتين مرة موظف كال انه ما يعرف انه يشتغل الجهاز بالعراق لو لا ومرة موظفة أكدتلنا انه هي تعرف زبائن مسوين هيج يعني هم مشترين الجهاز واحد الهم وواحد لأهلهم بالعراق ويستعملوه بس ما تأكدنا ولذلك احنا بعدنا ما جربنا الطريقة بس يمكن نسويها واذا نجحت او فشلت انطيكم خبر طبعا اذا انتو بامريكا او كندا ممكن تنصبوه انتو واللي تخابروهم مثلا دائما وتصير المكالمات بينكم ب20 دولار بالسنة فقط بس مثل ما كتلك شغلة العراق ما متأكدين منها بعدنا

احنا اصلا اشترينا الجهاز علمود نخابر عالعراق لأن اكو واحد مصري (الله ينطيه) مفتهم غلط وكالنا انه من ننصبه ممكن نختار كود رقم بالعراق وممكن نخابر عالعراق ويصير كأنه انت دتخابر من العراق عالعراق وسواها جنة وكال انه زوجته واهلها اللي بمصر ديستعملوه وتالي اللي شفناه انه من تنصبه انت وتختار الرقم اصلا هو ينطيك الخيار على كود ولايات امريكا فقط فشلون نختار كود العراق!! المهم هو بوري بس بيه فايدة هههههههه انه ممكن نخابر على اي احد بامريكا والسنة كلها ب20 دولار يعني هم زين

ومشكور عالمرور الطيب

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اي اخي بغدادي مثل ما كلت لاخوية الشبح احنا فكرنا نفس الشي بس هنا ما يعرفون انه راح يشتغل بالعراق لو لا زين واذا اشتغل شكد سرعة انترنيت ينرادله؟ هاي ما عرفناها بس يمكن راح نضحي ونسويها وانطيكم خبر

اشكر مرورك العطر

غير متصل (بغدادي)

  • مبدع قسم الهجرة
  • عضو فعال جدا
  • *
  • مشاركة: 672
  • الجنس: ذكر
    • مشاهدة الملف الشخصي
هوة كلام المصري صحيح بس يمكن ما خبركم انو هوة داز نفس الجهاز لاهله بمصر لان اني استفسرت من شخص مكسيكي جيراني كللي اني دزيت الجهاز للمكسيك وللبرازيل والناس ديستعملوه يحجون وية اهلهم بامريكا وكندا بنفس السعر اللي كلتي عليه وهوة 20 دولار بالسنة لان يعتبر اتصال داخلي من رقم الى رقم اخر امريكي ونفس الكود..المفروض بالعراق يشتغل "المفروض" بس ينراد واحد مجربهة مضبوط ويضحي بالجهاز والبريد  ;D

شكرا عالموضوع لان صدك مهم
بغدادي

عضو فرقة سان دييغو للحزب تنظيم الرفيق ابراهام لنكن

غير متصل basel.sabri

  • عضو فعال
  • **
  • مشاركة: 73
    • مشاهدة الملف الشخصي
اختي الجهاز مجرب واني جبته وياي من اخر سفره الي ل امريكا وهسه اني كاعد اخابر لامريكا وي صديق وهو ساكن واشنطن واحب اصححلج معلومه اكو كارتات دوليه تشتغل عل الماجك جاك واني جربته باخر سفره من جنت باريزونا مدينه فينكس اسم الكارت boss فبولايتج ماعرف توكلي ودزي الجهاز للعراق

غير متصل (بغدادي)

  • مبدع قسم الهجرة
  • عضو فعال جدا
  • *
  • مشاركة: 672
  • الجنس: ذكر
    • مشاهدة الملف الشخصي
اخ باسل مشكور عالمعلومة بس عندي استفسار بالنسبة لسرعة الانترنت بالعراق تمشي بصورة جيدة وية هيجي نوع خدمة لو اتكون نوعية الصوت رديئة..

بغدادي

عضو فرقة سان دييغو للحزب تنظيم الرفيق ابراهام لنكن

غير متصل ابو ايوب

  • عضو فعال جدا
  • ***
  • مشاركة: 154
    • مشاهدة الملف الشخصي
عندي جاري بالعماره الساكن بيها عنده نفس الجهاز ويحجي 24 ساعه مجاناًمع اهله في كارولينا الشماليه واحنا نحجي من عدهم ايظاً على اقربائي في اريزونا هذا الكلام في الاردن اكيد بالعراق نفس الشي

غير متصل wailkasha

  • عضو جديد
  • *
  • مشاركة: 3
    • مشاهدة الملف الشخصي
    • البريد الالكتروني
ارجو الاستفادة انو مدام كاعد تستخدمون انترنيت ولازم وجود حاسبة فليش متستخدمون سكايب اللي هو سوفتوير بلاش والاتصال من سكايب لسكايب بلاش.بس اللي تحتاجو هو سماعه ام المايكرفون وسكايب معروف بجودة الصوت العالية

www.skype.com

غير متصل الحديقه

  • عضو فعال جدا
  • ***
  • مشاركة: 82
    • مشاهدة الملف الشخصي
أخوان اني عندي ماجك جاك بعمان ودزيت عليه من أميركا جهاز كلش مفيد وعملي خاصه الي عنده اقارب بأميركا وكندا يكدر يحجي وياهم باي وكت على تلفوناتهم الارضيه والموبايل أذا مكان عدهم انترنيت بس أكو بعض شركات الموبايل باميركا يخصمون على التخابره بس أيام العطل والاجازات يكون الاتصال مجانا وميخصمون على المتصل بيه بالموبايل واذا كان متوفر التلفون الارضي فبأي وقت تكدرون تخابرون بدون ميخصمون عليهم وهمه هم يخابروكم على الماجك جك بس لازم يكون مربوط على الأنترنيت وسرعة الانترنيت قويه وحسب مااعرفه انه بالعراق ضعيف الانترنيت.

تقبلوا مروري...........
أخوكم
الحديقه-عمان

غير متصل eboo

  • عضو فعال جدا
  • ***
  • مشاركة: 543
    • مشاهدة الملف الشخصي
خوش شغله بارك الله بيكم على هل معلومات هاي وربي ينطيكم العافيه

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
((هوة كلام المصري صحيح بس يمكن ما خبركم انو هوة داز نفس الجهاز لاهله بمصر لان اني استفسرت من شخص مكسيكي جيراني كللي اني دزيت الجهاز للمكسيك وللبرازيل والناس ديستعملوه يحجون وية اهلهم بامريكا وكندا بنفس السعر اللي كلتي عليه وهوة 20 دولار بالسنة لان يعتبر اتصال داخلي من رقم الى رقم اخر امريكي ونفس الكود..المفروض بالعراق يشتغل "المفروض" بس ينراد واحد مجربهة مضبوط ويضحي بالجهاز والبريد   

شكرا عالموضوع لان صدك مهم))

لا اخوية بغدادي هو كالنا انه ناخذ جهازين واحد النا وواحد لأهلنا بس شوف شكال، كال: من تنصبون الجهاز تكدرون تختارون رقم مال عراق (يعني مثل رقم عراقنا او اثير مثلا) بحيث من تخابرون على اهلكم يطلعلهم رقم مال عراق وطبعا هذا الكلام ابد مو صحيح المهم هو الظاهر ما يفتهم واحنا ما صدكنا لأن عبالنا يعرف لأن هو موظف بAT &T شمدرينا يطلع ما يفتهم؟!!

هي الفكرة حلوة بس نريد احد مجربه بالعراق يعني سرعة النت تكدر تشغل الجهاز لو لا

بالنسبة لاخونا اللي يكول انه نستعمل السكايب هو صحيح كلامك اخوية العزيز بس هذا الجهاز ممكن ينربط على تليفون ويكون مثل التليفون الارضي احنا ما جربناه بس هذا اللي موجود بالكتيب مالته

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
سؤال لأخونا باسل : انت نصبت الجهاز بأمريكا وأخذته للعراق؟ يعني عملية التنصيب واختيار الرقم كانت بأمريكا؟ لو بالعراق؟ يعني هسه رقمك يبدي بأي كود؟ اذا ممكن توضحلنا بدون زحمة عليك ومشكور مقدما


مشكورين اخواني ابو ايوب والحديقة على مشاركتكم للتجربة

مشكور اخوية ايبو عالمرور الطيب وان شاء الله المعلومات تفيد اخواننا

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
    • مشاهدة الملف الشخصي
اختي العزيزة سرى

اني عندي ماجك جاك وبوكتها اكو موضوع بالارشيف بس مابيه تفاصيل مثل هذا الموضوع المفيد
احب اضيف انه الماجك جاك ينطيك مكالمات ابلاش لكل نورث اميركا يعني شامل اميركا وكندا

الشغلة الثانية انه انتي باي بلد تنصبيه بس بكل الاحوال راح يصير رقمج الماجك جاك اما رقم اميركي او كندي يعني انتي ما تكدرين تسوين رقمج الماجك جاك عراقي يبدي ب 00964 واصلا ماكو فايدة

انتي المفروض مثل ما كالو الاخوة الجهاز اللي عندج وبعد ما نصبتيه تدزيه للعراق وانتي تخابرين على الماجك جاك مالتهم وهمة يخابروج على تلفونج الارضي بس ترة من هسة اكولج اظاهر ينرادلة نت قوي والا الصوت يصير مكطع

النقطة الاخرى مثل ما كلتي انتي تعتبريه تلفون ارضي بحيث تكدرين تشترين كارتات تلفون دولية وتخابرين اي مكان بالعالم من عنده واني جربتها عدنة كارت بدولار و ربع ينطيني حوالي 20 دقيقة على موبايل للعراق


عبسي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
مشكور اخوية عبسي عالتوضيح بس اللي اريد اعرفه وتحملني شوية اني هسه منصبته عندي وبيه رقم امريكي ادزه مثلا لبغداد هم من يشغلوه هناك راح يكون هو هذا رقمهم؟ لو الجهاز يشتغل بس عالحاسبة اللي تنصب عليها؟ يعني الجهاز اللي هسه عندي وبيه رقم ابقيه يمي وادزلهم واحد هناك ينصبوه ويخلوله رقم؟ ومشكور مقدما

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
    • مشاهدة الملف الشخصي
لا اختي خلص دزيلهم اياه وهو راح يشتغل على اي حاسبة مو شرط الحاسبة اللي تنصب عليها طبعا اني متاكد من الموضوع بس حتى تطمئنين روحي شكليه باي حاسبة اخرى يمج او بالمكتبة او عند الجيران راح تشوفيه يشتغل بس صبري شوية عليه يحمل


عبسي

غير متصل eboo

  • عضو فعال جدا
  • ***
  • مشاركة: 543
    • مشاهدة الملف الشخصي
والله يا خويه عبسي انته عبقري تسلم على المعلومه المفيده

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
تسلم اخوية عبسي عالتوضيح وبقت شغلة الانترنيت بالعراق الله كريم


غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اذا ممكن الاخ باسل تكولنا شكد لازم سرعة الانترنيت بالعراق حتى ممكن الجهاز يشتغل عليه؟ والكارتات الدولية شكد تكلف؟ يعني بيش تصير الدقيقة الى العراق؟ ومشكور مقدما

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
    • مشاهدة الملف الشخصي
اختي سرى انتي شتسوين بعد بالكارتات الدولية اذا دزيتي الجهاز للعراق لو قصدج انه تريدين تخابرين للعراق بصورة عامة

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
مشكور اخوية عبسي بس لان الاخ باسل ذكر موضوع الكارتات فحبيت استفسر منه حتى تكون عندي فكرة واضحة عن الموضوع

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
قريت الموضوع وكل الردود
هذا الجهاز اول واحد كتب عنه هو اخونا "يوجد امل" اللي جان بمصر وهسه بامريكا الله يذكره بالخير


وبوكتهه كلنه انه الجهاز كلش مفيد كتلفون ارضي للاتصالات الداخلية بامريكا لان خدمته كلش رخيصة ويكدر الواحد (اللي اصلا دافع اشتراك نت) ان يخابر تلفونات ارضية او موبايل بامريكا الشمالية وما اتذكر منو كال انه سكايب يعوض عنه وبسعر خدمة مقارب وميحتاج جهاز لان هو مجرد سوفتوير مع اختلاف فلسفة العمل فهذا ممكن يتخابر عليه كتلفون ارضي (يعني اللي يخابر علينا يشوف انه هو ديتصل على تلفون مو على بلاك جاك موصل بحاسبة) بينما سكايب اللا من حاسبة ثانية منصب بيهه سكايب

بالنسبة للعراق-امريكا فما اعتقد ينجح اللا اذا اشتراك نت عراقي كلش قوي لان اني باحد المرات شاركت على شركة ايرثلنك وباغلى كارت اللي هو فوك الميت دولار بالشهر وجربت مجموعة شغلات (بس مو بلاك جاك لان ما عندي) منها iCall وما جان الصوت زين ابد فرجعت عالاشتراك ابو الخمسين دولار بالشهر وعلى سكايب وياهو مسنجر وكوكل جات

يبقى اللي يحل كل مشاكلنه كلهه هو اذا اكو فد امكانية رخيصة ارخص من التلفون بحيث من النت السريع بامريكا يكدر الواحد يتصل على موبايل بالعراق لان:

1. مو كل بيت او منطقة بيهه تلفون ارضي

2. مو كل بيت بيه نت

3. مو كل الناس تعرف تستعمل الحاسبة والنت وخصوصا اهلنا الكبار

احد يعرف هيجي اختراع؟؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل basel.sabri

  • عضو فعال
  • **
  • مشاركة: 73
    • مشاهدة الملف الشخصي
اختي سرى الاخ عبسي مقصر وشرح كل شي بس ملاحضه مهمه من تسخدمين الماجك يفضل انو متشغلين اي برنامج عل الحاسبه يعني مثال لنفرض ابنج كاعد يلعب العاب عل الحاسبه فبهاي الحاله لو مراح يشتغل الجهاز لو راح يكطع الصوت وهذا يشمل الطرفين سواء كنت بل العراق او بامريكا  بل النسبه للكارتات الدوليه فمو كلها تشتغل عل الماجك اكو بعضها يشتغل وبعضها لا مثال من كنت باريزونا اكو كارت اسمه cvt كان ينطي عشرين دقيقه للعراق هذا الكارت مشتغل عل الماجك فاشتريت كارت اخر اللي هو boss ابو الدولارين انطاني 13 دقيقه للعراق بس اهم شي لازم تفعلين الماجك قبل مدزيه للعراق وتلزكين الرقم عل الجهاز وتزيه والسبب كلش بسيط لانه من مميزات الماجك انو تكدريين تتصلين  بل 911 اللي اللي بل العراق نفرض خابر الشرطه ولو بل الغلط فل الشرطه الامريكيه راح تروح عل العنوان اللي تسجل بي الماجك وتعدريني لانه تاخرت بل الرد تحياتي الج  ولعائلتج  طبعا اني كنت حالف يمين  ما اشارك بهل المنتدى  وانت تعرفين الاسباب  الانسحابات وغيرها وغيرها  بس انت تستاهلين  انو الواحد يشارك بمواضيعج  وهسه لازم ادفع كفاره علمود الحلفان  تحياتي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اخوية العزيز باسل يمعود اني ادفعلك الكفارة مو مشكلة بس لا تحرمنا من ردودك المفيدة اني جدا اشكرك اولا عالكلام الاخوي والمشجع وثانيا عالرد المفصل والله يبارك بيك ويحفظك وطبعا مشكور اخوية عبسي على ردوده

تسلمولي اخواني وان شاء الله نشوف الحل اللي يريده اخونا فنشنزو بالمستقبل القريب

غير متصل eboo

  • عضو فعال جدا
  • ***
  • مشاركة: 543
    • مشاهدة الملف الشخصي

غير متصل سميراميس1960

  • عضو فعال جدا
  • ***
  • مشاركة: 476
  • الجنس: أنثى
  • (سميراميس) هي ملكة اشورية 800 ق.م
    • مشاهدة الملف الشخصي
مساء الخير على الجميع

عندي استفسار . اذا اني عندي خط تلفون ِAT&T اكدر اتركه واستعمل هذا الجهاز ؟ او اشتري الجهاز واربطه على خط التلفون AT&T .ارجوا التوضيح
وما نيل المطالب بالتمني    ولكن تاخذ الدنيا غلابا
حب لأخيك ماتحب لنفسك

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اختي العزيزة هذا الجهاز يربط على تليفون عادي ويصير مثل الارضي يعني مو على خط الاي تي اند تي

بالنسبة لتركك خط الاي تي اند تي يعني حسب عقدك وياهم انتي بكيفج تريدين تتركيه او لا بس الماجك جاك لازم انترنيت يعني من تطلعين لازم وياج مصدر للانترنيت حتى تشغليه وما اعتقد راح يكون عملي بهالحالة

تقبلي تحياتي

غير متصل سميراميس1960

  • عضو فعال جدا
  • ***
  • مشاركة: 476
  • الجنس: أنثى
  • (سميراميس) هي ملكة اشورية 800 ق.م
    • مشاهدة الملف الشخصي
مساء الخير على الجميع

شكرا لك كثيرا على هذه المعلومه والله يوفقج

فلوريدا-جاكسنفيل
وما نيل المطالب بالتمني    ولكن تاخذ الدنيا غلابا
حب لأخيك ماتحب لنفسك

غير متصل لورنس العراق

  • عضو فعال جدا
  • ***
  • مشاركة: 309
    • مشاهدة الملف الشخصي
    • البريد الالكتروني
السلام عليكم اعضائنا الكرام اني عندي هنا بعمان الماجك جاك وشغال تمام ونصبته وانطيت عنوان وتفاصيل صديق الي بامريكا ودا استعملة مظبوط والي اخابرهم بامريكا ما عدهم ماجك جاك بس عدهم خط ارضي اخابرهم واسولف وياهم عادي وطبعا يشتغل امريكا وكندا عادي عالارضي ومعظم الي اتصل بيهم ماعدهم ماجك جاك عدهم فقط خط ارضي وممكن هم يتصلون بية على رقمي الي هو رقم الماجك جاك مالتي وعادي صار اكثر من 3 اشهر استعملة واي سؤال عليه اني حاضر .....

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
مشكور اخوية العزيز لورنس عالاضافة المفيدة

غير متصل blackwater

  • عضو فعال جدا
  • ***
  • مشاركة: 240
    • مشاهدة الملف الشخصي
صديقي عندة واحد ويخابر من العراق بيه ..بس يحتاج نت شوية قوي ..وشكرا لكم ومشتهي دولمة

غير متصل عبسي

  • مبدع قسم الهجرة
  • عضو فعال جدا
  • *
  • مشاركة: 673
    • مشاهدة الملف الشخصي

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
الاخت انجي  للنقل الى المنتدى الجديد  واشكرك مقدما

غير متصل jumbo

  • عضو فعال جدا
  • ***
  • مشاركة: 294
  • الجنس: ذكر
  • لا تنظر إلى صغر الخطيئة ولكن انظر إلى عظم من عصيت
    • مشاهدة الملف الشخصي
السلام عليكم
بالنسبة الى magic jack فهو يشتغل بالعراق وانشاء الله مكو اي مشكلة .
اخوكم جمبوا