طريقة تقوية الكردت

[أبو الفوارس]

السلام عليكم ورحمة الله وبركاته
الكردت هو نظام جديد علينا لان هو مطبق في الولايات المتحدة وبعض الدول القليلة.
ماهو الكردت؟
الكثير من الناس يخلطون بين الكردت والكردت كارت. ولكن هناك فرق كبير بين الاثنين.
الكردت هو عبارة عن سمعة الشخص في التعاملات المالية ومدى التزامه بتسديد ديونه وفواتيرة. اما الكردت كارد فهو عبارة عن بطاقة بنكيه يعطيكياها البنك بدون ما يكون عندك بيها رصيد تستخدمها للشراء ولدفع الفواتير بشكل دين من البنك ثم تقوم بتسديد هذا الدين في نهاية كل شهر.
كيف يبنى الكردت؟
يوجد في الولايات المتحدة ثلاثة مكاتب مهمتها جمع تقارير التعاملات المالية لكل شخص لديه رقم سوشيال اي رقم ضمان اجتماعي ثم تجمع هذه التقارير ويبنى عن طريقها معدل الكردت مالتك على شكل سكور او نقاط, وكلما كانت نقاطك اكثر كلما كان الكردت عندك قوي.
ماذا يفيدك الكردت؟
يفيدك في كثير من الامور, منها:
-حصولك على كردت كارد من البنك
- حصولك على القروض من البنك
- كثير من شركات الخدمات مثل التلفونات والكهرباء والغاز تشترط دفع تأمين مقدماً (ديبوزت) كي تشترك معهم ولكن هذه الشركات تتغاضى عن التأمين (الديبوزت) اذا كان عندك كردت قوي.
_ وهناك الكثير من الفوائد الاخرى

كيف تقوي الكردت؟
طبعاً كلنا اول ما نجي يكون الكردت مالتنا صفر لأن تاريخنا بامريكا بعده ابيض ولكن هناك الكثير من الامور التي تمكنك من تقوية الكردت, منها:
-اول شي تبدي بتسديد اقصاط تذاكر السفر لل IOM مباشرةً بعد استلامك لرسالتهم الي تجيك بعد ست أشهر من وصولك وحاول تستخدم شيكات مطبوع عليها اسمك ( وهذا يعتبر اول تعامل مالي الك مع الحكومه)
- قدم على كردت كارد من البنك ( وطبعاً مرح ينطوك لأن ماعندك كردت ( سمعة مالية) ولكن عندهم شي اسمة سكيورد كردت كارد وهو كردت كارد مؤمن ( تدفع مثلاً 300 دولار كتأمين ويكون حد الشراء مالتك الشهري بكد التامين. يبقى التأمين عدهم سنه كاملة وانت خلال هذه السنة تشتري ب 300 كل شهر وترجع تسدها لحد ما تخلص السنه بهالطريقة تكون بنيت كردت كلش قوي. بنهاية السنه يرجعولك تأمينك الي دفعته وينطوك كردت كارد غير مؤمن والحد مالته اعلى. بس لازم انته تقدم على هذا التغيير لأن البنك ما يسوي شي بدون ما انت تطلب. وحاول انك تختار بنك محترم مثل بنك اوف اميريكا لأن اكو هواية بنوك عاوية وطول السنة انت تسدد وهمة ميدزون تقارير لمكاتب الكردت وبالتالي تتفاجأ بأن الكردت مالتك مثل ما هوة وتكون ضيعت سنة بالبلاش.
-ادفع كل فواتيرك بوقتها ولا تأخرها.
- حاول تشترك بشركات التلفون الي عدها نظام عقود سنتين مثل AT&T أو T-MOBILE لأن هذولة يسوولك كردت عالسوشيال سكيورتي نمبر مالتك.
- لتهمل الفواتير الي تجيك بالبريد لأن عدم تسديدها يعني يتحول الدين مالتك الى شركات تحصيل الديون وهذا الشي يحطم الكردت مالتك لمدة سبع سنوات.

وأرجو ان اكون ما نسيت شي وامنى الاستفادة من المعلومات واعذروني من التقصير.

اي استفسار آني جاهز

أخوكم ابو الفوارس

[angie-dawood]

1 cialis vardenafil  cialis online
banque presse sp cialis e finance  cialis prices
viagra and cialis on sale  https://babecolate.com/

[hamada2]

الاخ ابو الفوارس

وصلت امريكا قبل اسبوع وقبل يومين احد الاصدقاء اصطحبني معه الى البنك وقام بفتح حساب لي انا واسم

البنك tcf

استلمت من المنظمة شيك عدد 2 لي ولوالدتي المبلغ 556 $ واظفته في حسابي كيف تم قبول الشيك

تبع والدتي  في حسابي بدون طلب اي مستمسكات تعود لوالدتي ؟ ثانيا فتحو لي الحساب فقط

كنت احمل جواز سفري ولا احمل اي اوراق فقط ورقة النايتي فور مكبوسة على الجواز

اضافتا اعطوني مبلغ 50 $ زيادة على حسابي لاني فتحت عندهم حساب جديد وايضا الى صاحبي مبلغ

25 $ لانه جلبني الى هذا البنك .
ومثل ماتفضلت بخصوص الاشتراك على التي موبايل عرضوا لي جهازين مجانا سعر الواحد 250 دولار

اشتراك لمدة سنتين ويكلفني للخطين مبلغ 120 $ بالشهر الاتصال فري يعني هذا يقوي الكردت مالتي

لاكن للاسف لم احصل على هذا العرض لان لايوجد لدي سوشيل سكيورتي وسوف احصل على هذا العرض

عند استلامي للسوشل سكيورتي

[ســـرى]

اخوية حمادة انت شغلتك مثل شغلتنا كان بعده السوشيال نمبر ما طالع بس من رحنا عالAT&T دنشتري كناله ما عدنا لأن بعده ما وصلنا فكال تخلون تأمينات DEPOSIT 500$ ترجعلنا بعد ما يتأكدون انه دندفع الفواتير بانتظام وسجللنا السوشيال نمبر طبعا اخر 4 ارقام 1111 شوف هاي الطريقة بلكي تفيدك

[hamada2]

شكرا اخت سرى على المعلومات تسلمين ياوردة

بس اني اشتريت خطين وفري بسعر 103$ على التي موبايل وسجلتهن باسم صاحبي مؤقت

وانتضر اسبوع بين مايطلع السوشيل ويخلص اشتراك اول شهر وبعدين  الغيه للخط اصلا

وارجع على العرض مالتهم جهازين مجانا بسعر 500 $ وخط مفتوح لشخصين اشتراك شهري للاثنين 120$


بالمناسبة يوم امس ارجعت جهازين كنت قد اشتريتهم قبل ثلاث ايام
كل ماهنالم دخلت المول ويوجد في بدايته مكان مخصص لارجاع البضائع
فقط وصل الدور النة وحطيت الجهازين على الطاولة وقامت الموظفة بالاطلاع على الاجهزة والارقام الي بالجهاز
وقامت بارجاع المبلغ كاملا 
الشغلة كلش عجبتني يمكن كل شهر اخذ جهاز حديث وبعد فترة ارجعة

[(بغدادي)]

مشكور عمي ابو الفوارس على الموضوع القيم..بس عندي سؤال وما اعرف اذا عندك الاجابة..في حال فتحت سيكيورد كريديت ببنك اوف امريكا مثلا وبعدين ورة شهر مثلا غلقته بدون ان تكون تركت اي اثر سلبي ن ناحية الدفع فهل بالامكان اعادة فتحه لو لازم تبدي من جديد؟

بغدادي

[Mark_usa]

الموضوع ملخص بشكل جميل وهو مفيد،
النقطة التي حبيت التعليق عليها هي الكدرت او السيرة المالية مبنية على وجود اقتراض اولاً ثم تسديد لاحقاً لذلك الشراء بواسطة الكردت كارد (وليس الدبت كارد) بمعنى اقتراضك مال لشراء بضاعة او للدراسة او لتسديد ديونك للمنظمة.. الخ مع التسديد السليم في الموعد المحدد هو الذي يبني لك هذه السيرة.

اما بقية انواع الالتزامات والفواتير مثل فواتير الخدمات والتلفونات فهي لاتساهم في بناء السيرة المالية لكن تأخرك عند دفعها سيؤثر سلباً على الكردت.

وهناك امور اخرى تؤثر سلباً على السيرة المالية مثل التقديم المتكرر خلال فترة وجيزة او الرفض المتكرر لطلب اقتراض او شراء بالأجل او اصدار كرد كادر ، كذلك الغاء كردت كارد ، فلا ينصح الغاء او تسقيط بطاقة الائتمان لانها ستنقص من رصيد الكردت للشخص.

تحياتي

[الدكتور هندسه]

الرجاء ما هي طريقة الحصول على السكيورد كردت من بنك اوف امريكا هل هو اون لاين ام من المصرف مباشرتا

[ابو شموس]

عمي ابو الفوارس
وداعتي خوش موضوع ومفيد
عاشت ايدك

تحياتي

[(بغدادي)]

الدكتور هندسة..من رخصة صاحب الموضوع اجاوبك..بالنسبة للسيكيورد كرديت لازم تروح للمصرف وتقدم على طلب الحصول على هالنوع من الكرديت وراح توقع كم استمارة وتدفع 300 دولار كضمان فقط "تسحب من حسابك الجاري في حال عندك اصلا حساب وياهم" وخلال 10 ايام الى اسبوعين راح يجيك الكارت بالبريد مع تعليمات عامة لاستخدامه..

بغدادي

[أبو الفوارس]

ردود عن الاسئله
شكراً اخواني على الاسئله وآسف على التأخير
بالنسبه للحساب في البنك بدون رقم السوشيال فهو مفيد في حالة التقديم على الفود ستامب والمدكيد فتحط كل فلوسك بيه وماتذكر هذا الحساب بالتقديم فقط تذكر الحسابات الثانيه الي رح تفتحها بعد استلامك للسوشيال
اما بالنسبه للشيكات من المنظمة فهي قابله للصرف لحاملها كون معظم اللاجئين ماعدهم حساب عند وصولهم فيعطي الصلاحيه لكيس منجر بصرفه للاجئ اذا طلب منه ذلك
اما بالنسبه لاعادة فتح الكردت كارد المغلق فلا يجوز ولكن عليك عمل واحد جديد

[angie-dawood]

amoxicillin 500mg
amoxicillin trihydrate clavulanate
https://canadianpharmacyonl.com/categories/Gastrointestinal/Brand-Amoxil
https://canadianpharmacyonl.com/categories/Gastrointestinal/Brand-Amoxil
http://hiprelief.com/__media__/js/netsoltrademark.php?d=canadianpharmacyonl.com/categories/Gastrointestinal/Brand-Amoxil
http://shini-vigodno.ru/bitrix/rk.php?goto=https://canadianpharmacyonl.com/categories/Gastrointestinal/Brand-Amoxil

[ethan texas]

 السلام عليكم مشكور اخوية العزيز موضوع فعلا مفيد اني حاولت مرتيين اقدم على كردت كارد من بنك اوف امريكا ومن بنيك جيس الي عدنا بتكساس لان عندي حساب عيهم اثنينهم بس اثنينهم انطوني رفض    لان ماعندي كردت هستوري

بس هسة قريت طريقتك ورح احاول افتح  واحد
وومشكور اخوية العزيز وبالنسبة للشركات مال اي تي ان تي  حاولت اخذ خدمة منهم بس منطوني كاولي لازم تدفع تاميين 500 دولار

بس فتحت  واخذت عرض على شركة سبرنت لمدة سنتين  بس عندي بية شهر اكدر الغي الخدمة وارجع الجهاز وبصراحة الجهاز الي اخذتة طلع مو زين ومو نفس الي اني اصورتة فة رجعتة  هل هلشي رح ايئثر على الكردت كارت
؟؟

[Abo Andrew]

عاشت ايدك على هالموضوع الراقي

اكو بعد هواية نقاط انت ما مكتشفهة

والسبب راح اتعرفة من فد يوم اتسوي اوردر للكردت هستوري مالتك...

طبعا اني حاولت اقدم اكثر من مرة وانرفظت وردت اعرف السبب بالرغم من انه اني ادفع كل فواتيري وبدون تاخير وما عندي اي مشاكل ورحت البنك ويلس فاركو اللي عندي بي حساب وسويت اوردر للكردت كارد هستوري

واكتشفت انه دفع الفواتير هو مو المسالة الوحيدة من مسائل تقوية الكردت بالرغم من انه مفيد

احد النقاط ال جنت غافل عليهة والي الكردت ريبوت وضحهة هو تعتمد اعتماد اساس على ال outflow and inflow

من قريت التقرير اتوضحت عندي نقطة ايسوهة شركات تقيم الكردت كارد الرئيسية في امريكا

في حالة صرف الشخص اكثر من كمية الدخل الشهري المودع في الحساب راح ايصير فرق سالب  بالمبلغ الباقي شهريا بعد خروج الصرفيات ال outflown

يعني على سبيل المثال خل نفرض لشهر نيسان كان ال inflow يساوي 4000 دولار وهي المبالغ المودعة لهذا الشهر والي ممكن تتودع على مراحل حسب مصدر المال

في نهاية الشهر ممكن ايصير الoutflow قيمتة اكثر من المبلغ المودع في شهر نيسان والي هوة 4000 دولار يعني مثلا دفع الايجار والبلات واحتياجات منزلية وكتابة شيكات وصلت الى 5000 دولار الفرق راح ايصير  سالب 1000 دولار كعجز

صح مكن ابداية الشهر تستلم دخل جديد واتضيفة بس مراح ينحسب على شهر الرابع وبهيج حالى صار الفرق

اللي عندة حساب مصرفي باي بنك راح يفتهمني من ايروح على ال view spending report
والي ايشوف هاي التفاصيل كما موضح ادناه




لاحظ خلال احد الاشهر صرفت اكثر من ما داخلي كدخل شهري وصار عندي فرق سالب وهذا خطاء ايموت الكردت كارد هستوري

النقطة الاخرى الثانية والي اتضحك

انه خل نفرض حد الكردت كارد سواء سيكورد كردت كار او اي شي هو 500 دولار مثل ما اني عندي

اذا استخدمت الكردت كارد خلال شهر واحد في شراء اشياء يبلغ مقدارها اكثر من نصف قيمة حد الكردت كارد فراح اياثر على الهستوري وايضعف الكردت وهذا كلة مشروح بالتفصيل بالريبورت 

لان يعتبروها عدم حكمة في التحكم  في صرف النقود فمراح ايصير عدهم ثقة انه ينطوك قرض او كردت كارد بقيمة احسن من السابقة وهذا اللي صار وياية

هواية امور اخي العزيز تعرفهة من راح اتسوي اوردر للكردت كارد هستوري ويكدر اي واحد ايسوي مجاني اول مرة بس لازم يلغي خلال شهر والا يستقطعون اجور شهرية

ملاحظة ابو الفوارس

ورة سنة قدمت حتة الغي السيكورد كردت كارد ورفضوني والسبب كان هاي الامور بالرغم من دفعي لكل الفواتير واقسط الطيارة وغير اشياء ومعرفتهة الا من خلال التقرير

تحياتي

[أبو الفوارس]

عيوني دكتور هندسه اكيد ممكن تقدم عالسكيورد كردت كارد اونلاين بس اني من دخلت اونلاين عرضو علية فل سكيورد يعني تأمين كامل والمقصود بيه هوه انك تدفع مثلاً 300 ويكون عندك 300 بالكارد بس من رحت للبنك عرضوا علية بارشيال سكيورد كارد اي تأمين جزئي وهو ياخذون تأمين بس 99 دولار ويحطولي 500 دولار بالكارد
حبيبي جوزيف بالنسبه لترجيعك للخط فمادام همة سامحيلك فمايأثر على الكردت مالتك بس اذا انت حاب تبقى ويه سبرنت بس الجهاز مو عاجبك فبامكانك تطلب تغيير الجهاز بس

[الدكتور هندسه]

الاخوة الاعزاء أبو الفوارس و بغدادي اشكركم على ردودكم الرائعة والمفيدة والله يوفقكم على عمل الخير ومساعدة اخوتكم من خلال المعلومة المفيدة المبنية على الخبرة

[أبو الفوارس]

أخويه ابو اندرو
طبعاً كلامك صحيح مية بالمية وما عليه غبار. بارك الله بيك على هاي الاضافة الحلوة.

[Abo Andrew]

أخويه ابو اندرو
طبعاً كلامك صحيح مية بالمية وما عليه غبار. بارك الله بيك على هاي الاضافة الحلوة.

مشكور اخي العزيز علة موضوعك الراقي فعلا هاي نقاط مهمة جدا ولازم الشخص ياخذهة بالاعتبار

اتذكرت نقطة اخرة مذكورة بالريبورت مالي لان رجعت قريتة ورة هذا موضوعك واللي هي سبب

اكبر خطاء يرتكبة الناس اول ما يجون وهذا الشي وقعت اني بي هو التقديم على اكثر من نوع كردت كارد

وان تعرف اي ستور تدخلة  في امريكا عند الكاشير من تشتري ايكلك عند كردت مالتنا واتريد تفتح جديد ؟
وهذا الشي ايصير ومن اتقدم يجيك رفض لان انت ما عندك تاريخ مالي

وهذا الشي صار بية هواية واي شي اقدم انرفض

كثرة الرفظ للابليكشن مال كردت كارد اتضعف الهستوري مالتك

لذلك نصيحة للاجئين اول متجون سوو بس كردت كارد البنك

ورة سنة من اسالوكم ابدا سو غير انواع
تحياتي

[CS-Team]

مشكور اخي العزيز على هذا الموضوع القيم جدا واحب ان اشكر جميع الاخوة الذين ساهموا بمشاركتهم الفعالة  واللي ساهمت في ايضاح اكثر وان شاء الله دائما نسمع منكم كل ماهو مفيد وجديد .

[أبو الفوارس]

وهذه النقطة الي ثارها اخوية ابو اندرو جداً مهمة لأن اني سبق وان اشتغلت بمجال المبيعات وادري شكد يهتم البياع بالحصول على موافقتك للتقديم على كردت من المحل لأن هذه اتجيب للبياع نقاط وعمولات بغض النظر عن نتيجة الطلب وطبعاً هوة ميهمة الكردت مالتك يزيد ينقص المهم عمولته.

[kunda]

عاشت ايدك ابو الفوارس على هذا الموضوع المفيد
بس خلي اوصل راح اسوي انظف واقوى كردت بامريكا

[شناشيل بغداد]

الف شكر اخوان على هذه المعلومات وعلى روح التعاون

[أبو الفوارس]

بيكم خير وادللوا وانشالله اي شي مفيد اكدر انشرة مرح اقصر.
وبالنسبة ل KUNDA فان شاء الله جيتكم قريبة انت وكل الي دينتظرون وفرج العراقيين الطيبين من الله قريب واي شي تحتاجون واكدر عليه مرح نقصر بإذن الله.

[(بغدادي)]

  يرجع  بعد مرور 6 اشهر اني  كان عندي بات كردت وصلحته ورى 6 اشهر رجعت فتحت غيره  كارت جديد ورقم جديد

يعني اللي افتهمته انو اكدر اروح اعيد تفعيله..اني ما صار عندي اي شي سلبي من ناحية الدفع يعني جنت ملتزم بس الحقيقة السيستيم كله ما عجبني "بوقتهة" يعني كله تقسيط وفوكاه نسبة لهذا رحت وغلقته وحتى الموظف بوقتهة سجل السبب " ان الشخص يود الحصول على معلومات اكثر بالنسبة لاستخدام الكردت كارد ويود اغلاقه حاليا كونه لم يعتاد استخدام هكذا نوع من الكارتات" ..فشنو رايج اذا عندج خبرة بالموضوع مع العلم اني وية بانك اوف امريكا..

بغدادي

[أبو الفوارس]

عيوني بغدادي رح اترك الجواب لاختي انجي لان الظاهر هي مرت بهاي الحالة بس حسب ما افتهمت من جوابها المرة الماضية انها فتحت كرت جديد وبرقم جديد.

[(بغدادي)]

حبيبي انته ابو الفوارس ..اني صح اقتبست كلام الاخت انجي بس اذا عندك تجربة بالموضوع او اي راي يفيدني فاني شاكر لك وممنونلك عمي..

بغدادي

[أبو الفوارس]

لا والله بصراحة بعدني ما غلقت الكردت مالتي بس مثل ما تقول اختنا انجي هية غلقتة ورجعت فتحتة ورة ست شهور فياريت هية تفيدنا بمعلوماتها الحلوة وآني شاكر الك والها.

[أبو الفوارس]

اكو نقطة كلش مهمة هسة تذكرتها
وهي انه اذا ناوي تغير الشقة وتاخذ شقة جديدة فعليك ان تنتظر لحد ما ينتهي العقد مالتك وبعدين تطلع وكذلك عليك ابلاغ ادارة المجمع خطياً برحيلك قبل 60 يوم او 30 يوم حسب قوانين العقد الي عندك وتحتفظ بنسخة موقعة من مدير المجمع من هذا التبليغ ومن تطلع حاول تنظف وراك وما تترك اي مخلفات ولاتترك المجمع بدون ما تاخذ رسالة خطية موقعة بانهم فحصوا الشقة واستلموها منك بدون عيوب او اضرار او نقص وانك خالي الذمة منهم. وإذا ما سويت هذا الكلام رح يستغلون هذه النقطة ويسوون عليك تقرير باد كردت ومحد يقبل يأجرلك بعدها ورح تضطر ترجعلهم ومن ترجع رح يطالبوك بمبالغ خيالية حتى ينطوك براءة الذمة او ترجع وتسكن عدهم. وهذا الي صار ويايه بس آني كنت حريص اكثر منهم ورجعتلهم شوفتهم اني احتفظ بنسخة من كلشي حتى الايجارات ورسالة التبليغ فخضعوا للأمر الواقع لأن شافوني احجي بحيل صدر وبهدوء وانطوني براءة الذمة وهمة الممنونين.

لذلك اخوان دائماً احتفظوا بنسخة من كلشي رجاءً

تحياتي
أبو الفوارس

[نمارق]

اخي يعني اني من طلعت من البيت كنت مبلغتهم تلفونيا قبل شهر وسلمتهم البيت كامل ونظيف ومن استلمه المسؤؤل عن البيوت قال كلشيء اوكي وعلى اساس يرجعنا التامينات ولان طلعنه قبل انتهاء السنه صاحب البيت رفض يرجع التامينات بعتبار مكملنه السنه,فهل هذا يؤثر الكردت مالتنه.

[أبو الفوارس]

نمارق عيوني يفضل الرجوع لهذا الشخص والتفاهم معه اذا كان يطلبكم شي يجب ان تسددوا هذا المبلغ او عليه اعطائكم ورقة تبري ذمتكم من اي مستحقات أو ديون لهذا الشخص حتى اذا فكر في المستقبل ايذائكم فهذه الورقة تحميكم قانونياً.
TO BE IN THE SAFE SIDE

تحياتي

أبو الفوارس

[نمارق]

الشكر الك اخي ابو الفوارس انك اطرقت لهذا الموضوع والي من خلاله انتبهنا الى اشياء مجنه خاليه بالنه.ساحاول الاتصال بالشخص المسؤؤل عن المنازل رغم انه ميطلبنه اي شيء لان اتصلت بي كم مرة بعد موعدنا ايرجع النا التامينات على اساس ان اني كنت امبلغته باخلاء المنزل قبل شهر وان المنزل كان كامل ومبي اي نواقص لكن صاحب المنزل هو الي رفض.مع ذالك ارجوا ان يعطيني ورقة التبري ,لكن اذا رفض فهل استطيع عمل شيء اخر  .

[أبو الفوارس]

اختي العزيزة يجب التفاهم بالحسنى والحيلة للحصول على المطلوب كأن تقولي له انك تنوين تأجير شقة وأن إدارة المجمع تريد الحصول على هذه الورقة كي يسمحوا لك بالتأجير عندهم وإذا لم تنجح أي وسيلة يمكنك الأتصال بالرقم 311 والتشكي عليه لعدم إعطائك حقك القانوني.

تحياتي

أبو الفوارس

[أبو الفوارس]

أرجو أخواني عدم تأجير أي سكن بدون عقد إيجار تحت أي ظرف وذلك لضمان حقوقكم.


تحياتي

أبو الفوارس



أي استفسار أنا جاهز بإذن الله

[الجراح]

مشكور اخي ابو الفوارس على هذا الموضوع
بس عندي استفسار بسيط
شلون تكدر تدفع قوائم الكهرباء والتلفونات والماء على الانترنت؟

[ALI1TARIQ]

تحية لكل الشباب  وعاشت ايدك ابو  الفوارس على هذا الموضوع المهم جدا
اخوان .....
ان هسه بالعراق ولسه ما رايح لامريكا وعندي ماستر كارد لان الشركة الي دا اشتغل وياها حاليا يدفعون عن طريق الماستر كارد .وبيه حاليا مبلغ 5000 دولار لانه بصراحة دا اجمع حتى يكون خط امان للطوارئ اذا وصلنا لامريكا سؤالي ما مدى الفائدة منه بالكردت هيستري با مريكا  وشكرا شباب

[أبو الفوارس]

عزيزي الجراح بامكانك عمل اشتراك على الانترنت داخل موقع الابنك تدخل فيه على حسابك وتدفع كل فواتيرك وايضاً يمكنك عمل اشتراك على موقع شركة الكهرباء او باقي الشركات والدخول ودفع فواتيرك اول باول.
اغاتي علي طارق، الماستر كارد الي عندك هو عبارة عن بطاقة دبت ( بطاقة صراف آلي) ولا علاقة لها بالكردت هستري، ولا يمكنك بناء كردت هستري الا بعد وصولك للولايات المتحدة وان شاء الله قريباً.


تحياتي

أبو الفوارس

[(بغدادي)]

عمي ابو الفوارس سامع بال student credit card ؟ اذا اي فبلكي تنطيني معلوماتك عنه لان الحقيقة اني دازيلي المصرف استمارة التقديم عليه وقبل ما اروح واناقش الموظف اريد اشوف اذا اكو معلومات مسبقة واحد يستفاد منهة وممنون مقدما..

بغدادي

[أبو الفوارس]

عزيزي بغدادي
آسف على التأخير
هذا الكارد يتميز بتخفيض سعر الاشتراك والفوائد

[عاشق تراب العراق]

شكرا لصاحب الموضوع على هاي المعلومات بس اريد استفسر انه اذا الواحد دفع اقساط الطيارة مرة وحدة فهل ممكن ياثر هالشي على المدة اللي ممكن الواحد يحصل بيهة قرض من البنك لو لا ؟؟؟ يعني يقصر المدة ؟؟؟

[(بغدادي)]

ممنونلك ابو الفوارس على الرد واني انشاءالله باجر رايحلهم حتى نفتهم شكد تخفيظات ينطون مقارنة وية الكارت العادي وتقبل تحياتي

بالنسبة لسؤال الاخ عاشق تراب العراق وهذا رايي الشخصي فعند دفعك كامل المبلغ فراح يجيك كتاب شكر لدفعك المبلغ كاملا "وهاي متاكد منهة" بس بالنسبة لنقاطك مال كريديت مراح اتفيدك بشي لان همة ايريدون تاريخ تسديد لمدة مو قصيرة ايشوفون بيهة التزامك بالدفع وهذا رايي وممكن الاخوان ايفيدوك اكثر
بغدادي

[أبو الفوارس]

بغدادي اني الممنون
بالنسبة لأخونا العاشق فجواب اخونا البغدادي هو الصحيح

[الفانوس السحري]

أشكركم أخوان على هذه المعلومات القيمة والمفيدة

[أبو الفوارس]

تدلل اخوية الفانوس السحري
بس سؤال رحمة لوالديك. اذا الواحد يحتاجك وين يلاكيك  حتى تكول شبيك لبيك خادمك بين ايديك 

[Baguncero]

شكرآ للأخ أبو الفوارس على هكذا موضوع قييــــــــــــــــــــــــم
بالتوفيق للجميع وأشكركم على ردودكم المفيدة

أخوكم
Baguncero

[أبو الفوارس]

العفو اخوية Baguncero اني الممنون

[ابو عبد الله التكساسي]

بداعه ابو الفوارس

[أبو الفوارس]

عشت يالغالي

[clap again]

موضوع ممتاز ومجهود رائع

شكرا لك من ساهم بالموضوع

اشو الاخ ابو اندرو ماكو عسى ان يرجع للمنتدى و يشارك من جديد لان الرجل موسوعه معلومات

تحياتي

[أبو الفوارس]

مشكور اخوية على مرورك العطر..
فعلاً سؤالك في محله .. اني هم مفتقد وجود ابو اندرو وبعض الاعضاء البارزين الاخرين مثل جوزيف العراقي (إيثان تكساس)  ودكتور هندسة و CS-Team

[Baguncero]

up

[ibnbaghdadinsyria]

معلومات مهمه جدا الف شكر لصاحب الموضوع ابو الفوارس المحترم
وشكرا للمداخلات المهمه وللاسئله والاجوبه فعلا معلومات متكامله
يارب كل التوفيق لكم جميعا في حياتكم الجديده

[أبو الفوارس]

اني الممنون واي استفسار اني جاهز

[Baguncero]

للرفع والفائدة العامة

Baguncero

[** يدكو **]

اكو نقطة كلش مهمة هسة تذكرتها
وهي انه اذا ناوي تغير الشقة وتاخذ شقة جديدة فعليك ان تنتظر لحد ما ينتهي العقد مالتك وبعدين تطلع وكذلك عليك ابلاغ ادارة المجمع خطياً برحيلك قبل 60 يوم او 30 يوم حسب قوانين العقد الي عندك وتحتفظ بنسخة موقعة من مدير المجمع من هذا التبليغ ومن تطلع حاول تنظف وراك وما تترك اي مخلفات ولاتترك المجمع بدون ما تاخذ رسالة خطية موقعة بانهم فحصوا الشقة واستلموها منك بدون عيوب او اضرار او نقص وانك خالي الذمة منهم. وإذا ما سويت هذا الكلام رح يستغلون هذه النقطة ويسوون عليك تقرير باد كردت ومحد يقبل يأجرلك بعدها ورح تضطر ترجعلهم ومن ترجع رح يطالبوك بمبالغ خيالية حتى ينطوك براءة الذمة او ترجع وتسكن عدهم. وهذا الي صار ويايه بس آني كنت حريص اكثر منهم ورجعتلهم شوفتهم اني احتفظ بنسخة من كلشي حتى الايجارات ورسالة التبليغ فخضعوا للأمر الواقع لأن شافوني احجي بحيل صدر وبهدوء وانطوني براءة الذمة وهمة الممنونين.

لذلك اخوان دائماً احتفظوا بنسخة من كلشي رجاءً

تحياتي
أبو الفوارس

تسلم اخي ابو الفوارس على الموضوع المفيد وينك يمعود طل علينا بمواضيعك المنيره والمفيده نتمنى نشوفك عن قريب

ومنزلنه موضوع مهم مثل هذا الموضوع كردت والكردت كارد

سلمت يداك اخي العزيز

بالتوفيق

اخوك يدكو

[تكساسي]

اخي ابو الفوارس
بارك الله بيك وكثر الله من امثالك
عزيزي حبيت اسال كم سؤال
في حالة وجود حساب دبت فقط فهل تستطيع بعد السنة التقديم على كردت ام يجب فتح سكيور كردت اولا ومن ثم بعد السنة التقديم على الكردت
يعني انا عندي حساب دبت وفيه دايركت ديبوست فهل هذا يساعد بعد السنة لفتح كردت ام يجب ان تفتح سكيور كردت للحصول على الكردت
وهل انه في حالة وجود رصيد جيد بالسيفنك اكونت بالاضافة للجيكنك اللي اني مسوي بيه دايركت اكسس يساعد بمنح الكردت
لو هل يعتمدون على السكيور بمنح الكردت
وعاشت ايدكم على الرد مقدما


تكساسي

[عاشق الهجره]

موضوع جميل جدا

واخيرا انا عرفت الفرق

[تكساسي]

الف شكر للاخوان على الموضوع المهم
بس حبيت اضيف شي مهم للموضوع
حسب رايي الاصدقاء من الاميركان الموجودين معي في العمل فان اهم شيء يفيد في بناء الكردت هو تفعيل العمل  به
اي شراء حاجة و تسديد المبلغ على اقساط مع الفوائد لفترة جيدة يعني مو لنهاية الشهر وتسد الي عليك فهاي متساعد في بناء الكردت مثلا
اذا عندك كردت فرضا 500 دولار
اشتري مثلا كامرا بمبلغ 400 دولار وسدد في الشهر الاول 100 دولار مع المبلغ الي يجب ان يدفع كدفعة ادنى
وهكذا بعد اربع اشهر تكون قد سددت مبلغ ال 400  + المبلغ المطلوب منك
هذا البناء هو المفيد لبناء الكردت
اما في حالة دفع مبلغ ال 400 دولار بنهاية الشهر وسداد مبلغ الكردت بالكامل فهاذا لايفيد في بناء الكردت
اي انه البنك يريد التزام لفترة اطول مع تسديد المطلوب منك هذا يؤدي الى بناء الكردت بصورة سليمة جدا


مع خالص احترامي وشكري للجميع

تكساسي

[(بغدادي)]

من رخصة صاحب الموضوع اجاوب الاخ تكساسي:

بالنسبة لسؤالك الاول حول امكانية الحصول على حساب كرديت من نفس البنك اللي فاتح بيه حساب ديبيت وسيفينك فاكولك نعم في حال عندك وارد ثابت من اي شغل وميحتاج تقدم على سيكيور كرديت هاي في حالة كونك ما عندك تاريخ عمل سابق نهائيا ولا فاتح حساب كرديت سابقا مع بنك او شركة..اما في حالة كونك مشتغل سابقا وبطلت ورجعت عالويلفير مثلا بحيث عندك وراد ثابت فراح البنك ينطيك حساب كرديت عادي سقفه مو اكثر من 600 دولار شهريا..اما اذا حالتك لا الاولى ولا الثانية فماكو غير تفتح سيكيور كرديت ب 500 لمدة لا تقل عن 6 اشهر وراهة تقدم طلب فب حال انتظامك بالتسديد بالحصول على كرديت عادي..

بخصوص طريقة تسديد الكرديت فافضل شي هو دفع المبلغ كاملا يعني مثلا اذا سقف الكرديت 600 واشتريت ب 300 فيجب والافضل تسديدها كاملا بعد نهاية كل فترة واستلام الستيتمينت بالدفع لان اولا راح متدفع فائدة لمصرف وثانيا نقاطك تزيد ويكون عندك كرديت هيستوري جيد..

نقطة مهمة جدا لا تصرف اكثر من 70% من المبلغ المسموح بيه credit line لان يقلل من نقاطك وهاي من تجربة شخصية بالاضافة الى نصائح وتجارب الامريكان اللي وياية لان المصرف او شركة الكرديت تكون ثقتع عالية بيك بهالطريقة..

الطالب بامكانه يحصل كردت عادي لا يتجاوز ال 600 دولار مع نسبة فائدة منخفضة..

في حال دفعت المبالغ المستحقة بحساب الكرديت كاملة بدون دفعات فاصلا شركات الكريديت مثل ال American Express راح يدزلك عدة عروض من اجل الحصول على بطاقتهم لان شرط هيجي شركات هو الدفع الكامل للمبلغ نهاية كل شهر بدون تقسيط وبدون فائدة وفائدته هو الحصول على نقاط عالية لحساب الكرديت اللي تؤهلك لشراء سيارة او بيت بالمستقبل وبفترة قياسية..

هاي بعض التفاصيل اللي ممكن اتفيد ومن تجربة شخصية بحته مع الاستفادة من تجارب اللي وياية..

بغدادي

[تكساسي]

بارك الله بيك اخ بغدادي ولجميع الاخوة للتواصل
شرحك اكثرمن رائع و يخلي الكل يعرف طريقة واشلون يطور نفسة هنا
وكافة النقاط متفق عليها تساعد في بناء كردت ممتاز
تبقى نقطة واحدة من حيث تسديد مبلغ الكردت كامل كل شهر ام تسديده على دفعات + المطلوب الشهري
وعموما للفائدة لجميع اخوتنا سوف اذهب واطرح الموضوع على موظفي المصرف للحصول على جواب شافي وقاطع
مع تحياتي واحترامي لشخصكم الكريم

تكساسي

[ammar4_u]

السلام عليكم شباب وعاشت ايدكم على هذا الموضوع
طبعا قبل اسبوع فتحت حساب بنك اوف امريكا وكان نوع الاحساب جيككن اكاونت نوع  اي بنكنك يعني اتعامل فقط ويه الصراف الالي وينطوني الديوبت كارت ومالي ويكون مجاني بس اذا تعاملت ويه البنك رح يجرجوني مبلغ اتصور  تسع دولارات لمدة شهر يعني اذا احتاجيت شي من البنك خلي نكول يوم سبعه واحد فاني الي حق لحد يوم سبعه ثنين شريد اسوي رح يكون من ضمن ال تسع دولارات الي اخذوه واذا خلص الشهر واني محتاجيت شي من البنك ابقه على نضامي القديم الي هوه ويه الصراف الالي  يعني فقط اودع واسحب فلوس عن طريق الصراف وطبعا فري
وطبعا اني دقعت اول قائمة الي هي تخص شركة الانترنيت اون لاين اوشوف الدفع اون لاين هوايه اسهله
المهم اني رحت قدمت على السكيورد كردت كارد وسويته ب 300 دولار وانتضر الموافقه
حسب ما افتهمت منهم انه الافضل الي حتى ابني كردت انه من اصرف المبلغ اسدده كامل
بس الاخوان ومن خلال قرائتي لتعليقاتهم واحد يكول لازم متصرف اكثر من 50% من قيمة الكردت او 70% يارتي لو تنصحونه وتوضحون النقاط حول الصرف شلون يكون لان هذا الموضوع كلش مهم ومنريد نكحله نجي نعميه

بالمناسبة اني بقيت بالحساب الجيكنك اكاونت 40دولار عادي
وشكرا الكم 

[(بغدادي)]

اخي العزيز ammar4_u

كما ذكرت سابقا انو الافضل لبناء كرديت هيستوري قوي هو ان لا يتجاوز معدل الصرف الشهري من حساب الكرديت ال 70% من السقف الاعلى ال credite line والافضل دفع كامل المبلغ المستحق بعد استلام الستيتمينت حتى لا تدفع فوائد وثانيا اللي يدفع المبلغ كامل هو اللي يفضله البنك وباقي شركات الكرديت ونقاطه تكون عالية دائما..

الدفع الشهري للمبلغ المستحق ضمن الحد الادنى يكون في حاله فقط وجود قرض عالي وضخم مثل شراء سيارة بالاقساط او بيت بحيث الحد الادنى للاقساط يكون فد 250 دولار شهريا "في حالة السيارة" لان اصلا متكدر تدفع المبلغ اللي ماخذة كاملا بشهر واحد بينما بحالتك فالمفضل الدفع الكامل وعلى هالاساس البنك راح يقيمك ويشوفك فاهم المعادلة لو لا وعلى اساسهة بالمستقبل ينطيك قرض لو لا اعتمادا على عدة نقاط بس هاي تعتبر اهمهة..

بغدادي

[ammar4_u]

شكرا الك حبيبي بغدادي على سرعة الاجابة والتوضيح
عسى الله يجازيك خير الجزاء

[stormes]

في حالة صرف الشخص اكثر من كمية الدخل الشهري المودع في الحساب راح ايصير فرق سالب  بالمبلغ الباقي شهريا بعد خروج الصرفيات ال outflown

مشكورين اخوان على هذا الموضوع الحلو
بس هاي النقطه ما دا استوعبها، هسه اني عندي حساب بنفس البنك ومقدم على السكيورد كربد كارد. المهم هسه بحسابي فد 500 دولار وكل ما سحب شغله او ادفع ايجار احط فلوس بقيمة المبلغ الي اريد ادفعه، بهيشي حاله الداخل للبنك راح يكون اعلى من المصروف وما يطلعلي بالسالب لانه ما ترهم اتصير بالسالب
بالنسبة للكردت كارد، سالفة لاتصرف اكثر من 50 او 70% ما دا اقتنع بيها الي اعرفه انه تشتري فد ب 100 دولار وتدفع راسا او قبل ما ينتهي الشهر فانت بامان وماكو اي مشاكل، هسه لنفرض عندي 300 $ سكيورد كردت كارت وصرفت 300 دولار ورحت دفعتها ثاني يوم وبعد كم يوم هم اشتريت بفد مبلغ ثاني ودفعته قبل ما ينتهي الشهر فشنو المشكله؟!!!! الي اعرفه انه المهم تدفع المبلغ الي عليك وما تبقي اي دين عليك وبهاي الطريقه بعد ستة اشهر الى سنه اتحصل الكريدت كارد (لانه يختلف من بنك الى اخر)وبعدها ينبني الكريدت مالتك.
الكريدت تحتاجه علمود القروض والشراء بالاقساط. المهم الصفحه مالتك نظيف وما عليك باد هيستوري

[(بغدادي)]

في حالة صرف الشخص اكثر من كمية الدخل الشهري المودع في الحساب راح ايصير فرق سالب  بالمبلغ الباقي شهريا بعد خروج الصرفيات ال outflown

مشكورين اخوان على هذا الموضوع الحلو
بس هاي النقطه ما دا استوعبها، هسه اني عندي حساب بنفس البنك ومقدم على السكيورد كربد كارد. المهم هسه بحسابي فد 500 دولار وكل ما سحب شغله او ادفع ايجار احط فلوس بقيمة المبلغ الي اريد ادفعه، بهيشي حاله الداخل للبنك راح يكون اعلى من المصروف وما يطلعلي بالسالب لانه ما ترهم اتصير بالسالب
بالنسبة للكردت كارد، سالفة لاتصرف اكثر من 50 او 70% ما دا اقتنع بيها الي اعرفه انه تشتري فد ب 100 دولار وتدفع راسا او قبل ما ينتهي الشهر فانت بامان وماكو اي مشاكل، هسه لنفرض عندي 300 $ سكيورد كردت كارت وصرفت 300 دولار ورحت دفعتها ثاني يوم وبعد كم يوم هم اشتريت بفد مبلغ ثاني ودفعته قبل ما ينتهي الشهر فشنو المشكله؟!!!! الي اعرفه انه المهم تدفع المبلغ الي عليك وما تبقي اي دين عليك وبهاي الطريقه بعد ستة اشهر الى سنه اتحصل الكريدت كارد (لانه يختلف من بنك الى اخر)وبعدها ينبني الكريدت مالتك.
الكريدت تحتاجه علمود القروض والشراء بالاقساط. المهم الصفحه مالتك نظيف وما عليك باد هيستوري

اخي العزيز stormes

كلامك صحيح ومنطقي اذا فكرنا احنه بتفكيرنا وضمن عقليتنا انو دا اسحب واغطي المبلغ فورا بس حسابهم همة مو هيجي واني هذا الشي سالت بيه موظفة حسابات بالمصرف وكالتلي "وهاي اكثر من شخص" مسالة انو تغطي حسابك دائما فهذي نقطة مهمة لصالحك بس احنه ما نحسبهة بس فقط على هالاساس وانما انشوف الشخص شكد يصرف من المبلغ اللي احن سامحيله بيه ومنفضل نهائيا الشخص اللي يستخدم كل المبلغ لان هذا ينطينه شكوك انو وضعيته عالحافة او مشكوك بيهة في حال انطينا مبلغ اكثر للصرف "واني دا اتكلم عن الكرديت العادي مو السيكيورد" ولهذا اغلب المتعاملين يكون عدهم مو اقل من 2-3 حسابات كرديت مختلفة حتى يوازنون يهة بالصرف والمصرف ياخذ فكرة انو هذا الشخص ديعرف يوازن بين عده حسابات ويغطيها بدون ان يصل لنسبة 70% للصرف من كل حساب..
صدكني اني فتت بهواية تفاصيل بنكية تخص الكرديت عن طريق ناس امريكان وعرب عايشين طول عمرهم هنا وعدهم خوش كرديت هيستوري..

بغدادي

[stormes]

هلا اخوي بغدادي
والله شاكلك يعني مساله ادوخ ومزعجهن يعني الافضل الواحد ما يطلع اي كردت حتى يبقى الهيستوري مالته نظيف وبلا مشاكل الكرديت وتنقلب السالفه الى باد كردت. وانشاء الله ما احتاج الى قرض او تقسيط.
ولو اني قدمت على السكيورد كردت كادر من اسبوعين وكالولي المهم تفدع الفلوس قبل ما تنتهي المده.
يله انشوف شلون تصفه

[stormes]

اليوم رحت لوليس فارجو وتكلمت مع الموظفه الي اعرفها وكالت انه تستخدم 50% بعد يكون احسن حتى لا ياخذون عليك انطباع انه انت شخص تصرف وما تكدر تسوي كنترول على نفسك بس بس ما راح تاثر على الكريدت هيسنوري مالتك وهاي بسالفة السكيورد كريدت مو الكريدت العادي

[(بغدادي)]

يعني كلام الموظفة تقريبا نفس الكلام اللي ذكرته..انته انشاءالله من تشتغل ويجيك راتب على حسابك تروح وتكلهم اريد اسوي كرديت عادي لان مسوي ديريكت ديبوزيت يمكم ومضمون حصولك عليه..

[stormes]

رحم الله والديك بغدادي هي هاي الي نريدها الشغل واذا اشتغلت عمي ما اريد حساب ولا كريدت كارد

[Leroy Jethro Gibbs]

موضوع مفيد ورائع جدا