المحرر موضوع: رب ضارة نافعه  (زيارة 14528 مرات)

0 الأعضاء و 1 ضيف يشاهدون هذا الموضوع.

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رب ضارة نافعه
« في: 19:08 30/04/2010 »
طبعا هذا موضوعي يناقض تماما موضوعي السابق عن ((السياقة وأهميتها للعمل في أمريكا))... لكن هذا ما حصل معي
اللي اريد اناقشه اليوم هو اللي راح يكون عنده نقص بمسأله لازم يحاول يعالجهه ولازم يستفاد من هذا النقص اصلا.
مثلا اللي ماعنده لغه لازم يحاول يدخل مدرسة لغه يتعلم وبنفس الوقت لازم يستغل الوقت الحالي بتعلم الاشياء اللتي لاتحتاج الى لغه بالمناسبه ( كل الموظفين العرب في المنظمات الانسانيه في سان دييغو لغتهم الانكليزيه هي 35% فقط) وتم تعيينهم عن طريقين :
الواسطه أو تطوعوا كمساعدين لكيس ووركرز وتعلموا الشغله بعدين تعينوا بخبرتهم بهذه الشغله.
لذلك لتخلون اللغه عائق او سبب يخليكم متتحركون اصلا.
وبالمناسبه اللغه والسياقه شغلتين متساوين بالنسبه للعمل.وراح اتكلم عن تجربه شخصيه مع السياقة
بالبداية اني مكنت اعرف اسوق (ولحد يسألني عن الاسباب) لهذا اضطررت للعمل في مجال الصيانة لخبرتي السابقة بالنجارة والكهربائيات واستخدام العدد اليدوية. وتم الاستغناء عني لعدم خبرتي بالسياقة. ثم عملت في نفس المجال في مدرسة داخليه لكن كمسؤول صيانه بمعدل يومين في الاسبوع فقط واضطررت للتنقل باستخدام المواصلات العامة وحفظت ارقام الباصات وساعاتها وخرائطها  وكيفية الاتصال بشركة المواصلات عند الحاجه واسعار البطاقات والخصومات والتخفيضات وكنت اعطي محاضرات في المنظمات عن استخدام المواصلات للعراقيين الواصلين حديثا. وصراحه عدم امتلاك رخصة سياقة او سيارة خسرني الكثير من فرص العمل.
قبل فترة سمعت عن فرصة عمل في المقر الرئيسي لإحدى المنظمات الانسانية الكبيرة وهي عبارة عن منسق مواصلات من شروطهه ان يكون المتقدم حاصل على الجنسيه الامريكيه.لكن مدير المنظمة ولمعرفته بخبرتي في مجال المواصلات شجعني على التقديم لكن بشرط تقوية خبرتي في مجال شركات الطيران التي تتعامل معها المنظمات . فقمت بالتقديم واستغليت فترة الكساد في المطارات الاوربية بسبب العاصفة وقمت بقضاء ساعات بالاتصال بهم والاستفسار عن كل شيء يخطر ببالي عن نقل اللاجئين وتعامل شركات الطيرات مع منظمة IOM وكانت المكالمات مجانيه بسبب استعمالي برنامج الVOIP WISE اللى عرفني عليه الاخ ابو اندرو 2009 مشكورا.
في يوم المقابلة وهو اليوم الاثنين صارت منافسه شديدة بيني وبين المتقدمين(اصحاب الجناسي الأمريكية)من ضمنهم عراقي بعدين احجيلكم عليه لكني (سحلتهم)بمعلوماتي عن الباصات وكيفية التنقل. والتغييرات اللي صارت بشهر الثاني على بعض الباصات. وهاي الشغلات محد يعرفهه غير موظفي شركة المواصلات والركاب اللي يستعملون الباصات فقط وعن المعلومات اللمستجده في المطارات بسبب الازمه الحاليه.وبالمناسبه احنه العراقيين نعتبر من اصحاب اللغات المطلوبة بشده. يعني اني اعرف لغتين وهمه بس وحده.هههههههههههههه.
يعني عدم معرفتي بالسياقة فادتني فائدة كبيرة والحمد لله.
وانشالله ابدأ الدوام يوم الاثنين القادم بمعدل 8 ساعات ل 3 ايام في الاسبوع فقط خلالها اخذ دورة سياقه المركبات الفان وباصات الركاب لاقل من 24 راكب واعتقد نوع الاجازه اللي راح  اخذهه هو(B  لاستعمالها في حالات الطوارئ النادرة ) بس لحد الان مفتهمت شنو هذا النوع. وراح امارس عمل استقبال اللاجئين والمهاجرين على المنظمة من المطار وتوزيعهم حسب ولاياتهم وترتيب مواصلاتهم في الايام الاولى وايام المقابلات, بالإضافة الى عملي اللي احبه وهو ان اعطي كل المعلومات اللي اعرفهه للواصلين حديثا وتعريفهم الكثير من المعلومات اللي تعلمتهه لحد هسه.وانشالله نبقى بأخلاقنه وسمعتنه الكيبه لحد منرجع لبلدنا ونفيده ونفيد اهلنه هناك.
لكن مسألة وحده ضوجتني. انه اسماء اللاجئين الواصلين لايتم كتابتها. ويكتب فقط عائله مكونه من كذا عدد. لان صراحه حبيت اريح كثير من الاعضاء اللي همهم معرفة شنو اللي راح يصيرلهم من يوصلون لكن مع الاسف.
يعني صار عندي 3 ايام بالمنظمه ويومين بشغلي مال الصيانه ويوم متطوع للترجمة بالولفر الرئيسي ويوم انطي محاضرات مجانيه للعراقيين عن الحياة في سان دييغو والدراسة.
وللكثير من الاعضاء اللي مكدرت اجاوبهم في الفترة الماضيه عن الكثير من الاسئله اللي طرحوهه على الخاص او على الايميل احب اكللهم انه هو هذا السبب اللي خلاني مخبوص ودخولي متقطع للمنتدى لان كان لازم اتعلم هواي شغلات بوقت ضيق جدا.وانشالله اجاوبكم على كل سؤال تسألوه.
وبالمناسبه هذا الموضوع مو مال تبريكات وكتبت هاي الملاحظه بالاخير حتى اعرف منو اصلا مقرأ الموضوع زين.

اتمنى يكون النقاش في مسألة اللي ما عنده لغه شنو خياراته الاخرى.

أخوكم
غسان الاشقر
سان دييغو - كاليفورنيا
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html



غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
رد: رب ضارة نافعه
« رد #1 في: 19:17 30/04/2010 »
ولو انت ما تريد احد يباركلك بس تستاهل المباركة ومشكور اكيد على هاي المعلومات اللي قدمتها الف شكر

غير متصل لورنس السفاح

  • مبدع قسم الهجرة
  • عضو مميز متقدم
  • *
  • مشاركة: 6523
  • الجنس: ذكر
  • لورنس العرب2
    • مشاهدة الملف الشخصي
رد: رب ضارة نافعه
« رد #2 في: 20:36 30/04/2010 »
تسلم اخ غسان على الموضوع
انا بالنسبة لي لا اعتقد ان اللغة ستشكل مشكلة بالنسبة لي
صحيح انها ليست قوية لكن اعتقد مع التعايش ممكن نتجاوزها
لكن بالنسبة للسيارة
انا اعرف اسوق وكانت عندي سيارة الى حد فترة قريبة جدا
لكن مشكلتي انا لا احب ان ادخل اي شارع بالسيارة لم اراه مسبقا بدون سيارة
لذلك اعتقد انه يجب الاستفادة من المواصلات للانتباه للطرق
والاهم الطرق المختصرة
لان اكيد الطريق الذي يسلكه الباص غير الطريق الذي تسلكه التاكسي
اتمنا لك الموفقية
تحياتي


           انا من نظر الاعمى الى اهدافي        واسمعت صياحتي من به صمم

غير متصل ابو راشد

  • عضو فعال جدا
  • ***
  • مشاركة: 396
  • الجنس: ذكر
    • مشاهدة الملف الشخصي
رد: رب ضارة نافعه
« رد #3 في: 20:44 30/04/2010 »
عاشت ايدك اخويه غسان .... اتمنيت لو تكدر تعرف اسماء الواصلين جان هوايه ناس ارتاحت ....

بالتوفيق ان شاء الله اخويه


ابو راشد
اخوكم
ابو راشـــــــــــــــــــد

غير متصل jack_of_arabia

  • عضو فعال جدا
  • ***
  • مشاركة: 321
  • SIV - IRAQ
    • مشاهدة الملف الشخصي
رد: رب ضارة نافعه
« رد #4 في: 21:07 30/04/2010 »
شكرا اخي العزيز غسان الأشقر على هذا الموضوع الرائع , بس سؤال بسيط حبيبي إذا شخص سيّاقته ضعيفة ولا زال بالعراق شنو نصحيتك إله . تحياتي ... جاك
وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا

غير متصل AboDiana

  • مبدع قسم الهجرة
  • عضو مميز
  • *
  • مشاركة: 1406
    • مشاهدة الملف الشخصي
رد: رب ضارة نافعه
« رد #5 في: 21:20 30/04/2010 »
اخي مشكور على المعلومات والتفاصيل
وارسلت رسالة لك على الخاص للمساعدة

اخوكم ابو ديانا- بغداد

angie-dawood

  • زائر
رد: رب ضارة نافعه
« رد #6 في: 21:59 30/04/2010 »
اخي غسان كلامك صحيح اللغة الها دور لكن بالوقت الحالي حتى اللغة ما دتفيد بالبحث عن عمل كلها صايرة ياهو الي يشغل اقربائه او معارفه اني من الناس اشتغلت بوقتها توصية من صاحبة السطور حتى ذاك الوقت قبل 19 سنة نفس الحالة كان رغم الشغل اكو بس من تكون جديد ما تعرف شي عن البلد لازم يكون ناس اقدم منك يساعدوك بالبحث عن الشغل وهاي ما تجي وانت كاعد بالبيت هاي تجي من العلاقة بين الناس مو علاقة هذا كال هيجي وهذا حجه هيجي علاقة تكون في حدود المعقول حتى تبقى المودة والاحترام المتبادل بين الجوارين او غير اجناس المهم البحث عن عمل هو تكوين علاقات بين الناس حتى يسهلون عليكم البحث عن عمل وانشاءلله دوم تكون متميز بكل اعمالك وحياتك اخي غسان

غير متصل Iron_man

  • عضو فعال جدا
  • ***
  • مشاركة: 428
    • مشاهدة الملف الشخصي
رد: رب ضارة نافعه
« رد #7 في: 22:36 30/04/2010 »
انشاء الله المزيد من النجاحات والتقدم في الحياة العملية والعلمية ....



اخوك

Iron_man

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
رد: رب ضارة نافعه
« رد #8 في: 06:04 01/05/2010 »
اخويه غسان عاشت ايدك على هذا الموضوع لان اني بصراحه من يوم دخولي الى كندا وانا افكر بهذا العمل ولكن مع العلم لغتي تقريبا 70% والحمدلله ولكن هذه الاعمال لا اعرف من اين ابدء بها وكيف
لان المنظمه ( الرسبشن هاوس)الي في ولايتي كالكري مابيها عراقي ولكن يوجد غير جنسيات يتكلمون اللغه العربيه وحاولت ان اعرف شلون اشتغل بهذا المجال او اتطوع ولكن لا يحبون ان يساعدوني ولا اعرف ما هو السبب مع العلم في بعض الاحيان انقل اليهم اخبار عن اللاجئين الواصلين الى كندا كانو يستغربون ويسالونني من اين لك هذه المعلومات فقلت لهم عن هذا المنتدى الرائع واصبحو يتجنبو مني لاني دائما اطلب منهم ان اقوم بالاعمال التطوعيه ولكن لا جدوى

اتمنى ان اعرف طريقة دخول الامكريشن والعمل به
فبماذا تنصح ؟؟؟



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل بغداد بقلبي

  • مبدع قسم الهجرة
  • عضو مميز
  • *
  • مشاركة: 1421
  • الجنس: ذكر
  • الله ولي التوفيق
    • مشاهدة الملف الشخصي
رد: رب ضارة نافعه
« رد #9 في: 15:56 01/05/2010 »
سان ميصير لازم ابارك لان الموضوع فرحني جدا وشايف الف خير والله ايقدر لعمل الخير يارب روح ولاهوا بظرك


والله ولي التوفيق

غير متصل ^Miss Violet ^

  • عضو مميز
  • ****
  • مشاركة: 1137
  • F.R.E.E.D.O.M
    • مشاهدة الملف الشخصي
    • البريد الالكتروني
رد: رب ضارة نافعه
« رد #10 في: 15:58 01/05/2010 »
صدك لو كالوا ارض الفرص والسبع اللي مينتظر الفرصة.. يروح هو يدورها

والله غسان سبع عفية عليك.. و بعدين كل اللي يريد يوصل يوصل.. واللغة تجي وين تروح.. واجازة السوق هم تجي.. بس اكو شوية ناس تريدها حارة ومكسبة.. :) بس اللي يعجنها و يخبزها هو ياكلها


I am here to EXPRESS, not to IMPRESS

غير متصل اسيرالروح

  • عضو فعال جدا
  • ***
  • مشاركة: 135
    • مشاهدة الملف الشخصي
رد: رب ضارة نافعه
« رد #11 في: 17:48 01/05/2010 »
اسعي ياعبد وانا اسعي معاك و  الموفقيه للجميع


اخـــــــــ اسير الروح ــــــــــوك


بلادي وان جارت عليه عزيزة قومي وان شحو عليه كرام

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
رد: رب ضارة نافعه
« رد #12 في: 17:58 01/05/2010 »
الف مبروك  ;D

بس تره قريت الموضوع ومشكور عى المعلومات واتمنالك التوفيق

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رد: رب ضارة نافعه
« رد #13 في: 02:31 02/05/2010 »
شكرا شباب على الاجابات هسه راح اتكلم على العراقي اللي كان ويايه بالمقابله.

من كنا جالسين بإنتظار المقابله اللي كانت جماعيه كان جالس شخص عراقي عمره 45 سنه وعنده جنسيه امريكيه وعايش بأمريكا من 17 سنه و مقدم على نفس الشغله. وسألني اذا كنت اعرف شئ عن المقابله فاني نصحته ان يتكلم بثقه وميرتبك بعدين قال لي ان العائق الوحيد لديه هو عدم اجادته استخدام الحاسوب.
فحاولت طمأنته وقلت له من تدخل قول لهم انك جيد في استخدام الحاسوب و من تطلع توجه لأي مركز حاسوب تدخل دوره ولمدة اسبوعين تصير توب.وقلت له انا ايضا لا اعرف السياقه ومقدم على نفس العمل. وصراحه السياقه اهم الحاسبات هنا.

من دخلنا وره كم كلمه قالت له الموظفه انه غير مؤهل لانه لايملك اي خبره سابقه في مجال العمل هذا.(بس اني كنت متطوع للمنظمات ادلي اللاجئين ركوب الباصات وهذا يعتبر خبره اليه)ومن ديطلع كان ضايج واول شئ قاله :وهذا الولد (قصده اني ) ميعرف يسوق اصلا.
ههههههههههه دتشوفون الخباثه. وبالمناسبه هاي مو اول مره يسويهه عراقي بيه بمقابلة عمل.

المهم اني ماخذ احتياطاتي و من كثر ممسوي مقابلات عمل و مرجعيني بسبب ماعندي اجازة سوق انطيتهم رقم الاجازه المؤقته اللي هيه نفس العاديه وقلت لهم هذا الرقم . ومشت لكن بعد شهر لازم انطي كل المعلومات كامله وهذا هو سستم العمل في امريكا.وانشالله منانه لشهر اطلع الاجازة.

واني اصلا علاقتي طيبه مع الكل بسبب كوني متطوع مجاني للترجمه في اكثر من مكان وكان يعرض علي مبالغ لقاء الترجمه وصراحه كنت محتاج فلوس لكن مكنت اخذهه. لهذا السبب هواي تغاضوا عن الكثير من الاشياء.
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل CS-Team

  • عضو فعال جدا
  • ***
  • مشاركة: 394
  • الجنس: ذكر
    • MSN مسنجر - safaa4000@windowslive.com
    • AOL مسنجر - لايوجد
    • ياهو مسنجر - safaa_aljanabi
    • مشاهدة الملف الشخصي
    • البريد الالكتروني
رد: رب ضارة نافعه
« رد #14 في: 02:48 02/05/2010 »
الف مبروك اولا اخ غسان وان شاء الله دوم بتقدم وازدهار ، كلامك هذا يدعو للتفاؤل.

اما بالنسبة للعراقي وخباثتة فالحمد لله انه انت بمكان من كلامك عرفت انه ما يصح بي الا الصحيح فدع القافلة تسير ودع الاخربن في ...

الف مبروك مرة وان شاء الله الموفقية للجميع

غير متصل حسناء سان دييغو

  • عضو جديد
  • *
  • مشاركة: 2
    • مشاهدة الملف الشخصي
رد: رب ضارة نافعه
« رد #15 في: 07:55 02/05/2010 »
اخويه غسان
اني معجبة جدا بكتاباتك و اهتمامك باخوتك العراقيين و خواتك العراقيات و طريقة سردك للمواضيع

اني بسان دييغو  و اريد احضر محاضرتك المجانية حتى استفيد من خبرتك لان عندي اسئلة هوايه و اعرف انت ما تبخل بالاجابة بس انطيني اسم المكان اللي تتواجد بيه حتى اجي و اجيب وياية كل معارفي حتى يتعرفون بالعراقي الشهم غسان .

و ا\ا امكن اي يوم تتواجد بمقر الولفير الرئيسي؟؟

اختك حسناء سان دييغو

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رد: رب ضارة نافعه
« رد #16 في: 10:38 02/05/2010 »
شباب
التطوع في الدوائر هو مفتاح العمل لكن عليك باللغه والسياقه اولا.
التطوع يقوي مهارتك ويعرفك على مهاره اخرى ويعرفك على اناس جديدين. لذلك التطوع مفتاح العمل بعد الاتكال على الله.

حسناء سان دييغو
اذا حبيت تحضرين المحاضرات ممكن تراسليني على الخاص حتى ابلغك وين تسجلين.وبالنسبه اليه فيوم الاثنين القادم انشالله سأكون في دائرة الولفر في الكاهون لان الكثير من العوائل استلمت اوراق التقرير الشهري اللي لازم يسلموهه قبل يوم 5 وراح أكون هناك للمساعده. وبس تشوفيني اكيد راح تعرفيني.

ولأي استفسار اخر اني موجود وبالخدمه
وبالمناسبه شباب اكتشفت اكتشاف قوي حديثا لكن لازم يوثق بالتجارب المختبريه.
ان الفود ستامب يؤثر على شخصية الفرد العراقي واخلاقه عوضا عن كرشه.(عندي كم مثل على المكرشين ممكن اقول لكم منو همه على الخاص)
وهنالك خبر جديد ايضا
ان هنالك طائفه جديده من العراقيين يعبدون الولفر وتركوا تعاليم دياناتهم السمحه التي تدعو الى المحبه وعدم الكذب.

شباب
اتركونه هسه من هذه المواضيع مال الكاهون
اريد اسأل سؤال بيه مصلحة الكثير من اخوانكم وبيه الكثير من الاجر لكم.والسؤال موجه للكل ولكن خصوصا للي ديأخذون محاضرات لغه انكليزيه في امريكا
شنو احسن طريقه تعلمتوا او دتتعلمون بيهه اللغه الانكليزيه؟
- طريقة الشرح باللغه العربيه.
- طريقة شرح المحاضرة باللغه الانكليزيه فقط.

يعني دتتعلمون احسن من يكون المدرس يحجي انكليزي لكن يشرح بالعربي . أو من يكون المحاضر يتكلم انكليزي فقط لكن بطريقه مبسطه.

هذا السؤال كلفني بيه أحد الاساتذه في احدى كليات الكوميونيتي كولج واللي يدرسون ESL.
والجواب راح يفيد اخواننه اللي ديبدأون بتعلم اللغه.
اتمنى منكم المشاركة للأهميه القصوى.


أخوكم
غسان الاشقر
سان دييغو - كاليفورنيا
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رد: رب ضارة نافعه
« رد #17 في: 13:52 02/05/2010 »
نسيت اشكر الاخوه على ردودهم
بس اتمنى ان تجاوبوني على سوالي
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ابو زهراء

  • عضو فعال
  • **
  • مشاركة: 69
    • مشاهدة الملف الشخصي
    • البريد الالكتروني
رد: رب ضارة نافعه
« رد #18 في: 14:22 02/05/2010 »
سلم ايدك ياوررررررررررردة
يخليك الله اني سائق درجة اولى لكن اللغةعندي صفر نصيحتك لاخوك اتعلم اللغة بهاي الفترة
ممكن تنفعني اكثر............

اما بالنسبة لموضوع التعليم للغة احنة جربناها اليتكلم انكليزي يكون افضل بهواي لان راح يجبرك تتواصل ويا وتعب نفسك اكثر وتعود اذانك على طريقة الكلام

اخوووووك ابو زهراء

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رد: رب ضارة نافعه
« رد #19 في: 21:05 02/05/2010 »
عيوني ابو زهراء
حاول تتعلم الاساسيات مال اللغه مثل السلام والاتجاهات الطرق. ومن توصل انشالله تنغصب تتعلم اكثر.
وهنانه اكو هواي شركات تاكسي ممكن تشتغل بيهه . بس لازم تطلع اجازة سوق خاصه (ممتأكد 100%) بس تكلفتهه ممكن تتكفلهه المنظمة.

وممكن تنسق حسب منطقتك ويه المنظمات او الدوائر وتكون سائق لتوصيل العوائل.
بس شد حيلك لم كم فلس حتى تشتري سيارة بيهه خير مو تصرفهن على ملابس وغراض تجيبهن وياك ومو اول متجي تصرفهن على اثاث وملابس.

وبالنسبة لموضوع اللغه فأشكرك لمشاركتك بالموضوع
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: رب ضارة نافعه
« رد #20 في: 21:09 02/05/2010 »
ترة غسان رأسا تعرفينه بالويلفير...لان الوحيد الاشقر وعيونه زرق ههههه
اضرب عمي

حبيبي
بالشغل وية الامريكان جانوا دائما يجونه جماعة من جماعة يس-نو وسويت اني بوكتهه بروجكت لتعليمهم
جانت اكو لوحة مال اعلانات (سبورة بيضة) وكل كم يوم اكتبلهم ليركس مالة اغنية ويجون يسمعوهه يمي ويحفضون الكلمات الجديدة
شوف هذا الموضوع:
http://www.ankawa.com/forum/index.php/topic,375008.msg4433996.html#msg4433996

وطبعا جنت اجبرهم كلهم يشترون قاموسين عربي-انكليزي وبالعكس وكتاب طاهر البياتي
ويحاولون (المستقتلين منهم والكدهه) يترجمون مقالات باليعجبهم من مجلات حلوة جانت مزبلة (تتذكرهه) لان اسهل وافيد من الافلام لان بالفلم الواحد يلتهي بالقصة

ودمتم للنظال

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل حسناء سان دييغو

  • عضو جديد
  • *
  • مشاركة: 2
    • مشاهدة الملف الشخصي
رد: رب ضارة نافعه
« رد #21 في: 01:38 03/05/2010 »
اخوية غسان

شلون انت باجر بالولفر و شلون باجر هم اول يوم دوامك بالمواصلات ... الله يساعدك بس مد افتهم

اني اعذرني ما اكدر اراسلك على الخاص ... بس انطيني موعد تواجدك بالمنظمات الانسانية للترجمة لان اريد اجيب هواية عراقيين وياية للاستفادة

مشكور يا ورد

غير متصل Vet2009

  • عضو فعال جدا
  • ***
  • مشاركة: 688
    • مشاهدة الملف الشخصي
رد: رب ضارة نافعه
« رد #22 في: 02:02 03/05/2010 »
غسان الاشقر .... السلام عليكم

    اناشخصيا اعتقد ان مدرس اللغة الانكليزية العربي افضل من الاجنبي بنقل المعلومات من المنهج الى الطالب العربي. و ذلك عندما يشرح مادة اللغة الانكليزية باللغة العربية، و بالتالي سيكون نقل المعلومة اسهل و تلقيها ادق. لان ذهن الطالب سينحصر في مجال فهم المادة في حين عندما يكون المعلم اجنبيا فسينشغل ذهن الطالب بترجمة الشرح و بما انه الوقت محدود خلال الحصة الدراسية فستضيع الكثير من المعلومات و تقل الاستفادة من الدرس ، و في الكثير من الاحيان يصاب الطالب بالاحباط و يفقد ثقته في نفسه. و على العكس من ذلك ، اذا وصلت المعلومة له سيكون مسرورا بها و يرغب بتعلم المزيد مما يجعل ثقته بنفسه عالية. بالاضافة الى ذلك فان توضيح الامثلة التي تكتب باللغة الانكليزية باللغة العربية و ترجمتها سيساعد كثيرا في زيادة سعة استيعاب الطالب للمادة.
   اتعلم سيد غسان ، لو تمكنا من اثبات ذلك عمليا ، سنوفر فرص عمل كثيرة للعرب الذين يجيدون اللغة الانكليزية في مجال تعليم اللغة الانكليزية الواسع الانتشار في الولايات المتحدة ، تلك الدولة التي تمثل نسبة الذين تمثل لهم اللغة الانكليزية اللغة الثانية حوالي 9.5 % اي ما يقارب 30 مليون نسمة ... و هنالك فرصة اكثر للعراقيين حصرا فخلال السنوات الثلاثة الماضية وصل اكثر من 35 الف عراقي ومن المتوقع ان يصل المزيد خلال السنوات  الخمس القادمة الى الولايات المتحدة غالبيتهم لا يجيدون اللغة الانكليزية اي ان عليهم الالتحاق بمعاهد تعلم اللغة الانكليزية بمختلف المراحل ، ارجوا اخي الكريم الاعتناء بهذا الموضوع لان اللغة مفتاح العمل و الطريق الاسهل للاندماج بالمجتمع الامريكي.


vet2009

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رد: رب ضارة نافعه
« رد #23 في: 11:07 03/05/2010 »
الاخ vincenzo
مشكور على الاضافه وصراحه طريقه حفظ الاغاني من اروع الطرق

حسناء سان دييغو
مادام لخدمة اهلي العراقيين فماكو تعب انشالله

اخي vet
اشكرك على ردك واضافتك الحساسه وانشالله افتح الموضوع على حده ونتناقش بيه بشكل تفصيلي.

مشكورة احتى موناليزا على الرد
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل DEFA

  • عضو فعال
  • **
  • مشاركة: 37
  • الجنس: ذكر
  • من رام وصل الشمس حاك خيوطها
    • مشاهدة الملف الشخصي
    • البريد الالكتروني
رد: رب ضارة نافعه
« رد #24 في: 12:49 03/05/2010 »
السلام عليكم اخي غسان الاشقر صحيح انت اشقر هههههههههههههه
احب اكولك بانك بطل وشجاع وشاب حريص على مصلحة كل عراقي وعراقية وانت كنت السباق بطرح المواضيع الملفته للنظر والمهمة جدا واحب اكول لو كل العراقين الي داخل امريكا يسون مثلك جان كل لاجيء عراقي ماراح يتبهذل الو ما يوصل لامريكا وانا كلي شكر واحترام لشخصك المبدع يالبطل واتمنى منك الاستمرار نحو الافضل..........باي
DEFA البصراوي

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: رب ضارة نافعه
« رد #25 في: 12:57 03/05/2010 »
خوش موضوع عاشت ايدك
بس هو شنو الانكليزي الي تعلمنا بالمدرسه مو كافي ؟؟
 شتريد من عدنا بعد
اهم من الانكليزي الفود ستامب عيني غسان !
اني شاسوي بالانكليزي اذا عندي مساعدات مو احسن من ما ادوخ نفسي بالدراسه
اكو مساعدات والله كريم

غير متصل ^Miss Violet ^

  • عضو مميز
  • ****
  • مشاركة: 1137
  • F.R.E.E.D.O.M
    • مشاهدة الملف الشخصي
    • البريد الالكتروني
رد: رب ضارة نافعه
« رد #26 في: 14:56 03/05/2010 »
اخي ابو عبدالله  :-\

عندي تعقيب على كلامك اذا تسمحلي

احنا مو عايشين على الحسنة.. و صدكني مو المهم الفود ستامب.. المهم شنو تخطط لمستقبلك.. وين تشوف نفسك بعد 5 او 10 سنوات من وصولك إلى أمريكا.. البلاد العربية محددة الانسان.. يعني شكد ميخطط مراح يوصل لحلمه اذا ما يخالف القانون او يخالف شرع ربه.. بس الكد والتعب ماله مكان هنا عند العرب.. هناك يم الناس اللي قررت تحترم الانسان و تقدره و تقدر تعبه بغض النظر عن اي ترهات اخرى.. هناك لكل مجتهد نصيب.. اللي يريد يهتم بالفود ستامب بس.. ومساعدات الويل فير صدكني اخي بعد كم سنة راح يبقى على ما هو عليه.. وراح يكبرون اطفاله محتارين وميدرون شلون حتى يروحون للكولج.. اذا كلامك صحيح اللي دتكوله انصحك تراجع نفسك و تحط خطة للخمس سنوات القادمة و ترصد شنو الادوات والطرق اللي راح توصلك لتحقيق الهدف خلال الفترة المنشودة..

أما اذا انت قصدك تكون sarcastic .. فهذا شي ثاني :)

اخي غسان

تعقيبا على موضوع الطريقة الاحسن في تدريس اللغة

احجيلك عن تجربة شخصية ايام الكلية.. دكاترتي كانوا عراقيين واردنيين و امريكان و بريطانيين.. ثق بالله الدكتور العربي كنا ما نتعب وياه و لا حتى نروح للمكتبة ولا نطري القاموس.. ومادة الدكتور الأجنبي كانت بحكم الظرف تجبرنا نمسك القاموس.. والكلمة اللي يكولها حتى لو نحفظ الصوت لكن ما نعرف الكتابة مال الكلمة نضطر ندور ونبحث الى ان نوصل للكلمة اللي تناسب سياق الكلام.. اتذكر مرة من المرات اضطريت ابرر للدكتور الأمريكي اني الاسبوع الجاي كله ما راح اداوم.. واضطريت اروح للمكتب و اتكلم معاه وهو ما يعرف عربي.. واني كنت صف ثاني.. يعني بعدها لغتي مو شي.. والله اول مرة اكون بموقف لازم اختار الكلام بغير لغة وما الجأ للعربي ومضطرة افهمه واشرحله.. هذا غير الارتباك والاحراج فيما يخص مسألة التواصل بلغة ثانية وهي مشكلة كبيرة جدا اكبر من مشكلة اللغة النفسها.. يعني 80% من الاشخاص اللي يفتهمون كلش زين انجليزي و يعرفون المقابيل شنو يكول.. ميكدرون يوصلون فكرتهم او يتناقشون بموضوع بسبب الحاجز الثقافي.. شي مو متعود عليه الانسان بالفطرة.. و يكون الواحد عارف تماما انه المقابيل راح ينتبه على اخطاءه لانه مو لغته .. لكن خلي واحد بينه يحجي عربي و يغلط بالحجي .. كلش عادي.. ماكو احراج .. هاية المشكلة .. كسر الحاجز الثقافي .. وهذا فعلا حسيته.. تغلبت على المشكلة و حتى شرحت للدكتور اني افهم الكلام لكن المشكلة اني عندي رهبة اني اتكلم.. و بالمحاضرة اللي وراها كال الدكتور انه بسبب زيارتي لمكتبه قرر يسوي لكل طالب سمينار كدام كل الشعبة.. بالانجليزي.. حتى نكسر حاجز الخوف من المختلف و غير الاعتيادي.. هذا هو اخي برأيي لازم من اول يوم تعلم اللغة يتعلم الطالب انه هي مو تعلم للغة.. هي approach للتأقلم و اكتساب اللغة والتواصل خصوصا اذا كانت الطريقة الوحيدة للتواصل.. لكن لو عربي المدرس.. راح يلجأ الطالب للتعبير بالعربي اذا خانه التعبير باللغة الاخرى.

اسفة على الاطالة.. وتمنياتي لك وللجميع بالتوفيق


I am here to EXPRESS, not to IMPRESS

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
رد: رب ضارة نافعه
« رد #27 في: 15:12 03/05/2010 »
عيني فايوليت انتي بعدج ما عرفتي انه ابو عبدالله ديتشاقه!! تحياتي حبي. ومشكور غسان على طرح النقاش المهم بالحقيقة اني ادين بالانكليزي مالتي للمدرسة اللي كانت تدرسنا بالثانوية لأنه كانت انسانة مخلصة في عملها والحمد لله حتى بالكلية ما كنت اعاني من اللغة ابدا والفضل لرب العالمين والها وابقى طول عمري اذكرها بخير على التعب اللي تعبته ويانه.

غير متصل ^Miss Violet ^

  • عضو مميز
  • ****
  • مشاركة: 1137
  • F.R.E.E.D.O.M
    • مشاهدة الملف الشخصي
    • البريد الالكتروني
رد: رب ضارة نافعه
« رد #28 في: 15:30 03/05/2010 »
اي :) هو اني احتياطا كلت اذا الكلام ساركازم فهذا شي ثاني :)


I am here to EXPRESS, not to IMPRESS

غير متصل Vet2009

  • عضو فعال جدا
  • ***
  • مشاركة: 688
    • مشاهدة الملف الشخصي
رد: رب ضارة نافعه
« رد #29 في: 18:58 03/05/2010 »
الانسة فايوليت ... السلام عليكم

   اسمحي لي ان اعقب على ردك ضمن هذا الموضوع المطروح للنقاش. انك اعطيتي مثالا حول التعبير لمواد الكلية باللغة الانكليزية، و الذي فهمته انك تفضلين تلقي المعلومات من الاستاذ الناطق بالانكليزية عن الاستاذ الناطق بالعربية.و لكن السيد غسان طرح موضوع اخر هنا ، هو هل تفضل ان يكون معلمك لمادة اللغة الانكليزية عربيا اذا كنت عربيا ( اي من قوميتك ، اي الانكليزية هي لغته الثانية ) عن ان يكون امريكيا ( اي لغته الام هي الانكليزية ).
   من ناحية اخرى ، ما اشرت اليه بالرهبة او ما يحلو ان يسمه البعض الاحباط و عدم الثقة بالنفس عندما يريد المتحدث بالانكليزية ان ينقل الافكار او يفهم تلقي الجمل ( المحادثة الاعتيادية )، فان سبب ذلك يعود لعدم المامه بالقواعد اولا ، و عدم امتلاكه حصيلة كافية من المفردات.
   اما عن تعلم لفظ المفردات كما يلفظها المدرس الاجنبي ، اتفق معك الى حد ما،و لكن يمكن التغلب على ذلك بسهولة من خلال اللجوء الى برنامج الجوجل للترجمة ، و بالتالي تصغي بدقة للمفردة. خاصة اذا عرفت ان اللغة الانكليزية هي لغة الاضافات اي لغة المقاطع بمعنى اخر ، ان الكلمة تتكون من عدد من المقاطع اللفظية فبامكانك ان تتعلم على لفظ المقطع و تظيف اليه المقاطع الاخرى، و لازالة اللبس ضمن هذا الموضوع ساعطي مثالا بسيطا كما يلي:
   خذي كلمة all  و تعني الجميع ، فيمك ان نحفظ من خلالها عدد من الكلمات لفظا و كمفردات في وقت واحد من خلال اضافة عدد من الحروف : ball , call , fall, hall, mall, tall, wall, shall, و هكذا لبقية الكلمات ، هذا الاسلوب اعتمدته عند تعليمي لاولادي المفردات .....
   اما عن اللفظ ، فعليك ان تاخذي المقاطع شبه المتشابه ، فمثلا كلمة name : نلفظها بسهولة نيم ، ولفظت هكذا باضافة ياء بعد النون و ذلك لانتهاء الكلمة بحرف e و فيها a ، و هذا ينطبق على كلمات مماثلة مثل save, cack, make, care, . فانا شخصيا اتخذت هذا الاسلوب لتعلم لفظ الكلمة باللغة الانكليزية اي قواعد الاملاء باللغة الانكليزية
   و عندما يكون مستوى متعلم اللغة الانكليزية فوق المتوسط اي يجيد الاصغاء ، التحدث ، الكتابة و القراءة باسلوب علمي و صحيح. فانه يمكنه الانتقال الى المرحلة الاخرى لتحسين مهاراته باللغة الانكليزية ، من خلال تنزيل الافلام الاجنبية المترجمة و مشاهدة الفلم بدقة و الاصغاء الى اللفظ  اضافة الى تعلم المعاني للمفردة الواحدة ، فاللغة الانكليزية لبعض كلماتها اكثر من معنى مثلا ، ball تعني كرة و تعني حفلة راقصة ، كلمة book تعني كتاب و حجز ... و هكذا
   الخلاصة : انا شخصيا اذهب الى الرأي القائل ان يكون معلمك للغة الانكليزية عربيا افضل من ان يكون ناطقا باللغة الانكليزية ( لا يجيد لغتك ).

vet2009

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
رد: رب ضارة نافعه
« رد #30 في: 20:24 03/05/2010 »
اخي ابو عبدالله  :-\

عندي تعقيب على كلامك اذا تسمحلي

احنا مو عايشين على الحسنة.. و صدكني مو المهم الفود ستامب.. المهم شنو تخطط لمستقبلك.. وين تشوف نفسك بعد 5 او 10 سنوات من وصولك إلى أمريكا.. البلاد العربية محددة الانسان.. يعني شكد ميخطط مراح يوصل لحلمه اذا ما يخالف القانون او يخالف شرع ربه.. بس الكد والتعب ماله مكان هنا عند العرب.. هناك يم الناس اللي قررت تحترم الانسان و تقدره و تقدر تعبه بغض النظر عن اي ترهات اخرى.. هناك لكل مجتهد نصيب.. اللي يريد يهتم بالفود ستامب بس.. ومساعدات الويل فير صدكني اخي بعد كم سنة راح يبقى على ما هو عليه.. وراح يكبرون اطفاله محتارين وميدرون شلون حتى يروحون للكولج.. اذا كلامك صحيح اللي دتكوله انصحك تراجع نفسك و تحط خطة للخمس سنوات القادمة و ترصد شنو الادوات والطرق اللي راح توصلك لتحقيق الهدف خلال الفترة المنشودة..

أما اذا انت قصدك تكون sarcastic .. فهذا شي ثاني :)

اخي غسان

تعقيبا على موضوع الطريقة الاحسن في تدريس اللغة

احجيلك عن تجربة شخصية ايام الكلية.. دكاترتي كانوا عراقيين واردنيين و امريكان و بريطانيين.. ثق بالله الدكتور العربي كنا ما نتعب وياه و لا حتى نروح للمكتبة ولا نطري القاموس.. ومادة الدكتور الأجنبي كانت بحكم الظرف تجبرنا نمسك القاموس.. والكلمة اللي يكولها حتى لو نحفظ الصوت لكن ما نعرف الكتابة مال الكلمة نضطر ندور ونبحث الى ان نوصل للكلمة اللي تناسب سياق الكلام.. اتذكر مرة من المرات اضطريت ابرر للدكتور الأمريكي اني الاسبوع الجاي كله ما راح اداوم.. واضطريت اروح للمكتب و اتكلم معاه وهو ما يعرف عربي.. واني كنت صف ثاني.. يعني بعدها لغتي مو شي.. والله اول مرة اكون بموقف لازم اختار الكلام بغير لغة وما الجأ للعربي ومضطرة افهمه واشرحله.. هذا غير الارتباك والاحراج فيما يخص مسألة التواصل بلغة ثانية وهي مشكلة كبيرة جدا اكبر من مشكلة اللغة النفسها.. يعني 80% من الاشخاص اللي يفتهمون كلش زين انجليزي و يعرفون المقابيل شنو يكول.. ميكدرون يوصلون فكرتهم او يتناقشون بموضوع بسبب الحاجز الثقافي.. شي مو متعود عليه الانسان بالفطرة.. و يكون الواحد عارف تماما انه المقابيل راح ينتبه على اخطاءه لانه مو لغته .. لكن خلي واحد بينه يحجي عربي و يغلط بالحجي .. كلش عادي.. ماكو احراج .. هاية المشكلة .. كسر الحاجز الثقافي .. وهذا فعلا حسيته.. تغلبت على المشكلة و حتى شرحت للدكتور اني افهم الكلام لكن المشكلة اني عندي رهبة اني اتكلم.. و بالمحاضرة اللي وراها كال الدكتور انه بسبب زيارتي لمكتبه قرر يسوي لكل طالب سمينار كدام كل الشعبة.. بالانجليزي.. حتى نكسر حاجز الخوف من المختلف و غير الاعتيادي.. هذا هو اخي برأيي لازم من اول يوم تعلم اللغة يتعلم الطالب انه هي مو تعلم للغة.. هي approach للتأقلم و اكتساب اللغة والتواصل خصوصا اذا كانت الطريقة الوحيدة للتواصل.. لكن لو عربي المدرس.. راح يلجأ الطالب للتعبير بالعربي اذا خانه التعبير باللغة الاخرى.

اسفة على الاطالة.. وتمنياتي لك وللجميع بالتوفيق

اخت فايولن
انت جديده بالمنتدى ودخلتي بوكت اني تقريبا جنت منسحب من المنتدى لاسباب هوايه \اريد منج شغلتين
تقرين الكلام الي جوه اسمي . وانتبهيله زين وبعدين تروحين على مواضيعي واجوبتي على مساله المساعدات
واكلج اشلون
كلك على الاسم وبعدين تروحين جوه على ( ابحث عن اخر رسائل لهذا العضو
كلك على الرابط وانت راح تعرفين منو ابو عبد الله التكساسي

تحياتي الج انت وغسان ونورتونا
مختصر (( هذا كود بيني وبين غسان هوه هسه افتهم الي اني دا اكوله ))\
بالنسبه لجواب اخ فيت اختلف وياك 1000 بالميه لان الاساتذه العرب مو كلهم يفتهمون اللفض ولا الكلمات المناسبه لحالات معينه
يعني اساتذتي جنت ما احضر لمحاضراتهم لا نص ما يفتهمون ونص الاخر ميريد ايفهمك لاسباب معروفه

واعتمدت على المعهد البريطاني بالوزيريه اذا ملحك عليه وعلى الاغاني الاجنبيه مثل ما كال فيني بتوقيت اللغه الانكليزيه
والحمد لله رب العالمين هسه اني مترجم محترف بعملي بامريكا معترف بيه كمترجم محترف ومؤهل لاداره الجلسات الخاصه بالمحاكم والدوائر الرسميه (( استاذي جان المرحوم سمير الجلبي)) شيخ المترجمينن العراقيين - يخلي فارس الجراح خرده بجيب الزغير وبفضل طريقه تدريسه الصحيحه الحمد لله الان
I am very strong in english ,and your sin is in my nick
 
god with you all
ترجمه الانكليزي
اني كلش قوي بالانكليزي وخطيتك بركبتي
والله وياكم اجمعين

ها كول ما اعرف !!

غير متصل ^Miss Violet ^

  • عضو مميز
  • ****
  • مشاركة: 1137
  • F.R.E.E.D.O.M
    • مشاهدة الملف الشخصي
    • البريد الالكتروني
رد: رب ضارة نافعه
« رد #31 في: 20:35 03/05/2010 »
اوكي ابو عبدالله اعتذر اذا انزعجت من كلامي

ويمكن مداخلتي مو بمكانها بس السبب انكم تسوون كودات داخل الموضوع.. يعني اني كقارءة اكيد ماراح افتهم

على العموم اسحب مداخلتي .. اني هم كلت ابوعبدالله سامعة انه سبع.. شنو يحجي هالحجي :)

تأسفااات


I am here to EXPRESS, not to IMPRESS

غير متصل مُغترب

  • عضو فعال جدا
  • ***
  • مشاركة: 617
  • الجنس: ذكر
    • مشاهدة الملف الشخصي
رد: رب ضارة نافعه
« رد #32 في: 21:46 03/05/2010 »


اخذ دورة سياقه المركبات الفان وباصات الركاب لاقل من 24 راكب 


وعليكم السلام حبيبي
الف مبروك وشايف كل الخير والتوفيق
تستاهل والله وربي يفتحها بوجهك اكثر واكثر

بالنسبة للسياقة احب اكلك شي
اخوك ساق نوعين من السيارات
خصوصي وفان
واحب اكلك ان سياقة الفان راح ترتاح بيها وهي افضل مايكون لسائق مبتدا مثل حضرتك
انت بس ركز ولا تنخبص وعليك بالطريق وبس ومعليك بالركاب عسما يتكافشون   ;D

بالتوفيق حبيبي غسان وان شاء الله من اجي لكاليفورنيا اصير وياك سكن سايق  ;D  اجمعلك الكروة  :D


تحياتي حبيبي
وشكرا على ذكر البرنامج للاتصال ولو ماجربته

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رد: رب ضارة نافعه
« رد #33 في: 22:00 03/05/2010 »
طبعا اشكركم على التفاعل مع الموضوع لكن وحسب رغبة الاعضاء راح انزل موضوع تعلم اللغه منفصلا عن هذا الموضوع وهذا راح اطلب من الادراة ان تقفله حتى ميصير خلط بالموضوعين.

بس اريد اموتكم ضحك عليه اليوم

المفروض ابدأ الدوام اليوم ويعتبر تعرف على المكان والموظفين لهذا السبب كان الموعد الساعه 12 الظهر بتأريخMay 2010 First Monday
المهم طلعت الصبح للولفر و اتصل بيه مدير العمل وطلب مني بصيغة ترجي ان اذهب الى مقر المنظمه عند الساعه الثالثه وقلت له بسيطه لان اصلا اني اليوم رايح حتى اتعرف على المكان والموظفين فجاوبني شعندك بعدلك شهر شعندك مستعجل!!!!!
طبعا اني صرت موروكو ومعرفت شجاوب بعدين حبيت افر الموضوع وسألته بعد شكد بالضبط على الموعد (حتى يكون السؤال بيه حدين ايام او ساعات ) فجاوب بعد 28 يوم لحد ال Thirty firstمن شهر May واللي هو يصادف يوم اثنين.هههههههههههههههههههه.
يعني من سمعته قال Thirty first اني كلمة Thirtyوصارت الجمله (اول يوم اثنين من شهر الخامس 2010).
طبعا اني استحيت من نفسي شلون هاي الشغله منتبهتلهه وشلون فاتتني.
بس ضليت اضحك ومحد يعرف ليش قابل اكول لهاي العائله انه اني غلطت بالترجمه .. خطيه يروح يضل بالهم علفود ستامب.

وهسه من اروح اليوم للمنظمه اسأل على يوم العمل حتى اخاف هم اكون سمعت بالمكلوب. واخاف يطلع مشغلين غيري وعبالي اني.ههههههههههه
أخوكم
غسان
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
رد: رب ضارة نافعه
« رد #34 في: 22:02 03/05/2010 »
ارجو من الادارة قفل هذا الموضوع كي نستطيع فتح موضوع اخر لنقاش مسألة تعلم اللاجئ للغه الانكليزية.

مع التقدير
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

angie-dawood

  • زائر
رد: رب ضارة نافعه
« رد #35 في: 22:07 03/05/2010 »
ليش اقفل الموضوع غسان تريد تنزل موضوع اخر يكون مضمونه غير شكل نزله وهذا خليه لويش اقفله

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
رد: رب ضارة نافعه
« رد #36 في: 23:01 03/05/2010 »
غسان
عندي شعور انه الحسناء مالة ساندييكو مدري شتصير من ابو اندرو الساندييكوي  ;D ;D ;D
لان نفس طريقة الحجي

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي