فايروس عين كاوة ( ساعدوني رجاءا رجاءا

[hamada2]

الى ادارة عين كاوة المحترمة

قبل اكثر من اسبوع يوجد فايروس من موقع عين كاوة دخل جهازي واليوم عالجته من جديد


فقط اليوم ايضا عاود الرجوع لاكن سيكرت عليه سريعا

وهذا الشيء مخوف جدا جدا  ؟ ولا استطيع انارب الدخول مرة ثانية للاسباب التي ذكرتها

ار جوا المساعدة

[angie-dawood]

اخي حمادة اني هم كان عندي نفس المشكلة بس هاي مو من الموقع اخي اذا كان من الموقع كان شمل الكل مو بس بجهازك وجهازي حاول تفرمك حاسبتك مرة اخرى وخلي الها حماية قوية ضد الفايروسات انشاءلله تنحل المشكلة

[Aiham_]

حمادة راح انطيك موقع تنزل منه الانتي فايروس
http://download.cnet.com/AVG-Anti-Virus-Free-Edition/3000-2239_4-10320142.html?part=dl-10044820&subj=dl&tag=button&cdlPid=11014801

[ســـرى]

اخوية حمادة والله هاي ثاني حاسبة راح تعطل من ورة الموقع ياريت الاخوة يشوفولنا حل بهالموضوع حتى النورتون الاصلي خليته وصايح الداد جديات وهسه خليت حاسبة سميتها (حاسبة عنكاوة) وما ادخل للموقع بس من عدها لان دائما فايروسات حتى كتابة الرد توكف واضطر اكتب عالوورد واسوي كوبي وبيست عالرد.

[momoturath]

الله يساعدك اخوية حمودي  يمكن الفايروس بالحاسبة مالتك لان اني الحمد للة مااجاني فايروس من عين كاوا
تقبل مروري وتحياتي للجميع
momoturath

[El-Fuego]

اخوان ما اعتقد انو الموقع بي شي, جيكو حاسباتكم و نيتوركم, واذا ساحبين نت شير وية اكثر من يوزر احتمال جبير واحد منهم عندة الفايروس,
لان جان هسة كل الي دخلو انظربو فايروس واني واحد من الناس الي من اليوم الي دخلت بي اول مرة لحد هسة ممأشر الانتيفايروس عندي اي شي و من عدة حاسبات.

[ســـرى]

اخوية العزيز اني انترنيتنا FIOS بامريكا لا شيرد يوزر ولا غيره والنورتن اشتريته من الموقع اصلي بس اني عندي هاي المشكلة تظهر فقط لمن ادخل للموقع والنورتون يصيح واصلا من اطلع الموقع بالغوغل بصفه علامة حمرررررة وبيها X بس ادخل للموقع رغم التحذير من النورتن.

[stunning]

السلام عليكم اخواني
حبيت امر بالموضوع
وأدلي بوجهة نظر فقط و ردي مو من مصدر
طبعا اللي تفضلتوا بيه كل كلمة بيه صحيحة والخلل مو بحاسباتكم
الخلل بالسستم (بالرغم من ان كوكل وهو نفس الموقع الداعم للبحث لموقعنا العزيز هوفعلا يدخل بصفة اساسية على معلوماتنا الخاصة بس مع الاسف محد ديعرف شلون حتى دكتور نورتون وشركته دايخين والبرامج مالتهم تمييز دخول كوكل عن طريق ارسال واستقبال معلومات شرط تواجد النت وبواسطة ملف غير معرف لدى نورتون فقط انه جسم غريب غير مفهوم يحاول الاستيلاء على المعلومات الشخصية لحاسباتكم)
بعبارة اخرى
خلي مدير الموقع يجرب يزيل خدمة البحث اللي مرتبطة بكوكل لمدة يومين
وشوفوا من تدخلون الموقع اكو تغيير او لا
والحل الاخر استخدام سيستم جديد مثل وندوز 7 ولازم تجربون تدخلون الموقع من حاسبة اصلا منصب عليها هذا السيستم قبل متشتروه
لان يبدو الخلل مو بالديروكتوري مال السيستم
وانما الخلل بمتصفح النت
بينما اني اكتب حاليا , اتوقع كل كلمة تدحول للكوكل وخصوصا لانه تكست مو صور

[ســـرى]

اني الحاسبة مالتي وندوز 7 الاصلي من الشركة والحاسبة جديدة ومن ادخل للموقع دائما عندي مشكلة ويكوللي اكو فايروس،بينما غير مواقع ما عندي بيها اي مشكلة.

[stunning]

عيني الاخت سرى
بالضبط مثل ما كلتي
((ومثل ما اني نوهت بالموضوع الخلل مو بالديروكتوري مال السستم و لان صراحة ممستخدم ال7
وجهازي فيستا هم اصلي
بس اول شي سويته (من كملت تنصيب الحاسبة لان كانت جديدة من الشركة) شلت النورتن و صح هم منطين ضمانه 3 اشهر
بس اني بالعراق قابل حأقاضي شركة نورتن اذا صار فايروس بحاسبتي و فخلصت من البداية من هاي القصة الطويلة))
الخلل بالمتصفح
اني دأستخدم اوبرا وموزيلا وسفاري
بس كروم مستخدمته لحد الان
اعتقد احسن شي هو موزيلا لحد الان .... اشو من ادخل الموقع احس اسرع من بقيه المتصفحات

[ســـرى]

هسه شنو الحل اخوية العزيز اذا حاسبتي بيها وندوز اصلي 7 وبيها نورتون اصلي (مو ابو ال3 اشهر ابو السنة) شسوي هسه؟ وطبعا حاسبتي القبلها كانت فستا واصلي ومن اشتركت بالموقع العام الماضي اول شي ما بينت مشكلة وبعدين لا والله كامت كل شوية بيها شي واخر شغلة حتى الtouch pad هم ادمر وطبعا فرمتتها ونصبت بيها وندوز 7 هسه احسن بس مرة وحدة دخلت منها للمنتدى انعدمت فخليت حاسبة وحدة للمنتدى والثانية للشغل شسوي.

[labak]

هاي بعدكم عايشين بالفيروسات ؟!!!!!!!!!!,
استعملو نظام تشغيل ****اللينكس*****, بدل الوندوز راح تنسون شي اسمة فيروسات ونتي فيروسات
واي استفسار اني حاضره

[عكعك التطوى]

عيني ابو شهاب اخوك فرمت مرتين بس الشغله ليس من الموقع وانما انتقل بواسطه
(الماسنجر)

فرمت والحك ربعك

[angie-dawood]

صح اخي عكعك من الماسنجر اني هم نفس الحالة مااعرف اجت الي رابطة فتحتها وصارت الكارثة وانتقلت الفايروس للايميلات الاخرى مو من الموقع اخي فرمت حاسبتك وخلي بيها حماية ضد اي فايروس

[ســـرى]

اني ما افتح الروابط اللي تجيني بالماسنجر هاي اذا اجتني وقليلة باستعماله بس المهم انه فقط المنتدى هو اللي من اكتب بيه يظل المؤشر يتحرك بدون كتابة وورة فد 10 دقايق اشوف الكتابة بينما فاتحة موقع اخر اكتب ما عندي اي مشكلة والنورتن مديكدر بعد شأخلي بالحاسبة؟؟؟؟

[أبو الفوارس]

والله يا جماعة خوفتوني بس كلام stunning صحيح وانا ايضاً استخدم FireFox

[تايه]

صباح الخير الاخوة الاعزاء

الحقيقة اني جربت الوندوز 7 و الفستا و الاكس بي ................. المشكلة بسيطة
في ما يخص الفايروسات فالحل الامثل هو كاسبر سكاي الخاص بالنت الي اسمة انترنيت سكيورتي
سدكم امين ولا فايروس لا بالايميل و لا مسنجر و لا موقع  و ميهم نوع الوندوز كلة اوكي .

بس بقت نصيحة للمستخدمين الاكس بي الافضل ان تنصبون جوجل جم للتصفح ما بي مشاكل مطلقاً و حتى لباقي نسخ الوندوز

ارجو ان تتقبلون مروري
مع التحية

[labak]

اخويه تايه
صحيح انت جربت الويندوز 7 والاكس بي
بس انت لحد الان ما طلعت من الويندوز
قصدي بدل النظام كله
من نظام تشتغيل الجهاز windows الى نظام تشغيل Linux
راح تنسى شي اسمه فايروسات لان لحد لان ممكتشفته الفريرسات ولا راح تحتاج انتي فايروس

[تايه]

اخوية العزيز
المشكلة هي ان الكثير من ملحقات الحاسبة لا تتعرف سوى على الوندوز مثل الطابع و السكنر الى غير ذلك و لان كارد فنضطر نستخدم الوندوز


و اشكرك على النصيحة حبيب قلبي

[labak]

اخويه العزيز
الطابعات الحديثة وحتى اﻻسكنر يتعرف كلش عادي اني داستعمله اللينكس من اكثر من سنه
الشي الحلو الفيروسات لحد ﻻن ممتعرفه علي وصحيح بي صعوبات مثل اي شي جديد ولو انها قليلة

[Safaa Alkhrkhy]

اخواني اتريدون اتصدكوني او لا هاي بكيفكم...
اني عندي 3 حاسبات شخصية 2 لاب توب وواحدة منضدية امنصب عليهم ESET SMART SECURITY 4 بنسخة اصلية ومحدثة وكذلك نظام تشغيل وندوز 7 التميت .. واستعملهن ثلاثتهن للدخول لعينكاوة والتصفح واستخدم متصفح MOZILLA FIREFOX ولادخلي فايروس ولاهم يحزنون وازيدكم من الشعر بيت عندي بالشغل حاسبة اخرى هي MAC APPLE هاي طبعا تستخدم نظام التشغيل ماكنتوش وماكو بيهة اي انتي فايروس والمتصفح بيهة هو ابل سفاري وماشية مثل الساعة مع عينكاوة !!!!
شنو فايروس مااعرف ؟؟!!!!!
حجي الاخ stunning مضبوط مية مية وصحيح..
اخوان جيكو المتصفح اللي عدكم او نظام التشغيل
طبعا الوندوز 7 اثبت بجدارة انه هو الافضل حتى من الاكس بي  رغم انني ارى ان الماكنتوش هو الزعيم والسبب انه نادرا ماينضرب بفايروس!!!


تحياتي    ابو سارة

[شجرة الدر]

اخي العزيز بيرج اني هم اجاني رابط عالماسنجر من الاخت انجي وهم بيه فايروس وكام يصيح عندي الانتي فايروس صار احمر وهم فرمتت الحاسبه بس حركلي الاول والتالي مو بس انت عيني حبي انجي شلون فايروس ملبلب دازتلياه من عزيز لعزيز ههههههههههههههه

[ســـرى]

اني الفايروس ديجيني من الموقع وهم صارت مرات شفت اوفلاينات من انجي والرابط مبين بيه شي فما فتحته سديت الرسائل رأسا بس اكو مشكلة من المنتدى وهاي عندي من زمان قبل لا اضيف انجي عالماسنجر..

[angie-dawood]

  والله يااخوان والله الشاهد على كلامي مو اني ارسلت الكم هو وحده كان ديروح للايميلات الي عندي وتعقيب لكلام اخي بيرج شنو الغريب لو كان عندي ايميلات  الاخوه الاعضاء بيها شي حتى لادارة وصل فايروس هل معقول اريد اني أذيكم والله مااعرف شكول الكم على العموم اسفة لكم اني راح اخذف الايميلات حتى لا اسبب اي اشكال الكم

[ســـرى]

اختي انجي انتي مالج علاقة واني اؤكد انه الفايروس اللي ديجيني هو من الموقع اصلا وقبل ما اضيفج يمي.وللعلم اني هم عرفت اكيد مو انتي انتي بوقتها كنتي اوفلاين وتندز من الماسنجر مالتج رسائل لان عندي صديقة هم صارت عدها نفس المشكلة.المهم الموقع بيه شي اني قليل استعمل الماسنجر اصلا بس للضرورة.بس من ادخل للمنتدى يلعب بخلقة الحاسبة وهذا الكلام صار اكثر من 6 اشهر.

[فداء الروح]

:(اخوان راح احط صورة لحد يضحك على حاسبتي وما وصلت له من حال بسبب ابني الحبيب الي كل ما يلزمها يخرب بيها شي عمره اربع سنوات بس يعرف بالحاسبات والمشكلة الحاسبة من غير انتي فايروس وما تريد توكف ولا تخرب وهي كل جزء مستقل بذاته يعني هي لاب توب بس شاشة بجهة والكيبورد بجعة وما يربط بينهم واير بريء  عموما لا اثر بيها فايروس ولا شي وكل يوم ينقص منها برنامج ومرة سمعناها تغني والمهندس اتخبل يدور منين ديطلع صوت الاغنية الاجنبية ما يعرف  عموما اتركم مع صورة عزيزة اقصد الحاسبة

[El-Fuego]

اخوان يعني باختصار الحاسبات الي دا تنظرب منزلين النورتن صح ؟
هذي حالات تصير بأن الانتي فايروس يشوف فدشي فايروس وهوة ملف عادي, لان اني استعمل وندوز 7 و افيرا و دبل بوت وية لينكس و لحد هسة ماجاني اي تأشير على وجود فايروس, اذا اي واحد من الاخوان بعد عندة الريبورت ان ممكن يدزليا او يكتب اسم الفايل هنا وامتدادة بالموقع حتى نشوف شنوة.
بالنسبة للتعريفات وية اللنكس حسب ما سأل اخونة تايه اذا تستعمل نظام لينكس حديث على الاغلب انو هوة يعرفة من وحدة لان عندي الملحقات هية اتعرفت منوحدهة وهذي من ميزات اللينكس الحلوة, وممكن ان تنزلة وية الوندوز مثل ما اني مسوي لان اخوك هنا مدمن العاب وللأسف اللينكس ميدعم الدايركت اكس بس الاوبن جي ال حاليا.

[hamada2]

تعقيبا على رد العضو بيرج

الفايروس موجود في موقع عين كاوة وليس عن طريق الماسنجر 


لان من اكتب رسالة مثل ماتفضلت الاخت سرى يتاخر بالنزول لفترة يالله ينزل الكتابة مرة وحدة

ثانيا اي رابط من اي شخص ياتيني سواء اوف لاين او اون لاين لا افتحه نهائيا ولا عن طريق اي رسالة

ثالثا لايوجد لدي اميل اي اداري او ادارية من عين كاوة ( والدليل لما اواجه مشكلة انزل موضوع في قسم الهجرة لانشادهم ولو كان لدي اميل اي اداري كان مانزلت هذا الموضوع اصلا 

وسبق ان نوهت على العام وفي قسم الهجرة ان رسائل الخاص بيني وبين الادارة والادارين محجوبة 

للتنويه والاطلاع

[متوكل على الله]

تحياتي للجميع

الموقع بريء براءة الذئب من دم ابن يعقوب .... الفيروسات اللي عندكم اخواتي واخواني جاي من برامج ثانية ولكن المعروف للجميع انه الفيروس يعمل مع تنفيذ اي ايعاز في الحاسبة ...

اني شخصيا عندي لابيتوب و PC وندخل على الموقع منها

وحدة ويندوز 7 اصلي عليها Comodo internet security + spyware terminator  وماشية مثل الورد
والثانية عليها ويندوز sp2 مو اصلي وعليها spyware terminator + Avira antivirus وهم ماشية بدون مشاكل والحمدلله

نستنتج من كل ذلك بان الأرض كروية ... تحياتي

[ســـرى]

زين ليش الحاسبة تتخربط امورها بس لمن اكون داخلة للمنتدى؟ وهم ملاحظة احب اضيفها اي موقع ينوهلي النورتن عنه انه harmful ما ادخله ما عدااااااا المنتدى يطلعلي x حمراء ومع ذلك ادخل.

[ســـرى]

هذي الرسالة اللي يطلعها نورتون انتيفايروس من اريد ادخل هسه للمنتدى من خلال موزيللا فايرفوكس


CAUTION:  You have attempted to access a web
site that is potentially harmful or malicious. It is
recommended that you do NOT visit this web site.

CAUTION







      
Site: ankawa.com
Summary
Computer threats: 2
Identity threats: none
Ecommerce Safety Threats: -1
Annoyance factors: none

[El-Fuego]

اخت سرى هذا التحذير من الداتابيس مال النورتن مو ديتيكت او سكان مباشر للموقع و يطلع تحذير
يعني انتي اذا تريدين تخبثين على موقع واحد تسويلة ريبورت انو الموقع هذا هارمفل و يدخل هذا الموقع بالتجييك واذا اكثر من واحد سوالة ريبورت رح يعتبر من المواقع الخطرة, المفروض على ادارة المنتدى-الموقع ان يرسلون رسالة لنورتن مفادها انو المشكلة اتعالجت لان اسهل منما يكولون ماكو مشكلة اصلا,
طبعا هذا الي افتهمتة من حضراتكم وحسب معرفتي المتواضعة بكيفية عمل السايت ريبورتس.
اذا انتو اصلا انظربتو بفايروس (حقيقي) واشدد على حقيقي من الموقع هذي سالفة ثانية.

[ســـرى]

زين والحاسبة تكوم تخربط بسبب الانتيفايروس قصدك؟ اني قبل كنت خالة بحاسبتي الاولى الله يرحمها كاسبر ومن شفته مديسوي شي خليت بالجديدة نورتن.وبالاثنين الحاسبة كانت تتأذى

[alisony]

والله اخوان اني مقتنع بال kaspersky  وهو احسن شي

حتى من ناحية الكراك هم يفرق بينه و بين الفايروس

لانه غير من برامج الحماية تعتبر الكراك فايروس و ما بيه ورك ستيشن مثل الكاسبرسكاي

و دأستعمل غوغل كروم و هو جيد و اذا طلع تحذير على الموقع انه ضار هذا مو معناه اكو فايروس

بس هو يلاكي اكو روابط بالموقع من رابدشير و او فورشي او هوت فايل و هاي يعتبرها سرقة للملكية

ومن هالسوالف ....... نصيحتي بالكاسبر سكاي  

[ســـرى]

اني ما فرق عندي الكاسبر من النورتن بالدخول للمنتدى الحاسبة تحشش بكل الاحوال.

[doori]

مرحبا
اخويه العزيز حماده2 ما الك غير تسوي فورمات بطئ والفايروس يروح وراها سوي اعادة ترتيب الهارد يعني امسح البارتسنات الموجود وسويها مره لخ ولو اني يمك جان سويتلكيا بس يلا ماكو نصيب وتدلل

اخوك
حمودي

[Safaa Alkhrkhy]

اخواني اني راح اتخبل وانجن!!!!!!!!!!!!!
جبت اربع حاسبات لابتوب من  جماعتي وعرفت المودم مال الانترنيت عليهن وكمت ادخل على الموقع وحدة ورة اللخ وماظهرلي اي فايروس!!
هسة شوية ندخل بالتفاصيل:
الحاسبة الاولى عليهة وندوز 7 مو اصلي بس مكرك وانتي فايروس Bit defender النسخة المجانية.
الحاسبة الثانية همين  عليهة وندوز 7 بي اصلي وعليهة Nod 32 اصلي.
الحاسبة الثالثة عليهة وندوز ملينيوم وعليهة انتي فايروس Avira.
الحاسبة الرابعة عليهة ابل ماكنتوش وبدون انتي فايروس لانه الابل ماكنتوش ماتحتاج انتي فايروس.
اني طبعا ماعفت السالفة رحت الى صديقي ابو حاسبات ودخلت من حاسبتة اللي هية منصب عليهة وندوز اكس بي وعليهة كاسبر سكاي التاسع وهمين ماصار عندي شي.
هسة فهموني شنو الفلم؟؟؟؟
اريد اشوف هذا الفايروس اللي داتحجون علي بعيوني ماداتصير؟؟؟
بعد بقت شغلة يوم الاحد اسويهة راح اروح الى شارع الصناعة عندي ولد صديقي هذا ((ذابين صرتهة ابطن حاسبة!!!!!!)) واحجيلهة المقتل كلهة بلكي يلكالي حل من هالصفنة مالتي؟؟؟
ودمتم للنضــــــــــــــــــــــــــــــــــــــــــــــــــــــال..........

ابو سارة

[ســـرى]

اني حاسبتي الجديدة (مو المرحومة) وندوز 7 اصلي ونورتن اصلي بلكي تشوفلنا الحل طبعا مشيت على حجايتكم ودا افتح المنتدى من موزيللا فايرفوكس الكتابة تحسنت بس الثقل بعده ننتظر حلولكم اخوية صفاء والاخوة اللي عدهم خبرة.

[Safaa Alkhrkhy]

اختي سرى جربي انه تنزيل المتصفح safari من شركة ابل هوة متصفح جيد ونادرا مايتحسس من الفايروسات او الديدان بي احب اعرف انتي يااصدار اتجربين من الفايرفوكس؟؟
ترة اضبط شي هوة الاصدار 3.5.3   الاصدار الرابع الجديد بعدهة تجريبي وبي شوية مشاكل.
حاولي انه اتنصبين البرنامج المجاني ccleaner هذا يمحيلج ملفات الكوكيز وملفت الانترنين المؤقتة القديمة وينضفلك الوندوز من كل ملفات غير جيدة ومشبوهة بعدين سوي ريستات للحاسبة وشوفي النتيجة شنو.
ها بالمناسبة ترة هذا البرنامج يمسح اسم الدخول والباسوورد مال المنتدى من ذاكرة الجهاز فقط فعليك اعادة كتابتهم مرة ثانية من ترجعين اتدخلين.


ابو سارة

[ســـرى]

اني نزلت الفايرفوكس 3.6 يعني اروح انزل اللي اقدم منه برأيك افضل؟

زين وهذا الزاهي المنظف الفعال هههههههههههه cleaner موجود عادي هم انزله؟ اسفة دا اتعبك اخوية صفاء مشكور

[Safaa Alkhrkhy]

نعم اختي سرى تكدرين اتنزلي من الموقع هذا
http://download.cnet.com/ccleaner/
بخصوص الموزيلا فعادي اللي عندج جيد ماتحتاجين الاقدم بس جربي اتزلين safari من هذا الموقع
http://www.apple.com/safari/download/
ورجعيلنة خبر عودين


ابو سارة

[الصقر 1]

السلام عليكم
طبعا بعد معانات الاخوة والاخوات الاعضاء الكرام وكل يوم يخربون اربع لاب توبات وانتم تعرفون اليوم اخس لاب توب 500 دولار وهذا تبذير وحرام والمبذرون اخون الشياطين ؟؟؟
اخوني ممكن من كل عضو ان لا يتعب نفسه ما عليه بس ينزل ديبي فريز بحاسبته ويخليله باسوورد على مود اذا راد يوقفه او يفعله يستخدم الباسوورد.. لان الحمد لله كل الاخوة والاخوات يعرفون جيدا ما هي فائدة هذا البرنامج الي هو غني عن التعريف. واذا ما حبيتوا ان يكون فعال دوما  فعلو فقط عندما تستخدمون عين كاوا لان اذا لا سامح الله تعرضت حاسباتكم لاي عبوة ناشفه من المي لو هاون مال كهوة مجرد بس تعملون ريستارت كلشي يروح وي الريستارت ..
مع العلم الشديد انا عضو في عين كاو لاكثر من سنه ولم تصب لي اي حاسبه بفايروس وقد اصب احياناً بوعكه صحيه اكثر من النورتن وحصان طرواده وغيرها بسبب الضلم الذي لا يفارق هذا المنتدى من قبل البعض
واسف كل الاسف على الاطاله وارجوا الاستفادة من هذا الاقتراح
اخوكم صكر  

[^Miss Violet ^]

CAUTION:  You have attempted to access a web
site that is potentially harmful or malicious. It is
recommended that you do NOT visit this web site.


هذا التنبيه كان يطلعلي لمن كنت استخدم الاكسبلورر و الاكس بي.. وبعد ما صرت استخدم وسندوز7 و الجوجل كروم بعد ابد ما واجهت مشاكل

[ســـرى]

راح اطبق كلامك اخوية صفاء ورجعلكم خبر بس نطلب من الادارة تبقي الموضوع الله يخليكم لان مهم. حبي فايوليت اذا ما نجحت طريقة اخوية صفاء اجرب الغوغل كروم رغم انه شلته قبل فترة لان هواية ثكلت الحاسبة من استعملته.تسلمون جميعا.

[kunda]

هذا اكيد  واحد حاقد جاي يحطلنا فايروسات بالموقع علمود لانتواصل ويا اهلنا وحبايبنا بموقع عنكاوا

[متوكل على الله]

اعزائي ....

احب اكول ملاحظة هسه تذكرتها وهذه الملاحظة سبق وان درستها في مرحلة سابقة

اكيد الكل يعرف انه الفيروس او الويرم هي من البرامج المصممة بذكاء عالي جدا ودائما هي البادئة ويركض وراها برامج الحماية ... يعني الفيروس هو الفعل وبرامج الحماية هي رد الفعل

من احدى اهم صفات الفيروس هو انه يعمل لنفسة قاعدة معلومات (داتا بيز) يضع فيها معلومات عن اكثر ما يستخدمه اليوزر او مستخدم الجهاز من برامج وايضا اكثر المواقع اللي يزورها المستخدم ووبعدين يبدي يضرب هذه البرامج والمواقع داخل حاسبة المستخدم..اكرر يضربها داخل حاسبة المستخدم حتى يكون الفيروس اسرع في التفيذ وكذلك حتى يسبب اعلى مضايقة ممكنة للمستخدم

يعني ممكن تشوف شخص يدخل من حاسبة غير مصابة على موقع معين وتمشي بشكل صحيح وبنفس اللحظة يدخل شخص ثاني حاسبته مصابة باحد انواع الفيروسات على نفس الوقع فيعطيه الانتي فايروس عبارة انه الموقع مصاب وبالحقيقة ليس الموقع هو المصاب وانما يؤشر عنده انه هناك فيروس مزروع داخل عنوان الموقع في هذه الحاسبة

لذلك...اقترح ان تعملون (online scanning) من الموقع الخاص بالانتي فايروس مالكم يعني الفحص من موقع الشركة المنتجة لبرنامج الانتي فايروس اللي عدكم....جربوها اعتقد بيها فائدة

تحياتي

[شمعة]

الأخ kunda

كلامك صحيح اكيد هذه الحاله من فعل فاعل حاقد واكيد هو (مناضل من المناضلين) الذين يعرفون كيف يدخلون على ( سستم ) المنتدى للتخريب بين اعضاء عينكاوا ..

وما ذكره الاخوه والاخوات من عوارض ومشاكل تحصل معهم تؤكد هذه الحقيقه وتؤكد ان الاخت الاداريه انجي بريئه من تهمة الفايروس ولا علاقة لها بها بدليل ان  حاسبتها ايضا تعرضت لنفس المشكله واضطرت الى الفرمته كما ذكرت مثل ما حصل مع بقية الاخوه والاخوات .. كما ان جميع الاخوه والاخوات بعرفون مستوى الاخلاق العاليه  للاخت الاداريه انجي وهي ارفع واعلى من مثل هذه الامور التخريبيه بين اعضاء عينكاوا ...

بالنسبة لي لم اواجه اي مشكله من المشاكل التي ذكرها الاخوان لانني استعمل في حاسبتي ثلاثة برامج للحماية من اقوى البرامج هما ( eset smart security internet -4 )مع عمل كافة اعداداته لان  المساله ليست فقط ان تضع انتي فايروس وانما تفعيل اعداداته ليعمل بكفاءه وبالمناسبه هذا البرنامج به فاير وول  قوي جدا وعالي الكفاءه ويحمي حتى الماسنجر من اي فايروس .. والبرنامج الثاني هو ( deep freeze) وهو من اقوى برامج الحمايه لازالة ومكافحة الفايروسات بمجرد عمل ريستارت للجهاز في حالة ظهور اي فابيروس ..
والبرنامج الثالث الذي استخدمه هو (  anti spy ware) لمكافحة ملفات التجسس ...والبرامج الثلاثة هذه تعمل في حاسبتي بكفاءه عاليه علما بان حاسبتي فيها وندوز 7 وكذلك  اكس بي 2 واستخدم كلا النسختين في الدخول على عينكاوا بدون اي مشكله ...

شمعة

[Safaa Alkhrkhy]

 اخ شمعة اتفق معاك بما كتبته وانا انصح بالوندوز 7 وانت يمكن من المطلعين على انظمة التشغيل احسن مني وسبق ان تناقشنا بالموضوع هذا معا على الجات ...
ياريت اخواني اللي عندة معلومات اكثر وتقاصيل دقيقة ان لايبخل بها علينا لاننا بحاجة ماسة اليها وبارك الله بكم اخواني...

اخت سرى ها وين صرتي؟؟؟؟؟ بس لاالفايروس دمر الاول والتالي؟؟!!!!

ودمتم للنضــــــــــــــــــــــــــــــــــــــــــــــــــــــــــــــــــــال

ابو سارة

[شمعة]

الاخ العزيز صفاء الورده .
نعم اخي العزيز نظام التشغيل windows 7  هو النظام الافضل والاحسن من كل انظمة التشغيل الاخرى  واثبت  جداره وتفوق  حتى على نظامي ( لينوكس وماكنتوش ) .. وافضل ما في هذا النظام هو سرعته ودقته العاليه  بالاضافة الى جماليته الفائقه كما انه يحتوي على باكج كامل لاهم برامج تشغيل النظام الاساسي ويحتوي ايضا على fire wall وهو جدار صد ناري متفوق وقادر على صد الاختراقات بكفاءه جيده كما انه يتضمن باكج التعاريف الاساسيه للجهاز دون الحاجه  للقيام بالتعريفات يعني باختصار ( كل شي وكلاشي منه وبيه ) ..

الشيء الوحيد المهم والاساسي في هذا النظام انه يحتاج الى جهاز به مواصفات عاليه لكي يعمل نظام  windows 7  بكفاءة عالية وهي ان يكون البروسيسور  2 كيكا فاعلى وان يكون الرام 2 كيكا فاعلى ويفضل ان يكون الهارد 160كيكا فاعلى طبعا يمكن للنظام ان يعمل حتى مع المواصفات الاقل من هذه المواصفات قليللا ولكنه لن يعمل بنفس مستوى الكفاءه المطلوبه مع هذه المواصفات التي ذكرتها وكلما كانت المواصفات اعلى كانت النتائج افضل واعلى ...وبعض الاخوان لم تنجح معهم هذه النسخه لان مواصفات اجهزتهم قديمه وضعيفه ...

والمشكله الوحيده في هذا النظام هي انه يتطلب منك فتره من الزمن لكي تتعود على استخدام كل ( الاوبشنات) التي  يحتويها النظام لانها  اوبشنات متطوره  قياسا بانظمة التشغيل الاخرى واولها نظام اكس بي 2 .. ومع ذلك فكل الاوبشنات الموجوده في هذا النظام هي رائعه وتعطيك نتائج ممتازه في العمل من حيث السرعه والدقه في الاداء ناهيك عن جمالية المنظر الرائعه للنظام وقدرته على العمل المتوافق مع كل انواع البرامج التي ترغب باضافتها للنظام ...  ومن تجربة شخصيه وجدت ان احسن وافضل وارقى  برنامج انتي فايروس يعمل مع  windows 7  هو برنامج  eset smart security internet 4 وهذا البرنامج من اهم ميزاته انه خفيف جدا على الجهاز ويوفر لك حماية شامله حتى للماسنجر ولكن الشيء المهم فيه انك يجب ان تقوم  بكافة الاعدادات المطلوبه فيه لكي يعمل بكفاءه عاليه  في اصطياد  ومنع الفايروسات والاختراقات بكل انواعها ...

باختصار  شديد  ... windows 7  هو النظام المتفوق على كل الانظمة الاخرى ...ولا تحتاج منك الا لفتره بسيطه لكي تتعود عليها..

الاخت الاداريه انجي ..

ربما ابتعدت قليلا في ردي عن جوهر موضوع الاخ العزيز حماده ولكنها نصيحه للاخوه الاعضاء بالاعتماد على هذا النظام للتخلص من المشاكل التي يواجهونها ,.. مع التقدير ...

شمعة

[** يدكو **]

اخوان نزلو افيرا انتي فايروس وان شاء الله بعد مايعاود الكم واعملو التحديث اليومي