المحرر موضوع: حصلت على الكرين كارد وعدت الى العراق للزواج  (زيارة 3832 مرات)

0 الأعضاء و 1 ضيف يشاهدون هذا الموضوع.

غير متصل Aouss

  • عضو فعال جدا
  • ***
  • مشاركة: 80
    • مشاهدة الملف الشخصي
احبتي ارجو مساعدتي في موضوعي
اني على برنامج الا اس اي في  ووصلت امريكا وحصلت على الكرين كارت وعدت الى العراق بعد 3 شهور وتزوجت وهسه اني محتار اشلون اروح واعوف مرتي واشلون ابقى واخاف اخسر الكرين كارت مالتي مع العلم اني قدمتلها على الاي او ام بس اخاف تطول السالفه ويسقط الكرين كارت واخاف اروح وارجع وتطول الشغله ساعدوني ولكم الشكر


غير متصل geb

  • عضو فعال جدا
  • ***
  • مشاركة: 317
  • الجنس: ذكر
  • فمنهم من قضى نحبه ومنهم من ينتظر وما بدلوا تبديلا
    • مشاهدة الملف الشخصي
    • البريد الالكتروني
ما عندك الا تعوف مرتك وتسافر واتقدملهة على اي او ام من بغداد او تقدملهة من احدى بلدان الجوار واعتقد اسرع بس لازم ايكون عندك قابلية تصرف على معيشتها بالاردن او تركيا او غير دولة والا راح تخسر الكرين كارد
اني هذا الي اعرفه ويمكن الاخوان عدهم خبرة اكثر يكدر يساعدوك

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اخوية العزيز الافضل انه ترجع بالوقت الحالي لامريكا وتبقى فد كم شهر وممكن ترجع للعراق ماكو اي مشكلة وحتى اذا انسألت من ترجع لامريكا (وعادة ما يسألون) تكوله عندي اجراءات زواج دا اتممها.المهم ما تبقى اكثر من سنة خارج امريكا والله يتمملكم بالخير ومبروك.

غير متصل احمد عباس

  • عضو مميز
  • ****
  • مشاركة: 1041
  • الجنس: ذكر
    • مشاهدة الملف الشخصي
اول شي مبروك زواجك ويارب حياة سعيده ويوم الي تفرحنه بالسنفور الي راح يشيل اسمك
بالنسبه للكرين كارت انت ماعندك غير انو ترجع الامريكا لان يروح عليك الكرين كارت
وانت مو اول شخص يزوج ويسافر الى ان مرته تجي لان هيه حياتنه هيج صارت فه انت ارجع واهلها اكيد راح يتقبلون سفرك بس ضل على تواصل وياها
الله | الوطن | الامنيه


غير متصل Aouss

  • عضو فعال جدا
  • ***
  • مشاركة: 80
    • مشاهدة الملف الشخصي
اشكركم اخوتي على الاجابة والردود السريعة اني ححاول ماابقى اكثر من سنة خارج امريكا وابقى اروح واجي شسوي واني قدملتها على الاي او ام بس انطونا  رقم اليش 116 بدايته اتوقع يطول شغلته ماعرف بعد ماادري احول المعاملة لتركيا ومن يخابروني على المقابلة اروح يعني ابقى ابغداد؟

غير متصل حسين السالم

  • عضو فعال جدا
  • ***
  • مشاركة: 380
  • تمنياتي للجميع بالموفقية
    • مشاهدة الملف الشخصي
اخي العزيز اولا مبروك عالزواج وشايف كل الخير وثانيا اني اشوف ترجع الامريكا لان بقائك فترة طويلة بالعراق ابد مو من صالحك فيااخي توكل بالله وارجع لامريكا ومثل مكالوا الاخوة والاخوات الاعزاء كمل شغلة مرتك عن طريق الاي او ام وربك اللي يسهلهاواتمنى ان تتقبل مروري اخوك حسين السالم.

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
الف مبرووووك اخ اوس
والله خوش خطوه سويت وهوايه دينتضرون يخطون مثل خطوتك
وموفق ان شاء الله
اخ اوس انت قبل متخلص المده ترجع لامريكا وتبقى زوجتك اتراجع على معاملتها ومن تخلص هي ان شاء الله تجيك وبالقريب العاجل
وحتى اذا طولت هم تكدر ترجعلها قبل متسافر وتصطحبها وياك
انت عندك سبب انساني ومنطقي وممكن تقنعهم بي
وعادة مثل هيجي كيسات ينظر بها اسرع
اما اذا كدرت اتطلعها لعمان فاكيد اجرائاتها اسرع على ان مترجع للعراق
وخليك على الخط بتطورات قضيتك
والتسهيل من رب العالمين

غير متصل بغدادي76

  • عضو فعال جدا
  • ***
  • مشاركة: 898
    • مشاهدة الملف الشخصي
اولا مبروك على الزواج , ثانيا الله يساعدك على الي حيصير بيك لأن لم الشمل مال امريكا اصعب من الصعب.
آني راسلت الآي او ام والسفارة الأمريكية علمود نفس الموضوع وهذي هيه النتيجة الي وصلتلهه
الآي او ام ماتكدر تسويلك شي إذا انته اتزوجت وره دخولك لأمريكا , ماعدى في حالة إذا جانت مرتك مشتغلة ويه الأمريكا
غير هذي الحالة ماحيكدرون يسوولك شي, حيدوخوك وبالأخير يكلولك آسفين.
لم الشمل مالتك يصير من امريكا , وياخذله اقل شي 3 سنوات , تحياتي
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل مهاجر ابدي

  • عضو فعال جدا
  • ***
  • مشاركة: 156
    • مشاهدة الملف الشخصي
اخي العزيز
ارجع الى امريكا وقدم على re entry permit وعندها ستتمكن من البقاء خارج امريكا لمدة سنتين بدون مشكلة وحاول ان تجد محامي هجرة لكي ينصحك بأسرع طريقة لاستقدام زوجتك
تحياتي

غير متصل dr1985

  • عضو فعال جدا
  • ***
  • مشاركة: 358
    • مشاهدة الملف الشخصي
اخوان الي اعرفة تكدر تقدم زوجتة عال اي او ام حتى لو زواجة بعد دخلوة امريكا مابيهة شي

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اي اخوية دينتست بس هو يريد يبقى فترة بالعراق وهو مقدملها فعلا عالاي او ام بس يخاف لاتتأخر شغلتها شوية.

غير متصل dr1985

  • عضو فعال جدا
  • ***
  • مشاركة: 358
    • مشاهدة الملف الشخصي
اخت سرى شكرا عالرد
بس هي هاي اسرع طريقة وان كانت تاخذ وقت وماكو طريقة اقصر منهة على ما اعتقد

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
صحيح كلامك ومضبوط.

غير متصل بغدادي76

  • عضو فعال جدا
  • ***
  • مشاركة: 898
    • مشاهدة الملف الشخصي
ياصحيح ؟ يامضبوط !!!!!!! عمي انتو سائلين الأي او ام ؟ لو جايين تسوون تحليلات وأستنتاجات ؟
آني بنفسي مار بهاي المشكلة ويه الآي او ام , وكلولي إذا عندك عقد زواج تاريخه يقره قبل دخولك امريكا ... يصير , لكن إذا جان تاريخ العقد يقره وره دخولك لأمريكا فأنسه انسه .
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اخوية العزيز بغدادي هدي اعصابك هو الاخ بعد قدملها عالiom وين المشكلة؟

غير متصل احمد عباس

  • عضو مميز
  • ****
  • مشاركة: 1041
  • الجنس: ذكر
    • مشاهدة الملف الشخصي
ياصحيح ؟ يامضبوط !!!!!!! عمي انتو سائلين الأي او ام ؟ لو جايين تسوون تحليلات وأستنتاجات ؟
آني بنفسي مار بهاي المشكلة ويه الآي او ام , وكلولي إذا عندك عقد زواج تاريخه يقره قبل دخولك امريكا ... يصير , لكن إذا جان تاريخ العقد يقره وره دخولك لأمريكا فأنسه انسه .


ابن عمي هذا شي ممعقول يعني شلون الي يسافر بره ميصير يزوج بعد ؟ ثاني شي احنه شباب يعني غير نروح الامريكا نكون نفسنه ونضبط وضعنه يالله نزوج لو ناخذ بنات العالم ويانه ونبهذلهم فه اكيد الاخ راح ضبط وضعه يالله اجه ازوج

فه مستحيل الي يرجع من امريكا حتى يزوج ميخلون مرته تجي
الله | الوطن | الامنيه


غير متصل راميال

  • عضو فعال جدا
  • ***
  • مشاركة: 149
    • مشاهدة الملف الشخصي
السلام عليكم سؤال الله يخليكم انا زوجتي واطفالي طلعلهم امريكا عن طريق ال او ام سوريا واكملت كل شيء اذا وصلت الى امريكا تقدر اسوي لم شمل  اننا متزوجون من 15 سنه وستذهب هي واطفالي الى امريكا لاني في احدى الدول الاوربية  وكم تطول عملية لم الشمل ولكم مني كل الاحترام.

غير متصل فاعل الخير

  • عضو فعال جدا
  • ***
  • مشاركة: 174
  • زمن القيامة
    • مشاهدة الملف الشخصي
تحيــــة طيبـــة :
 الأخ .... راميال ....
   أذا زوجتك ذاكره بالقصة مالة لجوئها أنه أنت على قيد الحياة وبأي مكان كان .... فتستطيع أن تقدم معاملة لم الشمل أليك بعد أستلامها الكرين الكارت ( يعني بعد مرور سنة من وصولها الى أمريكا كلاجئة ) والمعاملة تأخذ وقت من يوم الى سنتين وهاي طبعا أذا استعانت بمحامي شاطر يمكن يختصر وقت لم الشمل الى كم شهر فقط ... أتمنالك الموفقيــــة وأنشاء الله يلتم شملكم ...
 أخوك .... فاعل الخيـــــــــــــــــــــــــر ...............

غير متصل بغدادي76

  • عضو فعال جدا
  • ***
  • مشاركة: 898
    • مشاهدة الملف الشخصي
حبايبي بكيفكم , آني مالي علاقة معقولة مامعقولة , آني ماجاي احجي استنتاجات , آني راسلت الآي او ام قبل سنه بسبب هذا الموضوع وكلامهم جان بالنص الواحد
إذا جان عقد الزواج تاريخهه قبل دخول الولايات المتحدة فزوجتك مؤهلة لدخول البرنامج , إذا جان عقد الزواج بعد دخولك الولايات المتحدة فالمنظمة ماتكجر تساعدك
والأخ يكدر يستشير محامي متخصص احن .
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل بغدادي76

  • عضو فعال جدا
  • ***
  • مشاركة: 898
    • مشاهدة الملف الشخصي
وهذي صورة الأيميل من البريد مالتي لجواب الآي او ام على نفس السؤال , اقرو زين السؤال والجواب وخاصة المكتوب بالأحمر , خليتلكمياه بمربع احمر , علمود لا أحد يعاندني بموضوع لم الشمل.


رابط مشاهدة الصورة
http://i56.tinypic.com/k0osus.jpg
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل مضروب ليزر

  • عضو فعال جدا
  • ***
  • مشاركة: 187
    • مشاهدة الملف الشخصي
اخوان السلام عليكم

اني عندي مقابلة اس اي في بعد كم اسبوع ,سؤالي اذا اتزوجت بعد المقابلة اكدر اضافة زوجتي للمعاملة اي قبل السفر ؟ .

او اراسل السفارة لتاجيل موعد المقابلة لحين اكمال معاملة الزواج.

لان بصراحة كنت ناوي احصل الكرين كارد و ارجع للزواج بس بعد اللي قريته اختلف عندي الوضع و اعتقد كلام اخي بغدادي 76 ما بيه مجال للنقاش او الشك .

الشكر الجزيل لكم

غير متصل مُغترب

  • عضو فعال جدا
  • ***
  • مشاركة: 617
  • الجنس: ذكر
    • مشاهدة الملف الشخصي
حبيبي بالتوفيق ان شاء الله ومبروك عليك الزواج وحياة سعيدة يارب  :)

وانت ليش ما اتزوجت قبل ماتطلع  >:(

يعني هسه حلوة من تسافر وتبقى هيه هنا وتجي وراك الله العالم شوكت  >:( >:(

اتشاقة وياك حبيبي بس اني كتبت هيج لان ردت اسوي مثلك بعدين بطلت  :P

ومن رأيي الافضل ان الواحد يطلع سوه ويا زوجته احسن حتى اذا يتاخر

يعني اقل احتمال تنتظر سنة هناك وهيه هنا ليش خطية

اكو واحد من لاعضاء الكرام رجل كبير بالسن

نسيت اسمه ولا صغرا بي وهو يمكن بولاية تكساس ومنتظر زوجته صار سنة ونص  :-\

الله يسهل اموركم جميعا

غير متصل ayoo11

  • عضو فعال جدا
  • ***
  • مشاركة: 171
    • مشاهدة الملف الشخصي
دننتظر المرافقة الامنية نتزوج لو شتنصحونا

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
دننتظر المرافقة الامنية نتزوج لو شتنصحونا

اخي ايوو
اتزوج وانت بمكانك وضيفها على المعامله وعيد المقابلات واخذها وياك احسن واضمن
وهيه تاخيره ويه هالتاخيرات
لتعوف شي وراك وتالي اتصير عليك امريكا جحيم واتعد الايام حتى ترجع تزوج
تره حياة العازب صعبه هناك خصوصا الي تارك وراه خطيبته
وياربي ايسهل عليكم

غير متصل شمعة

  • عضو مميز
  • ****
  • مشاركة: 1513
    • مشاهدة الملف الشخصي
 احي العزيز

طالما انك حامل الكرين كارت وتزوجت بعقد شرعي ورسمي موثق ومصدق  ومسجل في محكمة الاحوال المدنيه تستطيع العوده الى امريكا والتقديم على طلب لم شمل الزوجه من امريكا نفسها والموافقه تاخذ على حد معلوماتي بين 6  الى 8 اشهر فقط ..



تحياتي


شمعة