المحرر موضوع: ..(( تعالوا نتذكر ))..  (زيارة 7324 مرات)

0 الأعضاء و 1 ضيف يشاهدون هذا الموضوع.

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
..(( تعالوا نتذكر ))..
« في: 14:52 17/05/2011 »
هذا موضوع أتمنة يشتركون ويايه بيه أغلب الاعضاء المحترمين ..
لأن ببساطة هو موضوع ذكريات عشناهه جانت مشتركة بيناتنه
أحنه أهل العراق أيام زمان ..وكل اشتراك من الاعضاء المحترمين ..
يكون باللهجة العامية العراقية ..آني راح ابدي بعض ذكريات ..
وأكيد أنتظر أحلى ذكرياتكم .. وأذا جانت ..ذكريات خاصة أثرت بحياتكم
هم ميخالف .. أنتظر ذكرياتكم ...... ::) ::) ::)

1: منو من عدنه .. ما علج علج بوبي المحجر .. ياربي شكد جنت احبه ..
بنفس الوكت جنت أعلج تلاثة تلاثة سوه .... :D

2: جنت أموت على ساندي بل .. وكل عقلي هي حبيبتي
وكاعدة دور عليه .... ??? :)

3: اول مرة عزمنة صدام حسين بقصره .. سألني شنو اسمك يابطل ..
كولتله هشام ... كلي وابوك .. كولتله هذا هو كاعد يمك
أسأله .... خرب من الضحك وابوية مات من الخوف .... ::) :D

4: تذكرون نشيد (( الله واكبر للنصر خطواتنه .. راياتنه فوك النصر راياتنه ))
جانت ايام تخبل ... :'(

5: جنت أتمنى أصير مثل عدنان بكارتون عدنان ولينا .. وثاني يوم اروح للمدرسة
شكو واحد شر اتعارك وياه هو وجماعته يعني بالجملة يهجمون عليه ..
بنفس الوكت .. وهلكد أكل بسط ما صاير ... :o

6: تذكرون مدير المدرسة الابتدائية .. ولا يوم شفته يضحك ..تكولون عزرائيل ..ابن ال....
شايل مسطرة ويفتر وكل ميشوفني يبسطني هيج .. ودوم يكول انتوا اولاد
الزناكين مطاية اغبياء ... ياربي كد حاقد عليه آني ... >:(

7: تذكرون لمن يجي الشته .. واحنى كاعدين من الصبح
نريد نروح للمدرسة كوة نطلع من جوة البطانية ...
وبالشارع جنت انفخ انفاسي يطلع بخار
وأمثل كأنهو ادخن جكارة ..هاي طبعآ اول عشر دقايق من عز البرد ... :o

8: تذكرون علي العيساوي .. لمن طلع بأغنية
(( والله حرام ارباك )) شكد حبنه البنات وبعد
ما باع كل اشرطته نشروله صوره
وانصدمن كول البنات وصارت بيهن حاله نفسية
لان طلع يشبه عقله الاصبع ... ??? ???

9: منو من عدنة ينسة رفعة العلم يوم الخميس والشمس تصكع
بينه والنشيد الوطني (( وطن مداه على الافقي جناحا وارتدا
مجد الحظارات وشاحا .....))  :-\

10:  بنية كولتلها احبج .. لمن جنت بالخامس ابتدائي ..
كلتلي هشام اني مراح اكولك اني احبك لو لا .. اله لمن تنجح
اكولك اني .... ومن ذاك الوكت كضيتهه كلها
راسب .. راسب ..راسب ..
اقل شئ بسبع دروس ... ??? ??? ??? ;) :)

أنتظر ذكرياتكم الف تحية اليكم ايها المحترمين


:D


غير متصل haigo

  • مبدع قسم الهجرة
  • عضو مميز متقدم
  • *
  • مشاركة: 8598
  • الجنس: أنثى
    • مشاهدة الملف الشخصي
رد: ..(( تعالوا نتذكر ))..
« رد #1 في: 15:40 17/05/2011 »
هلو صديقي هشام ههههههههههه والله خربانه ضحك واني اقرا ذكرياتك وكلت شنو اليوم هشام حلمان بشي  ;D ;D


ذكريات حلوه بس اني كنت احب توم وجيري ما عدنان ولينا كنت استغرب اشلون يوكف على طياره باصبع واحد كان مخبلني بوكتها  ??? ??? ;D
سندباد البحري وعلي بابا كنت اكول معقوله هاي طيره تحجي وبعدين تطلع اميره واسمها ياسمين  :o :o


فلامنكو صدك ذكريات حلوه متنسي مثل حدث في مثل هذا اليوم خوش برامج مو  :o :o :o



تحياتي صديقي المحترم وكلش جميل موضوعك



 

غير متصل لورنس السفاح

  • مبدع قسم الهجرة
  • عضو مميز متقدم
  • *
  • مشاركة: 6523
  • الجنس: ذكر
  • لورنس العرب2
    • مشاهدة الملف الشخصي
رد: ..(( تعالوا نتذكر ))..
« رد #2 في: 18:55 17/05/2011 »
ههههههههههههههههههههههههههههههههههههههههه
والله هشام عندك سوالف خخخخخخخخخخخخخخ
العلج اني مكنت احبه اهووووووواي ن بسرعة تخلص حلاته ومينبلع فالجكليت احسن خخخخخخخخخخخ
اما ساندي بيل فدمرتني بمارك خلصت الحلقات كلها وهي ادور عليه خخخخخخخخخخخخ

ذكريات حلوووووووووووووووة فعلا
تحياتي


           انا من نظر الاعمى الى اهدافي        واسمعت صياحتي من به صمم

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
طبعآ اوكف الكم كولكم انت احباب روحي واشكركم من كل قلبي على جمال ضحكاتكم
وابتساماتكم .. شكد اني فرحان بيكم لاني كدرت اخليكم تبتسمون ..
طبعآ بعد ما اشكركم واحد واحد .. راح اكشفلكم عن ذكرى .. بحياتي ولازكة بية
الى اليوم .. وين ما اروح لمن اتذكرها اضحك اني .. مع هي قديمة هواي ..هواي اعجبتني مشاركاتكم
وذكرياتكم بس شوية زيدوهن بداعتي ...
الاهم الان ..

هايگو صديقتي هواي اشكرك على كول شئ
وهذا يفرحني انك تبتسمين .. وكل ما ذكرته هنا
هو حقيقي وربك مو حلم .. لعد شوفي الي راح اخبركم بعد شوية  :o

لورنس انت الفرح بذاته تحمل روح كلها طيب ونقاء اشكرك على
تواجدك وابتساماتك انت الغالي دوم على قلبي ...طبعآ ساندي هية مخبلة
كل الي يشوفوها صارت بذهنا مطبوعة ... ;) :)

العقيد الغالي الذي احبه دوم واحترمه .. شكد انت انسان متواضع
وحلو بطبعك ياغالي فرحتني وربك بتواجدك ...
وكل ذكرياتك اكيد هي جزء من حياتنا .. هذا اكيد
اشكرك حبيب قلبي على كل كلمة خليتها اهنا ...

الموناليزا صديقتي الغالية الي احترمها بكد الدنيا
ربي يخلي ضحكاتك كولهه من قبلك ولا تنكطع
على طول الدهر .. فرحتيني بفرحك وابتساماتك ...
اي وربك ساندي شلعت قلبي الى ان .. انغدرت والى اليوم ااذكر
شئ من الحقلة الاخيرة لان ماشفتها مكلوها بس لمن جانت يمكن تكص مع
مارك بالحفلة .. وشكد ضجت اني .. لان هية مجانت تدور عليهه ياربي ...
اشكرك كل الشكر على وجودك الي نورني ...

بداعتي سمعوا هاي الذكرى وراح تخربون من الضحك ..
جان عمري ماادري سبعة لو ثمان سنين .. طلبت من ابوية كولتله اريد توديني
لو العين التمر حتى اسبح لو توديني دائمآ للمسبح .. طبعآ اني وابوية رويسية من اول
يوم فتحت عيني الى اليوم .. جنت اموت على المسبح والمي .. كول فترة اخليهم يودوني للحبانية
لو فد مكان حتى اسبح ... المهم عاندني وماوداني اسبح ..
فد يوم اجة الظهر كعد كالي هشام اني عطشان .. جيبلي مي ..
رحت وصحت عليه .. ماكو مي بالثلاجة .. اتريد اطلعلك مكعبات ثلج
ومي من البوري .. اخليلك بالكلاص . طبعآ فرح وكالي اي بساع ميت من العطش ..
رحت جبتله المي البارد بيه مكعبات الثلج .. وكعدت على القنفة كبالة الفاصلة بيناتنة
امتار الهول ... كولتله تدري اليوم رحت سبحت .. تخبل ابوية .. وين ويامن شلون ..
كولتله شبيك تصيح .. وحدي صعدت للسطح .. العالي .. للتانكيات مال المي .. وسبحت بيهم ..
اتخبل فتح عيونة علية .. كال انت صدوك مخبل .. كولتله مو بس هاي ..
اني بولت بالتانكيات كولهن واحد ورة الاخ واني اسبح بيهن ... :o :o
وهذا مي التانكي الي دتشربة ..........
وعينكم لا شافت شكد اكلت بسط بيومها ... ;) :) :D :D :D :D :D :D :D :D :D





غير متصل ملكة الورد

  • مبدع قسم الهجرة
  • عضو فعال جدا
  • *
  • مشاركة: 329
    • مشاهدة الملف الشخصي
هههههههههههههههههه موضوع كلش حلوووو ذكرتني بايام زمان جنت اتخيل نفسي ساندي بيل وجنت اكول رح اصير مثلهاا صحفية اههههههههههه وافتر العالم  وذكرتني من جنت اكعد بدون حركة من تطلع سينما الاطفال ومن جنت اروح اشتري فلفل من فلح ابو العمبة ;) وجنت امنيتي البس حذاء جعب عالي  ;D هههههههههههههههه  من جنت اروح المدرسة بس دوام ظهري صبحي جنت اكرة وكل مرة اكول امي هل يوم مريظة حتئ ما ادوم صباحي من جنت اسمع صوت فيروز من الصبح واحنا كاعدين بل فورت وصوت كاضم الساهر من يكول الله ينتقم منج يا ايام  اوف ذكرتنئ باحلئ ايام حلوةة منك

ملكة الورد

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
ملكة الورد وسيدتهن صديقتي الرائعة
اشرك وربك على كل كلمة كتبتيها من ذكرايتك
هواي حلو تشاريكنة كل هالذكريات الحلوة الاهم انك ابتسمتي
وتذكرت اشياء حلوة .. وربي يسعدك بكل حياتك ..
 تصدكين اني كل ما اروح لبغداد مقري هو كرادة داخل اكيد
والفرق بين الشقة الي اسكنها وفالح ابو العمبة تقريبن ثلاث فروع
وبعده نفسه على الذبان والوصاخة الي بالمحل والعجيب كومة
كل ما اشتهي فلافل اروح أركض آكل عندة والأزدحام واصل للشارع هههههه

غير متصل مايكل اندريه85

  • مبدع قسم الهجرة
  • عضو مميز جدا
  • *
  • مشاركة: 3500
  • الجنس: ذكر
    • مشاهدة الملف الشخصي
هههههههههههههههههههههههههههههه  :) :) :D

شقولك ياهشام مبدع راقي ذوق ولااجمل ولااروع .....................

حيييييييل هاي وين وديتنا ....................

بيوم من الايام لمن جنت بالسادس الابتدائي  بصراحة جنت شاطر وخذيت الثاني عالصف المهم جنت لابس ساعة الكترونية وجان عدنا موضوع بالرياضيات بيه حساب ومدري شني مادا اتذكر بالضبط صار وياي موقف محرج شوية  كالتلي المعلمة تعال يمي شوية المهم مشيت وكضت ايدي ورفعتها علمود تشرح بيها للطلاب بس انا شصار بيه كمت اسحب الوان احس الطلاب كلها تباوعلي والمعلمة رافعة ايدي وانا مدنك راسي ونوبة  :-[ :-[ :-[ :-[  خلصت الشرح صرت قطعة حمرة من الخجل ورجعت للرحلة وخلص الانذار            { طبعا هاي قبل جنت اخجل هسه لاء ابشركم صرت كلاوجي وفد واحد كلششششش ههههههههه}

وبيوم من الايام دا نلعب بالساحة  مالت المدرسة وجانت الساحة كولها طين وماي كول نركض ومدري شنو لهناك زلكت ووكعت بس شصرت صرت رجل الطين انلبخت لبخة معدلة وتعال ضم روحك باقرب ختلة ههههههه

ومرة دا نمشي راجعين من المدرسة للبيت وجانت ماطرة والشوارع فايضة كلش المهم نمشي ونمشي لهناك دا نعبر شارع فايض وحاطين الناس بيه جسور صغيرة من الطابوك مثل ماتعرفون حتى الواحد ايطفر ويعبر للجهة الثانية امشي واطفر واعبر لهناك  دست على طابوكة وزلكت بس طحت طيحة   :o   بنكرة وكلها طين وماي واتزلك انوب صرت قطعة طين وماي والحلوة اريد اعدل روحي ماكو ضليت تاليتها جماعتي سحبوني بس ماخبي عليكم ضحكوا علي وانا همين ضحكت على روحي صرت مهزلة

ايه ايام ............... حلوة رغم مرارتها  ::) ::)



غير متصل kfc_w2002

  • مبدع قسم الهجرة
  • عضو مميز
  • *
  • مشاركة: 1554
  • الجنس: ذكر
    • مشاهدة الملف الشخصي
    • البريد الالكتروني
الله اخويه هشام شذكرتنه


بافلام كارتون سنان وكرندايزر والسندباد البحري عدنان ولينا

نستله عمااااار جنت اذا مو ٢ سوه ماحس بالطعم

لمن يجي الشتا واحنه كاعدين من الصبح
نريد نروح للمدرسة كوة نطلع من جوة البطانية ههههههه اني همممممم

رفعة العلم يوم الخميس والشمس تصكع
بينه والنشيد الوطني (( وطن مداه على الافقي جناحا وارتدا
مجد الحظارات وشاحا .....))

بابو القلافل "فلافل المدينه "يم بيت جدي بسوك المدينه مال زيونه
اويليييييييييييي شلون فلافل وياها يكثرلي العمبه وبطل الببسي

واتذكر مره وره مسمعت جدي يتكلم عن بطولاته من كان مضلي يقفز من الطياره
رحت سويت مضله كبيره من النايلون وردت اقفز من السطح العالي مال بيت جدي
المهم اجه اخويه الكبير سحلني من شعري حيلللللللللل ونزلني
واني اردد واكله والله ماموت خليني وهسه تشوف!!!
 
تسلم على هذا الموضوع الرائع دومك مميز صديقي هشام
حياك الله والمزيد من التالق والتميز
تقبل مروري
تحياتي

يرجى رفع صورة التوقيع عن طريق موقع عنكاوا كوم
uploads.ankawa.com

اذا الشعب يوما اراد الحياة فلا بد ان يستجيب القدر
ولا بد لليل ان ينجلي          ولا بد للقيد ان ينكسر

غير متصل ملكة الورد

  • مبدع قسم الهجرة
  • عضو فعال جدا
  • *
  • مشاركة: 329
    • مشاهدة الملف الشخصي
ربي يخليك ويفرحك سيدي العزيز ضحكت من كل قلبي الله الله شكد مشتاقة بغداد والكرادة والغدير وبغداد الجديدة احلئ ايام جانت واحلئ ذكريات هسة احنا بحصرة ناكل فلفل ابو الذبان ;D صدكني هسة كلش فرحانة واني اقؤاء مذكرتك ههههههههه ;) عندي سر اني من جنت صغيرة جنت كلش وكيحة جنت اضرب البنات والولد بل منطقة اشششششششششششششششش هذا سر ;) ;) ;) ;)

ملكة  الورد

غير متصل (( ام معتز ))

  • عضو فعال جدا
  • ***
  • مشاركة: 287
    • مشاهدة الملف الشخصي
هههههههههههههه والله عاشت الايادي موضوع كلش حلو
طبعا صدك ذكرتنا بعلك بوبي واشكد موطيب وجبير جان الخاطر الله بس ماكو غيره شنسوي وقبل جان اكو شي اسمه بيض الحمام وشرابت مادري اذا تعرفوه جانو يفترون ويبيعوه بالصواني ..ارد احجيلكم هاي السالفتين الي صارت بيا ودائما اتذكرها واضحك مااعرف اذا حتضحكم
بيوم جنت ويا والدتي طالعين من الدكتور مسويه كوي لخشمي وطالعة روحي
واحنا وطالعين جان يجي واحد مخربط ويتحارش بيا طبعا مااطولها عليكم ماشوف روحي الا ولازمته من ركبته جاي اخنكه طبعا امي تمشي قبلي ومدتدري شديصير وجان تكب العيطه ماما رأسا باوعت ليوراه اتكول اشوفج لازمته والناس ديحاولون يجروه
طبعا بعد ماعفته جان اكو واحد لمحته من بعيد يباوع من اجيت يمه خاف خطيه بعد ميعرف وين يخبي روحه
طبعا دا اكتبها واضحك على روحي
والقصة الثانية
بيوم اني وزوجي كاعدين بالكلية جنا هستونا مخطوبين
وفريق مال طوبه ديلعبون كدامنه وجان تجي الطوبه يمنا
فزوجي البطل كام على اساس يرجعها الهم وكام ... وهو ديضربها جان تشحطلك رجله بالكاع بحيث التراب كله كام والطوبه بعدها بمكانها طبعا شتريد مني خربت من الضحك وذولاك الخبثاء يضحكون بعد خطيه صارت اذاناته حمممممر
إذا أنت أسديت جميلاً إلى إنسان فحذار أن تذكره، وإن أسدى إنسان إليك جميلاً فحذار أن تنساه...

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
طب‘آ وربكم ما ادري شكوللكوم ضحكت وعشت كول لحظة انتوا كتبتوها
وحسيت بيها كأني وياكم كولكم .. شكد حلوين ياربي انتوا تخبلون
يعني صدوك الي يشوفنا اهنا بهاي المحبة حقة ينقهر ويموت بحقده
لعد .. دوم نبقة على هذا الشكل نحب بعض بكل برائة لايفرقنا ابد اي شئ
الاهم ذكرياتكم هي نفسها ذكرياتي دا احس بكل طعمها .. بلحضاتها الفرحة
شكد اني ممتن الكم كولش هواي والله وشاكر على تواجدك وياية
ربي يبعد عنكم كل شر ويحميكم ويحمي كول الناس الي تحبونهم ..
اتقد اشكرك واصافحكم واحد واحد ..

 سيدة الورد وملكتهن رورعة ذكرياتك كروحك الطيبة اشكرك سيدتي المحترمة
وتأكدي انت الى الان تشبهين ساندي ببرائتهه ...

ماركوس العظيم ياربي شعندك وية الطين والمطر هلكد ضحكت
ربي يكتبلك كل الفرح بحياتك اشكرك عمري انته

kfc_w2002  أستاذي الغالي ذكرياتك عشتها لحظة بلحظة كأني وياك
كنت .. شكر الك بكد الدنيه ...

السيدة المحترمة الصديقة تايهة كم انت وردة منورة بيناتنا
فرحتيني وربك ضحكت الى ان شبعت ضحل لشهر
ذكرياتك هواي حلوة اتمنى يكون كل شئ بحياتك هو حلو ورائع ...
شكر لك على وجودك الي يشرفني اكيد ...

الف تحية احترام اليكم ايها الغالين النبلاء انتم امل العراق وخيره فيكم ...

غير متصل مظلومه سوادي

  • مبدع قسم الهجرة
  • عضو مميز جدا
  • *
  • مشاركة: 3860
    • مشاهدة الملف الشخصي
خويي فززت بودواس والجهال من النوم من الضحك
وخاصة علي العيساوي  ;D

خويي جا شلون ايام جانت ايبااااااااااااخ احلى سنين عمري الطفوله عشنه طفوله بريئه وحلوه وصافيه والحمد لله

اول شي جنت اتسووووووووووودن على علج بوبي واعلج كل اثنين سوه وجان سوادي الله يرحمه من يشوفني يكلي
اييييييييه علج المخبل ترس حلكه  ;D

شغلة الكارتون جنت اموووووووتن على بسيط وعلى السنافر وعلى سمبل وعلى بومبو السياره المرحه  ;D
وجنت املخ الولد من الكتل بالابتدائيه لان جانوا يكلولي مظلومه خشمج جنه خشم بومبو  ;D

ارقى شي ارقى شي اللعب بالشارع يعني الميلعب بالشارع لو بالدربونه يعني ماعايش طفولته
جنت كلمااشوفن سوادي الله يرحمه جاي من بعيد اسويلي مكسوره ويه الجهال واروحن اختل بعباته
جامنو اليكدر يحجي وياي
وكييييييلهه تلزم حنجهه وتكول اصطبريلي  ;D

وارقى شي ارقى شي
من جنه بتموز بعز الحر نتروكض بالشوارع وندكدك الجرس مال العالم الساعه 3 الظهر
وتررررررررررررررررن ومن يطلعون ننهزم على انغام الفشاشير مالتهم  ;D

طبعا كل شخص من عدنه جان يخاف من شي سخيف مايخوف
احزروا من شنو جنت اخاف  ???
من الركي الجبير
اتخيل راح ينفشك ويطلع منه ديناصور زغير  ;D

وجنت احبن تلفزيون الشباب  وخاصة دعاية الشروق
بيهه شكل ردح للبنكه  ;D

غير متصل مايكل اندريه85

  • مبدع قسم الهجرة
  • عضو مميز جدا
  • *
  • مشاركة: 3500
  • الجنس: ذكر
    • مشاهدة الملف الشخصي
صديقي كيتاريست نبض المنتدى هشام تاج راسي حبيبي تسلم على الكلمات الحلوة الرائعة ايها النبيل الصديق الوفي . 

غير متصل كلي امل

  • مبدع قسم الهجرة
  • عضو مميز جدا
  • *
  • مشاركة: 3783
    • مشاهدة الملف الشخصي
والله موضوع حلو وحبيت اشارككم ذكرياتي احلى ايام عشتها ببغداد بس تدرون جانت مشكلتي هي الهروب من الكليه يعني يمكن اداوم يوم واحد بلاسبوع والباقي كله بلمطاعم وابويةاللةيرحمة يداوم ويايه طبعابنفس الجامعه ، جان عميد الكليه الي مقابل كليتي واتعجب شون جنت اطلع والله من اتذكر  يوميه جنا نجمع فلوس ونروح لو لمطعم فلس لو لمون لايت لا وفوگاها جنت مرات ابوگ فلوس هم مجنت اعرف حرام اگول هيه فلوس وابويه حاطها عتلفزيون غير يعني اخذو ومرات يفوت ابويه للكليه يطلع ميلگي السياره حتى السياره هم گمت ابوگها وكل اسبوع ينزل اسمي بصفحه الاعلانات انذااار بلفصل من وره الغيابات واروح اشگگه اخاف ليقرا ابويه وكل اسبوع نسوي گروب ونروح بوت واضل ارجف من الخوف لحد يشوفني هم لو داتونس ميخالف بس حتى تصفگ ماصفگ اضل گاعده بلاخير وحاطه رجل على رجل واضرب بوزات واشرب ببسي هههه وبعدين تبت تدرون شون مره احنا دنصعد بلبوت طبعا من مرسى الزوارق اول مصعدنا گالو نرحب بضيوفنا من الكليه الفلانيه الي هي هيه كليه اخوتي ثنينهم وجمدت بمكاني لابيه انزل خاف الاگي واحد منهم ولا بيه ابقى لان اذا شافوني تصير كتلتي عمل شعبي واگضيلكم الساعتين بلحمامات من هاي السفره الزينة

غير متصل ميمي2010

  • مبدع قسم الهجرة
  • عضو مميز جدا
  • *
  • مشاركة: 2726
  • اللهم صلى وسلم وبارك على سيدنا محمد وعلى آله وصحبه
    • MSN مسنجر - ma_iraq201111@yahoo.com
    • ياهو مسنجر - ميمي2010
    • مشاهدة الملف الشخصي
موضوع كلش حلو حلو ذكرتوني بالايام الحلوة الي راحت وما اتصور  بعد راح ترجع
اشو نسيتوا نستله بسكولاته ام الفراولة وام البندق  :) :) :) :)
واحلى شي سينما الاطفال والمقدمة مالتة الي جانت تجيب الاطفال وتشرحلهم الفلم وتسالهم
بحيث اني  لحد الان كلش احب اتفرج على افلام الاطفال  عبالك بعدني طفلة  وغيرها وغيرها

صدك ايام جانت حلوة

شكرا اخوي كاتب الموضوع هشام لان ذكرتني بايام حلوة وعزيزة على قلبي
اللهم صلى وسلم وبارك على سيدنا محمد وعلى آله وصحبه وسلم
عدد حروف القرآن حرفا حرفا
وعدد كل حرف ألفا ألفا
وعدد صفوف الملائكة صفا صفا
وعدد كل صفا ألفا ألفا
وعدد الرمال ذرة ذرة
وعدد كل ذرة ألف ألف مر

غير متصل مايكل اندريه85

  • مبدع قسم الهجرة
  • عضو مميز جدا
  • *
  • مشاركة: 3500
  • الجنس: ذكر
    • مشاهدة الملف الشخصي
ايييييي ........ اتذكرت فد شغلة كلش حلوة ....... جنت بالثالث الابتدائي على مااذكر المهم بالمدرسة بيوم من الايام جانت هدوء وجان بيها اجتماع للمعلمين بالادارة وباب الادارة مسدود المهم شوية صار ديحان للطلاب وبوكت العرنوص ف السالفة اكو طلاب اثنين تعاركو بالعرانيص  المهم ضلو فترة يركضون وماادري شنو   شو شوية اتطورت وبدت رقعة الاشتباكات تاخذ بالاتساع المهم المدرسة كلها كبت وماتشوف بالهوا الا العرانيص المتطايرة ونوب شوية ودخلوا عنصر الحصو بالحرب الطلابية زين هذا الحجي اني وين لبدت فنكم لبدت جوى الرحلة حتى اسلم من الطلقات العرنوصية الطائشة وكذلك الحصو  المهم الاشتباكات الحرب استمرت تقريبا نص ساعة انفلات امني ........... الى ان............ طلع المدير والمعاون بالعصص ومعهم كم معلم ودخلوا  ساحة الحرب لفض الاشتباكات وطبعا  ونجحوا بفض الاشتباكات واعتقلوا عدد من الطلاب وشبعوهم دك واغلقوا المدرسة تمهيدا لعمليات مداهمة وبسط جماعي للطلاب المهم  يشابه الموقف مثل قوات مكافحة الشغب هما والهراوات  بس الحلوة اني بالصف ووياي جم واحد ماانبسطنا لان من اجوا مداهمة عالصف لكونا جوى الرحلات .......... وبذلك نجينا من بسطات بعصص موطبيعية جان ورمت ايدينا بس لبدتنا نجتنا ......................

تحياتي لاستاذي الغالي كيتاريست السيد الصديق النبيل هشام المحترم صاحب الموضوع الرائع ..........

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
كلي شكر ألم انتوا الطيبين الرائعين بصدقكم وبمحبتكم
شكد اني فرحان بيكم وبهاي لمتكم الغالية على قلبي
واتمنى ربي يديمها علينا الى ما لا نهاية بفرح نتذكر ذكرياتنا
ونعيش اجمل حاظرنة .. ونشوف بيعن لامعه لمستقبلنه
نمشي اله .. صدوك فرحت لمن شفتكم بكل سعادة
تعبرون عن ذكرياتكم وايام الخير .. اتمنى ان يكون
الكم الخير في كل خطوة من حياتكم ..
اتقدم اصافح الغالين منكم المحترمين بكل حب اشكرهم

مظلومة سوادي سيدتي انت من انصار بسيط
اني كنت اظن عمرك كبير طلعت اني شايب وما ادري
كل الشكر لك على ذكرياتك الي فرحتني اكيد وعشتها كل
كلمة بيها ...

ماركوس العظيم الذي احبه موت واحترمه ياغالي لتشكرني
على اي شئ اني الشاكر لك على كل خير تخليه بصفحتي
بردك وذكرياتك الرائعة الجميلة بالاخص حرب الصفوف بالعرنوص  ;) :) :D
ذكرياتك رائعة مثل روعة روحك ياغالي

كلي امل .. حبيبي الغالي يشرفني انو تكون وياية
في موضوعنا تشاركنا احلى ذكرياتك يالله شكد جنت
ابوك سيارات ابوية وعمامي .. لمن جان عمري 11 سنة
ابوية ما عفت بوكات سيارته الى ان اشتارلي سيارة واني عمري
13 سنة وكل يوم يخابر دائرة المرور حتى يطلعها من الحجز
جانت ايام حلوة صدوك ذكرياتك كلها جميلة صديقي العزيز




غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
رد: ..(( تعالوا نتذكر ))..
« رد #17 في: 09:19 30/07/2011 »
ميمي 2010 صديقة عزيزة محترمة شكد اتشرف بوجودك
كلك كرم انت جنت ويانه اهنا .. تكتبين احلى الذكريات
اي والله نستلة بسكولاتة صحيح وراس العبد يالله
شكد جنت آكل منها  :)
لان ماكوغيرهن ولمن جنت اريد ماكنتوش وموز اوصي يجيبولي من الكويت
 ..الاهم انت موجودة معنا وها كل افراحنا اكيد
اشكرك على كل شئ .. صديقتي المحترمة

غير متصل (Michael)

  • عضو مميز
  • ****
  • مشاركة: 1427
    • مشاهدة الملف الشخصي
رد: ..(( تعالوا نتذكر ))..
« رد #18 في: 09:22 30/07/2011 »
ذكرتني بايام زمان ;D

غير متصل غجرية

  • عضو فعال جدا
  • ***
  • مشاركة: 267
    • مشاهدة الملف الشخصي
رد: ..(( تعالوا نتذكر ))..
« رد #19 في: 20:15 31/07/2011 »
ههههههههههههههههههههههههههههههههه ممبين عليك هيج شقيههههههههههه.موضوعك كولش حلو حنين الى الطفولة والماضى
اني جنت اموت على دايسكي حلو وشعره طويل واحلم بواحد بطل مثله
واكره كوجي لانه غبي :D
اما علك بوبي احب اجمع صوره
بس ايامه جانت كولش بريئة
_مره المعلمه كالتلي بومه لحد الان متأذية من حجايتهة  :( :( :'( :'(
 وجنت اموت على درس الفنيةجنت اخذ بي درجة كاملة
والبنات الشاطرات يموتن من القهر لان اني احسن منهن  ::) ::) ::)
لحد الان اذكر نضراتهن  >:( >:( >:( >:(
 الان هن يدرسن الطبية واني بالاكاديمية  :D :D :D :D

اذا انتة سبحت بمي التانكي اني سبحت بمي طين ;D ;D ;D ;D ;D
*جنت كلما اشوف كارتون واتأثر بي اروح وارسمه على حايط الدرج :D :D :D
والحايط  مليان شخابيط هههههه بس والله شخابيط مؤثرة اغلبها من اوسكارهههههههههه
شكرآ على الموضوع الحلو واللة تونست

هذه لوحة عازفة الكمان من رسوماتي

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
رد: ..(( تعالوا نتذكر ))..
« رد #20 في: 17:22 01/08/2011 »
:) حلو ذكرياتك غجرية واني اقرأ الج جنت ابتسم وتزداد ابتسامتي على
وجهي الاهم كل ما اتمناه الج انو تكون ايامك كلها خير وسعادة
شكرآ على كل شي كتبتيه النا وشاركتينا بيه
تذكري بعد وخلينا دوم نعيش وياج ذكرياتج الحلوة
تحياتي لك صديقتي المحترمة

غير متصل مشلوع كلبي

  • مبدع قسم الهجرة
  • عضو مميز
  • *
  • مشاركة: 1065
    • مشاهدة الملف الشخصي
رد: ..(( تعالوا نتذكر ))..
« رد #21 في: 22:48 01/08/2011 »
موضوعك جميل جدا يذكرنا بايام الطفوله الجميله
الله اشكد جنا انحب رفعه العلم ونشيد لاحت رؤوس الحرابي تلمع بين الروابي ولفات الفلافل والعنبه كلش هوايه وكل افلام الكارتون حلوه كلها اتابعها وحتى من اتزوجت وصار عندى اطفال اتابع وياهم وكمت اسجل الهم حلقات نيلز  وكاتولى كلها ونرجع نشوفها مسجله على الفيدو
واحلا ايام من نطلع من الكليه وانروح انشوف فلم جديد بالسينما لو نتمشى اشويه بالاعظميه او نروح نسوك  لو نمر المغربيه للكراده واحلى السفرات لما نروح للحبانيه
والله ضحكتنا هوايه اخى هشام وخصوصا من صادام حسين يسالك على اسمك

ههههههههههههههههههههه

تحياتى لك

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
رد: ..(( تعالوا نتذكر ))..
« رد #22 في: 13:48 04/08/2011 »
بكل تأكيد سعادتي هي وجود انسان طاهر الورح مثلك سيدتي مشلوع قلبي
شكد اني اتشرف بيج وربك يعني لمن اشوف اسمك هلكد
افرح واحس اني سويت فد شئ اله قيمة ومعنى
اما عن ما كلتيه عن ضحكاتم البريئة شكد حسيت اني
سويت فد عمل خير ورسمت ابتسامة على وجوهكم
الكريمة .. اشرج كل الشكر وما اعرف شلون ارد
على كل ما تحسنين الي به من ردود اروع ما يكون
ذكرايتكم رائعة ليش الشرف ان اعيش بعض منها
واني اقرة ما كتبتيه رائعة انتي سيدتي
تحية كلها احترام لكم وتقدير 

غير متصل ابو سالين

  • مبدع قسم الهجرة
  • عضو مميز
  • *
  • مشاركة: 1166
    • مشاهدة الملف الشخصي
    • البريد الالكتروني
رد: ..(( تعالوا نتذكر ))..
« رد #23 في: 16:17 12/08/2011 »
طبعا ذكرتنه باحله ايام الي نتمنه يرجع منه ولو يوم واحد ..بس عندي سؤال الاخ هشام اتذكر عاف المنتدى رجع انشاءالله لو بس عايدين المواضيع القديمه ..الاخ هشام عزيز علينه ونتمنه يكون راجع للمنتدى

غير متصل كيتاريست فلامنكو

  • مبدع قسم الهجرة
  • عضو مميز جدا
  • *
  • مشاركة: 2521
  • الجنس: ذكر
  • الملح من اثر الدموع على جدار البيت لي .!!!!!!!!
    • مشاهدة الملف الشخصي
رد: ..(( تعالوا نتذكر ))..
« رد #24 في: 16:49 12/08/2011 »
اهلآ بك ايها السيد الرائع الجميل استاذي
المحترم ابو سالين لقد اسعدني تواجدك في موضوعي
ربي يديم عليك كال افراح كما افرحتني بتواجدك
اجل سيدي انا ربما غضبت من افعلا بعض الناس واذيتهم
وهذا امر انت تعرف يكون لكل شخص اكيد له تواجد كثير
من اناس غريبوا الاطوار
ولكن عنكاوة هو بيتي ووطني ان كنت بعيد عن بغداد
وحتى قبل ثلاثا اشهر كنت في بغداد وعندما اغضب مما يحدث اخرج اقول لن اعود اليها
ولكن دومآ اكون في وطني دومآ اعود اليه هذا بيتي سيدي الغالي
انا متواجد ولكن قليل في بعض الاحيان لكي ارضي بعض الذين
يؤذيهم تواجدي لان مواضيعي في اغلبها تضع مرآت امام الاخر
فيرى نفسه بدون انسانية يتجه الى الشر ويفعل ما يفعله ..
الاهم انت معي الان وانت احد الذين اراهم اجمل الرائعين يكونو معي
انتم كنزي اكيد وكل ما املك .. لان محبتكم هي الاساس التي تجعلني
استمر ربما حتى في هذه الحياة فالرائعين من امثالك يمدوني
بالامل ان هناك خير سيكون في العراق وكل مكان
تحية كلها احترام وتقدير اليك سيدي وصديقي المحترم