احتمال كبير اني اتخذ قرار صعب

[محيسن]

خلال هذا الشهر احتمال كبير جداااا  اذا ماتغير شي من ناحية العمل  والحصول على وضيفة 

سوف اتخذ  قراري يالعودة  وكل  من في كندا  يعرف الاسباب صعوبه في الحصول على العمل  والحصول  على عمل  من سابع المستحيلات  وماريد احجي كل شي يريدون خبرة كنديا  وهم ماكو شغل حتا المطعم يريدون خبرة كنديه  وشغلة العامل بالاحلام بس تتحصل 

وسوف يكون هذا قراري  واختياري   


مجيسنابوجوجوو

[haigo]

والله عرفت هذا قرارك لان نفس شي حسيت واحس اليوم بس فكر زين لان وراك جوجو مستقبله اهم مو


احترامي الك ابو جوجو

[angie-dawood]

ابو جوجو انت باي مدينة بكندا

[ــــ{{{ABADY}}}ـــــ]

صديقى واخى محيسن  لا تفكر بنفسك .....فكر بجوجو

[ــــ{{{ABADY}}}ـــــ]

انجى محيسن فى تورنتو

[kfc_w2002]

اخويه محيسن شنو مينطوك مساعدات؟؟؟
تره الفرصه تجي مره بالعمر فكر قبل لتتخذ هيج قرار مصيري
يعني قابل العراق احسسسسسسسسن؟؟؟

تحياتي

[angie-dawood]

ليش ماتغير المدينة انتقل الى ونزر اكثر بيها شغل اخويه انتقل قبل يومين من ساسكاتون الى ونزر يكول اكثر اكو شغل اذا عندك خبره ميكانيك هو راح يفتح محل لتصليح السيارات لو عندك شوي خبره جان وصيته تشتغلون مع بعض

[محيسن]

انة في تورونتو  


والله  يا اخواني  واخواتي  من  يوم اجيت  الى هذا اللحضة  وانة قاعد  اعاني  من العنصرية الموجودة في كندا  يعني  يجيبون الواحد  ويشمرو بالشارع  انة وزوجتي  عدنا شهادات جامعة  ووضائف عالية بس  كل هذا  وقلنة  نشتغل  في  كل شي  عامل  اي  شي  وهم  رضيت  وشتغلت  زبال وجرسون  وبالمصانع  وووووو  ورضيت  بكل هذا  الشغل  وفوق كل  هذا  ياخذونك  بالطلب  يعني  حسب  الحاجة   اذا  اكوو  ضعط شغل  ياخذونك  ومو بس  انة اعاني  قابلت  كثير من العراقييين  والعرب  وكثير  من الجناسي   وكنت  كاتم كل هذا  الفترة  واضحك واسولف بس  داخلي  عذاب  كل  يو  م  اقول  باجر  احسن  ولا كن  الى الاسوء  


حتا  شغل  فالنتير  قدمنا  هم  رفضونة  انة  ويا  زوجتي  يعني  شنوو انسوي  اكثر  من هذا  الشي   شغل  بلاش  حتا ناخذ الخبرا الكندية  يخافون يشغلونة حتا لاناخذ   الخبرة  الحجي مايخلص  

[محيسن]

انة عندي  هجرة   وكل  شي  على  حسابي   وصرفت مبلغ  كبير  خلال  الاربع اشهر   الي  فاتتت 

[شموسه123]

محيسن والله انقهرت على حجيك بس من ساعه لساعه اكو فرج لاتياءس ربي يوفقك يارب

[أبو نعال]

ولدي العزيز محيسن
لا تيأس من رحمه الله اصبر

كثر من الدعاء الله ما ينسى عباده

اللهم ان كان رزقي في السماء فانزله وان كان في بطن الارض فاخرجه وان كان بعيدا فقربه وان كان عسيرا فيسره وان كان قليلا فاكثره وبارك فيه برحمتك ياارحم الراحمين  

[محيسن]

محيسن والله انقهرت على حجيك بس من ساعه لساعه اكو فرج لاتياءس ربي يوفقك يارب

اشكرك  اختي  شموسة  وهذا  من طيب  اصلك  واشكر  كل  الاخوان  والاخوات  على  كل  مشاركاتهم  وادري  بيكم  لو بيدكم  شي  ماراح  تقصرون  والله  يفرجها   على الجميع 

[ĈAŃDŶ]

محيسن انت ليش طلعت من العراق مو لان مالك مستقبل وتخاف هناك ؟؟؟؟
هسه اذا ترجع مو نفس الشي رح يكون
ع الاقل فكر بابنك وبالامان ولو تاكل خبز ومي اشكر ربك مليون مرة
اخوية فكر زين ترة تندم العمر كله وهاي الهجرة فرصه يتمناها الكثير

بلتوفيق

[محيسن]

ترى كل  الي  تحجونة  صحيح  مية بالمية   بس  تعالوو  وعيشوو  وضعي

ملاحضة  انا  التقي  بمجموعة   من  الاصدقاء  وهما  موجودين  في  المنتدى عنكاوا  اكثر  من  واحد  وعارفيين  الوضع  في  تورونتو  بالذات  يعني  عندي  3 اصدقاء  وهما   اخوان  عزيزين  على  والحجي   الي  قاعد  اقولة  والوضع  الموجود في تورونتو  لا يطاق

ماكنتوشة   كلامك  والله  صحيح  بس

ابو نعال  حببيبي  اشكرك  على  هذا  الدعاء  الرائع 

[Sound of Soul]

اخي محيسن قرار الرجعة قرار خاطئ جدا في الوقت الحالي
انصحك ان لا تيأس وظل دور شغل لا بد ما تلكا بالاخير...
انت دتلاقي هسة صعوبة لانك دخلت كندا هجرة مو لجوء حسب ما قريت الك باحد ردودك بالمنتدى
فميخالف اخوية اكيد بدون دعم الحكومة رح تتعب بشكل مضاعف عن اللاجئ
لكن خلي ايمانك بالله كبير ربك اللي وصلك من العراق لكندا مينساك كون على يقين
ومجرد تفكير بسيط بمستقبل ابنك المفروض يخليك تعيد حساباتك مليون مرة
قبل ان تخطي هيجي خطوة .... ربي يفرجها معك يارب ومع الجميع ...

[محيسن]

حبيبي محسين كلامك كله صحيح وانا وياك بس اكو شغله اريدك تنتبه الها
انت الان تمر بمرحلة ولادة جديده كل شي اله ثمن انت باوع للبعيد حيل
واصبر اخي انت من ترجع يعني انت رجعت سنين مو ايام راح يروح كل تعبك بلاش
ومن ترجع تذكر كلامي هذا والتجربه خير برهان كل الي رجعوا تندموا هواي وعضو اصابع الندم
وهسه جاي يردون يرجعون مكادرين بس
 انا عندي حل الك شوف اخي اذا عندك فلوس تكدر تسافر للعراق روح انت واهلك كم اسبوع وشوف
الحاله وانت احكم

تحياتي اخي الغالي وفكر مليون مرة قبل لا تتخذ قرار مصيري الك ولاولادك

على  راسي  يا العقيد   يكفي  مشاركتك  حبيبي  انة ماقايل  شي  بس  اذا ماكو شغل  يعني  معدوم  شلون  تعيش  

على فكرة  انة  مهاجر  يعني  ماكو اعانة  

[محيسن]

اخي محيسن قرار الرجعة قرار خاطئ جدا في الوقت الحالي
انصحك ان لا تيأس وظل دور شغل لا بد ما تلكا بالاخير...
انت دتلاقي هسة صعوبة لانك دخلت كندا هجرة مو لجوء حسب ما قريت الك باحد ردودك بالمنتدى
فميخالف اخوية اكيد بدون دعم الحكومة رح تتعب بشكل مضاعف عن اللاجئ
لكن خلي ايمانك بالله كبير ربك اللي وصلك من العراق لكندا مينساك كون على يقين
ومجرد تفكير بسيط بمستقبل ابنك المفروض يخليك تعيد حساباتك مليون مرة
قبل ان تخطي هيجي خطوة .... ربي يفرجها معك يارب ومع الجميع ...

اختي  الارمنية  كلامك  وكلام كل  الاخوان صحيح   وانة  قاعد ادور الى  هذا اللحضة 

دعواتكم  الي  ان  الاقي  شغل خلال هذا الفترة   

واشكر  مشاعركم   

[عراقي كرادي]

اخي العزيز ................... موضوعك صعب .............. وصح انت ادرى بنفسك وحالتك ............. بس الي اترجى انه تتانى شويه وتصبر وتفكر اكثر ........... وتنتظر تغيير يطرأ عليك حتى لو بسيط وبعدين قرر.............. واذا عند الي يكفيك لفترة بسيطة ............... بعد احسن ............... حتى تتاخذ قرار بعيد كل البعد عن ضغوطات الحياة ومشاكله ومتخلي هاي الضغوطات تاثر على قرارك ........

تمنياتي الك بالتوفيق والسعادة والنجاح.

الله يكون بعونك.

[شمعة]

ابو  جوجو  افتح التلفون بسرعه خطي وياك مفتوح ..



شمعه

[محيسن]

اخي  عراقي  كردي  اعتز بكل كلمة قلتها   

وربك  كريم  ما  ادري  شنو يصير الايام الجاية

حبيبي  شمعة  تلفوني  مفتوح  تقدر  دق  اي وقت

[(( ام معتز ))]

ربي يفرجها عليكم ويسهل اموركم ويرزقكم يارب

[ميمي2010]

اخي محيسن لن اضيف على كلام الاخوة الي سبقوني ...
نعم اخي الحياة بلا عمل صعبة جدا وهذا عن تجربة
ولكن ما تتحدث عنه قرار مصيري والله يعينك اخوي على اتخاذه ماهو صحيح وبمصلحة عائلتك
اخوي العزيز ياريت لو تصلي حضرتك او  ام جوجو صلاة استخارة قبل متخطون اي خطوة
وان شاء الله سوف تهتدون الى الطريق الصحيح بأذن الله
اتمنالك اخي كل التوفيق والنجاح

[محيسن]

ربي يفرجها عليكم ويسهل اموركم ويرزقكم يارب

تسلم  حبيبي  ويارب تفرج على الجميع اشكرك على المشارك في الموضوع 

[محيسن]

اخي محيسن لن اضيف على كلام الاخوة الي سبقوني ...
نعم اخي الحياة بلا عمل صعبة جدا وهذا عن تجربة
ولكن ما تتحدث عنه قرار مصيري والله يعينك اخوي على اتخاذه ماهو صحيح وبمصلحة عائلتك
اخوي العزيز ياريت لو تصلي حضرتك او  ام جوجو صلاة استخارة قبل متخطون اي خطوة
وان شاء الله سوف تهتدون الى الطريق الصحيح بأذن الله
اتمنالك اخي كل التوفيق والنجاح

اختي  العزيزة   انه اعرف انة القرار مو سهل  بس  ؟ 

يارب  الايام الجاية الله  يفرجها  وتتغير  الامور  بدعواتكم يارب وانا  سعيد  باهتمامكم بموضوعي 
ودعواتكم  وهذا الشي  يسعدني  لاني  احسن  ليس  لوحدي  هنا  بل  مع  اخواني  واخواتي  الله  لايحرمني منكم  ومن دعواتكم  لكل انسان  متضايق  ويارب  تفرج  على  الكل 

تحياتي 

[شمعة]

ابو جوجو وربك البارحه ساعتين ونص ادك عليك وانته ماكو .. بس لا جنت فوك السطح لو كاعد بالطشت 


والقرار اللي  ابالك عوفه ولا اتفكر بيه وخليها على ربك .. ربك ما ينسى احد ولا ينسى الطيبين ...

واذا حجيت بالقرار مره ثانيه تره اسويها مو زينه وياك وازرف الطشت واغركك 




الكابه صاعده من وره ابو جوجو ..



شمعه

[windtalker]

عيني ابو جوجو العن الشيطان واصبر شويه بلكت الله يفتحلك باب من ابواب رحمته انته صبرت
واعتقد انته مطالب هم تصبر لاجل اولادك الله يخليهم وشكر الك

[shaunThe sheep]

الله يسهلك اخويه محيسن

وربك شكاتبلك تشوف وان شاء الله ماتشوف غير كل خير

تتقبل تحياتي

[Broken_Man]

و الله يا ابو جوجو اني اول واحد يكولك ارجع و انعل ابو العيشة بالمذلة , لا تكولولي صعوبات و بداية و من هالحجي و اني متاكد اقل شي ابو جوجو ذبلة فد 30 الف دولار بالشط حتة يوصل كندا و اذا بقة هناك ما راح يحصل اي شي , عمي ارجع لبنان و كون نفسك هناك و هذا المبلغ لو ذابة او مستثمرة بلبنان اني متاكد راح تعيش مرتاح و صافي بالك و ما ادوخ بالعيشة و اما بالنسبة لجوجو الله وكيلكم رزقة موجود و مستقبلة موجود ماطول عندة ابو مثل محيسن , تحياتي الك

[العدل اساس الملك]

ابو جوجو تحياتي لك
اصبر عمي
وشد حيلك واخر الصبر النجاح ان شاء الله
ايكو ناين

[لورنس السفاح]

هلو ابو الجوج
شلونك حبيبي
الله كريم اخي انطيها مجال شوية انت مصارلك كم شهر
بلكت ربك يسهلها
تهون ان شاءالله
اهم شيء لاتستعجل
بالتوفيق عزيزي

[اسراء بغداد]

اخ محيسن مااكول غير بس

 الله يوفقك يارب ولاتضوج نفسك الي كاتبة رب العالمين يصير وانت من جانبك سوي الي تكدرلة وهذا كلش كافي

انت سويت العليك وانت اعرف بضروفك والمكان الي ترتاح بي

ويارب تسهل امورك كلها بحق محمد وال محمد