المحرر موضوع: وين الخلل؟.. بالعراقيين لو بالمنظمة لو بالولاية لو هية شغلة حظ؟؟!!!!  (زيارة 14013 مرات)

0 الأعضاء و 1 ضيف يشاهدون هذا الموضوع.

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
السلام عليكم...
بداية اسف على انقطاعي غير المتعمد عن المنتدى خلال الاسبوع الماضي لاسباب عديدة اولها هو انشغالي بسفرة عائلية استمرت لمدة 5 ايام داخل الولاية مابين الغابات والبحيرات والصحاري !!!
وخلال سفرتي هذه كنت ادخل للمنتدى من موبايلي وشفت كم موضوع اثار اهتمامي منها موضوع لاحد الاخوة حول امريكا وكيف ان البعض يقول انها (زبالة) وموضع ثاني للاخ الغريب في الوطن حول رجوع العوائل العراقية من كنتاكي الى العراق!!
طبعا ... اكو مثل يقول (رب صورة ابلغ من 1000 كلمة ) ولانه صارلي 9 اشهر في امريكا فقد كونت مجموعة افكار وخواطر احببت ان انقلها لكم ...
اولا وقبل كل شيء ... اذا انتة تريد تعيش بامريكا ومصمم على هذا الشي راح تعيش واذا انت جاي ومقرر انه اتريد اتجرب حظك وتشوف واذا ماعجبك الوضع ترجع فأني اضمن لك الرجوع للعراق او لغيره مية مية ....... يعني وقبل ماقلت في مواضيعي السابقة .. في لحظة نزولك وفي اول مطار امريكي ضع كل ماضيك وكل مشاكلك السابقة في كيس وارمية في اقرب سلة مهملات ... لاتحملها معك لانك سوف تجد نفسك بعد فترة محاصرا بها شئت ام ابيت ...
المنظمات اللي بامريكا اولا وقبل كل شيء ماراح تبقة وياك للابد ولاراح توفرلك كل شيء وهي تختلف بدرجة اهتمامها باللاجيء من منظمة الى اخرى .. بشكل عام المنظمة راح اتفيدك اول الامر في اكمال اوراقك ومساعدتك على التعرف على المجتمع وبعد ذلك راح تتركك رويدا رويدا .. اذا المنظمات مفيدة بشكل محدود للاجيء ويمكن للاجيء الاستفادة منها اول الامر ...
الولاية او المدينة المتوجه اليها اللاجيء!!!!
وهذه تشكل حلم مرعب وكابوس يطال الكثيرين ... الولاية الفلانية مابيهة شغل .. المدينة هذي احسن من هذيجي ... ايكولون فلان ولاية احسن من فلان ولاية ... وووووووووووووووووووووووووووووو
الموضوع بشكل بسيط بسيط ... ارادة الشخص وعزيمته واصراره هي التي تجعل من هذه الولاية جيدة او غير جيدة!!
انا مثلا وكما يعرف الكثيرين اعيش في ولاية نيومكسيكو مدينة البوكركي ... وقبل المجيء لهذه الولاية اتصلت كثيرا باشخاص اعرفهم في امريكا وسالتهم السؤال التقليدي الشائع : (( شلونهة الولاية ؟؟؟))
وجاءت الاجابات سريعا سريعا :(( تعبانة .. عاوية ... مابيهة شغل ... فقيرة ... انتة شجابك لهالولاية التعبانة ... غيرهة احسلك ... شورطك ... شوفلك غير ولاية ... كلهة مكسيك ... ماراح تلكه شغل لو بعد 100 سنة!!!! )) والكثير الكثير من الاجابات المحبطة !!!
اني اول ماوصلت مطار ميامي بفلوريدا يوم 14 تشرين الاول 2010 طلعت كيس فارغ وشمرت بي كل هذا الحجي والخرابيط والسوالف التعبانة باقرب سلة زبالة كرمكم الله!!
من اول يوم لوصولي قررت مابيني وبين نفسي انه اني جاي هنا كي ابني حياة جديدة لي ولعائلتي ومالي علاقة باي ماضي تعبان او حجي تعبان من سوالف العراقيين هنا ..
بداية الامر تعرفت على العديد من العراقيين هنا واعادولي نفس الاسطوانة المشروخة ... نفس السوالف ونفس الحجايات والخرابيط عن المدينة والولاية ... مع ملاحظة انهم كلهم بدون استثناء عايشين على المساعدات والويلفر ومحد يشتغل منهم ولاساعة بالاسبوع..!!!!
اني شسويت اسمع هالحجي بالاذن اليمنى وارجع اطلعها من الاذن اليمنى همين !!!!
وكما كتبت في موضوع سابق عن العمل وكيف وجدته في الولاية ... فانني الان اعمل بعملين ومرتاح بيهم وزوجتي تعمل هي الاخرى واشتريت سيارتين واولادي مرتاحين في المدرسة ومتونسين وكل عطلة نهاية اسبوع نطلع لسفرة بالولاية ...!! والجماعة اللي سولفولي السوالف هذيجي لحد الان بعدهم في نفس المكان يراوحون!!
ومثال اخر قد يتذكره البعض منكم وهو الاخ روكو ابو وسام اللي اجه قبل شهر الى مدينة امريللو في تكساس وشلون المنظمة سوت وياه وشلون رحت اني علي وجبته الى مدينتي وهو حاليا تقريبا اموره جيدة وحصل شغل قبل اسبوعين في محطة بانزين 3 ايام بالاسبوع كل يوم 12 ساعة تقع على الطريق السريع .. والبارحة حصل شغل بارت تايم بستوور 3 ايام بالاسبوع كل يوم 4 ساعات ... وهوة مرتاح كلش والبارحة رحنة اني ووياه اشترى سيارة ...
اخواني ...
الموضوع لايتعلق بالولاية  ولا بالمدينة  ولا بالمنظمة  ولا بالحظ ولابكل شي ...
الموضوع يتعلق بارادة الشخص وتصميمه وعزيمته وقديما قالت العرب (( من رام وصل الشمس حاك خيوطها سببا لاماله وتعلقا))
واخيرا ... هذه صورة لاحد البحيرات التي امضينا فيها ليلتين انا والعائلة وتقع على بعد 170 ميل من مدينتي ... ((شوفوا امريكا شلون بيهة زبالة!!!!!!))


تحياتي   ابو سارة


غير متصل السفير80

  • عضو مميز جدا
  • *****
  • مشاركة: 2210
  • الجنس: ذكر
    • ياهو مسنجر - hues201@yahoo.com
    • مشاهدة الملف الشخصي
اخي كلامك كله صحيح الانسان لازم يخلي كدامه الهدف حته يكدر يوصله وان شاء الله التوفيق لجميع المسافرين

غير متصل فـلـونـا

  • عضو فعال جدا
  • ***
  • مشاركة: 869
    • مشاهدة الملف الشخصي
شكرا اخونا ابو سارة عالكلام الرائع

والله يوفقك انت والعائلة

غير متصل ابن الرافدين للابد

  • عضو فعال جدا
  • ***
  • مشاركة: 293
    • مشاهدة الملف الشخصي

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1736
    • مشاهدة الملف الشخصي
    • البريد الالكتروني
اني هم انزل صور للنرويج وعلى عناد ارمي سترونك وتحت عنوان ,,, حاتات النرويج  ::) ::) ::) ::) ::)

غير متصل مالايكي

  • مبدع قسم الهجرة
  • عضو مميز
  • *
  • مشاركة: 1201
  • الجنس: ذكر
    • مشاهدة الملف الشخصي
شكرا للموضوع اخي  طبعا حجيك والله صحيح  ومع الاسف اهواي يروحون   بس شغله كم شهر ويرجع  




اخوك رامي  من بلاد الحبشه    ;D ;D ;D ;D ;D ;D

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1736
    • مشاهدة الملف الشخصي
    • البريد الالكتروني

اخوك رامي  من بلاد الحبشه    ;D ;D ;D ;D ;D ;D

وين كاعد يم النجاشي  :D :D :D :D :D

غير متصل مالايكي

  • مبدع قسم الهجرة
  • عضو مميز
  • *
  • مشاركة: 1201
  • الجنس: ذكر
    • مشاهدة الملف الشخصي
اني هم انزل صور للنرويج وعلى عناد ارمي سترونك وتحت عنوان ,,, حاتات النرويج  ::) ::) ::) ::) ::)



ههههههههه  

غير متصل ARMY STRONG

  • عضو مميز جدا
  • *****
  • مشاركة: 4214
    • مشاهدة الملف الشخصي
اني هم انزل صور للنرويج وعلى عناد ارمي سترونك وتحت عنوان ,,, حاتات النرويج  ::) ::) ::) ::) ::)


شنو بس انتو عدكم حتايت ::)

و هاي احلى صوره (للكدعات) مال بلجيكا :D :D :D :D  



عمي الخلل بينا

اليوم آخر يوم اليه وياكم راح أروح وبالقلب ذكراكم
 وعد مني إلكم وأحلف يمين لو وكف قلبي ولا أنساكم
 

غير متصل RaptoR

  • عضو فعال جدا
  • ***
  • مشاركة: 199
  • الجنس: ذكر
    • مشاهدة الملف الشخصي
اني هم انزل صور للنرويج وعلى عناد ارمي سترونك وتحت عنوان ,,, حاتات النرويج  ::) ::) ::) ::) ::)
اشو كصيرات هذني ما يفيدن،
لابساتلي 300 تنورة وحدة فوك اللخ

غير متصل ابن الحله

  • مبدع قسم الهجرة
  • عضو مميز
  • *
  • مشاركة: 1497
  • الجنس: ذكر
    • مشاهدة الملف الشخصي
ذهب صافي و الرب الخلقك تسلم اخي الغالي على هاي التجربه و هاي النصيحه و هاي النظريه

ابـــــــن الحـــــــله

غير متصل RaptoR

  • عضو فعال جدا
  • ***
  • مشاركة: 199
  • الجنس: ذكر
    • مشاهدة الملف الشخصي
اني هم انزل صور للنرويج وعلى عناد ارمي سترونك وتحت عنوان ,,, حاتات النرويج  ::) ::) ::) ::) ::)



ههههههههه  
هههههه
زين هذوله شبيهم كلهم كاظين اوباما
شنو لازمين الحجر الاسود  ;D
صايره كض اخوك لا يطيح  ;D ;D ;D

غير متصل Jerry echo

  • عضو فعال جدا
  • ***
  • مشاركة: 395
    • مشاهدة الملف الشخصي
    • البريد الالكتروني
السلام عليكم 
والله ...ما أقدر أقول غير موضوع راقي وصاحبه هم راقي

غير متصل azizaliraqi

  • عضو فعال جدا
  • ***
  • مشاركة: 919
    • مشاهدة الملف الشخصي
    • البريد الالكتروني

الموضوع لايتعلق بالولاية  ولا بالمدينة  ولا بالمنظمة  ولا بالحظ ولابكل شي ...
الموضوع يتعلق بارادة الشخص وتصميمه وعزيمته وقديما قالت العرب (( من رام وصل الشمس حاك خيوطها سببا لاماله وتعلقا))


احسنت اخويه ابوصفاء وهاي جملتك الاخيره هيه خصم الحجي

بعدين سؤال لكل الي يحجون ويشكون من المنظمات : من سافرتو للدول العربيه او غيرها من الدول
احد استقبلكم واحتضنكم واهتم بيكم وظل يركض وياكم يدبرلكم سكن وياخذكم للمستشفيات ويكمل معاملاتكم وووووو؟؟

تحياتي للجميع
اللــهــم صل على سيدنا محمد وال محمد

غير متصل ام مهند

  • عضو مميز
  • ****
  • مشاركة: 1360
    • مشاهدة الملف الشخصي
مبدع كلعادة

شكرا للموضوع

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
عاااااااشت الايادي ابو ساره ومقصرت
موضوع  على الجرح

غير متصل jack black

  • مبدع قسم الهجرة
  • عضو مميز جدا
  • *
  • مشاركة: 2368
  • الجنس: ذكر
    • مشاهدة الملف الشخصي
         الاخ ابو ساره عاشت وسلمت الايادي للتوضيح دائما مواضيعك حلوه وتمتاز بالوضوح الجميل وفوكاها منزل الصور الرائعه بارك الله بيك  :o :o :o تحياتي jack black

غير متصل نــــــــــوار تيتــــــو

  • عضو مميز جدا
  • *****
  • مشاركة: 2065
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي
عاشت أيدك والله  صدك  انك من الناس الي تستحق التقدير بمعنى الكلمه

تحياتي

غير متصل كلي امل

  • مبدع قسم الهجرة
  • عضو مميز جدا
  • *
  • مشاركة: 3783
    • مشاهدة الملف الشخصي
يسلمو ابوساره دايما تحب المساعده الله ييسر امرك

غير متصل ريحـــانه

  • عضو فعال جدا
  • ***
  • مشاركة: 816
    • مشاهدة الملف الشخصي
اخي ابو ساره كلامك صحيح ميه بالميه و لا يختلف عليه اثنين بس اني اعتقد الحظ هم يلعب دور يعني الشغله ينرادلها
حظ + مثابره

مشكور

غير متصل هاكر بسيط

  • عضو فعال جدا
  • ***
  • مشاركة: 83
  • الجنس: ذكر
  • اشكر الجميع على تعاونهم ومساعدتهم لي
    • مشاهدة الملف الشخصي
كلامك جدا صحيح اخويه وممنون منك يا ورده
اتمنى التوفيق والسعاده لكل زوار المنتدى لانكم اشخاص تستحقون الاحترام والتقدير

غير متصل *ghaith*

  • عضو فعال
  • **
  • مشاركة: 66
    • مشاهدة الملف الشخصي
سلمت يمينك يا ابو سارة الورد
يا الريحان. .
شكد نده نكط على الضلع
وانسيت اكلك.... يمته
شكد رازقى ونيمته
وشكثر هجرك عاشر ليالي الهوى وما لمته

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
والله عمي كلامك صحيح وذهب اللي يريد يعيش يجاهد في الحياه مو يتذمر اسعى يا عبدي هذا الصحيح ...اتمنى لك التوفيق انت وعائلتك في حياتك الجديدة والكثير من الرحلات الداخليه  ;D ;D ;D

غير متصل xxlm569

  • عضو مميز جدا
  • *****
  • مشاركة: 2059
    • مشاهدة الملف الشخصي

غير متصل messi10

  • عضو فعال جدا
  • ***
  • مشاركة: 938
    • مشاهدة الملف الشخصي
حبي كلامك ذهب و صحيح بس ردت اكلك شغلة انت شفت الموضوع امريكا (زبالة) بس مادخلت قريت المفيد الي بلداخل مو؟؟  ;D
هوة الموضوع جان عن الناس الي يكلك امريكا ازبالة ( حشا الجميع طبعا ) و الحجي الموزين عن امريكا من تسألهم و همة مجلبين بيهه ميرجعون لأنه يدرون كلش زينة.. اني شفتة موضوع زين لأنه هواية ناس خاصة الي بالعراق ماخذ هاي الفكرة عن العيشة بأمريكا و الي عايش بأمريكا ميفكر يساعد اخوه الي بالعراق...
اريد اتشكرك عن موضوعك الحو و الله يوفقك و ياريت لو تكتبلنة مواضيع عن الدراسة مثل ماكان يعمل ابو قمر بس هوة اهتم بالجانب الاقتصادي اكثرشي... تحياتي الك و بالتوفيق

غير متصل يوزارسيف

  • عضو فعال جدا
  • ***
  • مشاركة: 702
  • الجنس: ذكر
  • متى تكتحل عيون الطيبين برؤيا يوسف آخر الزمان؟؟
    • مشاهدة الملف الشخصي
    • البريد الالكتروني
تسلم اخي ابو سارة .. دوما متميز في مواضيعك الجميلة ، هذا الكلام الذي يرفع المعنويات و يشحذ الهمة لدى المسافر القادم للولايات قريبا ..نتمنى ان نرى المزيد من ابداعاتك في المنتدى ...تحياتي.
متى تكتحل عيون الطيبين برؤيا يوسف آخر الزمان؟؟

غير متصل ابو هنودة

  • عضو فعال جدا
  • ***
  • مشاركة: 666
    • مشاهدة الملف الشخصي
أخي العزيز ابو سارة الورد
كلماتك بلسم للجرح بلكت يوكف نزفه
مع اعتذاري مقدما ً الى كافة اخوتي واخواتي مصيبتنا ان بعضنا يعطي انطباعنا سيئا ً عن كل العراقيين ويروح الاخضر بسعر اليابس كثير منا يتصور انه احنا اصحاب فضل على امريكا لان وافقنا الذهاب اليها ولذلك فهي مجبرة ان تدفع لنا رواتب وتسكنا وتعيشنا طول عمرنا ( يعني احنا تمبل ابو رطبة ) . نلاحظ مع الاسف الشديد الكثير في هذا الموقع ينتقد امريكا لانها بعد 8 اشهر تقطع عنك المساعدات والراتب كنت اتمنى ان اسألهم منو منكم العراق اعطاه دينار واحد مساعدات عمر عشنا في بلدنا ما تفضل علينا بدينار حتى من كانت الحصة التموينية هم كنا ندفع فلوس ويومية الحزب والثورة محملينا جميل هذا مدعوم من قبل القيادة الحكيمة وبعد ما تحرر البلد واصبح ديموظراصي الحصة التموينية هم تمظرطت ويا الديموظراطية ، وكل يوم يطلع لك واحد يثير اعصابك ويكلك ليش ما ينطونا وشنو بس 8 اشهر وهو الشغل وينة والمكسيك والسود عبالك امريكا مال ابو لو ملك مال مامي، اخوان امريكا انطتكم جنسية بلد اتحدى اي دولة اذا تكدر تتحارش بحاملها واولهم دولنا العربية والاسلامية، انا متاكد هسة اكو ناس شبعتني مسبات وشتائم وتكول هذا غير حمار ما يفتهم هاي بقية الدول السويد واستراليا وغيرهم كثير تدفع للاجئين فاقول هذا الكلام صحيح هاي الدول تريدنا ان نعيش كالحيوانات ناكل وننام اولا ونبقى محتقرين من ابناء البلد لانهم يدفعون ضرائب والحكومة تصرفها على ناس تاكل وتنام ومع الاسف الشديد نحن فرحانين بهذا الوضع لأننا مرتاحين اكل ونوم وقلة صنعة وعالة على الاخرين  فمن فينا الحمار
صحيح الدنيا حظوظ ولكن لا ننسى قول سبحانه وتعالى ( اسعى يا عبدي وانا اسعى معك )
اخوان اللي يريد امريكا تصرف عليه وتعيشة لا يروح واللي موجود هناك خلي يرجع كافي ويفسح المجال الى غيرة يجرب حظه واكو نقطة مهمة ايضا ً لازم ولابد وضروري نخليها نصب اعيننا لاتكول شهادتي ولا انا جان منصبي بالعراق لان بامريكا محد يقيمك على شهادتك لو منصبك يقيموك على اخلاقك والتزامك واحترامك للقوانين وصدقك بالتعامل
ارجو المعذرة اذا كانت كلاماتي قاسية لان من يستفزني هو مني وليس غريبا ً عني

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
حبي كلامك ذهب و صحيح بس ردت اكلك شغلة انت شفت الموضوع امريكا (زبالة) بس مادخلت قريت المفيد الي بلداخل مو؟؟  ;D
هوة الموضوع جان عن الناس الي يكلك امريكا ازبالة ( حشا الجميع طبعا ) و الحجي الموزين عن امريكا من تسألهم و همة مجلبين بيهه ميرجعون لأنه يدرون كلش زينة.. اني شفتة موضوع زين لأنه هواية ناس خاصة الي بالعراق ماخذ هاي الفكرة عن العيشة بأمريكا و الي عايش بأمريكا ميفكر يساعد اخوه الي بالعراق...
اريد اتشكرك عن موضوعك الحو و الله يوفقك و ياريت لو تكتبلنة مواضيع عن الدراسة مثل ماكان يعمل ابو قمر بس هوة اهتم بالجانب الاقتصادي اكثرشي... تحياتي الك و بالتوفيق

اخي مسي
شكرا على المداخلة...
اني قصدت من طرحي لموضوع الزبالة في امريكا هو مشاركتي لصاحب الموضوع وليس العكس...

تقبل تحياتي

ابو سارة

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
أخي العزيز ابو سارة الورد
كلماتك بلسم للجرح بلكت يوكف نزفه
مع اعتذاري مقدما ً الى كافة اخوتي واخواتي مصيبتنا ان بعضنا يعطي انطباعنا سيئا ً عن كل العراقيين ويروح الاخضر بسعر اليابس كثير منا يتصور انه احنا اصحاب فضل على امريكا لان وافقنا الذهاب اليها ولذلك فهي مجبرة ان تدفع لنا رواتب وتسكنا وتعيشنا طول عمرنا ( يعني احنا تمبل ابو رطبة ) . نلاحظ مع الاسف الشديد الكثير في هذا الموقع ينتقد امريكا لانها بعد 8 اشهر تقطع عنك المساعدات والراتب كنت اتمنى ان اسألهم منو منكم العراق اعطاه دينار واحد مساعدات عمر عشنا في بلدنا ما تفضل علينا بدينار حتى من كانت الحصة التموينية هم كنا ندفع فلوس ويومية الحزب والثورة محملينا جميل هذا مدعوم من قبل القيادة الحكيمة وبعد ما تحرر البلد واصبح ديموظراصي الحصة التموينية هم تمظرطت ويا الديموظراطية ، وكل يوم يطلع لك واحد يثير اعصابك ويكلك ليش ما ينطونا وشنو بس 8 اشهر وهو الشغل وينة والمكسيك والسود عبالك امريكا مال ابو لو ملك مال مامي، اخوان امريكا انطتكم جنسية بلد اتحدى اي دولة اذا تكدر تتحارش بحاملها واولهم دولنا العربية والاسلامية، انا متاكد هسة اكو ناس شبعتني مسبات وشتائم وتكول هذا غير حمار ما يفتهم هاي بقية الدول السويد واستراليا وغيرهم كثير تدفع للاجئين فاقول هذا الكلام صحيح هاي الدول تريدنا ان نعيش كالحيوانات ناكل وننام اولا ونبقى محتقرين من ابناء البلد لانهم يدفعون ضرائب والحكومة تصرفها على ناس تاكل وتنام ومع الاسف الشديد نحن فرحانين بهذا الوضع لأننا مرتاحين اكل ونوم وقلة صنعة وعالة على الاخرين  فمن فينا الحمار
صحيح الدنيا حظوظ ولكن لا ننسى قول سبحانه وتعالى ( اسعى يا عبدي وانا اسعى معك )
اخوان اللي يريد امريكا تصرف عليه وتعيشة لا يروح واللي موجود هناك خلي يرجع كافي ويفسح المجال الى غيرة يجرب حظه واكو نقطة مهمة ايضا ً لازم ولابد وضروري نخليها نصب اعيننا لاتكول شهادتي ولا انا جان منصبي بالعراق لان بامريكا محد يقيمك على شهادتك لو منصبك يقيموك على اخلاقك والتزامك واحترامك للقوانين وصدقك بالتعامل
ارجو المعذرة اذا كانت كلاماتي قاسية لان من يستفزني هو مني وليس غريبا ً عني


عاشت الايادي ابو هنودة....


ابو سارة

غير متصل مايكل اندريه85

  • مبدع قسم الهجرة
  • عضو مميز جدا
  • *
  • مشاركة: 3500
  • الجنس: ذكر
    • مشاهدة الملف الشخصي
 الاخ الغالي ابو سارة  اني اتفق وياك تماما  وعاشت ايدك على الموضوع الاكثر من رائع

اتمنالك كل التوفيق 


ماركوس 

غير متصل شربوتة

  • عضو فعال جدا
  • ***
  • مشاركة: 428
    • مشاهدة الملف الشخصي
    • البريد الالكتروني
موضوع جدا رائع اخي العزيز ابو سارة , وفعلا من تقرآه يزيدك اصرار بالعمل والمثابرة حتى توصل وتوّصل عائلتك لبر الامان وتوفرلهم الحياة الي تعوضهم عن مالاقوه من تعب وقهر وحزن ضيم كل هالسنين العاشوها , بارك الله بيك اخوية وجزاك الله كل خير ويحفظلك العائلة والاولاد ويزيدكم من نعيمة بحق الحبيب المصطفى ....
سأصبر حتى يعلم الصبر اني .. صبرت على شي امّر من الصبر

غير متصل ** AL SHAEEA **

  • مبدع قسم الهجرة
  • عضو مميز جدا
  • *
  • مشاركة: 3236
  • الجنس: ذكر
  • رأس الحكمــــــــة مخافــــــــــــــــة اللـــــه
    • مشاهدة الملف الشخصي
كلام ذهب ومن جد وجد وبارك الله بيك وبالتوفيق



قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف شكراا اخوية صفاءءءءءءءء موضوع رائع ويرفع المعنويات واليوم كبل باجر اريد اجي لامريكا بارك الله بيك

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
غير دكولي حتى اجي وياك ابو الصوف ;D

رحله حلوه اكيد وموضوع احلى

تحياتي

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
اخي عكعك ... ابو احمد العزيز
اشكرك على المداخلة ... من صدك صدك السفرة كانت كلش كلش حلوة ...
السفرة الجاية اتكون التكساس .. هيوستن .. بعون الله..

ابو سارة

غير متصل داليا الوردة الوردة

  • مبدع قسم الهجرة
  • عضو مميز
  • *
  • مشاركة: 1824
  • الصبر مفتاح الفرج
    • مشاهدة الملف الشخصي
الاخ ابو سارة

كلامك كله عالراس وعالعين  والله اني ممخلية ببالي ان اعتمد عالمساعدات انما اريد اشتغل وادرس واعيل الاولاد

لكن المن تكول هالكلام الاي او ام سادة اذانها وعيونها وخشمها بعد علينا ومدانعرف ليش الله يكون بعون كل المنتظرين يارب

ونشكر كلامك المتفائل الجميل بنص هالاحباطات اللي نمر بيها واللي انت مريت بيها لسه اتذكر صورة الشايب اللي كنت مخليها توقيع ههههههههههه واتذكر الحادث الجبان اللي تعرضتله والحمد لله رب العالمين على كل شئ وامنياتي لكم بحياة سعيدة والتوفيق يكون حليفكم في جميع مجالات الحياة والله يحفظ الاولاد جميعا

وسفرة سعيدة وسلملي عى تكساس واهل تكساس


تعبنة والله تعبنة

غير متصل Abdullah2006

  • مبدع قسم الهجرة
  • عضو مميز
  • *
  • مشاركة: 1986
  • الجنس: ذكر
  • تعبنا من انتظار العيد
    • مشاهدة الملف الشخصي




Send the data and get IZ-128 at may2011
First interview 6 June 2012
Medical test 29 Jul 2012
Second interview 13 Aug 2012
Sponsor contact 1 Oct 2012
Deferral Letter 17 Oct 2012
Security Check Completed 10 July 2013
Arrive to US at 24 Jul 2013

غير متصل Celine

  • عضو فعال
  • **
  • مشاركة: 60
  • الجنس: أنثى
    • مشاهدة الملف الشخصي
اخي كلامك كله صحيح الانسان لازم يخلي كدامه الهدف حته يكدر يوصله وان شاء الله التوفيق لجميع المسافرين



ان شاء اللهة يارب للجميع ........
سفير 80 ووين اكو مواضيع تتعلق بالتحديد عن ولاية تكساس هيوستن لانة دااريد اعرف كل شي عنها مع التفدير

غير متصل alihatef82

  • عضو فعال جدا
  • ***
  • مشاركة: 452
  • الجنس: ذكر
  • East Or West Home Is The Best
    • ياهو مسنجر - ??????
    • مشاهدة الملف الشخصي
السلام عليكم ممكن احد يكولي اذا واحد عليه باند من القوات الامريكيه ومقدم على  iomيحق  اله يطلع لو لا واذا اي اكو واحد من جماعتكم طلع

غير متصل فانتوم

  • عضو فعال جدا
  • ***
  • مشاركة: 184
  • الجنس: ذكر
    • مشاهدة الملف الشخصي
    • البريد الالكتروني
شكرا للأخ ابو سارة وابو هنودة على المواضيع الحلوة والله حطيتوا النقاط على الحروف

غير متصل ابو هنودة

  • عضو فعال جدا
  • ***
  • مشاركة: 666
    • مشاهدة الملف الشخصي
اخي العزيز فانتوم
اولا ً لا شكر على واجب
ثانيا ً العجيب ان هناك من يغالط نفسه ومتأثر بأقاويل قد أكل عليها الدهر وشرب والله احنا اصحاب تاريخ وحضارة واحنا اللي علمنا العالم واحنا احفاد الفارابي والرازي والقعقاع وعنتر بن شداد واحنا واحنا وكانوا اجدادنا ، اجدادنا انتهوا من زمان وتركوا لنا تراثا ً عظيما ولكننا لم نحافظ عليه واصبحنا منبوذين ونستحق الشفقة وما زلنا نكابر ونتعالى على لا شيء، ليش امريكا ما تدفع النا رواتب طول عمرنا وليش الفوت ستامب ينقطع وليش المعاملة تا خرت وليش وليش والف ليش كأنه احنا اللي مربين ومعيشين امريكا ، اكو واحد سأل نفسه السؤال التالي :-
من هم الامريكان ليقدموا لنا كل هذه المساعدات والامتيازات هل هم من بقية اهلنا ام لنا دينا برقبتهم ويردون الجميل لنا اليسوا هم الزنادقة والكفرة. اين هم المؤمنون من دولنا الاسلامية  والعربية هل قبلوا لاجئا ً واحدا فقط في بلدانهم وهم الذين اكلوا وشربوا وتنعموا بمضيف العراق اليسوا من شددوا علينا وعرقلوا دخولنا بلادهم هل ساهموا في مساعدة لاجيء واحد عن طريق اي منظمة من المنظمات اليست جميع المساعدات والرواتب والخدمات الانسانية هي من دول الكفر والالحاد والشهادة لله ان الشيخة موزة ساهمت بمبلغ من المال قبل عامين لاحدى منظمات رعاية الامومة والطفولة واشترطت ان يكون هذا المبلغ لرعاية الاطفال العراقين في الاردن .
دعونا نقف ونرفع يدينا الى الباري عز وجل ونطلب ان يديم هذه النعمة علينا لأننا لولاهم  لاصبحنا كقشة تتقاذفنا الامواج  في بحر هائج ، اذا تصور احدكم انني مرتاح من الوضع الذي انا به فهو غلطان مليون بالمية الذي يمر بالظروف التي مررت بها يطلع من دينة على كولة العراقيين ولكن الحمد لله الذي الهمني الصبر ، للعلم انا من جماعة 2007
اتمنى من كافة الاخوة ان يتحلوا بالصبر الى ان يفرجها الله على الجميع

غير متصل أبن خير

  • مبدع قسم الهجرة
  • عضو فعال جدا
  • *
  • مشاركة: 597
  • أبحث عن وطن
    • مشاهدة الملف الشخصي

صفاء الكرخي

بارك الله فيك .. كلام رائع وأنت على حق والله .. أللي يبقى عايش على المساعدات عمره ميصير براسه خير مع الأحترام
ويبقى يجمل من فلوسه ويرجع الى الوراء .. تحياتي اخوية والله يوفقك ..
تقديري

أخوك أبن خير

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
اخي ابن خير
لاشكر على واجب

غير متصل عراقي كرادي

  • مبدع قسم الهجرة
  • عضو مميز
  • *
  • مشاركة: 1745
  • ياعراق..ياموطني يا أحلى وطن.
    • مشاهدة الملف الشخصي
شكرا اخي على الموضوع...........وصح الي يبقى عايش على المساعدات يضل عايش بمستوى المساعدات ومايطور.....ومن جد وجد.

تحياتي




اللهم صلِّ على محمد و آل محمد

غير متصل (( ام معتز ))

  • عضو فعال جدا
  • ***
  • مشاركة: 287
    • مشاهدة الملف الشخصي
عاشت الايادي على الموضوع الجميل تمنياتي بالموفقية يارب
إذا أنت أسديت جميلاً إلى إنسان فحذار أن تذكره، وإن أسدى إنسان إليك جميلاً فحذار أن تنساه...

غير متصل Abu Ibrahim

  • عضو
  • *
  • مشاركة: 9
  • الجنس: ذكر
  • When there's a well .. there's a way
    • مشاهدة الملف الشخصي
عاشت إيدك اخوية أبو سارة .. كلام صحيح و جميل و مشجع في ذات الوقت

جزاك الله خير


غير متصل husseinalaa

  • عضو فعال جدا
  • ***
  • مشاركة: 217
    • مشاهدة الملف الشخصي
I'm coming back soon

غير متصل Sound of Soul

  • اداري
  • عضو مميز متقدم
  • ***
  • مشاركة: 13127
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php/board,53.0.html

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل ام محمد العراقية

  • عضو فعال جدا
  • ***
  • مشاركة: 608
    • مشاهدة الملف الشخصي
مشكور اخ ابو سارة على رفع المعونيات

سفرة سعيدة وان شاء الله دائما نسمع اخبار حلوة وطيبة

انت والعائلة وجميع العراقيين


غير متصل Gamma

  • 0c68-1200-924/8651130915_4504cebea7_o.jpg
  • عضو فعال جدا
  • ***
  • مشاركة: 347
  • الجنس: ذكر
    • مشاهدة الملف الشخصي
    • البريد الالكتروني
الاخ صفاء عاشت ايدك على هالمقالة اتمنالك ولكل انسان طموح الموفقية و الحياة السعيدة.
تحياتي
Gamma :D
وما نيل المطالب بالتمني ولكن تؤخذ الدنيا غلابا

غير متصل تامو تامو

  • عضو فعال
  • **
  • مشاركة: 33
    • مشاهدة الملف الشخصي
    • البريد الالكتروني
بارك الله بيك اخي هذا الكلام الصحيح واللي يوضح هواية امور غامضة على كل من ينتظر سفر وخايف من المجهول

غير متصل أبوقيصر

  • عضو فعال جدا
  • ***
  • مشاركة: 81
  • الجنس: ذكر
  • اللهم إني أسألك توفيقاً في طريقي ، وراحة في نفسي ،
    • مشاهدة الملف الشخصي
موضوع  جميل جدااا عاشت ايدك







السعادة أن تحيا بعيداً عن الحزن، وإن كان الحزن يحيا بداخلك
السعادة أن تبقى مؤمناً بما وهبك الله ! وما وهبه أكثر مما تراه ! السعادة أن تبتسم ومن قلبك تهمس الحمدلله



اللهم اغننا بحلالك عن حرامك و بفضلك عمن سواك
يا حي يا قيوم برحمتك أستغيث ، اصلح لي شأني كله و لا تكلني إلى نفسي طرفة عين
اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
عاشت الايادي موضوع رائع جدا








أبو الحكم
http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل عراقي نبيل

  • مبدع قسم الهجرة
  • عضو فعال جدا
  • *
  • مشاركة: 947
  • الله يحفظ كل العرافيين
    • مشاهدة الملف الشخصي
    • البريد الالكتروني
شكرا جزيلا استاذ صفاء .....بارك الله بك.....نصائح من ذهب...اتمنى من الجميع الاستفادة منها وانا اولهم
انا بامريكا متذ ستة اشهر تقريبالكنني حين اقرأ مواضيعك الرائعة ...اجدها متجدده ودليل لكل من يصل الى امريكا حديثا
احيي فيك اصرارك على النجاح
احيي فيك تواصلك مع اخوانك
شكرا لك لاعطاءنا من وقتك الكثير...ونحن نعرف ماذا يعني الوقت هنا
اتمنى لك التوفبق والنجاح ....بارك الله بك سيدي الفاضل...
                                                                                                 عمك ابو علي ..عراقي نبيل

غير متصل fadal

  • عضو
  • *
  • مشاركة: 12
    • مشاهدة الملف الشخصي
    • البريد الالكتروني
عاشت ايدك اخي على هذا الموضوع الي انطاني اجابة شافية وكافية عن الوضع في امريكا اني بعدني بالعراق بانتظار الموافقة الامنية لكن في نفس الوقت اقرأ المواضيع المطروحة في المنتدى اشعر بقلق شديد كوني انتظر السفر وليس لي رغبة بالعودة وموضوعك شجعني شكرا اخي بارك الله بيك

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
رفع للفائدة العامة









أبو الحكم
http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل Nabaa Mum

  • عضو
  • *
  • مشاركة: 17
  • الجنس: أنثى
  • منتديات عنكاوا
    • مشاهدة الملف الشخصي
    • البريد الالكتروني
 :) والله كلامك صح 100% لان احنا بولاية اوهايو والحمد لله ماشية ومرتاحين اكثر من الامارات الي كنا عايشين بيها 8 سنوات وفجأة ممكن يطردوك!! المهم قناعة وإرادة وتفكير وعمل الشخص....كذلك ارفقت صورة من شلال منطقتنا وطبعا بيها مول وعدد لا يحصى من السناتر والمطاعم ومحل عربي كل شي فيه ومدارس درجة أولى ومجانا
السلام عليكم...
بداية اسف على انقطاعي غير المتعمد عن المنتدى خلال الاسبوع الماضي لاسباب عديدة اولها هو انشغالي بسفرة عائلية استمرت لمدة 5 ايام داخل الولاية مابين الغابات والبحيرات والصحاري !!!
وخلال سفرتي هذه كنت ادخل للمنتدى من موبايلي وشفت كم موضوع اثار اهتمامي منها موضوع لاحد الاخوة حول امريكا وكيف ان البعض يقول انها (زبالة) وموضع ثاني للاخ الغريب في الوطن حول رجوع العوائل العراقية من كنتاكي الى العراق!!
طبعا ... اكو مثل يقول (رب صورة ابلغ من 1000 كلمة ) ولانه صارلي 9 اشهر في امريكا فقد كونت مجموعة افكار وخواطر احببت ان انقلها لكم ...
اولا وقبل كل شيء ... اذا انتة تريد تعيش بامريكا ومصمم على هذا الشي راح تعيش واذا انت جاي ومقرر انه اتريد اتجرب حظك وتشوف واذا ماعجبك الوضع ترجع فأني اضمن لك الرجوع للعراق او لغيره مية مية ....... يعني وقبل ماقلت في مواضيعي السابقة .. في لحظة نزولك وفي اول مطار امريكي ضع كل ماضيك وكل مشاكلك السابقة في كيس وارمية في اقرب سلة مهملات ... لاتحملها معك لانك سوف تجد نفسك بعد فترة محاصرا بها شئت ام ابيت ...
المنظمات اللي بامريكا اولا وقبل كل شيء ماراح تبقة وياك للابد ولاراح توفرلك كل شيء وهي تختلف بدرجة اهتمامها باللاجيء من منظمة الى اخرى .. بشكل عام المنظمة راح اتفيدك اول الامر في اكمال اوراقك ومساعدتك على التعرف على المجتمع وبعد ذلك راح تتركك رويدا رويدا .. اذا المنظمات مفيدة بشكل محدود للاجيء ويمكن للاجيء الاستفادة منها اول الامر ...
الولاية او المدينة المتوجه اليها اللاجيء!!!!
وهذه تشكل حلم مرعب وكابوس يطال الكثيرين ... الولاية الفلانية مابيهة شغل .. المدينة هذي احسن من هذيجي ... ايكولون فلان ولاية احسن من فلان ولاية ... وووووووووووووووووووووووووووووو
الموضوع بشكل بسيط بسيط ... ارادة الشخص وعزيمته واصراره هي التي تجعل من هذه الولاية جيدة او غير جيدة!!
انا مثلا وكما يعرف الكثيرين اعيش في ولاية نيومكسيكو مدينة البوكركي ... وقبل المجيء لهذه الولاية اتصلت كثيرا باشخاص اعرفهم في امريكا وسالتهم السؤال التقليدي الشائع : (( شلونهة الولاية ؟؟؟))
وجاءت الاجابات سريعا سريعا :(( تعبانة .. عاوية ... مابيهة شغل ... فقيرة ... انتة شجابك لهالولاية التعبانة ... غيرهة احسلك ... شورطك ... شوفلك غير ولاية ... كلهة مكسيك ... ماراح تلكه شغل لو بعد 100 سنة!!!! )) والكثير الكثير من الاجابات المحبطة !!!
اني اول ماوصلت مطار ميامي بفلوريدا يوم 14 تشرين الاول 2010 طلعت كيس فارغ وشمرت بي كل هذا الحجي والخرابيط والسوالف التعبانة باقرب سلة زبالة كرمكم الله!!
من اول يوم لوصولي قررت مابيني وبين نفسي انه اني جاي هنا كي ابني حياة جديدة لي ولعائلتي ومالي علاقة باي ماضي تعبان او حجي تعبان من سوالف العراقيين هنا ..
بداية الامر تعرفت على العديد من العراقيين هنا واعادولي نفس الاسطوانة المشروخة ... نفس السوالف ونفس الحجايات والخرابيط عن المدينة والولاية ... مع ملاحظة انهم كلهم بدون استثناء عايشين على المساعدات والويلفر ومحد يشتغل منهم ولاساعة بالاسبوع..!!!!
اني شسويت اسمع هالحجي بالاذن اليمنى وارجع اطلعها من الاذن اليمنى همين !!!!
وكما كتبت في موضوع سابق عن العمل وكيف وجدته في الولاية ... فانني الان اعمل بعملين ومرتاح بيهم وزوجتي تعمل هي الاخرى واشتريت سيارتين واولادي مرتاحين في المدرسة ومتونسين وكل عطلة نهاية اسبوع نطلع لسفرة بالولاية ...!! والجماعة اللي سولفولي السوالف هذيجي لحد الان بعدهم في نفس المكان يراوحون!!
ومثال اخر قد يتذكره البعض منكم وهو الاخ روكو ابو وسام اللي اجه قبل شهر الى مدينة امريللو في تكساس وشلون المنظمة سوت وياه وشلون رحت اني علي وجبته الى مدينتي وهو حاليا تقريبا اموره جيدة وحصل شغل قبل اسبوعين في محطة بانزين 3 ايام بالاسبوع كل يوم 12 ساعة تقع على الطريق السريع .. والبارحة حصل شغل بارت تايم بستوور 3 ايام بالاسبوع كل يوم 4 ساعات ... وهوة مرتاح كلش والبارحة رحنة اني ووياه اشترى سيارة ...
اخواني ...
الموضوع لايتعلق بالولاية  ولا بالمدينة  ولا بالمنظمة  ولا بالحظ ولابكل شي ...
الموضوع يتعلق بارادة الشخص وتصميمه وعزيمته وقديما قالت العرب (( من رام وصل الشمس حاك خيوطها سببا لاماله وتعلقا))
واخيرا ... هذه صورة لاحد البحيرات التي امضينا فيها ليلتين انا والعائلة وتقع على بعد 170 ميل من مدينتي ... ((شوفوا امريكا شلون بيهة زبالة!!!!!!))


تحياتي   ابو سارة
استغفر الله الذي لا إله إلا هو الحي القيوم واتوب إليه

غير متصل haydervip

  • عضو فعال جدا
  • ***
  • مشاركة: 157
  • الجنس: ذكر
    • مشاهدة الملف الشخصي
كلامكم كله صح بس معقولة امريكا شنو مصلحتها اتوفرلك وترعاك معقولة مجانا؟؟؟!!! لو ثواب على روح جورج واشنطن؟؟!!
الغنا في الغربة وطن hayder vip

غير متصل طلوب 1979

  • عضو فعال
  • **
  • مشاركة: 37
  • منتديات عنكاوا
    • مشاهدة الملف الشخصي
    • البريد الالكتروني