المحرر موضوع: حياتك في امريكا وحياتك في الوطن العربي حقيقة مرة ... ينشر بعد الحذف  (زيارة 25547 مرات)

0 الأعضاء و 1 ضيف يشاهدون هذا الموضوع.

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
صباح الخير للجميع اولا ...
الجميع راح يسئل شنو الي صار .. البارحة واني ارد على احد الاخوان بموضوعي اتاخر الرد بالنشر وانتظرت اكثر من 10 دقائق حتى يرسل الرد وبعدها طلعلي لايمكنك كتابة مشاركة في هذا القسم .. انتبهت اني خرجت .. حاولت ادخل باسمي مكدرت ادخل من البارحة العصر .. واتفاجئت العصر من رجعت البارحة ان الموضوع اختفى واخوانا منزلين مواضيع فاتصل بيه الاخ صفاء وصحتله الي صار , بس الي استفزني البارحة ان كان اكو تسائل الي يحذف الموضوع احد ثلاثة يا الادارة يا صاحب الموضوع , يا خلل فني , طبعا صاحب الموضوع الي يكعد فوك الساعتين يكتب ويجمع افكار مو بالبساطة يحذف هذا الشي لعد ليش نزله , بعدين من ينزل موضوع وتصير بيه مشاركة مو من حق اي انسان يحذفه لان اصبح مو موضوع صاحب الموضوع اصبح موضوع ملكية عامة للجميع فمو من حقي ان احذفه , فما دا ادري شنو السبب ... اليوم الصبح كدرت ان ادخل ( دا ادخل حسب مزاج المنتدى  بكيفه ادخل وبكيفه يخرجني ) بس مو مشكلة من المرة الي فاتت اتعلمت اخزن مواضيعي وهنا نسخة من الموضوع واتمنى الجميع يشارك فيه وكلما ينحذف راح انزله .. ونزلت ايضا موضوعين انحذفوا سابقا ... اذا كان الخلل فني فكلي احترم لجميع الاداريين اما اذا كان الحذف من شخصهم فاقول لهم شكرا على الاجر والثواب فانتم بالفعل تساعدوني على تحصيل اجر عظيم . تحياتي للجميع ولاخي عزيز وبهبهان وزرزور وكل الاسصماء الي نادت وسئلت عن ابو قمر والبارحة مجنت اكدر ادخل بس والله فرحتي متوصف بمحبتك .. ولا يهمكم راح اظل اكتب والي ينحذف ارجعه من جديد ..
 ابو قمر

ينشر بعد الحذف

اليوم راح احاول اختصر وراح اكمل مواضيعي الي تحارب السلبية والقلق , ولهذا فكرت بموضوع ممكن ان يشارك فيه الجميع , قد يكون مسلي لكن له بعد واهداف , اليوم راح احاول اقرنلكم بين يومي الي كنت اقضيه ببلد الجوار سوريا ويومي الي اقضيه في امريكا حاليا , كثير وصلتني رسائل على الخاص تطلب كيفية قضاء اليوم في امريكا , راح ابدا بيومي الي في سوريا واختاريت سورية لانها اقرب زمنيا للوقت الحاضر .
الاستيقاظ الساعة 7 صباحا العائلة كاملة , الساعة  7.30 ننزل للشارع نبحث عن سرفيس ( السرفيس عبارة عن سيارة صغيرة حمولة 9 راكب لكن غالبا ما تحمل 19 راكب ) وطبعا بما ا نام قمر طريقها غير طريقي فاول شي نحاول نلكالها سرفيس الها اولا , العايشين بسوريا يعرفون شنو معنى سرفيس الساعة 7 الصبح , الجميل ان السرفيس بهاي الاوقات ميوكف يعني يمشي وانت لازم تقفز بيه , اثناء القفزة راح تتعرض للسحب من قبل المنافسين فاحتمال توكع على وجهك بالشارع , والموضوع الاغرب انك حتى لو تروح لاول الخط السرفيس يجي مقبط يعني السايق يطلع من بيتهم مقبط , المهم بعد ركض مرثوني ومصارعة ويا المتنافسين راح تطلع بالسرفيس وكوف على رجل وحدة ماكو مجال تحط رجلين , وبما ان لازم اخذ قمر لحضانتها فكانت معاناتي مزدوجة لان لازم اخذ سرفيسين , المهم اخذت السرفيس ووصلت الشركة الساعة 9 صباحا طبعا السرفيس ميوكفلك بالقطعة لان يخاف لا تلتم عليه الناس فمن تكله نازل يشمرك وهو يمشي , اكيد راح توصل مبهذل فأول شي لازم تشرب مي وشوية تكعد تصفن حتى ترتاح من معانات السرافيس ولازم تغسل وجهك وتمشط من جديد ,
اني اعتبر من المحظوضين في سوريا ليش ؟؟؟ لأن لكيت شغل وطبيعت شغلي محترمة وماكو احد سوري ينطيني اوامر طبيعة منصبي جنت اني الي انطي اوامر للسوريين شلوون ؟؟ اول مشتغلت بسوريا اشتغل بمدرس بمعهد مشهور ادرس طلاب هندسة معلوماتية برمجة وشبكات كانوا يدفعولي على الساعة الساعة ب 150 ليرة يعني 3 دولار طبعا المدرس السوري ياخذ اكثر رغم انه كفوء جداااااااا , الشي الغريب الي بسوريا ان الجامعات تدرس بالعربي حتى كلية الطب يعني طلاب الهندسة الي ادرسهم لازم اشرحلهم البرنامج بالعربي يعني مثلا لمن تكللهم كاركتر يصفنون وبعد بحث عرفت انهم يسموه محرف , مو موضوعنه المهم الحمد لله صار الي اسم وكامت الناس تطلبني بالاسم لكن مع هذا ظليت ابحث على عمل اخر الى ان لكيت الشركة الي كتلكم عليها , المفروض اني اتعينت على اني مهندس كمبيوتر شغلتي الكمبيوترات والشبكة والتصاميم صاحب بعدها كم يوم لزمت الحسابات بعدها كم يوم صرت مدير مكتب الاستاز , يعني صرت بتاع كله التقي بالزباين واسوي العروض وحتى خارج الشركة كنت اروح دوائر الدولة والشركات الي نوقع وياها عقود , يعني استغلني ابشع استغلال حتى وصلت ان يروح يصيف بالاذقية اشهر وبس يتصل بيه بالتلفون صارت جياته للشركة محدودة اسه تكوولون كلش زين ليش ضايج ؟؟؟ راح اكللكم ليش ضايج اول شي لمن انت تجي بمكان واكو غيرك يشتغلون صارلهم سنين واتصير استاذ عليهم وانت مو سوري مثلهم  وجماله لازم ينفذون اوامرك مراح يكون مرغوب فلازم تكون حذر في التعامل معاهم ودبلوماسي جدا وبنفس الوقت حازم لان اذا دبلوماسي اكثر من الازم ياكلوك وهذا شي يطلب جهد عصبي جبار اما الشغلة الاهم مدير الشركة صحيح هو مستشار مجلس وزراء واصدقائه رووس كبار بس هو اكبر جذاب بالدنيا شلوون ؟؟؟ مثلا يجيه زبون يطلب بضاعة والبضاعة مو عدنه اصلا لازم نستوردها هو شي كله يكله بالمخزن يومين وتوصلك ادفع فلوسك كاملة او ادفع عربون طبعا الرجال مئمن ديحجي ويا مستشار مجلس وزراء يوميا يمه اخو الرئيس , جان يجيبه للدعايه والاعلام مع انه الرجال مريض ومحترم جدا واكتشفت ان بسيط جدا بعد معرفتي , فبعد ميدفع الرجال الفلوس ادز ايميل للصين يدزون البضاعة والبضاعة ينرادلها شهر فالمدير يختفي وميجاوب عالتلفونات واني الي اصير بالواجهة لازم ارضي واصبر وطبعا مو هو الزبون الوحيد هويا غيرة وعلى فكرة هذا النظام ماشي بسوريا , الكذب والنفاق مو طبيعي اني عاشرتهم من الازن ( ابو الجاي الي بالمكتب ) الى اكبر راس اخو الرئيس , المهم نرجع لموضوعنا فمن الساعة 9- لغاية الساعة 6 العصر شغل ومشاكل وضغط عصبي طبعا بالستة اطلع من الشغل اذا يكون عندي محاضرات اروح للمعهد ونفس المعاناة ويا السرافيس واذا معندي معهد ادور على سرفيس وارجع للبيت فترة العصر بسوريا معروفة بالازدحام يعني اذا الطريق ربع ساعة يصير ساعة المهم اوصل البيت الساعة 7 اذا كنت محظوظ طبعا ام قمر تخلص شغلها بال 4 كانت محاسبة ايضا بمعمل وتعاني ويا المواصلات لان شغلها كان ابعد وتجيب قمر وياها وتوصل البيت الساعة 6 عصرا , الجميل ان بيتنا يعتبر من اعلى المرتفعات السكنية في دمشق يعني شلون عندك شقه فوق برج ايفل مثلا , الشقة مالتنا تقع بالدور الخامس يحتاجلك 118 درجة حتى توصل يبقى انت وشطارتك ممكن تسويها اجزاء وممكن تطلع طلعة وحده بس ينرادلك فترة راحة بعدها ولتنسه قمر بعدها متمشي لازم تشيلها واكيد وياها المسواك , طبعا مسواكنا كان اسبوعي كل جمعة , طبعا بعد وصولنا للبيت راح نكون اوفر تعبانين يعني سرافيس وشغل ودرج اي واحد منهم ممكن يكعد واحد تعبان اسبوع كامل بس اتعودنا وكالعادة شعارنا من طلب العلى صعد الدرج , انسوي عشا نتعشى صارت بال10 بعد خلاص لازم تنام .. واليوم الثاني كذلك طبعا هاي اذا متتعرض لامور اخرى مثل ماطور المي عطل انزل جيب غاز ومن هالملاعيب , واحلى شي من تمشي بالحارت يمهم تحس احساس غريب يعني ممكن انت تمشي ينزل عليك مي وانت بالصيف او ممكن توكع بلوكة بصفك مرات تلكه جاهل يوكع يمك والحلو يكوم ينفظ نفسه ويصعد لبيتهم يعني احساس بالامان رهيب , كنت احب الجمعة لان عطلتنا الوحيدة كنت اتسوك الصبح وماانزل للعصر لان انت متكدر تنزل اكثر من مرتين باليوم والا ياخذوك للانعاش , العصر دائما نرووح للمولات هما مولين بدمشق تاون سنتر وشام ستي سنتر وجنا نروح نتفرج ونشتري اندومي لان الاسعار غالية , بس كنا نحس بمتعة التسوق صح منتسوك بس ناخذ العربانة ونفتر ومثل مكلت نشتري اندومي وعلبة عصير , الحالة المادية كانت جيدة لاننا كنا اثنينا نعمل بس نهاية الشهر راس براس واليبقى شي بسيط ينصرف بالاعياد , مستقبل ماكو لان مستحيل ان تفكر تشتري بيت او سيارة منين اتجيب واكيد جنسية ماكو  هو اصلا اقامة تتبهذل علما اتجددها .
وصلنا امريكا ومجنا مترددين ولا خايفين بالعكس كان عدنا امل وما زال ان نحقق الطموح الي انكبت بداخلنا ابلدنا وبلد الاشقاء , وعلى فكرة مطلعت من سوريا الا بشلاع الروح والاشقاء رادوا يئذوني بس لعبتها صح وطلعت والقصة كتبتها سابقا وموجودة بارشيف المنتدى , حاليا في امريكا يومي كالتالي : اكعد الساعة ستة ونص الصبح  بين منبدل اني وقمر وتشرب حليبها قمر نطلع الساعة سبعة الصبح , طبعا ام قمر تطلع الساعة سته وربع لان دوامها بالسبعة طبعا تطلع تشغل سيارتها السيدي مال القران التبريد تستمتع وهي رايحة للعمل اصلا تريد الطريق يطول , المهم نطلع اني وقمر نفس الشي شغل سيارتك تبريدك ملاعيبك ماك الكهوة بيدك قمر تربط حزامها , تفتح باب الكراج عالريموت وانت كاعد بسيارتك لان تعب عليك تنزل ادوس الدكمة , تطلع ادوس الريموت مرة ثانيا تسد باب الكراج , تلكه حزمة الجرايد مشمورة بحديقة الكراح فتضطر ان تنزل اتجيبها وهايا الشغلة المزعجة , اوصل قمر لمدرستها الساعة سبعة ونص اكون وصلت الجيم ( قاعة رياضية ) , طبعا اثنينا مسويين اشتراك سنوي 200 دولار بالسنة الجيم اسمة 24 hours بيه قسم رشاقة بناء اجساء ساونا جاكوزي ملعب كرة سلة وقاعة ايروبيك وفاتح اربعة وعشرين ساعة يعني يمتى متروح فاتح اجمل شي بيه الوجوه المبتسمة الي تشوفها من الصبح الي عمره ستين والي عمره سبعين والي عمره 30 الكل جاي يسوي رياضة والكل يبتسم بوجهك ويكلك صباح الخير تكول يعرفك من سنين بالضبط نفس شكل سايق السرفيس الي بسوريا الي جان اذا ناقصة الكروة خمس ليرات يوكف ويطفي السيارة , مسئلة الرياضة هنا مسئلة جدا مهمه لسببين الاول ان هنا اكلهم يسمن بصورة غير طبيعية عالي الكالوري بالذات مطاعمهم فاذا تركت نفسك بدون رياضة اتصير فيل خلال اسابيع , السبب الثاني الرياضة تمتص الضغوطات النفسية وتخليك حيوي بدنيا وعقليا وراح تشوف فرق كبير لمن تجرب هذا الشي , عادة اخلص رياضة 8.20 الصبح طبعا غدهم حمامات تاخذ دوشك وترتب نفسك وعطرك وملاعيبك , اوصل الشغل الساعة 8.45 دقيقة الشغل قبل ربع ساعة اتصف سيارتك بالبارك مالتك , طبعا تستغل هذا الوقت تشغل موسيقى او اغنية هادئة الساعة تسعة الاخمسة اطب للشغل الكل يرحب بيك ويسلم عليك تسوي سكان للباج مالتك تفتح كمبيوترك اتجيك ايميل الشغل وتبدي رحلتك مع الشغل لغاية الساعة 5.30 طبعا عندك ساعة بين غدا واستراحة , الشغل هنا متعب ومو متعب بنفس الوقت يعني ممكن يكون متعب بدنيا بس نفسيا مرتاح وهو الاهم بالنسبة الي , متضطر انك تكذب الكل يحترمك محد يسمعك كلمة تجرحك او تضوجك حتى لو كان مدير الشركة انت محترم لكونك انسان , ماكو فرق بين عامل النظافة والمدير اثنينهم يصفون بكراج واحد واثنينهم ياكلون على ميز واحد , الساعة 5.30 نطلع من الشغل توصل البيت الساعة 6 بين متبدل وتاخذ حمام اتصير 6.30 موعد العشا تكون ام قمر راجعة بالاربعة تجيب قمر وتحضر الاكل ( طبعا الاكل تسوي انواع كثيرة ايام عطلتها الاسبوعية ونحطه بالفريزر ومن نحتاجه نسخنه بالمايرويف ) بعد الاكل عدنا وكت من 7-8 هذا نكعد بيه مع بعض اندرس بيه قمر العربية والرياضيات اضافة الا محاضرات بشسوت اليوم وشنو الصح وشنو الغلط , الساعة 8 نبدا بجدول الدراسة لمدة ساعتين الساعة 10 – 10.30  الجميع الى السرير , طبعا هذا الجدول لمدة ثلاث ايام يومين العطلة الجدول مختلف تماما راح يكون بيه مسواك قص الثيلة مالت الحديقة طلعة لمطعم او كافيه واكيد الكتابة بالمنتدى , على فكرة عطلتي الاسبوعية السبت والاحد وام قمر الثنين وثلاثاء يعني منلتقي ليوم كامل , بس هذا افضل لان راح قمر تقضي ويانه اربع ايام ومتروح لروضتها غير 3 ايام بالاسبوع وهذا ينطينا مجال بالتربية وتعليمها اللغة , كل اسبوع عدنا يوم ناكل بيه برا نروح لمول او لمطعم معين أو سينما والسينمات هنا شيء اخر بالذات عروض الثري دي , كل سنة عدنا اسبوعين عطلة مدفوعة فكل سنة عدنا سفرتين خارج المدينة , السنة الي فاتت كانت شواطىء كالفيستون  الي بهيوستن وشلالات اوكلاهوما دائما انوقتها بالعيد لان حتى لتنسون العيد مالنا مو اجازة رسمية لازم انت تاخذ اجازة ... حياتك عملية صحيح لكنك تاكل ما تشتهي وتلبس ما تشتهي , الفرق الي بين امريكا ودولنا انك في امريكا ممكن تحقق اي شي انت تحلم بيه مهما كان عمرك يعني ممكن تدرس وانت عمرك 60 سنة وممكن تشتري بيت وانت عمرك 25 سنة ممكن تركب اي سيارة تحبها احلامك ممكن اتحققها اذا اشتغلت وعملت صح , اما بالوطن العربي فحلمك الوحيد هو العلاكة تشتغل كل اليوم حتى تامن لاهلك الاكل الي هو ابسط شي هنا في امريكا .
اتمنى ميكون الموضوع طويل .. اتمنى من الجميع المشاركة .. واذا امكن كل واحد يكتب كيف يقضي يومه بالدولة الي هو عايش بيها ولتخافون من الحسد كلتها وراح اكولها دائما ( واما بنعمة ربك فحدث ) ومحد يضرك غير الله , تحياتي للجميع ولكل تعليقاتكم بالموضوع السابق وتعليقاتكم بهذا الموضوع وتحياتي لكل الاسماء الي تدخل وتقرا الموضوع ..
:
اعذرني يا بلدي فابنتي لا تلفظ اسمك فهي طفلة لا تعرف قدرك
ما أعظم صبرك يا بلدي وما أعمق جرحك  لاتزال تنزف قهرا والسكين سكين شعبك
افقدوك السمع والبصر وكمموا فمك وقيدوك وهتفوا بحبك  يا بلدي ما اعظمك
وضع القيد التتار باركه العثمانيين اتمه الانكليز زادهوا البعث جدده المحررين
محررين حاقدين افغان وايرانيين جهلة وجائعين وانت صابر مسكين
ياااه  مااصلب و اقوى قيدك  قروون مضت ومازال القيد يكبل يدك
استسمحك يابلدي فانا لم اهجرك انا اهرب كي لا اشارك في مقتلك
لست خائنا  أو جبانا أو عميل  لست خائفا او طامعا او غدار
انت تعرفني فكنت بين اهلك نزيل والغريب هو من كان صاحب الدار
كيف لي ان ابقى معك وانا اراهم يعذبوك يمتصون دمائك ويحجروك
اعذرني فانا لا املك صبرك انا اعشقك فلا ساتطيع ان ارى نزيف جرحك
رائيت كيف كمموا فمي رائيت كيف اهانوا كرامتي رائيت كيف افقدوني عزيمتي
ماذا افعل اخبرني يا بلدي  اغمض عيني  افقد سمعي اضع القيود في يدي
كيف اعيش معهم وانا اكره وجوههم اكره رائحتهم العفنة اكره كلماتهم
يقولون انهم  حرروك بعزمهم لكنك تعلم خبثهم والاعيبهم وكذبهم
شوهوا كل شيء جميل فات   لوثوا دجلة كما لوث اجدادهم الفرات
فكل ماحببت فيك يا بلدي مات ولم يبقى منه سوى الرفات


أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا



غير متصل نــــــــــوار تيتــــــو

  • عضو مميز جدا
  • *****
  • مشاركة: 2065
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي
......

اليوم اني وراك وراك  لازم  اخذ الصداره في كل المواضيع

 :D :D :D :D :D :D :D :D :D :D :D :D :D :D :D :D :D

مليون هلا برجعتك بين اخوانك ياغالي  وياعالي ويا شامخ

والي يريد يقلل من قدراتك احنا نكله  روح على بيتكم بابا  احسن هذا ابو قمر الورده محد يصده

تحيــــــــــــــــــــــــــــــــاتي  ياغالي وعزيز على قلبنا  .....اخوك  وتلميذك    نوار تيتو

غير متصل Iom victim

  • عضو فعال
  • **
  • مشاركة: 53
    • مشاهدة الملف الشخصي
عاشت ايدك و يخليلك ربي قمورة و والدتها ويحفظكم لبعض يا اروع نموذج للعائلة العراقيه صدك كل كلمة مكتوبة من قلبك والله دا احس من اقراها بروحي اني
بسم الله الاعظم الذي لا يضر مع اسمة شي في الارض ولا في السماء وهو السميع العليم






غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
والله اسلوب كتابتك اكثر من رائع انعيش الحدث وياك وكله احاسيس بالفرح وامل ربي يديمه عليك وعلى الجميع اني صح توطيني كندا بس من اشوف موضوع انته كاتبه لازم اقراه والله اخويا مو مجامله الك بس حقيقه

غير متصل bhabhan

  • مبدع قسم الهجرة
  • عضو مميز
  • *
  • مشاركة: 1275
  • الجنس: ذكر
  • ربي انت ثقتي ورجائي
    • MSN مسنجر - bhabhan_gmc@hotmail.com
    • ياهو مسنجر - bhabhan_gmc@yahoo.com
    • مشاهدة الملف الشخصي
ملايين المراحب بيك اخونا الغالي ابو قمر الورد

غير متصل جيفارا نت

  • عضو فعال جدا
  • ***
  • مشاركة: 367
    • مشاهدة الملف الشخصي
    • البريد الالكتروني
مشكورررررررررررررررررررررررررررر ابو قمر على المواضيع الجميلة والى الامام يا طيب
url=http://www.herosh.com][/url]

غير متصل abubakr

  • عضو فعال جدا
  • ***
  • مشاركة: 200
    • مشاهدة الملف الشخصي
    • البريد الالكتروني
عاشت ايدك اخويه ابو قمر ...وحقيقة انك تنقلنا بافكارك الى عالم اخر وتجعلنا نعيش القصة معك هنيئا لك ...وان شاء الله نسمع اخبارك الجميلة دائما وبالتوفيق في كل خطوة فأنت تستحق كل الخير .
ودمتم للنضال

غير متصل عباس الطائي

  • عضو فعال جدا
  • ***
  • مشاركة: 446
  • الجنس: ذكر
    • مشاهدة الملف الشخصي
    • تحميل الصور
الله ايوفقك يا اخي الكريم

يا قمر المنتدى
والله ما اعرف شكولك ليش تنحذف مواضيعك شنو السبب ما نعرف الله ايكون ابعونك

راح احجي عن يومي  في تركيا

طبعا يومي في تركيا اكعود الصباح الساعه 11 مرات 12 هذا الصبح عندي اهنا
انسوي ريوك و ناكول و نحجي جم كلمة على السفر اشوكت انسافر اشوكت انطير  شنو راح انسوي في امريكا ادرس اشتغل
مرات اكول ادرس مرات اكول اشتغل و المهم اخرى شئ اطلع كولشي ماكو حتى قرار ما امقرر
افتح انترنيت للعصر نتغده مرات نطلع للسوك مرات للحديقة العامة
و اتصير الساعه 2 بالليل انام و ثاني يوم نفس الشئ

سؤالي ابو قمر الف رحمة على اهلك
شنو افضل اختصاص دراسة في امريكا

تحياتي لك و مشكور على كل كلمة منك يا غالي الله ايوفقك

غير متصل *iskender*

  • عضو فعال جدا
  • ***
  • مشاركة: 583
    • مشاهدة الملف الشخصي
    • البريد الالكتروني
مشكور ابو قمر

غير متصل ام راما

  • مبدع قسم الهجرة
  • عضو مميز
  • *
  • مشاركة: 1149
    • مشاهدة الملف الشخصي
تسلم ايدك اخي ابو قمر كلامك يوكع على الجرح  اهلا بيك من جديد
وطبعا اني بسوريا عايشة اني وعائلتي ويومنا ايمر بصعوبة لان احنا بدون عمل اهنا لان مثل ماتفضلت التعامل صعب اهنا وا ماكو لا اخلاق ولا حلال وحرام بالعمل ميعرفوها بيستغلوك لو طير  الحمد للة العيشة ماشية بس بدون اي تقدم فقط عش ليومك صار 7 سنوات واحنا على نفس وضعنا بدون اي تقدم الى الامام ناهيك عن خمس اطفال ديضيع مستقبلهم كدامنا ..........
واتصور كل الي عايشين بسوريا بالذات يعرفون المعاناة
اللة ايبارك بيك اخي وفقك ويرزقك على هذة المواضيع القيمة والمفيدة

غير متصل amy44

  • عضو فعال جدا
  • ***
  • مشاركة: 755
    • مشاهدة الملف الشخصي
تبقى انت جبل ومحد يكدر يهزك مليار هلا برجعتك ياغالي

غير متصل مهاجرين بلا حدود

  • مبدع قسم الهجرة
  • عضو مميز جدا
  • *
  • مشاركة: 2261
  • الجنس: ذكر
    • مشاهدة الملف الشخصي
رااااااااااائــــــــــــــــــــــع

صدك مزعجة من تنزل اجيب الجريدة الله يساعدك دتتعب هواية  ;)
وفوكها ادوس الدكمة مال ريموت ينفتح وينسد الباب مال كراج ,,,, كلها ازعاج هئ هئ

لازم اجيب فلبينية لو اندنوسيا ..ادوسلك الدكمة هههه  ;D

الابيات الشعرية اكيد الها مكانة خاصة عندك ومعتز بيها واعتقد كتبتها قبل 5 اسنين او اقل

عاشت ايدك والف شكر للمقالة ولابيات

ولاتشيل هم الحذف كلها امور ثانوية وتنحل ان شالله عن قريب

ابو محمد
عماااان فيكاس  :)

غير متصل ميمي2010

  • مبدع قسم الهجرة
  • عضو مميز جدا
  • *
  • مشاركة: 2726
  • اللهم صلى وسلم وبارك على سيدنا محمد وعلى آله وصحبه
    • MSN مسنجر - ma_iraq201111@yahoo.com
    • ياهو مسنجر - ميمي2010
    • مشاهدة الملف الشخصي
الف شكر على الموضوع الرائع ابو قمر
اللهم صلى وسلم وبارك على سيدنا محمد وعلى آله وصحبه وسلم
عدد حروف القرآن حرفا حرفا
وعدد كل حرف ألفا ألفا
وعدد صفوف الملائكة صفا صفا
وعدد كل صفا ألفا ألفا
وعدد الرمال ذرة ذرة
وعدد كل ذرة ألف ألف مر

غير متصل السفير80

  • عضو مميز جدا
  • *****
  • مشاركة: 2210
  • الجنس: ذكر
    • ياهو مسنجر - hues201@yahoo.com
    • مشاهدة الملف الشخصي
ابو قمر الحمد لله على سلامتك ززز انحذف الموضوع مع كل الردود
بس المشكلة احنة هم كاتبين كيف نقضي يومنا بالموضوع ... هم قضو علينة

غير متصل عراقي كرادي

  • مبدع قسم الهجرة
  • عضو مميز
  • *
  • مشاركة: 1745
  • ياعراق..ياموطني يا أحلى وطن.
    • مشاهدة الملف الشخصي
شكرا اخي العزيز ابو قمر على الموضوع الجميل والمسلي والمضحك ايضا ((شر البلية مايضحك)) وللاسف هو هذا واقع الحال في بلادنا العربية...

واحييك على كلماتك الجميلة التي كتبتها في نهاية موضوعك ..وانت تصف واقع بلادنا المرير ومامر عليه من فترات عصيبة بسبب الغزاة  والمعتدين ...والان صار مصيرنا بيد خونه خانوا الوطن والعرض والشرف في سبيل مكاسب دنيوية زائلة ..يعملون ليل نهار في سبيل سرقة المال العام وتخريب البلد.....((واحنا والله خطية كلنا خلص اجوي ..ذوله جانوا بره وتعلموا وثقفوا وهسه جاين يبنون البلد ويعمروا  ويصلحوا طلعوا بعد اضرب من الي سبقوهم)).

وذكرت حجاية صديق عزيز عليه جان دائما يقول .............." هو ضل شريف , الشريف لو نقتل لو سافر".... وفعلا هاي حقيقة لاحظناها خلال الـ 30 سنة الي مضت ...........ياما دكاترة ومهندسين واطباء وعوائل راقية ومثقفة تهجرت وتقتلت ..موضوع الهجرة موضوع قديم ....وكانه خطه مدروسة لتحطيم هذا البلد ...اجتماعيا واقتصاديا وانسانيا ...تفريغ البلد من كل العقول النيرة ...والتسليط على الباقي الموجود في البلد شتى انواع العذاب والقهر والتهميش والضيم والتخلف والمرض والظلم..

حسبنا الله ونعم الوكيل.




اللهم صلِّ على محمد و آل محمد

غير متصل Texasi

  • عضو فعال
  • **
  • مشاركة: 62
  • الجنس: ذكر
    • مشاهدة الملف الشخصي
 منورالمنتدى  يا ابو قمر الوردة
مبارك علينا عودتك وعودة مواضيعك
واتمنى ان نلكه فد حل لموضوع حذف المواضيع المميزة
موضوعك روعة بكل تفاصيله
وعاجبني جدا روحك المرحة اللي تنطي طابع مميز لكتاباتك
والاجمل ابيات الشعر
تحياتي واحترامي لك يا مبدع
ابن ولايتك
تكساسي

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
الاخ ابو قمر عودة حميدة للمنتدى...
واتمنى اتمنى ان تخرج الادارة والمشرفين من صمتهم (المعتاد) ويفسروا لنا الذي حدث .. مجرد امنية لاغير!!


ابو سارة

غير متصل رعدالعربي

  • عضو فعال
  • **
  • مشاركة: 73
  • الجنس: ذكر
    • مشاهدة الملف الشخصي
السلام عليكم اخي ابو قمر الموضوع حلو جداااااااا ومعناتنا بدول الجوار متعبه العمل هنا متعب للغايه ويستغلوك لكونك غريب انا اعمل في تركيا حاليا من الساعه ال8 صباحا والى ال8ونص مساء ومرات يقترب وكت التعزيله يكولك اش عندك مستعجل اش اتروح تسوي بالبيت والله دمروني يوم واحد ماينطوني اجازه ويوم الماكو شغل يكعد يبجي بوجه الله اشلون ايكلي اليوم ماكو شغل تعبنا ملينا ومحد يحس بينا يالله اشوكت نرتاح احنا العراقين وين مانروح مسدوده بوجهنا ......وانشالله من الله الفرج القريب...................
اذا كنت لاتدري فتلك مصيبة *** و اذ كنت تدري فالمصيبة اعظم

غير متصل تقوى الله

  • مبدع قسم الهجرة
  • عضو مميز جدا
  • *
  • مشاركة: 2203
  • الجنس: أنثى
  • نسال الله الفرج العاجل لنا وللجميع
    • مشاهدة الملف الشخصي

الاخ ابو قمر اهلا بيك دائما
وشكرا لجهودك الطيبه
ان شاء الله السعاده الدائمه في حياتك انت وعائلتك الكريمه
والله يحفظلك قمر
ويسهل امر جميع العراقيين بكل مكان

اختك تقوى الله


الكلمه الطيبه جواز مرور لجميع القلوووب
اختكم تقوى الله

غير متصل الفراتي

  • عضو فعال جدا
  • ***
  • مشاركة: 642
  • الجنس: ذكر
    • MSN مسنجر - alamere74@hotmail.com
    • ياهو مسنجر - alathari74
    • مشاهدة الملف الشخصي
    • البريد الالكتروني
اهلا وسهلا بيك حبيبنا ابو قمر ودائما منور المنتدى ومقارنة راقية جدا وهي بكل مكان بس عندنا بعمان مانعاني من المواصلات حقيقة هيج معاناة والحق يقال بس المستقبل ضائع وتبقى اسمك عراكي يعني ما الك قيمة صح هم بوجهك يقولون كلام بس الافعال والتعامل غير بس صرنا عليهم  واقع حال واوقاتنا ضايعه حقيقة بس الواحد يحاول انه يستفيد من وقته وانا والله قاضيها دروس من على النت بلكي تنفعني لما الله ييسر ونسافر

لاتصدقوا ان الاحلام بلا ثمن فبعض الاحلام ثمنها العمر

غير متصل زرزور بغداد

  • عضو فعال جدا
  • ***
  • مشاركة: 505
  • ألحمد لله على كل حال
    • مشاهدة الملف الشخصي
    • البريد الالكتروني
أني أريد أضيف شي للي كالو ألاخوان والخوات

أني أول مادخلت للمنتدى كمت أدور للمواضيع ألي أتفيدني أني وعائلتي ... وبالفعل لكيت مواضيع حلوة وتستحق واحد

يستفاد من كل حرف بيهه .... مثل موضوع أخونه العزيز عكعك .... وأخونه المبدع المدرس ... تحفه وأكو أهواي أشخاص كتبو

للمنتدى .. مواضيع من صميم اللاجئ ألعراقي

ألى أن أجه أبو قمر .....وأني من المتابعين لبو قمر ... من البداية ...  وقصته وحدهه هي أكبر نبراس يستنير بي أللاجئ

أني وأقسم بالله ويايه ... 4 عوائل يمنه ... أنتابع مواضيع أبو قمر لحظة أبلحظة .... حتى من صار حضر على مواضيعة

الناس ... يومية ها  وين أبو قمر شوفة يمعود ... يمنه يسرة

أكلهم سوو حضر علية ... كالو ليش ... هذا اليش .... المهم ورها نزل أبو قمر ... موضوع أيخبل يصلح أن يكون

فلم سينمائي .... ويومية أني أمسوي كعدة بالبيت ... حتى نحجي مواضيع أبو قمر ....


البارحة شفت فلم ....قصته تشبهه ألى حد ما قصة ابو قمر وية الادارة الموقرة ....... المشرف كالة أنت صارلك

أسبوع ويانه لو تبقة شهر شتسوي .... وكام هذا المشرف يحط العثرات كدام هذا المبدع ... والنهاية معروفة

للجميع الخير أنتصر

أبو قمر أنسان محترم وكاعد يفيد أخوانه العراقيين ....يمعودين كافي ,,, هسة أنتو ... والمنظمة ....


ودول الجوار .... والغربة علينه .....شنو السالفة
ألله خير رازق وهو أرحم الراحمين

غير متصل (Michael)

  • عضو مميز
  • ****
  • مشاركة: 1427
    • مشاهدة الملف الشخصي
بارك الله بيك اخي الكريم و الفاضل ابو قمر المحترم
حقيقة موضوع في غاية الروعة
تحياتي

غير متصل ابن الحله

  • مبدع قسم الهجرة
  • عضو مميز
  • *
  • مشاركة: 1497
  • الجنس: ذكر
    • مشاهدة الملف الشخصي
مليار مره مالانهايه حبيبي الغالي هلا برجعتك وحمدلله على السلامه
يعني مندري نحير بمعاملاتنه لو انحير بسبب انحذاف المواضيع الغير مبرر
على العموم حبيت اكولك:
هكذا هم المخلصون في كل صوب.......رشقات الردى لهم مباحه
تحياتي الك وشكرا

ابـــــــن الحـــــــله

غير متصل ابو زيـــن

  • عضو مميز جدا
  • *****
  • مشاركة: 2125
  • الجنس: ذكر
    • مشاهدة الملف الشخصي
    • http://a1.sphotos.ak.fbcdn.net/hphotos-ak-ash4/s480x480/487070_476435272386546_1104354446_n.jpg
    • البريد الالكتروني
السلام عليكم اخي ابو قمر حياك الله بس شنكول الخيرة فيما اختاره الله

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
اهلا بيك اخي ابو قمر وهلا برجعتك ورجعة مواضيعك
لازم نلحك كل 5 دقايق انسوي ابديت للتسييف
سبحان الله بس مواضيعك يصير بيها خلل فني لو خالين الفايروس الذكي الي يمسح بس المواضيع النافعه
بينما اخ مكتب مبخوت ولا ينحذفله موضوع واسطته قويه  ;D ;D ;D ;D

الف شكر على موضوعك المميز كالعاده
منور ابو قمر

غير متصل مترجم سابقا

  • عضو فعال جدا
  • ***
  • مشاركة: 250
    • مشاهدة الملف الشخصي
    • البريد الالكتروني
السلام عليكم ابو  قمر
مشكور على الموضوع والف رحمة لوالديك على هذا الموضوع وذمه بركبتك استمر بهاي المواضيع والله العظيم الك بيها ثواب كم واحد بواحد انته بينت اله الصح من الخطاء عن طريق مواضيعك مشكور مشكور يا استاذي

غير متصل knary

  • عضو فعال جدا
  • ***
  • مشاركة: 84
  • الجنس: أنثى
    • مشاهدة الملف الشخصي
مشكوور اخوية ابو قمر ومرحبا بعودتك مرة ثانية!!

بدون مجاملة مواضيعك من المواضيع الي استمتع بقرائتها وتخليني اعيش الجو واتفائل!!

تحياتي ودمت بــ خ ـــير

 :)

غير متصل ابو علاوي

  • عضو فعال جدا
  • ***
  • مشاركة: 503
  • الجنس: ذكر
    • مشاهدة الملف الشخصي
    • البريد الالكتروني
تحياتي ابو قمر وشكرا على الطرح الرائع لك جزيل الشكر والاحترام  انتة حاليا بالمكان الصحيح  صدقني مهما يكن  العراق باقي على وضعة ابسبب التركيبة الديمغرافية  للسكان وسهولت حكمة من الطغات تحياتي واعجبني هذا البيت الاكثر من رائع
فكل ماحببت فيك يا بلدي مات ولم يبقى منه سوى الرفات
العفاف زينة الفقر والشكر زينة الغنى

غير متصل ssomeda

  • عضو فعال جدا
  • ***
  • مشاركة: 720
    • مشاهدة الملف الشخصي
هلا بيك اخويه ابو قمر عاشت ايدك
بس هاي القصه مو شويه مثاليه زياده عن اللزوم والمثالية تصير بعيده عن واقعنة والحياة بامريكا مو بهيجي مثاليه اني عندي خمسه من اقاربي الدرجة الاولى اثنين منهم اخوتي واغلبهم من المتمكنين ماديا بس حياتهم بعيده كل البعد عن القصه الي سردته (اعتذاري ما اريد اشكك بقصتك)بس اكو ناس دتقره مواضيعك وديصير عده امل بهاي الحاة الوردية .....!
افضل ان تتكلم عن الصعوبات الي ايواجهه المهاجر مو الحياة الي وصفتهه وتكاد ان تكون مثالية (فلم امريكي)
اعتقد وصلت الفكرة مع حبي واعتزازي بيك وبمواضيعك

غير متصل ضياء العسل

  • عضو فعال جدا
  • ***
  • مشاركة: 302
  • *عند ذكر الله تطمئن القلوب....
    • مشاهدة الملف الشخصي
السلام عليكم
احلى شي ابو قمر من اكتبلك رد الكه ليفوك ملاحظه يكتب بي( تنبيه - بينما أنت تقرا تم إضافة ردود جديدة.  )بحيث ادا اني اول شخص اريد اكتبلك الزم سره نص ساعه على الانتظار علمود ارد الك السلام وابدي اعجابي باللي كتبته  بس صدك انته تستاهل الواحد ينتظر على مودك  وارجع اكول الك حياك الله يامبدع
اخوك ضياء العسل

غير متصل Eagle eyes

  • عضو مميز
  • ****
  • مشاركة: 1263
    • مشاهدة الملف الشخصي
مشكووووووووووووووووور اخويه ابو قمر الورد على الموضوع حلوة المقارنة والفرق واضح ومبين واحلى شي ( ابو الســـــرفــيــــس )  ;D ;D ;D ;D ;D ;D تحياتي الك يا مبدع المنتدى والله يحفظك ويخليلك قمر الوردة واختنا ام قمر والله يسعدكم في حياتكم

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
تحية حب لكل مشاركاتكم الطيبة .. واكيد راح ارد عليكم شخص شخص لان كل كلمة تكتبوها تستحق مني كل الاهتمام والتقدير .. ولو كنت احب ان تكتبون كيفية قضاء يومكم في البلد الي حاليا انتم فيه فقط من اجل ان تتنوع التجارب فتزيد الفائدة .. وهنا سوف اعلق على كلام اخي العزيز ssomeda  الي كتب :
هلا بيك اخويه ابو قمر عاشت ايدك
بس هاي القصه مو شويه مثاليه زياده عن اللزوم والمثالية تصير بعيده عن واقعنة والحياة بامريكا مو بهيجي مثاليه اني عندي خمسه من اقاربي الدرجة الاولى اثنين منهم اخوتي واغلبهم من المتمكنين ماديا بس حياتهم بعيده كل البعد عن القصه الي سردته (اعتذاري ما اريد اشكك بقصتك)بس اكو ناس دتقره مواضيعك وديصير عده امل بهاي الحاة الوردية .....!
افضل ان تتكلم عن الصعوبات الي ايواجهه المهاجر مو الحياة الي وصفتهه وتكاد ان تكون مثالية (فلم امريكي)
اعتقد وصلت الفكرة مع حبي واعتزازي بيك وبمواضيعك

اخي العزيز  دائما نفكر في المعاناة التي يعيشها الاجىء ولا اعرف لماذا نفكر في المعاناة قبل الرفاهية .. ممكن الاجىء يواجه معاناة وانا كتبت كثير من المواضيع عن المعاناة .. لكن الاغلبية هم من تجاوزوا المعاناة ووصلوا الا درجة رفاهية تختلف من شخص الا اخر وهذه حقيقة وليست احلام وردية .. وللاسف نضرة التشائم تجعلنا نفكر بان حقوقنا في الحياة احلام وردية وعدم الثقة في النفس تجعلنا نفكر باننا من المستحيل ان نصل للرفاهية الا في الافلام وهذا كلام مغلوط .. أبو قمر لديه اعضاء في المنتدى قد يكونون يقرون كلامي الان زاروا بيتي وشاهدوا حياتي وانا لم اضف او اضع اي رتوش في هذا الموضوع كل الذي كتبته حقيقة ويشهد لها الكثيرين ممن يعرفوني شخصيا .. الغرض منها ليس للتباهي او التفاخر فهذا ليس ملكي فهو نعمة الله علي وان شاء يزيلها باي لحظة .. ولهذا كتبت التفاصيل وركزت على حياتي في سوريا والمستوى الذي عشته من دون مبالغة .. واستغرب انك تشعر في المبالغة بحياتي في امريكا ولا تشعر في المبالغة في حياتي في سوريا , لكن استغرابي لا يستمر سوى للحظات لاني اعلم انك ترى المعاناة في سوريا او بلدنا او دول الجوار ولهذا انت مقتنع ولكنك لم ترى الرفاهية في امريكا ولهذا فانت غير مقتنع وهذا حقك لكن ليس من حقك الجزم بان هذه الاشياء احلام وردية او فلم امريكي لانك لا تملك المعلومات ولا تعرف هذا المجتمع كما اعرفه .. ولو الموضوع لم يكن قد حذف لرايت تجربة اخي صفاء الكرخي ( ابو سارة ) الي وصل امريكا قبل 9 شهور وهو يكتب حياته وهي لاتفرق كثيرا عن ما اعيشه انا واتمنى من اخي ابو سارة ان يتكرم ويكتب يومه مرة اخرى .. وازيدك من الشعر بيت كلما انا فيه في امريكا لم اساهم فيه بدولار خارج عملي في امريكا في هذه السنتين والنصف .. وانا متاكد ان اي شخص منكم ممكن ان يصل الى ابعد من ذلك اذا تصرف صح وكان متفائل .. ولدي الكثير من تجارب الاخوى العراقيين والعرب الذين يملكون محلات ومنازل وحياة كريمة .. ابسط مكسيكي والي هو اقل من عندنا ثقافة لديه منزل ولديه اكثر مما لدى ابو قمر .. نعم عزيز هذه حقيقة وليست احلام وردية ..
قبل ان نفكر بالمعاناة والمشاكل يجب ان نكون متفائلين ونفكر بالحياة الكريمة وكيف نرتقي بنفسنا الى اعلى المراتب .. هذا شعاري اتمنى من الجميع ان يملك نفس الشعار .. تحياتي واحترامي لشخصك الكريم وتحية حب ومودة لجميع اخوتي واحبائي ..
طبعا هسه طالع للاحتفالية مالت يوم الاستقلال ومثل متعرفوني لازم اعيشكم الحالة راح اخذلكم صور والموضوع الجاي مراح يكون بيه كتابه راح يكون صور فقط ... حتى يكون مبرر جيد لحذفه

تحياتي
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل اسراء بغداد

  • مبدع قسم الهجرة
  • عضو مميز
  • *
  • مشاركة: 1244
    • AOL مسنجر - AOL
    • ياهو مسنجر - Yahoo
    • مشاهدة الملف الشخصي

غير متصل سرى1

  • عضو مميز
  • ****
  • مشاركة: 1270
    • مشاهدة الملف الشخصي
الاخ ابو قمر عودة حميدة للمنتدى...
واتمنى اتمنى ان تخرج الادارة والمشرفين من صمتهم (المعتاد) ويفسروا لنا الذي حدث .. مجرد امنية لاغير!!


ابو سارة


ما تصير اخوية ابو سارة


هو لو اكو تفسير لاي حذف او حظر ما جان هسه اني داخلة باسم (سرى1) مو؟ لو مومو؟؟


اخوية ابو قمر اني من الناس البارحة بموضوع اخي صفاء كلت خلي ننطي فرصة للادارة او نسال ابو قمر ولذلك دزيتلك اوفلاين استفسر منك عن حذف موضوعك وهل عندك علم او لا وهاي احنا دنمشي بمبدأ الامام علي عليه السلام من يكول (احمل اخاك على سبعين محمل)


لكـــــــــــــن وآه من كلمة لكن ..... كل يوم يثبتلي انه احنا على حق وغيرنا الله يهديهم ما اكول غير شي


تحياتي لك ولمواضيعك الرائعة.......

غير متصل دوق فليد

  • عضو فعال
  • **
  • مشاركة: 66
  • الجنس: ذكر
  • الخير فيما اختاره الله
    • مشاهدة الملف الشخصي
حياك الله اخي ابو قمر موضوع جميل و مفيد عاشت اناملك و ربي يوفقك لما يحبه و يرضاه
تحياتي و تقديري
دع الأيام تفعل ما تشاء ... وطب نفسا إذا حكم القضاء
ولرب نازلة يضيق لها الفتى ... ذرعا وعند الله منها المخرج
ضاقت فلما استحكمت حلقاتها ... فرجت وكنت أظنها لا تفرج

غير متصل ام تسنيم1

  • عضو فعال جدا
  • ***
  • مشاركة: 628
    • مشاهدة الملف الشخصي
السلام عليكم اخي العزيز دومك مبدع ومتجدد بمواضيعك     من جد وجدومن زرع حصد الحمد لله الذي وفقكم ونطاكم علا نيتكم الطيبه عائله عصاميه تستحق كل التقدير والاحترام ومثل اعلى نتمنى لللكل العراقيين ان يحتذون بيكم والله نطيتنه بصيص امل بحياه ناجحه وهادفه تستحق التعب       اما الابيات الشعريه البليغه فكانه نزلت علا جرح كل العراقيين  الله كريم    اتمنى الك دوام الموفقيه والنجاح الباهر ربي يسعدكم ويهنيكم وسلامي لاام قمر             شكرا الك يااصيل

غير متصل دحدوحة

  • عضو فعال جدا
  • ***
  • مشاركة: 174
  • الجنس: أنثى
    • مشاهدة الملف الشخصي
اخي ابو قمر مشكور علة الجهد الي تتبذلة بس لو تسويلك صفحة بالفيس بوك واعتقد اغلب الموجودين عدهم اكاونت وهيج تكون انت مدير نفسك وتكون وتنزل مواضيع علة راحتك وتضيف وتحذف من دون رقيب وحسيب وكلنا متابعين وسوي نسخ لكل المواضيع المهمة الي نزلتهة هنا وتكون بالمدونة تعتبر مثل دليل ومرجع لكل الي يريد يروح لامريكا
ثبت في القلب منك محبتا
كما تثبت في الراحتين الاصابع

غير متصل مهاجرين بلا حدود

  • مبدع قسم الهجرة
  • عضو مميز جدا
  • *
  • مشاركة: 2261
  • الجنس: ذكر
    • مشاهدة الملف الشخصي
والله فكرة اخت دحدوحة
وبنفس اسمائنا بعنكاوا
الفيس بوك بي مشكلة صغيرة وهي صغر الاحرف بالكتابة ومواضيع ابو قمر ماشالله اكثرها طويلة
معناها لازم ينزلها كنوت NOTE ومع ذلك هم راح تبقى صغيرة الاحرف ولازم واحد يسويلها كوبي بيست لفايل وورد مثلا او تيكست


تحياتي لك

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
اخي العزيز ابو قمر
كل الهلا برجعتك واشتاقينا لكتاباتك واسلوب طرحك للمواضيع باسلوب راقي وواقعي بس تعرف واقع الحال والمشكلة مو كل الناس تجي لامريكا راح تشتغل سوبر فايزرية مثل ما اشتغلت حضرتك اكو ناس يحلمون يجون لامريكا بس ثقافة علمية ماعدهم ولا عدهم المام باللغة مع احترامي للكل  هذا من راح يقرة موضوعك راح يشوف امريكا جنة الاحلام اخي العزيز شتتصور انه هذا الشخص شوكت راح يكدر يخلي ريموت بكراجة لو شوكت راح يصير عندة انكم بيه خير حتى يطلع سفرات اخي العزيز اني مدا اقصد انتقدك بالعكس اخ عزيز انت ومواضيعك تعجبني اخي العزيز اني جاي قبلك لامريكا بسنة وشهادة هندسية مثل حضرتك تعرف كراجي مابيه ريموت تعرف الجم براس شارعنا ومداخلة ليهسة شتصور تعرف شغلي بالليل ارجع بالوحدة بالليل واكعد الصبح بال 11 لانه هلكان من الشغل اني سؤالي شوكت الشخص اللي قابلياتة محدودة واللي ذكرتها مسبقا راح يسوي اللي حضرتك دتسوييه اللي عندة شهادة ولغة مديلحك ولتنسة اكو شغلة اللي عندة طفل واحد مو مثل اللي عندة 4 اكو ناس ديجون لامريكا جايبين وياهم 5 اطفال شتتوقع اكو مجال يحكون راسهم وهم يروحون للجم وهم يشتغلون وهم يسوون حديقتهم  وهم يروحون سفرات والخ . صح كلامك صحيح وكل اللي حجيتة صحيح بس اللي حضرتك سويتة اكو ناس هواية مراح تكدر تسويه ب عشر سنوات واللي راح يقراه لموضوعك راح يتصور ويفرح ويكول اني اكدر اسوي هذا الشي ب ستة اشهر ولمن يجون راح يشوفوها غير شكل ارجو من حضرتك انه لتاخذ كلامي بحساسية صدكني مشكلتي شوية جديات واحجي صراحة والمقابل يزعل مني بس ما اقصد شي ولا قصدي ازعل احد او انتقد احد وكل الاعضاء اعتبرهم مثل اخوتي وانت اولهم
مع تحياتي لحضرتك

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
شغلة ثانية اخي العزيز نسيت انوه عنها
اذا تكدر وتسمح تحجيلنا عن السلبيات بامريكا اول ما اللاجئ يوصل ويواجها لانه الناس ممحتاجين يسمعون سلبيات سوريا كلنا نعرف سوريا كلها سلبيات بس لمن اللاجئ يعرف سلبيات البلد اللي رايحلة راح يكدر يكون فكرة عنة مسبقا وارجو انه تذكر السلبيات اللي حضرتك وعائلتك واجهتوها لانه تعرف الانسان البسيط مراح يفكر يصير سوبر فايزر خلال اشهر من دخولة امريكا واكيد راح يعاني بالبداية ويريد يعرف مسبقا شنو راح يواجه من صعوبات بالحياة وارجو كل من يقرا ردي انه ليتهجم علية ويكولي انت فاشل بامريكا وانت متعرف شي ومن هاي السوالف خلينا نوضح الامور للاجئ اللي يريد يفكر يجي لامريكا واني بالعكس ادعو اي واحد يفكر يجي لجوء لامريكا بالعكس امريكا حلوة وحياة حلوة بس مو بهاي الرفاهية اللي ذكرتها حضرتك هاي الرفاهية تجي بعد فترة طويلة وتاخذ وقت .
مع الشكر الجزيل

غير متصل MISOHA

  • عضو فعال
  • **
  • مشاركة: 40
    • مشاهدة الملف الشخصي

تسلم يا وردة على الموضوع

صدقني عشتة لحظة بلخظة وخصوصا شغلة السرفيس

ولو عمري اني ما واصل سوريا

بس تخيلتها زين بالي

اللة يوفقك

وشكرا على مشاركتنا بافكارك

غير متصل مس لارا

  • عضو فعال جدا
  • ***
  • مشاركة: 285
    • مشاهدة الملف الشخصي
    • البريد الالكتروني
مرحبا

الاخ المحترم أبو قمر لطالما استمتعت وانا ادخل للمنتدى كأزائرة بقراءة مواضيعك التي تبعث على ألاستمرار في بقاء الامل لدينا. وها انا اوجه شكري لك كأحد اعضاء المنتدى أرجو منك القبول . يومنا في العراق مجرد يوم يشطب من ابام حياتنا التي اهدرت ولازالت في بوابة الانتظار لتحقيق الاماني . لاننام كما ينام الناس دماغنا مشغول بالقلق والخوف على حياة أولادنا ومستقبلهم 

لأن حياتنا نحن سئمت الانتظار واصبحت مهمتها الان مستقبل الاولاد . ما احلى أن تقول أنك تذهب الىgym لتمارس الرياضة  أتصور انه حلم بسيط ولكن في بلدي صعب صعب صعب جدا تحقيقه .  لك تقديري ولكافة الاعضاء

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
شغلة ثانية اخي العزيز نسيت انوه عنها
اذا تكدر وتسمح تحجيلنا عن السلبيات بامريكا اول ما اللاجئ يوصل ويواجها لانه الناس ممحتاجين يسمعون سلبيات سوريا كلنا نعرف سوريا كلها سلبيات بس لمن اللاجئ يعرف سلبيات البلد اللي رايحلة راح يكدر يكون فكرة عنة مسبقا وارجو انه تذكر السلبيات اللي حضرتك وعائلتك واجهتوها لانه تعرف الانسان البسيط مراح يفكر يصير سوبر فايزر خلال اشهر من دخولة امريكا واكيد راح يعاني بالبداية ويريد يعرف مسبقا شنو راح يواجه من صعوبات بالحياة وارجو كل من يقرا ردي انه ليتهجم علية ويكولي انت فاشل بامريكا وانت متعرف شي ومن هاي السوالف خلينا نوضح الامور للاجئ اللي يريد يفكر يجي لامريكا واني بالعكس ادعو اي واحد يفكر يجي لجوء لامريكا بالعكس امريكا حلوة وحياة حلوة بس مو بهاي الرفاهية اللي ذكرتها حضرتك هاي الرفاهية تجي بعد فترة طويلة وتاخذ وقت .
مع الشكر الجزيل

اخوية الذكي السلام عليكم
عيني حسب نظرتي لمواضيع الاخ العزيز ابو قمر هو انسان مجتهد ويحب ايحاول ويبذل جهدة لتطوير نفسة اضافة الى خبرته ومهارته وتحصيلة الدراسي وكذلك الي افتهمته انه زوجته هم مساندته وماشية على نفس النهج فاكيد هيجي ناس راح تتطور حياتهم بسرعة اكبر من غيرهم لانهم عارفين اشلون ايمشون امورهم صح وحاسبيهة ورقة وقلم وبالعافية عليهم 1000000 مرة لان يستاهلون وجايبيهة بتعبهم
والي افتهمته انه طبيعة حياتك تختلف عن الاخ ابو قمر بعد ما ادري للاحسن لو للاسوء بس هذا مو معناته انت ماعدك خبرة او مو مجتهد لان الحظ يلعب دور جبير فياريت لو تكتبلنا عن طبيعة الحياة يمك وشلونهة العيشة حتى تتكون فد صورة للناس وتكدر ادوزن امورهة احسن


تحياتي اختكم
الملاك الحائر

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
الملاك الحائر
تعرف المشكلة وين انه يمكن 5 بالمية من اللي يوصلون امريكا راح يكدرون يشتغلون الشغل اللي يشتغلة ابو قمر ويمكن 2 بالمية من العوائل راح تكدر زوجاتهم تساعدهم زين بقية ال95 بالمية شراح يسوون مثل مكلت حضرتك هية مسالة حظ ابو قمر الحظ لعب وياه واني مدا اقصد هو مو كفاءة بالعكس بس الحظ مرات يصعدك واني بالنسبة لي ولعائلتي مرتاحيين بالعيشة بامريكا بس مو بالرفاهية اللي ديحجيها ابو قمر لانه الامريكا اغلبهم معايشيها واحنا عاجبتنا امريكا واشجع كل واحد يجي لامريكا بس لتتخيلون انه راح تعيشون مثل حياة ابو قمر مع الشكر الجزيل

غير متصل basma_mazen

  • عضو فعال جدا
  • ***
  • مشاركة: 297
    • مشاهدة الملف الشخصي
مساء الخير  اخي  الغالي  ابوقمر  طبعا  الموضوع  كلشي  عجبني  والاكثر انه  ضرب  على  اوتار  حساسه  بداخلي
لاني  من  الناس  الي  تحب  تجاهد  بالشغل وهنا  بسوريا  اشتغلت  باكثر من  عمل
وفترة  فتحت  مكتب  تجاري بس صعوبه  العمل  هنا  كانك  داخل  حرب ويه نفسك  وطبعا  كمسؤله  عن  بيت  و3 اطفال  مراهقين  شفت  نفسي  ماكدر  اوفق بين  البيت  والعمل ولهذا  اضطريت  للاستسلام
بس الي  متاكده  منة  ان  كل  انسان  اذا  كان  يحب  العمل وماعنده  كلمه  مستحيل
يمكن  ميكدر  يوصل للي وصلته بنفس السرعه  بس اكيد  يوصل لحلمه  خصه  اذا  عرف شون  يرتب امورة  وشون  يستغل الوقت
طبعا  كلامك  جدا  يشجعني بالرغم  اني اعرف  صعوبه  البدايه  وشكد  راح  نشوف بهذله  خصه  اني  لغتي الانكليزيه  تعبتر وسط  او  فوق الوسط بشويه  بس  حاليا  بدل  ماضيع  وقت  دحاول  اتعلم  لغه  واتعلم  حرف  مفيدة  كبدايه  لحياة  الحلم لان  ماعرف  هل  راح  اكدر  اشتغل بشهادتي  من  اسافر لو  لا
اخي  ابو  قمر  تقبل شكري على  اعطاء وقتك  لغيرك  ومهما  كان  رئي الناس  ثق بان الخط  المرسوم  صح  يؤدي الى  نتائج  صح

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
تحية حب لكل الردود .. وطبعا اكرر اسفي بعدم المشاركة في الردود بسبب العمل .. لكني دائما اقرا الردود واعبر لكم عن مشاعري واحترامي لكلامكم الجميل ..
اخي العزيز الذكي انا متابع اغلب مواضيعك .. مشاركتك جميلة لكن انا اعترض على النسبة التي وضعتها وعلى الحظ وعلى كلمة الرفاهية وراح اوضح التالي ..
يمكن التركيز صار على موضوع البيت ... والمصيبة الاغلبية متخيل شراء البيت في امريكا مثل شراء البيت في امريكا هناك اختلاف كبير , بمجرد حصولك على عمل واستمرارك بالعمل لمدة 18 شهر وعندك كردت كارت عدد 2 وعجم وجود اي نقطة سيئة في تقريرك المالي فانت مؤهل لان تشتري بيت بالتقسيط والقسط مال بيتك راح يكون ارخص من اجارك , 80 بالمئة من الامريكان يقومون بهذا الشيء بدل دفع الايجارات بجون نتيجة .. وهذه المتطلبات ممكن اي انسان يقوم بيها ومو صعبة فاذا الموضوع مو صعب وارجع واكرر انك تملك بيت مو معناتها انك عايش برفاهية فالبيت هو متطلب اساسي للجميع في هذا المجتمع ..
نجي لموضوع مهم .. التجارب تختلف من شخص الى اخر وكل شيء يعتمد على توفيق رب العالمين اولا .. ثم لغتك وقابليتك على التئقلم في المجتمع , ثم هدفك وماذا تريد ان تكون طموحك ومثل مكال احد الاخوان ابو قمر حسبها بورقة وقلم نعم ابو قمر حسبها ولا زال يحسب اي شي بالورقة والقلم تشاركني بهذا الشي زوجتي , العائلة وعدد افرادها ايضا مهم كلام صحيح لكن احيانا عدد الافراد الاكثر يكون له فائدة اكبر واحب ان انوه صاحب العائلة الاكبر شراء البيت بالنسبة اله انسب بكثير من الاجارات .
نعم انا اروج لفكرة ان الجميع ممكن ان يكون كابو قمر ولكن بفرق زمني مختلف حسب توفيق الله سبحانه وتعالى وليس الحظ لايوجد شيء اسمه حظ الحظ هو توفيق رب العالمين وان تجعل من الله رفيق دربك بكل شيء في حياتك اضافة الى قابليتك على التعلم والتخطيط , لكن بالمحصلة سوف تصل لهذا الشيء وربما ابعد من هذا الشيء, ابو قمر حصل هذه الاشياء بسنتين ممكن ان تحصلها بثلاثة او اربعة او ممكن بسنتين لكنك سوف تفعل شيء , الفرق بين هنا والوطن العربي ان الوطن العربي كل يوم يمر عليك انت في خسارة بينما هنا كل يوم يمر عليك انت تكسب , تكسب خبرة تكسب اشياء ثقافية وعلمية ومادية اضافة الى انك تقترب بان تصبح مواطن حاملا للجنسية , وحتى لو لم تحقق هذا الشيء فاولادك سوف يحققون ماهو اعظم من هذا الشيء.
انا لا اريدك ان تفكر كيف تشتري بيت او سيارة الغرض من موضوعي انك تطمح وتكون متفائلا لكي تحصل الافضل والافضل , المهم ان تكون انسان متفائل واثق من نفسه هذا هو الهدف الاساسي لكتلبتي هذا الموضوع ..

تحياتي لاخي العزيز الذكي شرفت الموضوع بردك المفيد .. دائما اترقب مشاركتك بكل ما اكتب , فانت اخ عزيز مهما اختلفت وجهات النظر فانا اكن لك كل الاحترام والتقدير ..

تحياتي
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل jack_of_arabia

  • عضو فعال جدا
  • ***
  • مشاركة: 321
  • SIV - IRAQ
    • مشاهدة الملف الشخصي
السلام عليكم ... شكراً أخي العزيز ابو قمر على مواضعيك الراقية وأرجو منك ان ترفدنا اذا كان لديك الوقت الكافي بمعلوماتك حول الدراسة واعتقد لديك الكثير لتقوله عن هذا الموضوع مع جزيل الشكر والتقدير .. تحياتي . جاك
وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا

غير متصل (COBRA)

  • مبدع قسم الهجرة
  • عضو مميز جدا
  • *
  • مشاركة: 3320
  • الجنس: ذكر
    • مشاهدة الملف الشخصي
    • البريد الالكتروني
مرحبا اخي ابو قمر... نورتنه برجوعك الحلو...
ناسف للامور التي تحصل معك ,,,في المنتدى. وربما هناك عقول لاتستطيع تقبل النجاحات  والتقدم الذي ,,يحصل في صفحاتك من زياده عدد القراء والمعجبين بك ..لانك مثال العراقي المثابر والمجتهد وصاحب عقليه متاججه تفوق قدرات المتخلفين الذين لم يصلو بقدر ما انت وصلت عليه,,وهاذا حال ما وصلنه عليه اليوم..انك اصبحت   طلقه الرحمه في راس المتخلفين الذين لايريدون الخير لابناء بلدك....حالهم حال الذين يقتلون الفكر والابداع والتالق,,
لا اريد ان اطيل(0لاني ربما ساكون سببا لغلق موضوعك)
عاشت انملك يا رفيق الدرب في اللجوء ...ولنير الله دربك في سبيل توصيل كلمه النجاح والتفاؤل في درب الاجئين
اخوك ***cobra***
يرجى رفع صورة التوقيع عن طريق موقع عنكاوا كوم
uploads.ankawa.com

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا لكل من كتب كلمة وعلف ولو بحرف ... الموضوع قد لا يحتوي معلومات كثيرة لكنه مهم للجميع .. فهو يحتوي على سر نجاح اي انسان في اي مكان ..
تحية لكل الردود .. واتمنى ان نسمع اراء اكثر وتجارب اكثر قد تنير درب الحائرين ..

تحياتي

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل sahar38

  • عضو فعال جدا
  • ***
  • مشاركة: 321
    • مشاهدة الملف الشخصي
ابو قمر انت بيا ولاية بلا زحمة

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
عزيزي ابو قمر الورده

اهلا وسهلا بيك وبمواضيعك المفيدة طبعا صارلي فترة ماداخل المنتدى بسبب عطلان الاجهزة الكهربائيه طفو الكهربا وعلكوها خلال 5دقايق مرتين راحت الثلاجه والكمبوتر  ;D ;D ;D ;D ;D ;D يلله لو اني بامريكا هسه مو اكدر اقاضي شركة الكهرباء  ;D

بصراحة موضوعك شيق جدا ويظهر مدى تعبك سواء انت او ام قمر الله يحفظكم انشاء الله ومعاناتكم طبعا في الشق الاولاني في حياتكم في سوريا وفي الشق الثاني ايضا تعب وجهد لكن اكو تقدم ملموس وفرق ميه بالميه وجنيت ثمار تعبك وانشاء الله للاحسن وللافضل يارب الله يوفقك انت والعائلة ولمزيد من التقدم في حياتك العمليه ولمزيد من نشر المواضيع

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا اخت انجي لمساعدتك في نقل الموضوع ..

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل wizard78

  • عضو فعال
  • **
  • مشاركة: 33
  • الجنس: ذكر
    • مشاهدة الملف الشخصي
السلام عليكم جميعاً

ابتداءاً احب اشكر الاخ ابو قمر على مجهوده الاكثر من رائع بتوثيق هذه المعلومات والملاحظات المهمة واللتي بالتاكيد ستكون مصدر مهم للمعلومات النابعة من تجربة شخصية وبالاخص للاخوة والاخوات اللذين مازالوا بانتظار مواعيد السفر.

تنويه: المعلومات التي سترد في  سياق الرد ادناه قد وردت سابقا في رد انه كتبته سابقا لموضوع ثانيا (موجود في اللنك ادناه)
http://www.ankawa.com/forum/index.php/topic,525857.msg5296902.html#msg5296902

منعا للتكرار واختصارا للرد وللوصول الى الهدف المطلوب من النقاش ساكتفي بان ابين وجهي نظري من الموضوع مدعما كلامي بتجربتي الشخصية املاً بان تكون صورة واضحة للقراء.

 الاخ ابو قمر العزيز اورد تجربته كمثال على النجاح وتحقيق الاهداف المخطط لها سابقا مع الاستمرار بمتابعة النتائج ومحاولة تصحيح اي خطا ان ورد. ولكن ومن خلال المقال اعلاه وغيرها من المقالات السابقة للاخ العزيز نجد بانها لا ترى الحقيقة كاملة. هذا طبعا ليس تعمدا او قصورا حاشى الاخ العزيز ولكن والحقيقة تقال لايمكن لاي انسان ان يصف حال لم يعشه.
 
لتكون لنا صورة واضحة ساسرد المعلومات الخاصة بي ومن بعدها نعود لمناقشة المقال للاخ العزيز.

انا عندما سافرت للامريكا كان هناك صديق لي قد سبقني وكنت قد سالته عن الحال فاجابني بما احب ان اسمع فسافرت وكلي امل ولكن بعد مرور الايام اكتشفت بان الحال ليس كما قال! وكانت صدمة كبيرة. لذلك انا اعتقد من المفيد معرفة الصعوبات والعقبات للتحضير لها بدل العيش في الاحلام الوردية. انا ساتكلم من واقع تجربتي الشخصية.
انا متزوج ولي طفلة واحدة، عمري في منتصف الثلاثينات وحاصل على شهادة بكالوريوس هندسة من الجامعة التكنولوجية. عملت مع الشركات الامريكية في العراق لمدة 5 سنوات وعملت في دبي ايضا. دخلت الولايات المتحدة في 2009. في الولاية اللتي اسكن فيها انا اعرف 7 مهندسين (مدني 17 سنة خبرة، ميكانيك 8 سنة خبرة، كهرباء 3 خبرة، حاسبات 5 سنة خبرة، صناعي 5 سنة خبرة (وانا واحد منهم)) لم يوفق اي احد فيهم من ايجاد فرصة عمل في مجال الهندسة على الرغم بان احدثهم دخل للولايات المتحدة نهاية 2010 وجميعهم يمتلكون من اللغة مايؤهلهم للعمل من ثاني يوم لهم على التراب الامريكي.
على نطاق البحث عن العمل، فانا من 6/2009 ولحد 10/2010 كنت يوميا اقضي ما لا يقل عن 6 ساعات اقدم على الوظائف الشاغرة في الشركات. خلال الساعات الستة يوميا اقدم على مالا يقل عن 15 وظيفة في اختصاصي واختصاصات ذات العلاقة واللتي في بعض الاحيان تكون متطلباتها اقل مما املك. للاسف لم يحالفني الحظ في اي واحدة من هذه التقديمات ولم اتمكن من الوصول ولو على الاقل الى مرحلة المقابلة الشخصية الا في تقديد واحد!!!! ومع ذالك تلك المقابلة تم تاتي بجديد. في 10/2010 وعن طريق العلاقات فقط حصلت على عمل ب بدوام كامل بشركة صغيرة جدا لشخص عراقي (3 موظفين فقط).
لنعود للمقال. الاخ العزيز يذكر تجربته وماحدث معه وانجازته وهذا شي جميل ولكن هل الحياة في امريكا دائما على هذا المنوال.. دعونا نتناقش بروح اخوية. طبعا مثلما تفضل الاخ العزيز بانه يعمل مشرف عمل في شركة كمبيوترات (او شي من هذا القبيل) وزوجته المحترمة تعمل في وال مارت. وكما ورد في مقاله بان كل ماحققه هو نتاج طبيعي للعمل والتخطيط وان لم يستعمل اي مورد من خارج ماحققه خلال 2.5 سنة في امريكا لبناء وضعه الحالي. التساؤل هنا ياترى هل كان كلامك سيكون صحيح لو انك تعمل في وال مارت ايضا؟
سيدي العزيز ليس كل من دخل امريكا استطاع ان يجد العمل اللذي يبغاه. انا وخلال الفترة اللتي كنت ابحث فيها عن عمل عملت في (TARGET).وهو سوبر ماركت معروف للجميع. كانت الاجور هي 8.50$ بالساعة وحتى ولو فرضنا جدلا بانهم اعطوك 40 بالاسبوع فدخلك الاسبوعي سيكون 340$. ولو فرضنا بان زوجتي تعمل في نفس المتجر وتشتغل 40 ساعة بالاسبوع فسيكون الدخل البيت الاسبوعي هو 680$. فياسيدي العزيز اي بيت ستتمكن من شراءه بهذا المبلغ.
صحيح بان شراء البيت في امريكا يتخلف كليا عن العراق والبلدان المحيطة حيث كي تشتري بيت فلا يتوجب عليك امتلاك المبلغ كاملا. ولكن هناك شروط للشراء البيت وانت ذكرت جملة منها وهي
   - تعمل في نفس العمل لمدة 18 على الاقل
   - تمتلك تقرير ائتماني جيد وخالي من المشاكل
   - دفع مبلغ مقدما يحدد على اساس سعر البيت
   - ان يكون مجموع مصروفاتك الشهرية (اقساط السيارات وغيرها من الاقساط) بما لا يتجاوز نصف قيمة الراتب الشهري (واعتقد بان حضرتك نسيت هذه الفقرة)

المقصود من الموضوع بان الحياة ليس واحدة. فحضرتك كنت موفقا "او محظوظا" سمها ماشئت فالنتيجة واحدة. ايجادك للعمل بعد شهر واحد لا يعكس الصورة الحقيقة للعمل في امريكا. وحتى يكون جوابي للتساؤلات الكثيرين. صحيح ان امريكا تقدس العمل وبالعمل والمثابرة تحقق ماتصبوا اليه ولكن المقال اعلاه (مع اعتذاري من شخصك الكريم) لايقع ضمن هذا التصنيف. انت وبدون شك قدمت الكثير للوصول الى حالك الان ولكن هذا التقديم كان خارج امريكا. لذلك من الاجحاف ان نعمم نجاحك وتجربتك على جميع الاجئين. من خلال المجموعة اللتي اعرفها (وجمعيهم مهندسين عملوا مع كبريات الشركات) واللتي لا تقل عن 50 مهندس فقط 4 مهندسين كانوا محظوظين (او موفقين) وحصلوا على العمل اللي يتناسب مع امكانياتهم واستطاعوا ان يصلوا الى نفس ماتفضلت به في سنة او سنتين.
هناك الكثير من الامور اللتي لا يمكن ان تعمم على جميع الموجودين.على المهاجر او اللاجي الجديد ان يضع في الحسبان بان على الاقل اول سنتين هما سنتين ضنك وتعب وان شاء تكون توقعاتي خاطئة ويحصل الجميع على اعمال جديدة بمجرد دخولهم الى الولايات المتحدة. الهجرة الى امريكا فرصة لاتعوض ولكن لاشي هين وخاصة امريكا الحياة فيها مختلفة ومتعبة وخاصة في الاعمال البسيطة (الاعمال اليدوية، العمل في المحلات والمطاعم .(

العمل شي مهم في امريكا. ولكن الاعمال البسيطة مثل وال مارت وغيرها لا تدع لك اي مجال لل(GYM). صحيح بان اوقات العمل محدودة ولكن "كلمن يمدد على كد غطاه" وبالتاكيد سوف لن تجد الوقت  او المال الكافي لكي تفكر متى ستشتري بيتك الخاص.

اخي العزيز اتمنى ان لا يكون كلامي ثقيل على جنابك واتمنى بان لاتكون كلماتي ثقيلة على الاخوة القراء ولكن هذه هي الحقيقة في حالة عدم حصولك على شغل محترم براتب جيد جدا. وان شاء الله يرزقكم الله بالسفر القريب.

ً WIZARD

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
السلام عليكم جميعاً

ابتداءاً احب اشكر الاخ ابو قمر على مجهوده الاكثر من رائع بتوثيق هذه المعلومات والملاحظات المهمة واللتي بالتاكيد ستكون مصدر مهم للمعلومات النابعة من تجربة شخصية وبالاخص للاخوة والاخوات اللذين مازالوا بانتظار مواعيد السفر.

تنويه: المعلومات التي سترد في  سياق الرد ادناه قد وردت سابقا في رد انه كتبته سابقا لموضوع ثانيا (موجود في اللنك ادناه)
http://www.ankawa.com/forum/index.php/topic,525857.msg5296902.html#msg5296902

منعا للتكرار واختصارا للرد وللوصول الى الهدف المطلوب من النقاش ساكتفي بان ابين وجهي نظري من الموضوع مدعما كلامي بتجربتي الشخصية املاً بان تكون صورة واضحة للقراء.

 الاخ ابو قمر العزيز اورد تجربته كمثال على النجاح وتحقيق الاهداف المخطط لها سابقا مع الاستمرار بمتابعة النتائج ومحاولة تصحيح اي خطا ان ورد. ولكن ومن خلال المقال اعلاه وغيرها من المقالات السابقة للاخ العزيز نجد بانها لا ترى الحقيقة كاملة. هذا طبعا ليس تعمدا او قصورا حاشى الاخ العزيز ولكن والحقيقة تقال لايمكن لاي انسان ان يصف حال لم يعشه.
 
لتكون لنا صورة واضحة ساسرد المعلومات الخاصة بي ومن بعدها نعود لمناقشة المقال للاخ العزيز.

انا عندما سافرت للامريكا كان هناك صديق لي قد سبقني وكنت قد سالته عن الحال فاجابني بما احب ان اسمع فسافرت وكلي امل ولكن بعد مرور الايام اكتشفت بان الحال ليس كما قال! وكانت صدمة كبيرة. لذلك انا اعتقد من المفيد معرفة الصعوبات والعقبات للتحضير لها بدل العيش في الاحلام الوردية. انا ساتكلم من واقع تجربتي الشخصية.
انا متزوج ولي طفلة واحدة، عمري في منتصف الثلاثينات وحاصل على شهادة بكالوريوس هندسة من الجامعة التكنولوجية. عملت مع الشركات الامريكية في العراق لمدة 5 سنوات وعملت في دبي ايضا. دخلت الولايات المتحدة في 2009. في الولاية اللتي اسكن فيها انا اعرف 7 مهندسين (مدني 17 سنة خبرة، ميكانيك 8 سنة خبرة، كهرباء 3 خبرة، حاسبات 5 سنة خبرة، صناعي 5 سنة خبرة (وانا واحد منهم)) لم يوفق اي احد فيهم من ايجاد فرصة عمل في مجال الهندسة على الرغم بان احدثهم دخل للولايات المتحدة نهاية 2010 وجميعهم يمتلكون من اللغة مايؤهلهم للعمل من ثاني يوم لهم على التراب الامريكي.
على نطاق البحث عن العمل، فانا من 6/2009 ولحد 10/2010 كنت يوميا اقضي ما لا يقل عن 6 ساعات اقدم على الوظائف الشاغرة في الشركات. خلال الساعات الستة يوميا اقدم على مالا يقل عن 15 وظيفة في اختصاصي واختصاصات ذات العلاقة واللتي في بعض الاحيان تكون متطلباتها اقل مما املك. للاسف لم يحالفني الحظ في اي واحدة من هذه التقديمات ولم اتمكن من الوصول ولو على الاقل الى مرحلة المقابلة الشخصية الا في تقديد واحد!!!! ومع ذالك تلك المقابلة تم تاتي بجديد. في 10/2010 وعن طريق العلاقات فقط حصلت على عمل ب بدوام كامل بشركة صغيرة جدا لشخص عراقي (3 موظفين فقط).
لنعود للمقال. الاخ العزيز يذكر تجربته وماحدث معه وانجازته وهذا شي جميل ولكن هل الحياة في امريكا دائما على هذا المنوال.. دعونا نتناقش بروح اخوية. طبعا مثلما تفضل الاخ العزيز بانه يعمل مشرف عمل في شركة كمبيوترات (او شي من هذا القبيل) وزوجته المحترمة تعمل في وال مارت. وكما ورد في مقاله بان كل ماحققه هو نتاج طبيعي للعمل والتخطيط وان لم يستعمل اي مورد من خارج ماحققه خلال 2.5 سنة في امريكا لبناء وضعه الحالي. التساؤل هنا ياترى هل كان كلامك سيكون صحيح لو انك تعمل في وال مارت ايضا؟
سيدي العزيز ليس كل من دخل امريكا استطاع ان يجد العمل اللذي يبغاه. انا وخلال الفترة اللتي كنت ابحث فيها عن عمل عملت في (TARGET).وهو سوبر ماركت معروف للجميع. كانت الاجور هي 8.50$ بالساعة وحتى ولو فرضنا جدلا بانهم اعطوك 40 بالاسبوع فدخلك الاسبوعي سيكون 340$. ولو فرضنا بان زوجتي تعمل في نفس المتجر وتشتغل 40 ساعة بالاسبوع فسيكون الدخل البيت الاسبوعي هو 680$. فياسيدي العزيز اي بيت ستتمكن من شراءه بهذا المبلغ.
صحيح بان شراء البيت في امريكا يتخلف كليا عن العراق والبلدان المحيطة حيث كي تشتري بيت فلا يتوجب عليك امتلاك المبلغ كاملا. ولكن هناك شروط للشراء البيت وانت ذكرت جملة منها وهي
   - تعمل في نفس العمل لمدة 18 على الاقل
   - تمتلك تقرير ائتماني جيد وخالي من المشاكل
   - دفع مبلغ مقدما يحدد على اساس سعر البيت
   - ان يكون مجموع مصروفاتك الشهرية (اقساط السيارات وغيرها من الاقساط) بما لا يتجاوز نصف قيمة الراتب الشهري (واعتقد بان حضرتك نسيت هذه الفقرة)

المقصود من الموضوع بان الحياة ليس واحدة. فحضرتك كنت موفقا "او محظوظا" سمها ماشئت فالنتيجة واحدة. ايجادك للعمل بعد شهر واحد لا يعكس الصورة الحقيقة للعمل في امريكا. وحتى يكون جوابي للتساؤلات الكثيرين. صحيح ان امريكا تقدس العمل وبالعمل والمثابرة تحقق ماتصبوا اليه ولكن المقال اعلاه (مع اعتذاري من شخصك الكريم) لايقع ضمن هذا التصنيف. انت وبدون شك قدمت الكثير للوصول الى حالك الان ولكن هذا التقديم كان خارج امريكا. لذلك من الاجحاف ان نعمم نجاحك وتجربتك على جميع الاجئين. من خلال المجموعة اللتي اعرفها (وجمعيهم مهندسين عملوا مع كبريات الشركات) واللتي لا تقل عن 50 مهندس فقط 4 مهندسين كانوا محظوظين (او موفقين) وحصلوا على العمل اللي يتناسب مع امكانياتهم واستطاعوا ان يصلوا الى نفس ماتفضلت به في سنة او سنتين.
هناك الكثير من الامور اللتي لا يمكن ان تعمم على جميع الموجودين.على المهاجر او اللاجي الجديد ان يضع في الحسبان بان على الاقل اول سنتين هما سنتين ضنك وتعب وان شاء تكون توقعاتي خاطئة ويحصل الجميع على اعمال جديدة بمجرد دخولهم الى الولايات المتحدة. الهجرة الى امريكا فرصة لاتعوض ولكن لاشي هين وخاصة امريكا الحياة فيها مختلفة ومتعبة وخاصة في الاعمال البسيطة (الاعمال اليدوية، العمل في المحلات والمطاعم .(

العمل شي مهم في امريكا. ولكن الاعمال البسيطة مثل وال مارت وغيرها لا تدع لك اي مجال لل(GYM). صحيح بان اوقات العمل محدودة ولكن "كلمن يمدد على كد غطاه" وبالتاكيد سوف لن تجد الوقت  او المال الكافي لكي تفكر متى ستشتري بيتك الخاص.

اخي العزيز اتمنى ان لا يكون كلامي ثقيل على جنابك واتمنى بان لاتكون كلماتي ثقيلة على الاخوة القراء ولكن هذه هي الحقيقة في حالة عدم حصولك على شغل محترم براتب جيد جدا. وان شاء الله يرزقكم الله بالسفر القريب.

ً WIZARD

صديقي العزيز .. شكرا لمرورك ومشاركتك القيمة ..
انا ذكرت سابقا وساكررها مرة اخرى .. موضوع العمل يعتمد اعتماد كلي على شيئين توفيق رب العالمين اولا والمدينة التي تعيش فيها ففرص العمل تختلف من مدينة الى مدينة ومن ولاية الى اخرى , وهنا ستلاحظ الفرق بين قصتينا حضرتك طولت اكثر من سنة للحصور على عمل بينما انا حصلت على عمل خلال 29 يوم من وصولي , ليس لكوني محظوظ ولكن لكون ظروف مدينتي اقتصاديا افضل من مدينتكم وهذا الشيء يمكن اثباته من خلال الكثير من من يعيش في فورت وورث ودالاس الذين اغلبهم وجدوا اعمال بفترة قياسية ,
ولهذا انا لا استطيع ان اعمم تجربتي كما لا يمكنني ان اعمم تجربتك ففرصة العمل تختلف باختلاف المدينة وباختلاف قابلية الشخص , اما بالنسبة للبيت فهنا في تكساس بامكانك ان تشتري بيت بمنطقة محترمة جدا بمبلغ 85000 دولار , اذا دفعت منها 20000 والي ممكن تجمعها من الضرائب المسترجعة لمدة سنتين او ثلاثة بما انكم عائلة فقسط الشهري راح يكون اقل من 500 دولار يعني ارخص من اجارك اذا اجرت شقة غرفتين , اما بالنسبة لمتطلبات شراء البيت فيحتاج منك عمل متواصل لفترة سنة وست اشهر وهذا ما اتصور صعب انا صارلي سنتين ونص ويا نفس الشركة واصدقاء لي كثيرين لديهم سنتين واكثر في شركاتهم ويحتاج الامر كردت جيد وهذا ممكن تبدي ببناءه من اول يوم وصولك وخلال سنتين راح تملك كردت جيد يئهلك ان تاخذ نسبة انترست جيدة جدا ..
صديقي انا انطيت صورة عن الحياة الي يعيشها اغلب الامريكان والي بامكان ان يشخص ان يملكها , وانا بهذه الصورة لا انكر بان هناك ظروف قاسية قد تواجهك لكن كما قلت سابقا لايوجد شيء ستندر في امريكا فكل ولاية تعتبر عالم اخر عن الولاية الاخرى ..

شكرا لمرورك صديقي وتشرفت بتعليقك الذي اضاف على الموضوع الكثير ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل ابو معتضد

  • عضو فعال جدا
  • ***
  • مشاركة: 187
  • الجنس: ذكر
  • الهم يسر امر شعبنا المظلوم وفرج عنه الظيم والهموم
    • مشاهدة الملف الشخصي
الاخ العزيز ابو قمر اشكرك على مواضيع الرائعه والتي ليست بعيدة عن الواقع والتي جعلت لنا التفاؤول بالخير دائما واكيد كل مكان له السلبيات  والاجابيات بس يا خويه اكو بهذله بشلعان كلب  واكو بهذله بنتيجه وتعب تجني ثماره  واحب اجاوب اخويه الي عقب عله موضوعك انه بكلامه شيء من الصحه بس  مثلا اني اخوك هم مهندس في جيش السابق  وصدقه اشتغل ابسطة عطور ابعمان و اتحبطلي كل يوم بثمن كراتين عطور دبل اكسل  مصعد للطابق الثاني ونازل من الطايق الثاني طبعا بيتي وتكسي كل يوم تتوسل بيه لو ابو كيا  ويا سلام لوط لع نقص وطبعا الك ربع بالقطعه وعمان صرافين  بحيث اطلع خمسه كل يوم نعمه 000لو احترم نفسي واشتغل من الصبح لليل براتب مغري  200 فقط لان عراقي200 وهيج هيج اني كاعد اجار وما املك بدنيتك بس ام معتضد ومعتضد ومؤمن   لذلك اكول اذا اني مشتريت بيت بامريكا فعادي  اولادي ممكن يشترون بعد حين  بس اذا  اولادي فتحوا عينهم عله ابوهم تنداس كرامته كل يوم شلون يعرفون معناها  هذا  راي  المتواضع وشكرا لابو قمر والله ايوفقك :-[

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
الاخ العزيز ابو قمر اشكرك على مواضيع الرائعه والتي ليست بعيدة عن الواقع والتي جعلت لنا التفاؤول بالخير دائما واكيد كل مكان له السلبيات  والاجابيات بس يا خويه اكو بهذله بشلعان كلب  واكو بهذله بنتيجه وتعب تجني ثماره  واحب اجاوب اخويه الي عقب عله موضوعك انه بكلامه شيء من الصحه بس  مثلا اني اخوك هم مهندس في جيش السابق  وصدقه اشتغل ابسطة عطور ابعمان و اتحبطلي كل يوم بثمن كراتين عطور دبل اكسل  مصعد للطابق الثاني ونازل من الطايق الثاني طبعا بيتي وتكسي كل يوم تتوسل بيه لو ابو كيا  ويا سلام لوط لع نقص وطبعا الك ربع بالقطعه وعمان صرافين  بحيث اطلع خمسه كل يوم نعمه 000لو احترم نفسي واشتغل من الصبح لليل براتب مغري  200 فقط لان عراقي200 وهيج هيج اني كاعد اجار وما املك بدنيتك بس ام معتضد ومعتضد ومؤمن   لذلك اكول اذا اني مشتريت بيت بامريكا فعادي  اولادي ممكن يشترون بعد حين  بس اذا  اولادي فتحوا عينهم عله ابوهم تنداس كرامته كل يوم شلون يعرفون معناها  هذا  راي  المتواضع وشكرا لابو قمر والله ايوفقك :-[

اخي العزيز يارب يوفقك ويرزقك ويفرجها عليك انت انسان صادق ومحترم وانشاء الله فرج رب العالمين قريب , للاسف هناك الكثيرين من من يتبطر على الحياة هنا التي هي جنة مقارنة بوطننا العربي .. شكرا عزيز على مشاركتك القيمة ويارب يارب يفرجها عليك بالقريب العاجل ..

أخوك أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل cool050

  • عضو فعال جدا
  • ***
  • مشاركة: 351
    • مشاهدة الملف الشخصي
شكراً اخونا الغالي ابو قمر والله اطولنا ابعمرك وخلينا قمر واختنا ام قمر

غير متصل ملت روحي

  • عضو فعال جدا
  • ***
  • مشاركة: 507
    • مشاهدة الملف الشخصي
 :'( :'( :'( :'( خنكتني العبرة واني اقرة اخر كلمات على بلدنا وكانت كلمات صادقة من قلب طاهر وصادق ....

ما اعرف شكلك ابو قمورة حبيبي ... لان ايدي تعجز عن كتابة كلمات الشكر والتقدير والامتنان الك .. ولو شمراح اكتب مراح اوفيك حقك ...

الف الف شكر الك يا اخوية الغالي ربي يحفظك ويحميك ويخليلك الحلوة بنتنة قمورة ويخليلك ام قمر وربي يسعدكم دوم ويعلي مرتبك ويجازيك دنية واخرة الف شكر ياروحنة وعقلنة وكيانة في اميركا...

اخوك للابد ملت روحي

غير متصل معماري بغداد

  • عضو فعال
  • **
  • مشاركة: 32
    • مشاهدة الملف الشخصي
    • البريد الالكتروني
صدك جذب.... 200 دولار بالسنة اشتراك الجم ولا بالاحلام ..بس هذا يدل على اهتمام الامريكيين بالرياضة زيادة الصالات وكثرة مرتاديها يودي الى نقص مبلغ الاشتراك.... من المهم ان ترفدنا عزيزي ابو قمر بموضوع عن شغف الامريكان بمزاولة الرياضة ... ,وبين انك شخص مرتب وقتك ومستغل كل دقيقة بحياتك بانتظام وهذه مواصفات الانسان الناجح والطموح....

غير متصل بغدادي في عمان

  • عضو فعال جدا
  • ***
  • مشاركة: 152
    • مشاهدة الملف الشخصي
    • البريد الالكتروني
أبو قمر الورده
تحياتي وسلامي
ممنون منك ان ذكرت انك تدفع 200 دولار اشتراك سنوي بنادي ال 24 الرياضي
اني هم مشترك بي بأوستن بس كنت اسدد 32 دولار اشتراك شهري
سالتهم ليش غيري يدفع 200 سنوي ؟؟البنيه حبابه جدا كالتلي ادليك عله طريقه ارخص حته من ال 200 سنوي
روح اشتري اشتراك سنتين بالنادي وسدد 319 دولار مثل ما مسوين اغلب الاعضاء هنا يطلعلك الاشتراك الشهري ب 13 دولار لاغير
هذه الاشتراك للسنتين تشتري من costco حصريا .
طلبته أون لاين قبل شويه وضافوا عل سعر 5% لأني مو عضو بال costco
طلع الاشتراك سنتين ب 335.99ارخص بكثير
ممنون منك
سلامي وتحياتي
أخوك

غير متصل بغداد بقلبي

  • مبدع قسم الهجرة
  • عضو مميز
  • *
  • مشاركة: 1421
  • الجنس: ذكر
  • الله ولي التوفيق
    • مشاهدة الملف الشخصي

غير متصل عاشق تراب العراق

  • عضو مميز
  • ****
  • مشاركة: 1561
    • مشاهدة الملف الشخصي
روعة من بداية الموضوع الى نهايتة
لقد تعلمت في المدرسة و الجامعة ان نتعلم الدروس ثم نواجه الامتحانات ...
اما في الحياة ....
فاننا نواجه الامتحانات ثم نتعلم الدروس....