المحرر موضوع: اذا فقدت عملك بأمريكا تنشمر بالشارع !!!!!! .... معلومات عن العمل في امريكا (كيفية ملء استمارة الت  (زيارة 48012 مرات)

0 الأعضاء و 1 ضيف يشاهدون هذا الموضوع.

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
تحية طيبة ,
اليوم حبيت اكتبلكم واشرحلكم شي مهم جدا ويشغل بالي الكثيرين ..... ماذا لو فقدت عملي في امريكا ؟؟ اكيد راح يذبوني بالشارع ؟؟ على فكرة هذا الكلام تسمعه من صنفين الصنف الأول بعض العراقيين هنا في امريكا الصنف الثاني من هم ليسوا في امريكا لكونهم كالعادة يعتمدوا على معلومات من الصنف الاول او معلومات التلفزيونات العربية والصحف العربية الي هي بطبعها دائما تقلل من شأن امريكا , ولهذا عليك ان تتاكد من مصدر أي كلمة تسمعها لان  للاسف ان جميع من يسكن هنا ولا يملك لغة او احتكاك بالمجتمع غير قادر على اعطائك معلومات صادقة , وهنا بهذا الموضوع راح اكتبلكم عن ماهو نظام العمل في امريكا؟ كيفية التقديم على عمل وجتلكم استمارة تقديم حتى نتعلم شلون نمليها وغالبا ما تكون استمارات التقديم متشابهة ما بين الشركات , كيف تحافظ على عملك ؟ وماذا لو فقدت عملك ؟؟ وراح ابدي بالسؤال الاخير .
الجميع يعلم ويسمع عن الازمة الاقتصادية التي مرت بأمريكا والعالم , لكني لغاية هذه اللحظة لم ارى شخص جائعا او شخص يفترش الشارع !!!! الكثير من الاقتصاديين اشادوا بالاقتصاد الامريكي رغم التراجع الذي حدث خلال وبعد الازمة , قوة هذا الاقتصاد نابعة من الدستور وقوانين المجتمع المدني والقوانين التي تحكم علاقة العمل بين اصحاب الشركات والعمال أو الموظفين .
ماذا لو فقدت عملي ؟؟ هنا نتوقف عن كيفية فقدانك للعمل , هل فقدت للعمل بسبب صاحب العمل او بسببك انت , بمعنى اخر هل طردت من العمل بسبب اخطاء قمت بها ام تركت العمل لان الشركة ترغب في تقليص عدد العمال بسبب قلة الانتاج او لاسباب اخرى ,
اذا كنت موظف أساسي في شركة او معمل او محل ومر على خدمتك فترة تتجاوز الستة اشهر فيح لك عند فدانك للعمل التقديم على unemployment benefits وهو عبارة عن برنامج حكومي يمكن التقديم له اون لاين او من خلال زيارة مكتبهم القريب من منطقتك , وبعد ارسال المعلومات لهم سوف تكون مؤهل لاستلام 80% من مرتبك الشهري السابق وانت جالس في البيت لمدة 6 اشهر قابلة للتجديد 6 اشهر اخرى لكن بشرط ان تقوم بالتقديم على عمل اسبوعيا وبعدد لا يقل عن ثلاث مرات في الاسبوع لكي يضمنوا انك تبحث عن عمل ,والكثير من الامريكان يستفادون من هذا البرنامج في حالة فقدانهم للعمل خلال فترة بحثهم عن عمل اخر , طيب هذا المبلغ الي يدفعولك اياه منين مصدره ؟؟؟
طبعا راح تسمع الكثير من حجي العراقيين الي يعملون بالكاش يكلك عمي ليش تشتغل بالشركات وتدفع ضرايب وفلوسك تروح للدولة احسن شي واريح شي الكاش؟؟ طبعا هذا كلام مغلوط مئة بالمئة , وراح ابدي اوضح موضوع ضريبة العمل الي تدفعها والي الكثيرين ميعرفون ان اغلبها يرجع الك والدولة ممستفادة أي شي منها شلوون ؟؟ الضريبة الي تستقطع من راتبك تقسم الى ثلاثة اقسام :
Social security Tax
Medicare Tax
Federal Tax
طبعا مقدار الضريبة الي تدفعها يحسب على عدد الي تعيلهم وحسب استمارة ال W4 الي عبيتها اثناء تقديمك للعمل وراح نكتب عنها موضوع كامل مستقبلا ودائما متكون الضريبة بين 15% الى 3% , اذا كنت صاحب عائلة فمراح يستقطع منك الكثير واذا كنت شاب راح تكون الضريبة اعلى وراح انزل موضوع خاص بالضريبة مستقبلا لأن اغلب الناس ماخذ فكرة غلط عن الضريبة , اذن مبلغ الضريبة راح يتوزع لثلاث اقسام القسم الاول يروح Social security Tax   والي راح ينجمع الك وتسفاد منه في فقدانك للعمل يعني هذا المبلغ راح يستخدم في حالة فقدانك لعمل وراح يرجعلك البعض راح يكول بس هذا المبلغ اقل من الي يدفعولك اياه اذا فقدت العمل , نعم صحيح لان المبلغ المدفوع الك راح يكون جزء منه من السوشيل مالتك والجزء الاخر من الشركة الي بطلتك راح تظل تدفعلهم بشكل شهري حتى تلكه عمل وتخرج من البرنامج اضافة الى دعم مالي حكومي , ولو موضوعنا مو عن التاكس بس راح اوضحلك القسمين الباقيين , Medicare Tax هذا المبلغ يجمعوه الك كضمان صحي من تطلع تقاعد , Federal Tax  وهذا القسم الوحيد الي يروح للحكومة والي راح تسترجعه كاملا اضافة الى منحة حكومية كل راس سنة في ما يسمى باسترجاع التاكس في حالة دخلك قليل مقارنة بمتوسط الدخل الامريكي وعلى فكرة نادر ما يستقطع هذا النوع من التاكس للعامل صاحب العائلة ويستقطع فقط عندما يكون المبلغ عالي نسبية وفق حسابات معينة ولهذا اصحاب العوائل غالبا مايستقطع منهم Social security Tax  , Medicare Tax فقط , اكيد كثير منكم متهمة التفاصيل يريد شد هي الضريبة الي لازم يدفعها اذا اشتغل ؟ رغم ان هذا السؤال لايمكن الاجابة عليه لان الموضوع يعتمد على عدد افراد الاسرة ومقدار الدخل لكن راح انطيكم مثال , مثلا اني عندي طفلة وزوجة يستقطع مني ضريبة على 1000$ مقدار 60$ طبعا انا دخلي يختلف عن غيري كلما يقل دخلك كلما تقل الضريبة وشي على شي المبلغ جدا صغير .
نرجع لموضوعنا معناتها اني اذا مثبت بشركة لمدة تتجاوز ال6 شهور راح اكون ضامن ان يكون الي دخل شهري حتى لو عزلت الشركة ( بعض الناس يكلك الشركات تعزل ويشمروك بالشارع ) , نجي الان الى كيفية التقديم على عمل ؟؟ وكيف يقسم العمل في امريكا من ناحية التوظيف ؟؟ وكالعادة راح ابدي باخر سؤال .
العمل في امريكا يقسم من ناحية التوظيف  الى نوعين :
عمل مؤقت  Temp Job   :  هذا النوع من العمل مراح تملك بيه اي حقوق من اجازات  مدفوعة الاجر كالعطل الرسمية او عطل سنوية او عطل مرضية اضافة الى عدم حصولك على تامين صحي اضافة الى ان صاحب العمل ممكن ان يمشيك باي وقت يحب ومن دون ان يكون الك الحق للتقديم على برنامج unemployment benefits , اذا هذا النوع ليس لك فيه أي حقوق , وهذا النوع غالبا ميكون لمدة 3 او 6 اشهر تنتقبل بعدها للنوع الاخر .
عمل ثابت Permanent  Job  : هذا النوع من العمل تملك فيها جميع الحقوق كاملة من عطل رسمية مدفوعة , من عطلة سنوية والي اغلب الشركات تعطي 10 ايام سنويا مدفوعة , اجازات مرضية غالبا متكون 6 ايام بالسنة اضافة الى تامين صحي مدعوم او مدفوع كليا , بامكان الشركة ان تمشيك في حالة توقف العمل او تقليص عدد العمال لكن يكون لك الحق بالتقديم على رنامج unemployment benefits , لكن هذا الامر نادرا جدا لان اغلب الشركات عندما تقلص العمال تقلص العمال الموقتين اولا اضافة الى ان الشركة سوف تبقى مطالبة للدفع لك حتى بعد تسريحك من العمل وهذا الي ذكرته سابقا ولهذا اخر خيار للشركة سوف يكون تسريح العمال المثبتين .
هنا نجي نبسط الموضوع , نظام العمل في امريكا غالبا ما يفرض فترة عمل مؤقته بالذات العمال والموظفين  محدودي الخبرة والكفاءة والوظائف التي لا تحتاج الى خبرة , يعني هذا النظام نادر ما يطبق على الاطباء والمهندسين واصحاب المهن الاحترافية , اذن غالبا ما تكون اول 3 اشهر او 6 اشهر من عملك فترة مؤقته فترة اختبار للتاكد من انك موظف كفوء , هذه الفترة غالبا ما تكون فيها تحت اسم شركة توظيف أي شركة مغايرة للشركة الي تعمل فيها , يعني شركة التوظيف هي الي تعينك وتعطيك المرتب مالتك وتكون مسئول منها طيل الفترة المؤقته بالمقابل الشركة الام الي انت تعمل بيها متكون مسئوله عن أي شي يخصك مجرد تدفع راتبك الى شركة التوظيف + عمولة شركة التوظيف على كل ساعة , ولهذا هويتك واوراقك كلها تدل على انك تعمل مع شركة التوظيف وليس مع الشركة الام , بعد فترة العمل المؤقتة الشركة الام تطلب من شركة التوظيف ان تحول اوراقك لتثبيتك ضمن كادرها وسوف تقوم بتوقيع عقد جديد ويكون تالك حقوق جديدة , هذا النظام ماشي في اغلب الولايات الامريكية ويشمل الشركات والسوبر ماركتات والمعامل ومختلف قطاعات العمل , احيانا الشركة الام تعينك كموظف مؤقت عدها لفترة وبعدها يتم تثبيتك بدون الاستعانة بشركة توظيف وهذه الحالة موجودة ايضا , لكن بالناتج دائما يكون هناك فترة مؤقتة تثبت فيها كفائتك وفترة دائمية تاخذ فيها كل حقوقك .
يفية التقديم على عمل : هناك طرق كثيرة للبحث عن العمل ( لا تعمتد على المنظمة في ايجاد عمل لك وتكعد تنتظر ) انا بالنسبة الي الانترنت يعتبر المصدر الاساسي للبحث والي من خلاله تجد شركات التوظيف الي قريبة من منطقتك اضافة الى وظائف مباشرة يكون التقديم عليها عن طريق الانترنت مباشرة , الاصدقاء والمعارف الي تعرفهم والي اغلبهم مراح ينطيك معلومة بس مع هذا حاول , السوبر ماركتات الكبيرة وهذا النوع دائما يطلب عمال وموظفين ويمكن التقديم اله عن طريق الانترنت مثل الولمرت ، تاركيت ، روز , كروكر , والكثير من السوبرماركتات الضخمة وممكن ان تذهب الى نفس السوبر ماركت هناك كمبيوتر للتقديم ممكن ان تجلس وتكمل استمارة تقديمك , وانشاء الله راح احاول ان انزل مواضيع تشرح كيفية التقديم وبالصور لكل هذه المكانات , طيب كيف اعبي الاستمارة , اليوم جبتلكم نسخة من استمارة لاحدى شركات التوظيف وراح اوضحلكم كيف طريقة املائها وهي غالبا ماتكون نفس الاستمارة في اغلب اماكن التقديم مع اختلافات بسيطة يمكن البعض راح يشوفها جدا سهلة لكن حبيت ان اوضحلها للي انكليزيته ضعيفة والي معنده معلومات عن استمارات التقديم ,
اذا تلاحظ بالاستمارة كما بالصورة المعلومات المطلوبة معلومات بسيطة جدا وهي :
First name  : أسمك الاول
Middle  : اسم الوالد وغالبا ميكون اختصار اول حرف فقط
Last name  : وهو اسم الجد او اسم العائلة حسب ما انت ذاكره وحسب ما موجود بهويتك
Home phone : رقم تلفون البيت وممكن تكتب N  اذا معندك
Cell phone  : رقم موبايلك والي هذا جدا مهم لان يتصلون عليك بيه ولهذا ما انصح بتغيير تلفونك كل كم يوم والله اكو شركة ارخص , قبل لتاخذ التلفون قررويا اي شركة وانهي الموضوع رغم ان اغلب الشركات تنقلك رقمك ويا الخدمة بس اكو شركات معدها هاي الامكانية , اذا كانت انكليزيتك غير جيدة ممكن تتفق ويا شخص تعرفه وتحط رقم تلفونه يجاوب عنك .
Email  : ايميلك الشخصي 
SSN : رقم السوشيل سكيورتي نمبر مالتك والي لازم تكون دائما حافضه .
Address : الي هو عنوانك والي بيه رقم المجمع والشارع ورقم شقتك ( لتنسه رقم الشقة )
City : المدينة الي انت عايش بيها     ...  state   : الولاية   ....   Zip cod : وهو الرقم البريدي لمنطقتك وهو خمس ارقام وموجود دائما بعنوانك بعد رمز الولاية وهذا لازم تكون حافظه دائما .
Shift available to work  : اوقات العمل الي تستطيع العمل فيها , هنا في امريكا كل 8 ساعات تعتبر شيفت عمل فهناك شفت عمل صباحي واكو شفت ثاني واكو شفت مسائي واكو شفت ليلي , وعلى فكرة الي يشتغل بالليل يدفعوله اكثر من الي يشتغل بالنهار يعني 25 سنت عالساعة ممكن اكثر او ممكن اقل هنا بهذه الاستمارة كاتبلك صباحي AM   او مسائي PM    او  both  يعني بكل الاوقات وهذا الافضل ان دائما تكتب جميع الاوقات بالذات اذا معندك عمل اخر لانك بهاي الحالة راح تكون ضامن التعيين اذا كان اكو شواغر باليلي او بالنهاري
Over time  : غالبا ما تنسئل هذا السؤال والي هو هل انت قابل انك تعمل بعد فترة العمل 8 ساعات , طبعا بعض الامريكان ميكدر لان يكون مرتبط بعمل اخر او يكون عنده ظروف خاصة بس بالنسبة الك هو فرصة لاثبات كفائتك بالعمل وفرصة لكسب مبلغ اكبر والي معروف في امريكا اي ساعة بعد ال8 ساعات تدفع مرة ونص او مرتين حسب قانون الولاية , يعني اذا انت تاخذ 8 دولار بالساعة  ساعتك بعد ال8 ساعات تصبح 12 دولار او 16 دولار , طبعا هذا في حالة تجاوزك 40 ساعة في الاسبوع , يعني القانون الامريكي يعتبر اي عمل بعد 40 ساعة بالاسبوع  وقت اضافي ولازم يندفعلك مرة ونص او مرتين ,
Position applied  : وهو الوظيفة الي انت مقدم عليها ممكن تكون عامل operator   او اي شي اخر حسب الوظيفة الي مقدملها
Desired salary  : شكد تتوقع راتبك اكو بعض الناس يكتب الحد الادنى الي يريد يشتغل فيه واكو كثير يتركه فارغ او يسئل شكد يدفعون لهذا العمل ويحط الرقم , يعني انت كباحث عن عمل لاول مرة اكتب رقم مقبول ومتعارف عليه والافضل ان تتركه فارض , لتخاف مثل مراح يدفون لغيرك راح يدفعولك .
EMERGENCY Contact  : هنا يطلب منك اسم ورقم تلفون الشخص الي يتصلون بيه في حالة الطوارىء يعني مثلا حضرتك اشتغلت وبعد الشر عليك اغمى عليك اثناء العمل او صارلك شي فيحتاجون شخص يتصلون فيه يعني مو تحط نفس رقم تلفونك لان مراح يقبلون  Relation  : يعنون بيها علاقة الشخص بيك يعني اخوك صديقك منظمتك الكيس ووركر مالتك وهكذا .
الي ذكرته سابقا راح يكون موجود بجميع طلبات التقديم , وانا اختاريت استمارة بسيطة هذه المرة حتى لا اعقدها عليكم , طبعا الجزء الثاني من الاستمارة راح يطلب منك المكانات الي اشتغلت فيها سابقا وهذا الطلب دائما ينطلب منك في كل مكان تقدم فيه
Name and address : اسم وعنوان المكان الي اشتغلت فيه سابقا
Job title and duties  : شنو كانت وظيفتك وشنو كانت مهماتك
Employed from  ……. To   عملت ويا الشركة السابقة من يا تاريخ لأي تاريخ
Supervisor name  : اسم المسؤال المباشر عن عملك   tel   ورقم تلفونه .
Payrate  : شكد كانوا يدفعولك
Reason for leaving  : ليش تركت الشغل وهذا سؤال دائما يسئلولك اياه , طبعا اذا انت تارك الشغل بسبب الشغل ضعيف ممكن تتب هذا الشي , اما اذا انت مسويلك مكسورة فالافضل انك لا تكتب اي شي عن عملك بهذا المكان حتى لو مشتغل بيه 10 سنين لانه غالبا ما يتصلون بمسؤلك السابق ويستفسرون عنك واني كثير استلمت تلفونات من  شركات عن عمال بطلوا من يمنى ودائما كنت انطيهم انطباع ايجابي وتعتمد على المسئول مالتك وقناعته بعملك وشخصك .
طبعا بالجزء الاخير يطلب منك اشخاص اشتغلت وياهم  سابقا ممكن ينطون عنك انطباع جيد مو معنى ان يكفلوك لكن يعرفون شغلك ويشهدون بانك موظف كفوء ( Professional work reference  )  والي ايضا راح تكتب اسمه , Position   وظيفته  ورقم تلفونه , طبعا الجزء الاخير مو الك دائما من تشوف جملة office use only  معناتها هذا الحقل مو الك للشركة او المكتب الي مقدم بيه .
طبعا موضوع العمل موضوع كبير ومتشعب واكيد راح تكون اكو مواضيع قادمة تشرح مالذي تحتاجه حتى تستمر بالعمل وميبطلوك كيفية التعامل مع الموظف هنا شنو الفوائد الي تقدملك اياها الشركة واشياء اخرى كثيرة انشاء الله اكتبلكم اياها بالمستقبل .
طبعا بالفترة السابقة اخي العزيز ابن الحلة نزل ملف فيه جميع مواضيعي السابقة واشكر اله هذا الجهد الكبير والله ينطي الاجر والثواب جدا فرحت بالموضوع لكن مع هذا يبقى هذا الملف مواضيع مقرؤة لكن غير قابلة للنقاش , ولهذا احد اخواني الاعزاء ايضا هو عضو بمنتدانا عرض عليه ان ينشر مواضيعي في قسم بمنتدى اخر وتكون مثبته ومن خلالها يستطيع الجميع يطلع على المواضيع ويتم النقاش عليها , طبعا انا وافقت ليس لرغبة مني للتسويق لاي منتدى اخر فهذا الموضوع لا يهمني لا من قريب ولا من بعيد لكني اعلم ان هذه الفرصة لا يستطيع ان يقدمها منتدانا فكثير من المواضيع باقلام اعضاء رائعين اختفت في الارشيف والكثير من الاعضاء الجدد يسئلون عن هذه المواضيع فلهذا اعتبرت هذه الفكرة فرصة  لتسهيل الامر على الجميع , اضافة الى ان كان الي مقترحات او لرجلرحب فيها ومنها انشاء مدرسة لتعليم كيفية التقديم وتعبئة استمارات العمل واستمارات الطبيب واستمارات المساعدات الحكومية مثل الفود ستامب وغيرها , اضافة الى مدرسة لتعليم الانكليزية للمهاجرين او ما يحتاجه المهاجر من انكليزية في الاشهر الاولى , انا متاكد بان هذا الاقتراح  لن يبادر باي اهتمام من قبل ادارتنا  قد يكون لانشغالهم او لاشياء اخرى لكن هذا الشيء يشعر فيه الكثيرون في هذا المنتدى وانا منهم , طبعا اكيد سوف يكون هناك مواضيع جديدة تنشر هناك كل يوم احد , كل ما ارجوه ان تصل المعلومة لاكبر عدد من الاشخاص واتمنى التواصل من الجميع واتمنى بان اسمع مقترحات الجميع .
البارحة وصلتني رسالة من احد اخواني الغاليين تسئل عن كيفية معرفة اوقات الصلاة في امريكا  والمناسبات الدينية وطلب مني ان اكتب هذا على العام حتى تصل المعلومة لاكبر عدد , بصراحة انا استخدم برنامج جميل جدا منصبه على كمبيوتري الثاني الي دائما رابطه عالتلفزيون وكل وقت اذان اسمع الاذان في كل البيت اوتماتيكيا حسب الوقت الخاص بمدينتي هذا البرنامج يمكن يعرفه الكثيرين ممكن تنصبه وتختار المدينة الي انت فيها وراح تسمع الاذان باوقاته وبالذات جايينا شهر رمضان الله يعيده على الجميع بالخير والبركة , راح انزل الرابط الخاص بالموقع وهو بالعربي ايضا ومن خلاله ممكن تنصيب البرنامج .
http://www.islamicfinder.org/athanDownload.php?lang=arabic
حبيت قبل اني انهي الموضوع الي طووول هواية , ان اقدم شكري وامتناني وانحني احتراما لاخونا  كوبرا واختنا ماكنتوشا  الي البارحة بالفعل شعرت بسعادة لم اشعر بها من زمن عندما رائيت ردودهم وهم يهنئون بشهر رمضان الكريم وبكلمات طيبة تعكس مشاعر محبة افتقدناها كثيرة في بلدنا , تحية لمشاعركم الطيبة ودمتم اخوة واحبه الى الابد يااااااارب , طبعا دائما اكرر اسفي على الاخطاء الاملائية او اللفضية لاني كالعادة ما احب اقرا الي كتبته ومعندي الوقت الكافي للتصحيح .

تحياتي
ابو قمر 



ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا



غير متصل زرزور بغداد

  • عضو فعال جدا
  • ***
  • مشاركة: 505
  • ألحمد لله على كل حال
    • مشاهدة الملف الشخصي
    • البريد الالكتروني
هاي شنو .... هذا الموضوع صدك تحفة .....بي معلومات لوز

تحياتي ألك صديقي العزيز ..... أكو واحد يمنه يومية يسألني عليك .... يكولي مانزل موضوع ...... أني اجاوبة الرجال مشغول

من يفرغ .....

ألله يوفقك .... ما أدري شكول
ألله خير رازق وهو أرحم الراحمين

غير متصل اسعد العراقي

  • عضو فعال جدا
  • ***
  • مشاركة: 593
  • اذا دعتك قدرتك على ظلم الناس فتذكر قدرة الله عليك
    • مشاهدة الملف الشخصي
    • البريد الالكتروني
بارك الله فيك اخوية ابو قمر على هذه المعلومات القيمة والله ايوفقك
http://www.ot2.com/download/95703/Jesus المسيح خلفية-9223281.jpg.html

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
ابو قمر الرائع...
يعني اللي معدنة اصيل مثلك كلمة شكرا قليلة بحقه... ولكنني اقول لك (بارك الله بك وانعم عليك بالصحة والعافية والرزق الحلال)

اخوك ابو سارة

غير متصل نــــــــــوار تيتــــــو

  • عضو مميز جدا
  • *****
  • مشاركة: 2065
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي
الف هلا بأبو قمر الورده شنو هل الغيبه اشو مختفي 

  تحياتي الك يا ورد  :) :) :) :) :) :) :)

   ومثل كل مره التهنئه تأتي قبل قراءة الموضوع  :) :) :) :) :) :)

تقبل  مرور  اخوك نوار تيتو

غير متصل m.a.m

  • عضو فعال جدا
  • ***
  • مشاركة: 627
    • مشاهدة الملف الشخصي
عاشت ايديك اخي ابو قمر وشكرا جزيلا على مجهودك في توضيح الصورة لأخوتك واخواتك وبالتوفيق انشالله



                          اختكم ام حنين

غير متصل عماربغدادي

  • عضو فعال جدا
  • ***
  • مشاركة: 339
    • مشاهدة الملف الشخصي
بارك الله بيك اخونه ابو قمر الورده على هاي المعلومات المهمه ويارب الله يوفقك على فعل الخير يعني قليله بحقك كلمة شكرا بس انته ورده اخوك عماربغدادي

غير متصل likaa

  • عضو
  • *
  • مشاركة: 8
    • مشاهدة الملف الشخصي
    • البريد الالكتروني
ابتدء بتصفح المنتدى ومواضيعة من خلال بدء بواسطة واتشرق عند رؤية اسمك ابو قمر
ملاحظة لم اكتب في هذا المنتدى الا اربعة مرات رغم كوني متابع منذو عام وكانت هذه خمسة ثلاثة لك ابو قمر
تقبل تحياتي

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
هاي شنو .... هذا الموضوع صدك تحفة .....بي معلومات لوز

تحياتي ألك صديقي العزيز ..... أكو واحد يمنه يومية يسألني عليك .... يكولي مانزل موضوع ...... أني اجاوبة الرجال مشغول

من يفرغ .....

ألله يوفقك .... ما أدري شكول

اخي العزيز وصديقي الغالي زرزور بغداد , شكرا لانك دائما سباق بالردود اني اسف عالتاخير بس احنا اتفقنا ان كل سبت راح انزل موضوع , وانشاء الله يوم الاحد بكرا حنزل موضوع اخر في المنتدى الثاني .. بصراحة ايام الاسبوع اكون مشغول بين العمل والدراسة ومشاغل البيت .. بس ولا يهملك سلملي على صاحبك وانشاء الله منقصر لا اني ولا اي واحد من الاعضاء باعطاء المعلومة الصادقة ..

تحياتي
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
بارك الله فيك اخوية ابو قمر على هذه المعلومات القيمة والله ايوفقك
[/quote

اخي اسعد الغالي مشتاقين .. شكرا لكلماتك الطيبة يا وردة دائما سباق بالطيبة والمحبة ..

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
ابو قمر الرائع...
يعني اللي معدنة اصيل مثلك كلمة شكرا قليلة بحقه... ولكنني اقول لك (بارك الله بك وانعم عليك بالصحة والعافية والرزق الحلال)

اخوك ابو سارة

ابو سارة الورد الي دا اسويه ميجي جزء من الي دتسويه حضرتك .. شكرا لدعائك الطيب يا وردة ... والموضوع الي اتفقنا عليه هسه راح ابدي اكمله .. تحياتي الك ولعائلتك الكريمة ..

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
الف هلا بأبو قمر الورده شنو هل الغيبه اشو مختفي 

  تحياتي الك يا ورد  :) :) :) :) :) :) :)

   ومثل كل مره التهنئه تأتي قبل قراءة الموضوع  :) :) :) :) :) :)

تقبل  مرور  اخوك نوار تيتو

اهلا بنوار الوردة ... عمي اني ممختفي بس استفقنا كل اسبوع انزل موضوع واني متابع المنتدى بس ماكو وقت للكتابة .. حتى الدليل ال up  مالتك البارحة بموضوعي , شوف شلون مراقبك اني ... اشكرك يا وردة دائما كلماتك طيبة مثل شخصك الكريم ..

تحياتي
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
عاشت ايديك اخي ابو قمر وشكرا جزيلا على مجهودك في توضيح الصورة لأخوتك واخواتك وبالتوفيق انشالله



                          اختكم ام حنين

شكرا اختي ام حنين لدعائك الطيب ولكونك دائما من اول الردود .. الله التعاون والاخوة والاجر والثواب للجميع انشاء الله .

تحياتي
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل دحدوحة

  • عضو فعال جدا
  • ***
  • مشاركة: 174
  • الجنس: أنثى
    • مشاهدة الملف الشخصي
السلام عليكم اخوية
رغم انه اني بكندا بس متابعة الك لانك تطي معلومات تفيدنة حتة بكندا جزاك الله كل خير علة برنامج الاذان  انشاء الله الك بيه حسنات علة كد ما نستخدمة ويستخدمة غيرنة وان شاء الله مضاعفة  واشكرك جزيل الشكر واستمر برفدنة بكل معلوماتك لانك نموذج ناجح من الجيد ان نقتدي بيك
ثبت في القلب منك محبتا
كما تثبت في الراحتين الاصابع

غير متصل نــــــــــوار تيتــــــو

  • عضو مميز جدا
  • *****
  • مشاركة: 2065
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي
الف هلا بأبو قمر الورده شنو هل الغيبه اشو مختفي 

  تحياتي الك يا ورد  :) :) :) :) :) :) :)

   ومثل كل مره التهنئه تأتي قبل قراءة الموضوع  :) :) :) :) :) :)

تقبل  مرور  اخوك نوار تيتو

اهلا بنوار الوردة ... عمي اني ممختفي بس استفقنا كل اسبوع انزل موضوع واني متابع المنتدى بس ماكو وقت للكتابة .. حتى الدليل ال up  مالتك البارحة بموضوعي , شوف شلون مراقبك اني ... اشكرك يا وردة دائما كلماتك طيبة مثل شخصك الكريم ..

تحياتي
ابو قمر


هههههههههههههههههههههههههههههههههههههههههه

ولله خوش لكفه هاي مال up

تستاهل ولو عمي انت  :D :D :D :D :D :D

تسلم يا ورد

غير متصل ابو زيـــن

  • عضو مميز جدا
  • *****
  • مشاركة: 2125
  • الجنس: ذكر
    • مشاهدة الملف الشخصي
    • http://a1.sphotos.ak.fbcdn.net/hphotos-ak-ash4/s480x480/487070_476435272386546_1104354446_n.jpg
    • البريد الالكتروني
السلام عليكم اخي العزيز بارك الله بيك على الموضوع الهام وعن مواقيت الصلاة


غير متصل السفير80

  • عضو مميز جدا
  • *****
  • مشاركة: 2210
  • الجنس: ذكر
    • ياهو مسنجر - hues201@yahoo.com
    • مشاهدة الملف الشخصي

غير متصل hussein a

  • عضو فعال جدا
  • ***
  • مشاركة: 196
    • مشاهدة الملف الشخصي
    • البريد الالكتروني
السلام عليكم
اخي المبدع ابو فمر الورده بااااارك الله بيك وبجهودك الطيبه النبيله الي هدفها مساعده الناس في كيفيت
العيش والتعايش في مجتمعهم الجديد وهذا الشي الرائع الي تقوم بي كله محسوب الك ان شاء الله في ميزانك
وصرااحه اني اول ما اشوفك منزل موضع قبل ما اقراه اخزنه طبعااا وصرااحه موااضيعك روعه واسلوبك في الكتابه
اروع وعاشت ايدك على هذا المجهود الطيب وربي يوفقك ويكثرررررررررررررررررر من امثاااااااااااااااااااااااااااالك
تقصدت طووولت يكثر من امثالك لان صرااحه احنا لو كلنا هيجي نساعد بعضنا كان موصلنا للي احنا بي
وانت مثال للعراقي الاصيل والعراقيين كلهم اصلاء وميقصرون وساعه الشده تلكاااه اكثر من اخ
ومشكووووووور مرى اخره ورب يحفضك
لا تفكرررر بلمفقوووود كي لاتخسرررر  اااااالموجود

حسين الكرادي

غير متصل AROMATICS

  • عضو فعال جدا
  • ***
  • مشاركة: 151
    • مشاهدة الملف الشخصي
الله يوفق بكل خطواتك جعل الله تعبك ويانه في ميزان حسناتك

غير متصل PlatinuM

  • عضو مميز
  • ****
  • مشاركة: 1125
  • توكلتُ على الله
    • مشاهدة الملف الشخصي
بارك الله بيك اخويه العزيز ابو قمر على هذا الموضوع الرائع
الكلمات تعجز عن وصف مدى التقدير الذي اكنه لك
جعلها الله في ميزان حسناتك
تحياتي لك

غير متصل rayanchase

  • مبدع قسم الهجرة
  • عضو مميز جدا
  • *
  • مشاركة: 3441
  • الجنس: ذكر
  • !!!!!!!!!!
    • مشاهدة الملف الشخصي
والله انته  وردة  من الله يكثر من امثالك       تستااهل كل الخير    يارب بحق هاي المغربية الي بلعراق وفق ابو قمر           تحيااتي الك    
اخوك رايان


LET YOUR PAST MAKE YOU BETTER NOT BITTER

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
تسلم عزيزي ابوقمر موضوع مهم جدا وكالعادة لاتخفى عليك شاردة ولا وارده بالطرح ونقل المعلومه الصحيحه لفائدة الاخوه المنتظرين في منتدانا

بارك الله بيك ويجعلها بميزان حسناتك اغايتك النبيله

 تحياتي

غير متصل البرومي

  • عضو فعال
  • **
  • مشاركة: 73
    • مشاهدة الملف الشخصي
    • البريد الالكتروني
الاخ العزيز ابو قمر نشكر لك هذه المواضيع المهمه التي تتطرحها في المنتدى كلمه الشكر قليله اليك
البرومي

غير متصل Texasi

  • عضو فعال
  • **
  • مشاركة: 62
  • الجنس: ذكر
    • مشاهدة الملف الشخصي
روعة يا ابو قمر الوردة
ربي يوفقك ويجازيك كل الخير
تحياتي الك يا مبدع

ابن ولايتك
تكساسي

غير متصل مهاجرين بلا حدود

  • مبدع قسم الهجرة
  • عضو مميز جدا
  • *
  • مشاركة: 2261
  • الجنس: ذكر
    • مشاهدة الملف الشخصي
اصيـــــــل ابو قمر

هو ده العاوزيــــــنو

الله يخليك النا ولاهلك


غير متصل ايسراحمد

  • عضو فعال جدا
  • ***
  • مشاركة: 166
    • مشاهدة الملف الشخصي
    • البريد الالكتروني
عاشت الايادي يا ابو قمر الوردة ... يوما بعد يوم تثير الاعجاب والاحترام ... اسأل الله ان يجمعنا معكم في تكساس

غير متصل azizaliraqi

  • عضو فعال جدا
  • ***
  • مشاركة: 919
    • مشاهدة الملف الشخصي
    • البريد الالكتروني
والله الكلمات تعجز عن وصف الامتنان والشكر للمعلومات الجدا مهمه وتساعد الناس وتنور عقولهم بالغربه وبمجتمع ميعرفون عنه الا ما كان نتفرج عليه بالافلام
ابو قمر يا رفعة الراس
الله يزيدك رفعة ونعمه وصحة بجاه النبي محمد وال محمد
عمي والله شمانكتبلك هنا قليل بحقك
لذلك ارجو المعذره منك لقصور الكلمات عن التعبير

تحياتي الك اخويه
اللــهــم صل على سيدنا محمد وال محمد

غير متصل حيدر الربيعي

  • عضو فعال جدا
  • ***
  • مشاركة: 226
    • مشاهدة الملف الشخصي
شكرا جزيلا أستاذي العزيز أبو قمر, طبعا احنة نستمتع بمواضيعك الشيقه والجميلة والرائعة, واتمنى يوم الي أجي لأمريكا وأشوفك وتنصحني ومتأكد مراح تقصر ويايه ولا ويه اي احد يطلب مساعدتك...
أبنكم وأخوكم المهندس حيدر الربيعي

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
بارك الله بيك اخونه ابو قمر الورده على هاي المعلومات المهمه ويارب الله يوفقك على فعل الخير يعني قليله بحقك كلمة شكرا بس انته ورده اخوك عماربغدادي


اخي عمار الورد شكرا لكلماتك الطيبة .. انت الورد  شكرا لدعائك يا طيب ..
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل ابن الحله

  • مبدع قسم الهجرة
  • عضو مميز
  • *
  • مشاركة: 1497
  • الجنس: ذكر
    • مشاهدة الملف الشخصي
حياك الله ابو قمر اغالي طبعا اليوم كاعد بيعني و بين نفسي كلت اشو ابو قمر ماكو اليوم و شي ثاني اجه ببالي و هو شلون اعرف مواقيت الصلات شكرا على الموضوع الرائع و ربي يوفقك
شكرا جزيلا

ابـــــــن الحـــــــله

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
ابتدء بتصفح المنتدى ومواضيعة من خلال بدء بواسطة واتشرق عند رؤية اسمك ابو قمر
ملاحظة لم اكتب في هذا المنتدى الا اربعة مرات رغم كوني متابع منذو عام وكانت هذه خمسة ثلاثة لك ابو قمر
تقبل تحياتي


تسلم اخي العزيز ... اتشرف بمحبتك وثقتك ويارب ابقى على قدر هذه الثقة .. شرفت الموضوع بكلماتك الطيبة .. وتحية حب لمشاعرك الراقية ..

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
السلام عليكم اخوية
رغم انه اني بكندا بس متابعة الك لانك تطي معلومات تفيدنة حتة بكندا جزاك الله كل خير علة برنامج الاذان  انشاء الله الك بيه حسنات علة كد ما نستخدمة ويستخدمة غيرنة وان شاء الله مضاعفة  واشكرك جزيل الشكر واستمر برفدنة بكل معلوماتك لانك نموذج ناجح من الجيد ان نقتدي بيك

اختي العزيزة اهلا وسهلا بحضرتك دائما اقرا كلماتك الطيبة وتوصلني دعواتك ومشاعرك الجميلة .. وياريت عندي معلومات عن كندا والله مكان قصرت , وموضوع برنامج الاذان يشاركني بيه الاخ عادل عبد الوهاب هو صاحب الفضل الي سئلني البارحة وذكرني بالموضوع وطلب مني الاجابة على العام ... شكرا لكلماتك الطيبة ..

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف شكرااا اخوي ابو قمر صدك الكاعد ميدري الي بامريكا شديصير بس حجي ويكلك تنشمر بالشارع من تفقد عملك لازم الواحد ميمشي ورة كلام الناس

غير متصل beautiful angel

  • مبدع قسم الهجرة
  • عضو مميز
  • *
  • مشاركة: 1065
  • الجنس: أنثى
  • beautiful angel
    • ياهو مسنجر - beautiful+anjel
    • مشاهدة الملف الشخصي
شكرا ابو قمر على جهودك وكل الي تقدمه النه من معلومات وفيت وكفيت وربي يزيد من امثالك


تحياتي

غير متصل الفراتي

  • عضو فعال جدا
  • ***
  • مشاركة: 642
  • الجنس: ذكر
    • MSN مسنجر - alamere74@hotmail.com
    • ياهو مسنجر - alathari74
    • مشاهدة الملف الشخصي
    • البريد الالكتروني
والله مواضيعك راقية جدا ومفيدة جدا والله يسهل امرك بالدنيا والاخرة

لاتصدقوا ان الاحلام بلا ثمن فبعض الاحلام ثمنها العمر

غير متصل HOLLYWOOD

  • عضو فعال جدا
  • ***
  • مشاركة: 212
    • مشاهدة الملف الشخصي
السلام عليكم
موضوع رائع ... عاشت ايدك
اخي عندي استفسار لنفرض اني ارسلت مبلغ اكثر من عشره الاف دولار لشخص عن طريق حسابه في المصرف وهذا المبلغ ليس له وانما يسحبه حال نزول المبلغ في حسابه لانه مرسل الى شخص ثاني ولكون الشخص الثاني بعده يستلم مساعدات اي بعده من الواصلين الجدد الى امريكا . سوؤالي هو هل الشخص الامريكي الذي نزل في حسابه المبلغ يدفع عن هذا المبلغ ضريبة الدخل ؟

غير متصل ابو هنودة

  • عضو فعال جدا
  • ***
  • مشاركة: 666
    • مشاهدة الملف الشخصي
يبقى الابداع ملازما ًً لأسمك اخي العزيز ابو قمر

غير متصل eng.mechano

  • عضو فعال جدا
  • ***
  • مشاركة: 207
    • مشاهدة الملف الشخصي
حبيبي ابو قمر الغالي عاشت ايدك عله هالمواضيع الحلوة الي تخلي الواحد تصير عنده فكره عله الحياة بامريكا ويستعد الها قبل ليروح اكو هوايه ناس يعانون من هيج امور الى ان يتعلموها والي هيه مو من السهل الي واحد يتعلمها بدون ما احد يوجهايعني هيه امور تعتبر عصارة خبرات ناس صارلهم سنين يكافحون وليس الي صارلهم سنين كاضيها بالسخته بدون اهداف وطموح .

بوحده من مقابلاتي جانت كاعده وحده متزوجه وعدها جهال تكول رجلها ساحلها بالكوة وجايبها كاعده وكالبه وجهها  واثناء الكلام تكول . اي وله عيني اني اخويه بالسويد صارله مدري جم سنه كاعد والمساعدات والرواتب مستمره مو مثل امريكا اشحالها يكلك المساعدات ثمانية اشهر وراها يكلولك احنه معلينا بيك متكلي احنه شنسوي وراها ??? ??? ؟؟؟؟؟ زين هاي شجاوبها

مع احتراماتي لكثير من الاخوة الي يحبون يعملون وتصيرلهم شخصيه مستقله وما يبقون يدورون وره المساعدات ويكضون عمرهم وراها صحيح انو المساعدات مهمه والواحد جاي بلد غريب الى ان يقف عله رجله بس هذه مو معناه يضرب خده وينام والله شنو اي همه يساعدون (العمل عبادة) .

وحبيبي ابو قمر اريد شغله اناقشها وياك الي موضوع دائمآ الكل يسأل عليه وهوه رقم السوشل .مو يكولون هذة الرقم لازم محد يشوفه ويعرفه وحته مره احد الاخوان كاتب من تروح للمستشفى ويطلبه منك الطبيب لو يموت روحه كبالك لا تنطي الرقم اذا كلش كلش انطيه بس اول ثلاثة ارقام؟ زين شلون وشرح يستفادون منها هيه وعدمها سوه  ومره قريت عن واحد امريكي متصلين بي علمود امقدم عله قرض  من البنك جان يكللهم اني لا مقدم عله قرض ولا هم يحزنون كلوله مو هذه الرقم مال السوشل مالك يعني امريكي ومكدر يحافض عليه واستغلوه . اذا ممكن توضحلنا هالشي  اخويه الغالي ابو قمر الورده.

واخوان ارجو انو محد يفهم كلامي خطأ بس هذه الكلام من ارض الواقع الي دنشوفه وامنياتي للكل بالموفقيه والنجاح :) .

غير متصل bhabhan

  • مبدع قسم الهجرة
  • عضو مميز
  • *
  • مشاركة: 1275
  • الجنس: ذكر
  • ربي انت ثقتي ورجائي
    • MSN مسنجر - bhabhan_gmc@hotmail.com
    • ياهو مسنجر - bhabhan_gmc@yahoo.com
    • مشاهدة الملف الشخصي

غير متصل Eagle eyes

  • عضو مميز
  • ****
  • مشاركة: 1263
    • مشاهدة الملف الشخصي
مشكووووووووووووووور اخويه الذهب ابو قمر عاشت ايدك عالموضوع الله يسلمك ويخليك ويجازيك بالف الف خير على مواضيعك الرائعة

تحياتي
اخوك
Eagle eyes

غير متصل أبن زيونة

  • مبدع قسم الهجرة
  • عضو مميز جدا
  • *
  • مشاركة: 2236
  • الجنس: ذكر
  • من زاد في حبه لنفسه … زاد كره الناس له…
    • مشاهدة الملف الشخصي
السلام عليكم

أخوية الغالي أبو قمر المحترم

أول شي الله يبارك بيك وبعائلتك والله يجعل كل مساعدتك لأخوتك وخواتك بميزان حسناتك والله يسر أمرك وصدكني أخوية بصلاتي كمت أدعليك لأن تستاهل كل الخير وتستاهل واحد يدعليك لأن الحمد لله من يشوف مواضيعك وحبك لمساعدة الكل وحرصك على ايصال الكلام والأفكار الصحيحة بكل صدق وبكل وفاء وبكل أمانة يكول الحمد لله الدنيا بعد بيها خير وبيها ناس طيبة

ثاني شي كلما اقرا موضوع من مواضيعك اريد أرد وتصيرلي شغلة ومن أول موضوع نزلته ردت أكولك أبو قمر شنو أنت العيد وهلاله ظلت محصورة بحلكي اريد اكولها من اول موضوع وهمزين كلتها

ممنون الك اخوية واشكرك على كل مواضيعك الحلوة والمفيدة والي تخلي الواحد يتفائل ويتوكل ويكول يارب

تحياتي وسلامي الك أخوية العزيز واعذرني تأخرت بالرد عليك لأسباب خارج نطاق الخدمة والتغطية

نشوفك على خير أخوية المحترم والله يوفقك ويباركلك برزقك وبأهلك وبصحتك


إذا كنت مخلصا".... فليكن إخلاصك إلى حد الوفاء ، وإذا كنت صريحاً.... فلتـكن صراحتك إلى حد الاعتراف....

http://youtu.be/UJPs0nvGbLI

غير متصل عمر عراقي

  • عضو مميز
  • ****
  • مشاركة: 1391
  • الجنس: ذكر
  • اللهم اكفنيهم بما شئت
    • مشاهدة الملف الشخصي
بارك الله بيك اخويه ابو قمر وجعله ان شاءالله في ميزان حسناتك
موضوع رائع فعلا واتمنى ان يخدم الجميع واتمنالك التوفيق والسعادة
ورمضان كريم على الجميع وان شاءالله في رمضان تهل البشائر وتعم الافراح..

واخوية ابن زيونه الورد ماقصر دعوته مبينه من القلب مال كبل من دعوات امهاتنا
وبصراحه اخي ابو قمر انته تستاهل كل خير .
((اني توكلت على الله ربي وربكم ما من دابةٍ الا هو آخذٌ بناصيتها))
اللهم ‏ لك ‏  الحمد ‏
حتى ‏
ترضى ‏
ولك
الحمد  إذا ‏
رضيت  ولك ‏
الحمد ‏
بعد
الرضا ‏

[URL=http://www.iraqup.com/
من قلة الخيل شدوا عالچلاب سروج ..!!

غير متصل Alrwad

  • عضو فعال جدا
  • ***
  • مشاركة: 165
    • مشاهدة الملف الشخصي
شكرا جزيلا للاخ ابو قمر على هذا الكم الهائل من المعلومات, من رخصة اخونا الغالي ابو قمر احب انوه للاخوان والاخوات اللي يقدمون على عمل باخذ الحيطة والحذر عند ملئ استمارات التوظيف اونلاين على الانترنت فهناك بعض الشركات الوهمية التي تسرق المعلومات الشخصية للشخص المتقدم على العمل, واستخدام معلومات طالب الشغل بامور غير قانوينة قد تسبب لصاحب المعلومات المشاكل وخصوصا في بداية حياته في امريكا, اخي العزيز ابو قمر اكيد هو ملم بهكذا امور ولديه الخبرة الاكبر في هكذا مواضيع.

شكرا للاخ ابو قمر على الهمة والروح العالية والسباقة لعمل الخير لاخوانه في المنتدى. وسلام خاص الى الاخ العزيز ابو سارة(صفاء الكرخي)

اخوكم الرواد

غير متصل basma_mazen

  • عضو فعال جدا
  • ***
  • مشاركة: 297
    • مشاهدة الملف الشخصي
اخي  ابو  قمر 
الف  شكر  لك  على  قوة  المعلومه  والتفاصيل الدقيقة
اكيد  الصورة  عن  طريقك  دتوضح  يوم  بعد يوم  عاشت  ايدك  على  الموضع
وجازاك  الله  الف  خير

غير متصل Columbus

  • عضو فعال جدا
  • ***
  • مشاركة: 187
  • الجنس: ذكر
  • الصبر مفتاح اللاجئين
    • مشاهدة الملف الشخصي
ما قصرت اخوية العزيز ابو قمر وموضوع يستاهل تثبيت بصراحه تحياتي اخي وشكرا جزيلا على المعلومات
الصحيح كل واحد بينه عنده ناس عايشة هناك بس المشكلة محد كفى و وفى مثلك عاشت الايادي


غير متصل الناسك

  • عضو مميز جدا
  • *****
  • مشاركة: 2231
  • الجنس: ذكر
  • الأخ من حزن لحزنك وفرح لفرحك
    • مشاهدة الملف الشخصي
    • البريد الالكتروني
شكراً جزيلاً ... لك ولحب المساعدة التي بداخلك
فعلاً جهد رائع واسلوب سلس متألق
مشكور ابو قمر الوردة
الناسك

angie-dawood

  • زائر
بارك الله بيك اخي  ابو قمر وجعله ان شاءالله في ميزان حسناتك معلومات مفيدة وقيمة دوام التوفيق والابداع

غير متصل ابو روزا

  • عضو فعال جدا
  • ***
  • مشاركة: 426
  • ومن يتق الله يجعل له مخرجا ويرزقه من حيث لا يحتسب
    • مشاهدة الملف الشخصي
حبيبي ابو قمر موضوع اكثر من رائع ومهم جدا احسنت

ابو روزا

غير متصل عمدة فرجينيا

  • مبدع قسم الهجرة
  • عضو مميز جدا
  • *
  • مشاركة: 2186
    • مشاهدة الملف الشخصي
عاشت ايدك اخوية ابو قمر يعني فعلا مواضيعك حلول واجوبة لكل التساؤلات الي ادور ابالنا وبارك الله بيك وبالتوفيق الك ولعائلتك
كل مواضيعك حلوة ومفيدة وياريت لو تكتبلنا على حياة المراة العاملة وكيف توفق بين شغل البيت وعملها وخصوصا لو كان عندها اطفال احجيلنا على ام قمر شلون اتوفق بين الاثنين لان اكيد هية مدبرة وشاطرة مثل حضرتك
واذا عندك معلومات عن الفرق بين العمل في الشركات الاهلية والعمل في دوائر الحكومة وهل هو متوفر ؟؟؟؟



اختكم
الملاك الحائر

غير متصل de goey

  • عضو فعال
  • **
  • مشاركة: 45
    • مشاهدة الملف الشخصي
    • البريد الالكتروني
اولا : اشكرك على مجهودك الرائع الي وضخت بي الكثير عن نظام العمل ب أمريكا و الي مهما تكلم بعض الـ ... عليه فهو احسن من اي نظام عمل بالعالم العربي ....

ثنيا : اود السؤال بخصوص فقرة الـ reason for leaving
يعني هذا يسأل على كل وظيفة ليش تاني تركتها لو بس الاخيرة
لآنه احد الوظائف انا تركتها لكون اصحاب العمل هددوني بالقتل ... برأيك اذكر هذا الشي

وشكرا

غير متصل baghdadi02

  • عضو فعال
  • **
  • مشاركة: 55
    • مشاهدة الملف الشخصي
تحياتي الك
ابو قمر الورد وعاشت الايادي نرجو المزيد لمساعدتنا في فهم بعض الامور
وتقبل شكري

غير متصل ibnbaghdadinsyria

  • عضو فعال جدا
  • ***
  • مشاركة: 145
    • مشاهدة الملف الشخصي
السلام عليكم ورحمة الله وبركاته

كل الشكر اليك اخي الغالي ابو قمر والف شكرا على ماتقوم به لاجل اخوانك فى هذا المنتدى والله يكتب لك الأجر ان شاء الله  وربي ينعم عليك من خيره ياغالي ويزيدك من فضله ويزيد كل انسان طيب مثلك ياوردة.

والسلام عليكم ورحمة الله وبركاته
اخوكم ابن بغداد في سورية

غير متصل هيثم يوسف33

  • عضو فعال
  • **
  • مشاركة: 55
    • مشاهدة الملف الشخصي
    • البريد الالكتروني




            ما اكول غير كلمتين ....وردة ابو قمر

             

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
طبعا .. اجمل لحظات تمر عليه من اكعد الصبح واقرا ردودكم بجمالها ونقاء مشاعرها وبديت ادور عليكم واحد واحد , فلان معلق وينه شو مختفي فلانة كتبت كلمات جميله فلان ديسئل ويستفسر احساس بالمتعة لا يعادله احساس بالذات لمن اقرا دعواتكم , اجمل شي في الدنيا ان نعيش بمحبة واخوة , احترامي واجلالي لكل كلمة كتبت من الجميع , رغم اني حافظ اسمائكم على ظهر قلب لكني لا املك الوقت للرد على الجميع رغم ان الجميع يستحق تحيته الخاصة , ابدعتم وكلماتكم تزيد من الحماسة والاصرار للبحث عن ماهو مهم وجديد ينير لكم دربكم واتوسل فيه الاجر من الله .. شكرا لكم وتقبلوا تحياتي ..
شكر اخت انجي لمرورك وهذا اول مرور من زمن طويل ... اكيد مرورك وكلماتك نورة وشرفت الموضوع .. ادامك الله يد العون للجميع .. شكرا لكماتك ومرورك ..

طبعا راح احاول اجاوب على الاسئلة ( سؤال الاخ هوليود )
اخي عندي استفسار لنفرض اني ارسلت مبلغ اكثر من عشره الاف دولار لشخص عن طريق حسابه في المصرف وهذا المبلغ ليس له وانما يسحبه حال نزول المبلغ في حسابه لانه مرسل الى شخص ثاني ولكون الشخص الثاني بعده يستلم مساعدات اي بعده من الواصلين الجدد الى امريكا . سوؤالي هو هل الشخص الامريكي الذي نزل في حسابه المبلغ يدفع عن هذا المبلغ ضريبة الدخل ؟
ماكو اي ضريبة .. ومع الاسف ديصير سوء فهم بموضوع الضريبة بسبب الكثيرين يحجون هن هذا الموضوع وكل واحد يحجي بكيفه وانشاء الله في القادم راح يكون موضوع يشرح الضريبة وبالتفصيل وكافة انواع الضرائب ووين تروح وشكد مقدارها ....
تحياتي
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
حبيبي ابو قمر الغالي عاشت ايدك عله هالمواضيع الحلوة الي تخلي الواحد تصير عنده فكره عله الحياة بامريكا ويستعد الها قبل ليروح اكو هوايه ناس يعانون من هيج امور الى ان يتعلموها والي هيه مو من السهل الي واحد يتعلمها بدون ما احد يوجهايعني هيه امور تعتبر عصارة خبرات ناس صارلهم سنين يكافحون وليس الي صارلهم سنين كاضيها بالسخته بدون اهداف وطموح .

بوحده من مقابلاتي جانت كاعده وحده متزوجه وعدها جهال تكول رجلها ساحلها بالكوة وجايبها كاعده وكالبه وجهها  واثناء الكلام تكول . اي وله عيني اني اخويه بالسويد صارله مدري جم سنه كاعد والمساعدات والرواتب مستمره مو مثل امريكا اشحالها يكلك المساعدات ثمانية اشهر وراها يكلولك احنه معلينا بيك متكلي احنه شنسوي وراها ??? ??? ؟؟؟؟؟ زين هاي شجاوبها

مع احتراماتي لكثير من الاخوة الي يحبون يعملون وتصيرلهم شخصيه مستقله وما يبقون يدورون وره المساعدات ويكضون عمرهم وراها صحيح انو المساعدات مهمه والواحد جاي بلد غريب الى ان يقف عله رجله بس هذه مو معناه يضرب خده وينام والله شنو اي همه يساعدون (العمل عبادة) .

وحبيبي ابو قمر اريد شغله اناقشها وياك الي موضوع دائمآ الكل يسأل عليه وهوه رقم السوشل .مو يكولون هذة الرقم لازم محد يشوفه ويعرفه وحته مره احد الاخوان كاتب من تروح للمستشفى ويطلبه منك الطبيب لو يموت روحه كبالك لا تنطي الرقم اذا كلش كلش انطيه بس اول ثلاثة ارقام؟ زين شلون وشرح يستفادون منها هيه وعدمها سوه  ومره قريت عن واحد امريكي متصلين بي علمود امقدم عله قرض  من البنك جان يكللهم اني لا مقدم عله قرض ولا هم يحزنون كلوله مو هذه الرقم مال السوشل مالك يعني امريكي ومكدر يحافض عليه واستغلوه . اذا ممكن توضحلنا هالشي  اخويه الغالي ابو قمر الورده.

واخوان ارجو انو محد يفهم كلامي خطأ بس هذه الكلام من ارض الواقع الي دنشوفه وامنياتي للكل بالموفقيه والنجاح :) .
حبيبي الورد شكرا لكلماتك الطيبة اولا .. وجميل تبادل الافكار الذي يعمل بالفائدة على الجميع , موضوع السوشيل اني كتبت موضوع فصلت بيه معلومات كثيرة عنه الموضوع كان اسمه مخاطر تتعرض لها في امريكا والمفروض موجود بالارشيف اذا مصار خلل فني وانحذف ..
موضوع ان تنطي اول ثلاث ارقام فالمعلومة مغلوطة والي انطاك وياها مخربط بين اول ثلاث ارقام واخر اربع ارقام .. احيانا يطلب منك تاكيد السوشيل مالتك حتى يتاكدون من شخصيتك يعني مثلا انت اتصلت بشركة انترنت وردت تنقل الخدمة مالتك راح يسئلوك عن اخر اربع ارقام من السوشيل مالتك , طبعا اول ثلاث ارقام تكون نفسها عد كثيرين شلون رقم التلفون دائما اول ثلاث ارقام متشابهة بين الكثيرين , ولهذا يستخدم اخر اربع ارقام لان الارقام الاربعة الاخيرة متشبه ارقام اي شخص اخر , اضافة الى انك لازم تنطي رقمك في المستشفى او عند فتح خدمة او في العمل لان اذا مراح تنطيه لعد ليش عندك ؟؟؟ لعد ليش سووا شي اسمه سوشيل سكيورتي نمبر حتى الناس اتضمه ؟؟؟؟ لا طبعا راح تحتاجه بكثير من الدوائر او الشركات , اكن لازم تكون حذر ان متنطيه لاشخاص غير موثوقين , يعني تسجله على الانترنت بشركات غير معروفه هذا غلط تنطيه لشخص يساعد بالتقديم ايضا غلط وبعد من هذه الاشياء , لكن شركات التوظيف والدوائر والمستشفيات فهذه مناطق امينة وعليها تفتيش دوري والموظف بها محاسب في حالة وجود اي خرق للقانون فلا تقلق من هذه المكانات ..
اتمنى ان تكدر تقرا الموضوع اذا ليته راح يفيدك بمعلومات كثيرة ...

تحياتي
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اولا : اشكرك على مجهودك الرائع الي وضخت بي الكثير عن نظام العمل ب أمريكا و الي مهما تكلم بعض الـ ... عليه فهو احسن من اي نظام عمل بالعالم العربي ....

ثنيا : اود السؤال بخصوص فقرة الـ reason for leaving
يعني هذا يسأل على كل وظيفة ليش تاني تركتها لو بس الاخيرة
لآنه احد الوظائف انا تركتها لكون اصحاب العمل هددوني بالقتل ... برأيك اذكر هذا الشي

وشكرا


اولا شكرا لمرورك اخي الكريم ..
بالنسبة لسؤالك اخي العزيز غالبا ما يسئل هذا السؤال لعملك الاخير .. موضوع التهديد ممكن تذكرة مثل ما ذكرته اني وغيري وهو الوضع السيء للبلد الي خلاك تترك العمل وتخرج , الافضل ان ميكون الامر شخصي لان كثير ناس هنا ميعرفون شديصير بالعراق ممكن يفتكر انك مسوي شي خطأ ولهذا هددوك وبعدين هو مراح يسئلك التفاصيل وراح تبقى هو وانطباعه ولهذا لتذكرها بهذا الاسلوب اذكر ان الوضع الامني السيء في البلد واغلب الناس تعرف هذا الوضع ..

تحياتي  يا ورد
ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل eng.mechano

  • عضو فعال جدا
  • ***
  • مشاركة: 207
    • مشاهدة الملف الشخصي
حبيبي ابو قمر الورده

اني اشكرك عالرد المفيد الي كتبتة لان وضحتلي امر كانت محل تسائولات عند الكثيرين وانشالله ادور موضوعك بالارشيف واقرا لان اكيد بي فائده جدآ كبيره لان كل مواضيعك الي امتابعها متصور مقدار الفائده الي استفاديتها اني وكثير من الاخوة الاعضاء.

والف شكر على برنامج مواقيت الصلاة انشالله الله يجعلها بميزان حسناتك.

تحياتي الى ابو قمر صاحب الموضوع وكل الخيرين في المنتدى


غير متصل Nada Nebeel

  • عضو
  • *
  • مشاركة: 11
    • مشاهدة الملف الشخصي

عزيزي أبو قمر الغالي
اشكرك على هذا الموضوع ربما لا تعلم أني دخلت منتديات الهجرة بحثا ً عن موضوع كهذا (إذا ما تشتغل تنشمر بالشارع) وانا على وجه الشمرة بالشارع بس اسال الله ان يوفقني بالتوكل على الله وعلى مجهودكم وتكاتف العراقيين.

انا في ولاية مشيغان بحثا ً عن عمل مناسب لي.. انا بنت أعيش وحدي وما عندي مشاكل وأريد أحصل على وظيفة مناسبة حتى اعيش حياتي وأدفع الفواتير - هسه انا حاليا أعيش في ديربورن هايتس لمدة اسبوع آخر بعد ان خلص الأسبوع الماضي حصلت به على تلفون وخط انترنت وشقة مناسبة الإيجار.. لكني حتى هذه اللحظة لم أحصل على عمل ورحت سجلت في مكتب أكسس الخاص بالخدمات الإجتماعية لكن حصلت على أماكن بعيدة جدا ً حوالي ساعتين طريق على الهاي وي وهذا صعب جدا ً في الذهاب والإياب..

الله يخليكم إذا تعرفون على فرصة عمل مناسبة لي في أي معمل أو شركة محترمة أو مؤسسة مواد إنشائية
لكني لا استطيع العمل في مطعم او كاشير لأني لا أفهم بهذا الموضوع

انا لدي شهادات في اختصاصات مختلفة منها إدارة مكتب - العمل على كابسات معمل لإنتاج الأكياس
والله يوفقكم ترشدوني إلى أي مكان أروح اقدم على شغل في ميشغان

اختكم العراقية ندى نبيل



غير متصل نــــــــــوار تيتــــــو

  • عضو مميز جدا
  • *****
  • مشاركة: 2065
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي

غير متصل ابو شمس76

  • عضو
  • *
  • مشاركة: 11
    • مشاهدة الملف الشخصي
السلام عليكم اخويه ابو قمر
طبعا لو اكو كلام اكثر من الشكر والامتنان هم ميوفيك لان انت انسان تستحق الاحترام والمحبه
الله يوفقك ويرزقك
ااااااااااامين يا رب العالمين
تحياتي
ابو شمس

غير متصل Samir1974

  • عضو
  • *
  • مشاركة: 27
    • مشاهدة الملف الشخصي
الاخ ابو قمر الي اصبح عزيز حتى قبل ما نشوفك او نسمع صوتك مجرد اعتزازنة بيك من كلامك وشرحك ونصحك لاخوانك الي تعرف بيهم محتاجين اي كلمة توجيه صحيحة والحمد لله اكو ابو قمر والحمد لله اكو انسان شريف مثلك يسهل الصعب ويقرب البعيد انت مكسب للجميع اتمنى كل العراقيين بالغربة يتعلمون منك اخلاقك وطيبة كلبك ونبلك انت انسان من حقك تفخر بنفسك ومن حق الي يعرفك ويقرأ كتاباتك يطمئن انه انت موجود باميركا لان اني متأكد اي شخص يدك بابك مستحيل تخذله .
الله ينطيك على كد نيتك
انشاء الله يجي يوم ونلتقي وانشاء الله كل العراقيين يصبحون ابو قمر
تحياتي عزيزي ابو قمر
اخوك ابو احمد

غير متصل ابو هاشم

  • عضو فعال جدا
  • ***
  • مشاركة: 607
    • مشاهدة الملف الشخصي
العزيز الغالي ابو قمر


والله انته قمر وابو قمر كل مره اقرء مواضيعك اريد اكتب بس بعدين والله استحي لان ماكو كلام اكدر اكوله بحق انسان بمثل اخلاقك وحبه بمساعدة الاخرين بمعلومات اقل ما يقال عنها قيمه ونتيجة تحليل انسان مثقف ودور وتعب هوايه علمود يوصل الى هذه المعلومات

اتمنى لك والى عائلتك المحترمه كل الخير والسعاده واتشرف حقيقة ان اقرء لك

ابو هاشم 
اتمنى الخير للجميع

غير متصل أبو زيوني

  • عضو فعال جدا
  • ***
  • مشاركة: 112
    • مشاهدة الملف الشخصي
    • البريد الالكتروني
عاشت أيدك عيوني أبو قمر


عمي والله ماندري اشلون راح نجازيك على هذه المعلومات القيمة




والله انت ذهب ومثال للعراقي الأصيل


والله يحفضك من كل مكروه

غير متصل ayed333

  • عضو فعال جدا
  • ***
  • مشاركة: 162
  • الجنس: ذكر
    • AOL مسنجر - A.CARLOS
    • مشاهدة الملف الشخصي
و ليس قولك : من هذا ؟ بضائره ... العرب تعرف من أنكرت و العجم

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
بودي اكول كلمات كثيره بحقك ولكن اجدها تضل عاجزه ولاتفي حقك
مجرد تفرغك للكتابه هوه بحد ذاته تضحيه كبيره والي بامريكا يقدرون قيمة هذا الجهد والوقت
اضافه الى المعلومات الغنيه والدسمه الي تحتويها مواضيعك
والشرح المفصل والمبسط كالسهل الممتنع
لايسعني الا الدعاء لك بالموفقيه ويفتح لك ابواب الرزق والعافيه والسعاده وينور دربك مثا مادتنور درب الاخرين

غير متصل hdhdhd

  • عضو فعال جدا
  • ***
  • مشاركة: 148
    • مشاهدة الملف الشخصي
    • البريد الالكتروني

غير متصل *iskender*

  • عضو فعال جدا
  • ***
  • مشاركة: 583
    • مشاهدة الملف الشخصي
    • البريد الالكتروني
شكرا الك ابو قمر على المعلومات الثمينه
شكرا الك

غير متصل الزبيدية

  • عضو فعال جدا
  • ***
  • مشاركة: 163
    • مشاهدة الملف الشخصي
بارك الله بيك اخونه ابو قمر على هالمجهود الاكثر من رائع والله انت دتشوقنه  بكتاباتك كلما اقرة موضوع من مواضيعك اصفن واحلم احلام يقظه واتخيل نفسي واصله لامريكا فارجوك اخي ادعيلنه ولكل الاعضاء ان الله يفرج علينه ونطلع بس يجوز داك الوقت تكول ياريت لو مطالعين لان راح تلفونك ميبطل رن من كثرة اسئلتنه واستفساراتنه لان هسة احنه كاعدين نقرة ونتحسر لكن من نوصل راح نحتاج مساعدتك بشكل اكبر ولو انت بكتاباتك مامقصر مخلي حتى الاعمى هم يندل بس ثق بانه مراح نستغني عنك وانته كدهة وكدود 

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1583
  • الجنس: ذكر
    • مشاهدة الملف الشخصي
ربي يوفقك ويسر امرك وينطيك وعائلتك الصحة والعافية وطولت العمر وان شاء الله يقرب منك ولد الحلال ويبعد عنك كل شر ومكروه ويبعد عنك الناس الي متخاف الله  وربي يرزق من حيث تحتسب ومن حيث لا تحتسب . امين رب العالمين

بارك الله بيك اخوية ابو قمر على هذا الاسناد المعنوي الي ما اله مثيل .

واعذرني اذا مرات اقرأ دون تعليق لان احتار شأكتب من تعليق على مواضيعك الاكثر من رائعة بس والله كل ما اقرأء موضوع ادعيلك .
 
ابو نور / دمشق
في الطريق الى كندا
بغداد وما تلاكي عاشقاً فانتي من رسم للحب معنى

غير متصل willpower

  • مبدع قسم الهجرة
  • عضو مميز
  • *
  • مشاركة: 1170
    • مشاهدة الملف الشخصي
بارك الله بيك ابو قمر,

سوال دائما ما خطر في بالي بخصوص العمل و التقديم على وظيفه.والفكره الي كونته من خلال ردود بعض الاعضاء الي بامريكا غير دقيقة.

هل سيرتك الذاتيه بالعمل و الوظائف الي شغلته مع منظمات دوليه والشركات والمنظمات الامريكيه داخل العراق لها قيمه و تؤخذ بعين الاعتبار و تعطي للشخص نقاط اتساعده على التنافس للحصول على وظيفه ما لكون عنده خبره و عمل تحت قوانين و انظمه امريكيه بحته و اتبع كل قواعد العمل الامريكيه خلال وظيفته؟

يعني هل من المعقول انو موظف اداري او حتى غير اداري كان يكون فني او ميداني...الخ مشتغل ويه منظمات امريكيه ويمتلك كتب شكر و كتب توصيه (بغض النظر عن شهادته و مجال دراسته)معقوله مراح يكلبوه و يعتبرون عمله السابق شي انقضى مع الريح؟ لان اني هيج افتهمت من الكثير من الاعضاء الي واصلين امريكا.

مشكور على وقتك

تحياتي

willpower




غير متصل ام مهند

  • عضو مميز
  • ****
  • مشاركة: 1360
    • مشاهدة الملف الشخصي
والله هذا الموضوع اربعة مرات اقراه وما اشبع منه ما اعرف شون اعبر عن شكري الى الاخ العزيز ابو قمر وما اعرف شلون نجازي

غير متصل ÐŗệăMÝ

  • عضو مميز
  • ****
  • مشاركة: 1297
  • الجنس: ذكر
  • السقوط دوماَ لا يعني الفشل وأوضح دليل هطول الأمطار
    • مشاهدة الملف الشخصي
بارك الله بيك اخي وبجهودك واتمنى من الاداره هذا الموضوع يكون من المواضيع المثبته دائميا بالمنتدى .


تحياتي الك

دريمي



Oº°'¨ ( Dreamy ) ¨'°ºO

غير متصل amy44

  • عضو فعال جدا
  • ***
  • مشاركة: 755
    • مشاهدة الملف الشخصي
الله يبارك بيك وياربي الصحه والسلامه لك والعائلتك  :) :) :) :)

غير متصل zaidzozo

  • عضو فعال جدا
  • ***
  • مشاركة: 159
  • اينما اذهب سابقى احبك يا عراق
    • مشاهدة الملف الشخصي
شكرا اخي العزيز ابو قمر ... ان شاء الله التوفيق و السعادة
عراقي+ شريف + زنكين = مهاجر
عراقي + شريف + فقير= ضحية
عراقي+ غير شريف + زنكين = مرتشي
عراقي + غير شريف + فقير = ميليشيا
غير عراقي + غير شريف + زنكين = حكومة.

غير متصل غزوان الاعظمي

  • عضو فعال جدا
  • ***
  • مشاركة: 538
  • الجنس: ذكر
  • رغم أنهم أحبوهم إلا أنهم قتلوهم ..
    • مشاهدة الملف الشخصي
ابو قمر ... يعني و الله ما اعرف شنو اكتب لان كل ما يجي شي ابالي  انته وره فتره تنزل موضوع عليه سبحان الله ..

بس ادعيلك من كل قلبي بهذا الشهر الفضيل انو ينطيك الصحه و العافيه و يخليك خيمه على عائلتك يا رب و يحفضلك قموره و تتربه و تكبر بعزك يا رب و تشوفها احله عروسه ..

تحياتي و احترامي لشخصك الكريم

غزوان الاعظمي
دار للبيــع ....

إسم الدار
♥♥ الجنة ♥♥
عدد أبوابها
♥♥ ثمانية ♥♥
مفتاحها
♥♥ لاإله إلاالله ♥♥
الموقع
♥♥ الفردوس الأعلى ♥♥
نوع البناء
♥♥ لبنة من ذهب ولبنة من فضة ♥♥
المساحة
♥♥ كعرض السماء والأرض ♥♥
الثمن
♥♥ ألا تشرك بالله ♥♥
موعد الإستلام
♥♥ يوم القيامة ♥♥
خاص
♥♥ للمتقين ♥♥[


غير متصل DEFA-AL-AIRAQI

  • مبدع قسم الهجرة
  • عضو مميز
  • *
  • مشاركة: 1237
  • الجنس: ذكر
  • سافرت والحمد لله
    • مشاهدة الملف الشخصي
الف الف شكر وتقدير لك عزيزي ابو قمر انت حقا متميز

أخوكــــــــــم DEFA  البصـــــــراوي
DEFA BROTHER AL-BASRAWI

غير متصل iraq star

  • عضو
  • *
  • مشاركة: 6
    • مشاهدة الملف الشخصي
الله يبارك بيك وبعائلتك ويجعل كل حرف تكتبه في مساعده الناس ثقل في ميزان حسناتك .ورحم الله والديك
تقبلو مروري

غير متصل العطر لغة عالمية

  • عضو فعال
  • **
  • مشاركة: 42
    • مشاهدة الملف الشخصي
السلام عليكم
أسأل الله تعالى الواحد أن يجزيك خيرا ويهديك لاعمال البر ويرزقك التقوى ويجعل خير ايامك يوم تلقاه .وبصراحة ماوجدت غير الدعاء لك وسط زحمة الردود اللتي ارى انك تستحقها والله اعلم ومن باب الحاجة للمعلومة والمشاركة في الاجر ارجو تبيان مايلي في المرة القادمة وان شاء الله لاتكتب يدك الامايرضي ربنا وينفع الناس امين :
(1):ماهي المواقع المشهورة الآمنة للبحث عن عمل في منطقتك.
(2)اذا كانت الزوجة لديها أطفال وتحب العمل في البيت ولديها مواهب (حياكة وتطريز او رسم اوتركيب العطور الزيتية) وكيفية تسويقها.
(3):أريد تعليم اولادي الانترنت ولا اعرف برنامج يحمي من المواقع الاباحية الدخيلة والصور ولااريد حرمانهم واريد تشجيعهم على حب البحث والفرح بالمعلومة .
(4):اذا وجدت عملا بدون مساعدة المنظمة هل تنفصل عنها ولاتحتاجها للابد ام ماذا ؟ومن ضمن سؤالي لماذا يسرف بعض العراقيين  في التقرب للمنظمة وموظفيها بشدة واعاقة الاخرين عن الوصول اليها والاستفادة من خدماتها؟وماذا لو وجدت بعض العتصرية هل من حل ام هو كالوباء المستشري؟  اسف جدا للاطالة ارجو الاجابة والله يعينكم عليهاوالسلام عليكم جميعا

غير متصل حيدر الربيعي

  • عضو فعال جدا
  • ***
  • مشاركة: 226
    • مشاهدة الملف الشخصي
شكرا جزيلا استاذي العزيز ابو قمر على هذا المعلومات القيمة ولساني يعجز عن شكرك
وانا فكرت اول ما اصل للولايات المتحدة انه اتصل بجنابكم ان شاء الله
أخوكم وابنكم المهندس حيدر الربيعي

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا اخت انجي لتعاونك ومساعدتك في نقل الموضوع ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل cry_moon

  • عضو فعال جدا
  • ***
  • مشاركة: 85
  • الجنس: أنثى
    • مشاهدة الملف الشخصي
كلمة شكر لن تكفى اخى الكريم "ابو قمر"
بارك الله فيك ووضع عملك فى ميزان حسناتك
أتمنى أن تستمر فى أثراء الموضوع اكثر من حيث :
1_ ما هى اشهر المواقع للتقديم عن العمل ؟
2- ما هى ألية أسترداد الــ TAX فى اخر العام ؟ شرحها خطوة بخطوة ؟
3_ ما هى أسم الجهه التى نسترد منها الضريبة فى اخر العام وما الموقع الالكترونى لها؟

مع الشكر
كل الشكر والاحترام لك
هنا كل مواضع الاخ الفاضل"ابو قمر" لكل من يبحث عن مواضيعة
http://www.ankawa.com/forum/index.php/topic,552279.0.html

كل مواضيع الاخ الفاضل "المدرس" هنا فى اللينك أسفل توقيعى:
http://www.ankawa.com/forum/index.php/topic,472378.0.html
أستحلفكم بالله لاتنسونى بالدعاء الصالح لانى أحتاجة بشدة

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
كلمة شكر لن تكفى اخى الكريم "ابو قمر"
بارك الله فيك ووضع عملك فى ميزان حسناتك
أتمنى أن تستمر فى أثراء الموضوع اكثر من حيث :
1_ ما هى اشهر المواقع للتقديم عن العمل ؟
2- ما هى ألية أسترداد الــ TAX فى اخر العام ؟ شرحها خطوة بخطوة ؟
3_ ما هى أسم الجهه التى نسترد منها الضريبة فى اخر العام وما الموقع الالكترونى لها؟

مع الشكر
كل الشكر والاحترام لك


صديقي العزيز المواقع كثيرة وتختلف باختلاف الاختصاصات .. بشكل عام كل الستورات المحلات التجارية الكبيرة لها مواقع ممكن التقديم من خلالها نفس الوضع بالنسبة للبنوك والفنادق , يمكن البحث عن شركات توظيف في منطقتك sttafing company اضافة الى مواقع مثل :

carerbuilder.com
dice.com
monster.com

بالنسبة للنقطة الثانية فيطول شرحها لكن اوعدك بان راح انزل موضوع كامل يخص هذا الامر ..
اما الجهة فهي IRS  وعدهم موقع الكتروني خاص بيهم ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل cry_moon

  • عضو فعال جدا
  • ***
  • مشاركة: 85
  • الجنس: أنثى
    • مشاهدة الملف الشخصي
كلمة شكر لن تكفى اخى الكريم "ابو قمر"
بارك الله فيك ووضع عملك فى ميزان حسناتك
أتمنى أن تستمر فى أثراء الموضوع اكثر من حيث :
1_ ما هى اشهر المواقع للتقديم عن العمل ؟
2- ما هى ألية أسترداد الــ TAX فى اخر العام ؟ شرحها خطوة بخطوة ؟
3_ ما هى أسم الجهه التى نسترد منها الضريبة فى اخر العام وما الموقع الالكترونى لها؟

مع الشكر
كل الشكر والاحترام لك


صديقي العزيز المواقع كثيرة وتختلف باختلاف الاختصاصات .. بشكل عام كل الستورات المحلات التجارية الكبيرة لها مواقع ممكن التقديم من خلالها نفس الوضع بالنسبة للبنوك والفنادق , يمكن البحث عن شركات توظيف في منطقتك sttafing company اضافة الى مواقع مثل :

carerbuilder.com
dice.com
monster.com

بالنسبة للنقطة الثانية فيطول شرحها لكن اوعدك بان راح انزل موضوع كامل يخص هذا الامر ..
اما الجهة فهي IRS  وعدهم موقع الكتروني خاص بيهم ..

تحياتي
أبو قمر
شكرا اخى الكريم ابو قمر
وأنتظر منك قريبا ان تشرح لنا كيفية واليه استرداد الضرائب من كل عام
أختك "Cry_Moon "
مع خالص تحياتى وتقديرى لمجهودك معنا
هنا كل مواضع الاخ الفاضل"ابو قمر" لكل من يبحث عن مواضيعة
http://www.ankawa.com/forum/index.php/topic,552279.0.html

كل مواضيع الاخ الفاضل "المدرس" هنا فى اللينك أسفل توقيعى:
http://www.ankawa.com/forum/index.php/topic,472378.0.html
أستحلفكم بالله لاتنسونى بالدعاء الصالح لانى أحتاجة بشدة

غير متصل abo-lana

  • عضو فعال جدا
  • ***
  • مشاركة: 152
  • قـَل لــن يصيبنــا الا مــا كتب الله لنــا
    • مشاهدة الملف الشخصي
عزيزي اخوية الورد ابو قمر والله تاج عالراس انته شنو هالمواضيع الحلوة وحدة احسن من اللخ ونصائح وشغلات صدك اخ عزيز انت يارب يوفقك وينطيك على كد نيتك والله من مواضيعك دنتشجع اكثر والله يخليك يارب لعائلتك وموفق بكل خطوة يارب
رُبما غدا سيكون أفضل ..... لذلك نستمر في التنفس ومع كل شهيق نأمل..... أن يحمل لنا الغد خــبرا أجمل .˙·0•●♥ـ

غير متصل سكون الليل76

  • عضو فعال
  • **
  • مشاركة: 31
    • مشاهدة الملف الشخصي
    • البريد الالكتروني
عاشت الايادي ،،، الله يبارك اجرك و يزيد ثوابك و يكفيك كل شر
خير الناس من نفع الناس
تحياتي
الأصله عراقي دوم ما ينكسر و دوم يبقى رافع راسه

غير متصل UM QAMAR

  • كن مع الله ترى الله معك
  • عضو
  • *
  • مشاركة: 12
  • الجنس: أنثى
  • كن مع الله ترى الله معك
    • مشاهدة الملف الشخصي
    • البريد الالكتروني
تحية طيبة ,
اليوم حبيت اكتبلكم واشرحلكم شي مهم جدا ويشغل بالي الكثيرين ..... ماذا لو فقدت عملي في امريكا ؟؟ اكيد راح يذبوني بالشارع ؟؟ على فكرة هذا الكلام تسمعه من صنفين الصنف الأول بعض العراقيين هنا في امريكا الصنف الثاني من هم ليسوا في امريكا لكونهم كالعادة يعتمدوا على معلومات من الصنف الاول او معلومات التلفزيونات العربية والصحف العربية الي هي بطبعها دائما تقلل من شأن امريكا , ولهذا عليك ان تتاكد من مصدر أي كلمة تسمعها لان  للاسف ان جميع من يسكن هنا ولا يملك لغة او احتكاك بالمجتمع غير قادر على اعطائك معلومات صادقة , وهنا بهذا الموضوع راح اكتبلكم عن ماهو نظام العمل في امريكا؟ كيفية التقديم على عمل وجتلكم استمارة تقديم حتى نتعلم شلون نمليها وغالبا ما تكون استمارات التقديم متشابهة ما بين الشركات , كيف تحافظ على عملك ؟ وماذا لو فقدت عملك ؟؟ وراح ابدي بالسؤال الاخير .
الجميع يعلم ويسمع عن الازمة الاقتصادية التي مرت بأمريكا والعالم , لكني لغاية هذه اللحظة لم ارى شخص جائعا او شخص يفترش الشارع !!!! الكثير من الاقتصاديين اشادوا بالاقتصاد الامريكي رغم التراجع الذي حدث خلال وبعد الازمة , قوة هذا الاقتصاد نابعة من الدستور وقوانين المجتمع المدني والقوانين التي تحكم علاقة العمل بين اصحاب الشركات والعمال أو الموظفين .
ماذا لو فقدت عملي ؟؟ هنا نتوقف عن كيفية فقدانك للعمل , هل فقدت للعمل بسبب صاحب العمل او بسببك انت , بمعنى اخر هل طردت من العمل بسبب اخطاء قمت بها ام تركت العمل لان الشركة ترغب في تقليص عدد العمال بسبب قلة الانتاج او لاسباب اخرى ,
اذا كنت موظف أساسي في شركة او معمل او محل ومر على خدمتك فترة تتجاوز الستة اشهر فيح لك عند فدانك للعمل التقديم على unemployment benefits وهو عبارة عن برنامج حكومي يمكن التقديم له اون لاين او من خلال زيارة مكتبهم القريب من منطقتك , وبعد ارسال المعلومات لهم سوف تكون مؤهل لاستلام 80% من مرتبك الشهري السابق وانت جالس في البيت لمدة 6 اشهر قابلة للتجديد 6 اشهر اخرى لكن بشرط ان تقوم بالتقديم على عمل اسبوعيا وبعدد لا يقل عن ثلاث مرات في الاسبوع لكي يضمنوا انك تبحث عن عمل ,والكثير من الامريكان يستفادون من هذا البرنامج في حالة فقدانهم للعمل خلال فترة بحثهم عن عمل اخر , طيب هذا المبلغ الي يدفعولك اياه منين مصدره ؟؟؟
طبعا راح تسمع الكثير من حجي العراقيين الي يعملون بالكاش يكلك عمي ليش تشتغل بالشركات وتدفع ضرايب وفلوسك تروح للدولة احسن شي واريح شي الكاش؟؟ طبعا هذا كلام مغلوط مئة بالمئة , وراح ابدي اوضح موضوع ضريبة العمل الي تدفعها والي الكثيرين ميعرفون ان اغلبها يرجع الك والدولة ممستفادة أي شي منها شلوون ؟؟ الضريبة الي تستقطع من راتبك تقسم الى ثلاثة اقسام :
Social security Tax
Medicare Tax
Federal Tax
طبعا مقدار الضريبة الي تدفعها يحسب على عدد الي تعيلهم وحسب استمارة ال W4 الي عبيتها اثناء تقديمك للعمل وراح نكتب عنها موضوع كامل مستقبلا ودائما متكون الضريبة بين 15% الى 3% , اذا كنت صاحب عائلة فمراح يستقطع منك الكثير واذا كنت شاب راح تكون الضريبة اعلى وراح انزل موضوع خاص بالضريبة مستقبلا لأن اغلب الناس ماخذ فكرة غلط عن الضريبة , اذن مبلغ الضريبة راح يتوزع لثلاث اقسام القسم الاول يروح Social security Tax   والي راح ينجمع الك وتسفاد منه في فقدانك للعمل يعني هذا المبلغ راح يستخدم في حالة فقدانك لعمل وراح يرجعلك البعض راح يكول بس هذا المبلغ اقل من الي يدفعولك اياه اذا فقدت العمل , نعم صحيح لان المبلغ المدفوع الك راح يكون جزء منه من السوشيل مالتك والجزء الاخر من الشركة الي بطلتك راح تظل تدفعلهم بشكل شهري حتى تلكه عمل وتخرج من البرنامج اضافة الى دعم مالي حكومي , ولو موضوعنا مو عن التاكس بس راح اوضحلك القسمين الباقيين , Medicare Tax هذا المبلغ يجمعوه الك كضمان صحي من تطلع تقاعد , Federal Tax  وهذا القسم الوحيد الي يروح للحكومة والي راح تسترجعه كاملا اضافة الى منحة حكومية كل راس سنة في ما يسمى باسترجاع التاكس في حالة دخلك قليل مقارنة بمتوسط الدخل الامريكي وعلى فكرة نادر ما يستقطع هذا النوع من التاكس للعامل صاحب العائلة ويستقطع فقط عندما يكون المبلغ عالي نسبية وفق حسابات معينة ولهذا اصحاب العوائل غالبا مايستقطع منهم Social security Tax  , Medicare Tax فقط , اكيد كثير منكم متهمة التفاصيل يريد شد هي الضريبة الي لازم يدفعها اذا اشتغل ؟ رغم ان هذا السؤال لايمكن الاجابة عليه لان الموضوع يعتمد على عدد افراد الاسرة ومقدار الدخل لكن راح انطيكم مثال , مثلا اني عندي طفلة وزوجة يستقطع مني ضريبة على 1000$ مقدار 60$ طبعا انا دخلي يختلف عن غيري كلما يقل دخلك كلما تقل الضريبة وشي على شي المبلغ جدا صغير .
نرجع لموضوعنا معناتها اني اذا مثبت بشركة لمدة تتجاوز ال6 شهور راح اكون ضامن ان يكون الي دخل شهري حتى لو عزلت الشركة ( بعض الناس يكلك الشركات تعزل ويشمروك بالشارع ) , نجي الان الى كيفية التقديم على عمل ؟؟ وكيف يقسم العمل في امريكا من ناحية التوظيف ؟؟ وكالعادة راح ابدي باخر سؤال .
العمل في امريكا يقسم من ناحية التوظيف  الى نوعين :
عمل مؤقت  Temp Job   :  هذا النوع من العمل مراح تملك بيه اي حقوق من اجازات  مدفوعة الاجر كالعطل الرسمية او عطل سنوية او عطل مرضية اضافة الى عدم حصولك على تامين صحي اضافة الى ان صاحب العمل ممكن ان يمشيك باي وقت يحب ومن دون ان يكون الك الحق للتقديم على برنامج unemployment benefits , اذا هذا النوع ليس لك فيه أي حقوق , وهذا النوع غالبا ميكون لمدة 3 او 6 اشهر تنتقبل بعدها للنوع الاخر .
عمل ثابت Permanent  Job  : هذا النوع من العمل تملك فيها جميع الحقوق كاملة من عطل رسمية مدفوعة , من عطلة سنوية والي اغلب الشركات تعطي 10 ايام سنويا مدفوعة , اجازات مرضية غالبا متكون 6 ايام بالسنة اضافة الى تامين صحي مدعوم او مدفوع كليا , بامكان الشركة ان تمشيك في حالة توقف العمل او تقليص عدد العمال لكن يكون لك الحق بالتقديم على رنامج unemployment benefits , لكن هذا الامر نادرا جدا لان اغلب الشركات عندما تقلص العمال تقلص العمال الموقتين اولا اضافة الى ان الشركة سوف تبقى مطالبة للدفع لك حتى بعد تسريحك من العمل وهذا الي ذكرته سابقا ولهذا اخر خيار للشركة سوف يكون تسريح العمال المثبتين .
هنا نجي نبسط الموضوع , نظام العمل في امريكا غالبا ما يفرض فترة عمل مؤقته بالذات العمال والموظفين  محدودي الخبرة والكفاءة والوظائف التي لا تحتاج الى خبرة , يعني هذا النظام نادر ما يطبق على الاطباء والمهندسين واصحاب المهن الاحترافية , اذن غالبا ما تكون اول 3 اشهر او 6 اشهر من عملك فترة مؤقته فترة اختبار للتاكد من انك موظف كفوء , هذه الفترة غالبا ما تكون فيها تحت اسم شركة توظيف أي شركة مغايرة للشركة الي تعمل فيها , يعني شركة التوظيف هي الي تعينك وتعطيك المرتب مالتك وتكون مسئول منها طيل الفترة المؤقته بالمقابل الشركة الام الي انت تعمل بيها متكون مسئوله عن أي شي يخصك مجرد تدفع راتبك الى شركة التوظيف + عمولة شركة التوظيف على كل ساعة , ولهذا هويتك واوراقك كلها تدل على انك تعمل مع شركة التوظيف وليس مع الشركة الام , بعد فترة العمل المؤقتة الشركة الام تطلب من شركة التوظيف ان تحول اوراقك لتثبيتك ضمن كادرها وسوف تقوم بتوقيع عقد جديد ويكون تالك حقوق جديدة , هذا النظام ماشي في اغلب الولايات الامريكية ويشمل الشركات والسوبر ماركتات والمعامل ومختلف قطاعات العمل , احيانا الشركة الام تعينك كموظف مؤقت عدها لفترة وبعدها يتم تثبيتك بدون الاستعانة بشركة توظيف وهذه الحالة موجودة ايضا , لكن بالناتج دائما يكون هناك فترة مؤقتة تثبت فيها كفائتك وفترة دائمية تاخذ فيها كل حقوقك .
يفية التقديم على عمل : هناك طرق كثيرة للبحث عن العمل ( لا تعمتد على المنظمة في ايجاد عمل لك وتكعد تنتظر ) انا بالنسبة الي الانترنت يعتبر المصدر الاساسي للبحث والي من خلاله تجد شركات التوظيف الي قريبة من منطقتك اضافة الى وظائف مباشرة يكون التقديم عليها عن طريق الانترنت مباشرة , الاصدقاء والمعارف الي تعرفهم والي اغلبهم مراح ينطيك معلومة بس مع هذا حاول , السوبر ماركتات الكبيرة وهذا النوع دائما يطلب عمال وموظفين ويمكن التقديم اله عن طريق الانترنت مثل الولمرت ، تاركيت ، روز , كروكر , والكثير من السوبرماركتات الضخمة وممكن ان تذهب الى نفس السوبر ماركت هناك كمبيوتر للتقديم ممكن ان تجلس وتكمل استمارة تقديمك , وانشاء الله راح احاول ان انزل مواضيع تشرح كيفية التقديم وبالصور لكل هذه المكانات , طيب كيف اعبي الاستمارة , اليوم جبتلكم نسخة من استمارة لاحدى شركات التوظيف وراح اوضحلكم كيف طريقة املائها وهي غالبا ماتكون نفس الاستمارة في اغلب اماكن التقديم مع اختلافات بسيطة يمكن البعض راح يشوفها جدا سهلة لكن حبيت ان اوضحلها للي انكليزيته ضعيفة والي معنده معلومات عن استمارات التقديم ,
اذا تلاحظ بالاستمارة كما بالصورة المعلومات المطلوبة معلومات بسيطة جدا وهي :
First name  : أسمك الاول
Middle  : اسم الوالد وغالبا ميكون اختصار اول حرف فقط
Last name  : وهو اسم الجد او اسم العائلة حسب ما انت ذاكره وحسب ما موجود بهويتك
Home phone : رقم تلفون البيت وممكن تكتب N  اذا معندك
Cell phone  : رقم موبايلك والي هذا جدا مهم لان يتصلون عليك بيه ولهذا ما انصح بتغيير تلفونك كل كم يوم والله اكو شركة ارخص , قبل لتاخذ التلفون قررويا اي شركة وانهي الموضوع رغم ان اغلب الشركات تنقلك رقمك ويا الخدمة بس اكو شركات معدها هاي الامكانية , اذا كانت انكليزيتك غير جيدة ممكن تتفق ويا شخص تعرفه وتحط رقم تلفونه يجاوب عنك .
Email  : ايميلك الشخصي  
SSN : رقم السوشيل سكيورتي نمبر مالتك والي لازم تكون دائما حافضه .
Address : الي هو عنوانك والي بيه رقم المجمع والشارع ورقم شقتك ( لتنسه رقم الشقة )
City : المدينة الي انت عايش بيها     ...  state   : الولاية   ....   Zip cod : وهو الرقم البريدي لمنطقتك وهو خمس ارقام وموجود دائما بعنوانك بعد رمز الولاية وهذا لازم تكون حافظه دائما .
Shift available to work  : اوقات العمل الي تستطيع العمل فيها , هنا في امريكا كل 8 ساعات تعتبر شيفت عمل فهناك شفت عمل صباحي واكو شفت ثاني واكو شفت مسائي واكو شفت ليلي , وعلى فكرة الي يشتغل بالليل يدفعوله اكثر من الي يشتغل بالنهار يعني 25 سنت عالساعة ممكن اكثر او ممكن اقل هنا بهذه الاستمارة كاتبلك صباحي AM   او مسائي PM    او  both  يعني بكل الاوقات وهذا الافضل ان دائما تكتب جميع الاوقات بالذات اذا معندك عمل اخر لانك بهاي الحالة راح تكون ضامن التعيين اذا كان اكو شواغر باليلي او بالنهاري
Over time  : غالبا ما تنسئل هذا السؤال والي هو هل انت قابل انك تعمل بعد فترة العمل 8 ساعات , طبعا بعض الامريكان ميكدر لان يكون مرتبط بعمل اخر او يكون عنده ظروف خاصة بس بالنسبة الك هو فرصة لاثبات كفائتك بالعمل وفرصة لكسب مبلغ اكبر والي معروف في امريكا اي ساعة بعد ال8 ساعات تدفع مرة ونص او مرتين حسب قانون الولاية , يعني اذا انت تاخذ 8 دولار بالساعة  ساعتك بعد ال8 ساعات تصبح 12 دولار او 16 دولار , طبعا هذا في حالة تجاوزك 40 ساعة في الاسبوع , يعني القانون الامريكي يعتبر اي عمل بعد 40 ساعة بالاسبوع  وقت اضافي ولازم يندفعلك مرة ونص او مرتين ,
Position applied  : وهو الوظيفة الي انت مقدم عليها ممكن تكون عامل operator   او اي شي اخر حسب الوظيفة الي مقدملها
Desired salary  : شكد تتوقع راتبك اكو بعض الناس يكتب الحد الادنى الي يريد يشتغل فيه واكو كثير يتركه فارغ او يسئل شكد يدفعون لهذا العمل ويحط الرقم , يعني انت كباحث عن عمل لاول مرة اكتب رقم مقبول ومتعارف عليه والافضل ان تتركه فارض , لتخاف مثل مراح يدفون لغيرك راح يدفعولك .
EMERGENCY Contact  : هنا يطلب منك اسم ورقم تلفون الشخص الي يتصلون بيه في حالة الطوارىء يعني مثلا حضرتك اشتغلت وبعد الشر عليك اغمى عليك اثناء العمل او صارلك شي فيحتاجون شخص يتصلون فيه يعني مو تحط نفس رقم تلفونك لان مراح يقبلون  Relation  : يعنون بيها علاقة الشخص بيك يعني اخوك صديقك منظمتك الكيس ووركر مالتك وهكذا .
الي ذكرته سابقا راح يكون موجود بجميع طلبات التقديم , وانا اختاريت استمارة بسيطة هذه المرة حتى لا اعقدها عليكم , طبعا الجزء الثاني من الاستمارة راح يطلب منك المكانات الي اشتغلت فيها سابقا وهذا الطلب دائما ينطلب منك في كل مكان تقدم فيه
Name and address : اسم وعنوان المكان الي اشتغلت فيه سابقا
Job title and duties  : شنو كانت وظيفتك وشنو كانت مهماتك
Employed from  ……. To   عملت ويا الشركة السابقة من يا تاريخ لأي تاريخ
Supervisor name  : اسم المسؤال المباشر عن عملك   tel   ورقم تلفونه .
Payrate  : شكد كانوا يدفعولك
Reason for leaving  : ليش تركت الشغل وهذا سؤال دائما يسئلولك اياه , طبعا اذا انت تارك الشغل بسبب الشغل ضعيف ممكن تتب هذا الشي , اما اذا انت مسويلك مكسورة فالافضل انك لا تكتب اي شي عن عملك بهذا المكان حتى لو مشتغل بيه 10 سنين لانه غالبا ما يتصلون بمسؤلك السابق ويستفسرون عنك واني كثير استلمت تلفونات من  شركات عن عمال بطلوا من يمنى ودائما كنت انطيهم انطباع ايجابي وتعتمد على المسئول مالتك وقناعته بعملك وشخصك .
طبعا بالجزء الاخير يطلب منك اشخاص اشتغلت وياهم  سابقا ممكن ينطون عنك انطباع جيد مو معنى ان يكفلوك لكن يعرفون شغلك ويشهدون بانك موظف كفوء ( Professional work reference  )  والي ايضا راح تكتب اسمه , Position   وظيفته  ورقم تلفونه , طبعا الجزء الاخير مو الك دائما من تشوف جملة office use only  معناتها هذا الحقل مو الك للشركة او المكتب الي مقدم بيه .
طبعا موضوع العمل موضوع كبير ومتشعب واكيد راح تكون اكو مواضيع قادمة تشرح مالذي تحتاجه حتى تستمر بالعمل وميبطلوك كيفية التعامل مع الموظف هنا شنو الفوائد الي تقدملك اياها الشركة واشياء اخرى كثيرة انشاء الله اكتبلكم اياها بالمستقبل .
طبعا بالفترة السابقة اخي العزيز ابن الحلة نزل ملف فيه جميع مواضيعي السابقة واشكر اله هذا الجهد الكبير والله ينطي الاجر والثواب جدا فرحت بالموضوع لكن مع هذا يبقى هذا الملف مواضيع مقرؤة لكن غير قابلة للنقاش , ولهذا احد اخواني الاعزاء ايضا هو عضو بمنتدانا عرض عليه ان ينشر مواضيعي في قسم بمنتدى اخر وتكون مثبته ومن خلالها يستطيع الجميع يطلع على المواضيع ويتم النقاش عليها , طبعا انا وافقت ليس لرغبة مني للتسويق لاي منتدى اخر فهذا الموضوع لا يهمني لا من قريب ولا من بعيد لكني اعلم ان هذه الفرصة لا يستطيع ان يقدمها منتدانا فكثير من المواضيع باقلام اعضاء رائعين اختفت في الارشيف والكثير من الاعضاء الجدد يسئلون عن هذه المواضيع فلهذا اعتبرت هذه الفكرة فرصة  لتسهيل الامر على الجميع , اضافة الى ان كان الي مقترحات او لرجلرحب فيها ومنها انشاء مدرسة لتعليم كيفية التقديم وتعبئة استمارات العمل واستمارات الطبيب واستمارات المساعدات الحكومية مثل الفود ستامب وغيرها , اضافة الى مدرسة لتعليم الانكليزية للمهاجرين او ما يحتاجه المهاجر من انكليزية في الاشهر الاولى , انا متاكد بان هذا الاقتراح  لن يبادر باي اهتمام من قبل ادارتنا  قد يكون لانشغالهم او لاشياء اخرى لكن هذا الشيء يشعر فيه الكثيرون في هذا المنتدى وانا منهم , طبعا اكيد سوف يكون هناك مواضيع جديدة تنشر هناك كل يوم احد , كل ما ارجوه ان تصل المعلومة لاكبر عدد من الاشخاص واتمنى التواصل من الجميع واتمنى بان اسمع مقترحات الجميع .
البارحة وصلتني رسالة من احد اخواني الغاليين تسئل عن كيفية معرفة اوقات الصلاة في امريكا  والمناسبات الدينية وطلب مني ان اكتب هذا على العام حتى تصل المعلومة لاكبر عدد , بصراحة انا استخدم برنامج جميل جدا منصبه على كمبيوتري الثاني الي دائما رابطه عالتلفزيون وكل وقت اذان اسمع الاذان في كل البيت اوتماتيكيا حسب الوقت الخاص بمدينتي هذا البرنامج يمكن يعرفه الكثيرين ممكن تنصبه وتختار المدينة الي انت فيها وراح تسمع الاذان باوقاته وبالذات جايينا شهر رمضان الله يعيده على الجميع بالخير والبركة , راح انزل الرابط الخاص بالموقع وهو بالعربي ايضا ومن خلاله ممكن تنصيب البرنامج .
http://www.islamicfinder.org/athanDownload.php?lang=arabic
حبيت قبل اني انهي الموضوع الي طووول هواية , ان اقدم شكري وامتناني وانحني احتراما لاخونا  كوبرا واختنا ماكنتوشا  الي البارحة بالفعل شعرت بسعادة لم اشعر بها من زمن عندما رائيت ردودهم وهم يهنئون بشهر رمضان الكريم وبكلمات طيبة تعكس مشاعر محبة افتقدناها كثيرة في بلدنا , تحية لمشاعركم الطيبة ودمتم اخوة واحبه الى الابد يااااااارب , طبعا دائما اكرر اسفي على الاخطاء الاملائية او اللفضية لاني كالعادة ما احب اقرا الي كتبته ومعندي الوقت الكافي للتصحيح .

تحياتي
ابو قمر  

ضروري جدا أن نتداول ونذاكر ما كتبه الاخرون في مشوارهم كي يكون نور الشمعة مضيئا للاخرين وكي ندعو بالخير لمن أشعل الشمعة وجعل من نور ضيائها اشعاعا ينير للاخرين أرضية أتخاذ قرارات هامة في حياتهم  :-X :-X :-X


***  ودي ودي أكون معك  ****