اخويه اذا تجي بالطيارة الفيزا تاخذها بالمطار واعتقد مدتها شهر ووراها من تقدم على اليو أن راح ورقة تاخذ من خلالها الاقامة وبعد ميحتاج تجدد الفيزا بس الاقامة تدفع رسوم لازم كل محافظة شكل اكو محافظات بيها غرامات واكو مابيها انت وحظك
سؤالك الثاني عن اول 3 اشهر فأنت بالبداية لازم تجيب وياك فد مبلغ زين علما تتعلم وتعرف الامور هنا يعني مو اقل من 2000 دولار برأيي وهاي بس بالبداية طبعا ما عدا اجور الطائرة
السؤال الثالث السفر بيد الله وشكت كاتبه رب العالمين يصير ومحد يكدر يتكهن شوكت وشكد بالضبط المدة بس الحالة الطبيعية اذا الملف نظيف ومابي اي شي من سنة الى سنة ونص واذا اكو مشاكل لا يطول
السؤال الرابع مو شرط تحجز فندق روح رأسا لليو أن وقدم نفس اليوم اللي توصل بي انقرة وبعدين همه راح يخيروك بين كم محافظة وتختار وحدة منها واذا ما اختاريت همه راح يحددولك المحافظة اللي تسكن بيها وتظل تتمرغل عاد الى ان تلكي مكان مناسب وتسكن بي
( خلي ابالك بالبداية احتمال تتبهذل بشغلة السكن اذا ما عندك عرف او صديق يساعدك ) وبالمقابلات تروح بالباصات عادي ميحتاج طيارة لان هوه الباص طيارة
السؤال الخامس الايجار من 100 دولار هاي اقل شي الى 400 دولار و 500 دولار كلشي بسعره وحسب الموقع والمحافظة ونوع السكن وخط الانترنيت اشتراكه وحد تدفع الفاتورة لشركة الانترنيت معليها بايجار البيت وتسحب انترنيت من الشركة الرئيسية لاتسحب من وكيل احسن
السؤال السادس عن الكهرباء انت وصرفك بالبيت يعني يجوز تجيك 25 ليرة ويجوز تجيك 100 ليرة مو سوا حسب الاستخدام والتدفئة كذلك عالصرف لذلك الواحد يقتصد قدر الامكان حتى لا تطلع علي فواتير هواية
هاي اسئلتك تكول عبالك عندي امتحان ودا اجاوب
يله ميخالف نمتحن والله كريم
تحياتي
