0 الأعضاء و 1 ضيف يشاهدون هذا الموضوع.
حلو واحد يصير روبوت بس روبوت اصلي مو صيني
مقتبس من: xxlm569 في 09:21 04/08/2011 حلو واحد يصير روبوت بس روبوت اصلي مو صيني اكس حبيبي حتى اذا صيني اقبل بس لا عراقيمشتاقين اكس
السلام عليكم اخوية جاسم ... مشكور على الرد .. بس خلينا نسمع منك ومن غيرك مو مشكلة انه الواحد يحجي الي بداخله واخونا وطن واحد عبر عن احساسه وحاول انه يوصل فكرته وشفت اكو ناس تقبلت الموضوع واكو لا .. اخواني حسب نظرتي من كل الاخوة الي عايشين في امريكا .. الصحة والاحترام واحساس الامان هو اكبر نعمه يسعالها الانسان وتحديدا بهذا الوقت الصعب الي ديمر بي بلدنا العراق, كثير ناس تاذت واني واحد منهم من خطف وفدية وقتل والحمد لله رب العالمين الهمنا الصبر وهذا الشي كان لازم اشوفه وبنفس الوقت من طبيعة الانسان انه يطمح نحو الاحسن، امريكا حاليا هي خيار ممتاز لكل من يطمح لهذا الشي وتبقى مسالة التوفيق من الله سبحانه وتعالى .. اعرف كثير ناس يا اخوية وطن واحد هسه عدهم املاك في امريكا ومصارلهم سنتين فكلامك مو شرط وما اتصور انه حدود البشر متوقفه على مسالة انه يعمل كروبوت لا على العكس... ياريت كلتنا نفكر بموضوعية اكثر واعتقد حرام واحد يقارن العراق ب امريكا من كل النواحي وعلى الاقل اذا احنا ما نشوف خلي اولادنا يشوفون ... تحياتي اخوكم ابو جنة المصلاوي
اكس وكولامبس .... شلونكم عيني ؟؟ مشتاقين ما تبطلون من هلسوالف والله ههههههههه ... بس المشكله سوالفكم حقيقه محد ميكدر ينكرهه هو شجبارنه نطلع وانعوف العراق غير الامر منه لويش عايفين شارعنه الي تربينه بي وناسنه واهلنه وتأريخنه وذكرياتنه غير ما بقة عدنه مكان بعد هنا غربه في بلدنا ومتشتتين يعني هو ليشوف جهنم ما يرضى بأمريكا ؟؟؟ هذا الجواب اخلي الكم
اول شي شكرا على النصيحه....واني رأي تحتفظ بيه لنفسك وتخلون هاي الناس اشوف حياته وكافي عاد تحطيم امال لان كثير من الناس من يسافر امريكا يستخدم نفس هذا الكلام وبنفس الوقت من اتكوله تعال انت اشعندك بامريكا.....! راح يكلك مو اني ما اكدر ارجع لان اني مهدد وغيره من كلام تعبان......؟اني رأى الى الناس و اكلهم اطلعو و روح امن مستقبل اطفالك لان الحياة الي بالعراق صارت صعبه كانه عاش بنص الذئاب و الكل ينهش بيك.
ابو هنودة كلامك ذهب الحياة رايدلة تعب واهنا امريكا ماكو شى ابلاش يعني فقط الداعيات ابلاش الك وبعض مرات اتكون ابلفوس شوف عيني ابو هنودة ؟؟؟؟ اني واحد من الناس الى حسيت نفسي بالعراق العظيم بهيمة واني اسف اذا استخدم هذا المصطلح لانه حسيت ماكو فائدة من وراء هذا العيش ولكن 80 من المئة الى عاشوا اهنا ماشين على نمط ما بية تطورات واعتقد اول ما تجي راح يشرحلك المنظمة الى يساعدك ؟؟؟؟؟ ابو هنودة اني اتفق وياك على شى واحد انة انت انسان اهنا ولكن الثمن ا تحمل الى اتشوفة اهنا ؟؟؟؟ امريكا بلد اجيالنا مو النة واكررر مو النا ؟؟؟؟ ابو هنودي كلامك حلو ويعجبني حماسك
تحياتي واعتزازي الى الاخوان والى هذا الموقع الرائع والى جهود كل العاملين فيها من خلال مطالعتي الى كل المواضيع الهجرة حبيت اعلق كوني عايش باامريكا ومن خلال تجربتي البسيط شفت ان كل العراقيين يريدون ان يدخلوا هاي الجنة الى يسموها امريكا وفعلا وحقيقة هو جنة ولكن ما هو الثمن؟؟؟؟؟ اخواني الى اول مرة يدخل هاي البلد راح يفرح ويتمتع لانه ماشاء الله العراق العظيم قصدي بلدنا موجود كل الخدمات ؟؟؟؟؟؟ الشخص من يجي امريكا ومنهزم من معاناة البلد راح يفرح كلش ابهاي البلد لانه كل شى متوفر بية خير من الله لكن وراها ابفترة راح يضيق صدرك واني اسف اذا استخدم هاي العبارة لانه اني ما اريد انزل من معنويات الاخوان الى همة على انتظار لسفر ؟؟؟؟ وهذا طبعا من خلال تجربتي لكثير من الحالات الى شفت وسمعت ؟؟؟ اول شى اذا ما عندك لغة امور اتكون صعبة عليك جداااا لانه راح ما تلكي شغل واذا لكيت انت محظوظ ثانيا الوظائف صاير صعب الى ان اتحصل علية ثالثا حتى لو تلكي شغلة ما يكفي نفسك لانه كل تدفع الايجارات والتامين وتلفون ويايه امور راح يصادفك رابعا تبقى طول عمرك عامل اهنالك يعني لاتفكر بالكرسي والميز صعب جدا حتى الخرجين الهم اذا انت محظوظ وشطارتك ؟؟؟ الى يفكر يجمع فلوس اهنا طلع هاي الشى من راسك لكن شهادة اي اذا انت نواي تقرا واتحصل على شى الحكومة يساعك اهنا وكلاش متساهلين ابهاي الامور التعلمية اخواني الى ما شايف راح يشوف وهذا كلامي اكول فكروا زين قبل ان تجون اهنا واتمنى من الله التوفيق للجميع واذا احتاجيتوا اي مساعدة بالاستفسار اني بالخدمة
مقتبس من: وطن واحد في 08:54 04/08/2011 تحياتي واعتزازي الى الاخوان والى هذا الموقع الرائع والى جهود كل العاملين فيها من خلال مطالعتي الى كل المواضيع الهجرة حبيت اعلق كوني عايش باامريكا ومن خلال تجربتي البسيط شفت ان كل العراقيين يريدون ان يدخلوا هاي الجنة الى يسموها امريكا وفعلا وحقيقة هو جنة ولكن ما هو الثمن؟؟؟؟؟ اخواني الى اول مرة يدخل هاي البلد راح يفرح ويتمتع لانه ماشاء الله العراق العظيم قصدي بلدنا موجود كل الخدمات ؟؟؟؟؟؟ الشخص من يجي امريكا ومنهزم من معاناة البلد راح يفرح كلش ابهاي البلد لانه كل شى متوفر بية خير من الله لكن وراها ابفترة راح يضيق صدرك واني اسف اذا استخدم هاي العبارة لانه اني ما اريد انزل من معنويات الاخوان الى همة على انتظار لسفر ؟؟؟؟ وهذا طبعا من خلال تجربتي لكثير من الحالات الى شفت وسمعت ؟؟؟ اول شى اذا ما عندك لغة امور اتكون صعبة عليك جداااا لانه راح ما تلكي شغل واذا لكيت انت محظوظ ثانيا الوظائف صاير صعب الى ان اتحصل علية ثالثا حتى لو تلكي شغلة ما يكفي نفسك لانه كل تدفع الايجارات والتامين وتلفون ويايه امور راح يصادفك رابعا تبقى طول عمرك عامل اهنالك يعني لاتفكر بالكرسي والميز صعب جدا حتى الخرجين الهم اذا انت محظوظ وشطارتك ؟؟؟ الى يفكر يجمع فلوس اهنا طلع هاي الشى من راسك لكن شهادة اي اذا انت نواي تقرا واتحصل على شى الحكومة يساعك اهنا وكلاش متساهلين ابهاي الامور التعلمية اخواني الى ما شايف راح يشوف وهذا كلامي اكول فكروا زين قبل ان تجون اهنا واتمنى من الله التوفيق للجميع واذا احتاجيتوا اي مساعدة بالاستفسار اني بالخدمة اخي العزيز, كلامك جدا معقول و منطقي , ويطابق كلام الكثير من المقربين جدا لي والذي اعتمد عليهم في اخذ المشورة و التحري عن الواقع الامريكي, أو من خلال مشاهداتي واطلاعي الكبير على الواقع الامريكي, نعم امريكا شبه جنه و فيها من مزايا الحياة ورفاهية العيش الكثير, وعند دخولك لاصغر سوبر ماركت ستجد الملايين من الاشياء التي ترغب بشرائها, وهذا ابسط مثال, ولكن لعيش حياة الرفاهية تحتاج الى مبالغ ضخمة, لايوجد شي مجاني, أضافة الى هذا سوف يتفاجئ الكل بالصدمة الثقافية , لاختلاف العادات والتقاليد واللغة, بالطبع من اهم العوامل لسلوك المسار الصحيح في امريكا هو اللغة , ومن بعدها الشهادة .وهذه الامور جميعها حقيقية وقد تم التنبيه لها من قبل دائرة الهجرة الامريكية واعطاءها على شكل محاضرات للاجئيين والمهاجرين قبل السفر والوصول للولايات.ويجب ان نضع في الاعتبار , ان لكل بلد مساوئ ومحاسن, وان اختلفت النسبة بمقدار المسافة بين السماء والارض عن البلاد الاخرى, و واهم و حالم من يتصور ان الجنة على هذه الارض.ارى في موضوعك نصائح قيمة , يجب ان تاخذ بالاعتبار , ولي امنية سابقة ان يقوم احد المقيمين في امريكا بانزال سلسلة مواضيع تخص الصعاب ونقاط الضعف او مساوئ الحياة في امريكا, فقبل كل شيء الانسان المسؤول يبحث عن الخبر السيئ قبل الجيد حتى يعلم كيف يضع الحلول له ويعالجة او على الاقل كيف يتصدى له عند الوصول.واكيد نحن قبلنا بامريكا لانه مستوى الحياة فيها لايقارن بمستوى الحياة في بلدنا, ولكن يجب ان نعلم عن كل ماهناك, الجوانب السلبية والايجابية حتى يكون لدينا تصور شامل .وبالاخير امريكا للطموح ولمن جد وجد, مو للكاعد ويدور مساعدات لو يروح للمنظمة يتعارك وياهم يكولهم اريد سيارة ومصروف البنزين, فعلا بالمحاضرة ذكرولنا حالة واقعية واحد عراقي جاي على المنظمة يتعارك وياهم يابا شنو اشترولي سيارة, وتخيل شنو الانطباع الي اخذوا علينه من وره هيجي واحد؟؟؟تحياتي
من أجل أطفالي نعم .........أمريكا
اخوية العزيز يوسفي ان يجرحني كل مواطن عراقي من يحجي معاناة هذا البلد وهذا البلد اتحول الى جحيم صامت اذا انت امقدم على امريكا اكولك تعال ومثلما قال اخ ابو قمر قد اكون غلطان في حساباتي ولكن الحمد الله اني انسان خريج جامعة واخذ الامور بنظر الاعتبار ان اتكلم عن تجارب اشوفة بالواقع اهنا!!!!!!!! لكن الاخت شاما شام ما ركزت على اسمة عفوا على اشتباك الاسماي اتكول اني صاحب شهادات عالية ؟؟؟؟؟؟وانت ليش ما ترجع بما انه اتفكر بالكرسي والميز ؟؟؟؟؟ راح اكولج شى اني اسف جدا بالبداية على وضعج وعلى وضع العراقيين والاسف جدا قليل ابحقكم ؟؟؟بالنسبة الى اني ما ارجع لانه راح ارضى باليسوى والي ما يسوة اهنا لانه صاير من فترة اني اهنا الرجوع اعتقد الى خسارة ماديا ومعنويا هذا واحد اثنيين اذا حالة المادية جيد ما تنتظرين مساعدات مال دولة الى هية 6 اشهر ؟؟؟ تعالي عادلي شهادتج وادرسي ابفلوسج ؟؟؟؟ اني الى اريد اكول كل حالة يختلف على حالة ولكن بمرور الزمن تعرفون الحياة اهنا !!!! والاخ العزيز من يكول اتعب تلعب يعني اشلون 8 دولارت بالساعة الى يشغلك 8 ساعات باليوم واتصير روربت الالي اخي انت تحجي على كاس مخبى بالنصف الاخر ؟؟؟؟؟ انت كلت صاير سنة اذا انت شاطر الكي شغل ساعة 15 دولار فوق حتى تلعب زين ؟؟؟؟؟؟
اخي العزيز صفاء انت حجيت خوش كلام انت جاي تشتغل اطفالك مو لنفسك يعني انت حاليا روبرت الي اذا صح التعبير لانه الواقع هو هيجي امريكا يسويك روررت من تشتغل وخاصة احنا المهاجرين؟؟؟؟؟ اني حجيت بداية كلامي انه امريكا الى يجي بية هو اصغير يعني راح تبقى عامل الى ان اتكبر ولدك بعيدن انت لاتنسى عندك فود استامب ومديك كير مجاني لانه عندك عائلة؟؟؟؟ لكن اني اتعجبت على فقرة وخلى انضوح الامور حتى الاخوان يقرون ويفتهمومن شنو الموضوع ! انت كلت اشتريت سيارتين ابسنة ؟ صحيح السيارات رخيصة ولكن مو ابهاي 8 دولارات او التسع دولارات ؟؟؟؟ اي كلامك صحيح من تستلم تاكس مال حكومة 6000 دولار او اكثر
يابة هسة لو ينطوني لجوء بموزنبيق هم اقبل ههههشكرا على الموضوع
السلام عليكمسؤال للاخوان الي بامريكا:صدك المنظمه تنطي نسوان شكر وحمر وصفر للمامتزوجين؟
مقتبس من: azizaliraqi في 02:36 05/08/2011 السلام عليكمسؤال للاخوان الي بامريكا:صدك المنظمه تنطي نسوان شكر وحمر وصفر للمامتزوجين؟ خوية عزيز السلام عليكممن خلال معلوماتي واستفساراتي من جماعتنا اللي راحوا لامريكا يكولون للمامتزوجين ينطوهم سمر بس والشياب الارامل ينطوهم الشكر والحمر ويرحلوهم لولايات الشمال الباردة .تحياتي
الى الاخ اسعد العراقي اني بالحقيقة صايرلي سنتين وسافرت هجرة عن طريق قرعة واني خريج جامعة بغداد ادارة اعمال اعيش في ولاية تينسي عندي سيارة والحمد الله طبعا ابفلوسي مو فلوس شغل اهنا امريكا !!! حاليا في صدد الدراسة في الجامعة يعني بعدني اشتغل بية ! اني وحدي وعندي روميت ويايه بالشقة لانها ما شاء الله اسعر الشقق نار 600 فوق ! لو جان عندي بيت جنت مرتاح ويايه لانه ما ادفع فلوسي لايجارات ! اشتغل فول تايم ابشركة تصليح الحاسبات وراتبي بالشهر 1250 الى 1300
السلام عليكم جميعاًطبعا الموضوع شائك ومعقد ولايمكن الاجابة عليه بصورة شافية . الملاحظ من الردود على هذا الموضوع والمواضيع المشابهة بان المشاركين هم على نوعين. المشاركين من العراق الهاربين من ضيم الحياة في العراق والحالمين بامريكا يكونون رافضين للموضوع بشدة وتكون ردودهم جارحة لصاحب الموضوع في بعض الاحيان ويشتركون بجملة واحدة يردودها مرارا وتكرارا " اذا انت ضايج من امريكا ليش ماترجع!!!". انا متفهم لهولاء الاخوة والاخوات لاني سابقا كنت افكر بنفس الاسلوب ولكن ما لا يعلمون بان النظرة من داخل امريكا تختلف عن خارجها. اما الصنف الثاني فهو الموجود في امريكا واللذين الحمد لله انعم عليه الله ورزقهم بعمل جيد وهولاء مشكورين يعكسون الصورة الجيدة اللتي هم فيها. ولكن ليست كل الحالات هي واحدة. في الولاية اللتي اسكن فيها انا اعرف 7 مهندسين (مدني، ميكانيك، كهرباء، حاسبات، صناعي (وانا واحد منهم)) لم يوفق اي احد فيهم من ايجاد فرصة عمل في مجال الهندسة على الرغم بان احدثهم دخل للولايات المتحدة نهاية 2010.الان مابين هذا وذاك لاتظهر الصورة الحقيقة لان هناك مساحة مفقودة وهي للذين لم يعثروا على عمل او يعلمون في اشغال لاتوفي متتطلباتهم. انا عندما سافرت للامريكا كان هناك صديق لي قد سبقني وكنت قد سالته عن الحال فاجابني بما احب ان اسمع فسافرت وكلي امل ولكن بعد مرور الايام اكتشفت بان الحال ليس كما قال! وكانت صدمة كبيرة. لذلك انا اعتقد من المفيد معرفة الصعوبات والعقبات للتحضير لها بدل العيش في الاحلام الوردية. انا ساتكلم من واقع تجربتي الشخصية وساسردها بالتفصيل والارقام لكي تكون واضحة. اولاً وقبل ان ابدا انا غير محتاج من احد ان يسالني " اذا انت ضايج من امريكا ليش ماترجع!!!" وانا غير مستعد للاجابة عليها، ثانيا عندما يطلح بعض الاشخاص مشاكلهم وهموما فهم لا يريدون ان يثنوكم عن رحتلتكم ولكن من باب مشاركة الهموم. انا متزوج ولي طفلة واحدة، عمري في منتصف الثلاثينات وحاصل على شهادة بكالوريوس هندسة من الجامعة التكنولوجية. عملت مع الشركات الامريكية في العراق لمدة 5 سنوات وعملت في دبي ايضا. دخلت الولايات المتحدة في 2009. انا الان اعمل بدوام كامل بشركة صغيرة جدا لشخص عراقي (3 موظفين فقط) وحصلت عليها عن طريق العلاقات (40 ساعة/اسبوع، 8.25$/ساعة) وادرس بدوام جزئي. زوجتي تعمل بدوام كامل بشركة مقاولات لخص ايراني وحصلت عليها عن طريق العلاقات (40 ساعة/اسبوع، 13$/ساعة). اسكن في ولاية واشنطن- شمال مدينة سياتل. نتيجة للدراستي وعمل زوجتي فاننا لانتلقي ليوم كامل الا في يوم الاحد. مجموع الدخل الشهري من العملين 3740$ (قبل الاستقطاعات الضريبية) والصرفيات كما في ادناه:- الايجار الشقة + ماء، نفايات، مجاري: 924$- الحضانة : 900$- الكهرباء: 80$ (± 10$)- الهاتف النقال : 70$ - الوقود : ≈ 360$ (سيارتين كمعدل 40 دولار في الاسبوع لكل سيارة)- تامين السيارة : 80$ (سيارتين تامين مسؤولية فقط "" Liability وهو ارخص نوعية تامين)- بطاقة ائتمان ≈ 600 (تقريبا هي المصروفات على الملابس، المنظفات، اكل جاهز وغير من الامور)- قسط بطاقة الطيران : 78$- دين : 500$ (تسديد ديون سابقة تراكمت نتيجة لعدم ايجادي عمل لاول 20 شهر)المجموع = 3529$ شهرياً لم اذكر مبلغ للطعام لانني استلم بطاقة طعام (Food Stamp) والمفروض بان تقطع نهاية شهر 9 والضمان الصحي نهاية هذة السنة. من اعلاه ممكن ان تكون الصورة واضحة لطبيعة الحياة في امريكا. على المهاجر او اللاجي الجديد ان يضع في الحسبان بان على الاقل اول سنتين هما سنتين ضنك وتعب وان شاء تكون توقعاتي خاطئة ويحصل الجميع على اعمال جديدة بمجرد دخولهم الى الولايات المتحدة. الهجرة الى امريكا فرصة لاتعوض ولكن لاشي هين وخاصة امريكا الحياة فيها مختلفة ومتعبة وخاصة في الاعمال البسيطة (الاعمال اليدوية، العمل في المحلات والمطاعم). نعم انت تحصل على الامان والاستقرار والخدمات في امريكا. ولكن (من نظرتي الشخصية) الغربة صعبة. الحنين سيكون لكل اللحظات والمواقف والاشخاص والاطعمة. الوحدة لاتطاق وبعدك عن الاحبة والاصدقاء والاهل لايعوض. ولكن ليس باليد حيلة. بعيد يشم النفس خير من قريب ملفوف في كفن.اتمنى بان لاتكون كلماتي ثقيلة عليكم ولكن هذه هي الحقيقة في حالة عدم حصولك على شغل محترم براتب جيد. وان شاء الله يرزقكم الله بالسفر القريب. Wizard78
اخوان اللي ذكره الاخ ارمي سترونك صحيح جدا ويوم في بلدانه يقابل سنين في هذه الدول العراق لا يطاق الحياه صعبه لا قيمه للانسان صح لكن هذا لا يعني بانه الحياه في الغرب احسن من العراق هناك بعض الامور لا علاقه للماده بها مثلا الغربه التطبيع على التقاليد قوه التحمل والتاقلم والخ يعني حتى لو توفرت لك كل الامور تبقى الامور التي ذكرتها انفا لا يستطيع الغرب ان يوفرها لك \
تسلم اخي العزيز والي اعرفه كل من فكر بالسفر لامريكا يعرف هاي الاموربس اكو شي يمكن ما حجيت عنه وهو الاهم براييان الشخص اذا راح لامريكا راح يكون مجرد روبوت وضيفته يجيب فلوس منا ويحطها هنا العمر كله وطبعا مو الكل بس نحجي على الاغلبيهولكن اني افضل اعيش روبوت واحس بقيمتي وكياني واحسن من ما اعيش بشر واني محسوب انسان بس بالاسمتحياتي اخي
مقتبس من: ابو هنودة في 12:12 05/08/2011 مقتبس من: azizaliraqi في 02:36 05/08/2011 السلام عليكمسؤال للاخوان الي بامريكا:صدك المنظمه تنطي نسوان شكر وحمر وصفر للمامتزوجين؟ خوية عزيز السلام عليكممن خلال معلوماتي واستفساراتي من جماعتنا اللي راحوا لامريكا يكولون للمامتزوجين ينطوهم سمر بس والشياب الارامل ينطوهم الشكر والحمر ويرحلوهم لولايات الشمال الباردة .تحياتيليش شنو همة النسوان ركي حته المنظمة توزع نسوان !!!!
المحرر
موضوع: الدخول الى الفردوس (امريكا) (زيارة 12790 مرات)
