كروب المهندسين في امريكا

[topworld]

خلي نسوي كروب مال مهندس اناقش المشاكل التي اتواجهم . احنة سمعنة المهندسين يعملون اعمال حرة  لاتليق بهم . هل هذا صحيح.

[TO US]

ليش لا

شنو اختصاصك انت؟ ووين حاليا؟

اني اتصالات وبعدني منتظر بالعراق

[hdhdhd]

عاشت ايدك ونكول up لموضوعك

[R.i.t.A]

مشكلة المهندس بامريكا
انه بلبداية رح يظل يشتغل شغلات بسيطة الى ان يرتب وضعه ياما يكمل ماستر يااما يعادل شهادته وممكن كل العملية تطول الى 4 سنين او اكثر يالة يشتغل باختصاصه وطبعا هم بلبداية شي بسيط
يعني زملائه كلهم لحكو صارو عدهم خبرة ورواتبهم طكت وهوة بعده لا خبرة ولا شي
لانه الخبرة مهمة للمهندسين
بس اليريد شي واليريد الكرين كارت والجنسية لازم يضحي انه يتأخر بخبرته ويشتغل بسيط بلبداية

[حيدر الربيعي]

السلام عليكم أخوان, اني أحب انضم لهذا الكروب الرائع
بس ياريت لو واحدنه العتنده خبرة ومعرفة وخصوصا الي بأمريكا خل يساعدونه ويفيدونه بخبراتهم عن العمل والخبرة والدراسة لان المثل يكول"قوم الي تعاونت ماذلت"

اني مهندس مدني 2010 , مع جزيل الشكر لصاحب الموضوع
أخوكم المهندس حيدر الربيعي

[Majid Radhaa]

اخي العزيز
الموضوع جميل و لا يحتمل المزاح لنجعل من هذا الموضوع باب لتبادل الخبرات في كيفية معادلة شهاداتنا و الحصول على اجازة ممارسة مهنة الهندسة FE & PE و كذلك كيفية التقديم للحصول على عمل و كيفية كتابة السيرة الذاتية للتقديم على عمل و ما هي الخطوات التي يجب ان يتبعها من يريد ان يمارس المهنة التي احبها و التي اكيد لديه خبرة بها لكي يستطيع ان يضمن حياة جيدة له و لعائلته.
بالنسبة لي مهندس كيمياوي خريج جامعة بغداد 1985 و حاصل على درجة الدكتوراه من الجامعة التكنولوجية سنة 1999حاليا حصلت على اجازة ممارسة الهندسة FE و مقدم للحصول على اجازة PE وقد تمت الموافقة على طلبي و تم تحديد شهر تشرين الاول لاداء الامتحان و كل من يرغب بمعرفة كيفية الوصول الى هذه المرحلة ممكن طلب هذا على العام و هو الافضل لكي تعم الفائدة او على الخاص اذا يوجد اي احراج في الطلب و اني حاضر لاي شئ المؤسف في الامر انه الى الان لم احصل على وظيفة في الاختصاص لكن من خلال التحدث مع من هم اقدم في الحياة هنا و ممارسين للعمل الهندسي استطيع القول من خلاصة كلامهم ان الامور تصبح اسهل عند الحصول على اجازة ال PE  اعتبار انه انت ستعطي الانطباع لاصحاب العمل بانك قد وفيت متطلبات العمل كمهندس هنا من خلال حصولك على هذه الاجازة كونك قد اجتزت الاختبار النظري و الذي يسبقه بالتاكيد معادلة الشهادة لكي يسمح لك بالحصول على هذه الاجازة و بالتالي تصبح المسألة مسالة توفيق من رب العالمين للحصول على عمل كونك قد اتتمت ما هو مطلوب منك لاثبات قدراتك على الاقل من الناحية النظرية و عند الحصول على العمل باذن الله يتبقى عليك ان تثبت ذلك عمليا لكي تترقى في عملك و قد تحصل على عمل افضل و افضل من خلال تراكم الخبرة في سوق العمل الامريكي.
تحياتي للجميع و كل التوفيق للمثابرين.
اخوكم ماجد

[Black Angel]

السلام عليكم ورحمة الله

اخي العزيز ماجد ماجئت به شي جميل جدا وواقعي واكيد هو المطلوب ان يتم تنازل الموضوع بجدية وبشكل تفصيلي
بما انه حضرتك اجتزت الامتحان بنجاح اقصد ال FE فاكيد سوف يضيف لنا الكثير ان نعلم كيف حضرت نفسك لهذا الامتحان وكم كانت الفترة الزمنية وغيرها من الامور الي من الممكن ان تعطي اطباع وفكرة عند التقديم لهذا الامتحان

شكرا مقدما على كل شي

تحياتي

[SIRAQS]

مرحبا شباب شلونكم ممكن سوال بالنسبه اذا واحد حاب ايعادل شهادته في امريكا شنو المطلوب؟؟؟اني مهندس اتصالات شنو المطلبو علمود يعادل شهادته العراقيه في امريكا مممكن الرد واكون ممنون الكم شكر جزيلا

ارجو الرد

[Black Angel]

اخي العزيز بالموضوع ادناه شرحت كيفية عمل معادلة للشهادة من امريكا وانت ماتزال بالعراق واذا عندك اي سؤال او استفسار برسم الخدمة

http://www.ankawa.com/forum/index.php/topic,463711.msg4963389.html#msg4963389

[حيدر الربيعي]

السلام عليكم... دكتور ماجد العزيز
بلا زحمة عليك اذا تذكرلنا كيفية التقديم على امتحان ال FE وكل متطلبات هذا الامتحان والزمن المطلوب للتحضير وكل مايتعلق بهذا الموضوع ولكم جزيل الشكر...ياريت لو تذكر لنا كافة التفاصيل ولو راح نتعبك...
أخوكم المهندس حيدر الربيعي
اي او ام بغداد 116

[eng.mechano]

اخويه د.ماجد بالاضافه لتوضيحك بالنسبه لل FE حابين توضحلنا شلون رح تقدم عله امتحان ال PE غير لازم وره ما تحصل شهاده ال FE بعدها ينرادلك تشتغل 5 سنين وتاخذ تزكيه من العمل بانه انته اشتغلت 5 سنين والان انته مؤهل لان تكون مهندس يله يسمحولك اتأدي هذه الامتحان . زين انته دتكول اني ما مشتغل ؟؟؟؟؟ لعد شلون رح يخلوك تمتحن ال PE .
واخويه د.ماجد سؤال ثاني بليه زحمه عليك علمود المعادله مال الشهاده سمعنا انو بعد ما يطلبون منك الوصف مال المواد syllabusلان صار عدهم هسه مو مثل قبل او ما اعرف شنو الفلم اكو هيجي شي لو لا لازم نروح للكليات نجيبه واني دا اقصد خريجين التسعينات والالفينات وبالنسبه للفورم مال ال WES نسحبه من النت ونعبيه ونروح نسوي من الكليه نحضره حته من نوصل احد يدزلنيا بالDHL لو هيه المنظمه مال المعادله تتكفل بيه وتخلصنا من دوخة الراس.

وممنونين منك مقدما ومن كل من عنده تجربه من ارض الواقع يحب يضيف معلومه

تحياتي

[Celine]

مرحبا شباب بعد التحية ..
بالبداية اتشكر د ماجد عالمعلومات الي سبق واشار الها وحبيت اطرح علية نفس الاسئلة الي انطرحت من eng. mechano.. لانة د ماجد يكول مامشتغل طيب شلون وانت لازم تاخذ توصيات من 3 علة الافل لمن بتجي وتقدم على ال pe على ان يكونون المهندسيين حاملين للاخيرة هاي شغلة بعد مااجتزت ال FE فرص حصولك هلى internship ااكبر وافضل والي بعرفة اانة الوضع مو مثل قبل هسة لازم منظمة WES  تخاطب الكلية والكلية اادزها بظرق مختووم
السوال الثاني الي حبيت اسئل د مااجد هل WES معتمدة من ABET وشلون ااكد اعرف انة المنظمة ا الكلية الي مقدم عليها لغرض الداسة معتمدة من قبلهم,
تحياتي

م سيلين مدني  بتاء ووانشاءات

[خورشيد]

السلا عليكم

اخوان فرصة جيدة اشكركم على فتح الحوار الرائع وانشاالله الفائدة للجميع خاصة اذا تطور الحديث في هذا الموضوع

حبيت اعرف عن حالة المشتغلين مع الشركات الامريكية في العراق بصفة مهندس التوصيات الناخذهة منهم بيهة فائدة
لو انكنسلها

[Black Angel]

السلام عليكم ورحمة الله

اخوان بالنسبة للي يسال عن معادلة شهاته عن طريق WES نعم المفروض ان تخاطب WES الجامعة ولكن هذه العملية طويلة ومعقدة تكدر تتجاوزها انت تملي الفورم مال WES الجزء الاول منه اما الجزء الاثاني فينملي من القسم او الكلية ترفق وية الفورم نسخة ملونة من شهادتك ام الدرجات وتخليها بظرف وتختم الظرف بحتم القسم او الكلية وترسل الظرف ل WES على ان يكون المرسل هو الجامعة مو انت بهالطريقة راح تتقبلها WES وهذا الي اني سويته واكيد ميحتاجون منكم ال syllabus

فيما يخص WES هي من اعرق المنظمات واكثرها ثقة واعتمادا في امريكا وكندا بس من يصير تقديم على الكلية الكلية نفسها راح تسوي تقييم جديد للقبول بس معادلة WES تعزز الموقف وتقويه

[hdhdhd]

السلام عليكم اخويه black angle
ممنون اخويه على المعلومات الراقيه الي ذكرته
بس عندي كم سؤال اذا ممكن
شلون اكدر احصل الفورم مال ال WES الجزء الاول والجزء الثاني يعني قصدي اكو فد لنك معين للفورم .. ياريت لو ادزلياه
اذا اني بعدني بالعراق وهوه اكيد اني بعدني بالعراق اكدر اراسل المنظمه WES واعادل شهادتي من  العراق
زين هاي المنظمة هيه تلكيلي جامعه او كليه اعادل بيه شهادتي لو هيه شنو شغله
اوراقي ارسله للمنظمة عن طريق ال dhl على ياعنوان ؟؟ والافضل اخلي الكلية ترسله ؟؟

تحياتي الخاصة الك
ممنون حب

[Black Angel]

hdhdhd

وعليكم السلام ورحمة الله وبركاته

اخي العزيز تدخل على الموقع الرسمي مال WES وهو http://www.wes.org/ حتى تحصل الفورم واذا معرفت هذا الرابط
http://www.wes.org/required/index.asp  روح على رقم 2 راح تلاكي الجدول يمين ويسار روح على اليمين للاشخاص المتواجدين برة امريكا For applicants based outside of the USA  راح تلاكي كلمة Click here اضغط عليها ويتنزل الفورم
الفورم هو صفحة 1 الجزء العلوي يمليه الطالب ويوقعه والجزء السفلي خاص بالجامعة
نعم ممكن تعادل شهادتك وانت بالعراق واني سويت هذا الشي
هاي المنظمة فائدتها تعادل شهادتك يعني تبين كم عدد الوحدات الي انت درستها وال GPA بالنظام الامريكي
نعم اوراقك ترسلها للمنظمة عن طريق اي بريد DHL او FEDEX أو UPS او اي شركة اخرى بس مو جيش
اكيد انت اذا تريد ترسلها راح ترسلها باسم الكلية مالتك مو باسمك الشخصي وراح تختصر عليك هواية وقت اما اذا خليت الجامعة دزها راح تطول احتمال اشهر هاي اذا دزوها ومضاعت
اما العنوان هو

By Express Courier *

World Education Services
64 Beaver St, #146
New York, NY 10004
USA

لاتنسى حاول تقرة اللنك مالتهم لان بي هواية اختيارات حول نوع المعادلة كل نوع اله سعر واستخدام واقرة طريقة الدفع
اذا احتاجت شي او شلون تكدر تملي الفورم اسال ولاتتردد وان شاء الله ربك يمكنا من المساعدة

[ايسراحمد]

اني بس طريقة الدفع مدوختني ؟؟؟ بخصوص WES

[Black Angel]

اخوية ايسر

تصورت انت خلصت من المعادلة ليش هالانتظار كلة حرامات لان ديصير تغير حتى ب wes صار اكو فرق بين الي موجود بامريكا والي برة امريكا فسويهة واخلص منهة بالنسبة لطريقة الدفع الاسهل والاسرع هي الكردت كارد حتى اذا انت ماعندك شوف معارف او صديق حتى لو بامريكا يدفعهة الك عن طريق الكردت كارد وانت تدزلهياه كاش وبالمناسبة ميحتاج ينطيك معلوما الكردت لان الابلكيشن مالتك تصير اون لاين ومن تخلص يدخل هو من يمه بدون ميبين يمك ويخلي معلومات الكردت ويدفعها وتخلص واذا متحب تدفع بالكردت كارد او ماعندك شوف الاوبشنات

If you cannot pay by credit card, you may pay by personal check, money order/bank draft, or bank transfer. Please make checks payable to World Education Services. When you get to this part of the application, just select pay by check/money order.

[Majid Radhaa]

اخواني الاعزاء
التقديم للحصول على شهادة الFE فيه تباين من ولاية الى اخرى فكل بورد له تعليماته الخاصة و لكن الاختلاف ليس كبير. تجربتي مع بورد فلوريدا اولا توجد فورم مال تقديم منشورة على موقع البورد الالكتروني يجب ان تمليها ولانك حاصل على شهادة الهندسة من خارج اميركا يجب ان تقوم بمعادلة الشهادة عند احد شركات معادلة الشهادات التي يعترف بها البورد (في فلوريدا شركة جوزيف سنلي josef sinly معترف بها) يطلب كذلك منك اثبات قابليتك باللغة الانكليزية كأن مثلا تجتاز امتحان التوفل او تقدم رسالة من رئيسك بالعمل اذا كنت تعمل يشهد بتمكنك من اللعة تحدث وكتابة و قرأة. قبل اعطاء الموافقة للجلوس للامتحان هناك اختبار تاخذه اون لاين يخص القوانين و قواعد ممارسة مهنة الهندسة في اميركا و هو امتحان ليس محدد بوقت و تجريه و انت بالبيت يعني كل الاوراق و المصادر الموجود على النت (ينطيك موقع البورد لنك بيها القوانين المطلوب دراستها) حتى تستعملها عند الاجابة بعد ان تجتاز الاختبار ستصلك على الايمل رسالة تطلب منك دفع اجور الامتحان و التسجيل ولك حرية اختيار مكان الامتحان بس الموعد و الوقت ثابت لا مجال للاختيار فيه. مشكلة شركة المعادلة التي تعاملت معاها طلبت ان تستلم شهاداتي مال التخرج من بغداد يعني ترسل من قبل الجامعة التي تخرجت منها وهذا طلب خاص بالشركة و هي من نظامهم اللي يشتغلون بيه بس اعرف احد الاخوان في هيوستن تكساس من قام بمعادلة الشهادة ما طلبوا منه هذا الشي بس طلبوا منه الشهادات بيها الدرجات مصدقة حسب الاصول من العراق. هذا كله للتسجيل
نجي هسة للامتحان تحتاج حتى تجتاز هذا الامتحان ان تراجع دروس المرحلتين الاولى و الثانية اضافة الى دروس الاختصاص. الامتحان قسمين كل قسم 4 ساعات. القسم الاول مواد المراحل 1 و 2 منها رياضيات و احصاء و ستاتك, داينمك مقاومة مواد, كيمياء, كهرباء, ثرموداينمك, جريان موائع ومن الامور الصعبة اسئلة تخص قوانين و انطمة العمل الهندسي في اميركا و هاي احنا لازم ندرسها وبالنسبة لي حسيت انه كان صعوبة في اسئلة الاقتصاد الهندسي لانه هم عندهم منهج يختلف عن اللي نعرفه.  بس كلها اسئلة مبسطة و الامتحان عبارة عن اختار الجواب الصحيح و هو ينطيك 4 اختيارات. الجزء الثاني يخص دروس الاختصاص. بالمناسبة دفتر الامتحان (الاسئلة) اكو بنهايته ورقة الاجابة تقطعها و تبدي تأشر الجواب و كل ممتحن له دفتره الخاص بيه من يوزع الدفاتر يشوف هويتك و يتأكد من رقم التخويل مال الامتحان وهل مطابق لما موجود على الدفتر لذلك ما بيها مجال الاعتماد على اللي يمك لانه احتمال غير اسئلة و هو اكيد.
اخواني
اللي تارك الكتب من زمان يحتاج انه يراجع شوية معلوماته ما اقول يدرس لانه اكيد هي موجودة بالذاكرة بس تحتاج الى اعادة تنشيط و مثل ما نقول recall بالنسبة الي و لانه طبيعة عملي بالعراق كانت بالتدريس فما احتاجيت وقت و مجهود كبير للمراجعة و توجد كتب على موقع البورد بيها نماذج من الاسئلة اللي راح تجي يمكن الواحد يستفاد منها ويراجعها و يشوف نقاط ضعفه وين.
بالنسبة للتقديم على ال PE فما يحتاج منك ان تشتغل باميركا لا 4 و لا 5 سنين تقدر تقدم مباشرة على الاجازة بعد حصولك على الFE بس بشرط تقدر تثبت انه عندك خبرة بمجال الاختصاص اكثر من 4 سنوات و ما يهم وين. و هم اكو استمارة خاصة بالتقجيم موجودة على النت موقع البورد  و راح يطلبون منك شهادة من رئيسك بالعمل الحالي او السابق عن عملك الهندسي و رائيه بك كمهندس راح يطلبون تزكية من 3 مهندسين يحملون اجازة ال PE يشهدون لك بانه يعرفوك كمهندس وانك على مستوى جيد بالعمل الهندسي و هذه يمكن شوية صعبة بس اكيد بالبحث راح تلكون ناس مهندسين عراقيين عنده هذه الاجازة و ممكن يساعدوكم. وهم قبل الموافقة على جلوسك للامتحان لازم تسوي امتحان حول انطمة و قوانين ممارسة العمل الهندسي بس شوية اصعب لانه مطلوب منك ان تجاوب بشكل صحيح عن 30 سؤال من اصل 33 سؤال ( اكثر تقريبا من 90%). امتحان ال PE تحتاج ان تحضر له و هو امتحان كتاب مفتوح يعني من حقك تدخل مصادر معاك و من هاي النقطة ممكن نتوقع انه الامتحان شوية صعب.
طولتها عليكم بس حبيت انه تكون اجابتي بيها اجوبة عن كل الاسئلة الي وجهت.
تمنياتي للجميع بالتوفيق

[hdhdhd]

حبي black angle
ممنون اللك ممكن ايميلك اتكلم وياك على الخاص


تحياتي الخاصه لورح المثابرة والنفسيه الطيبه العندك
امنياتي اللك بالتوفيق

[Black Angel]

hdhdhd

اكيد اخوية العزيز دزيتلك العنوان على الخاص

وشكرا جزيلا على كلماتك الجميلة

[حيدر الربيعي]

د.ماجد العزيز, شكرا جزيلا لك ولمجهودك والشرح الوافي وهسه صار عدنه فكره جيدة عالموضوع, بس ياريت لو تكتبلنه اللنك مال بورد واذا امكن مال ولاية الينوي اذا عندك فكرة عنها...وان شاء الله اتصل بيك حال وصولي للولايات المتحدة اذا أممكن ذلك
سؤال:ماهي فرص العمل لحملة شهادة ال FE  ؟؟؟؟؟؟ داخل وخارج الولايات المتحدة
أخوكم المهندس حيدر الربيعي

[فانتوم]

عاشت اديكم اخوان على هذه المعلومات القيمة والنقاشات المفيدة واني اعلن انضمامي الى جمعيتكم علما انه اني مهندس كهرباء وحاليا في ولاية اوريكون ، بس بعدني جديد صارلي تقريبا شهر واسبوع
تحياتي للجميع

[Celine]

تسلم د ماجد عالشرح الوافي  بس بقى عندي سوال عال ABET? شت معلوماتك عليه.؟؟؟؟؟؟؟؟؟؟؟؟؟؟؟
نحيااتي

[Majid Radhaa]

Dear Celine,
Check the following link it contains every thing you need to know about "ABET" good luck.

http://www.abet.org/history.shtml

[Majid Radhaa]

Dear Haider,
The following link is for Florida board of Professinoal engineers
http://www.fbpe.org/
And this one is for ilinois
http://www.idfpr.com/profs/info/ProfEngineer.asp

for the FE license , it will help you to find work in USA, specaiily if you are graduated from an american Engineering school, but it is a pre-step to help you in finding a job as I explianed in previous.

Good luck all

[wesam986]

السلام عليكم اخوني وكل عام وانتو بخير يارب

اني مهندس مدني وواصل جديد لاريزونا وداريد ادرس ماجستير فمداعرف اول خطوة شنو وشسوي شنو الافضل الي انو اعادل شهادتي بالبدايه ؟ لو اقدم على ال FE  طبعا اكيد ال افتهمته انو اول شي اروح على wes  وراها شسوي؟ وشنو تنصحوني اسوي بالبداية اشتغل أي شي لو رئسا اشد حيلي على الدراسة وطبعا اني بهل الفتره داقره توفل والحمد لله على كلشي واشكركم مقدما تحياتي

[يوزارسيف]

احيي صاحب الموضوع والاخوة المشاركين واحب انضم الى هذا الكروب الطيب ، انا مهندس مدني من بغداد وعلى وجه سفر تخصصي طرق وجسور خريج 2004 من الجامعة التكنولوجية ، سؤالي هو : ايهما افضل كتخصص دراسة ماجستير في امريكا : ادارة المشاريع ام ادارة الاعمال  علما بأني احمل البكلوريوس حاليا فقط ؟...وانتظر النصيحة من الاخوة في امريكا للفائدة ...تقبلوا مروري.

[حيدر الربيعي]

Thank you very much Dr.Majed about expleaned and excuse me about delay of replay
Eng.Hayder

[الذكي]

thank you much dr majid for your beneficial explanation and being very precise about fe and pe examination and  iam very glad to having one of the most smartest iraqi  engineers here in the us hope some day we work together and enhance our experience in this country
regards

[mohammedchemical]

عاشت ايديكم على هذا الموضوع

[برنسيسة]

عاشت ايديكم على هذا الموضوع واحب انضم الكم
اني مهندسة مدنية بس بعدني بالعراق لسه ماطلعت لامريكا

[برنسيسة]

عاشت ايديكم على هذا الموضوع واحب انضم الكم
اني مهندسة مدنية بس بعدني بالعراق لسه ماطلعت لامريكا

مليون هله بيج برنسيسه ونرحب بيج مهندسة شطوره 

شكرا جوكر 

[Celine]

عاشت ايديكم على هذا الموضوع واحب انضم الكم
اني مهندسة مدنية بس بعدني بالعراق لسه ماطلعت لامريكا

هلو حبي برنسيسة نورتي كروب المهندسيييين 
وياب بطلعين بالقيب العااجل ونفرح بيج ياحيااتي

[برنسيسة]

عاشت ايديكم على هذا الموضوع واحب انضم الكم
اني مهندسة مدنية بس بعدني بالعراق لسه ماطلعت لامريكا

هلو حبي برنسيسة نورتي كروب المهندسيييين 
وياب بطلعين بالقيب العااجل ونفرح بيج ياحيااتي

تسلميييييييييييييييييييين حبي سيلين 
النور نورج انتي 

[شاطئ دجله]

السلام عليكم اني مهندسه وداانتضر الفيزه بسوريا احب انضم لهذا الكروب الجميل وانشالله نستفاد من بعضنه

[برنسيسة]

مرحبا مهندسينا الورود
شو ماكو غطيتوا كلكم
بشرونا منو سافر منو بعده؟
 

[احلى مهندسة]

السلام عليكم.....
مهندس ماجد بالنسبة لامتحان ال FE اني عندي الكتاب و الاسئلة الخاصة بالامتحان وبديت اقرة بالكتاب بس شافني مهندس امريكي عندة PE وكلي انه ماكو داعي ادوخ نفسي بالكتاب ومن اروح هناك ادخل دورة خاصة بالامتحان.
انت من خلال تجربتك شنو تنصحنا؟ لانه انت درست بالعراق وبعدين صرت تدريسي وهذا كلة ينطيك خبرة ودراية بالوضع في العراق
شغلة ثانية موضوع معادلة الشهادة حضرتك ذكرت انه تم المعادلة عن طريق شركة مختصة في فلوريدا هل هذا معناه انه المعادلة عن طريق WES غير مقبولة؟؟؟

[mozart79]

مرحبا اخوان
موضوعكم حلو وياريت اي مهندس عنده تجربة بمعادلة الشهادة في امريكا او دا يدرس هسة هندسة بامريكا يكتبلنا حتى تتوضح عدنا الامور ونكون شاكرين الهم
اني مهندس  واختصاصي مدني  وصار الي شهر من وصلت امريكا ومعنوياتي كلش هابطة

[البلدوزر]

Up

[freedomway]

مرحبا اخوان

اني حاليا في اوماها نبراسكا و اريد امتحن ال fe بس يريدون مني ان احصل على موافقة البورد مال نبراسكا و جماعة بورد نبارسكا يريدون معادلة الشهادة عن طريق NCEES الي همه نفسهم يمتحنون ال اف اي اذا اكو احد ماشي بهذا الطريق ارجو المساعدة

شكرا

[خورشيد]

مهندسين الكهراء شنو دورهم اكو الهم شغل بامريكا
مسافر جديد

[Celine]

مرحبا اخوان
موضوعكم حلو وياريت اي مهندس عنده تجربة بمعادلة الشهادة في امريكا او دا يدرس هسة هندسة بامريكا يكتبلنا حتى تتوضح عدنا الامور ونكون شاكرين الهم
اني مهندس  واختصاصي مدني  وصار الي شهر من وصلت امريكا ومعنوياتي كلش هابطة

هههههههههههه
لعد بقي معنويااتك هابطة مو عشنااها ممن قبل هههههههههههه بتتوفق يارب

[syrian eng]

مرحبا انا سارة من سوريا اريد ان استفسر عن بعض المعلومات عن امريكا قبل انتقالي للعيش هناك و لكم جزيل الشكر

[syrian eng]

مرحبا انا سارة من سوريا مهندسة كومبيوتر  بليز حابة ااستفسر عن بعض المعلومات عن المهندسين و تعديل الشهادة في امريكا 

[Ali thunder]

مرحبا شباب
اني علي مهندس مدني انظميت بالجديد للمنتدى وحبيت ان اشكركم على المعلومات القيمة الي حظراتكم دتزودونة بيهة بس اني عندي سؤال اني طلعتلي الهجرة مالتي على ولاية تكساس فورت ورث بعد اسبوعين والصراحة اني محتار ان اسافر لو لا؟؟؟ لان اني دا اشتغل حاليا ابشركات النفط و ابراتب جيد ومااعرف مستقبلي اشلون راح ايكون ابامريكا وخصوصا انو عرفت من كلامكم حتة الواحد ايعادل شهادتة وايحصل على PE و FE ينرادلة عدة سنين ..... فحبيت اطلب النصح منكم هل المسألة تسوة المجازفة وتركي لعملي واضيع عدة سنوات لو اغلس على الموضوع وابقى بالعراق
يا ريت اسمع منكم الرد ...
تحياتي
على

[انيس الجالسين]

مرحبا شباب
اني علي مهندس مدني انظميت بالجديد للمنتدى وحبيت ان اشكركم على المعلومات القيمة الي حظراتكم دتزودونة بيهة بس اني عندي سؤال اني طلعتلي الهجرة مالتي على ولاية تكساس فورت ورث بعد اسبوعين والصراحة اني محتار ان اسافر لو لا؟؟؟ لان اني دا اشتغل حاليا ابشركات النفط و ابراتب جيد ومااعرف مستقبلي اشلون راح ايكون ابامريكا وخصوصا انو عرفت من كلامكم حتة الواحد ايعادل شهادتة وايحصل على PE و FE ينرادلة عدة سنين ..... فحبيت اطلب النصح منكم هل المسألة تسوة المجازفة وتركي لعملي واضيع عدة سنوات لو اغلس على الموضوع وابقى بالعراق
يا ريت اسمع منكم الرد ...
تحياتي
على

المسألة تبقة وره شطارتك وتحملك للصعوبات التي قد( اكرر) قد تواجهك
اني اشتغلت بمصفى البصرة وبمصفى بيجي وعندي خدمه 15 سنة
سكني تابع للدولة وراتبي كان لا يقل 2 مليون  غير الارباح والمكافأت
تركتها جميعا وانا سعيد جدا ،،
واعرف من كان له مواصفات افضل مني بكثير وتركها ايضا بكل سعادة

المسألة هي هل انك تريد ان تعيش وتشعر بأنسانيتك ؟! الجواب متروك لك
مع تمنياتي بالموفقية والنجاح

[شبعاد]

اخ علي انا زوجي هم مهندس وبالنفط متعين والحمدلله حالتنا بالعراق كانت جدا ممتازه بس فضلنا نجي لامريكا صارلنا تقريبا خمس شهور وانا هم مهندسه صح بعدنا مشفنا شي من امريكا بس الحياه حلوه هنا ابسط متطلبات الانسانيه متوفره اللي هي مشكله العراق الازليه واللي مااصور راح تنصلح بوجود السياسين الحراميه الا وهي الكهرباء صح مرات ينتابني شعور انو اريد ارجع للعراق بس هذا الشعور يجيني اذا واحد ضايج وبهيج حاله يكدر يطلع يغير جو وبامريكا يامكثر الاماكن الترفيهيه بس بالعراق ماكو هيج شي صح اكو مناطق تكدر تغير جو بيها بس قليله  وتنمل وانت اذا تشوف نفسك مرتاح وغير مهدد فلا تجي لان يجوز تتندم بس اذا تفكر بالراحه النفسيه فتعال لامريكا

[ام اتنا]

اني انعام مهندسة برامجيات 2005 ومستعدة اشتغل اي شغلة بسيطة ميهمني بس اروح لامريكا واخلص

[ahmed gray]

انا اريد ان انضم الى كروب المهندسين ولي الشرف وتقبلوا تحياتي واحترامي

انا خريج 2003 الجامعه التكنولوجية قسم كهروميكانيك -فرع ميكانيك

وحاليا انا في مصر وان شاء الله في انتظار السفر على ولايه مينيسوتا .اريد من اجد الاخوه يبدي لي النصيحه حول معادله الشهاده قبل السفر


امهندس /احمد الربيعي

[Ali thunder]

شكرا جزيلا لاخي انيس الجالسين ولاختي شبعاد واسأل الله ان ايوفقكم وينور طريقكم ولكل العراقيين يا رب
بس ردت اسال على مسالة العمل والدراسة يعيني ابمريكا اكيد ميعترفون ابشهادة المهندس العراقي فبهل حالة شنو ايكون الحل وشكد ممكن ياخذ وقت.... وخلال هل وقت شنو الشغل الي ممكن الواحد يشتغلة اهناك مع العلم اني انكليزيتي جيدة جدا ... طبعا مسأل العراق وضعة تعبان هاي منتهين منهة وحتة بالاماكن الهادئة والي ما بيهة مشاكل... يعني اني ساكن الحلة واعمل بالبصرة يعني ابمكان مستقر نسبيا بس الواحد كل ما اشوف الوضع بالعراق اكول الشغلة ميؤوس منهة واذا اكو تغيير فراح ياخذ سنيين طويلة ..... الصراحة اني محتار

تحياتي

[انيس الجالسين]

شكرا جزيلا لاخي انيس الجالسين ولاختي شبعاد واسأل الله ان ايوفقكم وينور طريقكم ولكل العراقيين يا رب
بس ردت اسال على مسالة العمل والدراسة يعيني ابمريكا اكيد ميعترفون ابشهادة المهندس العراقي فبهل حالة شنو ايكون الحل وشكد ممكن ياخذ وقت.... وخلال هل وقت شنو الشغل الي ممكن الواحد يشتغلة اهناك مع العلم اني انكليزيتي جيدة جدا ... طبعا مسأل العراق وضعة تعبان هاي منتهين منهة وحتة بالاماكن الهادئة والي ما بيهة مشاكل... يعني اني ساكن الحلة واعمل بالبصرة يعني ابمكان مستقر نسبيا بس الواحد كل ما اشوف الوضع بالعراق اكول الشغلة ميؤوس منهة واذا اكو تغيير فراح ياخذ سنيين طويلة ..... الصراحة اني محتار

تحياتي

عزيزي انته ،،، نصيحة لا تتردد ولا لحظة
ولا تفكر باي شي ،، الامور هنا سهلة وان شاء الله ربك يسهله عليك
اذا انت عندك لغة انكليزية جيدة فكلشي سهل ان شاء الله خاصة اذا عندك خبرة بمجال النفط
يمعود هنا المعضلة الرئيسية امام اغلب اللاجئين هي اللغة ،، واني منهم 
وانته ما شاء الله عندك لغة جيده
يعني اذا تسوي سي في جيد وتاريخ عمل حلو ،، ما يضر ابد
حته لو كل شغلك خارج امريكا وحته لو ما عندك شهادة من امريكا ،، تكدر تقدم على الشركات وان شاء الله تتعين
يمعود اعرف شخص قريب ما عنده شهادة من بامريكا ولا يملك غير خبرته في المصافي النفطية العراقية
حصل شغل حلو بالشركات النفطية بامريكا وهسه يسمع حسك بوكلاهوما باحلى راتب ،، مدير عام بالعراق مو مثله
وحته لو ما حصلت بالشركات هم لو تشتغل تنظيف مواعين فصدكني راح تشوفه احلى من شغل العراق الف مرة
وحته لو ما اشتغلت فحياتك ماشية عال العال وعايش احلى عيشة ،،
اهم شي طموحك عالي وهمتك عالية وصبرك وتفائلك الكبير
وكلشي هنا حلو  ،، وانته بعد بكيفك !!
عمي نصيحة لا تتردد ولا لحظة ،،، وسبع حصوات اشمرهن وراك ولا تفكر ابد
وراح تتذكرني ان شاء الله وتشوف بعينك ،، تحياتي لك

[شبعاد]

اخونا انت تكساس مليانه شغل بس بالبدايه صعب تواجه صعوبه بس صراحه انت وحضك وبالنسبه لامتحان الfe يصير مرتين بالسنه لو شهر 4 لو شهر 10 ومايحتاج منك بس تجيب الرفرنس  تدرس ووتقدم وثيقتك المترجمه بالدرجات وتمتحن بس هاي المتطلبات يعني مو شرط تبقى كم سنه يله تمتحن

[ابو رند]

السلام عليكم
واني يسعدني انو انظم لهلكروب الحلو اني مهندس خريج 2006 الجامعه التكنلوجيه قسم هندسه الانتاج والمعادن حاليا مقيم بامريكا صارلي 3 سنوات ونص اشتغل بوضائف عاديه لكن من فتره عادلت شهادتي ب WES واستلمتها وقدمت على الماجستير ودانتظر الرد والله يسهل طبعا اني عايش بتكساس

[mozart79]

اخ او رند تحياتي
ممكن تنطينه الخطوات مال معادلة الشهادة عن طرق ال wes وشكد اخذت وقت ؟؟؟
ومن عادلتها مراح يكون مطلوب منك ان تدرس اي شي اضافي في امريكا؟؟؟
يعني عدل وكبول يصير اتقدم للماجستير؟؟؟
وشكرا الك مقدما

[ابو رند]

اخ او رند تحياتي
ممكن تنطينه الخطوات مال معادلة الشهادة عن طرق ال wes وشكد اخذت وقت ؟؟؟
ومن عادلتها مراح يكون مطلوب منك ان تدرس اي شي اضافي في امريكا؟؟؟
يعني عدل وكبول يصير اتقدم للماجستير؟؟؟
وشكرا الك مقدما

اخ موزارت اول شيء سحبت الورقة او الابلكيشن المطلوب يتعبى من قبل الجامعة من موقع wes ودزيتها بالاميل لواحد صاحبي راح للجامعة لقسمي بعد ما عبالي معلوماتي اني اصلا ناطيهياه ودزيتله  هم نسخه من درجاتي بالإنكليزي بعدين رئيس القسم او حتى النائب او مقرر القسم بس يوقعون عليه وبضرف عادي يكون حجمه نص قياس ورقه الطابعه حط بيه الابلكيشن ونسخه الدرجات ولزكه وختم عليه انو مينفتح ودزلياه الولد بال dhl اني رجعت حطيت الضرف الي اجاني من بغداد ونسخه ثانيه من الشهادة ودزيتها للwes بس انت قبل هذا لازم تكون داخل للموقع ومسوي حساب ومختار نوع المعادله ودافع فلوس من راح تسوي يمهم اشتراك راح يحقلك كل يوم تدخل تشيك على معاملتك  الي هي اصلا متاكل اكثر من اسبوعين وتجيئك بالبريد  راح اجي هسه ابلش وياك اول شيء شلون تفتح حساب وياهم
اولا
https://www.wes.org/apply/createaccount.asp?loc=onlineapp
هذا حتى تسوي حساب  عندهم
ثانيا
http://www.wes.org/fees/schedule.asp
هذا بالنسبة للرسوم الي تحتاجه انت هو كورس باي كورس ب 160 ورسوم البريد اذا انت بأمريكا ب7 دولارات فقط
ثالثا بعد ما تدفع ادز اوراقك المطلوبة  وهذا موقع الابلكيشن
http://www.wes.org/required/index.asp
 وحتى ممكن تشوفها بالعربي وتفتهم التفاصيل بس اختار العراق من هاي القائمة وتسحب الورقة منهم
واي سؤال ثاني اني حاضر

[mozart79]

شكرا جزيلا ابو رند تعبت ويايه
اني راح احاول اسوي مثل ما تفضلت .

[Sonata*]

احب انظم معاكم اني مهندس مدني خريج 1999 ولي عمل براتب جيد جدا في بغداد مع احدى الشركات الاهلية الرصينة واللي تأخذ مشاريع مع الشركات النفطية العاملة في جنوب العراق ، من المقرر ولاية سفري هي تكساس. لغتي الانكليزية متوسطة

مثل الاخ علي متردد ، هل من الممكن انه راح احصل شغل في مجال اختصاصي لو راح اشتغل Hard works


ارجوا من جميع اعضاء الكروب وبدون استثناء ان تنصحوني

وكما قال الرسول عليه افضل الصلاة والتسليم "ماخاب من استخار وماندم من استشار"

[ahmed gray]

انا مهندس كهروميكانيك فرع ميكانيك خريج 2003 عندي سفر قريب الى ولاية مينيسوتا ان شاء الله واريد ان عمل معادله لغرض العمل او الدراسه

وانا في مصر حاليا وعندي الشهاده في الانكليزي ومترجمه من العراق واريد من اهل الخبره النصيحه قبل السفر وخصوصا لي مقرر القسم مالنا د

دكتور صديقي ممكن ان يساعدني في اي شي ارجور من الاخوه الافاده .



المهندس / احمد الربيعي

[alialiali10099]

اخ او رند تحياتي
ممكن تنطينه الخطوات مال معادلة الشهادة عن طرق ال wes وشكد اخذت وقت ؟؟؟
ومن عادلتها مراح يكون مطلوب منك ان تدرس اي شي اضافي في امريكا؟؟؟
يعني عدل وكبول يصير اتقدم للماجستير؟؟؟
وشكرا الك مقدما

اخ موزارت اول شيء سحبت الورقة او الابلكيشن المطلوب يتعبى من قبل الجامعة من موقع wes ودزيتها بالاميل لواحد صاحبي راح للجامعة لقسمي بعد ما عبالي معلوماتي اني اصلا ناطيهياه ودزيتله  هم نسخه من درجاتي بالإنكليزي بعدين رئيس القسم او حتى النائب او مقرر القسم بس يوقعون عليه وبضرف عادي يكون حجمه نص قياس ورقه الطابعه حط بيه الابلكيشن ونسخه الدرجات ولزكه وختم عليه انو مينفتح ودزلياه الولد بال dhl اني رجعت حطيت الضرف الي اجاني من بغداد ونسخه ثانيه من الشهادة ودزيتها للwes بس انت قبل هذا لازم تكون داخل للموقع ومسوي حساب ومختار نوع المعادله ودافع فلوس من راح تسوي يمهم اشتراك راح يحقلك كل يوم تدخل تشيك على معاملتك  الي هي اصلا متاكل اكثر من اسبوعين وتجيئك بالبريد  راح اجي هسه ابلش وياك اول شيء شلون تفتح حساب وياهم
اولا
https://www.wes.org/apply/createaccount.asp?loc=onlineapp
هذا حتى تسوي حساب  عندهم
ثانيا
http://www.wes.org/fees/schedule.asp
هذا بالنسبة للرسوم الي تحتاجه انت هو كورس باي كورس ب 160 ورسوم البريد اذا انت بأمريكا ب7 دولارات فقط
ثالثا بعد ما تدفع ادز اوراقك المطلوبة  وهذا موقع الابلكيشن
http://www.wes.org/required/index.asp
 وحتى ممكن تشوفها بالعربي وتفتهم التفاصيل بس اختار العراق من هاي القائمة وتسحب الورقة منهم
واي سؤال ثاني اني حاضر

الف الف الف رحمه على والديك ياورده الله يوفقك

طبعا اني مهندس ميكانيك خريج الجامعة التكنولوجيا وهم اريد اعادل شهادتي واريد ان توضح لنا ماذا تعرفون يااحصاب الخبرة النبلاء
اشكركم وانا جدا ممنون منكم جميعا
وهذا احلى احلى كروب بعين كاوة ويارب نستمر بنشر الخير للجميع