0 الأعضاء و 1 ضيف يشاهدون هذا الموضوع.
عاشت ايدك ابو قمر اليوم نوارتيتو نزللك موضوع ديسأل عليك وهواي اعضاء سألو عليك بس انت مرديت عالموضوع بس احنة نقدر ضروفك ومشاغل الحياة الله يوفقك تحياتي الك
مشكور ابو قمر على هذا التعب ومنور وكل عام وانته بخير وعيد سعيد عليك و على عائلتك
مقتبس من: cristiano ronaldo في 19:55 01/09/2011 عاشت ايدك ابو قمر اليوم نوارتيتو نزللك موضوع ديسأل عليك وهواي اعضاء سألو عليك بس انت مرديت عالموضوع بس احنة نقدر ضروفك ومشاغل الحياة الله يوفقك تحياتي الكحبيبي كرستيانو البارحة احد الاصدقاء اتصل بيه وحكالي عن الموضوع الي نزله نوار .. بس من رجعت لكيته منقول وهناك ما اكدر ارد , اني اعتذر اني مكدرت ارد على الاخوان واكيد ابقى ممنون الهم على السؤال وكلماتهم الطيبة .. شكرا كرستيانو الوردة ودائما متابع نشاطاتك بالمنتدى ما شاء الله عليك يارب يبارك بيك ويحفظك وعائلتك الكريمة .أبو قمر
مشكووووووووووووووور ابو قمر والحمد لله على سلامتك ياوردة
كل عام وانت بخيرنور المنتدى برجوعكتحياتي
غالينا ابو قمر حمداً لله على سلامة الحجية وسلامة وصولها ياربي يحفظك الهم ويخليك على حب المساعدة وروحك العراقية الاصيلة .تسلم وتسلم وتسلم على كافة المواضيع الي تفيد اخوتك بيها ...تحياتي وكل عام وانت بخير الناسك
كللللللللللللللللش هذا عمي ابو قمــــــــر العســـــــــــــل صدكــ جذب اليوم هل هلال ثاني علينـــــــــــــــــــــــــــامنور يا ورد الورود يا عم المنتدى كله مشــــــتاقين ياعمنا الكبيرتحياتي ياغـــــالي هسه لو بيدي انزل القمر جان نزلت القمر وصعدتك بمكانه
والله العظيم الك وحشةكل عام وانت بالف خيرمشكور على هذه المعلومات المفيدةاتمنى ان ترفدنا دوما بما هو مفيدتمنياتنا لك بالصحة والسعادة والتوفيق
كل عام وانت بخير وصحة وسلامة اخي ابو قمر وبارك الله بيك على مجهودك في توضيح الصورة للكل وبالتوفيق ان شاءالله تحياتي ام حنين
شكراااو كل عام وانت بخير و صحه والسلامه
بارك الله بيك وبجهودك وعاشت الايادي على هذا الموضوع الاكثر من رائعوكل عام وانت والاهل بالف الف خير
كل عام وانت بالف الف خير وان شاء الله صيام مقبول وتقبل الطاعات ..... الحمد لله نورتنا بالمنتدى ... واني اشكرك جدا على حب المساعده واني استلمت الايميل والف رحمه ونور لوالديك ...مع تحياتنااخوك م.ايسر
THNX
الحمد لله على سلامتك وعودتك النا بالسلامة حبيبنا الغالي ابو قمر الوردة كل عام انت وعائلتك الكريمة بالف الف خير وعيد سعيد انشاء الله هكذا عودتنا دائما تدعمنا بمواضيعك القيمة والمفيدة وكل موضوع ارقى واكثر فائدة من الاخر حقا انت ابو قمر بل انت القمر الذي ينبر لنا طريقنا وهو طريق منتدانا الجميل هذا البيت الذي تعودنا ان نغفوا به على كلماتك وكلمات الاصدقاء اكثر من حتى افراد العائلة بل انتم العائلة دون مبالغة والله العظيم انا اجلس مع الكمبيوتر اي مع منتدى عينكاوا اكثر من ان اجلس مع افراد عائلتي والدليل هو انني دائما متواجد بالمنتدى الكريم واصبح فراقة مستحيل وهكذا اصبحت اغفوا على مشاركات اعضاء منتدانا الجميل عينكاوا....... ابو قمر جزاك الله خير الجزاء ونساله ان يوفقك بكل امورك الحياتية وان يجعلك لنا ذحرا مستمرا بالكتابة .......حقا نحن او انا مقصرين من ان نشكرك فقط وان نكتب اليك كلمات المدح والاحترام فاانت فوق الكل من هذه الكلمات ولا يسعني سوى ان اقول اليك الله يحفظك ويبارك فيك ويسدد خطاك,,,,,,,,,,,,,,,,,,احوك ديفـــــــــــــــــــــــــــــــــــا البــــــــــــــــــــــــــــــصراوي
شكرا جزيلا من القلب
في داخل الأصداف يوجد اللؤلؤ، وفي داخلكم وجدت الأنسان و أجمل القيم . وإن كانت هنالك أشياء جميلة في حياتي ، فمن المؤكد معرفتي بكم هي واحدة من هذه الأشياء. فليحفظ الله الود بيننا ويجعل الجنة دارنا ويبارك لك بالعيد السعيد والرائعون كالأحجار الكريمه لانصنعهم بل نبحث عنهم لتهنئتهم ..كل عام وانتم بخير
مقتبس من: DEFA-AL-AIRAQI في 22:31 01/09/2011 الحمد لله على سلامتك وعودتك النا بالسلامة حبيبنا الغالي ابو قمر الوردة كل عام انت وعائلتك الكريمة بالف الف خير وعيد سعيد انشاء الله هكذا عودتنا دائما تدعمنا بمواضيعك القيمة والمفيدة وكل موضوع ارقى واكثر فائدة من الاخر حقا انت ابو قمر بل انت القمر الذي ينبر لنا طريقنا وهو طريق منتدانا الجميل هذا البيت الذي تعودنا ان نغفوا به على كلماتك وكلمات الاصدقاء اكثر من حتى افراد العائلة بل انتم العائلة دون مبالغة والله العظيم انا اجلس مع الكمبيوتر اي مع منتدى عينكاوا اكثر من ان اجلس مع افراد عائلتي والدليل هو انني دائما متواجد بالمنتدى الكريم واصبح فراقة مستحيل وهكذا اصبحت اغفوا على مشاركات اعضاء منتدانا الجميل عينكاوا....... ابو قمر جزاك الله خير الجزاء ونساله ان يوفقك بكل امورك الحياتية وان يجعلك لنا ذحرا مستمرا بالكتابة .......حقا نحن او انا مقصرين من ان نشكرك فقط وان نكتب اليك كلمات المدح والاحترام فاانت فوق الكل من هذه الكلمات ولا يسعني سوى ان اقول اليك الله يحفظك ويبارك فيك ويسدد خطاك,,,,,,,,,,,,,,,,,,احوك ديفـــــــــــــــــــــــــــــــــــا البــــــــــــــــــــــــــــــصراوياخي العزيز ديفا ... اكيد ماكو كلمات شكر تعبر عن امتناني بكلماتك الطيبة .. كل عام وانت بمليون خير واهل البصرة بمليون خير .. دائما تحرجني بالرد على كلماتك الطيبة .. شكرا يا طيب ويارب التوفيق في حياتك اينما تكون .أبو قمر
مقتبس من: نــــــــــوار تيتــــــو في 21:07 01/09/2011 كللللللللللللللللش هذا عمي ابو قمــــــــر العســـــــــــــل صدكــ جذب اليوم هل هلال ثاني علينـــــــــــــــــــــــــــامنور يا ورد الورود يا عم المنتدى كله مشــــــتاقين ياعمنا الكبيرتحياتي ياغـــــالي هسه لو بيدي انزل القمر جان نزلت القمر وصعدتك بمكانه صديقي الغالي نوار الورد .. طبعا من خابروني وكلولي نزلت موضوع كلت اطب واول واحد اكتبله هو انت بس لكيت الموضوع منفي بالدردشة وطبعا الدردشة ممنوع بيها الدردشة .. فنزلت الموضوع استجابة لموضوعك , بعدين اني صحيح ما ادخل وما كتبت صار فترة بس بين فترة وفترة ادخل ومتابع مشاركاتك و طيبتك واخلاقك بعرض المساعدة على الي ناويين يسافرون لتركيا وجنت اتمنى ارجع لجوء من جديد حتى اقجم من تركيا واكسب شوفتك .. شكرا لمشاعرك الطيبة واخلاقك الي ادل على انشان راقي بالفعل اني احسد والدتك على التربية الرائعة الي كدرت تبني بيها انسان عراقي طيب نادر ما نلكاه بهذا الزمن تحية لحضرتك وللعائلة الكريمة ويارب اخر صيفية تكضيها بتركيا ..تحياتي ابو قمر
كل عام وانت بالف خير اخويه ابو قمر عيد سعيد ومبارك عليك وعلى الاهل نورت المنتدى بموضوعك خوش موضوع ومعلومات قيمة ومهمة تحياتي الك ياطيب وانشاء الله توصل الحجية بالسلامة يارب
سلمت اناملك الذهبية اخي ابو قمروكل عام وانت بالف خيرابو مريومةcairo
أولا كل عام والجميع بخير , انشاء الله ينعاد على الانسانية جميعا بالمحبة والصحة والامان ...ثانيا : متأسف كل الأسف للجميع لغيابي في الفترة السابقة طبعا كثير اسباب كانت وراء هذا الغياب يمكن من اهمها شهر رمضان الكريم وتوقيت الافطار هنا بتكساس اكيد ميكون الك اي وقت للكتابة , ايضا ضغط العمل اضافة الى بعض الامور الشخصية الي من اهمها زيارة الوالدة وخالتي النا في امريكا ومارافقها من حجوزات ووصاية وترتيبات, طبعا اكيد مكان عليه اي نوع من انواع الحظر خلال الفترة الي فاتت فقط للتوضيح واعطاء الحق لاهله .نجي هنا ابو قمر اجايبلنا وياه ؟؟؟ طبعا قبل لا اكتب هذا الموضوع كان عندي مجموعة مواضيع كنت حابب اني اكتب فيها , كنت محظر تكملة لموضوع العمل وطريقة التقديم للولمرت / سوبر ماركت ضخم في امريكا / وبالفعل من خلال تقديمي لاحد الاخوان قمت بطباعة الاسئلة عن طريق البرينت سكرين مع حلولها والي هي العقبة الرئيسية للكثير من اهلنا الي يقدمون على الوظائف في الولمرت رغم ان الامتحان سهل وبديهي لكن ليس الجميع يملك مستوى لغوي او ثقافي ثابت , دائما كنت اسمع من كثير من العراقيين انهم قدموا على الولمرت لكن لم يتصلوا فيهم وهذا ما اثار استغرابي , في الاسابيع الفائته 3 من الاصدقاء طلبوا مني مساعدتهم بالتقديم للولمرت فطلبت منهم تعبئة الطلب اون لاين وعند الوصول الى مرحلة الامتحان او التيست يغلقوا الطلب ويعطوني اليوزر نيم والباسوورد لمساعدتهم في اجتياز الامتحان والجميل ان الثلاث اشخاص اتصلوا فيهم خلال فترة اسبوع احدهم تم الاتصال فيه باليوم التالي وتم الاتصال فيه من قبل مكانين, فمن هذا استنتجت ان اغلب الي ديقدمون مديجتازون الامتحان وميلاحظون ان طلبهم لا يرسل الا بعد اجتياز الامتحان, ولهذا قمت بطباعة اغلب الاسئلة وانشاء الله راح تساعد الجميع على التقديم والقبول , لكن اجلت هذا الموضوع للمستقبل القريب انشاء الله وفضلت ان اكتب عن موضوع اخر سئلت فيه كثيرا ويسئل دائما والاجوبة تكون احيانا صحيحة واحيانا غير دقيقة لانها تكون ناتجة عن تجربة شخصية او معلومة تنقل من اشخاص اخرين .تذكرون قبل حوالي 3 اشهر نزلتلكم موضوع عن كيفية التقديم لفيزة الزيارة للاهل وكتبتلكم بالتفصيل الطريقة وكيفية حصول والدتي وخالتي على الفيزة خلال 24 ساعة فقط , لكني لم اكتب لكم عن المرحلة الثانية وهي مرحلة السفر عن كيفية الحجز والاسعار المناسبة والخدمات وطريقة تنقلاتهم بالمطارات وهم لا يتكلمون الانكليزية , اود ان ابدي اولا كيفية الحجز وكيفية اختيار انسب سعر ووقت للرحلة , طبعا قبل كلشي عليك تحديد موعد السفر الشهر و اليوم و الساعة و دولة الانطلاق هذه الاشياء تحدد قيمة وجودة الرحلة ممكن ان تجد تذكرة ب 2000 دولار وممكن ان تجد تذكرة اخرى 950 دولار بنفس الجودة , مفاهيم خاطئة للكثيرين تخص موضوع شركات الطيران وهو ناتج عن محدودية التعامل مع الشركات اثناء السفر , كثير من العراقيين اتكله اذار اريد اسافر لامريكا او اريد اسافر من امريكا الى العراق شنو ارخص شركة راح يكلك روح للأ ردنية ارخص شي وهذا كلام مغلوط بالعكس الاردنية اغلى شي واجابات وفتاوي كثيرة تعتمد على تجربة شخصية غير مفرونة بالبحث الدقيق , مثلا صديق مؤمن بان الخطوط الاردنية ارخص شيء وسافر اكثر من مرة على الخطوط بتذاكر تتراوح ما بين 1400 – 1350 في اوقات خارج مواسم السفر وكان يتوقع ان هذا المبلغ جدا مناسب لكن عندما حجزت لوالدتي واختها وكان سعر التذكرة 978 دولار ذهابا وايابا وفي وقت يعتبر من ضمن موسم السفر , الرجل غير نضرته وندم على عدم بحثه بصورة جيدة , الفكرة عندما تعيش في الغرب عليك ان تكون دقيق وحذر في اي خطوة تقوم بها وعليك بالبحث قبل ان تقوم باي فعل , طيب ناتي هنا كيف لي ان احجز تذكرة السفر بسعر مناسب وبوقت رحلة جيد .مثل ما ذكرت سابقا اولا تحديد دولة الانطلاق بالنسبة للقادمين من العراق , والدول الي متوفره هي الاردن سوريا وتركيا طبعا اكو رحلات من العراق الى المانيا على الخطوط الجوية العراقية فكرت فيها ان احجز من المانيا الى امريكا لكن للاسف اسعار الخطوط الجوية العراقية اسعار خياليا ولهذا ما اوصي اي شخص ان يسافر من العراق الى امريكا مباشرة باستخدام رحلات الخطوط الجوية العراقية الى اوربا , طيب اي الدول افضل طبعا بعد البحث والمقارنات الدولة الافضل للانطلاق بدون منازع من ناحية الاسعار وخيارات السفر هي تركيا, وممكن السفر من العراق الى تركيا عن طريق شركات طيران تركية / اطلس جيت / وبسعر 250 الى 300 دولار فقط من مطار اربيل او بغداد واتصور البصرة ايضا , طيب اي شهر هو الشهر المناسب للسفر , الاشهر من بعد منتصف الشهر الاول الى منتصف الشهر الخامس اشهر جيدة للسفر تستخرج منها ايام العطل , الاشهر من منتصف الخامس الى نهاية الشهر الثامن اشهر غاليا جدا للسفر , الاشهر من منتصف التاسع الى منتصف شهر 12 اشهر جيدة للسفر , اذن نختار الشهر اولا ثم نختار اليوم , ايام الثلاثاء والاربعاء والخميس تعتبر من ارخص ايام الاسبوع في السفر , طبعا ارجع واكول نحاول نبتعد عن ايام العطل الرسمية الو اليومين الي قبلها او الي بعدها لان راح تكون غاليا , اما الوقت فالرحلات الي تكون في الفجر ارخص بكثير من رحلات الظهر او ما بعد الظهر ,اذن اختارينا الشهر واليوم والوقت وبلد الانطلاق ايضا , بقى اي شركة نحجز بيها ؟؟ وهذا السؤال مهم جدا , هنا انا لا افضل ابدا الحجز من شركة الطيران الرئيسية او مكاتب السفر , هناك مواقع على الانترنت تقوم باعطاء اسعار مناسبة جدا ارخص من سعر الشركة الرئيسية نفسها شلووون ؟ راح انطيكم مثال قبل ان احجز للوالدة استخدمت الموقع الي راح اتكلملكم عنه فعطاني سعر 978 دولار وهو سعر جيد جدا لم اجده مع شركات اخرى وكانت الرحلة مع الخطوط الجوية الاسبانيا ايبيريا , قبل ان احجز اتصلت بشركة ايبيرا وطلبت منهم ان احجز نفس الرحلة عن طريقهم وطلع سعر التذكرة 1650 دولار .. طبعا جربت هذا الشي مع اكثر من شركة واكتشفت ان الموقع الي احجز منه على الانترنت ارخص من الشركة الرئيسية الي يعطيني عليها حجز بمبلغ مو اقل من 500 دولار وبعد سؤال وتمحيص وصلت الى معلومة بان هذه المواقع تشتري التكتات من شركات الطيران بالجملة وبنصف القيمة وبعدها تقوم ببيعها بتخفيض عن السعر الرئيسي للشركة بمقدار 30 بالمئة اكثر او اقل, اذن اسلم وارخص طريقة هي مواقع الانترنت , طبعا ممكن ان تبحث عن عروض لبعض شركات الطيران لكن هذه العروض مقيدة بمطارات معينة يعني الشركة التركية عملت عرض قبل فترة التذكرة بحوالي 750 دولار لكن الرحلة تكون من اسطنبول لواشنطن او نيورك فقط , ماهي شركات الانترنت الجيدة للحجز , طبعا الشركات كثيرة منها www.orbitz.com و www.cheapflights.com و www.travelocity.com و www.expedia.com/ وغيرها الكثير من الشركات وهناك مواقع تقارنلك بين اسعار هذه الشركات مع بعضها مثل www.bookingbuddy.com/ , طبعا بعد مقارنات اثبتلي ان شركة www.expedia.com/ ارخص شركة فيهم وفضلها من ناحية الخدمات ,كيفية الحجز جدا سهلة لكن عليك ان تحجز بفترة لا تقل عن 35 يوم عن موعد سفرك حتى تحصل سعر مناسب , بمجرد ان تدخل للموقع راح يطلب منك المدينة او اسم المطار الي راح اتسافر منه وتاريخ المغادرة الي ترغب فيه واسم المطار او المدينة الي مسافر الها وتاريخ العودة , مثلا انت حابب اتسافر من تركيا الى دالاس , فبخانة المغادرة تكتب IST الي هو رمز مطار اسطنبول وبخانة الوصول تكتب DFW الي هو رمز مطار دالاس فورا وورث وتختار التواريخ وعدد الافراد وتضغط على سيرج راح ينطيك الخيارات على مختلف الخطوط الجوية وانت ممكن تكرر البحث على ايام مختلفة لغاية ما تلكه الرحلة الانسب , طبعا هنا مثال :http://www.expedia.com/Flights-Search?trip=roundtrip&leg1=from:DFW,to:IST,departure:02%2F22%2F12T19:00&leg2=from:IST,to:DFW,departure:03%2F07%2F12TANYT&passengers=children:0,adults:2,seniors:0,infantinlap:Y&options=cabinclass:economy,nopenalty:N,sortby:price&mode=search&icmcid=US.SMARTERTRAVEL.BOOKINGBUDDY.SEARCHBUTTONS.FLIGHT.Z2&icmdtl=FLIGHT.SOURCE18955هنا مثلا رحلة من دالاس الى تركيا ب 900 دولار وطبعا ممكن تغير تواريخ وتلكه انسب .نجي هنا لموضوع مهم جدا ويعاني منه كثيرين , كثيرين يكلك الوالدة شيجيبها كبيرة بالعمر متتحمل مطارات او لا سامح الله شخص عنده والدته او والده ميكدر يمشي ويتعب طيب شنكدر انسوي .اكو خدمات توفرها شركات الطيران مجانيا في حالة طلبها من قبلك , يعني اني بعد محجزت للوالدة كنت خايف عليها من الطريق رغم ان عدها توقف واحد في اسبانيا فقط لكن اكيد اول مرة تستخدم مطارات واللغة غريبه عليها وطبعا الاكل لان الي عنده ضغط لازم يكون اكله معين اتصلت بشركة الخطوط الاسبانية الي اني حجزت عليها عن طريق شركة الانترنت انطيتهم رقم الحجز وسئلتهم اسئلة عن كيفية التنقل بالمطارات , فحكيت للموظفة ان والدتي متتكلم الانكليزية بصورة جيدة فكلتلي ممكن ان نوفرلها مرافق في المطار , يستقبلها بالمطار ويصعدها بالطيارة ومرافق اخر يستقبلها بمطار اسبانيا وياخذها وياه ويوصلها للطيارة الطالعة لامريكا كتلها طيب ممكن يتكلم العربية كالت اكيد راح نخصص شخص يتكلم اللغة الي تريدها انت وايضا ممكن يكون وياه كرسي متحرك خاف متكدر تمشي بالمطارات , اما بالنسبة للاكل فطلبت منها وجبة خاصة فكلتلي اكو وجبات خاصة اذا هي مسلمه فينطوها طعام اسلامي واذا هي نباتية طعام نباتي وهكذا فانت تختار الوجبة الي تريدها , طبعا كل هاي الخدمات مجانية من ضمن الرحلة بس انت لازم تطلبها واغلب شركات الطيران توفرها .ما اريد اطول اكثر بس حبيت اوضحلكم فكرة الحجز والاستفادة من خدمات الرحلة لان للاسف شفت كثيرين من العراقيين يحجزون باسعار غاليا وميعرفون بموضوع الخدمات , طلعا الوالدة بعد موصلت انشاء الله الاسبوع القادم وراح تبقى شهر انشاء الله فاكيد راح اكون مشغول وياها بس راح اكون متواصل وراح اكتبلكم تفاصيل رحلتها وشنو الشي الي ممكن تستفادون منه والشي الي ممكن تحذرون منه اثناء السفر .تحية طيبة لاخي نوار الطيب الي كتب موضوع يسئل في عني هياتني موجود وتحية لكل من شارك بالموضوع وتحية لكل اخوتي بمنتدى عين كااوى كلهم غالين عليه والهم وحشه وانشاء الله دائما منجمعين بالمحبة والمودة والسلام .تحياتي ابو قمر
طبعا شكرا لجميع الردود العزيزة على القلب .. بس راح ابدي بسؤال الاخت المبدعة عميدة المنتدى الاخت سرى ..اخت سرى بالنسبة لشركة اتلاس جيت اني حجزت من موقعهم مباشر , من اربيل لان اقرب للوالدة .. اني الي اعرفه عدهم رحلات الى اربيل وسليمانية بغداد ممتاكد بس الي متاكد منه الخطوط الجوية العراقية عدهم من بغداد وهذا موقع الشركة ممكن تحجزين منهم .http://www.atlasjet.com/AtlasjetWeb/atlasjet.kk?lang=ENبالنسبة للاسعار اني انطيت مثال .. ومع هذا اكو رحلة بنهاية العاشر مثل مطلبتي وسعرها 900 دولار على اكثر من ثلاث خطوط واذا تغيرين بالتواريخ بعد ممكن تحصلين انسب وهذا اللنك مال الحجز بشهر العاشر والسعر 906 دولار فقط ممكن على يونايتد وممكن على التركية وممكن على خطوط مختلفة .. ممكن تطلعين اللنك المباشر .http://www.expedia.com/Flights-SearchResults-RoundTrip?c=e44aabad-6d59-404a-9f82-83892edc7731&واذا تحتاجين اي مساعدة بالبحث اني حاضر تحياتي أبو قمر
مقتبس من: أبو قمر في 04:27 04/09/2011 طبعا شكرا لجميع الردود العزيزة على القلب .. بس راح ابدي بسؤال الاخت المبدعة عميدة المنتدى الاخت سرى ..اخت سرى بالنسبة لشركة اتلاس جيت اني حجزت من موقعهم مباشر , من اربيل لان اقرب للوالدة .. اني الي اعرفه عدهم رحلات الى اربيل وسليمانية بغداد ممتاكد بس الي متاكد منه الخطوط الجوية العراقية عدهم من بغداد وهذا موقع الشركة ممكن تحجزين منهم .http://www.atlasjet.com/AtlasjetWeb/atlasjet.kk?lang=ENبالنسبة للاسعار اني انطيت مثال .. ومع هذا اكو رحلة بنهاية العاشر مثل مطلبتي وسعرها 900 دولار على اكثر من ثلاث خطوط واذا تغيرين بالتواريخ بعد ممكن تحصلين انسب وهذا اللنك مال الحجز بشهر العاشر والسعر 906 دولار فقط ممكن على يونايتد وممكن على التركية وممكن على خطوط مختلفة .. ممكن تطلعين اللنك المباشر .http://www.expedia.com/Flights-SearchResults-RoundTrip?c=e44aabad-6d59-404a-9f82-83892edc7731&واذا تحتاجين اي مساعدة بالبحث اني حاضر تحياتي أبو قمر مشكور اخي الغالي على سرعة الرد اني رحت على موقعهم ورة ما ايست من انه الكة رحلة على طيرانهم من بغداد الى اسطنبول وفعلا ما لكيت بغداد من ضمن مدن الذهاب او الاياب ولذلك طرحت سؤالي اما اذا نريد نتكلم عن بغداد-اسطنبول فالاسعار خيالية وتطلع شي على شي بكد الملكية او اغلى بشوية لانه عالخطوط العراقية التذكرة بحدود ال700 دولار سواء اللي يطلع من بغداد او من النجف مثلا طبعا ردت اخليلك اللنك طلع الموقع تحت الصيانة بس اني قبل ساعتين كان يمي شغال وشفت الاسعار يعني هسه عرفت انه حضرتك تقصد اذا المسافر يروح من اربيل لامريكا تطلع ارخص عالتركية عدا ذلك الخيارات اقل مو صحيح؟ اضافة الى ذلك اذا نريد نحسب التوقفات على الوالد والوالدة يعني الكبار في السن تصير صعبة اذا بلا فندق يعني لازم ترانزيت كذا مرة (روحة لاربيل+روحة لتركيا+روحة لمطار رئيسي بامريكا+ تنقبل داخلي للوصول للولاية) ولا ننسى انه التنقلات بين المطارات بامريكا طيارات داخلية وهاي وحدها متعبة وصغيرة الحجم طبعا جدا اشكرك على تفاعلك وردك وعمي شيلها مال عميدة المنتدى هههههههههههههه اني شنو والعمادة شنو مشكور اخوية العزيز على كلامك الطيب ومواضيعك الرائعة
كل عام وانت بخير
عاشت ايدك ابو قمر ودومك سباق بفعل الخير تحيات لك والله يبارك بيك
مشكور اخ ابو قمر انت ابداع لاينتهيالله يوفقك بحق محمد وال محمد
المحرر
موضوع: معلومات مهمة للمسافرين .. حجوزات الطيران والفائدة المادية والنفسية (زيارة 37859 مرات)
