الجنسيه الامريكيه و الكرين كاااااااااااااااااااااااااارد

[SIRAQS]

مرحبا شباب
عندي سوال بدون زحمه عليكم الي يعرف خلي ايجاوبني كم الفترا وتالي الشخص يجنس يعني ياخذ الجنسيه الامريكيه بعد كم سنه؟؟؟؟؟؟؟؟؟؟؟؟؟؟؟؟

وبعد كم سنه سنه يستحق الكرين كارد؟؟؟؟؟؟؟؟؟؟؟؟؟؟؟؟؟


ارجو الرد شكر الكم ممنون الكم

[ĈAŃDŶ]

مرحبا

الكرين كارد اتقدم علي بعد سنة

والجنسية تقدم عليها بعد 5 سنوات


وهاي كلها من خلال تواجدك الثابت في امريكا لان السفر خلال هاي الفترة اتاثر على تاخير الحصول عليهم


بلتوفيق

تحياتي

[SIRAQS]

شكر جزيلا على الرد يعني الجنسيه بعد 5 سنوات من ضمنه سنه مال الكرين كارد يعني اصير 5 يعني مو اصير 6 سنوات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

غير هشكل

[ĈAŃDŶ]

اي اعتقد الكرين كارد من ضمن الخمس سنوات
هسه حتى لو فرق سنه مايهم كلش المهم الجنسية

[Eagle eyes]

الكرين كارد سنة واحدة والجنسية 5 سنوات

[محارب]

بدون مخالفات 6 سنوات
يعني حته اقل شي يعتبر مخالفه
اعرف ولد ساكن بتكساس من 1990 لحد الان ما ماخذ الجنسيه 

[ܓღ أنجـــــي ღܓ]

مرحبا شباب
عندي سوال بدون زحمه عليكم الي يعرف خلي ايجاوبني كم الفترا وتالي الشخص يجنس يعني ياخذ الجنسيه الامريكيه بعد كم سنه؟؟؟؟؟؟؟؟؟؟؟؟؟؟؟؟

وبعد كم سنه سنه يستحق الكرين كارد؟؟؟؟؟؟؟؟؟؟؟؟؟؟؟؟؟


ارجو الرد شكر الكم ممنون الكم

اخي اذا داخل  الى امريكا عن طريق برنامج اس اي في الكرين كارت تاخذه بعد وصولك باسبوعين او ثلاث او شهر اكثر مدة واذا كان لجوءك عن طريق اي او ام او يوان بعد دخولك امريكا سنة تقدم على الكرين كارت وتكمل خمس سنوات من تاريخ دخولك امريكا تقدم على الجنسية الامريكية والي دخلوا عن طريق الزواج من يوم دخولهم ياخذون الكرين كارت وبعد ثلاث سنوات من تاريخ دخولهم يقدمون على الجنسية  

[ألن في بلاد العجائب]

اذا عندك 3 سنوات متواصله بامريكا و مطالع منها تكدر تقدم ع الجنسيه

تحياتي
ألن

[الناسك]

اذا عندك 3 سنوات متواصله بامريكا و مطالع منها تكدر تقدم ع الجنسيه

تحياتي
ألن

الن هذا يشمل الايوم

[ألن في بلاد العجائب]

اذا عندك 3 سنوات متواصله بامريكا و مطالع منها تكدر تقدم ع الجنسيه

تحياتي
ألن

الن هذا يشمل الايوم

اي اخويه اذا عندك 3 سنين متواصله على الاراضي الامريكيه بدون اي خروج منها يحقلك تقدم ع الجنسيه

[SIRAQS]

انزين هاي ثلاث سنوات واخذ الجنسيه الامريكيه هاي في حاله انو ما اطلع من الولايه ماتي لمده 3 سنوات ؟ ااكدر اطلع من الولايه ماتي واروح الى ولايه اخره بس كون ما اطلع من امريكا ؟؟؟؟؟؟؟؟؟؟؟

يعني واذا طلعت خارج امريكا ورجعت يطبق علي قانون ال 5 سنوات يله اخذ الجنسيه الامريكيه ؟؟؟؟؟


ارجو الرد شكر الكم جزيلا ممنون الكم

[omaralmokhtar]

اخ الن يا ريت اذا عندك نص قانون او اي شي رسمي تزودنة بيه بخصوص انه يصير واحد يقدم على الجنسية ورة تلث سنين اذا ما طالع خارج امريكا لان صديقي هم سامع بهيجي شغلة وراح سأل محامي كلة اني مسافر اقل من شهرين بس خلال التلث سنين يصير اقدم على الجنسية هسة؟ كلة ماكو هيجي حجي مو اقل من خمس سنين ومو شرط راسا تحصلهة يجوز تاخذ المعاملة اشهر ويجوز سنة

[الناسك]

اخ الن يا ريت اذا عندك نص قانون او اي شي رسمي تزودنة بيه بخصوص انه يصير واحد يقدم على الجنسية ورة تلث سنين اذا ما طالع خارج امريكا لان صديقي هم سامع بهيجي شغلة وراح سأل محامي كلة اني مسافر اقل من شهرين بس خلال التلث سنين يصير اقدم على الجنسية هسة؟ كلة ماكو هيجي حجي مو اقل من خمس سنين ومو شرط راسا تحصلهة يجوز تاخذ المعاملة اشهر ويجوز سنة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Edy Simon]

اخ الن يا ريت اذا عندك نص قانون او اي شي رسمي تزودنة بيه بخصوص انه يصير واحد يقدم على الجنسية ورة تلث سنين اذا ما طالع خارج امريكا لان صديقي هم سامع بهيجي شغلة وراح سأل محامي كلة اني مسافر اقل من شهرين بس خلال التلث سنين يصير اقدم على الجنسية هسة؟ كلة ماكو هيجي حجي مو اقل من خمس سنين ومو شرط راسا تحصلهة يجوز تاخذ المعاملة اشهر ويجوز سنة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اي والله الأخت العزيزة ألن من بلاد العجائب اذا عندج نص قانوني معتمد عله, او ادزيلي ياه على الخاص او اتنزليه بالمنتدى لأنه قريبة عليا اتريد اتقدم على الجنسية او المحامي مالتها كللها اقل من 5 سنوات ما ايصير اتقدمين على الجنسية وشكراً
جوسي البغدادي

[ريم عبد]

اخي الكرين كارت يكدر يقدم عليه بعد 9 اشهر من تواجده في امريكا لكن المعامله لاتكمل الابعد ان يخلص سنه كامله ويحصل الكرين كارت بعد شهرين من انتهاء سنه على تواجده
واحيانا تطول من 4 اشهر الى سنتين اذا كان بيها اي خطأ
اما التقديم على الجنسيه فيبدا بعد 4 سنوات ونصف من تاريخ دخوله للاراضي الامريكيه وليس بعد حصوله على الكرين كارت
على ان يكون باقي مدة 36 شهر مستمره في امريكا قبل التقديم

[SIRAQS]

شكر شباب على الردود اخت ريم شلون انتي كاتبه  بعد 4 سنوات ونص ايقدم على الجنسيه وعلى شرط ايكوك في امريكا 36 شهر مستمره (3 سنوات)؟؟؟؟؟؟؟؟؟؟؟؟؟      يعني ايقبط 3 سنوات وتالي ينتظر سنه ونص  وتلي ايقدم على الجنسيه انتي هشكل قصدج ؟؟؟؟؟؟؟؟؟؟؟؟؟؟

لعد خو بعد 3 سنوات وايقدم  على الجنسيه ارجو التوضيح شكر الج

[Edy Simon]

عزيزتي الاخت ريم
تحية طيبة
شكراً على جوابج الرائع, بس اني اقاربي يريدون ان يعرفون اذا كان هناك مادة قانونية يستند عليها او قانون , او اذا مايصير زحمة عليج اذا كان لديكي مادة قانمونية تستند على هذا الكلام , ارجو منكي ان تزويديني بيها وسوف اكون لك شاكراً مقدماً مع تحياتي
جوسي البغدادي

[اسراء بغداد]

سؤال

اكو تسريع لمعاملة الكرين كار

وذا اكو شكد المبلغ اخوان

[USF-I]

يابا صدك تحجون

تره الشرح وافي وكافي

من شروط تحصيل الجنسية انه عندك 36 شهر اللي هي 3 سنوات اقامة مستمرة وغير متقطعة في الولايات المتحدة وسنه او سنه ونص ميخالف تطلع وتدخل بيها لخارج الولايات يعني الاجمالي وره اربع سنين ونصف تقدم على الجنسية بس لازم عندك من ضمن هاي الاربع سنين ونص ثلاث سنوات اقامة دائمية في الولايات المتحدة وابوكم الله يرحمه

اما خروج بره الولاية اخوان الولايات المتحدة بولاياتها كلها دولة وحدة يعني تروح لاي ولايه ما تأثر عليك عسة لو تفترها كلها فر ولو ما تلحك بس المهم يعني كلها تنحسبلك اقامة داخل الولايات المتحدة


شكرا وتقبلوا مروري

[حبزبوز1]

مثل ما كال  بالضبط usf_I لازم من ضمن الاربع سنين ونص عدك 3 منها انته منواجد داخل امريكا حتى لو كانت متقطعة المهم مجموعها 36 شهر واخير ست اشهر اي بعد الاربع سنين ونص لازم انته قبل تقديمك المعاملة مال الجنسية ب 6 اشهر تكون داخل الاراضي الامريكية ما طالع منها فتنجمع الاربع سنين ونص مع الست اشهر تصير خمس سنوات هي فترة الحصول على الجنسية

[omaralmokhtar]

عيوني انتو افتهمنة الحجي بس اللي نريد نتأكد منة انه هذا قانون جديد؟ لان اني متأكد القرار الاصلي يكول لازم يخلص خمس سنين تخت بالشهر واليوم وهذا ما حدث مع صديقي جان وياه دفتر وقلم ويحسب كم يوم طلع من امريكا ويضيفهة على الخمس سنين يلة قدم على الجنسية بس هذا الحجي قديم يعني صارلة اكثر من خمس سنين، فبس حبينة نتأكد هل هذا قانون جديد؟

[USF-I]

لا حبيبي القانون قديم وصاحبك جان ما منتبه او ما يعرف عن الموضوع كلش او يجوز ما سائل وراد يمشي بصف الحايط وبلا مشاكل بس اللي كتلكياه متأكد منه

سلامي ألك ولصاحبك

تقبلوا مروري

[Hashman]

الاخوة الاعزاء

اللنك التالي يتضمن دليل من الحكومة الامريكية بخصوص قانون التقديم والحصول على الجنسية. لغرض الاطلاع على اخر المستجدات بهذا الخصوص، فانه يمكن مراجعة اخر نسخة من هذا الدليل وهي الموجودة على الموقع الحكومي اول باول. مع تمنياتي للجميع بالموفقية.

اللنك هو
http://www.uscis.gov/files/article/M-476.pdf

تحياتي

هاش مان

[BSBS BOBY]

السلام عليكم
اول مشاركة الي بعد معاناة مع التفعيل
اولا لاحظت هواية اشياء بموضوع الحصول على الجنسية  بيهة خلاف لان حسب معلوماتي انه الشخص اذا تواجد لمدة سنتين ونص حتى لو متفرقة الة حق ياخذ الجنسية المهم مايبقة خارج امريكا اكثر من 6 اشهر وهذا الكلام من دليل المهاجر اللي اني افترض انه كلكم كمهاجرين االمفروض مطلعين عليه وهذا لنك الدليل بالعربي حتى الناس اللي مو زينة بالانكليزي ماتعاني بمحاولة الفهم
http://www.uscis.gov/files/nativedocuments/M-618_a.pdf

[omaralmokhtar]

مشكورين اخواني على الردود والمجهود المبذول من قبلكم لمساعدة اخوانكم، بس الصراحة قريت اغلب مواضيع كتاب الاخ هاش مان مشكور اخي على الكتاب الروعة، وللاسف نفس اللي اني اعرفة انه بعد خمس سنين يلة تحصل الجنسية وما ذاكر اي شي حول مخلص تلث سنين وشارحهة بمخططات وجداول ومرات يذكر امثلة بس متطرق انه ما يصير تبقى برة امريكا اكثر من ست اشهر وبالمناسبة ذاكر انه الفترة اللي تقضيها برة لازم تعوضها وهذا اللي اني حجيتة مسبقا، وحاولت الكي اي شي الة علاقة بالتلث سنين مالة اي ذكر

[Hashman]

مشكورين اخواني على الردود والمجهود المبذول من قبلكم لمساعدة اخوانكم، بس الصراحة قريت اغلب مواضيع كتاب الاخ هاش مان مشكور اخي على الكتاب الروعة، وللاسف نفس اللي اني اعرفة انه بعد خمس سنين يلة تحصل الجنسية وما ذاكر اي شي حول مخلص تلث سنين وشارحهة بمخططات وجداول ومرات يذكر امثلة بس متطرق انه ما يصير تبقى برة امريكا اكثر من ست اشهر وبالمناسبة ذاكر انه الفترة اللي تقضيها برة لازم تعوضها وهذا اللي اني حجيتة مسبقا، وحاولت الكي اي شي الة علاقة بالتلث سنين مالة اي ذكر

اخوية العزيز
المقيم الدائم يستحق التقديم على الجنسية بعد خمس سنوات من تاريخ منحة الاقامة الدائمة (يعني خمس سنوات من تاريخ بدء الاقامة المكتوب على الكرين كارت ). اما الذي يتزوج بامريكية او التي تتزوج من امريكي، فيستطيع التقديم على الجنسية بعد ثلاث سنوات فقط.
خلال مدة الخمس السنوات، يجب ان لايقضي المقيم الدائم اكثر من ست اشهر متواصلة خارج امريكا كي يحافظ على (الاقامة المتصلة) والا فانه سيخسر رصيده من الاقامة السابقة ويبدأ العد من جديد بعد عودته الى الولايات المتحدة.

اتمنى ان تكون حصلت على اجابة كافية لسؤالك واذا عندك اي سؤال اخر ان شاء الله ندورلك جواب الة.

اخوك
هاش مان

[omaralmokhtar]

اشكرك اخي العزيز على التوضيح، بس الاشكالية جانت انه احد الشباب كال لما تكمل تلث سنين بامريكا بعد انت ما مطالب انه تبقى بامريكا كل الخمس سنين يعني القصد انه القانون يكول انه انت لازم تقيم تلث سنين من اصل خمس سنين حتى تكون مؤهل للحصول على الجنسية، وهاي عن تجربة فعلية بس شوية قديمة انه صديقي كمل خمس سنين بلياليها يلة قدم على الجنسية يعني بقى خمس سنين كاملة بامريكا، وهاي هي نقطة الخلاف وية الاخوة انه انت شكد ملزم تبقى بامريكا كحد ادنى حتى تكون مؤهل تحصل على الجنسية، وشكرا

[Hashman]

اشكرك اخي العزيز على التوضيح، بس الاشكالية جانت انه احد الشباب كال لما تكمل تلث سنين بامريكا بعد انت ما مطالب انه تبقى بامريكا كل الخمس سنين يعني القصد انه القانون يكول انه انت لازم تقيم تلث سنين من اصل خمس سنين حتى تكون مؤهل للحصول على الجنسية، وهاي عن تجربة فعلية بس شوية قديمة انه صديقي كمل خمس سنين بلياليها يلة قدم على الجنسية يعني بقى خمس سنين كاملة بامريكا، وهاي هي نقطة الخلاف وية الاخوة انه انت شكد ملزم تبقى بامريكا كحد ادنى حتى تكون مؤهل تحصل على الجنسية، وشكرا

لا عزيزي الي سامعة هو قراءة غير صحيحة للقانون. مثل ما تعرف فان المقيم الدائمي يكدر يطلع من امريكا لمدة ستة اشهر او اقل بدون مشكلة (يعني تعتبر اقامة متصلة وتحسب من ضمن الفترة المطلوبة للتقديم على الجنسية). خلال فترة الخمس السنوات المطلوبة للتقديم على الجنسية، لازم يكون ما طالع اكثر من سنتين خارج امريكا. بس هاذي السنتين مو معناهة متواصلة. لا، يجوز يطلع شهر ويرجع وبعدين يطلع خمس اشهر ويرجع وبعدين يطلع شهرين ويرجع وهكذا الى ان يكون المجموع سنتين. بس الشرط الرئيسي هو ان يقضي خمسة سنوات من (اقامة متصلة) حتى يكدر يقدم على الجنسية. يعني متصير ثلاثة الا اذا كان متزوج/متزوجة من امريكية/امريكي.
 
هذا القانون قديم وما طرء عليه تغيير كبير حسب علمي.

تحياتي

هاش مان

 

[BSBS BOBY]

الاخ هاشمان
كلامك شوية خربطني لان اللي اني مفتهمتة انه الواحد يكدر يطلع ويرجع كل فترة 6 اشهر ويقضي نص المدة وياخذ الجنسية على انه يتواجد في ولاية محددة بال 6 اشهر الاخيرة قبل مايقدم واعتقد هذا الكلام مذكور بدليل المهاجر اللي بالعربي اللي اني حطيت الرابط مالتة وشكرا مقدما للتوضيح

[Hashman]

الاخ هاشمان
كلامك شوية خربطني لان اللي اني مفتهمتة انه الواحد يكدر يطلع ويرجع كل فترة 6 اشهر ويقضي نص المدة وياخذ الجنسية على انه يتواجد في ولاية محددة بال 6 اشهر الاخيرة قبل مايقدم واعتقد هذا الكلام مذكور بدليل المهاجر اللي بالعربي اللي اني حطيت الرابط مالتة وشكرا مقدما للتوضيح

اني اسف اخوية العزيز. كلامك مضبوط. المطلوب هو 30 شهر وليس 36 شهر.
شكرا للتنبيه.

تحياتي

هاش مان

[معماري بغداد]

اخوان جماعة siv يكدرون يسافرون الى العراق بعد الحصول على الكرين كارد ويرجعون قبل الست اشهر لامريكا ارجو التوضيح

[ريم عبد]

شكر شباب على الردود اخت ريم شلون انتي كاتبه  بعد 4 سنوات ونص ايقدم على الجنسيه وعلى شرط ايكوك في امريكا 36 شهر مستمره (3 سنوات)؟؟؟؟؟؟؟؟؟؟؟؟؟      يعني ايقبط 3 سنوات وتالي ينتظر سنه ونص  وتلي ايقدم على الجنسيه انتي هشكل قصدج ؟؟؟؟؟؟؟؟؟؟؟؟؟؟

لعد خو بعد 3 سنوات وايقدم  على الجنسيه ارجو التوضيح شكر الج

اخي من شروط الحصول على الجنسيه انه لازم يكون باقي بقاء فعلي ومستمر  3سنوات
يعني هاي الاربع سنوات ونصف متكون متقطعه ويكون بيها على الاقل 3سنوات مستمره
وبعد ان يكمل الاربع سنوات ونص يبدي التقديم لكن يمنحوا الجنسيه بعد ان تكمل ال5 سنوات