الكفيل والمكفول

[عكعك التطوى]

السلام عليكم بعد غياب طويل بسبب الانشغال بعجله الحياه وضيق الوقت .

الاخوه الاعزاء سيادتي انساتي سادتي حلقه اليوم بعنوان الكفيل وما ادراك ما الكفيل

ايها الشعب العظيم لاحظت في الفتره السابقه اسئله يعاد تكرارها حول الكفيل ودوره
في تحقيق امال الشعب وتطلعات المستقبل ,وعند دخولي قبل ايام ايضا رايت هناك بعض
المواضيع تتطرق الى موضوع الكفيل ,على الرغم بان هناك العديد من الردود في
مواضيع سابقه تناولت هذا الموضوع وانشاءالله ساقوم بشرح من هو الكفيل وما هو
دوره تجاه المكفول بصوره اوسع واتركم مع الاحداث متمنيا لكم مشاهده ممتعه .

تعريف الكفيل:

هو الشخص الشرعي المتواجد على الاراضي الامريكيه سواء قريب او اجنبي الذي يتعهد الى
المنظمه بكفاله المكفول وفق نقاط معينه يتم الاتفاق عليها عند توقيع الكفاله بين الطرفين .


شروط الكفيل:

*ان يكون وجوده في الولايات المتحده الامريكيه شرعي يمتلك (سوشل سكيورتي و I-94)
ومتواجد في المدينه التي سيذهب اليها المكفول.

*لا يشترط  بالكفيل ان يكون حائز على الجنسيه او الاقامه الدائميه (كرين كارد) .

*لايشترط ان يكون من الاقارب الدرجه الاولى او الثانيه ,فاي شخص متواجد على الاراضي
الامريكيه بشكل شرعي كان يكون عراقي او اجنبي بامكانه التعهد بالكفاله  .



دور الكفيل :

ساضع في الاسفل نماذج مختلفه في الشكل لورقه الكفاله التي يتم توقيعها من قبل الكفيل امام المنظمه
الراعيه للاجيء الجديد لكي تغني عن الشرح الطويل وتكون سهله الاستيعاب , وتوجد لكل منظمه صيغه تختلف
بالشكل عن منظمه اخرى ولكنها لاتختلف من ناحيه المضمون  .

هناك نوعين من الكفاله نوع كما يسمى بالكفاله المعنويه (التوجيهيه) والكفاله الاخرى تعرف بالكفاله
الماديه .

الكفاله المعنويه او التوجيهيه :

هي الكفاله التي يتعهد بها الكفيل الى المنظمه بانه يساعداللاجيء باعطائه توجيهات او معلومات عامه عن الحياه
في امريكا مثل اماكن للتسوق وعن وسائط النقل ويشرح له الاجراءات التي يجب القيام بها بعد وصوله وغيرها من
المعلومات التي يحتاجها المكفول عند وصوله ، او ان يذهب الكفيل مع موظف المنظمه باستقبال المكفول في المطار
وتوصيله الى سكنه  لرفع معنوياته.

الكفاله الماديه :

والمقصود بها المساعدات التي يقدمها الكفيل الى المكفول والتي تكلفه مصاريف ماليه وان كانت
بسيطه  مثل :

استظافته في منزله لحين انتقاله الى سكن مناسب ، توفير الطعام ،تقديم اثاث او ملابس، توصيله الى اماكن
التسوق , تسجيل الاطفال في المدارس ،اخذه للتقديم على الوثائق (السوشل سيكيورتي والفود ستامب
والمديكيت) ، تسجيل البالغين في معاهد اللغه الانكليزيه وغيرها من الامور.

ملاحظه:
يستطيع الكفيل باختيار اي نقطه يود القيام بها تجاه المكفول من خلال هذين النوعين من الكفاله او بالاحرى على اي
نقطه مذكوره في المرفق ادناه حتى وان كانت نقطه واحده .


فوائد الكفيل:

*دعم معنوي للمكفول.

*يحدد المكان الذي يرغب به المكفول بالسكن والعيش به (الولايه والمدينه).

*يساعد المكفول باعطائه معلومات او اجابات لاي سؤال يتبادر في ذهن المكفول في الايام الاولى
من وصوله .

*يساعد في تقديم الخدمات التي يحتاجها بعد وصوله .

*يساعد في ايجاد سكن امن ومكان جيد الى المكفول في حاله (الكفاله الماديه)

*يساعد المكفول في حريه التصرف بالاموال الممنوحه له من قبل المنظمه كيفما يشاء في حال
(الكفاله الماديه).

*النقطه الاخيره والمهمه يشتعل ولا يساعد على الاشتعال

لقد ذكرت الفوائد بنقاط  موجزه  بدون شرح لانه هناك  تفاصيل كثيره وهناك اختلافات بين منظمه واخرى والمجال
مفتوح لاي سؤال او نقاش لاي نقطه بالموضوع.


الكفيل والموافقه الامنيه والسفر :

اسمحو لي ان ادلو بدلوي لتوضيح الصوره قليللا شلونها هاي ادلو بدلوي
في البدايه ليس لوجود الكفيل او عدمه دور في قبول القضيه او رفضها وتسريعها او ابطائها .

والنقطه الاخرى التي يتسائل عنها الكثيرون  ومحل جدل هي علاقه الاتصال بالكفيل وصدورالموافقه الامنيه او قرب السفر ؟
 ساوضح رأي الشخصي المتواضع هنا حول هذا الموضوع كالاتي
الاتصال بالكفيل اجراء شكلي روتيني مثل الفحص الطبي  والبصمات او الدوره الثقافيه  ولايعني  توقيع الكفاله بان الموافقه
الامنيه قد صدرت ، هسه اكيد راح دكولون منين جاب هذا الحجي؟؟

سيادتي انساتي سادتي كما تعلمون بعد الموافقه على الملف من قبل المحلف بوقت قصيرعادتا واحيانا يطول يقوم
مكتب الهجره الدولي (iom) بارسال المعلومات الى المنظمه الدوليه في واشنطن و واحده من هذه المعلومات تحديد
الولايه او الاتصال بالكفيل وهذه المنظمه بدورها تخاطب احدى المنظمات او الوكلات الانسانيه الغير حكوميه والمموله
من قبل وزاره الخارجيه  لغرض رعايه اللاجي وتوفير المساعدات له عند وصوله وتقوم هذه االمنظمه او الوكاله بارسال
اشعار الى احد فروعها في المدينه التي يتواجد بها الكفيل لغرض اتمام اجراءات الكفاله بالاتصال بالكفيل لمعرفه استعداده
للكفاله وما يمكن ان يقدمه الى الاجيء عند قدومه الى الولايات المتحده بعدها تقوم الوكاله بارسال العقد الذي تم الاتفاق
 عليه الى مركزها الرئيسي وتقوم الاخرى بارسال اشعار الى منظمه الهجره في واشنطن بالموافقه على احتضان اللاجيء
في الولايه والمدينه الفلانيه، وبعد هذا الاجراء ينتهي او يتوقف دور المنظمه او الوكاله نحو اللاجيء مؤقتا فهي لاتقوم عمليا
باي اجراء تحضيري او فعلي مثل  استئجار شقه او مسكن وتجهيزه بالاثاث والمستلزمات الضروريه التي يحتاجها عند قدومه
الا بعد اشعارجديد من منظمه الهجره يعلمهم بان اللاجي او الكيس الفلاني قد اكمل كل الاجراءات ويزودوهم باسامي وعدد
 الاشخاض وسير خط الرحله وتاريخ وموعد الوصول لتقوم الوكاله بدورها باخبار الكفيل عن وقت وصول المكفول وتقوم  بتهيئه
كافه الاستعدادات التي يحتاجها اللاجي عند وصوله من ايجار سكن وتجهيزه بالاثاث والطعام وتكون هذه الاستعدادت قبل
يوم من وصول الاجيء ، ولذلك نرى بان هناك تباين في المده بين توقيع الكفيل وموعد السفر قد تكون بفتره قصيره او قد تصل
هذه المده الى سنتين او اكثر احيانا ويعزو سبب هذا التباين بوقت صدور الموافقه الامنيه .

معلومات متفرقه:

*الاتصال بالكفيل هاتفيا بدون توقيع امر عادي ويحصل مع الكثير وخصوصا عندما تكون الكفاله معنويه فقط فهي
لاتحتاج الى التزامات ماديه من قبل الكفيل للمكفول لذلك يكتفون بالتلفون فقط وهناك منظمات لاتكتفي بذلك
الا بالتوقيع فالمساله راجعه الى المنظمه ولكن بالكفاله الماديه يجب ان يتم توقيع الكفيل لكي يضمنون بان الكفيل
يفي بالتزماته اتجاه المكفول والمنظمه او الوكاله الراعيه.

*بامكان الكفيل كفاله اكثر من شخص في وقت واحد.

*بامكان الكفيل تغيير الوكاله الراعيه الى الاجيء قبل توقيعه على العقد الى وكاله اخرى.


الكفاله بالنسبه لبرنامج ال SIV:

*يمكن تحديد الولايه عن طريق كتابه اسم وعنوان ورقم هاتف الكفيل في الفقره العاشره من الفورم
DS-230 كان يكن صديق عراقي او اجنبي او قريب.

*وايضا في فورم DS-234 الفقره 22 اذا كان عندك قريب او احد افراد اسرتك وتود العيش بنفس مدينته
تدرج اسمه وعنوانه الكامل ورقم تلفونه ورقم الكيس الذي كان يحمله.

*وايضا في فورم DS-234 اذا كان عندك صديق وتود العيش معه بنفس المدينه تكتب بالكومنتس انه
لديك صديق وتود ان تسكن بنفس مدينته وانطيهم عنوان صديقك مفصل من اسم وعنوان كامل ورقم هاتف
وعنوان بريدي ان وجد وصله القرابه والموضحه بالفرات كما ( 24,26,27.28,29).

وعذروني اذا اكو نقطه غير مفهومه بالشرح


تحياتي والموفقيه للجميع

[عكعك التطوى]

النموذج 2

[عكعك التطوى]

النموذج 3 صفحه 1

[عكعك التطوى]

نموذج3 صفحه 2

[عكعك التطوى]

نموذج 3 صفحه 3

[أم إبراهيم]

أخوية الكريم عكعك...

الله يبارك بيك على هالمجهود اللي بذلته بالتوضيح وتسلم الأيادي... هذا عهدنا بيك من قبل ماتوصل أمريكا... ايدك انمدت بالخير لكل أخوتك... الله لايضيعلك تعب ان شاء الله ويبارك بيك ويرزقك.

والله موضوع الكفيل جان كلش مدوخني مع العلم آني اعرف أنه الأتصال بالكفيل لاعلاقة له بالموافقة الأمنية... كفيلنا ما اتصلوا بيه لحد هاللحظة مع العلم صارلنا 4 أشهر من استلمنا موافقة المحلف ... علما أنه اكو هواية ويانا من وجبتنا اتصلوا بالكفيل مالتهم...

الأتصال بالكفيل ينطي بصيص امل انه الملف ديتحرك مو نايمة عليه طابوكة

على العموم شكرا مليون مرة اخوية وان شاء الله نسمع عنك كل الخير

[xxlm569]

شكرا على الموضوع , من خلال تجارب الناس كلامك صح 100% , عاشت ايدك

[mzeeni]

عاشت ايدك موضوع مفيد جدا

[فارس العراق 90]

عاشت ايدك وربي ايسهله بوجهك دوووووووووووووم

[beautiful angel]

عاشت ايدك عكعوك الوردة و ربي يبارك بيك وبجهودك ودائما تدلينه بدلوك

تحياتي
اختك سارة

[اسعد الزبيدي]

والله  والنعم  منك  اخوية ما قصرت  وجزيل  الشكر  لكل  المعلومات الي  اتقدمهة    لاخوانك  الصابرين 

                                                       وخير  الناس من  نفع  الناس  وانت  منهم  اخي

[s350thebest]

الله يبارك بيك ويكثر من امثالك الي ما ينسون اصحابهم ويستمرون بدعم من ينتضر السفر.

[شنايزر]

عاشت ايدك عالمعلومات

وتسلم عالمجهود والطرح الراقي

[علي النعيمي]

الله يبارك بيك اخوية عكعك دااكول وين مختفي جابلنة معلومات حلوة عاشو

[storm2000]

عاشت ايدك مقصرت

[Dollar]

عشت معلومات حلوه و مفيده.

بس سوال

في حالة الكفاله المعنويه ,انت ذكرت انو اكو اجراءات تحضيريه او فعليه قبل وصول اللاجي تقوم به المنظمه مستندا على اشعار مسبق من قبل منظمة الهجرخ,  مثل . - استئجار شقه او مسكن - وتجهيزه بالاثاث والمستلزمات الضروريه التي يحتاجها اللاجي...الخ.     بهيجي حاله منو الي يتبلغ بخبر موعد السفر اولاً ؟ المنظمه بامريكا الي راح تستلم اللاجيء لو صاحب الكيس (اللاجيء)؟

لان اني بلغت كفيلي انو ينسه ولا يخابر ولا يسال المنظمه الي بامريكا عن اخبار سفري لان الشغله مو يمهم وصاحب الكيس هو الي راح يتبلغ اولا و من ثم المنظمه.

تحياتي

[ابو امنه]

بارك الله فيك اخي العزيز على مجهودك العالي والشرح الوافي في خدمة اخوانك

اخوك
ابو امنه

[ميمي2010]

شكرا اخي عكعك دائما مبدع ومتألق ربي يحميك ويحفظك ويسهل امورك يارب

[برنسيسة]

مشكوووووووور وردة وعاشت ايدك على هاي المعلومات

[كرديه]

اخويه العزيز عكعك التطوى


عااااااااااااااااااااااااااشت ايدك وسلمت ابداع مو طبيعي وشرح وافي وكافي وصلت االفكرة 1000%

ان شاء الله ربنا ينطيك على قدر التعب وعلى كل حرف بي كلمه خير للبشريه

[البغداديهooo]

تسلم اخويه ورحم الله والديك على هذا الشرح المفصل الله يوفقك

[حيدر الربيعي]

بارك الله بيك أخي عكعك وعاشت الايادي والله يوفقك دائما
أخوك المهندس حيدر الربيعي

[rafid82]

صديقي عكعك عاش من شافك  و قرأ  مواضيعك المميزة   

موضوعك اجه بوقته 

شكرا الك

[ibnbaghdadinsyria]

السلام عليكم ورحمة الله وبركاته

كل الشكر اليك اخي الغالي  والف شكرا على هذا الجهد المتميز والمعلومات القيمه والمفيدة
والله يكتب لك الأجر ان شاء الله  وربي ينعم عليك من خيره ياغالي ويزيدك من فضله.

والسلام عليكم ورحمة الله وبركاته
اخوكم ابن بغداد في سورية

[AROMATICS]

مشكور اخويه وجزاك الله الف خير

[Aiham_]

شغلة وحدة اريد افتهمها ,, ليش ما يتثبت هذا الموضوع ؟؟؟؟؟

[أبو قمر]

صديقي العزيز المبدع عكعك ...
موضوع مهم ورائع وكعادتك مبدع في انتقاء المواضيع ومبدع ايضا بالشرح والتفاصيل .. انت اصلا مكنت غائب انت دائما الغائب الحاضر لما الك بقلوب الناس من محبة لاخلاقك واحترامك ومساعدتك للجميع ..
ننتظر منك المزيد اذا سمحت لك ظروف العمل والحياة السريعة .. تحياتي لك ولعائلتك الكريمة ..

صديقك أبو قمر

[ALBERT.]

الحمد لله على السلامة اخي الحبيب عكعك نورتنه .وشكرا لموضوعك المتميز

[برنسو]

موضوع رااااااااااااااائع...تسلم ايدك يا وردة...ربي يوفقك ويحفظك.....

[Sama83]

حلو الموضوع وبي هواية معلومات مفيدة عاااااااشت الايادي اخ عكعك التطوي

 بس اذا امكن عندي استفسار للاخ عكعك و للاخوة الاعضاء بشكل عام انه يصير الكفيل يكون مادي لكيس ويكون معنوي لكيس اخر او بمعنى انه يتكفل احد الكيسين وينزل يسكن يمه والكيس الثاني يبقى مسؤلية المنظمة؟؟؟؟؟؟؟؟؟؟؟ لو كل الكيسات اليكفلها سوة لازم يتعامل وياهم بشكل واحد؟؟؟؟؟؟؟؟؟شاكرة للكل مقدما تفضلهم بالاجابة والتوضيح

[الفراتي]

حبيي عكعك الوردة والف شكر الك على هذا التوضيح الرائع

[الناسك]

دائم الابداع والتألق وشذى رياحينك يعبق في المنتدى قبل ان نفتتح الموضوع.
بارك الله فيك ولك وجزاك خير الجزاء على تعبك ومساهماتك ومشاركاتك لفائدة اخوانك .

ولو صار مدة محد شايفك عمي عكعك .... ذاك اليوم يسألون عنك الاعضاء

وهذا الرابط

http://www.ankawa.com/forum/index.php/topic,536945.0.html

[Eagle eyes]

عاشت الايادي وبارك الله بيك موضوع مهم ومعلومات قيمة شكرا الك عالموضوع

تحياتي

[amaar18]

اخي عكعك

والله كلمه شكرا قليله بحقك بارك الله فيك يا شهم

تحياتي وامتناني

  ام عمار

[Safaa Alkhrkhy]

عزيزي ابو احمد (عكعك)...
من صدك هذا شغل ياباني درجة اولى وارد امريكي!!
يعني مثل مايكولون بالعراقي باب اول!!

تحياتي وبارك الله بك عيني انتة..

ابو سارة

[اسراء بغداد]

عاشت الايادي اخ عكعك


بارك الله بمجهودك الكبير وجعله الله في ميزان حسناتك

[كوكي 2004]

مساء الخير جميعآ ..
طبعآ أول ماسمعت بمنتدى عنكاوا بديت أدخل ضيفة بس أقرأ وأول موضوع قريته كان لأخونه عكعك عن مقابلات المحلفين ( من الألف الى الياء ) و والله والله أكثر شئ شجعني في هذاك الوقت أن أسجل وأكون عضوة بالمنتدى هو أخونه أبو أحمد ( عكعوك الورد وبدون تطوى  ) طبعآ ولا يهونون أخوانه وأخواتنه الباقين .

سلمت يداك وعاشت أناملك أبو حمودي الورد والله لا يحرمنه من وجودك بيناتنه ياطيب وفعلآ ينطبق عليك القول (( خير الناس من نفع الناس ))
                              والي يشوف تفانيك وحرصك على أيصال أي معلومة لأخوتك وخواتك بالمنتدى
   
                                  فعلأ يكول النيا بخييييييييييييييييييييييرررررررررررررررررررررررررررررررررر.

                                 وربي ليحرمنه وجودك بيناتنه يا أأأأأأأأأأأأأأأأأأأأأأأأأصيل .




                                             أختك كوكي  \ عمان

[Dark...Angel]

اخي العزيز عكعك:

موضوع قيم وشيق لما فيه من شرح مفصل وممتع عن الكفيل ونوعه
فعلا معلومات قيمة وجهد واضح و رائع يعجز لسان عن الشكر يا غالي

تقبلي مروري وتحياتي.

[m.a.m]

شكرا جزيلا اخي عكعك على مجهودك وبارك الله بيك واعتقد الكل استفاد من مواضيعك عن المقابلات من الالف الى الياء ودائما مواضيعك بيها معلومات تفيد اخوانك وربي يوفقك ويحفظ عائلتك



             اختكم ام حنين

[علاء علاء]

ارجو تثبيت مواضيع اخونه ابو احمد ومنها هذا الموضوع لما فيها من منفعه للناس,,,,,,,,,,,,,,,,,,تقبل اخي شكري الكبير لهذا المجهود الرائع,,,,,,,,,,,

[خير ان شاء الله]

بارك الله بمجهودك الكبير وجعله الله في ميزان حسناتك ونرجو تثبيت الموضوع
خير ان شاء الله
 

[شمعه منوره]

عكعك .. أخي وصديقي الصدوق ورفيق الدرب الطويل ..

كنا نسميك (( المستشــــــــار )) وستبقى دائما وابدا (( المستشــــــــار )) ...

سلمت يداك لما كتبته من سطور ومعلومات تستحق التقدير ...



تحياتي

شمعه

[رامي حاجبة]

الاخ ابو احمد (عكعك) شكرا على المجهود الرائع المبذول , والله ياخي انت رفعة راس.

تقبل مروري

ابو نورا --- سوريا

[عكعك التطوى]

   Birj
الله يبارك بيك اخي العزيز بيرج  وانت من المناضلين الاوائل والسباق في خدمه اخوانك وفعل الخير
تمنياتي لك بالصحه والتوفيق

ام ابراهيم

اللله يبارك بك اختي ام ابراهيم واشكرك على الدعاء , اختي هاي الشغله تحب صبر وطوله بال وهي تحصيل حاصل
مجرد وقت .. وان شاءالله عن قريب يتصلون بالكفيل وتسافرون وتصير سوالف ..وشغله الاتصال بالكفيل صح ترفع
المعنويات شويه ولكن صدكيني مراح يكون تاثيرها مثل تاثير الموافقه الامنيه على القضيه ، فهناك ناس اتصلوا
بكفيلهم بعد المحلف بشهر وناس بعد 6 اشهروسافروا قبل ابو الشهر وناس سافرت ومتصلوا بالكفيل الا لمن
وصلو والله يعينكم على الصبر وانشاءالله باذن الله تمشي الامور بسرعه وترتاحون

تمنياتي لك بالصحه والتوفيق

xxlm569

الله يبارك بك ويسهل امورك ان شاءالله
تمنياتي لك بالصحه والتوفيق

Mzeeni
الله يبارك بك ويسهل امورك ان شاءالله
تمنياتي لك بالصحه والتوفيق

فارس العراق 90
اشكرك  ياورد وان شاءالله تكون فارس العراق وامريكا والجزيره العربيه والقوقاز
تمنياتي لك بالصحه والتوفيق

beautiful angel

وايدك يا ملاكنا الجميل يا بسمه المنتدى...وراح اشتري دلو كبير وادلو  وادليء
تمنياتي لك بالصحه والتوفيق

اسعد الزبيدي
الله يبارك بك اخي اسعد ويسهل امورك ان شاءالله
تمنياتي لك بالصحه والتوفيق

s350thebest

الله يبارك بك اخي ويسهل امرك ان شاءالله ويكثر من امثالك
تمنياتي لك بالصحه والتوفيق

شنايزر

انته العايش ان شاءالله بارك الله بيك وسهل امرك
تمنياتي لك بالصحه والتوفيق

علي النعيمي

والنعم منك اخويه والحياه هنا تاخذنا عنكم رغما عنا الله يبارك بيك ويفرج عنك ان شاءالله
تمنياتي لك بالصحه والتوفيق

storm2000
وايدك اخويه عاصفه .. متفهمني شنو قصتك ؟؟؟؟؟؟؟؟

Dollar

اشكرك اخي دولار بارك الله بك ..اخويه العزيز سؤالك هذا بصراحه حاولت اطرق اليه عند كتابتي للموضوع
ولكني غيرت راي لان يحتاج شرح وبي امور كثيره محبيت اعقد الموضوع الجواب

نعم اللاجيء يعرف بسفره من قبل المنظمه قبل الوكاله او المنظمه الراعيه له في امريكا
وهذا من تجارب كثيره جدا على ارض الواقع وتفسيرها انه منظمه الهجره الدوليه في واشنطن
تكون مسؤوله عن كل الاجراءات التي تخص اللاجيء وبالتالي تكون هي مصدر التعليمات لباقي
المنظمات وطبعا كما نعرف انه منظمه الهجره في واشنطن مرتبطه مع باقي المنظمات  بسستم
خاص مشترك فكل تحديث يتعمم على جميع المنظمات بكبسه زرواحده ،لذلك تكون المنظمه اول
من يعلم عن موعد سفرك لان اصلا هي التي حددته لك ،وبعدها تقوم منظمه الهجره الدوليه بارسال
كتاب او ايميل الى مكتب الوكاله الرئيسي تبلغهم بان الشخص الفلاني تحدد له موعد سفرفي كذا
تاريخ ويزودوهم بخط الرحله وتاريخ وساعه الوصول وهذه الوكاله ترسل ايميل الى الفرع التابع لها في
المدينه التي سوف يصل اليها اللاجيء.
طبعا الفتره التي تبلغ بها الوكاله بقدوم اللاجي من قبل منظمه الهجره تكون متفاوته فبعض الاحيان
ترسلها قبل 3 اسابيع ومعظم الاحيان ترسلها قبل 4 او5 ايام  وفي بعض الاحيان ايضا ترسلها قبل
يومين او ثلاث من موعد وصول اللاجيء.

ابو امنه

الله يبارك بك اخي ابو امنه ويسهل امرك ان شاءالله
تمنياتي لك بالصحه والتوفيق

ميمي2010

جزيل الشكر لك الله يبارك بيك ويحفظك ويفرج عنك
تمنياتي لك بالصحه والتوفيق

برنسيه
الله يبارك بك ويسهل امورك ان شاءالله
تمنياتي لك بالصحه والتوفيق

كرديه

وايدك الله يبارك بك اختي كرديه ويسهل امرك ان شاءالله
تمنياتي لك بالصحه والتوفيق

البغداديهooo

الله يسلمك الله يبارك بك ان شاءالله ويفرج همك
تمنياتي لك بالصحه والتوفيق

حيدر الربيعي

ويبارك بيك ان شاءالله ويسهل امرك
تمنياتي لك بالصحه والتوفيق

[usa sky]

شكرا على الموضوع

[DEFA-AL-AIRAQI]

شكرا على الموضوع

[عكعك التطوى]

rafid82

انته العايش اخويه العزيز رافد شخبارك مسافرت بعدك؟  
تحياتي وتمنياتي لك بالصحه والتوفيق
                
Ibnbaghdadinsyria

اشكرك اخويه العزيز على الدعاء الجميل والدعاء لك بالمثل ايضا والله يسهل امورك ويفرج همك
تحياتي وتمنياتي لك بالصحه والتوفيق

AROMATICS

الله يبارك بيك ويسهل امرك ان شاءالله
تحياتي وتمنياتي لك بالصحه والتوفيق

Aiham

مشاغب المنتدى  ;Dالله يبارك بيك ويفرجها عليك وتسافر ,المهم اكبرقدر من الاعضاء
يقرون الموضوع وينقلون الصوره لاي مستفسرلم يطلع عليه.. ليس المهم ان ان يثبت او لا
تمنياتي لك بالصحه والتوفق وصير عاقل

ابو قمر

اخويه العزيزابو قمر الغالي اشكرك جدا على الاطراء .ما اقدمه جزء يسير من  الابداع وكم المعلومات
التي تقدمها الى اخوانك في المنتدى رغم انشاغلك بالحياه وان شاء الله يجزيك بالاحسان والخير
تحياتي وتمنياتي لك بالصحه والتوفيق

FOB KALSO

الله يسلمك ان شاءالله وينورك بنوره
تحياتي وتمنياتي لك بالصحه والتوفيق

ahmed_nori78

انته الاروع اخي احمد الله يبارك بك ويسهل امرك
تحياتي وتمنياتي لك بالتوفيق

[عكعك التطوى]

حلو الموضوع وبي هواية معلومات مفيدة عاااااااشت الايادي اخ عكعك التطوي

 بس اذا امكن عندي استفسار للاخ عكعك و للاخوة الاعضاء بشكل عام انه يصير الكفيل يكون مادي لكيس ويكون معنوي لكيس اخر او بمعنى انه يتكفل احد الكيسين وينزل يسكن يمه والكيس الثاني يبقى مسؤلية المنظمة؟؟؟؟؟؟؟؟؟؟؟ لو كل الكيسات اليكفلها سوة لازم يتعامل وياهم بشكل واحد؟؟؟؟؟؟؟؟؟شاكرة للكل مقدما تفضلهم بالاجابة والتوضيح

انتي العايشه ان شاءالله اختي سما والله يبارك بك ويسهل امرك
نعم اختي الكفيل مخير باختيار اي نقطه من النقاط لاي كيس

تحياتي وتمنياتي لك بالتوفيق

[beautiful angel]

عكعوك الغالي وينك مدتكتب يمنه بصفحة مصر ؟؟؟؟؟؟؟؟؟؟؟

[عكعك التطوى]

ابو مريومه

الله يبارك بيك اخويه العزيز ابو مريومه الله يسهل امرك وتسافر

اي لعد شلون همزين سافرت وخلصت منه  ;Dوادري بي وكيح وميكعد راحه بس
جان ميسوي وكاحه من يشوفني  ;Dلاتنطي مجال
تحياتي وتمنياتي لك بالصحه والتوفيق

الفراتي
تسلم والله يبارك بيك انشاءالله ويسهل امرك
تحياتي وتمنياتي لك بالصحه والتوفيق

[alaa_iom]

مرحبا اخ عكعك
نادر جدا ما اكتب على المنتدى وعلى الرغم انو عندي فكره على هذا موضوعك لكن من فتره احب اقدملك شكر ومصارت فرصه اني شاكر جدا مشاركاتك استفاديت منه في فتره سابقه

[مدام كوري]

السلام عليكم اخويه اشلونك الحمد لله على سلامتك طالت الغيبه
اشو انت مختفي عن المنتدى ان شاء الله المانع خير
تحياتي الك ولعائلتك
واحب اعرفك بنفسي اني ام شمس من دالاس
جديده صارلي حوالي شهر ونص
وبالمنتدى حوالي سنه
تقبل مروري
اختك ام شمس

[ابو هاشم]

العزيز عكعك

مشكور اخويه العزيز دائما معلومات مفيده تسلم على هذا الجهد والله يحفظلك العائله الكريمة

تقبل تحياتي

ابو هاشم

[المهندس76]

بارك الله فيك على هاي المعلومات القيمه والمفيده  والله يكثر من امثالك .

[اهلي ياعراقين]

تسلم وتعيش اخويا العزيز
سباق دائما
والحمد لله سمعنا صوتك هنا
شوكت حتشرفنا

[مهندسه]

شكرا على المعلومات الوافيه

[AboDiana]

اسعد الله ايامكم وكل عام وانتم بخير

عاشت الايادي اخ عكعك

بارك الله بمجهودك الكبير وجعله الله في ميزان حسناتك

اخوكم ابو ديانا –بغداد

[مهاجرين بلا حدود]

حياك ابو حمودي ودومك مبدع كما عودتنا

مكانك خالي اشو ماكو ؟

تحياتي وسلامي

[lyoo]

بارك الله بيك اخي على الشرح الوافي

[asad3333]

بارك الله بيك وانسأل الله التوفيق اخي انت قدمت خدمة كبيرة لكثير من الاشخاص الي يجهلون معنى الكفيل واهمية ودورة
وانشاءالله الاخوان الي يطلعون على موضوعك راح يستفادون منه

[ام الهنا]

UP ... للاطلاع والفائدة .
بارك الله بك اخي عكعك ودعائي لك بالتوفيق في حياتك ...

ام الهنا

[احمدمالك]

بارك الله بيك اخي عكعوك المحترم على هيجي مواظيع قيمه
تمنياتي لك بالموفقيه

[سارة نبيل]

موضوع  مهم ويستحق الرفع

ولو المنظمات واللاجئين كانو بعز وخير وين هسة المنظمات شايلة ايدها مو مثل قبل

تحية احترام وتقدير للاخ الكبير ابو احمد عكعك التطوي

[محمد تميم]

بارك الله فيك اخي موضوع مهم ومفيد

[احمدمالك]

عاشت ايدك على المعلومات القيمه والله انته حيل تعبت

[Hassan1983]

السلام عليكم اني متقدم للهجرة على IOM منذ 2009 وكنت اعمل سابقا مترجما مع الامريكان ولكن اقل من سنة  ثم عملت مع شركات امريكية ولم تعطيني الشركات توصيات
ولحد الان لم ينتهي التشييك الامني 
الله يخليكم اكو ان انسانة تقبل تزوجني على الورق او حقيقي وان تكون ايضا متقدمة لهذا البرنامج
لذا نستطيع ضم القضيتين وتسريع العملية
عمري 30 سنة ومطلق ولدي طفلة
ارغب بزواج حقيقي او على الورق
هذا ايميلي من رخصة الادمن

hasan_alsabag@yahoo.com
سهلو امري الله يخليكم
كل من يقرا هذه الرسالة
حسن