0 الأعضاء و 1 ضيف يشاهدون هذا الموضوع.
اخي العزيز ابو قمر...من اقرأ مواضيعك...اعرف ان الدنيا بعدها بخير... الله يبارك بيك ويرزقك وييسر امرك...وعاشت ايدك على الموضوع الي يزرع بينا الامل ويقلل من مخاوفنا... تحياتي
مشكور على هذا الشرح التفصيلي ورب العالمين يجازيك على كل حرف كتبته الف حسنه وعمل طيب لك ولعائلتك الكريمه
بارك الله بيك مبدع دوما ونورت المنتدى
ابو قمر الله يساعدك و ما قصرت.سوال اذا امكن.يكولون امريكا بلد الفرص . خوش.مثلا اكو واحد ميريد يشتغل لا بسوبر ماركت ولا بولميرات ولا منظف ولا اي شغله من هايه الشغلات البسيطه . قافل ميقبل يشتغل.خوش. ويكول هو عنده امكانيات بادارة المشاريع و خبره بادارة الاعمال و عقليه بادارة العمليات احسن من الامريكان نفسهم بهوايه وعنده ثقه بنفسه وبروحه عاليه من خلال خبرته بالشغل بمجال عمله. هيجي شخص وين ينطي وجهه حته يسير على الدرب الصحيح؟ يعني شلون يكدر يحصل شغل بمركز و وظيفه قد تكون طاكه بالشركات الضخمه او المعامل و المصانع الضخمه الي هو قد يستحقه بجداره. شنو المسرح الي يكدر يبرز عظلاته بيه؟ اكو فد درب او زاغور او طريقه يكدر بفوت بيه و يثبت جدارته؟ كأن يمر من خلال اختبار او اي شي اخر. مو يكولون امريكا بلد الفرص. اي هو يريده الهايه الفرصه بس شلون منين يبدي طريقه؟تحياتي
تسلم اخي ابو قمر وبارك الله بيك فعلا معلومات قيمة وبالتوفيق ان شالله والله يحفظ عائلتك اختك ام حنين
الله يوفقك يارب...وينطيك على كد نيتك اخي ابو قمر
السلام عليكم اخي ابو قمر الورده عاشت ايدك اخيصدك مواضيعك روعه ومفيده الله يبارك بيك ويرزقكانته وبس ولباقي خس ههههههههههه اخوكم عمار بغدادي
يعجز اللسان عن شكرك ياطيب ولو مشواري لم يبتدء بعد ولكنك صدقا انسان رائع بارك الله فيك
تحية حب وتقدير لكل المشاركات واكيد راح ارد على كل التعليقات لانها تعليقات غالية عليه .. بس راح ابدأ بالأسئلة وسؤال اخونا دولار صديقي العزيز دولار .. امريكا بلد الفرص ليست كلمة او عبارة بل هي حقيقة لمسها الكثيرين , هنا تختلف الفرص من شخص الى اخر والفرصة خلي نكول عنها طموحات واحلام الشخص , هناك انسان حلمة وطموحة ان يملك بيت وسيارة ويعيش عيشة كريمة هو واولاده , وهناك من يحلم ان يملك مشروع خاص بيه ويحلم ان يكون اول مليون بحياته , وهناك من يحلم بان يصبح من اغنياء العالم , وهناك من يحلم بان يكون استاذ جامعي في جامعة راقية , وهناك من يحلم ان يكون مهندس مبدع تتهافت على خبرته الشركات وهناك ايضا من يحلم ان ينام وياكل وعايش على مبدا غديني اليوم وجوعني باجر , كل هذه الاحلام هناك الفرصة للحصول عليها وهي احلام ابدا مو مستحيلة كما هي مستحيلة في بلدانا وهناك دلائل كثيرة ونماذج اكثر , هنا نجي لموضوع الشخص الي تتكلم عليه واشك ان يكون حضرتك , الثقة بالنفس والعامل نفسي جدا مهم بتحقيق الاهداف لكن ننتبه لشيء مهم الثقة بالنفس الزائدة قد تتحول الى غرور وتخسر صاحبها الكثير , مو كل العراقيين او العرب اشتغلوا وضلوا يشتغلون شغلات بسيطة في كثير منهم اصبح الهم البزنز الخاص بيهم لكن اغلبهم وممكن ان اجزم ان جميعهم لم يبدوا مشاريعهم عن خبرة اوطانهم القديمة ولم يبدئوا مشاريعهم باول يوم وصولهم بالعكس اغلبهم بدأ مشاريعه بعد وصوله بسنتين او اكثر لان هذه الفترة هي فترة دراسة للمجتمع الذي يختلف عنا اجتماعيا واقتصاديا وسياسيا , وبما ان حضرتك منطيتني الاختصاص الي مبدع بيه صديقك العزيز او حضرتك لهذا راح انطي امثلة معينة , في كثير من العرب وللاسف القليل من العراقين لديهم مشاريع خاصة بهم وفي منهم ناس اصبحوا من اصحاب المليارات كمثال في منطقتنا فورت ورث اكو شخص عراقي من غرب العراق وصل امريكا سنة 1958 هو واخوته وكان متمكن ماديا الى حد ما اشتغل هو واخوته باشياء بسيطة الى ان اخترعوا مكينة عد العملة المعدنية الي ممكن الي في امريكا يعرفوها وبعدها طكوا بصورة غير طبيعية الان هو يملك موول الي ساكن بفورت وورث يعرفة اسمه نورث ايست مول وعنده مزارع في هيوستن واملاك كثيرة هو الرجل توفه قبل 3 سنين واولاده هما حاليا يشتغلون بالبزنس مال ابوهم والرجل هذا زار العراق فقد بال ستينات ومرجع بعدها لاهو ولا اولاده .. هذا مثال واقعي موجود على مستوى عالي , بالنسبة للعمل الحر هنا يعتمد عن ماذا ترغب ان تفعل , يعني مثلا اكو شخص يفهم بالسيارات والبيع والشراء ممكن ان يفتح معرض صغير وشوية شوية يصبح صاحب معارض وهنا الكثيرين من العرب اصحاب معارض ضخمة حتى قسم منهم لديه وكالات لشركات عالمية لكن بدوا حياتهم بامريكا عمال يشتغلون بمعرض سيارات الى ان تعلموا وعرفوا هذا البلد شلون ماشي وهاي التجارةو شنو وضعها هنا وبعد ان جمعوا معلومات وخبرة بدوا مشاريعهم , نفس الشي صديق الي اشتغر عامل يم بنجرجي لاكثر من سنتين فقد كي يتعلم كيفية ادارة هذا البزنز والي بعدها يكدر يفتح بزنسه الخاص , نفس الشي لكثيرين من العرب الي يملكون محلات عربية ضخمة وسوبرماركتات اذا تسئلة شلون بديت راح يكلك بده عامل بسوبر ماركت , ويمكن اغلبكم يعرف المصري صاحب ارقى سلسة فنادق باوربا بدا ككرصون بمطعم باحد الفنادق وبعد 12 سنة اصبح يملك الفندق ويملك سلسلة فنادق كبيرة , هنا نجي للزبدة الطموح والثقة بالنفس مهمة جدا لكن لازم وياها صبر وعدم تهور وخبرة بالمجتمع الجديد , وتركيز في مجال معين وهو المجال الي تريد ان تبدع فيه , اتمنى صديقي العزيز ان اكون قربت الصورة باجابتي واتمنى لحضرتك و لصديقك كل الموفقية وانشاء الله تكونون من انجح الناس .رغم ان كان الي رد على تعليقك في احد مواضيعي السابقة لكن للاسف حذف الموضوع , حبيت ان اوضح بيه ان ابو قمر عمره منقل مواضيع واذا كانت بعض المواضيع مقدمت فائدة لشخصكم الكريم فهي بنفس الوقت فادت اشخاص غيركم , انا اكتب للجميع للي ينتظر سفر والي يسئل عن فيزة والي يسئل عن احوال امريكا والي يسئل عن العمل فاكيد مراح تكون مواضيعي تفيد بشكل جازم الجميع الفائدة راح تكون نسبية حسب حاجة القارىء للموضوع .. لكن مع هذا مو من حق اي انسان ان يصغر او يقلل من قيمة كتابات الاخرين او يشكك بمصداقيتها من باب احترام الاخر والي هو اساس الحياة هنا في امريكا ومن باب الوفاء لمن قدم المعلومات على طبق فليس من العدالة ان نهنىء الكاتب عندما نستفاد وان نقلل من شائنه او نشكك في كتاباته عندما لا نستفاد , هذه المعادلة لايمكن العمل بها في هذا المجتمع هو فقط نصيحة وعتب احباب ... تحياتي للجميع ولشخصكم الكريم ..أبو قمر
العزيز ابو قمربارك الله بيك على هذا الشرح الوافي والجميلدائما ما أحب أن أقراء مواضيعكتحياتي
بارك الله بيك اخي وصديقي العزيز ابو قمر الورد مواضيعك كلها مهمة وهذا الموضوع ايضا مهم جدا لانه يتعلق بمستقبل اللاجي الجديد من حيث العمل وبناء حياته الجديده طبعا انت كأنك تقرأ مافي نفسي بعني اذا صار نصيب وسافرت كان الول مارت احد اهتماماتي الرئيسيه لكون احد اقربائي يعمل فيه وسبحان الله وانت كتبت مثال على العمل واستشهدت بالول مارت شلون صدفه حلوه تسلم مره ثانيه وعاشت ايدك على هجي مواضيع مفيده ومهمه في نفس الوقت وبانتظار جديدك .....تحياتي
جهـــــــــــــــــــد أستثنائي وراقي يدل على الحس الانساني لحضرتك وشعورك العالي بمعانات الناس بارك الله فيك ....واني الحقيقة سويت كوبي بيست للموضوع ونقلته على الوورد لان فعلا مهم بالنسبة الي ولما اوصل الى امريكا ان شاء الله انفذه حرفيا ...بارك الله فيك مرة اخرى وعاشت اليد اللي كتبت وطبعت اخــــــــــــــــــــــوك ابـــــــــــــــــــو عمـــــــــــــــــــر .....قاهر الفرس المجوس
العزيز ابو قمر الوردة الله يوفقك ويحفظك من كل مكروه دعائي لك والى عائلتك الكريمة بالموفقيه لا استطيع ان اقول اكثر من هذا لان جميع مايمكن ان يقال هو قليل بحقك تقبل تحياتي ابو هاشم
ذهب صافي انت ابو قمر
ابو قمر الوردة وين اكو مثلك الله ايخليك ويحفظك ابهذا والوكت النصيحة ينطوها مقابل اجر وانت تنطيها مجانا او هذا ابميزان حسناتك الله يحفظك وايخليك النا ياربي
شكرا لك اخي الكريم وجزاك الله خير الجزاء .
بارك الله بيك اخي ابو قمر ويكثر من امثالك ياذهب صافي
Many thanks
اخي العزيز ابو قمر احب اشكرك على كل المواضيع اللي طرحتهة و تريد تفيد اخوتك اللي تبهذلوا بهالدنية الله يوفقك ويوكفلك ولد الحلال
عاشت ايدك اخي ابوقمر والله منك نستفاد اللهم يرزقك ويوفقك ويحميك من كل شر امين رب العالميناخوكابو هجران
اخي العزيز ابو قمر الوردكنت اتمنى لو اكو منك بكل ولاية واحد لكي ينير الطريق لأخوانه الجدد لأبدع العراقييون في امريكا بدلا ًمن التخبط وسماع تحليلات الناس الجهلاء،لا استطيع ان اقول سوى بارك الله بك بما تكتبه لتنير الطريق للقادمين الجدد ودعائي لك بالتوفيق وأن يجعل الله لك في كل خطوة سلامة ورزقا ً وفيرا ًعمكابو هنودةعمان
اخي ابو قمر انت رجل اكثر من رائع
الله يحفظك وينور طريقك
أبداااااااااااااااااااااع ... موضوع رائع ابو قمر الورد
احسنت اخويه ابو قمر الورده
والله ياخوية يا ابو قمر هسه مال اطيرلك لاميركا وابوسك من خدك على هذه المعلومات والانجاز القيم وبارك الله فيك لدعم اخوتك العراقيين من الداخل و الخارج ...احوك ابو ميثم أبو ميثم الورد هسه انت طير وخلي يطلعلك موعد سفر والبوسه شغلتها سهلة .. الله يوفقك يارب ويبارك بيك شكرا لكلماتك الطيبة وتحياتي لحضرتك ولاهلك الكرام ..أبو قمر
عاشت ايدك على هذا الموضوع المفيد بارك اللة بيك
اخويه العزيز ابو قمر اسمحلي اسالك سؤالواني اسفه اخذ من وقتكبالنسبه الي اني امراة وعندي بنتين وولدين2 منهم المفروض اذا سافرنه ان شاء الله يدرسون بالجامعاتو2 لسه زغار فشنو ممكن تجيني فرصة عمل واكدر اوفر لاولادي كل مصاريفهم ؟؟اني اداره واقتصاد بس الشهاده للاسف مموجوده عنديواضطريت اكول بالمقابله عندي سادس علمي لان مفكره ان شاء الله هناك اكملشكد متفائله اني اعذرني للاطاله اخي الكريم والف شكر الك ولسعة صدرك
ابني العزيز ابو الخير ابو الاحسان ابو قمرالورد الف الف رحمه لوالديك والف الف تحية اجلال واكبار للام التي انجبتك والله لم اكن مخطئه عندما جعلتك قدوة لاولادي الذين باشرو شق طريق حياتهم وبنجاح والحمد لله في بلاد الغربة ولم يكن سلاحهم سوى الاتكال على الله والجد والمثابرةحفظك الله وكثر من امثالكتحياتي ام عمار
السلام عليكم اخي العزيز ابو قمر الله يوفقك وبارك الله بيك تحياتي
نشكرك على هذه النصائح التفصيلية والمواقع الارشادية وهذا يعكس سمو اخلاقك وتفاني في خدمة الاخوة والاخوات لمن يرغب في ايجاد حياة كريمة مسالمة .
عاشت ايدك اخ ابو قمر العزيز على جهودك بلمنتدى واني اقدر كلمه كلمه انته تكولها ما تعادل الذهب يا اغلى من الذهبالله يحفضك ويحميك من كل شر
مقتبس من: تقوى الله في 21:26 15/10/2011 اخويه العزيز ابو قمر اسمحلي اسالك سؤالواني اسفه اخذ من وقتكبالنسبه الي اني امراة وعندي بنتين وولدين2 منهم المفروض اذا سافرنه ان شاء الله يدرسون بالجامعاتو2 لسه زغار فشنو ممكن تجيني فرصة عمل واكدر اوفر لاولادي كل مصاريفهم ؟؟اني اداره واقتصاد بس الشهاده للاسف مموجوده عنديواضطريت اكول بالمقابله عندي سادس علمي لان مفكره ان شاء الله هناك اكملشكد متفائله اني اعذرني للاطاله اخي الكريم والف شكر الك ولسعة صدرك اختنا الغالية تقوى الله الي دائما اتفائل بردودك و توقيعك الجميل .. شكرا لدعواتك الغالية ..اختي العزيزة بالنسبة لسؤالك ,فرصة العمل تختلف من مدينة الى مدينة ومن ولاية الى اخرى , بالنسبة لوضعك انت عندك اولاد ثنين الله يخليهم بعمر الجامعة طبعا اكيد ممكن يدرسون بالكلية او ما يسموها هنا كولج وياخذون كراند يعني ميحتاج يدفعون شي وبنفس الوقت المفروض يشتغلون حتى يساعدون في مصاريف البيت ومصاريفهم وعلى فكرة اغلب طلاب الكليات والجامعات في امريكا يعملون بارت تايم وقيم منهم فول تايم حتى يئمنون مصاريفهم , بالنسبة لحضرتك ممكن تقديم للعمل في الولمرت مبدئيا ممكن في حضانات اهليه ممكن اذا حبيتي تدرسين ممكن تاخذين شهادة تساعدك في العمل يعني ممكن تقديم للكلية على اساس انك عندك شهادة سادس وممكن تاخذين شهادة في اختصاص التمريض مثلا الي هنا يعتبر وظيفة ذهبية وممكن ايضا تختارين اي اختصاص يناسبك , المهم توصلون بالسلامة بالاول وبعدين تتعاونون وترتبون امورك وانشاء الله رب العالمين وياكم يسهل امركم ويرزقكم انشاء الله , وبالنسبة للمنظمة كلتيلهم شهادتك او لا مراح تفرق ولا تضر ولا تنفع .. تحياتي لحضرتك ولعائلتك الكريمة ..أبو قمر
والله يا اخويه الغالي ابو قمر منعرف شلون نجازيك على هيج موضوع وهيج معلومات بس اسأل الله سبحانه وتعالى ان يجازيك بكل الخير والاجر والثواب وان يوفقك ويحفظك وعاشت ايدك واشكرك جدا جدا على الموضوع تحياتي اخوك Eagle eyes
مقتبس من: ابو هاشم في 18:54 15/10/2011 العزيز ابو قمر الوردة الله يوفقك ويحفظك من كل مكروه دعائي لك والى عائلتك الكريمة بالموفقيه لا استطيع ان اقول اكثر من هذا لان جميع مايمكن ان يقال هو قليل بحقك تقبل تحياتي ابو هاشم تسلملي عواتك يا غالي .. كالعادة تعليقاتك من اول التعليقات واجملها ... يكفيني الدعاء اهم من اي كلمات .. صدكني هنا تحتاج دائما لعلاقة طيبة مع رب العالمين فهو الوحيد الي معك وهو الي يسهل امرك او يئخر رزقك وكلما ساعدت غيرك رب العالمين راح يساعدك هو كل الي اني فيه من خير هو من الله سبحانه وتعالة ودعوات الطيبين ..تحياتي أبو قمر
عزيزي صاحب الموضوع ابو قمر كلامك على عيني وراسي وهو صحيح ولاباس ماتقوله ولكن لنرى الواقع عن قرب وكثب اكثر وعندما نفعل ذلك نرى ان ما تقوله لاينطبق الا على حالات قليلة واماكن معينة في الولايات المتحدة فالزمن يتغير وطبعا تعرف الديمومة هي فقط لله عز وجلاخي العزيز ان العالم يمر بازمة مالية واقتصادية لم يشهد لها مثيل منذ بدايات القرن المنصرم ومن ظمنها مركز الازمة اميريكا فاميريكا اليوم هي ليست قبل عشر سنوات على الاقل وبات الحصول على عمل وخاصة في اماكن قريبة من السكن هو اصعب بكثير من الماضي ثم ياعزيزي لاتنسى ان الامريكي انسان حاله حال اي انسان في الدنيا من لحم ودم وعلى الرغم من كل مايقال عن عدم وجود علاقات انسانية قوية بين الامريكان واقاربهم فهذ الكلام ليس صحيح كله نرى اليوم مايسمى الواسطة تلعب دورا قويا فمثلا اصحاب ومدراء الشركات والستورات تكون لديهم اولوية تعين اقاربهم ولنقل اصدقائهم ايضا وهذا واقع وان العاملين من الغير الامريكان فذلك له معارف داخل الستور او الشركة نفسها فنراه يعمل فيها كيف لاتعرف؟ نحن انفسنا قدمنا الكثير الكثير من الابليكيشنات ولا نتيجة تذكر واجرينا مقابلات ووقعنا على اوراق ايضا ولا نتيجة تذكر طبعا تبقى فقط الاعمال الشاقة والبعيدة عن السكن ربما هي تكون من نصيب اللذي يقدم عليها انا لا اريد ان اكون متشائما وبالمناسبة انا لا اتحدث عن كل الولايات كلها بل عن كاليفورنيا فهاذا هو واقع الحال فيها اما عن بقية الولايات فلا اعرف عنها شيئا
شكراً لك كثيراً ابو قمر الورد شكراً جزيلاً ورَحمَ الله والديك وجزاك الله الف خير على الموضوع الجداً جميل . شكراً شكراً شكراًالحمد لله
حياكم الله عمي الغالي ابو قمر وشكرا جزيلا لمواضيعك الراقيه والهادفه والمفيدة لنا نحن منتظري السفر وان شاء الله المزيد من الابداع والتألق ومنفعة اولادك وبناتك واخوانك وجميع اعضاء عنكاوه المحترمينأبنكم المهندس المدني حيدر الربيعي
ابو قمر بالعباس انت بخيت البارحة قدمت على الولمارت للمرة الخامسة خلال سنتين و قدمت بعد ان قريت موضوعك و من سويت سبمت للابلكيشن كلت يا بخت ابو قمر و الله العظيم اليوم خابروني على مقابلة هالاسبوع عمي الف رحمة على والديك ..بس صدك وكف عقلي يعني صارلي سنتين قدمت على الاف الشغلات محد خابرني من كلت يا بخت ابو قمر خابروني سبحان الله ..عمي راح اجيك من كنساس ستي لفورت وورث و احني بيتك اذا اشتغلت بالولمارت..تحياتي يا وردة و نريدك توكفلنه من اقدم على شغل IT باختصاصياخوك سنوبي المجنص بصاية ابو قمر
يعني انتا اتريد اتفهم العالم بأنو امريكا هيا الجنة وبأنا امريكا هيا مكتب عمل شي عجيب طبعآ لا! هما الامريكان كاعدين وساكتين ودنسمع من الاخبار اليومية ودتسمع انتا همين انو الكل اجواعا ومتشريدين وغنيهم ياكل الضعيف يعني هاي الاخبار العالمية اتكذب كلهة ونتا بس الصادك موديكولون انام على الارصفا وعايشين على الاكل الي يجي من الحكومة يعني اتريد تقنع العالم بأنك عايش ملك ايباه شي عجيب وغريب اخويا هوا الي يطلع من دارا ينرفع لويتقل مقدارا شي ثاني ماكو شي من دون ثمن وذا يجون عليك او على غيرك علمود شغل فهوا لسبب بصيط بس انو انتا وغيرك لاجئ يعني تشتغل كلشي وبأي ثمن دتفتهم يعني يستغلوك لأن هوا الامريكي الاصلي ميرضا بأجورهم اليوميا فطبعآ يجوك ويجون الغيرك على شغل هذا كلامي من الاخبار العالمية ومابيه اي كذب او تجاوز تحياتي وياريت الكل ايكونون صادقين معا نفسهم اولآ حتا يصدقون ويا العالم الي يحجي الصدك طاكيتا مزروفا
مقتبس من: إيفانوف في 09:37 18/10/2011 يعني انتا اتريد اتفهم العالم بأنو امريكا هيا الجنة وبأنا امريكا هيا مكتب عمل شي عجيب طبعآ لا! هما الامريكان كاعدين وساكتين ودنسمع من الاخبار اليومية ودتسمع انتا همين انو الكل اجواعا ومتشريدين وغنيهم ياكل الضعيف يعني هاي الاخبار العالمية اتكذب كلهة ونتا بس الصادك موديكولون انام على الارصفا وعايشين على الاكل الي يجي من الحكومة يعني اتريد تقنع العالم بأنك عايش ملك ايباه شي عجيب وغريب اخويا هوا الي يطلع من دارا ينرفع لويتقل مقدارا شي ثاني ماكو شي من دون ثمن وذا يجون عليك او على غيرك علمود شغل فهوا لسبب بصيط بس انو انتا وغيرك لاجئ يعني تشتغل كلشي وبأي ثمن دتفتهم يعني يستغلوك لأن هوا الامريكي الاصلي ميرضا بأجورهم اليوميا فطبعآ يجوك ويجون الغيرك على شغل هذا كلامي من الاخبار العالمية ومابيه اي كذب او تجاوز تحياتي وياريت الكل ايكونون صادقين معا نفسهم اولآ حتا يصدقون ويا العالم الي يحجي الصدك طاكيتا مزروفا أستاذي العزيز .. سؤال : حضرتك بامريكا ؟؟؟ اني صارلي 3 سنين تقريبا في امريكا وبالمنتدى اكثر من 20 عضو بعرفني شخصيا وحوالي 5 اعضاء يعرفوني وداخلين لبيتي , واني صارلي 3 سنين اكتب بهذا المنتدى ولهذا مستحيل ان اكتب كلمة مغلوطة او معلومة خاطئة ..حضرتك دتكلي اتشوف بالاخبار اكيد اخبار عربية وانت تعرف العداء الي بينا كعرب وبين الغرب , اني صارلي 3 سنين مشفت احد نايم على الرصيف مثل ماتفضلت حضرتك ولا كو ناس جوعانه وعلى فكرة هوايا اشخاص باالمنتدى يشتغلون وعايشين في امريكا يغني اني مو دا اتكلم عن المريخ .. صديقي لو تسئل نفسك سؤال ؟؟ اذا امريكا جوعانين ودينامون بالشارع ليش مازالوا الاقتصاد رقم 1 عالميا ودتحاول الصين تنافسهم ؟؟ ليش بعدهم لازمين العالم ؟؟ صديقي العزيز نعم امريكا تمر بازما اقتصاديا من سنة 2007 وكذلك اوربا دخلت بازمة اقتصادية لكن صديقي وطنا العربية عايش بازمة اقتصادية ازليه , ماكو اي مقارنة مابين اقتصاد امريكا واقتصاد اي دولة عربية عدى دول الخليج , ايضا ماكو اي مقارنة بين الناحية المعاشية للفرد الامريكي والناحية المعيشية للفرد العربي , الازمة الاقتصادية ضربت مؤسسات معينة واتضررت بها وظائف معينة لكن الشعب مازال ياكل ما يشتهي ويلبس ما يحب لكن من الصعب عليه الان شراء بيت او اخذ قرض بيت لان الشروط اصبحت اشد وايضا البعض منه مراح يكدر يشتري سيارة موديل 2011 لان احتمال ميكدر يدفع القسط , العامل البسيط الي انت دتكلم عنه سيارته موديله فوك الالفين ياكل احسن اكل من دون ميباوع للاسعار ويلبس احسن لبس وموبايله لازم يكون احدث موبايل وانترنت بالبيت وكيبل تلفزيون و الى اخره هذا الاسلوب الي يعيش بيه الشعب الامريكي المواطن هنا يشتري الي يريده ميفكر يضم جم فلس تلكاه عامل بسيط بس موفر لنفسه الي مموفره غني في بلدانا العربية لنفسه .. هذا واقع امريكا سابقا والان قبل الازمة وبعد الازمة , اكيد اقتصاديا الوضع يختلف قبل الازمة وبعد الازمة لكن معاشيا ماكو فرق كبير , اذكر وكالات الاعلام مالتك بشغلة وانت اسئل نفسك بيها , وكالات الاعلام مالتك تكول نسبة البطالة اتجاوزت التسعة بالمية وهذا كلام حقيقي مو كذب , لكن صديقي لو تنظر للموضوع بنضرة انسان حيادي عايش بمجتمع عربي نسبة البطالة بيه تتجاوز الاربعين بالمية , لكان عرفت ان اكو 91 بالمية مو بطالين يعني كل ميت شخص 91 منهم يشتغل او اله راتب تقاعدي او بزنس خاص و 9 منهم معدهم شغل واذا تكون حيادي اكثر وتقارن بين النسبة قبل الازمة وبعد الازمة راح تلكه الفرق 4 بالمية فقط يعني كل هاي الهوسة مال الوظايف لان اكو اربع اشخاص من بين ميه كانوا يشتغلون قبل الازمة وملاكيين شغل بعد الازمة طبعا دا احجي وياك بلغة الارقام , ومع هذا سيدي العزيز هاي الدولة الي انت متصور ان اكو ناس بيها تنام عالرصيف اذا فقدت عملك راح تدفعلك 75 بالمية من راتبك الى ان تجد عمل ثاني ولفترة توصل الى سنة وهذا قانون بكل ولايات امريكا , وازيدك من الشعر بيت كل راس سنة صاحب العائلة الي نايم بالشارع مثل متكول والي اشتغل كم شهر وبطل الدولة تدفعله مبلغ استرجاع التاكس الي ممكن يوصل الى 8000 دولار لعائلة من اربع نفرات هاي كل سنة , وهذا الي نايم بالشارع الدولة راح تنطيه كارت الفود ستامب الي يدفع لكل شخص بعائلته 200 دولار للاكل والمشروبات خلال شهر , وهذا النايم بالشارع الدولة موفرتله بيوت ممكن يقدم عليها ويسكن بيها من غير ميدفع ايجار وطبعا يدفعوله الكهرباء والمي / طبعا بيوت الدولة الهاوسنك تختلف بسرعة الحصول عليها من ولاية الى اخرى / , هذه حقوق المواطن الامريكي النايم بالشارع , طيب بالعقل بالله وخلي وكالات الاخبار تفكر وياك اذا الانسان اله كل هالحقوق ليش ينام بالشارع ؟؟؟ , عدد الي ينامون بالشارع في امريكا والي يسموهم الهوم ليس والي اغلبهم مدمنين مخدرات او كحول 363 شخص بكل الولايات وذولا ازمة مو ازمة هما اصلا مو صاحيين الهوم ليس مهنتهم صارت وهما ميقبلون يستقرون ولهذا الدولة توفرلهم بطانيات وفود ستامب حتى لا ينامون على الرصيف بجسمهم لين يبردون , صدكني هاي حقيقة , الكلام الي كتبته واقعي وعايشة اني وكثير اخوى في امريكا عايشيه والي يحس ان اني دا احجي غلط من الي في امريكا خلي يتفضل والي من بره امريكا مو من حقه يتكلم لان اهل مكة ادرى بشعابها ..انا اجيت بالازمة الاقتصادية وانا اشتغل وزوجتي تشتغل والحمد لله صار عدنا بيت اقساط وسيارة الي والها وحياتنا عايشيها برفاه مو رفاه بالمفهوم الامريكي لا رفاه بالمفهوم العربي , مو معناتها امريكا جنة اكو كثير اخوان اجوا بولايات اخرى ظلوا يبحثون عن عمل لاشهر طويلة فالموضوع يختلف من مدينة الى مدينة ومن ولاية الى اخرى لكن محد منهم نام بالشارع كلهم عايشين ومستورين , فقرة اكلك اياها قبل ما انهي ردي لحضرتك , الامريكان اغلبهم عمرهم ما يتكلمون باسلوبك , انت لاجىء اني امريكي احسن منك هذا كلام فاضي للاسف نفكر بيه احنا العرب , هنا انت متفرق شي عن الامريكي والقانون يحميك اذا اي واحد حجه وياك كلمة بيها عنصرية للون او طائفة او ديانة , واصلا الشعب ميفكر بهذا الاسلوب عايش على احترام الاخر لكونه انسان , ممكن الامريكي ميقبل يشتغل هذا شي عايد اله لكن مو يستنكف طلاب جامعات امريكية يعملون عمال تنظيف في مطاعم , مفهوم العيب والدونية هذا عدنا احنا بس للاسف , الكناس والمدير تقدير ومكانة واحترام واحد الفرق في المرتب فقط , اتمنى تكون وصلتك الفكرة من قلب الحدث وتعوف التلفزيونات العربية وبعض القنوات الي هي حاقدة على الغرب ليس لشيء فقط لانهم افضل من عدنا بجميع المقاييس من نظام دولة الى قانون وتطبيق قانون الى احترام الانسان وانعدام العنصرية الي مستفحلة بوطنا العربي ..تحياتي أبو قمر
عزيزي ابو قمر كلامك صحيح 100% وانا اشهد بذلك كوني كنت عايشه في امريكا اكثر من ثلاث سنوات قبل الازمه وزرتها عدة مرات بعد الازمه ولم الاحظ اي فرق بين الماض والحاظر بل العكس فقد وجدتها فاقت دول العالم بالتطور التكنولوجي والعلمي والاجتماعيتحياتي واحترامي ام عمار
عاشت ايدك عالرد هذه والله عمي انته عالراس تسلمنا اخونا العزيز ابو قمر الورد والله لا يحرمنا من كتاباتكتحياتي
ابو قمر اخويه عاشت ايدك على الموضوع بس اذا تسمحلي احب اكول لليريد يملي ابلكيشن باي موقع وبيه اسالة كثير عن الشخص الي يقدم احب اكوله لا يملي الابلكيشن وحده خلي يروح لمنظمته الي متكفلته ويطلب من احد الموضفين ان يساعده في ملاء الابلكيشنوهذا الشي عن تجربه وايضا وضحونياه الامريكان نفسهم بالمدارس بان الاساله هاي الها جواب محدد يردو من المقدم ومايردون الجواب الصادق او الخاص بالشخص المقدم تقبل مروري
عاشت ايدك اخي ابو قمر على الموضوع الرائع والمفيد بكل تفاصيلهبس حبيت اسالك سؤال شنو هي الاختصاصات اللي ممكن تعمل بيها بالوولمارت؟وهل ممكن تطور نفسك بسهولة في هذا المكان يعني اكو ترقيات لو تبقى نفس عملك؟شكرا مرة ثانية والله يديمك للمنتدى تحياتي[/color]
السلام عليكم مشكووورررررررررر اخي ابو فمر على الموضوع المفيد والذي يدل على حرصك لتقديم اجمل الخدمات واعتقد انك نوع من الناس الذي يسعد بتقديم الخدمات للناس ويمكن انته من برج العذارء الله او اعلم بس اريد اعرف شي بالنسبة الى المظاهرات التي تحدث الان في امريكا من wall street وتمتد الى اتجاهات ومدن مختلفة ما والتي سببها ضعف ما اراح اكول ضعف الاقتصاد بس حسب ما ديكلون سيطرة بعض الناس على الاموال وكذلك الباطلة سؤالي هل تعتعقد انه يمكن ان تؤثر هذه المظاهرات بشكل ايجابي على توفير فرص عمل اكثر وزيادة فرص اصلاح الاقنصاد الامريكي ام الامر مجرد زوبعة في فنجان وشكرا وتحياتي لك والى العائلة الكريمة اخوك جيفارا نت
حبيبي ابو قمر بارك الله بيك على المجهود وتعبك والله يجايزيك بالاحسان ويبارك بيك وفقط اضف معلومه جدا بسيطه انه الشخص ممكن ان يختار بالاختيارات العمل في walmart او Sam's Club لانهم نفس الشركه زين اكو موع نتراسل بي وهاي مال محل بالشورجه وبيتهم بالمنصور خو مو عليه؟ تحياتي وتمنياتي لك بالتوفيق
السلام عليكم حبيبي ابو قمر والله يا اخي انته وردة والكلام قليل بحقك ماكول غير الله يوفقك ويسهل امورك يارب , فد سؤال زغير انا بالنسبة الي انكليزتي ضعيفة بس الحمد لله يعني امدبر اموري اجيبها منا واحطها منا ومدبر اموري جنت اشتغل بالمحلات ويا العرب واستلم كاش لان انا على الفود ستام والكاش وماكدرت اشتغل بشيكات حتى لايقطعون عني المساعدات لان انا عندي عائلة واذا اشتغلت شيكات معناها منها وأليها ويجوز مايكفي لسد المعيشة وهسه حاليا كاعد بلا عمل صارلي شهرين وضجت كلش وحبطت معنوياتي والمحلات صار الشغل بيها ضعيف كلمن عنده واحد وما اعرف وين اروح اخر شي قررت اشتغل شيكات والله كريم بس مشكلتي اللغة والشهادة وتعرف انته هنا مايقبلون اذا ماعندك لغة قوية انا خايف بالمقابلات من يسألوني عشرة اجاوب وعشرة ماجاواب , هسه اني جاي احاول ادور شغلة سايق درايفر بشركات او اي مكان وقبل يومين اجاني واحد كال ليش ماتشتغل بالمطار حاول تروح تسحب استمارة وتمليها وتشتغل يخلوك على نقل جنط او امور ثانية وهذا الولد الي كالي بعد ماشفته التقيت بيه مرة وفص ملح وذاب طبعا هوه يشتغل بالمطار فهسه اني اريد اسألك شلون اقدم على شغل بالمطار او شغل سايق باي مكان اخر , ياريت تفيدني الله يوفقك ويسهل عليك لان اخوك ماعنده لغة قوية بالمقابلات والي ماعنده لغة مثل الاطرش بالزفة ياخوية شلون بيه طبعا اني احجي مو ما احجي كلش ولا طكه وافهم ويفهموني بس تقريبا هواي جمل ما افهمها , اتمنى اشوف ردك الي هنا او برساله على الخاص ,, ياغالي طبعا هذا غير سؤال زغير ههههههه اسف على الاطالة واشكرك جدا على جهودك المبذولة لاخوانك العراقيين ان شاء الله ربي يجعلها في ميزان حسناتك .. اخوك نسيم من مدينة روشستر نيويورك
حياك الله اخونا العزيز ابوقمر على الجهود التي تبذلها لافادة اخوانك العراقيينوياريت تكمل الموضوع من الفقرة اللي اتوقفت عندها وتشرحلنا شوية عن اخر فقرة اللي ما كتبت عنها ((( طبعا هنا المفروض بعد هذه الصفحة راح تظهرلنا صفحات نختار بيها اختصاصات العمل الي ممكن نشتغله طبعا اني اشج عان تختار جميع الاختصاصات ايضا))) ... لان انا ظهرت عندي فقرات عدة من قريتها ما اعرف لو انها تتطلب شهادة معينة او خبرة بمجال معين فياريت توضحلنا هل نقطة ... مع امتناني واحترامي لحظرتك .
حياك الله اخيانا ما وصلت للفقرات اللي تكلمت عنها حظرتك الان لان اتوقفت عند الفقرة اللي ذكرتها بردي السابقاللي هو هل الشغلات المدرجة بالقائمة اللي ينطوك اياها ولازم تحدد اي منهم تريد هل تتطلب شهادة او خبرة سابقة ام لا؟وشكرا الك مرة ثانية على ردك السريع .. دمت وسلمت .
مقتبس من: alarmania في 16:58 29/04/2012 حياك الله اخيانا ما وصلت للفقرات اللي تكلمت عنها حظرتك الان لان اتوقفت عند الفقرة اللي ذكرتها بردي السابقاللي هو هل الشغلات المدرجة بالقائمة اللي ينطوك اياها ولازم تحدد اي منهم تريد هل تتطلب شهادة او خبرة سابقة ام لا؟وشكرا الك مرة ثانية على ردك السريع .. دمت وسلمت .اختي المحترمة ... بالنسبة لسؤالك : اختي كل الوظائف الخاصة بموظفين الاورلي من تاشيرين عليهم ميحتاج اي شهادة ولا تحتاج خبرة .. بس الافضل ان تكتب خبرات سابقة وهذه تجي بصفحة اخرى قريبة للاختصاص الي مقدم عليه حتى تساعد اكثر في قبول طلبك ... لكن بصفحة اختيار البوزشن مراح يكون هناك اي طلب لشهادة او خبرة ...تحياتي أبو قمر
المحرر
موضوع: موضوع مهم للجميع .. ماكو شغل بامريكا لتتورط .. الولمرت الجزء الاول (زيارة 92489 مرات)
