المحرر موضوع: للأهمية .. تصحيح للمعلومات الغير دقيقة لسؤال : شكد اكدر اسافر خارج امريكا بالكرين كارت  (زيارة 19202 مرات)

0 الأعضاء و 1 ضيف يشاهدون هذا الموضوع.

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
صباح الخيرات ,
سؤال دائما يسئل بالمنتدى ودائما لايجد اجابات دقيقة , والي حصل ان البارحة سئلت عن نفس السؤال والشخص الي سئلني عنده معلومات خاطئة للاسف , هذا السؤال دائما يسئل من الي في امريكا ومن الي يريد يجي لامريكا , والي هو اذا عندي كرين كارت شكد اكدر اسافر خارج امريكا بدون متسقط الاقامة مالتي , طبعا المتعارف عليه الكل يكلك ست اشهر واكو يكل لا سنة وصار التباس بين المدتين رغم الفرق القانوني بيناتهم فالست اشهر الها علاقة بقانون التجنيس  فقط ,
وهنا راح اوضح الفترات الي ممكن تسافر بيها واجراءاتها القانونية , قبل هذا راح اوضح الالتباس الي ديصير بين ال 6 اشهر والسنة :
طبعا قانونا يمكنك السفر متى ما تشاء اذا كنت حامل كرين كارت خارج امريكا والبقاء لمدة لا تتجاوز السنة بدون اي وثائق اضافية غير جوازك والكرين كارت وهذا راح نشرحه بالموضوع لاحقا , زين شنو ال 6 اشهر , ال6 اشهر المشهورة بين الجميع تعني اني غيابك لفترة اقل من ست اشهر مراح تأثر على الخمس سنوات الخاصة بفترة التجنس  , اما اذا غبت اكثر من ست اشهر راح تكسر ال5 سنين وترجع تعد من جديد  وبهاي الحالة راح ينطلب منك تعبي استمارة اخرى اسمها N-470  عند التقديم للجنسية وهذا موضوع اخر ولهذا المفضل ان لا تبقى خارج امريكا اكثر من 6 اشهر لاغراض التجنس..

السؤال اذا كنت ترغب بالسفر لمدة اقل من سنة خارج الولايات المتحدة فانت لا تحتاج لاي وثيقة , لكن اكيد راح يكون هناك استفسار من ضابط المطار وهذا شي عادي , وهنا لازم انت تتاكد ان خلال فترة هذه السنة مرتب كل امورك في امريكا من امور العمل امور البريد والبيلات والتاكس ريترن مال السنة الي انت غايب بيها حتى تاكد للضابط بانك مو جاي لامريكا لغرض الحفاظ على الكرين كارت  ... وهنا الجواب من موقع USCIS الرسمي :

Does travel outside the United States affect my permanent resident status?
Permanent residents are free to travel outside the United States, and temporary or brief travel usually does not affect your permanent resident status. If it is determined, however, that you did not intend to make the United States your permanent home, you will be found to have abandoned your permanent resident status.  A general guide used is whether you have been absent from the United States for more than a year. Abandonment may be found to occur in trips of less than a year where it is believed you did not intend to make the United States your permanent residence.  While brief trips abroad generally are not problematic, the officer may consider criteria such as whether your intention was to visit abroad only temporarily, whether you maintained U.S. family and community ties, maintained U.S employment, filed U.S. income taxes as a resident, or otherwise established your intention to return to the United States as your permanent home. Other factors that may be considered include whether you maintained a U.S. mailing address, kept U.S. bank accounts and a valid U.S. driver’s license, own property or run a business in the United States, or any other evidence that supports the temporary nature of your absence.

اما اذا كنت حاب تسافر خارج امريكا لاكثر من سنة واقل من سنتين هنا راح تحتاج لشيء اسمه reentry permit on Form I-131 والي راح تساعدك بالدخول الى امريكا اذا غبت لفترة بين سنة وسنتين : طبعا هو نفس الفورم مالت الترفل دكيومنت وهنا الرابط للفورم وشلون تعبيه وشرح بالتفصيل

http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=b11747a55773d010VgnVCM10000048f3d6a1RCRD&vgnextchannel=db029c7755cb9010VgnVCM10000045f3d6a1RCRD


What if my trip abroad will last longer than 1 year?
If you plan on being absent from the United States for longer than a year, it is advisable to first apply for a reentry permit on Form I-131. Obtaining a reentry permit prior to leaving the United States allows a permanent or conditional permanent resident to apply for admission into the United States during the permit’s validity without the need to obtain a returning resident visa from a U.S. Embassy or Consulate abroad.  Please note that it does not guarantee entry into the United States upon your return as you must first be determined to be admissible; however, it will assist you in establishing your intention to permanently reside in the United States.  For more information, see the “Travel Documents” link to the left under “Green Card Processes & Procedures.”

اما اذا حبيت تبقى لفترة اتجاوزت السنتين هنا اكيد ال reentry permit مالتك صارت اكسباير بهاي الحالة تروح للسفارة الامريكيى في البلد الي انت بيه وتقدم على فيزه returning resident visa SB-1 طبعا الموضوع راح يكون مشابه للتقديم كلاجء :

If you remain outside of the United States for more than 2 years, any reentry permit granted before your departure from the United States will have expired. In this case, it is advisable to consider applying for a returning resident visa (SB-1) at the nearest U.S. Embassy or Consulate. An SB-1 applicant will be required to establish eligibility for an immigrant visa and will need a medical exam.  There is an exception to this process for the spouse or child of either a member of the U.S. Armed Forces or civilian employee of the U.S. Government stationed abroad on official orders.  For more information on obtaining a returning resident visa, see the Department of State’s webpage on returning resident visas at www.travel.state.gov.  This information is listed under its Visa section for immigrants.

تحياتي للجميع ويارب يكون الموضوع افاد الجميع لأن عدد لا قليل يسئل عن هذا الموضوع ..

هنا رابط موضوع مهم  نزلته يتعلق بتأثير السفر خارج امريكا على الحنسية حسب فترات الغياب :

http://www.ankawa.com/forum/index.php?topic=549480.0

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا



غير متصل ام الهنا

  • مبدع قسم الهجرة
  • عضو مميز جدا
  • *
  • مشاركة: 2306
    • مشاهدة الملف الشخصي

 شكرا اخي ابو قمر حقيقة نحن بحاجة لهذا التوضيح .
الله يبارك فيك وييسر امورك ، تحياتي لك .

ام الهنا
( كَلَّا إِنَّ مَعِيَ رَبِّي سَيَهْدِينِ )

غير متصل lyoo

  • عضو فعال جدا
  • ***
  • مشاركة: 983
  • ضاقت فلما استحكمت حلقاتهافرجت وكنت أظنها لا تفرج
    • مشاهدة الملف الشخصي
الف شكر ابو قمر الورده على هذا الموضوع
فعلا موضوع جدا مهم وغايه الاهميه لكل شخص راح يجي لاامريكا او موجود بامريكا
نورتنا بطلتك الحلوة ياقمر [
لا اله الا الله.. محمد رسول الله
سبحان الله وبحمده .. سبحان الله العظيم
سبحان الله .. والحمد لله.. ولا  اله الا الله.. واالله كبر 
اللهم لك الحمد كما ينبغي لجلال وجهك ولعظيم سلطانك .

غير متصل الوتار

  • عضو فعال جدا
  • ***
  • مشاركة: 449
  • الجنس: ذكر
  • Dear son I'm getting you out of here soon
    • مشاهدة الملف الشخصي
ابو قمر انت ابداع متواصل...ربي يحفظك ياااااارب


قال أمير المؤمنين علي (ع)..." الْغِنَى فِي الْغُرْبَةِ وَطَنٌ، وَالْفَقْرُ فِي الْوَطَنِ غُرْبَةٌ"

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني

 شكرا اخي ابو قمر حقيقة نحن بحاجة لهذا التوضيح .
الله يبارك فيك وييسر امورك ، تحياتي لك .

ام الهنا


اختي العزيزة شكرا لمرورك .. هذا الموضوع الكثير من الناس تسئل عليه حتى قيم منهم قبل السفر يشئل عنه , واني ما قمت الا بواجبي لا اكثر ولا اقل ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل yasir fakhri

  • نجم منتدى الهجرة و اللاجئين
  • عضو مميز جدا
  • *
  • مشاركة: 3236
  • الجنس: ذكر
  • تجني المرؤات على أهلها أضعاف ماتجني الجنايات
    • مشاهدة الملف الشخصي
شكرا للاخ الرائع ابو قمر دوما مواضيعك رائعة مثل اسمك انت فعلا نموذج حي للانسان الناجح والساعي الى مساعدة اخوته واخواته من ابناء جلدته ولم تكن معلوماته يوما حكرا عى احد دون الاخرين

وبصراحة ملكيت او سمعت بعراقي عايش باميركا يستقبل او يحب يساعد باقي العراقيين.. يعني من النادر جدا ان تلكه احد يحب يساعد ولو بنصيحة ويستقبل الناس ولو بابتسامة ومرات من يسمع بيك عراقي ينقلب حاله 360 درجة!! للاسف اقولها وبصراحة شفت المساعدة والتأخي عند اخوانه الاكراد وبصورة لاتصدق حيث في حال ان سمعوا بكردي وصل حديثا الى منطقة قريبة منهم لاتعرف من اين تاتي الناس لتستقبله وترحب به وكلشي توقعت اشوف باميركا بس ماتوقعت هذا حال العراقيين واكتفي بذلك.
شكرا للاخ ابو قمر مرة ثانية وياريت ينطيني رابط موضوع الحساب البنكي لاول مرة وبناء الكردت كارد.
اخوكم ياسر
بسم الله الرحمن الرحيم ((وَمَنْ خَفَّتْ مَوَازِينُهُ فَأُولَٰئِكَ الَّذِينَ خَسِرُوا أَنْفُسَهُمْ فِي جَهَنَّمَ خَالِدُونَ)) صدق الله العلي العظيم
 المؤمنون103

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
الف شكر ابو قمر الورده على هذا الموضوع
فعلا موضوع جدا مهم وغايه الاهميه لكل شخص راح يجي لاامريكا او موجود بامريكا
نورتنا بطلتك الحلوة ياقمر [

صديقي العزيز شكرا لمرورك ويارب يبارك بيك ويعجل بسفرك ... شكرا لكلماتك الطيبة ...

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل SARA CALIFORNIA

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
اخي الغالي ابو قمر تحية,
اتفق معك في كل اللي ذكرته بخصوص السفر خارج الولايات المتحدة الامريكية سواء لمدة 6 اشهر او سنة الا يوم
بس اكو شغلة اريد اذكرها هنا بعد اذنك
اني راسلت السفارة الامريكية بهذا الخصوص لان اني عندي شغلة بعمان و مضطرة ابقى الى اجل غير معلوم
و كان جواب السفارة كالاتي:
Please note that if the legal permanent resident stay outside the United States for more than a year, he/ she will lost the status as a legal permanent resident, and sometimes the officers at the port of entry will confiscate the
green card since the legal permanent resident has been outside U.S for six months
معناها الموضوع مو مسالة وقت و انما موضوع تقدير الضابط لظروف و اسباب الخروج من الولايات المتحدة الامريكية
و البارحة الاخت اسراء طرحت سوال بخصوص ذهابها للعراق و بقائها لمدة سنة,هذا ايضا موضوع يستحق النقاش و توضيح العديد من الامور التي تخص دخول طالب اللاجئ لبلده الاصلي اللذي ادعى انه تهدد فيه
Refugee means I have fear of persecution if go back my country. If you go back to your country it simply prove that you have no fear of persecution so your refugee status can be abolished.

تحياتي الك و شكرا على موضوعك المفيد

غير متصل $$$$$

  • عضو فعال جدا
  • ***
  • مشاركة: 325
    • مشاهدة الملف الشخصي
اخواني الزاء موضوعكم جدا راقي وجميل واني جنت دا افكر بي ليل ونهار ودا ادور على هذا الموضوع ومخليت مكان مسالت بي بس حبيت اضيف شي واحد واتمنى اخويه ابو قمر يساعدنه اذا عنده معلومه انه ال re entry permission يحتاجله وقت حتى يطلع اني قريت بقسم من المواقع يكولون 3 اشهر وقسم ثاني يكولون يطول بين 8 الى 16 شهر ويكلف طبعا كل شخص اعتقد 455 دولار والشغله الثانيه اذا واحد اول مايوصل ويحصل الكرين كارد وره شهر بالنسبه لل siv يكدر يقدم على الفورم I- 131 لو ميصير الا يكون قاضي مده معينه؟؟؟ تحياتي الكم

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اخي الغالي ابو قمر تحية,
اتفق معك في كل اللي ذكرته بخصوص السفر خارج الولايات المتحدة الامريكية سواء لمدة 6 اشهر او سنة الا يوم
بس اكو شغلة اريد اذكرها هنا بعد اذنك
اني راسلت السفارة الامريكية بهذا الخصوص لان اني عندي شغلة بعمان و مضطرة ابقى الى اجل غير معلوم
و كان جواب السفارة كالاتي:
Please note that if the legal permanent resident stay outside the United States for more than a year, he/ she will lost the status as a legal permanent resident, and sometimes the officers at the port of entry will confiscate the
green card since the legal permanent resident has been outside U.S for six months
معناها الموضوع مو مسالة وقت و انما موضوع تقدير الضابط لظروف و اسباب الخروج من الولايات المتحدة الامريكية
و البارحة الاخت اسراء طرحت سوال بخصوص ذهابها للعراق و بقائها لمدة سنة,هذا ايضا موضوع يستحق النقاش و توضيح العديد من الامور التي تخص دخول طالب اللاجئ لبلده الاصلي اللذي ادعى انه تهدد فيه
Refugee means I have fear of persecution if go back my country. If you go back to your country it simply prove that you have no fear of persecution so your refugee status can be abolished.

تحياتي الك و شكرا على موضوعك المفيد

اختي العزيزة سارة .. طلعا اكيد كلامك منطقي ومفيد .. بس انا جبت المعلومات من موقع الوزارة وبالتفصيل وهذا النك ممكن تطلعين عليه .. اكثر من سنة لازم وهنا احط خطين تحت كلمة لازم يقدم استمارة رينتري اقل من سنة تعتمد على الضابط ...
http://www.uscis.gov/portal/site/uscis/menuitem.eb1d4c2a3e5b9ac89243c6a7543f6d1a/?vgnextoid=0c353a4107083210VgnVCM100000082ca60aRCRD&vgnextchannel=0c353a4107083210VgnVCM100000082ca60aRCRD
تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل amaar18

  • عضو فعال جدا
  • ***
  • مشاركة: 436
    • مشاهدة الملف الشخصي
كفيت وفيت ابو قمر بارك الله فيك وعلى مقامك

تحياتي
ام عمار

غير متصل beautiful angel

  • مبدع قسم الهجرة
  • عضو مميز
  • *
  • مشاركة: 1065
  • الجنس: أنثى
  • beautiful angel
    • ياهو مسنجر - beautiful+anjel
    • مشاهدة الملف الشخصي
مبدع يا ابو قمر في كل ما تقدمة من مواضيع ومعلومات قيمة شكرا يا قمر المنتدى

تحياتي
اختك سارة

غير متصل افرجها يا صاحب الفرج

  • عضو فعال جدا
  • ***
  • مشاركة: 98
    • مشاهدة الملف الشخصي
ال6 اشهر المشهورة بين الجميع تعني اني غيابك لفترة اقل من ست اشهر مراح تنخصم من فترة التجنس الي هي 5 سنين


مرحبا ابو قمر، بس ممكن توضحلي هاي الفقرة مال اقل من ست اشهر؟ يعني قصدك تنحسب من ضمن الخمس سنين؟ يعني انت موجود برة امريكا وتنحسبلك انت موجود؟

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
ال6 اشهر المشهورة بين الجميع تعني اني غيابك لفترة اقل من ست اشهر مراح تنخصم من فترة التجنس الي هي 5 سنين


مرحبا ابو قمر، بس ممكن توضحلي هاي الفقرة مال اقل من ست اشهر؟ يعني قصدك تنحسب من ضمن الخمس سنين؟ يعني انت موجود برة امريكا وتنحسبلك انت موجود؟
صديقي الي اقصده اذا بقيت خارج امريكا لفتره اكثر من ست اشهر راح تكون معرض لاعادة حساب ال5 سنين مالت الجنسية الي تسمى بال Continuous Residence , يعني مثلا اذا انت عندك اربع سنين وباقيلك سنة واشتاقيت لاهلك ورحت وطالت الكعدة لمدة سنة او اكثر طبعا بصورة رسمية ورقة الري انتري وياك من ترجع راح تخسر الاربع سنين وتبدي اتعد من جديد , اما اذا بقيت اكثر من ست اشهر واقل من سنة راح يطلب منك سبب مقنع تقنع بيه المحامي المسؤل عن التجنيس اذا مقتنع راح تعد من جديد اما اذا كنت جوا الست اشهر فانت بالسيفتي سايت ...
طبعا اذا كنت موظف للحكومة الامريكية خارج امريكا ممشمول بهذا الموضوع ..
وهذا النص من الموقع الرسمي
(b) Absence from the United States of more than six months but less than one year during the period for which continuous residence is required for admission to citizenship, immediately preceding the date of filing the application for naturalization, or during the period between the date of filing the application and the date of any hearing under section 336(a) , shall break the continuity of such residence, unless the applicant shall establish to the satisfaction of the Attorney General that he did not in fact abandon his residence in the United States during such period.

Absence from the United States for a continuous period of one year or more during the period for which continuous residence is required for admission to citizenship (whether preceding or subsequent to the filing of the application for naturalization) shall break the continuity of such residence except that in the case of a person who has been physically present and residing in the United States after being lawfully admitted for permanent residence for an uninterrupted period of at least one year and who thereafter, is employed by or under contract with the Government of the United States or an American institution of research recognized as such by the Attorney General, or is employed by an American firm or corporation engaged in whole or in part in the development of foreign trade and commerce of the United States, or a subsidiary thereof more than 50 per centum of whose stock is owned by an American firm or corporation, or is employed by a public international organization of which the United States is a member by treaty or statute and by which the alien was not employed until after being lawfully admitted for permanent residence, no period of absence from the United States shall break the continuity of residence if-

تحياتي
ابو قمر


ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
ابو قمر انت ابداع متواصل...ربي يحفظك ياااااارب

صديقي الوتار الله يبارك بيك اغاتي ... شكرا لكلماتك الطيبة ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل عبدون

  • عضو فعال جدا
  • ***
  • مشاركة: 313
    • مشاهدة الملف الشخصي
شكرا اخي ابو قمر المبدع على هذه المعلومة وخصوصا معلومة الستة اشهر وكان عدنا تصور خاطي عن علاقته بالجنسية
مزيدا من الابداع لانك تحمل التعامل الانساني الحق ...وانا كل مواضيعك احفظها في فولدر اسمه ابو قمر لانك بحد ذاتك دورة تثقيفية
ومن الله التوفيق
   اخوكم
عبدون عمان[/color
][/b]

غير متصل malak.ali

  • مبدع قسم الهجرة
  • عضو مميز جدا
  • *
  • مشاركة: 2657
  • الجنس: أنثى
  • سبحان الله والحمد لله
    • مشاهدة الملف الشخصي
فعلاً ابداع متواصل بدون مجامله

الله لا يحرمنا من ابداعك اخي الغالي


اللهــــم صـــلٍ عـلى محمــــــــــد وآل محمـــــــــد ....


يا آل بيــت رسـول الله حبكـم *** فرض من الله في القرآن أنزله
يكفيكم من عظيم الفخر أنكـم *** من لم يصـــل عليكم لا صلاة له

**************

إن كان رفضــاً حب آل محمـــدٍ .... فليــشهد الثقلان أني رافضـــــــــــــــــــ

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا للاخ الرائع ابو قمر دوما مواضيعك رائعة مثل اسمك انت فعلا نموذج حي للانسان الناجح والساعي الى مساعدة اخوته واخواته من ابناء جلدته ولم تكن معلوماته يوما حكرا عى احد دون الاخرين

وبصراحة ملكيت او سمعت بعراقي عايش باميركا يستقبل او يحب يساعد باقي العراقيين.. يعني من النادر جدا ان تلكه احد يحب يساعد ولو بنصيحة ويستقبل الناس ولو بابتسامة ومرات من يسمع بيك عراقي ينقلب حاله 360 درجة!! للاسف اقولها وبصراحة شفت المساعدة والتأخي عند اخوانه الاكراد وبصورة لاتصدق حيث في حال ان سمعوا بكردي وصل حديثا الى منطقة قريبة منهم لاتعرف من اين تاتي الناس لتستقبله وترحب به وكلشي توقعت اشوف باميركا بس ماتوقعت هذا حال العراقيين واكتفي بذلك.
شكرا للاخ ابو قمر مرة ثانية وياريت ينطيني رابط موضوع الحساب البنكي لاول مرة وبناء الكردت كارد.
اخوكم ياسر

الف شكر صديقي العزيز ... كلماتك وسام وتاج على راسي ... وصجكني متحتاج ان تكون كردي او عربي او مسلم او مسيحي او يهودي , المساعدة يجب ان تكون بين انسان واخر حتى نرتقي لمستوى الانسانية ... بعدين انت من الناس من راح تبدي تجمع معلومات اكيد راح تستمتع بمشاركتها مع اخوتك هنا بهذا المجمع الجميل ..
صديقي خليني ادورلك على المواضيع بالارشيف وراح ابعثلك النكات اكيد ...

تحياتي وشكرا لمرورك
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل برنسيسة

  • مبدع قسم الهجرة
  • عضو مميز جدا
  • *
  • مشاركة: 2586
  • الجنس: أنثى
    • مشاهدة الملف الشخصي
عاشت ايدك ابو قمر والله يوفقك ويسهل امرك على مواضيعك اللي دتنزلها واللي داتخدم كل الناس وتفيدهم
كلمات الشكر قليلة بحقك والله

غير متصل ZIAD-ABO ALHASAN

  • عضو فعال جدا
  • ***
  • مشاركة: 350
  • الجنس: ذكر
    • مشاهدة الملف الشخصي
    • البريد الالكتروني

بس اضافة للتوضيح من رخصة صاحب الموضوع المتألق دائماً و أبدا ابو قمر الوردة الغالي علينه

من حق اي شخص التقديم للحصول على الجنسية الامريكية بعد مرور 5 سنوات و يوم على تاريخ اول دخول  لأمريكا
و هذا التاريخ مثبت في الوايت كارت المسمى I-94 المسلم لكل لاجئ في اول مطار أمريكي ينزل فيه اللاجئ او المهاجر
الرسمي و يطلق عليه ( البورت أوف انتري ) . .
خلال هاي الخمس سنوات لازم يكون اللاجئ باقي مدة 30  شهر ( حته لو متقطعة ) داخل امريكا اي سنتين و نص .
اللاجئ اصلا راح من يوصل لأمريكا راح يبقه سنه متصلة الى ان يقدم عالكرين كرت ( طبعا باستثناء جماعة ال SIV ) ، يعني مثل الورد راح يحقق اللاجئ اكثر من نصف المدة القانونية للبقاء داخل امريكا و البالغة 30 شهر . يعني الزبدة اذا الواحد يبقه خارج امريكا اقل من 6 اشهر ماكو اي مشكلة بالموضوع .

وبعدين اذا نريد نقارن بين وضعه بداخل امريكا بانتظار الكرين كرت او بانتظار الجواز خللي الشخص يعتبر نفسه مسجون بأمريكا بدل ما يبقه محبوس ببيته بالعراق و يخاف يطلع
لا ينعلس ! ! و هيه شلون ما جان تخلص حته لو بالاه و الونه تره سنتين و نص مو هوايه قياسا بالهدف الأبعد و هو السفر خارج امريكا بجواز امريكي !
شلون فرق بين جواز الاي و جواز و جواز امريكا

عذرا للإطالة و شكرًا للجميع و بالأخص قمر المنتدى المنور ابو قمر

زياد
ابو الحسن
مينيسوتا
روشستر 
(( الفقر في الوطن غربة .... و الغنى في الغربة وطن ))

غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5916
    • مشاهدة الملف الشخصي
شكراا اخونة ابو قمر ودومك مبدع بمواضيعك القيمة وانشالله بميزان حسناتك ---زينب

غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5916
    • مشاهدة الملف الشخصي
ششششكراا للاخ زياد وانى هم سامعة بهيج شي على فكرة اخ زياد شونهاا روشستر؟

غير متصل alkorishe

  • عضو فعال جدا
  • ***
  • مشاركة: 338
  • الجنس: ذكر
    • مشاهدة الملف الشخصي
مشكور ابو قمر على التوضيح والله يوفقك لخدمة اخوانك الف شكر الك اخي العزيز



اخوك ابو محمد القريشي

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
عاشت ايدك ابو قمر الورد

تسلم عالمعلومات القيمة اللي كل فترة وفترة تنورنا بيها


الله يجعلها بميزان حسناتك يا مبدع ...... تحياتي

غير متصل ZIAD-ABO ALHASAN

  • عضو فعال جدا
  • ***
  • مشاركة: 350
  • الجنس: ذكر
    • مشاهدة الملف الشخصي
    • البريد الالكتروني

اختي ( الريم2000 ) . . روشستر / مينيسوتا تخبل بكل معنه الكلمة و بالمناسبة هيه مدينة عالمية مشهورة بالسياحة الطبية بسبب وجود مستشفى المايو كلينيك فيها يعني الواحد يشوف بيه اشكال  و ألوان العالم المتنوعة و هيه مناسبة لابو العائلة لانها مدينة أمينة و محافظة و هادئة و حاضر لأي سؤال و بالخدمة

و تحية لاخونه المبدع ابو قمر مرة ثانية


زياد
ابو الحسن
مينيسوتا
روشستر
(( الفقر في الوطن غربة .... و الغنى في الغربة وطن ))

غير متصل شموسه123

  • مبدع قسم الهجرة
  • عضو مميز جدا
  • *
  • مشاركة: 4307
    • مشاهدة الملف الشخصي
بارك الله بيك اخويه ابو قمر موضوع مهم جدا الله يوفقك يارب

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اخواني الزاء موضوعكم جدا راقي وجميل واني جنت دا افكر بي ليل ونهار ودا ادور على هذا الموضوع ومخليت مكان مسالت بي بس حبيت اضيف شي واحد واتمنى اخويه ابو قمر يساعدنه اذا عنده معلومه انه ال re entry permission يحتاجله وقت حتى يطلع اني قريت بقسم من المواقع يكولون 3 اشهر وقسم ثاني يكولون يطول بين 8 الى 16 شهر ويكلف طبعا كل شخص اعتقد 455 دولار والشغله الثانيه اذا واحد اول مايوصل ويحصل الكرين كارد وره شهر بالنسبه لل siv يكدر يقدم على الفورم I- 131 لو ميصير الا يكون قاضي مده معينه؟؟؟ تحياتي الكم

صديقي العزيز ..
بالنسبة لاسئلتك .. اي وقت تحمل بيه الكرين كارت تكون مؤهل لتعبية استمارت I-131 الخاصة بالري انتري , يعني اذا اخذت الكرين كارت اول شهر وهذا مو منطقي اكيد العملية اطول اكثر من شهر من حقك ان تقدم بنفس يوم استلامك للكرين كارت ..
المدة الي يطولها من شهرين الى 6 اشهر حسب الزخم والعطل الرسمية , اما اذا اتاخر اكثر من هذه المدة وهو شي جدا نادر معناتها التاخير يكون 90 بالمية منه بالبريد او ارسل الى بريد خاطء , ال10 بالمية الاخرى اذا كانوا طلبوا منك معلومات اضافية وانت منتبهت مثل كثير من العراقيين ميعرفون يقرون البريد يشمروه بالنفايات بدون تجييك ويبقى الملف بانتظار ردك وهاي صارت ويا كثير عراقيين اعرفهم شخصيا ... فانشاء الله متتاخر كثير ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
كفيت وفيت ابو قمر بارك الله فيك وعلى مقامك

تحياتي
ام عمار

والدتنا الغالية .. نعطر الموضوع بمرورك الكريم .. يارب يبارك بحضرتك ويعطيكي كل الصحة والعافية ... شكرا لمرورك

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني

بس اضافة للتوضيح من رخصة صاحب الموضوع المتألق دائماً و أبدا ابو قمر الوردة الغالي علينه

من حق اي شخص التقديم للحصول على الجنسية الامريكية بعد مرور 5 سنوات و يوم على تاريخ اول دخول  لأمريكا
و هذا التاريخ مثبت في الوايت كارت المسمى I-94 المسلم لكل لاجئ في اول مطار أمريكي ينزل فيه اللاجئ او المهاجر
الرسمي و يطلق عليه ( البورت أوف انتري ) . .
خلال هاي الخمس سنوات لازم يكون اللاجئ باقي مدة 30  شهر ( حته لو متقطعة ) داخل امريكا اي سنتين و نص .
اللاجئ اصلا راح من يوصل لأمريكا راح يبقه سنه متصلة الى ان يقدم عالكرين كرت ( طبعا باستثناء جماعة ال SIV ) ، يعني مثل الورد راح يحقق اللاجئ اكثر من نصف المدة القانونية للبقاء داخل امريكا و البالغة 30 شهر . يعني الزبدة اذا الواحد يبقه خارج امريكا اقل من 6 اشهر ماكو اي مشكلة بالموضوع .

وبعدين اذا نريد نقارن بين وضعه بداخل امريكا بانتظار الكرين كرت او بانتظار الجواز خللي الشخص يعتبر نفسه مسجون بأمريكا بدل ما يبقه محبوس ببيته بالعراق و يخاف يطلع
لا ينعلس ! ! و هيه شلون ما جان تخلص حته لو بالاه و الونه تره سنتين و نص مو هوايه قياسا بالهدف الأبعد و هو السفر خارج امريكا بجواز امريكي !
شلون فرق بين جواز الاي و جواز و جواز امريكا

عذرا للإطالة و شكرًا للجميع و بالأخص قمر المنتدى المنور ابو قمر

زياد
ابو الحسن
مينيسوتا
روشستر

شكرا يا ابو الحسن المبدع على مشاركتك القيمة انا ذكرت هاي التفاصيل بموضوع منفصل ياريت الجميع يقراه حتى الجميع يعرف راسه من رجليه , شكرا صديقي العزيز ..

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل بزوني

  • عضو
  • *
  • مشاركة: 8
    • مشاهدة الملف الشخصي
    • البريد الالكتروني
اخوية ابو قمر الورد اول شي عاشت ايدك
وثانيا اريد اسال فد شي انو شنو من تغيب 6 اشهر الا يومين مثلا وترجع تبقى مثلا خلي نكول 5 ايام وترد ترجع يصير هيجي ؟؟

لو لازم مجموع ماتغيبه بال 5 سنوات هو 6 اشهر فقط

لو تجي كل 6 اشهر تسوي تيييييي وتجدد الكرين كارت وترد ترجع وورا 5 سنوات تاخذ جواز ؟

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اخوية ابو قمر الورد اول شي عاشت ايدك
وثانيا اريد اسال فد شي انو شنو من تغيب 6 اشهر الا يومين مثلا وترجع تبقى مثلا خلي نكول 5 ايام وترد ترجع يصير هيجي ؟؟

لو لازم مجموع ماتغيبه بال 5 سنوات هو 6 اشهر فقط

لو تجي كل 6 اشهر تسوي تيييييي وتجدد الكرين كارت وترد ترجع وورا 5 سنوات تاخذ جواز ؟

صديقي شلون تجي كل ست اشهر 5 ايام وترجع وبعد 5 سنين تاخذ جنسية ؟؟؟ مو انت لازم تبقى 30 شهر في امريكا حتى تاخذ الجنسية ..
قانونا تكدر تسافر  اقل من ست اشهر بكيفك يمتى ما تشاء ومحد يسئلك .. لكن بالمقابل لازم يكون عندك 30 شهر تواجد في امريكا حتى تاخذ الجنسية يعني بكل الاحوال متكدر اتسافر اكثر سنتين ونص بالخمس سنين حتى تكدر تاخذ الكرين كارت ..
اتمنى الصورة وضحت صديقي العزيز ..
وهذا الرابط يوضح شروط الجنسية وهو تكملة لهذا الموضوع :

http://www.ankawa.com/forum/index.php/topic,549480.0.html

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل zaenab

  • عضو فعال جدا
  • ***
  • مشاركة: 87
    • مشاهدة الملف الشخصي
السلام عليكم ابو قمر مشكور ع الموضوع بارك الله بيك
اخي ممكن سؤال الكل يقول حتى تأخذ الجنسية لازم تبقى 30 شهر متواصل بامريكا واذا كسرتها لازم ترجع تعد وحضرتك ذكرت انه اذا اقل من ست اشهر صراحة اني التبس علي الموضوع ممكن تفهمني
لان اني صار لي سنتين هسه اقدر اطلع معروفة بس اذا اطلع هسه من ارجع لازم ارجع اعد 30 شهر ؟؟؟؟
لو اذا طلعت هسه وبقيت 6 اشهر عادي ما تروح علي ال30 والله مدا افهم ممكن توضح لي
يعني شلون وي ستك هير لو شنو ؟؟
وممنونه الك