المحرر موضوع: الجواب على مواضيع السؤال عن المساعدات لجميع الولايت المتحدة .. الخطوط العريضة لمعرفة نظام المساعدات  (زيارة 23425 مرات)

0 الأعضاء و 1 ضيف يشاهدون هذا الموضوع.

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اصدقائي الاعزاء .. اولا انا اعتذر لحضرتكم لعدم دخولي للمنتدى لفترة طويلة بسبب المشاغل الي  ابد متخلص في امريكا .. واعتذر عن لكل العراقيين الي بامريكا والي مديكدرون يجاوبون لأن اكيد معذورين فلهم مشاغلهم الخاصة ..
سوال ماهي المساعدات في الولاية الفلانية ؟؟ يمكن سبق وان اجبت عن هذا السؤال بس اكيد الجواب اندثر بالارشيف .. راح احاول هنا انطيكم جواب نموذجي راح يفهم من خلاله الجميع شنو معنى المساعدات في امريكا ...
الولايات الامريكية تقدم نوعين من المساعدات مساعدات فدرالية ومساعدات الولاية او المدينة , اضافة للمساعدات الي تقدمها المنظمات المدنية كالكناس وبعض المنظمات الانسانية هاي غير ممكن تحديدها فهي منتشرة بصورة عشوائية على خريطة الولايات المتحدة , لكن ممكن نقول ان العدد الاكبر متوفر بولايات الشمال ..
طيب شنو المساعدات الي تتوقعها ؟؟؟
انت كلاجىء في اي ولاية كنت تكساس كالفورنيا اينما كنت الك مساعدات الاجىء الخاصة بيك والي هي شغلتيني :
1-   مبلغ مالي مقدم من الحكومة الفدرالية والي يسمى الويلكم وهذا يعطى لكل فرد من افراد الاسرة هذا المبلغ كان سابقا 520 دولار صم اصبح 950 والان الي اعتقده اصبح 1125 دولار للفرد الواحد يعني انت عائلة مكونة من اربع افراد الك مبلغ من الحكومة الفدرالية 1125*4 وياريت الي عنده الرقم الدقيق حاليا ممكن ان يضيفه ويساعدنا لان تقريبا كل سنة يتغير هذا المبلغ ودائما ما يتغير للاعلى .. السؤال راح ينطوني هذا المبلغ بيدي الجواب طبعا لا لاسباب راح اذكرها لاحقا ..
2-   برنامج الدعم المالي الخاص بالاجئين , كل لاجىء وكل عائلة توضع على برنامج خاص دعم مالي كاش اسستنس , هذا البرنامج توضع عليه في الشهر الاول من وصولك , هناك برنامجين رئيسيين البرنامج الاول اسمه ارسي اي والي غالبا ما يعطى للعزاب هذا البرنامج تستلم من خلاله مبلغ شهري لمدة اربعة اشهر ثم تستلم مبلغ شهري اخر لمدة اربعة اشهر اخرى اذا كان دخلك اقل من حد معين لكن الاربع الاشهر الاخرى راح تستلم 40 بالمية من المبلغ الي كنت تستلمه بالاشهر الاربعة الأولى , مثال : عائلة من اربعة افراد راح تستلم مبلغ فالنفرض 980 دولار شهريا مقسم على دفعتين كل اسبوعين هنا انت راح تدفع الايجار والفواتير والباقي اتضمه الك بعد ما تخلص الاربع اشهر الاولى راح تستلم بالشهر ما يقارب 400 دولار لمدة اربعة اشهر طبعا الارقام تقريبيا ,  البرنامج الثاني اسمه الماج كراند هذا البرنامج غالبا ما يعطى للعوائل والي ينقسم الى 3 اشهر اولى راح يدفع ايجارك كامل وفواتيرك ويعطى الك مبلغ مالي شهري يعني اذا كنت عائلة 4 افراد مثلا راح يدفعون ايجارك وفواتيرك وينطوك مبلغ 600 دولار شهريا على دفعتين طبعا اكرر المبالغ تقريبيا فقط للتوضيح , بعد نهاية الاشهر الثلاثة الولى اذا كان دخلك اقل من حد معين راح تكون مؤهل الى القسم الثاني من البرنامج الي هو 3 اشهر اخرى يدفع لك الايجار فقط من دون اي مساعدة نقدية .. طبعا انا شرحت باختصار لان هاي البرامج شرحت كثيرا في المنتدى من قبلي ومن قبل اعضاء كثيرين , هذه البرامج راح توضع على احدها بغض النضر عن الولاية الي انت فيها وبكل الحسابات البرنامجين متقاربين من حيث القيمة لكن طبعا برنامج الماج كراند افضل للي ساكنين في ولايات يكون فيها الاجار غالي .. طبعا مو من حقك تختار البرنامج المنظمة هي الي تختارلك حسب اليات معينة وحسب اي البرامج يكون مفتوح في وقت وصولك .
هذه كل مساعداتك كلاجىء في كل الولايات , انت تعتبر لاجىء فقط لفترة 6 اشهر او 8 اشهر بعدها متعتبر لاجىء تعتبر مواطن مقيم امريكي صجيج اوراقك تكول انت لاجء لكن حقوقك المادية كلاجء انت اخذتها كاملة ... نجي هنا للمفهوم الخاطء عند اغلب العراقيين ..والي هو
المنظمة تنطيني هاي المنظمة تنطي احسن من الثانية .. ومن هالكلام الغير دقيق .. ولهذا راح اوضح التالي .. المنظمة هي مؤسسة غير حكومية قد تكون ربحية او انسانية وضيفتها ادارة الامور المادية والمعنوية للاجىء خلال فترة البرامج الخاصة باللجوء , يعني المنظمة مثل مكتب متعاقد ويا الدولة الدولة تنطي لاجئين وتنطيه اموالهم وتكله انت رتب الدفعات الهم وساعدهم لتعلم المجتمع الجديد والك عمولة على كل لاجىء , وهنا اوضح  المنظمة متدفعلك من جيبها سنت واحد كل الي تاخذه من فلوسك الي الدولة تمنحها الك , هنا اوضح بعد المنظمات الغير ربحية الانسانية تعمل نفس عمل المنظمات الربحية لكن غالبا ما تقدم خدمات اضافية واحيانا ممكن ان تعطيك دعم من التبرعات الي تتحصلها هذه المنظمة , ولهذا نشوف ان البعض يكلك اني منظمتي تقدملي خدمة معينة والاخر يكلك اني متقدملي والسبب ان المنظمة الاولى هي منظمة انسانية غير ربحية مثل الكاثوليك جيرتي والمنظمة الاخرى هي منظمة ربحية تقوم باعطائك الاساسيات وما مطالبة هي باعطائها لك من دون اي زيادة ..
اذن المنظمة هي مدير اعمال الك يدير اموالك ويدير الشؤون المعنوية الك لفترة الاشهر الولى فقط وتاخذ عمولتها من الدولة , ولهذا من حقك ان تسئلها عن كل سنت صرفته عليك وتسئلها عن فواتير الشراء وهذا الشي مو عيب في امريكا ..
هنا انتهينا من كل حقوقك كلاجىء , نجي هسه لبقية المساعدات , والي راح تقسم كما ذكرت الى قسمين  المساعدات الفدرالية والي راح تشمل :
1-   الفود ستامب : مبلغ شهري يعطى لكل فرد من افراد الاسرة على شكد بطاقة الكترونية لايمكنك من خلالها سوى شراء الاكل بكافة انواعه والمشروبات يستثى منها الاكل الجاهز والمشروبات الكحولية  والسكائر .. طبعا بما ان انت مقيم في امريكا وعندك اقامة لاجىء او اقامة دائمية فمن حقك التقديم على هذه المساعدات باي وقت طبعا المبلغ يختلف من ولاية الى اخرى بحسب اقتصاد الولاية لكن ممكن نكول ان لكل فرد رقم يقارب 200 دولار اقل شوية او اعلى شوية , هاي المساعدات تستمر معك طول العمر اذا محصلت على دخل شهري يكفيك ويكفي عائلتك , طبعا اذا اشتغلت وكان راتبك اقل من حد معين راح يقل الفود ستامب شوية ويستمر وياك الى ان تكون معتمد على نفسك والدخل مالتك يكون عالي , طبعا المنظمة مسئولة عن التقديم الك في المرة الاولى وتعليمك على كيفية التجديد وتعبئة الاستمارة ..
2-   التامين الصحي الحكومي المدكيت , ايضا كل فرد دخله قليل اقل من جد معين ممكن ان يقدم اله ولاطفاله على المدكيت , طبعا المدكيت يشمل العلاج الطبي المجاني , طبعا ايضا يختلف من ولاية الى اخرى بالتغطية مالته يعني ممكن يغطي الاسنان والعيون في ولايات او يغطي العيون ولايغطي الاسنان في ولايات اخرة طبعا هذا للكبير اما الصغير فيغطي كل شيء في جميع الولايت , طبعا المتعارف عليه وللاسف هو مو دقيق بان المدكيت لثمانية اشهر فقط للكبار ويستمر للاطفال .. هنا احب ان اوضح ان ممكن ان يستمر للكبار ايضا اذا لك يكن لديهم دخل او دخلهم جدا قليل لكن يحتاج التقديم من جديد , وايضا اوضح التأمين الصحي للاطفال ايضا ممكن ان يتوقف اذا وصل دخلك مبلغ يتجاوز الحد المسموح يعني مو كرنتي كلشي يعتمد على الدخل مالتك .
3-   بيوت الدولة  الهاوسنك , وهذه البيوت متوفرة في جميع الولايات لكنها تختلف من ولاية الى اخرى من حيث الزخم وجدول الانتظار , ايضا تغتمد على الدخل وعلى عدد افراد الاسرة ويختلف السستم من مدينة الى اخرى او من ولاية الى اخرى ,
طبعا هناك مساعدات اخرى مثل التنف الولفر هذه ايصا تعتبر مساعدات مدفوعة من قبل الحكومة الفدرالية لكن تديرها حكومة الولاية , كل ماذكرته مدفوع من الحكومة الفدرالية لمساعدات الامريكان اصحاب الجنسية او المقيمين اقامة شرعية ومن ضمنهم الاجئين , ايضا مننسى السكشن ايت ايضا فدرالي طبعا ينرادله موضوع خاص بس طبعا ما اوصي بالتقديم عليه لان خلاص راح تحكم على مستقبلك بانك عالة على الحكومة .

النوع الثاني من المساعدات الي تقدمة الولاية ولهذا راح تسمع دائما ما يكلك بان الولاية الفلانية المساعدات فيها احسن , طبعا اغللب الولايات الي تقدم مساعدات راح يكون فيها ضريبة دخل للعاملين على اراضيها خاص بالولاية نفسها , تذكرون من ذكرتلكم انك لمن تعمل راح ينكص من راتبك الشهري او الاسبوعي مقدار معين للضريبة والي راح يروح الى 3 جهات الي هي الفيدرال تاكس , والسوشيل سكيورتي تاكس , والمدكيت تاكس , راح اتضيم في هذه الولايات شي اسمه ستايت تاكس , فاكيد الاستقطاع راح يكون اكبر .
طبعا شتضمن مساعدات الولاية .. دعم مالي للسكن .. دعم مالي لمصاريف العائلة .. كوبونات غذاء .. دعم مالي لفواتير الكهرباء والغاز والماء .. طبعا تختلف من ولاية الى اخرة , افضل الولايت حسب التجارب ولاية مين وولاية مينسوتا ..
طبعا ولاية تكساس متقدم اي نوع من انواع مساعدات الولاية وكذلك اغلب ولايات الجنوب لكونها لا تستقطع اي ضريبة عمل وايضا لكون اقتصادها قوي وغير محتاج الى دعم في الوقت الحالي
انا هنا ذكرت الخطوط العريضة والي ممكن يستخدمها اي شخص قادم للولايات المتحدة في تقييمه للمساعدات ..ولهذا راح تكون العملية اسهل عليه لانه راح يحتاج للسوأل فقط عن مساعدات الولاية والي تختلف من ولاية الى اخرى اما باقي المساعدات فهي موجودة في كل الولايات ..
تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا



غير متصل J.K

  • عضو فعال جدا
  • ***
  • مشاركة: 226
  • الجنس: ذكر
    • مشاهدة الملف الشخصي
عاشت ايدك يا ابو الكرم  والله دتخجلنة ابكرمك وكتابتك القيمة بما فيها لخدمة الناس .

الله يحفظكم يارب

اخوك ابو ميثم

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
عاشت ايدك يا ابو الكرم  والله دتخجلنة ابكرمك وكتابتك القيمة بما فيها لخدمة الناس .

الله يحفظكم يارب

اخوك ابو ميثم


صديقي ابو ميثم الغالي ... تسلم يا وردة على مرورك .. بصراحة انا شفت ان كثير من المواضيع نزلت تسئل عن موضوع المساعدات , كل شخص يسئل عن ولاية ولهذا فضلت ان اكتب الخطوط العريضة حتى الجميع يعرف شنو هي فكرة المساعدات .. تحياتي صديقي وسكرا مرة اخرى لكلماتك الطيبة يا غالي ..

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5916
    • مشاهدة الملف الشخصي
عاشت ايدك ابو قمر ربي يحفظك ويجعلها بميزان حسناتك يارب--------زينب

غير متصل ام الهنا

  • مبدع قسم الهجرة
  • عضو مميز جدا
  • *
  • مشاركة: 2306
    • مشاهدة الملف الشخصي

 الله ينور دربك مثل ما تنورنا بمعلوماتك القيمة ...
اخي ابو قمر الله يبارك بيك وبرزقك وبعائلتك ، وربي يسهل امورك ويوفقك لما يرضى ...
شكراً لك يا أصيل ...

ام الهنا
( كَلَّا إِنَّ مَعِيَ رَبِّي سَيَهْدِينِ )

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
عاشت ايدك ابو قمر ربي يحفظك ويجعلها بميزان حسناتك يارب--------زينب

شكرا اختنا الغالية زينب يارب تكونين بخير .. دائما سباقة بالردود الطيبة ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل ابو بنين

  • مبدع قسم الهجرة
  • عضو فعال جدا
  • *
  • مشاركة: 526
  • الصبر مفتاح الفرج
    • مشاهدة الملف الشخصي
شكرا للاخ العزيز ابو قمر على تفانيه في خدمة اخوانه وندعو من الله ان يبارك فيه

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني

 الله ينور دربك مثل ما تنورنا بمعلوماتك القيمة ...
اخي ابو قمر الله يبارك بيك وبرزقك وبعائلتك ، وربي يسهل امورك ويوفقك لما يرضى ...
شكراً لك يا أصيل ...

ام الهنا


 شكرا اختي ام الهنا لدعواتك الطيبة .. ويارب يسهل امرك ونسمع خبر سفرك باقرب وقت .. اخت عزيزة وتستاهاين كل خير ومساعدتك لاخوانك بالمنتدى غطت على غياب الكثير من الاعضاء المميزين ... تحياتي

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل sahar38

  • عضو فعال جدا
  • ***
  • مشاركة: 321
    • مشاهدة الملف الشخصي
شكرا ابو قمرعلى هذه المعلومات وربي يبعد عنك كل شر...
اختك سحر

غير متصل ورد الشام

  • عضو فعال جدا
  • ***
  • مشاركة: 398
    • مشاهدة الملف الشخصي
    • البريد الالكتروني
السلام عليكم
الاخ العزيز ابو قمر المحترم نشكرك لجهودك القيمة ولمواضيعك الجميلة التي من خلالها نتعرف على الحياة في امريكا يحفظك الله من كل سوء ويجعلها في ميزان اعمالك.
اختك ورد الشام

غير متصل AboDiana

  • مبدع قسم الهجرة
  • عضو مميز
  • *
  • مشاركة: 1406
    • مشاهدة الملف الشخصي
السلام عليكم
تحياتي وسلامي للجميع

مشكور اخي ابو قمر على المساهماتك القيمة والمفيدة دائما وابدا

تحياتي اخوكم ابو ديانا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا للاخ العزيز ابو قمر على تفانيه في خدمة اخوانه وندعو من الله ان يبارك فيه

أبو بنين الوردة شكرا لمرورك يا طيب ويارب يبارك بيك ويسهل امرك ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا ابو قمرعلى هذه المعلومات وربي يبعد عنك كل شر...
اختك سحر

شكرا اختي سحر لمرورك الكريم ولدعواتك الطيبة يارب يسهل امرك ويبارك بحضرتك ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل عماربغدادي

  • عضو فعال جدا
  • ***
  • مشاركة: 339
    • مشاهدة الملف الشخصي
صديقي الغالي ابو قمر الورده مشتاقين المواضيعك القيمه يوم عن يوم اتبدع

يارب يكون في ميزان حسناتك ابصراحة انتظر مواضيعك على نار من معلومات مهمه

ومفيده اقله واحد يكون عنده معلومات اتنورنه من نواصل اذا رب العالمين كاتبلنه نوصل

الله ينور دربك مثل مدتنورنه بارك الله فيك صديقي الغالي


اخوكم عماربغدادي

غير متصل مرسي الزناتي

  • عضو مميز
  • ****
  • مشاركة: 1238
    • مشاهدة الملف الشخصي
بل نسبه للولكم كم واحد بيكم استلم مبلغ الولكم كامل 1125؟

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
بل نسبه للولكم كم واحد بيكم استلم مبلغ الولكم كامل 1125؟

شنو القصد من السؤال ؟؟؟ منو هما الي تقصدهم بيكم ؟؟؟ المن دتسئل السؤال وشتقصد من السؤال حتى نكدر انساعدك

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اني ذكرت ان مبلغ الةولكم مني مراح يسلم الك باليد .. لسبب بسيط لانك لو استلمت المبلغ فعند تقديمك على الفود ستامب مراح تكون كواليفي يعني مراح تكون مؤهل ان تستلم الفود ستامب كونك عندك مبلغ مالي كبير .. ولهذا المنظمات تقوم باعطائه الك على شكل دفعات او على شكل ايجار او فواتير او شراء اشياء معينة ..
ملاحظة مصاريف الشهر الاول من ايجار واثاث بسيط واكل وبوكت مني كلها تستقطع من مبلغ الولكم مني ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل نداوي79

  • عضو فعال جدا
  • ***
  • مشاركة: 565
    • مشاهدة الملف الشخصي
عاشت ايديك اخي العزيز ابو قمر وربى يحفضلك وتشوفها باعلى المراتب وحاصلة عل اعلى الشهادات ولله يوففك وان شالله وين مادير بوجهك تكون مضوية كدامك وتسلم ياوردبس حبيت اعرف لاس فيكاس بولادية نيفادا هي من ولايات الجنوب

غير متصل مرسي الزناتي

  • عضو مميز
  • ****
  • مشاركة: 1238
    • مشاهدة الملف الشخصي
بل نسبه للولكم كم واحد بيكم استلم مبلغ الولكم كامل 1125؟

شنو القصد من السؤال ؟؟؟ منو هما الي تقصدهم بيكم ؟؟؟ المن دتسئل السؤال وشتقصد من السؤال حتى نكدر انساعدك

تحياتي
أبو قمر


ابو قمر قصدي ما فد يوم قريت هنا بل منتدى او سمعت من صديق استلم ولكوم مني كامل
لازم يكولك صرفنا من لفلان حاجه و اشترينا فلان شي و هذا الباقي تستلم و هم مشترين اشياء تعبانه
قصدي يعني مغلسين على باقي

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
بل نسبه للولكم كم واحد بيكم استلم مبلغ الولكم كامل 1125؟

شنو القصد من السؤال ؟؟؟ منو هما الي تقصدهم بيكم ؟؟؟ المن دتسئل السؤال وشتقصد من السؤال حتى نكدر انساعدك

تحياتي
أبو قمر


ابو قمر قصدي ما فد يوم قريت هنا بل منتدى او سمعت من صديق استلم ولكوم مني كامل
لازم يكولك صرفنا من لفلان حاجه و اشترينا فلان شي و هذا الباقي تستلم و هم مشترين اشياء تعبانه
قصدي يعني مغلسين على باقي


اوكي صديقي نعم .. من المستحيل ان ينطوك الولكم مني كامل ... ليش لسبب بسيط بمجرد استلامك للمبلغ كامل مراح تكون مؤهل لاستلام الفود ستامب , لان بالتقديم بالفوت ستامب راح تسئل عن دخلك وشكد عندك فلوس كاش او بالبنك وبما ان انت مستلم مبلغ فوك الالف دولار فاحتمال كبير راح ترفض معاملتك للفود ستامب ... ولهذا المنظمة تنطيه على شكل دفعات او ممكن تنطي دفعة كبيرة بعد متكون عبيت استمارة الفود ستامب ..
الموضوع الاخر الفترة الاولى لوصولك او الي نكول عنه الشهر الاول مراح تكون موضوع على برنامج لان وضعك على اي برنامج راح يطول بين اسبوعين الى ثلاثة ... لهذا ايجار الشهر الاول وبعض من الاثاث والاكل ومضرف الجيب الي تستلمه اول متوصل كله راح يكون من الولكم مني ..
طبعا مثل مذكرتلك ممكن ان اطالب المنظمة بفواتير الشراء واي شي مبيه فاتورة انت مو مجبر ان تدفعه .. يعني اذا كالولك هذا الكرسي ب 100 دولار كللهم اوكي انطوني فاتورة الشراء اذا كالوا ماكو لاتوقع على اي ورقة وخليهم يرجعولك ال100 دولار مالتك .. كلشي بالقانون , المشكلة ان كثير من الي وصلوا متخيلين ان المنظمة هي الي تنطيهم فلوس ويخافون يزعلوها ويتبجبجون كدام باقي العراقيين .. انت الك الحق ان تسئل على كل سنت صرفته عليك المنظمة وهذه الاشياء في امريكا مو عيب ..
تحياتي يا وردة واتمنى ان تكون وصلت الفكرة ...

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل مهندسه

  • عضو فعال جدا
  • ***
  • مشاركة: 336
  • الجنس: أنثى
  • الله هو المحبه
    • مشاهدة الملف الشخصي
    • http://www.album.v90v.com/data/media/62/images_275.gif
تسلملي ورده ابو قمر على الايجاز المفصل والمعلومات الممتازة وبارك الله بيك اخونا الله ينورك
[/color][/b][/size]
الحب كلمة سهله لكن معناااااها صعب !!!

غير متصل مرسي الزناتي

  • عضو مميز
  • ****
  • مشاركة: 1238
    • مشاهدة الملف الشخصي
بل نسبه للولكم كم واحد بيكم استلم مبلغ الولكم كامل 1125؟

شنو القصد من السؤال ؟؟؟ منو هما الي تقصدهم بيكم ؟؟؟ المن دتسئل السؤال وشتقصد من السؤال حتى نكدر انساعدك

تحياتي
أبو قمر


ابو قمر قصدي ما فد يوم قريت هنا بل منتدى او سمعت من صديق استلم ولكوم مني كامل
لازم يكولك صرفنا من لفلان حاجه و اشترينا فلان شي و هذا الباقي تستلم و هم مشترين اشياء تعبانه
قصدي يعني مغلسين على باقي


اوكي صديقي نعم .. من المستحيل ان ينطوك الولكم مني كامل ... ليش لسبب بسيط بمجرد استلامك للمبلغ كامل مراح تكون مؤهل لاستلام الفود ستامب , لان بالتقديم بالفوت ستامب راح تسئل عن دخلك وشكد عندك فلوس كاش او بالبنك وبما ان انت مستلم مبلغ فوك الالف دولار فاحتمال كبير راح ترفض معاملتك للفود ستامب ... ولهذا المنظمة تنطيه على شكل دفعات او ممكن تنطي دفعة كبيرة بعد متكون عبيت استمارة الفود ستامب ..
الموضوع الاخر الفترة الاولى لوصولك او الي نكول عنه الشهر الاول مراح تكون موضوع على برنامج لان وضعك على اي برنامج راح يطول بين اسبوعين الى ثلاثة ... لهذا ايجار الشهر الاول وبعض من الاثاث والاكل ومضرف الجيب الي تستلمه اول متوصل كله راح يكون من الولكم مني ..
طبعا مثل مذكرتلك ممكن ان اطالب المنظمة بفواتير الشراء واي شي مبيه فاتورة انت مو مجبر ان تدفعه .. يعني اذا كالولك هذا الكرسي ب 100 دولار كللهم اوكي انطوني فاتورة الشراء اذا كالوا ماكو لاتوقع على اي ورقة وخليهم يرجعولك ال100 دولار مالتك .. كلشي بالقانون , المشكلة ان كثير من الي وصلوا متخيلين ان المنظمة هي الي تنطيهم فلوس ويخافون يزعلوها ويتبجبجون كدام باقي العراقيين .. انت الك الحق ان تسئل على كل سنت صرفته عليك المنظمة وهذه الاشياء في امريكا مو عيب ..
تحياتي يا وردة واتمنى ان تكون وصلت الفكرة ...

أبو قمر


و صلت الفكره ابو قمر
نعم الي الحق بس بصراحه اغلب المنطمات ما يخافون الله اكدر اكول حراميه يعني اني كفيلي كتله لا تكوللهم اني اتكفل بكلشي كوللهم بس استقبله بل مطار لاان اذا كللهم اني اتكفل بكلشي ما يصدكون يلكون  هيج واحد حتى ياكلون حقه و يتنصلون من المسؤوليه
مثل ما كلت حقك هذا و اخش بااعيونهم و اطلعه منهم
لحد يستحي :P :P :P :P :P :P

غير متصل ZIAD-ABO ALHASAN

  • عضو فعال جدا
  • ***
  • مشاركة: 350
  • الجنس: ذكر
    • مشاهدة الملف الشخصي
    • البريد الالكتروني
عاشت الأيادي و تسلم و تعيش
كلامك اخي العزيز مضبوط ضبط العكال و خصوصا عن المساعدات بمينيسوتا

يحفظكم الباري عز و جل


أخوكم
زياد / ابو الحسن
مينيسوتا - روشستر
(( الفقر في الوطن غربة .... و الغنى في الغربة وطن ))

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
السلام عليكم
الاخ العزيز ابو قمر المحترم نشكرك لجهودك القيمة ولمواضيعك الجميلة التي من خلالها نتعرف على الحياة في امريكا يحفظك الله من كل سوء ويجعلها في ميزان اعمالك.
اختك ورد الشام

اختي ورد انشاء الله تكونين بخير وصحة .. شكرا لمشاركتك الكريمة وكلماتك الطيبة ويارب يوفقك ويسهل امرك ونسمع اخبار حلوة منك بالقريب العاجل يارب ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
السلام عليكم
تحياتي وسلامي للجميع

مشكور اخي ابو قمر على المساهماتك القيمة والمفيدة دائما وابدا

تحياتي اخوكم ابو ديانا


أبو ديانا الوردة شكرا لمرورك صديقي الكريم .. شكرا لكل كلمة طيبة كتبتها ودعواتي الك بالتوفيق يارب ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
تسلم يا ابو قمر وسلمت اناملك على هذا الموضوع

الاكثر من رائع ومفيييييييييد جدا جدا لان الكثير محتاجيها ويطرحون تساؤلات عنها

كفيت ووفيت بارك الله بيك .... وبالتوفييق انشاء الله

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
صديقي الغالي ابو قمر الورده مشتاقين المواضيعك القيمه يوم عن يوم اتبدع

يارب يكون في ميزان حسناتك ابصراحة انتظر مواضيعك على نار من معلومات مهمه

ومفيده اقله واحد يكون عنده معلومات اتنورنه من نواصل اذا رب العالمين كاتبلنه نوصل

الله ينور دربك مثل مدتنورنه بارك الله فيك صديقي الغالي


اخوكم عماربغدادي

صديقي عمار الوردة انشاء الله توصل وتحقق كل امنياتك انت انشان محترم وتستاهل كل خير .. شكرا لمرورك صديقي وكلماتك الطيبة ويارب نسمع خبر سفرك بالقريب العاجل ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
عاشت ايديك اخي العزيز ابو قمر وربى يحفضلك وتشوفها باعلى المراتب وحاصلة عل اعلى الشهادات ولله يوففك وان شالله وين مادير بوجهك تكون مضوية كدامك وتسلم ياوردبس حبيت اعرف لاس فيكاس بولادية نيفادا هي من ولايات الجنوب

اختي العزيزة شكرا لدعواتك الجميلة والطيبة والي ادل على طيبتك واخلاقك العالية ... اختي لاس فيكاس معندي معلومات قوية بيها من ناحية مساعدات الولاية ممكن تكون بيها وممكن لا .. اتصور صديقنا صفاء الكرخي قريب منها وعنده معلومات .. واني انشاء الله اسئلك اصدقائنا بولاية نيفادا بلكي يفيدونا ...
تحياتي اختي العزيزة وشكرا مرة ثانية لمشاركتك ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل دارين العراقيه

  • عضو فعال جدا
  • ***
  • مشاركة: 318
    • مشاهدة الملف الشخصي
  شكرا الك اخي العزيز ابو قمر على تزويدنا بهذه المعلومات ولاعطائنا الصوره الصحيحة
والواقعية بالنسبة للحياة في امريكا الله يجازيك كل خير ويكثر من امثالك ياابن الاصول

غير متصل ام تسنيم1

  • عضو فعال جدا
  • ***
  • مشاركة: 628
    • مشاهدة الملف الشخصي
بارك الله بيك     خير الناس من نفع الناس   الله  يجعلهه في ميزان حسناتك  ويوفقك على كد نيتك الطيبه لااهلك وناسك   تحياتي واحترامي

غير متصل غسان العبيدي

  • عضو فعال جدا
  • ***
  • مشاركة: 458
    • مشاهدة الملف الشخصي
    • البريد الالكتروني
اخي ابو قمر عاشت ايدك

ممكن تفيدنا بنوع المساعدات المقدمة في كاليفرونيا سان فرانسسكو لرجل وزوجته ؟

غير متصل alanialani2003

  • عضو
  • *
  • مشاركة: 20
    • مشاهدة الملف الشخصي
    • البريد الالكتروني
شكرا اخي على الموضوع ممكن اعرف اذا اني عائلتي مكونه من اربع اشخاص اني وزوجتي وطفلين 3 و خمس سنوات ورايح لمدينه ورسستر بولايه ماساجوسستس فشراح ينطوني بالضبط وشكد طول المساعده و سامع اكو مساعده للطفل اسمها ويكي وشكرا على الموضوع القيم

غير متصل HOLLYWOOD

  • عضو فعال جدا
  • ***
  • مشاركة: 212
    • مشاهدة الملف الشخصي
عاشت ايدك اخي ابو قمر على هذه المعلومات بس عندي استفسار يخص احدى الصديقات
هل صحيح يتم حجب المديكيد بعد ان يشتغل احد الزوجين علما بانه العائله ليس لها اطفال فقط زوج وزوجه وصار الهم 4 اشهر في تكساس
تحياتي والف شكر

غير متصل Basra_80

  • عضو فعال
  • **
  • مشاركة: 47
    • مشاهدة الملف الشخصي
الله ينطيك العافيه اخي الكريم ...... موضوع مفيد ومميز ....

وفقكم الله لكل خير

غير متصل gheed ... جـهــيـــــــد

  • عضو فعال جدا
  • ***
  • مشاركة: 582
    • مشاهدة الملف الشخصي
السلام عليكم ابو قمر كفيت ووفيت اشكرك على هذا الموضوع الرائع او بالاحرى على هاي المعلمومات القيمه اللي دتساعد بيها اخوتك

سؤالي بالختصار تنصح بولايه فرجينيا لو لا بالنسبه لعائله مكونه من 3 اشخاص

والشطر الثاني من السؤال بخصوص ولايه نيويورك وتحديدا مدينه بوفالو  هل هي ملائمه للعائله يعني هي مدينه صغيره او قريه او مدينه كبيره اللي سامعه اني انه البرد قارس جدا بيها لكن عندي صديق عايش هناك يكول وقعوهم على 5 سنوات حسب ماهو يكول تتضمن الضمان الصحي والفود ستامب والكاش




شكرا لسعه صدرك

غير متصل الصبور

  • عضو فعال جدا
  • ***
  • مشاركة: 94
    • مشاهدة الملف الشخصي
    • البريد الالكتروني
بارك الله بيك يا اخي عودتنا انه تكون مواضيعك كلها مفيدة وشرحك مبسط  الله ينور طريقك  ويسهل امورك امين رب العالمين

غير متصل مدام كوري

  • عضو فعال جدا
  • ***
  • مشاركة: 165
    • مشاهدة الملف الشخصي
السلام عليكم
اني احب اضيف على كولة عادل امام ههههههههههه
احنه الويلكم مالنه جان 900 لكل نفر
واحنه 5 فصارت 4500
بس احنه اشكد صفالنه منهه2300
لان همه مشتريلنه شغلات للشقه ما عدا الشهر الاول من ايجار و و و الخ
مثل مكال اخونه ابو قمر
بس بصراحه الاثاث تعبان وميسوهه
يعني اكو وحده من القنفات ذبيتهه بالتراش
بس هم الحمد لله احسن من ماكو يعني 2300 منو ينطيكياه اذا جنت بلدك او اي بلد عربي شريف؟؟؟؟؟؟؟؟؟؟
تقبلو مروري

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
تسلملي ورده ابو قمر على الايجاز المفصل والمعلومات الممتازة وبارك الله بيك اخونا الله ينورك
[/color][/b][/size]

شكرا اختي العزيزة المهندسة .. كلماتك ومشاعرك دائما طيبة .. يارب نسمع خبر سفرك بالقريب العاجل ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
عاشت الأيادي و تسلم و تعيش
كلامك اخي العزيز مضبوط ضبط العكال و خصوصا عن المساعدات بمينيسوتا

يحفظكم الباري عز و جل


أخوكم
زياد / ابو الحسن
مينيسوتا - روشستر

أبو الحسن الوردة مشتاقين يا طيب , شلونكم عالبرد الله يساعدكم .. طبعا احنا بتكساس هالسنة ماكو شتا .. اشكر كلماتك الطيبة يا وردة وتأكيدك ودائما سباق بالمعلومات ودائما ما اطلع على مواضيعك الي تزيد من معلوماتي في هذا البلد المحترم ... تحيالتي يا غالي الك ولعائلتك الكريمة ..

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل amaar18

  • عضو فعال جدا
  • ***
  • مشاركة: 436
    • مشاهدة الملف الشخصي
بارك الله فيك ونور طريقك وحفظك والعائله الكريمه يابار يا مبدع

تحياتي واعتباري
                  ام عمار

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
تسلم يا ابو قمر وسلمت اناملك على هذا الموضوع

الاكثر من رائع ومفيييييييييد جدا جدا لان الكثير محتاجيها ويطرحون تساؤلات عنها

كفيت ووفيت بارك الله بيك .... وبالتوفييق انشاء الله

صديقي شنايزر المحترم .. دائما سباق بالردود والكلمات المحترمة .. بعدني دا انتظر اخبار حلوة من عندك .. صجيج انت ابداية المشوار بس انشاء الله يتسهل مشوارك وتحقق كل احلامك لكونك انسان طيب ومحترم .. دائما اتشرف بمرورك وكلماتك الطيبة ..
تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
  شكرا الك اخي العزيز ابو قمر على تزويدنا بهذه المعلومات ولاعطائنا الصوره الصحيحة
والواقعية بالنسبة للحياة في امريكا الله يجازيك كل خير ويكثر من امثالك ياابن الاصول

شكرا لدعواتك الطيبة اختنا الغالية دارين .. يارب يسهل امرك ويبارك بحضرتك وعائلتك الكريمة ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
بارك الله بيك     خير الناس من نفع الناس   الله  يجعلهه في ميزان حسناتك  ويوفقك على كد نيتك الطيبه لااهلك وناسك   تحياتي واحترامي
بارك الله بيك     خير الناس من نفع الناس   الله  يجعلهه في ميزان حسناتك  ويوفقك على كد نيتك الطيبه لااهلك وناسك   تحياتي واحترامي

ام تنسيم شكرا لدعواتك الطيبة دائما سباقة بالمشاركة والدعوات المحترمة والطيبة .. الله يبارك بحضرتك اختي العزيزة وبعائلتك الكريمة شكرا لكل كلمة كتبتها ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اخي ابو قمر عاشت ايدك

ممكن تفيدنا بنوع المساعدات المقدمة في كاليفرونيا سان فرانسسكو لرجل وزوجته ؟

اخي العزيز غسان ... اولا شكرا لمرورك ...
سان فرانسسكو او خلي نكول ولاية كاليفورنيا .. طبعا بدون اي منازع هي من اجمل الولايات في امريكا من ناحية الطبية والجو وكلشي , ولهذا راح تلكاها غالية جدا مقارنة بباقي الولايات .. بشنو غالية ؟؟؟
طبعا الاكل والمخضر مراح يختلف كثيرا عن باقي الولايات بالعكس هناك بعض انواع الخضر والفواكه تزرع في كاليفورنيا فتكون ارخص من باقي الولايات ... ممكن نحدد الغلاء بالمرتبة الاولى بالسكن .. يعني اقل ايجار لشقة غرفة واحدة يبدا ب 700 دولار وانت صاعد حسب المنطقة بينما في تكساس مثلا الشقة الغرفة تبدا من 370 دولار وانت صاعد حسب المنطقة .. اذن السكن غالي فواتيرك راح تكون جبدة لان الجو جميل طول ايام السنة , البنزين راح يكون اغلى ب 50 سنت للكالون عن ولايات الجنوب لكنه مقارب لاسعار باقي الولايات ..
نجي لسؤالك عن المساعدات .. طبعا اكيد الك الي ذكرته من ولكم مني وبرامج الدعم المالي للاجئين بعدها , راح يبقى عندك الفود ستامب والمفروض بامكانك التقديم على الولفر وهو دعم مالي شهري للدخلهم محدود لكن المعروف بأن الولفر يدفع للعائلة , مفهوم العائلة في امريكا مو الشخصين المتزوجين ذولا يسمون هنا كبل مو فاميلي , العائلة هنا هي الابوين والطفل الي بعده مبالغ سن الرشد .. الي اعرفه اذا كنت صاحب عائلة راح يدفعلك مبلغ شهريا اذا كان دخلك اقل من حد معين مجدد بحسب عدد افراد عائلتك يعني ممكن تكول ينطوك عالنفر مبلغ 220 دولار اقل او اكثر شويه ...
طبعا اذا حبيت معلومات اكبر واوسع فاني انصحك ان تراسل اخونا غسان الاشقر / المدرس/ هو ساكن في كاليفورنا وطبعا هو موسوعة للمعلومات راح يفيدك اكيد اكثر مني .. لكني ذكرتلك الي اعرفه .. ويارب تتوفق ويسهل امرك وتوصل بالسلامة ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل ابن الحله

  • مبدع قسم الهجرة
  • عضو مميز
  • *
  • مشاركة: 1497
  • الجنس: ذكر
    • مشاهدة الملف الشخصي

ابـــــــن الحـــــــله

غير متصل فرعون مصر

  • عضو فعال جدا
  • ***
  • مشاركة: 365
  • الجنس: ذكر
  • قل لن يصيبنا الا ماكتب الله لنا
    • مشاهدة الملف الشخصي
السلام عليكم ابو قمر لساني عاجز لا ادري ماذا اقول ان امثالك قله في هذا الزمان على قول المثل العراقي كلمن يكول ياروحي انته رغم مشاغلك تحب دائما تقدم المشوره والمعلومات المفيده لاخوانك في المنتدى اقول انت معدنك ذهب واصيل وادعوا من الله ان يوفقك في حياتك وعملك ويوفقك لفعل الخير اكثر واكثر بارك الله فيك وجزاك الله خير الجزاء

غير متصل looking for peace

  • عضو فعال جدا
  • ***
  • مشاركة: 279
    • مشاهدة الملف الشخصي
السلام عليكم .. الاخ ابو قمر الوفي , الناكر للذات ,, لا اعرف دينك ,, ولا اعرف قوميتك ولا اعرف مذهبك .. لكن انت الذي يبحث عنه الانبياء والذي يبحث عنه اوصياء محمد صلى الله عليه واله .. فالروح التي تحملها في مساعدة الناس هي ما جاءت به الديانات فأكيد لو ظهر رجل اخر الزمان والذي نسميه المنقذ ستكون موفق لاتباعه بغض النظر عن تسمية هذا المنقذ من قبل الديانات الاخرى او من قبل الديانة الاسلامية بمختلق مذاهبها فهم يؤمنون في الاصل اي وجود المنقذ ولكن يختلفون في التفاصيل ...... لله درك وعليه اجرك موفق بحق محمد وال محمد .. الحلي

غير متصل gheed ... جـهــيـــــــد

  • عضو فعال جدا
  • ***
  • مشاركة: 582
    • مشاهدة الملف الشخصي
السلام عليكم ابو قمر كفيت ووفيت اشكرك على هذا الموضوع الرائع او بالاحرى على هاي المعلمومات القيمه اللي دتساعد بيها اخوتك

سؤالي بالختصار تنصح بولايه فرجينيا لو لا بالنسبه لعائله مكونه من 3 اشخاص

والشطر الثاني من السؤال بخصوص ولايه نيويورك وتحديدا مدينه بوفالو  هل هي ملائمه للعائله يعني هي مدينه صغيره او قريه او مدينه كبيره اللي سامعه اني انه البرد قارس جدا بيها لكن عندي صديق عايش هناك يكول وقعوهم على 5 سنوات حسب ماهو يكول تتضمن الضمان الصحي والفود ستامب والكاش




شكرا لسعه صدرك

غير متصل محارب

  • مبدع قسم الهجرة
  • عضو مميز جدا
  • *
  • مشاركة: 3957
  • الجنس: ذكر
  • (كلش حباب)
    • مشاهدة الملف الشخصي
يعجز اللسان وتعجز الانامل عن شكرك يا ابو قمر

الله ينور حياتك

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا اخي على الموضوع ممكن اعرف اذا اني عائلتي مكونه من اربع اشخاص اني وزوجتي وطفلين 3 و خمس سنوات ورايح لمدينه ورسستر بولايه ماساجوسستس فشراح ينطوني بالضبط وشكد طول المساعده و سامع اكو مساعده للطفل اسمها ويكي وشكرا على الموضوع القيم

صديقي العزيز ..اولا شكرا لمرورك الكريم ..
بصراحة من الصعب على اي انسان ان يكون ملم بجميع مساعدات الولايات الامريكية ..ولهذا معلوماتي قليلة جدا عن الولاية الي تسئل عنها في خصوص مساعدات الولاية .. لكن مثل ما ذكرت انت الك كل المساعدات الخاصة بالاجء والمساعدات الفدرالية الي ذكرتها .. مشاعدات الولاية الي صديق في المنتدى ايضا عائلة ساكن في هذه الولاية اجى قبل 8 شهور تقريبا واتصل بيه من فتره هو انسان طيب ومحترم ممكن تتصل بيه راح ينطيك معلومات ادق وتفاصيل اكثر ..
اسم العضو  في المنتدى  اريد اطلع  هو ساكن ولاية ماسشوتس اسمه سلوان ... واذا تحب راسلني عالخاص انطيك ايميله وانشاء الله ميقصر وياك ..

بالنسبة للويك هو برنامج مساعدات غذائية للاطفال ماله علاقة بالفود ستامب ايضا كل الاطفال دون الخمس سنوات يمكن التسجيل الهم اذا كان دخل الاسرة قليل طبعا يشمل حليب وبيض وخبر ومواد غذائية متنوعة حسب عمر الطفل .. اكيد الك الحق بالتقديم اليه اينما تكون في اي ولاية كانت ..


تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
عاشت ايدك اخي ابو قمر على هذه المعلومات بس عندي استفسار يخص احدى الصديقات
هل صحيح يتم حجب المديكيد بعد ان يشتغل احد الزوجين علما بانه العائله ليس لها اطفال فقط زوج وزوجه وصار الهم 4 اشهر في تكساس
تحياتي والف شكر
صديقي العزيز .. راح اتكلملك على تكساس المدكيت يعطى اذا كان دخل الاسرة المكونة من 3 افراد اقل من 750 بالشهر .. وانت قيس على هذا الشي .. فطبيعي لمن يشتغل احد الزوجين بمبلغ يتجاوز المبلغ المحدد راح يتوقف المدكيا عليهم .. لكن مو معناتها نهاية العالم .. هناك مستشفيات تقوم بعمل تامين صحي مجاني للي دخلهم محدود برسوم بسيطة , اذا كانوا في فورت وورث او دالاس خلي يسئلون عن مستشفى JPS  ممكن ان يقدمون على هذا التامين ويصير عدهم تامين سنوي لكن العلاج يكون ضمن هذه المستشفيات فقط ...

تحياتي واتمنى وصلت الفكرة ..

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل raadmteer

  • عضو فعال جدا
  • ***
  • مشاركة: 241
  • بدأ عمرنه بالتأميم وخلص بالتحرير والحمد لله
    • مشاهدة الملف الشخصي
    • http://img512.imageshack.us/f/ridha17xt5.jpg/
    • البريد الالكتروني
احنه في كاليفورنيا المنظمه انطتنه الويلكم شيك كامل وقالتلنه البسو الباب وابد ماشفنه منهم لا مساعده ولا ارشاد ولا فزعه ولا حتى الوو واضطريت اشتكي عليهم لمنظمة الهجره اي او ام وبسبب الشكوى اتصل بيه مدير المنظمه وعاتبني وقال انته غير تجيني قبل لا تشتكي ؟ وكانت هاي اخر عباره سمعتهه منه لان وراهه همات لبس الوضع وما عبرنه ابد.
كاليفورنيا تعبااااااااااااااااااااااااااااااااااااااااااااااااااااااااااااااااااااااااااااااابه جدا جدا
اهم شي العزه والكرامه

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
الله ينطيك العافيه اخي الكريم ...... موضوع مفيد ومميز ....

وفقكم الله لكل خير

صديقي العزيز شكرا لمرورك الكريم ودعواتك الطيبة يارب يبارك بيك وباهلك الكرام ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل nancy86

  • عضو فعال جدا
  • ***
  • مشاركة: 150
    • مشاهدة الملف الشخصي
شكرا الك اخ ابو قمر على هذه المعلومات
 الله يجازيك كل خير و يكثر من امثالك

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
السلام عليكم ابو قمر كفيت ووفيت اشكرك على هذا الموضوع الرائع او بالاحرى على هاي المعلمومات القيمه اللي دتساعد بيها اخوتك

سؤالي بالختصار تنصح بولايه فرجينيا لو لا بالنسبه لعائله مكونه من 3 اشخاص

والشطر الثاني من السؤال بخصوص ولايه نيويورك وتحديدا مدينه بوفالو  هل هي ملائمه للعائله يعني هي مدينه صغيره او قريه او مدينه كبيره اللي سامعه اني انه البرد قارس جدا بيها لكن عندي صديق عايش هناك يكول وقعوهم على 5 سنوات حسب ماهو يكول تتضمن الضمان الصحي والفود ستامب والكاش




شكرا لسعه صدرك

صديقي العزيز فرجينيا ولاية جميله ورائعة لكنها بنفس الوقت تعتبر من الولايات الغالية من ناحية السكن فرص العمل حسب الي اعرفه متوسطة .. بالنسبة للمساعدات الخاصة بالولاية معندي علم عنها بس الي اعرفه ان اختنا اسراء ساكنه بفرجينيا حاول تراسلها على الخاص واكيد راح تنطيك معلومات افضل مني .. بصراحة ما اكدر اكلك تناسبك او متناسبك لكن الي اعرفه ان الولاية غالية نسبيا ...
بالنسبة لنيويورك بوفالو .. ماكو شي في امريكا اسمه قرية امريكا عبارة عن مدن متنوعة بالحجم تربطها الطرق السريعة ... بصراحة نيو يورك باردة اكيد شتاءها بارد صيفها جيد لكن ممكن تكول 8 اشهر الجو يكون بيها بارد .. طبعا الاجارات غالية والحياة سريعة وفرص العمل ايضا متوسطة لكن الجميل بيها انها قريبة عن مجموعة ولايات وقريبة من العاصمة ايضا ..
بصراحة مساعدات الولاية ما اعرفها بس الي اعرفه بشكل عام ولايات الشمال افضل من ناحية المساعدات من ولايات الجنوب واتمنى اذا كان احد الاخوان بنيورك ان يساعدنا بمعلوماته ..
تحياتي صديقي وهذا كل الي اعرفه عن الولايتين الي سئلت عنهم ...

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل HOLLYWOOD

  • عضو فعال جدا
  • ***
  • مشاركة: 212
    • مشاهدة الملف الشخصي
عاشت ايدك اخي ابو قمر على هذه المعلومات بس عندي استفسار يخص احدى الصديقات
هل صحيح يتم حجب المديكيد بعد ان يشتغل احد الزوجين علما بانه العائله ليس لها اطفال فقط زوج وزوجه وصار الهم 4 اشهر في تكساس
تحياتي والف شكر
صديقي العزيز .. راح اتكلملك على تكساس المدكيت يعطى اذا كان دخل الاسرة المكونة من 3 افراد اقل من 750 بالشهر .. وانت قيس على هذا الشي .. فطبيعي لمن يشتغل احد الزوجين بمبلغ يتجاوز المبلغ المحدد راح يتوقف المدكيا عليهم .. لكن مو معناتها نهاية العالم .. هناك مستشفيات تقوم بعمل تامين صحي مجاني للي دخلهم محدود برسوم بسيطة , اذا كانوا في فورت وورث او دالاس خلي يسئلون عن مستشفى JPS  ممكن ان يقدمون على هذا التامين ويصير عدهم تامين سنوي لكن العلاج يكون ضمن هذه المستشفيات فقط ...

تحياتي واتمنى وصلت الفكرة ..
شكرا اخي العزيز فعلا دخل زوجها اكثر من 750 دولار يشتغل شفت ليلي في ولمارت وهم ساكنين في ميدلاند دورت بالانترنيت ومالكيت هالمستشقى لازم تتنتظر 3 اشهر يله يستحق زوجها انشورنس صحي عالعموم اشكرك جدا والله كريم
تحياتي ام ابرم

ابو قمر

غير متصل ام الهنا

  • مبدع قسم الهجرة
  • عضو مميز جدا
  • *
  • مشاركة: 2306
    • مشاهدة الملف الشخصي
( كَلَّا إِنَّ مَعِيَ رَبِّي سَيَهْدِينِ )

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
ابو قمر ..... روح ياشيخ ...... روح ياشيخ

الله يوفقك عمي احنه وين نروح بدون هالجهود


سبحان الله ..... وبحمده ... سبحان الله العظيم

غير متصل برنسيسة

  • مبدع قسم الهجرة
  • عضو مميز جدا
  • *
  • مشاركة: 2586
  • الجنس: أنثى
    • مشاهدة الملف الشخصي
ابو قمر عاشت ايدك ياوردة على جهودك الطيبة
دعواتي الك من كل قلبي بالتوفيق وين ماتكون

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
شكرا اختي ام الهنا للرفع دائما سباقة بعمل الخير .. وشكرا لكل الردود الطيبة مراح اذكر اسمائهم لكن كل اسمائهم عزيزة على قلبي ودعواتي دائما الهم بالموفقية ويارب يارب يحقق الجميع كل احلامهم ويستقرون ويوصلون لبر الامان ...

تحياتي للجميع
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل DEFA-AL-AIRAQI

  • مبدع قسم الهجرة
  • عضو مميز
  • *
  • مشاركة: 1237
  • الجنس: ذكر
  • سافرت والحمد لله
    • مشاهدة الملف الشخصي
عاشت ايدك ابو قمر ربي يحفظك ويجعلها بميزان حسناتك يارب...........

 اخوك ابو محمد البصراوي

أخوكــــــــــم DEFA  البصـــــــراوي
DEFA BROTHER AL-BASRAWI

غير متصل uae123

  • عضو فعال جدا
  • ***
  • مشاركة: 559
    • مشاهدة الملف الشخصي
عاشت ايدك على الموضوع ياريت تفيدني بمعلومات عن نيوهامشير من ناحية المساعدات والشغل وشكرا جزيلا الك اخويه

غير متصل AboDiana

  • مبدع قسم الهجرة
  • عضو مميز
  • *
  • مشاركة: 1406
    • مشاهدة الملف الشخصي
شكرا على المجهود المتميز دائما وابدا

اخوكم ابو ديانا