980x120

المحرر موضوع: لو جنت بمكاني شنو تسوي ؟؟  (زيارة 1375 مرات)

0 الأعضاء و 1 ضيف يشاهدون هذا الموضوع.

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
لو جنت بمكاني شنو تسوي ؟؟
« في: 12:00 14/02/2012 »
السلام عليكم ورحمة الله وبركاته

اخواني وخواتي الاعضاء حبيت انزل الموضوع هذا حته اخذ رأيكم بموضوع خاص بيه اريد اشوف لو اي من واحد من حضراتكم جان بمكاني شنو جان يسوي يقدم عالخطوة الي اني اريد اقدم عليها لو يكنسلها اتمنى تنطوني رأيكم وبالاول والاخير هي تبقة وجهات نظر وتختلف من شخص لاخر واحنه تعودنه في المنتدى ان نتشارك بكلشئ الفرح والحزن والرأي لان قضيتنه متشابها وهي ايجاد وطن امن النا ولعوائلنا ادخل بصلب الموضوع......

 اخواني الاعزاء اني قدمت على برنامج الاس اي في ومقابلتي جانت بشهر العاشر السنه الفاتت واشتغلت هنا بالعراق وراها وخلص الشغل مالتي يعني هسه اني كاعد من دون عمل وعندي كم فلس ومكابلهن وكاعد الاهل طبعا اقترحو عليه اطلع خارج العراق اكمل دراسات عليا بدل مااظل انتظر ومن دون شغل بالعراق وطبعا اني ساكن بمنطقة وضعها مو تمام تعودت تحكمها الميليشيات يعني هسه وضعها مابي شئ بس الوضع واكف على طكة مثل منكول بالعامية

الصراحة اني فكرت بالموضوع ودااشوف الاخوة الاعضاء الي بيهم منتظر سنه او ما يقارب السنه يلا اجته الفيزا واني صارلي 3 شهور ومبلش بالرابع من سويت المقابلة مرات اكول اطلع اكمل دراسات احسن مااضل انتظر وهم تفيدني هنا في حال اذا الله ماشاء ان اخذ فيزا وفي حال طلعت الفيزا اذا ربنا يريدوهناك ان شاء الله هم تفيدني ......

علة الموضوع هي اني دراستي اول سنه تطول تقريبا 7 اشهر ( الكورسات ) وراها عندي عطلة وبعدها ابدي ان شاء الله اكتب رسالة الماجستير ( طبعا بمرحلة كتابة الرسالة ممكن اطلع خارج الدولة الي ادرس بيها يعني ممكن اكتب الرسالة واني بامريكا ) يعني اني اذا قررت ادرس فالفيزا رح تطلعلي اذا الله راد واني اثناء مرحلة الدراسة سواء بالكورسات او مرحلة الرسالة لان مااعتقد الفيزا تتاخر سنتين مو يعني شكد تريد تطول بس مسعمت واحد اس اي في ما اخذ فيزا بعد سنتين من مقابلته .....

بس هي العله اذا طلعتلي الفيزا واني اثناء مرحلة الدراسة الكورسات لان الكورسات 7 اشهر تقريبا   والحلو الجامعه الي اني بيها مياخذون فلوس من عندي الا بعد مرور  3 اشهر على دراستي بيها يعني اذا طلعتلي الفيزا بأول 3 اشهر من دراستي بالجامعه فأني رح اعوفها وادير وجهي واروح لامريكا لان مراح الحك عالكورسات لان الفيزا بيها بس 3 شهور ويتحتم عليه ادخل امريكا

واذا طلعت ورا مدفعت فلوس فراح الحك اكمل الكورسات مالتي كلها يلا اسافر امريكا بس تبقى مرحلة كتابة رسالة الماجستير وهاي كلت ممكن اسويها واني بامريكا هي السالفة عبالك مبرهنة مال رياضيات معقدة بس بيها مصلحة يعني يجوز اسافر وادخل امريكا وورا شهرين لازم ارجع علمود اكمل دراستي !! زين اذا صارت  هاي الحالة ويايه  اني هنا المنظمه الي رح تكون مسؤولة عني رح تقتنع بهذا الحجي ؟؟ اقصد طلعتي من امريكا بعد شهرين من دخولي الها .. وهل طلعتي بعد دخولي لامريكا تأثر مستقبلا علية بأمريكا اقصد من الناحية الامنية على اساس ليش طلع من امريكا بعد دخولة بفتره وراح لدولة عربية ..... ؟؟ اهل الخبرة هنا يفتولي بيها

اريد اسمع ارائكم كل واحد من حضراتكم خل يفترض نفسة بمكاني شنو جان رح يسوي ؟؟ يختار الدراسة والتعب الي يقترن بيها لو يكنسل الموضوع عن بكرة ابيه ويبقة كاعد بالعراق  وينتظر رحمة الله والفيزا يجوز تطلع ويجوز متطلع .... دا انتظر ردودكم وان شاء الله انتو بيكم كل الخير


سبحان الله ..... وبحمده ... سبحان الله العظيم



غير متصل ABO SARAH

  • عضو فعال جدا
  • ***
  • مشاركة: 713
  • الجنس: ذكر
    • مشاهدة الملف الشخصي
رد: لو جنت بمكاني شنو تسوي ؟؟
« رد #1 في: 12:16 14/02/2012 »
السلام عليكم

تحياتي اخي العزيز, طبعا اقره بمشاركتك وعبالك اقره وضعي تماما لكن الفرق الوحيد انه اني صارلي 10 اشهر وما اكدر اجازف بالموضوع. اخي العزيز بالنسبة الي فكرت هوايه بالموضوع علما اني صاحب عائلة مو بوحدي. اخي العزيز اني برايي توكل على الله وروح كمل دراسة والخطة الي اني فكرت بيهه لو عندي وقت هي كالتالي. الفيزة بيهه اكسبايري شهرين وحسب معلوماتي الك حق تاجل 3 اشهر ياله تسافر ويا ريت احد ياكدلنه من اصحاب التجارب. اخي العزيز كلامك صحيح الكتابة متطلب حضور وتكدر تنهيهه بعد وصولك الى امريكا حتى لو تسافر مرة ثانية للمكان الي تدرس بي. عندي صديقي وقريبي بنفس الوقت كمل ماجستير ولمن وصل عادل شهادته وبعد فتره حصل منحة دكتوراه. اني متاكد انته تعرف شنو قيمة الدراسة وبرايي توكل على الله وروح ولا تغلط غلطتي ودائما احجيهه ويه اهلي اكللهم لو ادري انه فيزتي متطلع منا لستة اشهر جان رحت درست وصدكني اني اعني هذا الكلام.

بالتوفيق
ابو سارة

غير متصل ابو ايمن المياحي

  • مبدع قسم الهجرة
  • عضو مميز
  • *
  • مشاركة: 1279
  • الجنس: ذكر
  • ان غدا لناضره لقريب
    • مشاهدة الملف الشخصي
رد: لو جنت بمكاني شنو تسوي ؟؟
« رد #2 في: 12:27 14/02/2012 »
up
اخوكم ابو ايمن المياحي

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
رد: لو جنت بمكاني شنو تسوي ؟؟
« رد #3 في: 12:31 14/02/2012 »
اخوية ابو ساره تحية الك يا غالي ..... اشكرك على كلامك وعلى نصيحتك .... جنابك تعرف الي بالعراق وبدون شغل يبقة يصرف فلوس الي لمها وميجي اي شئ والفلس روحته سهلة بس جيته تشلع العين ربي يبارك ويوفقك وان شاء الله تاخذ فيزتك وتحقق طموحاتك واحلامك .... تحياتي


سبحان الله ..... وبحمده ... سبحان الله العظيم

غير متصل برنسيسة

  • مبدع قسم الهجرة
  • عضو مميز جدا
  • *
  • مشاركة: 2586
  • الجنس: أنثى
    • مشاهدة الملف الشخصي
رد: لو جنت بمكاني شنو تسوي ؟؟
« رد #4 في: 12:58 14/02/2012 »
اخي توكل على الله وروح كمل دراسة وبالتوفيق

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
رد: لو جنت بمكاني شنو تسوي ؟؟
« رد #5 في: 13:02 14/02/2012 »
تسلمين اختي برنسيسة   على ابداء الرأي ...ربي يوفقج ويسهل امرج


سبحان الله ..... وبحمده ... سبحان الله العظيم

غير متصل ابن شط العرب

  • عضو فعال جدا
  • ***
  • مشاركة: 152
    • مشاهدة الملف الشخصي
رد: لو جنت بمكاني شنو تسوي ؟؟
« رد #6 في: 13:36 14/02/2012 »
اخي ميخالف السلام عليكم
يمكن وجهة نظري تختلف لأنه اذا رحت لأمريكا شهادتك ما معترف بيها ويجب ان تعادلها وتمتحن من جديد حتى تحصل عليها وفي هذه الحالة عندك فترة تدرس لغة وبعدين تدرس مواد الكورسات اللي انت ما درستها في حصولك على الشهادة وبعد نجاحك بهذه الدروس راح تمتحن بالدروس اللي حصلت على شهادتك بموجبها وبعدين يلة تحصل على الشهادة. فاعتقد انه تروح لأمريكا وتدرس هناك افضل من هذه اللفة الطويلة.المقارنة هي بين متى راح يكون السفر  وشكد راح يبقى من فليساتك واذا رغبت باكمال  الدراسة في امريكا وراح تكدر تشتغل وتدرس لو لا. مجرد انها وجهة نظري.

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
رد: لو جنت بمكاني شنو تسوي ؟؟
« رد #7 في: 14:05 14/02/2012 »
حبيبي ابن شط العرب .... الف شكر ياغالي على ابداء الرأي

ماهي تبقة انو مو اكيد تطلعلي الفيزا لامريكا وهنا يعني مفترق طرق كلش جبير
بين بقائي بدون شهادة الماجستير وبين استقراري بالعراق ... وحصولي على شهادة
ممكن اشتغل بيها بالعراق واذا عالمعادلة فبكل الاحوال اني رح اعدل شهادة البكالوريوس مالتي
حته اذا مدرست ماجستير لو شتكول جنابك ؟؟


سبحان الله ..... وبحمده ... سبحان الله العظيم

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2556
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
رد: لو جنت بمكاني شنو تسوي ؟؟
« رد #8 في: 14:35 14/02/2012 »
السلام عليكم ورحمة الله

اخوية العزيز طبعا مجرد نبينلك بعض الامور وانت ان شاء الله تختار القرار المناسب بالنسبة لدراستك للماستر فانت اول شي تحدد نوع الدراسة مال الماستر هل راح تدرس كورسات فقط او بحث فقط ام كورسات طبعا الافضل النوع الاخير والي اتوقع انت راح تختاره وهو يتمثل ب 24 وحدة على الكورسات و 6 وحدات على البحث يصير المجموع 30 ( هاي بصورة عامة مرات تختلف الوحدات توصل 36 بدل 30 اعتمادا على الجامعة) هسة نجي في احسن الاحوال لنفرض انت راح تاخذ الكورسات يعني 24 وحدة من تريد ترجع لامريكا طبعا تكدر تعادلهن والجامعات بعض منهن يعترفون بيهن بس مو كلهن يعني من ال 24 وحدة يعترفون فقط ب 9 وانت تعرف هاي الواحدات اقل من سمستر كامل يعني ينلغي عليك ستمر كامل ومادة من السمستر الاخر هسة السؤال انت مستعد تقدم هيجي تضحية ؟ في حالة انت موصلت للسمتر الثاني مااتوقع يعادلولك المواد بامريكا طبعا اعتمادا على ال GPA مالتك فاذا كان ضعيف اقل من 2.75-3.00 فراح يعتبروه تعديل لل GPA اما اذا ال GPA مالتك مال البكالوريوس عالي من الممكن يعادلولك بس يمكن مادة وحدة فقط والله اعلم هسة السؤال مستعد انت تضحي بفلسو السمستر الاول وغيرها من المصاريف من اجل مادة ؟
نصيحتي الك عزيزي من هسة تشوف الجامعات الي بولايتك موادهم شنو الي يدرسونها وتعادل شهادتك وية WES حتى تعرف ال GPA مالتك وبعدها تحدد نفسك نسبة للجامعة وراها تبدي تشوف متطلباتهم وتبدي تحضر لل GRE وتكدر تاخذه انت وبالعراق وبهيجي راح تستوفي اول متطلب من متطلبات القبول للدراسات العليا فمن توصل امريكا تكون متحضر ومتهياء ومن الممكن حتى تاخذ مفردات المنهج مالتهم حتى تحضر نفسك من تروح
هاي نصيحتي الك وتحياتي
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل ابن شط العرب

  • عضو فعال جدا
  • ***
  • مشاركة: 152
    • مشاهدة الملف الشخصي
رد: لو جنت بمكاني شنو تسوي ؟؟
« رد #9 في: 20:04 14/02/2012 »
حبيبي ابن شط العرب .... الف شكر ياغالي على ابداء الرأي

ماهي تبقة انو مو اكيد تطلعلي الفيزا لامريكا وهنا يعني مفترق طرق كلش جبير
بين بقائي بدون شهادة الماجستير وبين استقراري بالعراق ... وحصولي على شهادة
ممكن اشتغل بيها بالعراق واذا عالمعادلة فبكل الاحوال اني رح اعدل شهادة البكالوريوس مالتي
حته اذا مدرست ماجستير لو شتكول جنابك ؟؟

تفكيرك سليم 100% انا لا اريد ان اكون متشائما ً ولكن الحياة علمتني عندما اخطط لشيء ما احسب اسوأ الاحتمالات لا تضيع الوقت ابدأ بأكمال دراستك فاذا سافرت الى امريكا فالحياة هناك هي التي ستجعلك تختار ماذا ستفعل وتدرس وفي حالة عدم سفرك لأي سبب من الاسباب فأن شهادة الماجستير هي التي ستعينك على شق طريقك في الحياة في العراق ولو ان الشهادة بالعراق ما كامت هسة توكل خبز بس الله كريم ، واذا اجا سفرك قبل ما تكمل دراستك فهذه مشيئة الله بس الدراسة راح تنسيك التفكير بالـ SIV او الفيزة و القلق وعدم الاستقرار التي سيسبها لك التفكير بهما وبما انه عندك طموح فأنشاء الله بأمريكا تعوض اللي فات. 

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
رد: لو جنت بمكاني شنو تسوي ؟؟
« رد #10 في: 21:58 14/02/2012 »
السلام عليكم ورحمة الله

اخوية العزيز طبعا مجرد نبينلك بعض الامور وانت ان شاء الله تختار القرار المناسب بالنسبة لدراستك للماستر فانت اول شي تحدد نوع الدراسة مال الماستر هل راح تدرس كورسات فقط او بحث فقط ام كورسات طبعا الافضل النوع الاخير والي اتوقع انت راح تختاره وهو يتمثل ب 24 وحدة على الكورسات و 6 وحدات على البحث يصير المجموع 30 ( هاي بصورة عامة مرات تختلف الوحدات توصل 36 بدل 30 اعتمادا على الجامعة) هسة نجي في احسن الاحوال لنفرض انت راح تاخذ الكورسات يعني 24 وحدة من تريد ترجع لامريكا طبعا تكدر تعادلهن والجامعات بعض منهن يعترفون بيهن بس مو كلهن يعني من ال 24 وحدة يعترفون فقط ب 9 وانت تعرف هاي الواحدات اقل من سمستر كامل يعني ينلغي عليك ستمر كامل ومادة من السمستر الاخر هسة السؤال انت مستعد تقدم هيجي تضحية ؟ في حالة انت موصلت للسمتر الثاني مااتوقع يعادلولك المواد بامريكا طبعا اعتمادا على ال GPA مالتك فاذا كان ضعيف اقل من 2.75-3.00 فراح يعتبروه تعديل لل GPA اما اذا ال GPA مالتك مال البكالوريوس عالي من الممكن يعادلولك بس يمكن مادة وحدة فقط والله اعلم هسة السؤال مستعد انت تضحي بفلسو السمستر الاول وغيرها من المصاريف من اجل مادة ؟
نصيحتي الك عزيزي من هسة تشوف الجامعات الي بولايتك موادهم شنو الي يدرسونها وتعادل شهادتك وية WES حتى تعرف ال GPA مالتك وبعدها تحدد نفسك نسبة للجامعة وراها تبدي تشوف متطلباتهم وتبدي تحضر لل GRE وتكدر تاخذه انت وبالعراق وبهيجي راح تستوفي اول متطلب من متطلبات القبول للدراسات العليا فمن توصل امريكا تكون متحضر ومتهياء ومن الممكن حتى تاخذ مفردات المنهج مالتهم حتى تحضر نفسك من تروح
هاي نصيحتي الك وتحياتي
انته اخوية العزيز ونصيحتك اعتز بيها واخليها على راسي ..... موضوعك الي حجيت بي يرادلة صفنه ان شاء الله نحجي بي اني وياك اخوية العزيز لان هواية من المصطلحات الي حجيت بيهن جنابك اني مااعرفهن واني ممتن منك على تعاونك يا اخوية العزيز


سبحان الله ..... وبحمده ... سبحان الله العظيم

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
رد: لو جنت بمكاني شنو تسوي ؟؟
« رد #11 في: 22:09 14/02/2012 »
ابن شط العرب انته ذهب اخوية العزيز اشكرك جدا على كل كلمة كتبتها ان شاء الله ضعف حروفها تلكاها بميزان حسناتك ... تحياتي


سبحان الله ..... وبحمده ... سبحان الله العظيم

غير متصل lyoo

  • عضو فعال جدا
  • ***
  • مشاركة: 983
  • ضاقت فلما استحكمت حلقاتهافرجت وكنت أظنها لا تفرج
    • مشاهدة الملف الشخصي
رد: لو جنت بمكاني شنو تسوي ؟؟
« رد #12 في: 09:14 15/02/2012 »
الله يسهل عليك اخوي ميخالف وان شالله الله لايحر عبده
لا اله الا الله.. محمد رسول الله
سبحان الله وبحمده .. سبحان الله العظيم
سبحان الله .. والحمد لله.. ولا  اله الا الله.. واالله كبر 
اللهم لك الحمد كما ينبغي لجلال وجهك ولعظيم سلطانك .

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
رد: لو جنت بمكاني شنو تسوي ؟؟
« رد #13 في: 10:55 15/02/2012 »
تسلم ياغالي ربي يفرج عن الجميع


سبحان الله ..... وبحمده ... سبحان الله العظيم

غير متصل ميمي2010

  • مبدع قسم الهجرة
  • عضو مميز جدا
  • *
  • مشاركة: 2726
  • اللهم صلى وسلم وبارك على سيدنا محمد وعلى آله وصحبه
    • MSN مسنجر - ma_iraq201111@yahoo.com
    • ياهو مسنجر - ميمي2010
    • مشاهدة الملف الشخصي
رد: لو جنت بمكاني شنو تسوي ؟؟
« رد #14 في: 11:11 15/02/2012 »
اخي ميخالف اني دائما مع الدراسة والحصول على اعلى الشهادات لانها في كل الاحوال مفيدة سواء سافرت بعون الله او بقيت في العراق
بس لاحظ اخي اختيار طبيعة الدراسة (يعني في اي تخصص) هو المهم وهل مطلوبه بسوق العمل هذا مهم جدا ...لازم تركز على هذا الامر
لان عن تجربة شخصية الي اختك درست بمجال للاسف لم حصلت على الشهادة العليا انصدمت انو مامطلوب وحاليا كاعدة بالبيت
اختك ميمي
اللهم صلى وسلم وبارك على سيدنا محمد وعلى آله وصحبه وسلم
عدد حروف القرآن حرفا حرفا
وعدد كل حرف ألفا ألفا
وعدد صفوف الملائكة صفا صفا
وعدد كل صفا ألفا ألفا
وعدد الرمال ذرة ذرة
وعدد كل ذرة ألف ألف مر

غير متصل ميخالف

  • عضو فعال جدا
  • ***
  • مشاركة: 255
  • الجنس: ذكر
  • فداك روحي يا رسول الله
    • مشاهدة الملف الشخصي
    • البريد الالكتروني
رد: لو جنت بمكاني شنو تسوي ؟؟
« رد #15 في: 12:28 15/02/2012 »
الله يسلمج اختي العزيزة الصراحة اني مكمل حقوق واريد اخذ ماجستير بالشركات التجارية الدولية لو بحقوق الانسان يعني وحدة من الاثنين
واعتقد هذولة الاختصاصين مطلوبين بأي مكان واختصاص حقوق الانسان يمكن عدنه بالشرق الاوسط بي مجال عمل واسع اذا مو غلطان اني


سبحان الله ..... وبحمده ... سبحان الله العظيم


 

980x120