اخوتي بلا زحمه عندي كم سؤال
1-المهاجر يكدر يغير ولايته اول ميوصل اذا يشوفه ولايه تعبانه وشنو موقف المساعدات اذا يكدر يغير الولايه
2-اذا اشتغل 8 ساعات باليوم هل تعتبر فول تايم واذا اعتبروها فول تايم تئثر على المساعدات
3- اول شغله يلكوها المنظمه اله لازم يقبل بيها حتى لو شافها صعبه يعني مثلا شفت ليلي ومجهود صعب حمال او غيرها يكدر يرفضها ويلكون غيرها
4-اذا ناوي يدرس شوكت يبدي يدرس وشوكت لازم يبلغ المنظمه انه هو يريد يكمل دراسته الجامعيه وشنو لازم يسوي
والف شكر للجميع وادعي ربي يفرح كلوبكم كلكم
حبيبتي ريم
1-اذا وصل الاجئ في اول ايام ومعجبته الولايه يبلغ المنظمه باول وصوله وميوقع على ايجار الشقه ويطلب الويلكوم موني
بس راح يخسر رواتب الماجكرانت
2-حبيبتي بالنسبه للشغل مو بعدد الساعات وانما الدخل الي يدخله هذا الشغل
يعني اكو حد محدد لمستوى الدفع بالاسبوع اذا تجاوزه بهاي الحاله ينخفض الفود ستامب الى ان ينكطع حسب اخر صكين مستلمه
3- عيني هوه من الاول يبلغهم انه اني عندي معوقات مثل مااكدر اعمل عمل ليلي او شغلها صعب عليه
ويحاول يتفاهم وياهم بس عادة كل الاعمال بالبدايه صعبه وخلي يجرب مو كلما يجيبوله شغله يكولهم مااكدر حتى ليفتهمون انه هوه ديتحجج
4-بالنسبه للدراسه حسب نوع الدراسه الي راح يدرسها مثلا اذا هوه ممشتغل ولا عنده ايراد شلون يقدم على الجامعه واسعارها جدا عاليه
واذا يريد يكمل دراسات لازم اول شي يعادل شهادته وبعدين يقدم على الجامعه ويشوف شنو مطلوب عليه من المواد
اما اذا كان يريد يدرس على الفاينينشل ايد فهاي تشمل الدراسه في الكوميونتي كوليج
والمفروض اول يشكل بشغل حتى يكدر يدفع ايجاره ومصاريفه وبعدين يدرس
