ألى الاخوان أصحاب الشهادات في امريكا فتح برنامج جديد ومهم يعني باللاجئين

[yasir fakhri]

الاخوان والاخوات الواصلين الى اميركا وخصوصا من لديه شهادة جامعية ومترجمة الان توجد فرصة جيدة للتسجيل في برنامج يسمى Reach وهو برنامج يعنى باللاجئين فقط وهو يساعدهم على معادلة شهاداتهم أولا ومن ثم الاتصال بالشركات او القطاعات التي تطابق اختصاصهم حتى يتم دمجهم للعمل في هذه الشركات وبرعاية المنظمة التي كفلتهم بالوصول الى الولايات المتحدة الامريكية حيث هناك فرصة كبيرة لكل من وصل امريكا ولم يعادل شهادته هذا اولا اما ثانيا ايجاد العمل وضمن الاختصاص الذي تخصص فيه صاحب الشهادة وهذا يعتبر من الاشياء النادرة في امريكا.
اتمنى ان اكون قد قدمت خدمة ولو كانت بسيطة لكل من يهمه الامر والشروط كالاتي:
1- حاصل على شهادة جامعية اولية من بلده الام ويجب ان تكون مترجمة.
2-يجب ان يكون مقيم وبصفة لاجئ.
3-يجب ان يتحدث اللغة الانكليزية بشكل جيد.
اني حاضر لاي استفسار يخص هذا الموضوع اذا كان هناك أي شئ غير واضح.
تمنياتي لكم بالتوفيق

اخوكم ياسر  

[sparky]

الله يحفظك ويخليك ياياسر ياتج الراس
سنبعث هذه المعلومه الى الطيبين اللي نعرفهم وياريت بعض المعلومات تكتب بالانكليزي كان يكن اسم البرنامج اللي حضرتك كتبته واللينك على الانترنت ---يعني بعض التفاصيل وممنونين منك سيدي الغالي

[روزة اليرموك]

تسلم والله يوفقك ان شاء الله

[yasir fakhri]

الله يحفظك ويخليك ياياسر ياتج الراس
سنبعث هذه المعلومه الى الطيبين اللي نعرفهم وياريت بعض المعلومات تكتب بالانكليزي كان يكن اسم البرنامج اللي حضرتك كتبته واللينك على الانترنت ---يعني بعض التفاصيل وممنونين منك سيدي الغالي

الاخ العزيز سباركي ماعلي المستفيد اي اللاجئ الا الذهاب الى المنظمة التي كفلته في يوم من الايام والتسجيل في هذا البرنامج المهم براي وسوف يخدم الكثيرين الكثيرين من حمله الشهادات والذين لم يستطيعوا ان يعادلوا شهاداتهم هذا اولا والاهم من هذا كله هو ايجاد فرصة عمل ضمن الاختصاص وهذا طبعا حلم كبير لكل من وصل الى امريكا .
تمنياتي لكم جميعا بالتوفيق والنجاح ولاتنسونا بالدعاء
اخوكم ياسر

[yasir fakhri]

تسلم والله يوفقك ان شاء الله

اختي العزيزة اني بالخدمة مشكورة على دعواتك الجميلة

تمنياتي بالتوفيق والنجاح للجميع

[التاج]

والله اني هاي اعتبرها بشارة وراح تسهلنه هواي امور

[gustavo]

الكلام ميوفي حق الطيبين ........
الله يديم الك الخير مثل ما اتحبه للغير .

[hamada2]

مشكور اخ ياسر والان اصبحت تبدع واتمنالك الخير

انا خريج ( علوم حياة - بايولوجي ) في العراق ودخلت دورة ست اشهر لكي اتخرج مساعد صيدلي 

لدي كل شيء جاهجز من شهادة ومصدقة ومترجمة وكل شيء ؟


الان شجعتني من كلامك واتنمى كل الخير


انا الان اعمل باختصاص غير اختصاصي وهوة جديد علي ولكنه اعتبره ( هذا المتوفر ويوفر لي مبلغ معين )

عرض علي ان اكمل دراستي ولكن ؟ ( من جديد وباختصاص غير اختصاصي ) اي مساعد مساعد ممرض 
ومن ثم مساعد ممرض  ومن ثم ممرض 


المهم ممرض مساعد ممرض ؟ سستر  بيبي سستر  اشو كلهة صارت دكاترة هنا 


ياريت ادزلي موقع او رابط لما تفضلت به واكون ممنون من حظرتك , بدل ماصير بيبيبي سستر الله يخليك 

تحياتي ياوردة

[*George*]

رحمة الله والديك اخوية هذا خوش خبر

[santabanta]

عاشت ايدك اخ ياسر بس ياريت فد لنك للموضوع لان دورت بموقع المنظمه مالتنه ما لكيته والف شكر مقدما

[ريتا سعد]

مشكوووووووووور خوش خبر واهم خبر.

[ريم عبد]

الف شكر اخي ياسر ومعلومه كلش حلوه ومفيده
وياريت ادكولنا اذا اتطبق هذا البرنامج بمنظمتك وساري العمل بي حاليا؟؟؟
واسم البرنامج (ريجين) تكتبلنياه بالانكليزي
لان منظمتنا اشو متعرف شي عن هذا الموضوع

[zozk]

السلام عليكم
اخي العزيز ممكن فد للنك او موقع او تلفون او عنوان حت انشوف شنو الفلم
بارك الله بيك

[steven_siv]

شباب انطنونا عطوة اشو الكل شكرا وممنون وخوش خبر احد بيكم ماسال سؤال الاخ سوزك الوحيد اللي سال يمعود رقم المنظمة عنوان فد شي ملموس لان مااظن فد شي مقنع تروح اهناك وتكوا اسم ويكولولك اتفضل ترا امريكا اكبر من باب الشرجي مو اخي رجاءا الرابط

[mohammedchemical]

up

[ĈAŃDŶ]

بارك الله بيك انشاء الله نوصل ونستفاد من هذه الاشياء عاجلا وليس اجلا ربي سهل اموري وامور كل المتاخرين

[Banjamen]

الخبر بعدة اخضر وما ناشف حبرة واخونا العزيز حب يبشرنا
شكرا جزيلا خوش بشارة اذا تحقق الخبر , الله يبشرك بالخير

[yasir fakhri]

اولا صباح الخير على كل الاخوان اللي عايشين بامريكا ومساء الخير على اخوانا واخواتنا اللي بالعراق او بالدول العربية عذرا لانه البارحة مكدرت ارد على استفساراتكم بشأن الرابط او العنوان او ماشابه ذلك لكني اقول لكم وكلي ثقة بانه تم استحداث هذا البرنامج ومثل ماشرحت مسبقا وماعليكم سوى الذهاب او الاستفسار من الكيس ووركر للتسجيل وحسب الشروط التي ذكرتها مسبقا
وان نشري للخبر كان بمثابة تبليغ رسمي وشفوي لي من قبل منظمة الـ WORLD RELIEF التي كما اسلفت أعمل مهم بارت تايم وهذا حدث يوم 27/3 اي البارحة وهذه المنظمة لديها 23 فرع في الولايات المتحدة الامريكية متوزعة وهذا حسب الموقع الرسمي للمنظمة وهو worldrelief.org وبعدها تختارون us وهذا فقط لمعرفة مواقع المنظمة المنتشرة حسب ماذكرت سلفا وبصفة رسمية هذه المنظمة تتبع لمنظمة الكاثوليك جاريتي وهي من أكبر المنظمات الراعية للاجئين في الولايات المتحدة الامريكية
اليوم او بنهاية هذا اليوم راح احاول انطيكم معلومات أكثر عن الموضوع بمجرد رجوعي من العمل.
أخواني هذا الشئ يشمل جميع المنظمات وجميع اللاجئين بدون استثناء للعلم والاطلاع رجاءا
شكرا لكل الردود الطيبة وايضا لدعواتكم الحلوة وانا ردا على بعض الاخوة أقول اخوكم  مامحتاج الشكر والمديح!! لان الشكر والحمد لله وحده
هذا ولكم مني الشكر وأكون جدا ممنون ان بلغتوا كل من ليس لديه خبر لياخذ فرصته من هذا البرنامج والله من وراء القصد
أخوكم ياسر
 

[mr.sad]

اولا صباح الخير على كل الاخوان اللي عايشين بامريكا ومساء الخير على اخوانا واخواتنا اللي بالعراق او بالدول العربية عذرا لانه البارحة مكدرت ارد على استفساراتكم بشأن الرابط او العنوان او ماشابه ذلك لكني اقول لكم وكلي ثقة بانه تم استحداث هذا البرنامج ومثل ماشرحت مسبقا وماعليكم سوى الذهاب او الاستفسار من الكيس ووركر للتسجيل وحسب الشروط التي ذكرتها مسبقا
وان نشري للخبر كان بمثابة تبليغ رسمي وشفوي لي من قبل منظمة الـ WORLD RELIEF التي كما اسلفت أعمل مهم بارت تايم وهذا حدث يوم 27/3 اي البارحة وهذه المنظمة لديها 23 فرع في الولايات المتحدة الامريكية متوزعة وهذا حسب الموقع الرسمي للمنظمة وهو worldrelief.org وبعدها تختارون us وهذا فقط لمعرفة مواقع المنظمة المنتشرة حسب ماذكرت سلفا وبصفة رسمية هذه المنظمة تتبع لمنظمة الكاثوليك جاريتي وهي من أكبر المنظمات الراعية للاجئين في الولايات المتحدة الامريكية
اليوم او بنهاية هذا اليوم راح احاول انطيكم معلومات أكثر عن الموضوع بمجرد رجوعي من العمل.
أخواني هذا الشئ يشمل جميع المنظمات وجميع اللاجئين بدون استثناء للعلم والاطلاع رجاءا
شكرا لكل الردود الطيبة وايضا لدعواتكم الحلوة وانا ردا على بعض الاخوة اخوكم اقول مامحتاج الشكر والمديح!! لان الشكر والحمد لله وحده
هذا ولكم مني الشكر الموصول ان بلغتوا كل من ليس لديه خبر لياخذ فرصته من هذا البرنامج والله من وراء القصد
أخوكم ياسر
 

مشكور  اخ ياسر على المعلومة

[برنسيسة]

هذا احلى خبر اذا فعلا تطبق ومشوا بي يعني هواية ناس راح ترتاح ومحد راح يشتغل بالمطاعم يغسل مواعين 

عاشت ايدك وبارك الله بيك
الله يسهل امرك ويوفقك

[OK H.K]

شكرا اخي الكريم ياسر جعله الله سبحانه في ميزان حسناتك...تقبل مروري ومحبتي

[yasir fakhri]

اليكم ايميل وعنوان المنظمة الرسمي حسب رغبتكم وهناك ارقام هواتف ممكن الاتصال عليها والتأكد من الموضوع :

                                                                     worldreliefnashville.org
                                                    
                                                                World Relief Nashville
1655 Murfreesboro Pk. Suite G
Nashville, TN 37217
 
Phone: 615-833-7735
Fax: 615-833-7131                                                                                                                                                                
واسم البرنامج هو  reach programme واضافة الشروط السابقة هناك شرط تواجد اللاجئ في امريكا من سنة الى خمس سنوات (المقصود هو قبل الحصول على الجنسية) مع الشروط الباقية التي ذكرناها مسبقا
مرة ثانية اي سؤال واي استفسار اني حاضر وبالخدمة
اخوكم ياسر          

[cool050]

مشكور اخوية العزيز ياسر على هذا الخبر الرائع والله ينطيك دوام الصحة والعافية ويحققلك كل الي ابالك

[Abnaa Al-Iraq]

شكراً لنقل الخبر مقصرت يجعلها الله في ميزان حسناتك

[مترجم سابقا]

ربي يوفقك انشاء الله على هذا الخبر بس اذا امكن سوال اتمنى تسال بيه المنظمه هل الي مقدم على siv مشمول بهذا البرنامج ام لا ؟ اتمنى الاجابه  والسوال الثاني هل باقي المنظمات  تعمل بهذا المشروع او البرنامج   يعني اذا واحد صار على غير هاي المنظمه يشمله هذا البرنامج لو شرط الا هاي المنظمه هو متكفله بيه؟ وهل هاي المنظمه موجوده في كل الولايات المتحده؟  وانه ممنون منك واتمنى الجواب واسال الله الك التوفيق لان والله فرحتني

[yasir fakhri]

ربي يوفقك انشاء الله على هذا الخبر بس اذا امكن سوال اتمنى تسال بيه المنظمه هل الي مقدم على siv مشمول بهذا البرنامج ام لا ؟ اتمنى الاجابه  والسوال الثاني هل باقي المنظمات  تعمل بهذا المشروع او البرنامج   يعني اذا واحد صار على غير هاي المنظمه يشمله هذا البرنامج لو شرط الا هاي المنظمه هو متكفله بيه؟ وهل هاي المنظمه موجوده في كل الولايات المتحده؟  وانه ممنون منك واتمنى الجواب واسال الله الك التوفيق لان والله فرحتني

اخي مترجم سابقا فقط لو ترجع لردودي السابقة في نفس الصفحة سوف تجد الاجوبة لاستفساراتك ويوجد ايضا عنوان المنظمة وارقام التلفون والفاكس وممكن لاي احد ان يتصل ويستفسر عن باقي فروع المنظمة وتواجدها في الولايات الباقية واللي اعتقد 23 فرعا واللي اعتقد مذكروة في احد ردودي مع الشكر الجزيل كذلك لك الحق في معرفة مدى ونوعية الخدمات التي تقدمها هذه المنظمة.
اخوكم ياسر

[ĈAŃDŶ]

حرامات ماكو بمشيكان

[yasir fakhri]

حرامات ماكو بمشيكان

اختي العزيزة ماكنتوشة هاي تجربة جديدة واكيد بالايام القادمة رح يطبقوها في باقي الولايات وهو مثل متعرفين برنامج ممكن ينجح وممكن لا وهذا يعتمد على كثير من الامور يطول شرحها لكن على كل حال هذا البرنامج براي الشخصي من اهم البرامج التي سوف تخدم العراقيين خصوصا لانهم اصحاب شهادات وعقول لايمكن التفريط فيها وهناك برامج جديدة وحديثة سوف يتم اعلانها بالمستقبل القريب ولنا حديث في حينها .
تقبلي تحياتي واحترامي
اخوكم ياسر

[yasir fakhri]

مشكور اخوية العزيز ياسر على هذا الخبر الرائع والله ينطيك دوام الصحة والعافية ويحققلك كل الي ابالك

الله يسلمك ويخليك اخوية العزيز مسوينه شئ مشكور لدعواتك الجميلة

اسال الله ان يرزقك مافي بالك ويحققلك امانيك
اخوك ياسر

[yasir fakhri]

شكراً لنقل الخبر مقصرت يجعلها الله في ميزان حسناتك

شكرا لك وممنونين منك لنشرك هذه الاية العزيزة على قلبي وقلب كل مسلم

بسم الله الرحمن الرحيم ..* فَاذكُرُوني أَذكُركُم وَاشكُرُوا لي وَلاَتَكفُرُون (*) ياأيُّهَا الَّذِينَ ءَامنُوا استَِعينُوا بِالصَّبرِ وَالصَّلاةِ إِنَّ اللَّهَ مَعَ الصَّابرينَ * صدق الله العلي العظيم ...

تمنياتي لك بتمام الصحة والعافية

اخوكم ياسر

[yasir fakhri]

اليكم ايميل وعنوان المنظمة الرسمي حسب رغبتكم وهناك ارقام هواتف ممكن الاتصال عليها والتأكد من الموضوع :

                                                                     worldreliefnashville.org
                                                    
                                                                World Relief Nashville
1655 Murfreesboro Pk. Suite G
Nashville, TN 37217
 
Phone: 615-833-7735
Fax: 615-833-7131                                                                                                                                                                
واسم البرنامج هو  reach programme واضافة الشروط السابقة هناك شرط تواجد اللاجئ في امريكا من سنة الى خمس سنوات (المقصود هو قبل الحصول على الجنسية) مع الشروط الباقية التي ذكرناها مسبقا

وهذه اكثر مواقع المنظمة المنتشرة باميركا
California
Modesto
Sacramento
San Jose
Garden Grove    Florida
Jacksonville
Miami
Tampa
   Georgia
Atlanta
   Idaho
Boise    Illinois
Aurora
Chicago
DuPage
Moline    Minnesota
Minneapolis-St. Paul    
North Carolina
High Point
Durham    Tennessee
Nashville    Texas
Fort Worth    Washington
Richland
Seattle (Kent)
Spokane    Maryland
Baltimore
هذه المعلومات لكل من استفسر باحترام وايضا لكل من حاول ان يشكك في مصداقية الموضوع
اخوكم ياسر

[مدام كوري]

السلام عليكم اخويه

اولا الله يوفقك ويخليك ويبارك بييك وبجهالك وبرزقك

ثانيا هذا احلى خبر سمعته من دخلت امريكا ليهسه

ثالثا انت باي ولايه حضرتك

رابعاهل هذا البرنامج مفعل حاليا حتى اروح باجر من الغبشه اني وزوجي للمنظمه ونقدم شهاداتنه واحنه جايبيهه ومترجمه ومصدقه من الخارجيه


خامسا ارجو الاجابه عن جميع الاسئله ماكو ترك

[yasir fakhri]

السلام عليكم اخويه

اولا الله يوفقك ويخليك ويبارك بييك وبجهالك وبرزقك

ثانيا هذا احلى خبر سمعته من دخلت امريكا ليهسه

ثالثا انت باي ولايه حضرتك

رابعاهل هذا البرنامج مفعل حاليا حتى اروح باجر من الغبشه اني وزوجي للمنظمه ونقدم شهاداتنه واحنه جايبيهه ومترجمه ومصدقه من الخارجيه


خامسا ارجو الاجابه عن جميع الاسئله ماكو ترك

الاخت العزيزة مدام كوري شكرا لمرورك الكريم وراح اجاوبك على اسئلتك مثل مطلبتي مني :
1-ممنون منك ومن دعواتك الحلوة يارب يوفقك لعمل الخير
2-الله يسعدك ويهنيك
3-انا بولاية تينيسي مدينة ناشفيل
4-من باجر روحي اذا توفرت لديك الشروط المطلوبة للبرنامج
واتمنى ترجعين لردودي السابقة اذا حبيتي توضيح اكثر من عناوين وشروط وامتيازات وتشمل تقريبا 23 ولاية او مدينة في اميركا
واي شئ ثاني اني حاضر
اخوكم ياسر

[engineermech]

مشكور اخ ياسر لمعلومة وجعلها الله في ميزان حسناتك

[مدام كوري]

السلام عليكم اخويه

احب اشكرك على ردك على اسئلتي واني ممنونه منك

رجعت قريت ردودك وشفت شرط الاقامه وهذا حاليا ممتوفر بينه لان احنه صارلنه 6 اشهر وان شاء الله بس نستلم الكرين كارت نقدم على هذا البرنامج والله كريم ......ان شاء الله مبقى شي احنه عدينه اول 6 اشهر

واخيرا امنياتي لك ولعائلتك بالصحه والعيش الكريم

واتمنى من ادارة المنتدى ان تبقي هذا الموضوع لاهميته عند اغلب العراقيين لان بيه الخلاص من وضع مزري الى وضع اخر وفرص عمل افضل

ان شاء الله الموفقيه للجميع ......واي عضو من الاعضاء يطبق عليه البرنامج ارجو ان يتابع الموضوع ويطبقه وينقلنه تجربته

[seta hago]

عاشت الايادي يسلموووووووو

[yasir fakhri]

عاشت الايادي يسلموووووووو

وايديكم العايشة ممنونين منكم وانشاءالله التوفيق لكل اخوتنا واخواتنا الواصلين على اميركا

واحنه اليوم فرحتنا كبيرة ومتنوصف بعودة المنتدى

[sartar]

السلام عليكم

اخوية ياسر اليوم ام المنظمة كلتلي حولناكم على ( كود نيبرهود سنتر ) الي هو راح يتكفل بمعادلة شهادتكم
طبعا جزاك الله الف خير لان اني قريت موضوعك وربطت الشغلة

فسالته كوتله يعني هاي شغلة جديدة ؟ كالت ايه برنامج جديد بس نسيت الاسم الي كلتلي عليه

[yasir fakhri]

السلام عليكم

اخوية ياسر اليوم ام المنظمة كلتلي حولناكم على ( كود نيبرهود سنتر ) الي هو راح يتكفل بمعادلة شهادتكم
طبعا جزاك الله الف خير لان اني قريت موضوعك وربطت الشغلة

فسالته كوتله يعني هاي شغلة جديدة ؟ كالت ايه برنامج جديد بس نسيت الاسم الي كلتلي عليه

مبروك عليك اخي الكريم وبالتوفيق أنشاءالله وبمناسبة ذكرك لهذا الموضوع صبح هذا اليوم قد اصطحبت احد الأخوة والذي عادل شهادته من اميركا قبل سنة من الان وهو يعمل الأن في مجال الـ Security ووصلنا لمقر المنظمة للاستفسار عن هذا البرنامج وبعد اللقاء مع مسؤولة البرنامج  والتي تدعى بيتسي تم ألاتفاق على أضافة اسمه وأنضمامه للبرنامج على ان يبدأ بالحضور الى الدورات والتي تم تنظيمها في وقت قريب وليكون أحد المستفيدين من هذا البرنامج مستقبلا وذلك من خلال الحصول على وظيفة من ضمن أختصاصه وأسم البرنامج هو Reach Programe
شكرا اخي العزيز لحضورك وممنونين من متابعتك للموضوع ولقيامك بالتذكير
اخوك ياسر

[sartar]

السلام عليكم

طبعا رحنا للمنطمة الي علساس يعادلون شهادتنا
المهم كالو مو يعادلون الشهادة وانما يأهلونا او يدلونا الطريق بهذا الشي
على العموم حددولنا موعد يوم الاثنين الجاي علمود يفهمونا بالتفاصيل
واني راح اجي واحجيلكم

شكرا

[yasir fakhri]

السلام عليكم

طبعا رحنا للمنطمة الي علساس يعادلون شهادتنا
المهم كالو مو يعادلون الشهادة وانما يأهلونا او يدلونا الطريق بهذا الشي
على العموم حددولنا موعد يوم الاثنين الجاي علمود يفهمونا بالتفاصيل
واني راح اجي واحجيلكم

شكرا

اخي العزيز هذا جواب طبيعي لانه معادلة الشهادة هي من اختصاص الجامعات تحديدا ولاتتصورها جهود قليلة اللي راح يقومون فيها هاي اولا وثانيا وبعد معادلة شهادتك راح تكون من المفضلين في البحث عن بايجاد عمل وضمن اختصاصك وهذا الشئ صار حلم لكثير من الناس اللي سافروا وعادلوا شهاداتهم ولتصورني اريد اسوي دعاية للمنظمة لكن هناك مواقف جيدة للمنظمات لايدركها الا القليل من اللاجئين رغم مساؤى بعض المنظمات ولاتنسى ان المنظمة هي الكفيل الوحيد الذي يؤخذ بكلامه ويكون موضوع ثقة عندما يكون ريفرينس لاي شخص يود ان يعمل في شركة او ستور او مكان ماا.
تقبل تحياتي
اخوك ياسر
على اية حال اتمنالك الموفقية في عملك وفي معادلة شهادتك 

[sartar]

اخوية ياسر
بارك الله بيك انه انتة نقلتلنا الخبر ولا اسف اذا افتهمت انه اني دا اقلل من قيمة الموضوع بالعكس

اني رأيي انه المنظمات خلف الله عليهم عمي على الي ديسووه

وحبيت انه توصل الفكرة اكثر للي ميعرف
وعلى العموم اني شكو شغلات راح تصير وياية بخصوص هالموضوع راح اكتب عنه وبهذا موضوعك
علمود يستفاد منه الي بعده مجاي لامريكا وايضا للي موجودين هنا

واتمنى اي احد عنده معلومة خلي يكتبه بهذا الموضوع علمود الكل تستفاد

مرة ثانية اشكرك اخ ياسر على المجهود القيم

[مدام كوري]

السلام عليكم

ارجو من الاخوة الي راح يطبقون البرنامج ان يشرحولنه كل شيء يخص هذا البرنامج

يعني خطوة بخطوة اذا متصير زحمة لان بصراحه احنه املنه بهيج برامج

وان شاء الله ربي  يسهل على الجميع ويطبقوه حتى وان احتاج فترة من الزمن ........لان بالنهايه الموضوع لمصلحتنه كلنه

امنياتي بالموفقيه للجميع ...........وتحياتنه و دعواتنه للاخ ياسر ........لنشره هذا الخبر

[yasir fakhri]

اخوية ياسر
بارك الله بيك انه انتة نقلتلنا الخبر ولا اسف اذا افتهمت انه اني دا اقلل من قيمة الموضوع بالعكس

اني رأيي انه المنظمات خلف الله عليهم عمي على الي ديسووه

وحبيت انه توصل الفكرة اكثر للي ميعرف
وعلى العموم اني شكو شغلات راح تصير وياية بخصوص هالموضوع راح اكتب عنه وبهذا موضوعك
علمود يستفاد منه الي بعده مجاي لامريكا وايضا للي موجودين هنا

واتمنى اي احد عنده معلومة خلي يكتبه بهذا الموضوع علمود الكل تستفاد

مرة ثانية اشكرك اخ ياسر على المجهود القيم

اخي العزيز كلك خير وبركة والله اتمنالك واتمنى لباقي اخوتنا الطيبين كل الخير واسف اذا كان في كلامي عتب صغير وتوضيح لما ذكرته مسبقا والله اخي هواي امور عندي تاركه ومخلي اهتمامي باخوتي واخواتي واكول مع نفسي الله كريم ربك ينطي الناس على كد نيته وانشاءالله كل الذي فعلته وماسوف افعله هو وفاء وتقدير لكل من وهب نفسه لاجل زرع البسمة على وجوه الاخرين
تحياتي لك وبارك الله بك وممنون منك ومن ردك الكريم
اخوك ياسر

[sartar]

السلام عليكم

مثل موعدتكم انه اني احجي الي صار وياية ووية زوجتي وبموضوع اخونا ياسر

طبعا رحنا لهاي المنظمة الي هية هنا لنبراسكا ( لنكن ) يسموها كود نيبرز والي هية تابعة للكاثولك دي سفن
اكو بنية عراقية وردة مال الله عايشة من التسعينات هنا وهية موظفة هناك وبس تحب تساعد وتنصح
المهم
فاخذت كل شهايدنا وشهادات خبرة واستنسختهن وبعدين كعدنا اجتماع وية مديرها الي هو مسوول عن هذا البرنامج
البرنامج جديد صارله 3 اشهر
والي هو يساعد اصحاب الشهادات وحتى الحرف انه يستفادون من شهاداتهم او حرفهم
يعني يساعدوك بمعادلة شهادتك من الناحية المادية والنصيحة
خلي اشرج نقطة نقطة حسب حالتي اني وزوجتي لانه ثنيما مهندسين

يحاولون يلكولوك شغل قدر المستطاع قريب على اختصاصك يعني مو الا مهندس مثلا كمساعد مهندس
ثاني شي ياخذوك للجامعة ويرحون وياك علمود يستفسرون شون تكدر تكمل ماجستير
بنفس الوقت علمود تحصل رخصة مهندس لازم تمتحن امتحان ال اف اي وهمة يتكفلون بدفع الرسوم لمرة واحدة فقط يعني اذا رسبت المرة الثانية عليك
يساعدوك بمصاريف معادلة شهادتك وكذلك باجور امتحان ال gre والتوفل بالنسبة للمهندسين

يعني هذا كل الي عرفته واتمنى فدتكم بمعلومة وبعد هماتين كلما احصل غير معلومات اكتبها الكم وبهذا الموضوع

شكرا

[مدام كوري]

شكرا اخ سرتار عل هذا التوضيح

والله يوفقكم انت وزوجتك يارب ........وان شاء الله انشوفكم باحسن المراتب

واذا ما بيهه زحمة .........تشرحلنه كلشي يصير وياك اول باول .

تحياتي وامنياتي بالموفقيه للجميع

[yasir fakhri]

السلام عليكم

مثل موعدتكم انه اني احجي الي صار وياية ووية زوجتي وبموضوع اخونا ياسر

طبعا رحنا لهاي المنظمة الي هية هنا لنبراسكا ( لنكن ) يسموها كود نيبرز والي هية تابعة للكاثولك دي سفن
اكو بنية عراقية وردة مال الله عايشة من التسعينات هنا وهية موظفة هناك وبس تحب تساعد وتنصح
المهم
فاخذت كل شهايدنا وشهادات خبرة واستنسختهن وبعدين كعدنا اجتماع وية مديرها الي هو مسوول عن هذا البرنامج
البرنامج جديد صارله 3 اشهر
والي هو يساعد اصحاب الشهادات وحتى الحرف انه يستفادون من شهاداتهم او حرفهم
يعني يساعدوك بمعادلة شهادتك من الناحية المادية والنصيحة
خلي اشرج نقطة نقطة حسب حالتي اني وزوجتي لانه ثنيما مهندسين

يحاولون يلكولوك شغل قدر المستطاع قريب على اختصاصك يعني مو الا مهندس مثلا كمساعد مهندس
ثاني شي ياخذوك للجامعة ويرحون وياك علمود يستفسرون شون تكدر تكمل ماجستير
بنفس الوقت علمود تحصل رخصة مهندس لازم تمتحن امتحان ال اف اي وهمة يتكفلون بدفع الرسوم لمرة واحدة فقط يعني اذا رسبت المرة الثانية عليك
يساعدوك بمصاريف معادلة شهادتك وكذلك باجور امتحان ال gre والتوفل بالنسبة للمهندسين

يعني هذا كل الي عرفته واتمنى فدتكم بمعلومة وبعد هماتين كلما احصل غير معلومات اكتبها الكم وبهذا الموضوع

شكرا

الاخ العزيز سارتر بارك الله بيك ووفقك لعمل الخير اسال الله سبحانه وتعالى ان يكتب لك النجاح فيما تسعى اليه وشكرا جزيلا لتواصلك مع هذا الموضوع مما يصب في مصلحة الجميع
اخوك ياسر

[lionofiraq]

اشكرك ياسر و ممنونين على هذا الخبر الجميل و المفرح بس ممكن سؤال: اكو واحد استخدم هذا الشيء و لكه شغل عن طريقهم؟

[yasir fakhri]

اشكرك ياسر و ممنونين على هذا الخبر الجميل و المفرح بس ممكن سؤال: اكو واحد استخدم هذا الشيء و لكه شغل عن طريقهم؟

والله نتمنى هذا الشئ يصير مع انه البرنامج لحد الان جديد ويحتاج وقت ومثل متعرف حضرتك اذا كنت عايش باميركا انه الفصل الدراسي انتهى وحاليا فترة الامتحانات النهائية , لكن الشئ اللي احب ااكده لحضرتك واحب اطمئنك عليه ولباقي الاخوة المستفسرين بانه هذا البرنامج موجود فعلا يعني مكانت سالفة تسولفت بالشارع او موضع منشور في مكان اخر وتم نقله ببراعة  للمنتدى مثلا!!
 وللعلم اخي اني بنفسي رحت قبل مدة للمنظمة اللي بمدينتنا وكان معي شخصين تم تسجيل احدهما والثاني عنده نقص بالاوراق المطلوبة واذا تحب ايضا انطيك رقم المنظمة واستفسر بنفسك منهم واكيد انت راح تميز اللكنه من تتصل بشخص امريكي بالاصل
والحمد لله على العراقيين اللي هنا ماشاءالله عليهم شكو موضوع بيه فائدة وبيه نفع للناس مكتمين عليه وخصوصا الامور المادية وهذا مو ادعاء بل حالة موجودة ومنتشرة بين اللاجئين العراقيين للاسف مع احترامي للقلة الخيرة منهم طبعا ندعو الله ان يجعلنا من الناس المستفيدين من هذه الفئة القليلة
ومن يجي يوم وتشوف العراقيين يتكلمون عن الفائدة والنفع اللي حصلوها من اميركا كول احنه بخير
وعلى ذكر رجل كبير بالعمر يكول اكثر العراقيين اللي هنا ياكلون بالفود ستامبس وساكنين بـ سكشن 8 ويشتمون باميركا!!!  
وفي قول للرسول الكريم (ص)
(لايؤمن احدكم حتى يحب لاخيه مايحب لنفسه) صدق رسول الله
تحياتي

[lionofiraq]

اشكرك ياسر و ممنونين على هذا الخبر الجميل و المفرح بس ممكن سؤال: اكو واحد استخدم هذا الشيء و لكه شغل عن طريقهم؟

والله نتمنى هذا الشئ يصير مع انه البرنامج لحد الان جديد ويحتاج وقت ومثل متعرف حضرتك اذا كنت عايش باميركا انه الفصل الدراسي انتهى وحاليا فترة الامتحانات النهائية , لكن الشئ اللي احب ااكده لحضرتك واحب اطمئنك عليه ولباقي الاخوة المستفسرين بانه هذا البرنامج موجود فعلا يعني مكانت سالفة تسولفت بالشارع او موضع منشور في مكان اخر وتم نقله ببراعة  للمنتدى مثلا!!
 وللعلم اخي اني بنفسي رحت قبل مدة للمنظمة اللي بمدينتنا وكان معي شخصين تم تسجيل احدهما والثاني عنده نقص بالاوراق المطلوبة واذا تحب ايضا انطيك رقم المنظمة واستفسر بنفسك منهم واكيد انت راح تميز اللكنه من تتصل بشخص امريكي بالاصل
والحمد لله على العراقيين اللي هنا ماشاءالله عليهم شكو موضوع بيه فائدة وبيه نفع للناس مكتمين عليه وخصوصا الامور المادية وهذا مو ادعاء بل حالة موجودة ومنتشرة بين اللاجئين العراقيين للاسف مع احترامي للقلة الخيرة منهم طبعا ندعو الله ان يجعلنا من الناس المستفيدين من هذه الفئة القليلة
ومن يجي يوم وتشوف العراقيين يتكلمون عن الفائدة والنفع اللي حصلوها من اميركا كول احنه بخير
وعلى ذكر رجل كبير بالعمر يكول اكثر العراقيين اللي هنا ياكلون بالفود ستامبس وساكنين بـ سكشن 8 ويشتمون باميركا!!!  
وفي قول للرسول الكريم (ص)
(لايؤمن احدكم حتى يحب لاخيه مايحب لنفسه) صدق رسول الله
تحياتي

طبعا اني احب اشكرك هذا الكلام الأكثر من رائع و اتمنى انه كل العراقيين يخطون خطوتك هذه و يساعدون اخوتهم و اتمنى انه سؤالي مضايقك و لا سببلك نوع من الأزعاج و ممنونيين منك مرة اخرى