شلونكم يا جماعة أرجوا أن تكونوا بأفضل الأحوال
آني اليوم يا أصدقائي وصديقاتي راح أرويلكم عن قصة قصيرة حصلت معي قبل يومين بالشركة
أنا عندي صديق مكرود من سوريا ويشتغل وياية بنفس الشركة والمشكلة هذا الشخص ينسى الأشياء بسرعة
يعني تكدر تكول مصاب بزهايمر (مرض النسيان)
المهم كنا نشتغل وهو كال "والله آني جعت راح اروح اشتري سندويج وارجع", فأنا كلتله "آني هم جيب لي وياك سندويج , بس كوله ما يحط لي شطة يعني فلفل الحار" , فهو كال "زين راح اجيب واحد بشطة إلي لانه آني احب حار وراح اجيب واحد إلك بدون شطة" , المهم قبل ما يروح كررت وصرت اكثر من مرة اكله "اكول السندويج مالتي بدون شطة ها " , بعدين زعل ورجع يكول " يمعود هاي شبيك دوختني خلاص فهمت بدون شطة بدون شطة" , هو يا جماعة مثل ما كلت بالبداية ما كنت اثق بيه لانه ينسى بسرعة ولهسبب كررتها اكثر من مرة
المهم هو راح ورجع وفعلتاً جان جايب وياه سندويجتين "واحد بشطة حار إله وواحد من غير شطة إلي" فكلت الحمد لله أخيراً ما نساها وجابها مثل ما اريد وآخر شي انا كاعد مشغول وملتهي بالشغل فكال "يلا كمال تعال نروح ناكل سندويجاتنا بالكافيتيريا" مال الشركة طبعاً, فكلت "لا انت روح كل وآني بس اخلص بعدين آكل", المهم هو راح واكل ورجع يكعد ويشتغل فآني شلت السندويج مالتي وكلت خلاص راح آكلها هنا بمكان عملي لانه ما عندي مجال اترك الشغل واروح على الكافيتيريا "المكان المخصص للأكل" وأول ما اكلت لقمة منها حسيت حلكي كلش أحترك فرأساً كلتله "ولك شنو هاي مو على أساس السندويج مالتي جبتها بدون شطة" فكال "اوووووه والله نسيت أكلت السندويج مالتك إلي ماجانت بيها شطة"
هههههههههههههه شنو رأيكم وآسف للإطالة
المـــكرود مـــكرود
تحـــياتي
كـــمال زاخــوي
