للمهندسين , كيفية اجتياز امتحان ال (EIT (FE

[moml]

اخوانا المهندسين وخواتنا المهندسات , اللي ناوين يقدمون على امتحان ال FE  حبيت اذكر الكم بعض المعلومات اللي قد اتكون مفيدة لاغلب المهندسين ( مو فقط العراقين لانه هذا الامنحان مطلوب حتى للمهندسين المتخرجين من امريكا )

المعلومات اللي احاول الخصها الكم هي من تجربتي مع الامتحان ومن تجربة الناس اللي اعرفهم واللي اجتازوا الامتحان.
1- الحمد لله انه الله سهلها عليا وعبرت الامتحان من اول محاولة.
2- والحمد لله انه اليوم حصلت عمل بارت تايم ( بعد معاناه 27 شهر بدون عمل ) , ولهذا السبب حبيت اكتب , عسى ولعلى انه قد يستفاد احد ويكدر ينجح ويحصل عمل.
3- اهم شئ استنتجته من تجربة الامتحان انه الامتحان اسهل من ما يوصف , ومن خرجت من قاعة الامتحان كنت فرحان جدا , بغض النضر عن النتيجة , لانه شفت الامتحان وعرفت مستواه.
4- الامتحات يعتمد على فهم مبادئ الهندسة , ولهذا السبب اللي يفتهم المبادئ يسهل عليه الامتحان.
5- يحتاج الامتحان الى اتباع تكتيك يساعد على النجاح ( مو كل الناس راح تقتنع بهذا الكلام , بس اني اللي عليا اذكر تجربتي , والباقي يمكم), لانه الامتحان طويل جدا , فما انصح انه تقرون كل المادة , لانه وقت الامتحان لا يكفي لحل كل الاسئلة , لهذا السبب استغل الوقت الناتج عن ترك بعض الموادة في التركيز على دراسة المواد اللي بيها درجة اعلى ومكررة في الصباح والمساء , يعني تقراء مادة وتضبطها وتضمن بيها درجة كاملة افضل ما تشتت نفسك بعدة مواد , وتشبك عليك بالامتحان.
6- والمهم جدا هو اختيار نوع الامتحان , اغلب المهندسين يختارون other discipline , والسبب في هذا الاختيار هو انه مواد الصباح هي نفسها بنسبة 90 % في امتحان المساء , يعني راح المهندس يقرا تقريبا 50 % فقط من المادة , تبقى مستوى الصعوبة للاختصاصت متباين , يعني هذا الاختيار راح يكون الاسهل لمهندسي الميكانيك والكيماي ومن ثم المدني ( لانه المدني لا يدرسون الثرمو دايمك بصورة تفصيلية ) , اما الكهرباء والالكترونيك راح يكون اصعب بعض الشئ , ولكن يبقى اسهل من امتحان الاختصاص , لانه ابو الكهرباء لو فكر يمتحن باختصاصه راح يتطلب منه انه يقرا مواد الصباح , ومواد المساء اللي تشمل 9 مواد كلها ليست لها علاقة بمادة الصباح , لهذا اكثر المهندسن  يختارون هذا الاختصاص.
6- درجة صعوبة الاسئلة , معضم الاسئلة تاتي سهلة !!!, والسبب انه في الصباح الوقت لكل سؤال هو 2 دقيقة , فمن غير المعقول يجيبون 20 سؤال ام 5 دقايق , يعني هاي طارت ساعتين من الوقت وباق 100 سؤال خلال 2 ساعة!!! , اخوان اغلب الاسئلة سهلة جدا وجزء كبير منها استناجية يعني حتى متحتاج تستعمل الحاسبة , او ان تستعمل كتاب الرفرنس الحاوي على كل المعادلات .
7-جدا مهم انه تتقن استخدام الحاسبة وانصح باستخدام  casio FX 115 ES لانه بدون اتقان استخدام الحاسبة 100 % مستحل اجتياز الامتحان, مثلا الرياضيات , محاولة حل المصفوفات او المعدلات الانية تستغرق اكثر من 15 دقيقة , في حين استخدام الحاسبة يستغرق 30 ثانية , اتقان الحاسبة يغنيك عن كتابة المعادلات في دفتر الامتحان ومسحها اذا كانت احدى القيم خطا , في حين كتابة اي معادلة بالحاسبة يمكن التراجع الى الوراء خطوة باك واستبدال اي قيمة او متغير في المعادلة من دون اضاعة الوقت.
8-لا تضيع اكثر من 3 دقائق على اي سؤال في الصباح و5 دقائق في المساء , لانه اي سوال تصرف عليه دقيقة زيادة , راح تستقطعها من السؤال اللي بعدها , بعني السوال اذا مالكفت فكرته باول دقيقة في الصباح او اول دقيقتن في امتحان المساء تركككككهههه وروح على البعدة لان الاسئلة هواي والوقت محدود.
9- حاول ان تبدا بالحل من الاسفل الى الاعلى او من منتصف الاسئلة وراجع , لانه في بداية اسئلة كل امتحان تكون الاسئلة صعبة نوعا ما والباقي او الاخير يكون اسهل.
10- كتاب الرفرنس او المرجع لازم تتمرس وتتقن استخدامة , بحيث تتذكر موقع اي معادلة وباي صفحة ( طبعا هذا يحصل من اتحل مسائل وتطبيقات كثيرة ) , لانه اضاعة 30 ثانية في البحث عن معادلة معناها خسارة 30 ثانية من السؤال اللي بعده.
11- نرجع الى موضوع التكتيك , اني قرات المواد التالية واللي معضمها مكرر في الصباح وفي المساء , واختاريت هذه المواد لاني فاهم معضمها وبيها اربعة مواد تضمن بيها 45% من درجة النجاح واللي هية الرياضياتت 12 % , ثرمو وانتقال حرارة 10% , كهرباء 10% , وفلود 11%
هذه النسب هي مجموع نسب الصباحي والمسائي بالنسبة لاختيار الاختصاص other Discipline
واختاريت معاها مقاوقمة مواد 10% , ومعادن او مواد هندسية 8% , وستاتك وداينمك , ومكان عندي وقت كافي لان اقراء الاقتصاد والكوميوتر , والاخلاق لانه اني قرات اقل من 3 اشهر وعبرت الامتحان والحمد لله.
اما الاحتمالية والكيمياء والبايو فتركتهم لان ما اعرف اي شئ عنهم , وحتى لو قاريهم مكان وقت الامتحان كافي ( استغليت الوقت المحصص لهذه المواد للاجابة بدقة عن اسئلة المواد اللي قراتها ).
12- ونرجع مرة اخرى الى موضوع التكتيك , اشلون توصل الى يوم الامتحان وانت مناسي المواد اللي قريتها قبل 3 اشهر او شهرين , وخصوصا انه عقلك راح يكون مزدحم بمواد كثيرة ! , الجواب : كنت اقرا 5 ايام مادة جديد وفي اليوم السادس والسابع اراجع به المواد السابقة , ومن وصلت الى قبل الامتحان بيومين اني كنت اتذكر كل المواد بصورة مقبولة, وخلال اول 30 دقيقة وبعد ما راحت الرهبة ( الخوفة ) مال الامتحان بدت كل المعلومات اتذكرها بصورة كاملة.
13 وهمين نرجع على التكتيك مرة ثانية, وحدة من الامور اللي سهلت عليا مراجعة المواد في اليوم السادس والسابع من كل اسبوع , ومن مراجعة المواد في اخر 10 ايام انه كنت اكتب ملاحضات وملخصات لكل موضوع وخصوصا المواد اللي عندي صعوبة في فهمها , وهذا ساعدني اكثير في تذكر وفهم كل الاساسيات.
14-واخر نقطة حبيت اذكرها الكم تتعلق ايضا بالتكتيك , كثير من الاسئلة في الامتحان كانت كلامية او معتمدة على اشكال وكثير منها استنتاجية فاللي فاهم المبادئ يكل سهولة راح يعبر الامتحان , يعني مستوى الاسئلة جدا سهل وممكن يجاوب على كثير من الاسئلة طالب صف سادس اعداي علمي امفول بالفيزياء والراضيات .
اخيرا اتمنى اكون قدمتلكم فائدة بهذه الملاحضات , واتمنى النجاح لكل المهندسين .


اخوكم محمد الزعيري

[ايسراحمد]

السلام عليكم ...وبارك الله بيك بهاي المعلومات القيمة ... ممكن بس تذكرلنه المتطلبات الاولية لدخول الامتحان ...مع الشكر

[freedomway]

شكرا على هاي المعلومات و مبروك النحاج بس ممكن تذكرلنا الكتب الي قريتها

شكرا

[moml]

المجموعة الثانية من الملاحضات حول اجتياز امتحان ال( EIT(FE

اخوانا المهندسين , اتمنى ان اتكون هذه الملاحضات مفيدة , راح اتطرق الى موضوع التسجيل والامتحان ومتعلاقته.

1- الامتحان يقام مرتين في السنة , في شهر الرابع والعاشر , والتسجيل يكون لفترة محددة , يعني اللي ناوي يمتحن وفاته موعد التسجيل , لازم ينتضر 6 اشهر حتى يكدر يسجل ويمتحن .
2-شروط الامتحان مختلفة من ولاية الى اخرى , رغم انه الامتحان موحد لكل امريكا الشمالية وكندا وكل من المراكز الموجودة بالعالم ومنها الامارات ومصر, بعض الولايات تطلب انه يكون الشخص متخرج من كلية الهندسة , وبعضها يطلب انه يكون عندة خبرة والبعض الاخر لا يطلب شهادة ولا تخرج ولا خبرة , مثل ولايه كالفورنيا ( كثير من طلاب الهندسة يقدمون عللا الامتحان خلال المرحلة الثالثة او الرابعة , لان بعدهم فرش , كذلك كثير من الفنيين واصحاب الدبلوم  اللي يعملون في مجال التصميم يقدمون على هذا الامتحان من اجل الترقية او العلاوة) , وحاليا اغلب الشركات يطلبون من  بالتعيين شهادة ال FE على الاقل لغرض التوضيف , وحتى الكاونتي اول شرط لتعين او قبول المنهدس كمتطوع هو اجتياز هذا الامتحان.
3-اذا كانت شروط ومتطلبات الولاية اللي انت بيها صعبة او تطلب شهادة , فممكن تطلع على شروط باقي الولايات القريبة منك وتسجل على الامتحان على اقرب ولاية الشروط بيها سهلة وتنطبق عليك , وحتى تكدر تحجز على الامتحان في الامارات او اي مركز بالعالم.
4- تشرف على الامتحان بكل العالم منضمة غير ربحية NCEES وهي تتعامل مع بورد المهندسين في كل ولاية , لهذا الامتحان والاسئلة والتصليح شاملة , ولكن نسب النجاح واعلان النتائج تختلف من ولاية الى اخر اعتمادة على الحاجة لعدد معين من المهندسين في تلك الولاية المعينة , وعلى ضوء هذا العدد يتم اعطاء كيرف موجب او كيرف سالب ( لرفع او خفض الدرجات حسب حاجة الولاية ) , ويتم تحديد العدد والكيرف من قبل بورد المهندسين في تلك الولاية , لهذا يكون وقت ضهور النتائج متفاوت من ولاية الى اخرى , حيث تعلن ال  NCEES النتائج الواقعية كما هي بعد مرور 30 يوم من موعد الامتحان , وتسلمها الى بوردات المهندسين في لكل ولاية على حدة , لهذا السبب في الامتحان الماضي ولاية جورجيا كانت اول الولايات بنشر نتائج الامتحان كما هي بدون كيرف ( جورجيا نشرت نتائجها بنفس يوم اللى NCEES  سلمتهم النتائج) , اما ولاية كالفورنيا فنشرت النتائج بعد 10 ايام.
5-موقع المنضمة المسئولة عن اقامة الامتحان هو http://www.ncees.org/

ولمعرفة شروط كل ولاية         http://www.ncees.org/Exams.php     اكو سهم على اليمين لاختيار البلد والولاية وراح اتشوفون الامارات ومصر من ضمن البلدان اللي بيها مراكز امتحان.

للتسجل على الامتحان سجل بنفس موقع المنضمة وافتح اكاونت وياهم في My NCEES وبعد متسوي اكاونت اسحب الفورمة بي دي اف ودخل بيها معلوماتك ومعاها موني اوردر بمبلغ الامتحان وارفقة مع الفورمة بعد ان اتوقعها وارسلها على عنوان المنضمة الموجودة على الفورمة , اتاكد من انه العنوان صحيح لانه المنضمة مراح تتصل بيك الا قبل الامتحان ب 14 يوم , راح اتدزلك EMAIL  به رقمك ورقم المقعد الامتحاني وموقع مركز الامتحان , مع ملاحضات حول الامتحان وشروطه , هذه الورقة تطبعها وتاخذها معاك للامتحان مع هوية نافذة ( اللي هويته اكسباير يطلعوه من الامتحان ) , يفضل ان تروج قبل الامتحان بيوم حتى تدل مكان القاعة ومحلك فيها .
 
6-لتحميل كتاب الرفرنس من موقع المنضمة مجانا

http://www.ncees.org/Exams/Study_materials/Download_FE_Supplied-Reference_Handbook.php

ممكن تطبع هذا الكتاب والافضل انه تطبعه حتى تكدر تكتب ملاحضاتك عليه ويفضل ان تشتري نسخة منه حتى تحتفض بيها نضيفة وتستخدمها في حل المسائل وكانه تفرض نفسك بامتحان حتى تتعود على استخدام هذا الرفرنس 1000 %

7- افضل كتاب موجود على حد علمي هو
http://www.amazon.com/Review-Manual-Preparation-Fundamentals-Engineering/dp/1591263336/ref=sr_1_1?ie=UTF8&qid=1343787464&sr=8-1&keywords=FE+book

الطبعة الثالثة , مهم جدا اته تقراء وتفتهم كل الشرح الموجود بالكتاب ضمن المواد اللي ناوي تقراها , لانه كثير من المسائل في الامتحان راح اتكون كلامية حول فهم المبادئ.

8-التمرس على حل المسائل مهم جدا لانه في الصباح الوقت 2 دقيقة لكل سؤال , فلازم تتمرس على الحل بسرعة وتتقن استخدام الحاسبة 1000% , واذا كان اكو فرصة انه تستنج الحل بدون حل السؤال فلا اتضيع وقت , استنتج الحل لانه هو هذا المطلوب في كثير من المسائل , لانه بعض المسائل لو تدخل ابمعمة الحل , راح اتطول وفي كل خطوة ممكن ان تخطاء بادخال رقم.

عود عينك على ملاحضة الاختيارات الاربعة الموجودة قبل المباشرة بحل السؤال , لانه في كثير من الاسئلة يعطيك مثلا قيم بعيدة جدا في A & D لهذا الحل راح يكون محصور بين B & C وبهاي الطريقة ممكن حتى السؤال اللي اتوقفت اثناء حله ممكن تختار واحد من الاختيارين القريبة وتكون نسبة الدرجة الصحيحة بهذا السؤال 50% .

9- اكو العدبد من الدورات ومراكزها في كثير من الولايات , واكو البعض اون لاين , فاللي متخرج قبل 30 سنة وما متواصل مع الاختصاص من فترة طويلة ممكن يسال ويسجل على دورة .

10- اخوان نصيحتي للكل , راح اتواجهكم مواد قد تكون صعبة او ناسيها , ابد لتايسون ولا تستسلمون ا, اكيد امتحان FE ومن بعد PE يستاهل التعب , اعرف مهندسين عراقيين نجحوا من اول مرة والبعض من ثاني مرة والبعض من الثالثة , وكان ويانا بالامتحان امريكي يشتغل في شركة كهرباء ساندياكو كانت هذه اله المحاولة السادسة ! , مو عيب المحاولة , بس صعبة سنوات الدراسة وسنوات الخبرة بالعراق اتضيع , وصعبة الحياة ب 8 دولارت بالساعة , خصوصا للعنده عائلة , و اصعب للباقي جزء من احلامه حية اداعب خياله ويتمنى يرجع يشتغل مهندس من جديد.

اني راح استمر اكتب عن الامتحان كل ما صارت فرصة , واتمنى انه اتكون مفيدة لاخوانا المهندسين.

[freedomway]

شكرا جزيلا و جزاك الله كل خير

[freedomway]

اخوان بس انتبهو على شغلة اني كلت خلي اسوي اكاونت وياهم و استمريت بالعملية و بالنهاية سجت على امتحان و اخذو مني 125 دولار و لغيتة و هسة يرجعون بس 90 دولار لان الباقي خدمات تسجيل

[ايسراحمد]

بارك الله بيك وان شاء الله نحن بانتظار المزيد من المعلومات

[$$$$$]

اخوية العزيز معلوماتك قيمه وذهب
حبيبي الغالي عندي سؤال يمك اني مهندس مدني وصارلي فتره اسال على موضوع ال FE
هل الواحد يكدر راسا يدخل هذا المعهد ابو ال 1100 دولار ويمتحن اما شهر 4 او شهر 10 لو قبلها لازم يعادل شهادته؟؟ اني سامع اكو ولايات لازم تعادل شهادتك قبل ما تدخل الامتحان بصراحه دخلت موقع necess على ولايه تكساس قريت اكو فد شي اسمه بورد مافهمت شنو يقصدون بي
هل اكو ولايات تكدر تمتحن مباشره بدون اي معادلة شهاده؟؟ يعني حضرتك كاتب كالبفورنيا هل بهاي الولايه بس تسجل وتمتحن راسا؟؟
ياريت لو توضحلنه للفائدة العامة
والله يوفقك

[moml]

اخوانا المهندسين ,

في كل ولاية اكو بورد للمهندسين هو المسؤل عن اصدار السرتفكيت لكل من FE & PE وهو المسؤل عن وضع القوانيين بعمل المهندسين في كل ولاية , بس على العموم اغلب القوانين الاساسية ثابتة , وقد يضيف البورد قوانين اضافية حسب حاجته , فمثلا في كالفورنيا يشترط على مهندس المدني من يمتحن PE ان يمتحت امتحان خاص بالزلازل (بعد امتحان ال بي اي بيوم واحد وكامتحان منفصل ) لان كاليفورنا بيها مشكلة الزلال في حين اغلب باق الولايات متطلب هذا الامتحان , اما لل اف اي فما سامع في كاليفورنيا انه اكو امتحان زلالزل .

وكل بوردات الولايات تتعامل مع ncees من اجل تنضيم امتحان موحد باسئلة موحدة  وتصليح موحد , يبقى الامتحانتات الاضافية مثل امتحان الزلازل لل PE في كالفورنيا  ايضا اتقوم به ncees لصالح كالفورنيا فقط .

اني اتكلمت عن ولاية كالفورنيا لانه اني عايش اهنا وقرات هواي عنها , يبق شروط تكساس ومتطلباتها , ما عندي معلومات عنها , بس تكدر تدخل على موقع  بورد المهندسين في ولاية تكساس
http://engineers.texas.gov/

هذا اللنك بي كل التفاصيل والشروط , شوف طالبن به معادلة الشهادة , لو لا , اذا شفت شروطهم صعبة شوف اقرب ولاية عليك شروطه سهلة وسجل بيها وامتحن , بالمناسبة كالفورنيا متطلب واعتقد اوكلوهوما واريزونا ميطلبون شهادة او معادلة .

تحياتي
محمد الزعيري

[wesam986]

اشكرك يا ذهب عله هاي المعلومات المفيده جدااا والله يوفقك ان شاء الله بس عندي سؤال الامتحان يكلف بس هاي ال120 لو بعد اكو مصاريف والسؤال الثاني اكو بالموقع كاتبين جدول اذا اول مره تاخذ الامتحان اكو درجه واذا تعيد تاخذ الامتحان اكو درجه هاي شنو
http://www.ncees.org/Exams/FE_exam.php
يعني معقوله اذا تعيد الامتحان مطلوب منك هاي الدرجه الاقل؟؟

تحياتي

[moml]

اخوانا المهندسين ,
كلفة الامتحان هي فقط 125 دولار + مصاريف الكتب اذا كنت حاب تشتري كتاب ال PPI الطبعة الثالثة وكتاب الرفرنس الطبعة الثامنة , ومجموعهم ميتجاوز ال 100 دولار , وقد تضطر الى دفع اجور بارك لسيارتك يوم الامتحان , ومبلغها بسيط .

اما هذا الجدول فماكو داعي ادوخون به , هذا مجرد الحصائية

FE pass rates
These pass rates represent April 2012 FE candidates who attended EAC/ABET-accredited engineering programs.

Exam Module   First-time takers (%)
Repeat takers (%)
Chemical   85   45
Civil   72   28
Electrical   75   32
Environmental   82   47
Industrial   75   50
Mechanical   86   49
Other Disciplines   74   37


يبين نسبة الناجين من اول مرة ومن ثاني محاولة ,  فثلا لو ناخذ OTHER DISCIPLINE   على سبيل المثال , فلكل 100 طالب امتحنوا اول مرة نجح منهم 74 واحد ولكل 100 طالب (ثاني مرة يمتحنون ) عدد الناجحين هي 37  واحد فقط , ولو جمعت النسبتين , على فرض 200 طالب امتحنو في شهر ابرل عدد الناجحين هو ( 74 + 37 = 121 طالب من اصل 200 طالب امتحنو اي ) اي النسبة الكلية للناجحين هي بحدود ال 60 % .

لا ادوخون هاي مجرد احصائية للكل الممتحنين في العالم , والنسب مختلفة من ولاية الى اخرى .

اكو مجموعة  ثالثة واخيرة حول كيفية اجتياز امتحان الاف اي , راح اكتب عنها خلال الاسبوع القادم , واعتقد انه راح اتكون اخر مجموعة ملاحضات , وتتضمن كيفية اختيار الاجوبة الصحيحة للمواد اللى الطالب ما دارسها ( تخمين الاجابات لبعض المواد اعتمادا على الاجوبة الصحية المختارة لباقي للمواد الاخرى ) .

تمنياتي بالموفقية للجميع

محمد الزعيري

[eng ali]

سؤالي مثلا اني متخرج من 10 سنوات وهواي مواد ناسيها اني وين الكه هذه المواد واقراها انت شلون قريتها وين الكتاب اللي بيه المواد مال الامتحان ياريت تدليني عليه

[moml]

اكو لنك للكتاب موجد في الاعلى صادر عن PPI الطبعة الثالثة , هذا مو يعني انه ماكو كتاب غيرهه , بس هذا الاكثر شيوعا , الشرح الموجود بداخله مهم , ولكن اغلب اسالته مستواها اصعب من الامتحان .

واكو هواي اسئلة على النت قريب مستواها من الامتحان , واكو كتب على الامزون لمسائل قريبة من مستوى الامتحان ولكن بدون حل فقط الاجابة الصحيحة , به 999 مسئلة , ودور بالامزون كثير كتب على Other Discipln

اكو دورات كثيرة ايضا.

[wesam986]

والله عاشت ايدك اخويه ومقصرت صدك سويتلتي واهس امتحنه واني اصلا جنت ناوي امتحنه بس تدري امريكا شلون مابيها وقت
بس بقه سؤال شنو الفرق اذا امتحنت مدني لو كهرباء لو Other Discipln

[moml]

اخوانا المهندسين , اني ذاكر هاي المعلومة باول مجموعة من  الملاحضات,

الامتحان مكون من جزئين


1-صباحي موحد لكل الاقسام , وطوله 4 ساعات ويتضمن 120 سؤال .
2-مسائي خاص بكل اختصاص , وطول الامتحان 4 ساعات ايضا , يتضمن 60 سؤال.

سبب لجوء اغلب المهندسين الى امتحان الا Other Discipline هو هذا الاختصاص به 90 % من مواد الصباح مكررة في المساء , بس نوع المسائل راح يكون اطول وبه عمق اكثر في فلسفة كل مادة.

اما لو اختاريت كهرباء او مدني لامتحان المساء راح اتواجه 9 مواضيع مختلفة 90 % عن امتحان الصباح , يعني هو مادة الامتحان الصباحي شيخلصها , وانت مطالب بيها , ولازم تقرائها , فليش كاعد اتصعبها على نفسك , يعني ابو المدني لازم يمتحن بالزلازل زالكونكريت والطرق والجسور وميكانيك التربة والانضمة الهيدروليكية والمساحة والبيئة والنقل وتحليل الستركجر والستركجر دزاين والمواد الهندسية للمدني والادارة الانشائية .

اما ابو الكهرباء فلازم يمتحن العصر دوائر وبور والكترونيك وانضمة الكونترول والاتصالات ومعالجة الاشارة وانضمة الدجتل وانضمة الكومبيوتر .

يعني مواد الصبح واللي من ضمنها الرياضيات اتشيلها وتشمرها على الرف في امتحان العصر لهذه الاختصاصات , يبقى ابو الميكانيك والكيمياوي , اكو بعض المواد مكررة , بس نسبتها متجاوز ال 30 % .
لهذا السبب اني اختاريت Other Discipline  وكذلك كل المندسين اللي اعرفهم ديختارون هذا الاختصاص.

وللتاكد راجعو صفحة من 1-17 في الرفرنس مانول , حتى اتعرفون الفرق وتكدرون اتقارنون بنفسكم .

تنزيل الرفرنس منول مجاني من اللنك التالي . بس لازم اتسون اكاونت مجاني وياهم حتى تكدر اتنزل الكتاب.

http://www.ncees.org/Exams/Study_materials/Download_FE_Supplied-Reference_Handbook.php

تحياتي
محمد الزعيري

[eng ali]

سؤال اخ محمد الاسئله اختيارات او لا والشي الثاني ولو دوختك احنا بفلوريدا هنا كل الوظائف الهندسيه تطلب منك الPE زين امتحان البي اي لازم تمتحن اول مره اف اي لو ميحتاج راسا بي اي شنو معلوماتك عن البي اي الله لا يصغرك اخويه وشكرا على هالموضوع الراقي وهذا النشاط بجواب اخوتك

[moml]

1- الاسئلة اختيارات
2-لازم تدخل على البورد اوف انجنير لفوريدا وتشوف شنو متطلباتهم لفوريدا , بس عموما بعض الولايات ومنها كالفورنيا , ممكن اتقدم على البي مباشرة لو كان عندك خبرة engineering < يعني 15 سنه خبرة تصميم وحسابات وتكدر تثبتها , شغل التدريس والسيطرة النوعية والانشائات في اغلب الاحيان لا يحسب , او يحسب جزء منه.
واذا كان عندك PHD or MS راح اتقل سنوات الخبرة المطلوبة .

اكو عندي جدول يشمل احصائية لكل الولايات حول موضوع البي ويتضمن متطلبات كل ولاية وهو محدث لغاية 2011, راح ادور ومن الكاها راح انشره ,

[moml]

احد المهندسين سالني على الخاص , واعتقد انه الرد قد ينفع باقي المهندسين , لهذا السبب راح انشر الرد للفائدة العامة.


افتح الرفرنس مانول وقارن مواد الامتحان للعصر , راح تلكة انه في Other Discilne انه فقط الكيمياء والبايو والاخلاق , ما مكرارت , لهذاالسبب هذا الامتحان اسهل , اني ما كان عندي وقت اقراء كل المواد , لهذا تركت الكيمياء والبايو والاخلاق والاقتصاد والاحتمالية والكومبيوتر , ذولة كلهم مجموعهم اقل من 30 % من المجموع الكلي لمواد الامتحات لكل من الصباحي والمسائي مجتمعين , اذا كان عندك وقت اقراء الاقتصاد والكومبيوتر , لانه ممكن اتحصل بيها درجة , اما الاحتمالية فلا اتضيع وقتك , لانه الوقت المصروف على فهم السؤال راح يتجاوز الوقت المخصص للحل !.
ركز على الرياضيات والكهرباء والثرمو والفلود , هاي الاربع مواد بيها ما مجموعه 45 % من درجة الامتحان الاجمالي الصباحي والمسائي , واختار معاهم من 2-4 مواد اخرى راح تكدر تنجح باذن الله.
بس بشرط انه الرياضيات والكهرباء والثرمو والفلود حاول تتقنهم 100%.

اما باقي المواد الي انت مناوي تقراها , فلازم اتحصل بيها درجة !!!, ويتم هذا عن طريق حساب المواد اللي انت جاوبت بيها بصورة ممتازة واللي هية الرياضيات والكهرباء والثرمو والفلود بالاضافة الى 2-4 مواد الاخرى اللي لازم تقراها وتضبطها 100 % ايضا ومن جوابك لهذه المواد راح تكدر اتشوف توزيع الدرجات على الاختيارت A,B,C,D  , يعني راح تحسب كم نقطة لكل من  A,B,C,D , وتوزع الدرجات على الباقي بالية معينة , راح اكتب عنها بالمستقبل , وانشرها على الموقع لفائدة الجميع  , من يكون عندي وقت , لانه اكو متسع وباقي على الامتحان اكثر من شهرين.

ملاحضة : ذكرت انه المواد لازم تتقنها 100% !, افضل طريقة لهذا انه تقراء 5 ايام من كل اسبوع مادة جديدة (8 ساعات كل يوم ) واخر يومين راح اتراجع المواد اللي انت قراتهم سابقا , وبهذه الطريقة راح تضمن انه ذاكرتك مراح تنسة المواد اللي قراتها قبل 3 او 2 شهر , بالاضافة الى تشبع ذاكرتك بهذه المواد , لهذا السبب نصيحتي , انه اترك بعض المواد اللي ما عليها توزيع درجات عالي , واستغل الوق المخصص الها في
1- مراجعة وضبط واتقان باقي المواد قبل الامتحان
2-استغلال الوقت المخصص الها اثناء الامتحان في حل المواد اللي انت تاقنها وضابطها.

وراح اكتب مثل ما وعدتكم عن الية ملئ مربعات باقي المواد عن طريق استنتاج توزيع الدرجات , بس الموضوع يرادلة كتابة بتاني وايضاح من اجل فهم الجميع لهذه الالية , لهذا منتضر من يكون عندي وقت كافي للكتابة راح اكتبلكم.

ملاحضة مهمة : طريقتي بالقاراءة والمراجعة واختيار other Discipline  قد متنجح مع كل المهندسين , وماكو باترن او موديل للدراسة ينطبق على الكل , خصوصا انه اكو ناس متخرجة من فترة طويلة واكو ناس تاركة الدراسة ومبتعدة عن الحياة الاكاديمية والعلمية , وكل شخص اله  ضروفه الصحية وضروف المنزل والعائلة والعمل والعيشة مختلفة من شخص الى اخر , يعني مختصر مفيد , اكو هواي ناس نجحو بالطريقة الكلاسيكية , انهم قراو  كل المادة من 6 الى 12 شهر ونجحو والبعض فشلو , لهذا بعض المهندسين قد يستفاد من بعض الملاحضات والبعض الاخر قد ميستفاد , المهندس اللي عنده شك خلي يعدل او يغير بهذه الطريقة او يستخدم اي اسلوب اخر مقتنع انه راح يفيده.

غرضي من كتابة هاي الملاحضات انه افيد الاخرين بمعلومات ما كانت متوفرة الي قبل 7 اشهر من هذا الوقت , لهذا ضاع مني بحدود 20 شهر بامريكا , وعشت فترة ضياع ومعاناة , كانت اشد الفترات  قسوة مرت عليا بحياتي, واني متاكد جزء كبير من المهندسين او اصحاب الاختصاصات الاخرى عايشين نفس التجربة , لهذا كتبت هذه الملاحضات عسى انه تفيد اي من المهندسين , وتوفر عليه المعانات اللي اني عشتها.
تحياتي
محمد الزعيري

[freedomway]

شكرا اخ محمد و ما قصرت جزاك الله كل خير

[moml]

حد المهندسين طلب معلومات عن امتحان PE  اعتقدكان يسال عن ولاية فلوريدا , اني وعدت بنشر جدول يشمل متطلبات كل الولايات , هذا الجدول محدث سنه 2011 , يعني اغلب المعلومات صحيصة , بس يحتاج تتاكدون من المعلومات على موقع كل ولاية , لانه احياني يصير تغيير بين فترة والثانية , فمثلا كالفورنيا زادوا اجور التسجيل للامتحان الثاني من 2012.

حجم الملف اكبر من 300 KB لهذا قسمته الى جزئين

تمنياتي بالموفقية للجميع
محمد الزعيري

[moml]

الجزء الثاني من ملف معلومات التقديم على امتحان  ال PE لكل الولايات.

تحياتي
محمد الزعيري

[eng ali]

ورده مهندس محمد حبيبي

[احلى مهندسة]

عااااااااااشت ايدك على هالتفصيل بالمعلومات و الملاحظات القيمة والله يكتب جهود هذا العمل بميزان حسناتك و الله ينطيك لحد ما يرضيك
بصراحة شكد حاولت اقرة وادور تفاصيل عن الامتحان بس ملكيت و كل اللي اعرفة هوة شي قريتة او نصيحة سمعتها
وبصراحة عندي الكتاب مال FE بس دا اشوفة هواية انه كل اقراة و خصوصا بعد نصيحة من مهندس امريكي كلي ميحتاج كل الكتاب تقري وادوخين نفسج بي, فاني جنت دائما افكر شنو اللي يهم المهندسين بصورة عامة اقرا و اقرة فد مادتين او 3 اختصاصي اللي هوة مدني و اعوف باقي الكتاب واكيد احصل درجة نجاح واجة موضوعك اليوم يايد الفكرة اللي جانت ابالي.
اني بعدني مواصلة اميركا بس اريد من هسة ابدي اقرة علما يجي موعد السفر شي التهي بي احسن ما اوصل هناك و تنلاص الامور بالزايد
شكرا مرة ثانية و اتمنى من حضرتك انه كلما يصير عندك وقت فراغ تكتلبنا شي هندسي جديد و بالتفاصيل و صدكني مراح نمل سواء كنا مهندسين بالعراق او مهندسين في اميركا

[mohammedchemical]

والله عاشت ايدك

[amerzedan]

مو ضوع جميل و مفصل . حبيت ان اضيف بعض المعلومات التي سبق ان كتبت عنها سابقا للفائدة:

- من خبرتي يجب التعود على حل السئلة بسرعة ( دقيقتان للصباحي و أربعة دقائق للمسائي ) ز السرعة تكمن في استعمال الحاسبة و أستعمال المنوال.
- فترة معادلة الشهادة في NCEES يجب استغلالها بالقراءة ( تعتمد الفترة على الجامعة و على الشخص الذي يقوم بالأنجاز المعاملة )

[moml]

احد المهندسين سئلني عن تسلسل قراءة المواد وتوزيع الدرجات لكل منها , حبيت اذكر الاجابة للجميع , للفائدة العامة.

اني ذكرت سابق انه وقت الامتحان ضيق جدا مقارنة بعدد الاسئلة وكذلك اكو مواد قد اتكون بعيدة عن دراسة الكلية مثل البايو والكيمياء والاخلاق ..... , ونوع المواد المهمة مختلف من اختصاص الى اخر , لهذا نصحت بالتركيز على المواد اللي تاتي في الصباح والمساء معا وخصوصا الرباعي (رياضايات 12.5%, كهرباء10.5% , فلود11% , ثرموداينك وانتقال حرارة 11% ) لان هذه المواد الاربعة لوحدها تضمن الفوز ب 45% من درجة النجاح .
وانصح بقراءة كل من ستاتك 2.5%, مواد هندسية 9 % , مقاومة مواد 10%, اقتصاد 8.5%.

بالنسبة للمهندسين اللي يجدون بنفسهم القابلية على فهم الاحتمالية وفي الغالب مهندسي الكهرباء والحاسبات والالكتورنيك اتكون سهلة بالنسبة لهم , فالاحتمالية تاتي في الصباح والمساء وتشمل 8% من الدرجة الكلية للامتحان.

لكل من الستاتك 2.5% والداينمك 2.5%  وفقط في امتحان الصباح , ولكن ياتون من ضمن مادة مقاومة المواد في امتحان المساء ويشكلون فقط  نصف مادة المقاومة في المساء ويكون السؤال عام , يتضمن فهم عام للمقاومة واعتمادها على فهم الستاتك والداينمك ).

للمهندسين اللي ناوين يقراون ستاتك ومواد هندسية ومقاومة وفلود , انصح ان يقراون المواد بالتسلسل التالي :
1-ستاتك
2-مواد هندسية
3-مقاومة المواد
4-فلود
سبب التسلسل التالي : مستحيل اكتمال فهم مقاومة المواد بدون الفهم الكامل لمادة الستاتك (ردود الافعال , والقوى ونقل القوى وتحليل القوى  والعزم(وفرقه عن التورك ),  وعزم القصور الذاتي , وعزم القصور القطبي , زيرو فورس ممبر وال 2 فورس ممبر .......)  وكذلك والفهم الكامل لمادة المواد الهندسية التي تتضمن مفاهيم الخضوع والفشل والكلال والانحناء والزحف ... وغيرها من اسباب الفشل والمفاهيم الاخرى الداخلة في فهم نضريات الفشل زغيرها من مواد المقاومة.

اما ترتيب الرابع لمادة الفلود فانه يعتمد بنسبة 10-15% من مادة الفلود تعتمد على فهم موضوع عزم القصور الذاتي وموضوع ضرب المساحات ونقل المحاور لعزمو القصور وذلك من اجل فهم موضوع مراكز الضغط للسوائل والسدود والبوابات.

مادة الداينمك مهمة جزء من فهمها يساعد على فهم نضريات الفشل في المقاومة وكذلك تشابه مواد الشغل والطاقة مع كل من الفلود والثرمو , انصح تقراون الداينمك اذا كان عدكم وقت.

الكيمياء فقط في الصباح وتشمل 9% من الصباحي اي 4.5 % من المجموع الكلي للصباحي والمسائي.
الاخلاق فقط في الصباحي ويشمل 7% من الصباحي اي 3.5% من المجموع الكلي للصباحي والمسائي.

البايو فقط في المسائي ويشمل 5% من الصباحي اي 2.5% من المجموع الكلي للصباحي والمسائي.

هذا كان عرض ملخص لتوزيع الدرجات وافضل طريقة ( من وجهة نضري , وقد تكون مفيدة للاخرين) لقراءة المواد اللي الها علاقة وتسلسل بالفهم
.

تمنياتي بالموفقية للجميع.

محمد الزعيري

[sarazain]

مرحبا كيف حال الجميع اني مهندسة و هسه وصلت الى ميشيغان بس حبيت اسئل اخوتنا الطيبين عن كيفية معادلة شهادة الهندسة والطريقة من البداية بالتفصيل لان منعرف شي هنا اني عندي شهادة الدرجات مصدقة من الخارجية وبعدين شسوي اتمنى ان ما تبخلون علي بالرد مع تمنياتي للجميع بالتوفيق .

[moml]

1- حمد الله على السلامة مهندستنا.
2-شنو الغرض من معادلة الشهادة ؟
A-اذا كان الغرض هو لدراسة الماستر , فاسالي الجامعة اللي ناوية اتقدمين عليها , لان كل جامعة تعترف بمجموعة من المنضمات اللي تقوم معادلة  الشهادة , فلا تتسرعين بدفع مبلغ من المال لخطوة انت ما محتاجتها الان (بالمناسبة بعض منصمات معادلة الشهادة تطلب الجدارية , فاذا ما قدمتي الجدارية , اتضيع عليك اجور المعادلة)
B-اذا كان الغرض من معادلة الشهادة هو لغرض العمل !, فعلى حد علمي ما سامع انه احد المهندسين حصل فرصة عمل بناءا على شهادة معادلة من قبل منضمة بمبلغ 200 او 300 دولار , كل المهندسين اللى حصلو عمل باختصاصهم كان يا اما نتيجة كفائتهم وحرفيتهم باختصاصهم او نتيجة معرفة ( واسطة ) بالاضافة الى قدر معقول من الخبرة والكفائة في الاختصاص.

اما اذا ما كنت ناوية على الماستر وحابة اتحصلين فرصة عمل (وكل الارزاق بيد رب العالمين) , فاكثر الطلب على مهندسين ال PE ومن ثم ال FE  بالاضافة الى هذه السرتفكيتين او  سرتفكيت ال FE  واجازة ممارسة المهنة كمهندس بروفشنل ك PE  يحتاج المهندس الى معرفة وخبرة في مجال دقيق متعلق باختصاصكي الهندسي , ممكن الواحد يحصل عليها عن طريق الكورسات و ال Continuing Education  الموجود في كل الجامعات والكليات .
بالمناسبة المهندس الحاصل على FE  او ( EIT ) ومعناها ENGINEERING IN TRAINING   رسميا هو  غير قادر على التوقيع على التصاميم , لانه ما زال مهندس تحت التدريب , ويتطلب ان يعمل تحت اشراف  PE لعدة سنوات لغاية حصوله على اجازة ال PE .

تحياتي
محمد الزعيري

[احلى مهندسة]

حضرتك كتبت درجات المواد اللي الافضل ندرسها و نركز عليها... بالنسبة للكهرباء هل هوة سهل بحيث المهندس من اي اختصاص يكدر يقرا و يضبطة و يجاوب علية؟؟ لانه مثل منعرف الرياضيات و الثرمو و الفلود و المقاومة و الستاتيك و مواد هندسية بكل فروع الهندسة اكو فد كورس عليها و قسم منها يستمر لكل سنين الدراسة.
بالنسبة للمهندس المدني راح يقرة نفس التسلسل اللي كلت علية على فرض انه انه راح يمتحن other disciplined؟؟؟

[moml]

سؤال المهندسة عن مادة الكهرباء وهل هي سهله ام لا , الاجابة مختلفة من مهندس الى اخر , بس على العموم اغلب اقسام الهندسة تدرس مادة الكهرباء , واللي هية شوية اصعب من موضوع الكهرباء في الفيزياء للسادس الاعدادي , مادة الكهرباء مهمة والاسئلة اللي تجي مراح تتضمن ال ثري فيز , يعني مبادي بسيطة (توالي, توازي , الشحنة الكهربائية , نورتن , ثفنن , قانون اوم  , شورت سيركت , وغيرها من مواصيع الكهرباء الاساسية .

اما سؤال الاخ مهندس الالكترونيك او الحاسبات , بصراحة مسامع عن امتحان اخر غير الاف اي , بس  لهندسة المساحة يوجد امتحان خاص ب  FE  q  ضمن موقع ال NCEES   واسم ها الامتحان هو  FS Exam .
اما  الستركجر فامتحانهم  خاص ويسما  SE Exam


كل من FS & SE يتم التسجيل لهما من خلال  NCEES

اما مهندسي المعماري فامتحانهم خاص , ولا يتبع منضمة NCEES  لهذا بعض المهندسين المعمارين يلجاون الى امتحان FE   من اجل سهولة الحصول على الPE .

تحياتي
محمد الزعيري


 

[احلى مهندسة]

شكراعلى الرد و بالتوفيق.... و لتنسى انه تكتبلنا اي معلومة قد تفيدنا

[ألمــــدرس]

بارك الله بيك اخي على المعلومات الدقيقة والتخصصيه.
اخوك غسان الاشقر
سان دييغو كاليفورنيا

[AboDiana]

الى الاخ محمد الزعيري مع التحية والتقدير

لقد كان طرحك لهذا الموضوع المهم جيد جدا ... بارك الله فيك ...وشكرا جزيلا

تحياتي اخوكم
ابو ديانا - كاليفورنيا

[moml]

احد المهندسين سالني على الخاص , بس اعتقد الجواب يفيد باقي المهندسين , المهندس اختصاصه مدني وهو مقدم على امتحان Other discipline  والمهندس متخوف انه ينذكر بالسرتفكيت نوع الامتحان .
الجواب انه ما مذكور نوع الامتحان في السرتفكيت , فقط انه انت عابر للامتحان وانه الان انت مهندس تحت التدريب والك رقم خاص هذا رقمك على السرتفكيت في ولايتك , لانه السرتفكيت يصدر من مجلس المهندسين في الولاية اللي انت امتحنت بيها , وهذا الرقم تكدرون تذكروه بالسيفي مالتكم وتذكر وياه  الولاية حتى رب العمل يكدر يتاكد منك انه انت فعلا حاصل على الاف اي قبل ما يعينك.
 
ملاحضة اخرى للمهندسين , لانتسو ا اخذ مساطر مثلثة شفافة عدد 2-3 , لانه تحتاج تستخدمها كفواصل لصفحات الجارتات وجداول التحويلات وباقي الجداول اللي تحتاج ترجعلها باستمرا ر ( ااكد مرة ثانية انه المساطر لازم اتكون شفافة , لان غيرها ما يسمحون بادخالها )

لات تنسون الهوية او اجازة السياقة  او الجواز , لازم اتكون مو اكسباير , كانت ويانا مهندسة عراقية بالامتحان المشرفين على الامتحان ما سمحولها تمتحن وطلبو منها مغادرة القاعة لانه  كان معها فقط الجواز واللي كان اكسباير !!!.

حاولو اتروحن الى موقع الامتحان قبل يوم وشوفو مكان القاعة .

الافضل ان يكون محضر حاسبة احتياط , لان اذا عطلت وحدة اثناء الامتحان يكون عندك بديل ( واني ذاكر الكم في بداية المقال ارخص وافضل نوع بالحاسبات , ممكن تلكوه في والمرت بسعر ميتجاوز 17 دولار ).

ملاحضة مهمة جدا جدا بخصوص الحاسبة , واني كنت حذر جدا ان لا اقع في هذا المطب , بس نسيت ووقعت بهذا المطب بس الحمد لله كان في نهاية الامتحان الصباحي , يعني ضاع مني بعض الاسئلة فقط  وتداركته عند بداية الامتحان المسائي, ارجاءا انتبهو الى التحويل من Rad  الى Deg  ,والعكس في الحاسبة , اذا نسيتو  المود على Rad   !!! , وكملتو حل الاسئلة راح اتكون الاجابات خاطئة لانه انتو داخلين على مود Rad  فرجاءا بعد تحويل الزاوية الى ريديا  ارجعو الحاسبة مرة اخرى الى الدكري او الدرجات.

حبيت اذكركم بموضوع الراحة والاسترخاء خلال الامتحان وعدم الارتباك , لسبب واحد انه انتوا سويتوا التكدرون عليه , والامتحان هذا مجرد محاولة للنجاح , ماكو داعي للسترس , حاولو اتكونون ريلاكس قدر الامكان , بين فترة والثانية المهندس يكدر ياخذ رخصة ياكل بيها نستلة او يشرب علبة كوفي او مشروب طاقة اوهو جالس في مكانه او ان ياخذ رخصة ويذهب للحمام يغسل وجهه ويبرد نفسه شوية وماكو داعي للعجلة او يروح هرولة ويجي هرولة , خليك ريلاكس  واتمشى علكيفك واخذ شهيق قوي ومطي جسمك من الكعدة الطويلة وارجع الى مقعدك براحتك , صدكوني العجلة ةالسترس والارتباك ابد مو مصلحتكم.

ملاحضة اخيرة , عند اكتمال الامتحان وتسليم الدفاتر  ومغادرتكم للقاعة راح تلكون قرب الباب صندوق يحوي على كتاب الرفرنس منول جديد , تكدرون تاخذون نسخة مجانية من الكتاب , اتكون مفيدة الكم في التحضير لل PE أو تنطوها الى اصدقائكم اللي ناوين يقدمون على  امتحان الاف اي.

تحياتي للجميع
محمد الزعيري

[moml]

اجاني سؤال على الخاص بخصوص امتحان الاف في ولاية فلوريدا , والرسالة تذكر شروط صعبية مثلا معادلة الشهادة واجتياز امتحان التويفل وبمعدل معين .
للمهندسين والمهندسات اللي ناوين يقدمون على االامتحان وشيوفون انه شروط ولاياتهم صعبة , ممكن ان يمتحنون في اقري ولاية شروطها اسهل , في كالفورنيا واعتقد في اوكلوهوما ايضا ماكو عدهم شروط صعبة.
وايضا كان في استفسار هل تختلف شروط امتحان المدني عن other Discipline  او باقي الاختصاصات ؟
الجواب انه في كاليفورنيا واعتقد اوكلوهما ماكو فرق , بس اغلب المهندسين يفضلون  other Disciplin لانه اسهل , والسرتفكيت مراح ينذكر به نوع الاختصاص.
ملاحضة : امتحان PE  للمدني به فرق في  كالفورنيا عن باقي الولايات , في كالفورنيا  مطالبين باتحان للزلازل فقط للبي اي .

تحياتي
محمد الزعيري .

[ألمــــدرس]

lمرة ثانية احييك على المعلومات المفيدة

وهذا الموضوع تناقشت بيه وية اكثر من شخص و اعتبره مرجع مهم لاغلب المهندسين.

اخوك غسان الاشقر
سان دييغو كاليفورنيا

[vincenzo]

السلام عليكم اعضاء عين كاوا المحترمين
اول رد لي بعد سنتين من الامركة وماكو داعي للاعتذار لان يمكن محد موجود حاليا من اللي جانوا قبل 3 سنين وفوك
اشكرك يا ابو جاسم يا صاحب الموضوع...قمة الدقة والتفصيل والفائدة
واشكر غسان الاشقر اللي نبهني عليه ولو احنة بنيو جيرسي متونسين حاليا بسراوات البانزين بعد الاعصار
واتمنى ان الجميع بخير

صديقي محمد
الحصول على الlicense برأيك وبخبرتك (اقصد ال FE او ال EIT) يسبق الحصول على entry-level engineering job لو وراهه؟
وهل انت حصلت على شغل هندسي قبلهه لو بعدهه؟

اني مـتأكد تقريبا انه ردك على السؤال الثاني راح يكون انه انت حاولت لمدة سنتين وماكو نتيجة بس بعد الامتحان الامور تغيرت وياك وحصلت شغل نساك ال"8 دولارات بالساعة" if any

وهاية عبارة ال8 دولارات عبالك وصلت من القلب للقلب...........بس غير توجع

تحياتي للجميع مرة اخرى
من قلب ساندي
vincenzo

[vincenzo]

بالمناسبة
يمنه بنيوجيرسي ونيويورك وكنتكت (tri-state area) لازم عندك شهادة وهمه البورد ينطوك list of 3 agencies حتى تعادلهه
اسهلهه هي joseph silny or filney بفلوريدا

بينما بتكساس مثلا
تمتحن يالله تعادل بعد ما تنجح

[snoopy]

هلو فنجنزو لا تخاف هواي من القدماء موجودين بس under cover اتمنى تكون بخير و ياريت ترفدنه بخبرتك بالحصول على عمل هندسي كونك عندك ماجستير او دكتوراه على ما اتذكر

[rainy71]

اخي محمد الشكر قليل بحقك بارك الله بيك و باصلك الطيب و الله يكثر من امثالك نورتنا بالمعلومات القيمة جدا و بجودك
خالص دعواتي اخي بالتوفيق والسعادة

[rainy71]

up

[احمد عراق]

بس ممكن نعرف الامتحان من شكد؟ ومن شكد رقم يعتبر ناجح يعني مثلنا بالعراق اليجيب 50 من ميه ناجح لو غير شي؟

[moml]

درجة الامتحان تحددها حاجة الولاية الى عدد معين من المهندسين لكل سنة , يعني الامتحان موحد نفس الاسئلة لكل الولايات , ونفس الجهة NCEES الواضعة للاسئلة هي تشرف على الامتحان والتصليح وتسلم النتائج بعد 30 يوم الى كل الولايات , يبقا كل ولاية الها حاجة او عدد معين من المهندسين اللي لازم يجتازون الامتحان , وعلى هذا الاساس كل ولاية تعطي كيرف موجب او سالب (خلال مدة اسبوعين تقريبا من تاريخ استلامها للنتائج من NCEES ) وبعض الولايات قد تعلن التائج بدون كيرف وفي نفس يوم استلامها من NCEES مثل ما حدث مع ولاية جورجا في امتحان April 2012 .
بالمناسبة  الناجح بالامتحان ميعرف اشكد درجته فقط يحصل PASS  ومعاها سرتفكيت , اما الراسب فيحصل على ورقة مكتوبة بيها كل درجاته , بس بدون معيار لتحديد مستوى المجاح.

تحاتي
محمد الزعيري

[الذكي]

درجة الامتحان تحددها حاجة الولاية الى عدد معين من المهندسين لكل سنة , يعني الامتحان موحد نفس الاسئلة لكل الولايات , ونفس الجهة NCEES الواضعة للاسئلة هي تشرف على الامتحان والتصليح وتسلم النتائج بعد 30 يوم الى كل الولايات , يبقا كل ولاية الها حاجة او عدد معين من المهندسين اللي لازم يجتازون الامتحان , وعلى هذا الاساس كل ولاية تعطي كيرف موجب او سالب (خلال مدة اسبوعين تقريبا من تاريخ استلامها للنتائج من NCEES ) وبعض الولايات قد تعلن التائج بدون كيرف وفي نفس يوم استلامها من NCEES مثل ما حدث مع ولاية جورجا في امتحان April 2012 .
بالمناسبة  الناجح بالامتحان ميعرف اشكد درجته فقط يحصل PASS  ومعاها سرتفكيت , اما الراسب فيحصل على ورقة مكتوبة بيها كل درجاته , بس بدون معيار لتحديد مستوى المجاح.

تحاتي
محمد الزعيري

بس حبيت ابشركم انه اني عبرت الامتحان واجتيني السرتفكيت والهوية مال مهندسين وهسة اني اعتبر مهندس تحت التدريب engineer intern هيجي كاتبين على السرتفكيت وانشاء الله يوم كل المهندسين ينجحون وتصير سوالف هاي اني صارلي خمس سنين بامريكا يلة كدرت اعادل وامتحن وانجح لانه مسؤوليات كبيرة علية وشغل وعائلة وبيت وحياة صعبة بس الحمد لله والشكر بالاصرار والتحدي والارادة القوية كدرت احققها .
تمنياتي للاخ محمد بالنجاح والموفقية لانه نصحني ونبهني على هواية امور كنت اجهلها

[snoopy]

مبروك اخوية الذكي و ان شاء الله يوم تحصل على عمل كمهندس نصيحة الك اخوية خلي الريسيومي مالتك بعد ان تضيف الهه شهادتك الجديدة على مواقع البحث عن عمل و حاول تتصل بstaffing agencies حتى يحصلولك شغل لأنه الشغل عن طريقهم هواي اسهل

تقبل تحياتي اخوك سنوبي

[الذكي]

مبروك اخوية الذكي و ان شاء الله يوم تحصل على عمل كمهندس نصيحة الك اخوية خلي الريسيومي مالتك بعد ان تضيف الهه شهادتك الجديدة على مواقع البحث عن عمل و حاول تتصل بstaffing agencies حتى يحصلولك شغل لأنه الشغل عن طريقهم هواي اسهل

تقبل تحياتي اخوك سنوبي

تسلملي اخوية العزيز سنوبي واشكرك على نصيحتك هية هم هيجي راح اسوي اكيد الشغل عن طريق هاي الشركات يكون اسهل واسرع واتمنى لكل المهندسين ان ربي يوفقهم وينجحون بالامتحان لانه تسوة والامتحان صح مزعج بس مو مستحيل انه تعبرة اني كان المفروض اعبرة من المرة الاولى بس صادفتني ظروف عائلية ومكان عندي وقت كافي حتى ادرس بسبب دوامي بالشغل بس المرة الثانية كانت لاشيئ
تحياتي الك ياوردة

[moml]

مبروك  مهندسنا الذكي , وانشاء الله تحصل عمل بشهادتك هذه, انت قطعت الشوط الاصعب يالطريق الطويل ,  حاول اتحصل خبرة في برامج  CAD  & Rivet  , وغيرها من البرامج المكملة لاختصاصك , وتمنياتي الك ولباقي المهندسين بالنجاح والموفقية.

تحياتي
محمد الزعيري

[الذكي]

مبروك  مهندسنا الذكي , وانشاء الله تحصل عمل بشهادتك هذه, انت قطعت الشوط الاصعب يالطريق الطويل ,  حاول اتحصل خبرة في برامج  CAD  & Rivet  , وغيرها من البرامج المكملة لاختصاصك , وتمنياتي الك ولباقي المهندسين بالنجاح والموفقية.

تحياتي
محمد الزعيري

اشكرك الشكر الجزيل اخ محمد بالحقيقة معلوماتك ونصائحك كلش ساعدتني وخلتني احسب الامور زين وانظر للامتحان نظرة اخرى وصح كلامك شوطي كان كلش طويل يعني خمس سنين عيشة بامريكا يلة كدرت اكمل شهادتي والحمد لله والشكر هسة احنا متساوين بالامريكان واللي متخرجين من امريكا .
تحياتي لحضرتك

[شبعاد]

موضوع رائع يستحق الشكر من صاحبه .. شكرا اخ محمد

[Fuse]

اخوان ترى الامتحان مو هالدرجة صعب
اني تخصص كهرباء ودرست ساعتين زمان باليوم لمدة اسبوع واحد قبل الامتحان ونجحت الحمد اللة

وصحيح فرص العمل هواي احسن اذا عندك ال FE

بالتوفيق لكل الاخوان

[الذكي]

اخوان ترى الامتحان مو هالدرجة صعب
اني تخصص كهرباء ودرست ساعتين زمان باليوم لمدة اسبوع واحد قبل الامتحان ونجحت الحمد اللة

وصحيح فرص العمل هواي احسن اذا عندك ال FE

بالتوفيق لكل الاخوان

اتمنة يكون عندي هيجي قدرات خارقة . رحم الله والديك متكولي شلون دبرتها درست لمدة ساعتين باليوم لمدة اسبوع قبل الامتحان ونجحت شنو متخرج سنة 2011 من الجامعة. اشو اني كنت بالعراق اخذ اعلى الدرجات وبزمن صدام اللي كانت الدراسة كلش قوية وكدرت انجح بالامتحان من المرة الثانية ودرست لمدة ستة اشهر كل يوم لايقل عن 5 ساعات .
هية شغلتين بدون زعل لو الحظ كعد وياك لو دتشاقة لانه هاي واحد بالمليون تصيب وياه واذا البقية المليون اتبعوا طريقتك بالدراسة ولا واحد راح ينجح كرنتيد.

تحياتي لحضرتك وبدون زعل احنا كلنا مهندسين واكبر من الزعل

[Fuse]

اخوان ترى الامتحان مو هالدرجة صعب
اني تخصص كهرباء ودرست ساعتين زمان باليوم لمدة اسبوع واحد قبل الامتحان ونجحت الحمد اللة

وصحيح فرص العمل هواي احسن اذا عندك ال FE

بالتوفيق لكل الاخوان

اتمنة يكون عندي هيجي قدرات خارقة . رحم الله والديك متكولي شلون دبرتها درست لمدة ساعتين باليوم لمدة اسبوع قبل الامتحان ونجحت شنو متخرج سنة 2011 من الجامعة. اشو اني كنت بالعراق اخذ اعلى الدرجات وبزمن صدام اللي كانت الدراسة كلش قوية وكدرت انجح بالامتحان من المرة الثانية ودرست لمدة ستة اشهر كل يوم لايقل عن 5 ساعات .
هية شغلتين بدون زعل لو الحظ كعد وياك لو دتشاقة لانه هاي واحد بالمليون تصيب وياه واذا البقية المليون اتبعوا طريقتك بالدراسة ولا واحد راح ينجح كرنتيد.

تحياتي لحضرتك وبدون زعل احنا كلنا مهندسين واكبر من الزعل

لا اخي ماكو زعل ..  يمكن المفروض جان ضفت "بالنسبة الي" بتعليقي السابق لان اني وضعي يختلف عن اكثرية المهندسين اللي بهالمنتدى
اني خريج 2012 قسم كهرباء وشهادتي من جامعة عالية بامريكا .. اني داومت بالجامعة التكنولوجية ببغداد لمدة سنتين قبل لا اجي لامريكا .. بس لمن اجيت اهنا ما اعترفو بدروس العراق وخلوني ابدي من صف اول ... ومثل ما تعرف تدريسهم اهنا 10 مرات اقوى من تدريس العراق والمعلومات الدراسية بعدها فريش بدماغي ولهذا نجحت ...
بالنسبة الي, اهم شي كان دراسة الرفرنس بوك حتى اعرف وين وشني المعادلات المعطاة ... وهمينة درست امتحانات من السنين السابقة .. حظ؟ يمكن بس شوية 

تحياتي الك ولجميع مهندسينا

[USA-MA]

السلام عليكم
اخي العزيز ممكن توضح مين حصلت على الامتحانات السنين السابقه؟واكون شاكر الك

[الذكي]

اخوان ترى الامتحان مو هالدرجة صعب
اني تخصص كهرباء ودرست ساعتين زمان باليوم لمدة اسبوع واحد قبل الامتحان ونجحت الحمد اللة

وصحيح فرص العمل هواي احسن اذا عندك ال FE

بالتوفيق لكل الاخوان

اتمنة يكون عندي هيجي قدرات خارقة . رحم الله والديك متكولي شلون دبرتها درست لمدة ساعتين باليوم لمدة اسبوع قبل الامتحان ونجحت شنو متخرج سنة 2011 من الجامعة. اشو اني كنت بالعراق اخذ اعلى الدرجات وبزمن صدام اللي كانت الدراسة كلش قوية وكدرت انجح بالامتحان من المرة الثانية ودرست لمدة ستة اشهر كل يوم لايقل عن 5 ساعات .
هية شغلتين بدون زعل لو الحظ كعد وياك لو دتشاقة لانه هاي واحد بالمليون تصيب وياه واذا البقية المليون اتبعوا طريقتك بالدراسة ولا واحد راح ينجح كرنتيد.

تحياتي لحضرتك وبدون زعل احنا كلنا مهندسين واكبر من الزعل

لا اخي ماكو زعل ..  يمكن المفروض جان ضفت "بالنسبة الي" بتعليقي السابق لان اني وضعي يختلف عن اكثرية المهندسين اللي بهالمنتدى
اني خريج 2012 قسم كهرباء وشهادتي من جامعة عالية بامريكا .. اني داومت بالجامعة التكنولوجية ببغداد لمدة سنتين قبل لا اجي لامريكا .. بس لمن اجيت اهنا ما اعترفو بدروس العراق وخلوني ابدي من صف اول ... ومثل ما تعرف تدريسهم اهنا 10 مرات اقوى من تدريس العراق والمعلومات الدراسية بعدها فريش بدماغي ولهذا نجحت ...
بالنسبة الي, اهم شي كان دراسة الرفرنس بوك حتى اعرف وين وشني المعادلات المعطاة ... وهمينة درست امتحانات من السنين السابقة .. حظ؟ يمكن بس شوية 

تحياتي الك ولجميع مهندسينا

اني هم كلت هيجي هية لو 2011 لو 2012 يعني اني مثل حالتي متخرج قبلك ب 10 سنين كان لازم اتعب نفسي بالقراية وهم رسبت المرة الاولى بس الحمد لله كدرت اجتازة المرة الثانية وبجدارة
تحياتي الك مهندسنا العزيز وبالموفقية

[ام اتنا]

الف الف شكر لصاحب الموضوع على الشرح الوافي تسلم الله يوفقك يارب
بس عندي استفسار عن وضع شهادتي ماعرف هندسة لو علووم؟؟؟
اني خريجة كلية المنصور الجامعة من بغداد قسم هندسة برمجيات الحاسوب ودرسنة دروس هندسة البرمجيات
لكن وزارة التعليم العراقية ممصرحة تنطي لهذا القسم شهادة الهندسة والكلية مقدمة طلب حتى يدرجوه تحت اسم قسم هندسة برمجيات فالشهادة الي اخذناهة هي شهادة علوم هندسة البرمجيات وماعرف احنة درسنة هندسة لكن شهادتنة شهادة علوم
...هسة هاية الشهادة من اريد اعادلهة بامريكا  تتعادل علوم لو هندسة ؟؟؟؟؟؟؟؟وهم يحقلي ادخل امتحان الFE ؟؟ الف شكر الكم وبارك الله بيكم

[rainy71]

السلام عليكم
الف مبروك لاخواننا الي اجتازوا الامتحان ودعواتنا بالتوفيق و السعادة لاخونا محمد الزعيري الله يسدد خطاه ويكثر من امثاله طبعا اخواني بعد الاطلاع على كتب ال fe لاحظت انو الاسئلة اسهل بكثير من الاسئلة الي جانت تجينة بالكلية بس المشكلة بالتكنيك الي لازم الواحد يتبعه بالاجابة على الاسئلة حتى يجتاز الامتحان يعني لازم يسوي براكتس مكثف عالسرعة باستخدام الحاسبة و على كتاب الرفرنس مثل ما وضح الاخ محمد اذا ضبط هالشغلتين يمشي الحال لهذا نلاحظ الاخوان الي متخرجين من امريكا اسهل عليهم لان معتادين على نمط الامتحانات بالسيستم الامريكي.
اخي fuse اذا عندك معلومات او روابط بخصوص اسئلة السنين السابقة تسعفنا بيها و ياريت اذا تكون لجميع الاختصاصات الهندسية في حال تتوفر عندك المعلومات حتى تعم الفائدة.

[الذكي]

السلام عليكم
الف مبروك لاخواننا الي اجتازوا الامتحان ودعواتنا بالتوفيق و السعادة لاخونا محمد الزعيري الله يسدد خطاه ويكثر من امثاله طبعا اخواني بعد الاطلاع على كتب ال fe لاحظت انو الاسئلة اسهل بكثير من الاسئلة الي جانت تجينة بالكلية بس المشكلة بالتكنيك الي لازم الواحد يتبعه بالاجابة على الاسئلة حتى يجتاز الامتحان يعني لازم يسوي براكتس مكثف عالسرعة باستخدام الحاسبة و على كتاب الرفرنس مثل ما وضح الاخ محمد اذا ضبط هالشغلتين يمشي الحال لهذا نلاحظ الاخوان الي متخرجين من امريكا اسهل عليهم لان معتادين على نمط الامتحانات بالسيستم الامريكي.
اخي fuse اذا عندك معلومات او روابط بخصوص اسئلة السنين السابقة تسعفنا بيها و ياريت اذا تكون لجميع الاختصاصات الهندسية في حال تتوفر عندك المعلومات حتى تعم الفائدة.

بالنسبة للامتحان هو كلش سهل المشكلة هية بالوقت تعرف بالامتحان قصدي بالمحاولة الاولى لمن امتحنت ورسبت بالامتحان اغلب الاسئلة كنت اعرفها بس وقت مكان كافي وتكتيكي كان غلط لانه كنت الزك بقسم من الاسئلة واتحداها حتى احلها وهذا طبعا غلط وكان ياخذ مني وقت بس للي يريد يمتحن اذا متعرف سؤال جيت على غيرة وحاول تجمع اكبر عدد ممكن.
تعرف بالمحاولة الثانية من امتحنت ونجحت كان عندي تقريبا 100 سؤال صحيح اعرفهن اني مجاوبهم 100 بالمية والبقية اختاريتهم مثل حزورات يعني تصور الامتحان الثاني والمحاولة الثانية الية وبقة عندي 80 سؤال محالهم من الصباحي والمسائي وبقيت اني اضلل بكيفي الخيارات يعني من تدخل للامتحان وتشوف السؤال لازم من نضرتك للسؤال تقرر تبدي بيه لو لا يعني لو تبدي بيه وتحلة لو تعبرة وتروح على غير سؤال حتى تجمع درجة وتختصر وقت
يعني كان اكو اسالة حلها سطر واحد بس او خطوة وحدة يعني 10 ثواني ميطول بيدك واكو اسالة تطول  4 الى خمس دقايق .

[rainy71]

شكرا اخي الذكي عالتوضيح انشاء الله التوفيق بالحياة العملية و بداية مشوار النجاح كمهندس في الولايات المتحدة و لا يفوتني ان ادعي لاخونا الرائع محمد الزعيري الله يفتحها بوجه و يجعل ثواب المعروف الي صنعه اضعاف مضاعفة في الدنيا والاخرة.

[Fuse]

بالنسبة للاخوان الي سألو على امتحانات السنوات السابقة .. اكثر كتب المراجعة بيها اسئلة من امتحانات السنوات سابقة .. اني الكتاب الي قريت بية هوا شبه هذا
http://search.barnesandnoble.com/Best-Test-Preparation-and-Review-Course-for-the-Fe-EIT-N-U-Ahmed/e/9780878910779?r=1&cm_mmc=GooglePLA-_-TextBook_InStock_26To75-_-Q000000633-_-9780878910779&cm_mmca2=pla
بيه اسئلة من ال 3 سنوات السابقة
ومثل ما قال الاخ الذكي .. اهم شي سرعتك بالاجابة .. بالامتحان الصباحي عندك دقيقتين للسؤال وللمسائي 4 دقايق ... جاوب الاسئلة الاسهل والمواضيع التعرفها اول شي بعدين ارجع عالصعبات و جاوب
وهو دائما اكو 4 اختيارات للسؤال , 3 قريبين و 1 بغير كوكب .. طبعا اكثر المرات تكدر تحذف الجواب البعيد (يمكن 90 يالمية من المرات بس مو دائما) ويبقالك 3 اجوبة تختار منهم واحد
بالموفقية للجميع

[Fuse]

الف الف شكر لصاحب الموضوع على الشرح الوافي تسلم الله يوفقك يارب
بس عندي استفسار عن وضع شهادتي ماعرف هندسة لو علووم؟؟؟
اني خريجة كلية المنصور الجامعة من بغداد قسم هندسة برمجيات الحاسوب ودرسنة دروس هندسة البرمجيات
لكن وزارة التعليم العراقية ممصرحة تنطي لهذا القسم شهادة الهندسة والكلية مقدمة طلب حتى يدرجوه تحت اسم قسم هندسة برمجيات فالشهادة الي اخذناهة هي شهادة علوم هندسة البرمجيات وماعرف احنة درسنة هندسة لكن شهادتنة شهادة علوم
...هسة هاية الشهادة من اريد اعادلهة بامريكا  تتعادل علوم لو هندسة ؟؟؟؟؟؟؟؟وهم يحقلي ادخل امتحان الFE ؟؟ الف شكر الكم وبارك الله بيكم

اختي
هم الامريكان ميعرفون شدرستي ما درستي بالعراق
ما دام اكو اسم "هندسة" بشهادتج .. يعتبروها اهنا هندسة
واكو ولد اهنا صديقي تخصصة علوم حاسبات, اخذ امتحان ال fe عادي
وهاي من موقعهم يكولون "The exam is open to anyone with a degree in engineering or a related field"
وتوكلي على اللة

[ابو رند]

اولا احب اشكر اخ محمد على هذ الموضوع واشكر كل الأخوة بآرائهم الرائعة ولو انو من قريت هذ الموضوع انصدمت هوايه وشفت اني كنت ضائع وماادري بروحي ولا ادري اني شدسوي بأمريكا  اعرفكم بنفسي  اني خريج الجامعة التكنلوجية قسم هندسه الانتاج والمعادن تخصصي مهندس انتاج متخرج سنه 2006 وعندي خبره عمليه لمده سنتين بسوريا مشغل مكائن سي ان سي وكنت مهندس قسم التصميم والانتاج هناك وصارلي اربع سنين بأمريكا بربكم مضيع الاول والتالي مكضيها بوظائف تعبانة اخرها ميكانيك سيارات يعني فيتر وجنت كلما اشوف احد يكلي انت مخبل جاي تشتغل هاي الشغلات روح ادرس واكلة الله كريم هسه قريت الموضوع انصدمت وكلت هاي اني شمسوي بروحي هنا والعالم وين واني وين وبعد ما قريت كل كلمه انكتبت بالموضوع بتمعن قررت اتحرك هسه بس وين اروح وشسوي ما اعرف الله يخليكم رجاءا انطوني نقطه بدايه اتحرك على اساسها ولكم جزيل الشكر والامتنان علما انو اني بتكساس واذا تسالني عن معلوماتي  فاعتقد انو حاليا اغلب معلوماتي متحجره بمخي ومااتذكرها لإنو السعي ورا ال8 دولارات بالساعة حتى اتسدد فواتيرك هي طامة كبرى بأمريكا وشكرا الكم

[ام اتنا]

الف الف شكر لصاحب الموضوع على الشرح الوافي تسلم الله يوفقك يارب
بس عندي استفسار عن وضع شهادتي ماعرف هندسة لو علووم؟؟؟
اني خريجة كلية المنصور الجامعة من بغداد قسم هندسة برمجيات الحاسوب ودرسنة دروس هندسة البرمجيات
لكن وزارة التعليم العراقية ممصرحة تنطي لهذا القسم شهادة الهندسة والكلية مقدمة طلب حتى يدرجوه تحت اسم قسم هندسة برمجيات فالشهادة الي اخذناهة هي شهادة علوم هندسة البرمجيات وماعرف احنة درسنة هندسة لكن شهادتنة شهادة علوم
...هسة هاية الشهادة من اريد اعادلهة بامريكا  تتعادل علوم لو هندسة ؟؟؟؟؟؟؟؟وهم يحقلي ادخل امتحان الFE ؟؟ الف شكر الكم وبارك الله بيكم

اختي
اخي فيوز تسلم على التوضيح الف الف شكر
هم الامريكان ميعرفون شدرستي ما درستي بالعراق
ما دام اكو اسم "هندسة" بشهادتج .. يعتبروها اهنا هندسة
واكو ولد اهنا صديقي تخصصة علوم حاسبات, اخذ امتحان ال fe عادي
وهاي من موقعهم يكولون "The exam is open to anyone with a degree in engineering or a related field"
وتوكلي على اللة

[الذكي]

اولا احب اشكر اخ محمد على هذ الموضوع واشكر كل الأخوة بآرائهم الرائعة ولو انو من قريت هذ الموضوع انصدمت هوايه وشفت اني كنت ضائع وماادري بروحي ولا ادري اني شدسوي بأمريكا  اعرفكم بنفسي  اني خريج الجامعة التكنلوجية قسم هندسه الانتاج والمعادن تخصصي مهندس انتاج متخرج سنه 2006 وعندي خبره عمليه لمده سنتين بسوريا مشغل مكائن سي ان سي وكنت مهندس قسم التصميم والانتاج هناك وصارلي اربع سنين بأمريكا بربكم مضيع الاول والتالي مكضيها بوظائف تعبانة اخرها ميكانيك سيارات يعني فيتر وجنت كلما اشوف احد يكلي انت مخبل جاي تشتغل هاي الشغلات روح ادرس واكلة الله كريم هسه قريت الموضوع انصدمت وكلت هاي اني شمسوي بروحي هنا والعالم وين واني وين وبعد ما قريت كل كلمه انكتبت بالموضوع بتمعن قررت اتحرك هسه بس وين اروح وشسوي ما اعرف الله يخليكم رجاءا انطوني نقطه بدايه اتحرك على اساسها ولكم جزيل الشكر والامتنان علما انو اني بتكساس واذا تسالني عن معلوماتي  فاعتقد انو حاليا اغلب معلوماتي متحجره بمخي ومااتذكرها لإنو السعي ورا ال8 دولارات بالساعة حتى اتسدد فواتيرك هي طامة كبرى بأمريكا وشكرا الكم

اخي العزيز صارلك اربع سنين بامريكا وهسة يلة سمعت بانه اكو امتحان واكو هيجي امور.اخي اني كدرت اعادل شهادتي وامتحن وانجح باربع سنين ونص يعني حضرتك راح تطول بال اربع سنين الخ يلة تكدر تلحك لانه لازم شهادتك تجي من العراق بضرف مغلق وعيني شلونهم هذولة اللي بالعراق ابد مياخرون معاملات 3 سنين يمهم معاملتي ميقبلون يمشوها
على كل التوفيق من الله وانشاء الله تتسهل امورك وتكملها باسرع وقت
امابالنسبة لمعلوماتك اذا انت معلوماتك متحجرة بمخك اني اصلا مكان اكو معلومات لانه متخرج من 2002 هههة فاتحرك اخوية قبل ليفوت الاوان روح على موقع ncees .org وخابرهم وشوف المتطلبات

[ابو رند]

اخي العزيز ذكي شكرا الك ولردك السريع  اني شهادتي ويايه من تخرجت اخذتها من الجامعه فليش لازم تجي بظرف مغلق من العراق بس الي اعرفه اكو منضمات تنطيهم الشهاده وهم يسوون مثل المعادله او الترجمه بمبلغ ميتجاوز ال200 دولار  هذوله شنو وابدي من عندهم لو لا  وشكرا الك

[الذكي]

اخي العزيز ذكي شكرا الك ولردك السريع  اني شهادتي ويايه من تخرجت اخذتها من الجامعه فليش لازم تجي بظرف مغلق من العراق بس الي اعرفه اكو منضمات تنطيهم الشهاده وهم يسوون مثل المعادله او الترجمه بمبلغ ميتجاوز ال200 دولار  هذوله شنو وابدي من عندهم لو لا  وشكرا الك

اخي العزيز هاي الشركات ام 200 دولار يضحكون على العالم وياخذون فلوسهم وحتى معادلتهم متخدمك ومتكدر تشتغل بيها لانه هية لاغراض الدراسة اذا فادت اصلا.
اخي شهادتك اللي جايبها من العراق متفيدك شكها وذبها بالزبالة مثل ما اني سويت وحتى لو مصدقة من الخارجية عوف بس الجدارية ذكرى.
اخي المنظمة اللي كل المهندسين يلجؤن الها تطلب صحة صدور من جامعتك بانه متخرج من يمهم فادخل على الموقع ncees .org وتسوي اكاونت وياهم وتدفع رسوم 400 دولار رسوم المعادلة وهمة راح يدزون كتاب صحة صدور لجامعتك وبقت يم جامعتك شوكت الله يهديهم يدزون صحة الصدور.ولمن تجي صحة الصدور من جامعتك اذا الله سهل ويشوفون انه انت دارس مواد كافية وانه شهادتك معادلة للامريكية يسووها الك بدون متدرس واذا شافوا انه انت الدروس اللي ماخذها مو كافية يكولولك ادرس بعد.ورة ميقتنعون بانه شهادتك معادلة للامريكية يعملون معادلة ويدزون كتاب منها الى البورد مال مهندسين بولايتك حتى يحددون امتحان الك وتدفع رسوم للامتحان بمبلغ 125 دولار حتى تحجز مقعد للامتحان
اخي العزيز هاي خطوات العمل اللي تسويك مهندس بامريكا ما اعتقد اكو غيرها .

[احمد عراق]

الاخوه اللي اجتازوا الامتحان وبالخصوص الاخ الذكي...هم عملت بعد الاكتحان بشهادتك ام لم تحصل لحد الان على عمل

[الذكي]

الاخوه اللي اجتازوا الامتحان وبالخصوص الاخ الذكي...هم عملت بعد الاكتحان بشهادتك ام لم تحصل لحد الان على عمل

اخي العزيز هية صارلي شهر من استلمت السرتفكت والنتيجة من البورد ليش هية بهل سهولة تلكي شغل الالاف المهندسين الامريكان مذبوبين بالشارع العافية درجات اخي وانشاء الله بالمستقبل القريب الكي شغل بشهادتي مازال دا اسعى وانشاء الكي
تحياتي

[moml]

اخوانا المهندسين , اللي اجتازو الامتحان مبروك عليكم وبالتوفيق.
اخوانا المهندسين اللي ديحضرون للامتحان وديعرفون شديسون اتمنالهم الموفقية ايضا.
اخوانا المهندسين اللي مديعرفون من اين يبدون هذا الموضوع اني كتبته مخصوص الهم , كل المعلومات اللي اعرفها ذكرتها بالتفصيل الممل , وبعض المعلومات كررتها اكثر من مرة , الولايات اللي شروطها صعبة ممكن المهندس يمتحن بغير ولاية , والمهندس اللي صار اله فترة طويلة متخرج وما متواصل مع الكتب والاكاديميات يكدر يدخل دورة اتساعده على اجتياز الامتحان (مجرد انه تبحث بالكوكل راح تلكون كثير من الدورات ).
اخوانا المهندسين رجاءا اقراوا التفاصيل اكيد راح اتوفر عليكم كثير من الوقت, والاحباط .
اخوانا المهندسين ارجو ان لا اتذكرون وجهات نضر سلبية , اتاثر على معنويات باقي المهندسين , اغلبنا اذا مو كلنا امورنا تعبانة ونحتاج اللي يشجعنا  ويساعدنا , فاللي عنده ملاحضة مفيدة ميه هلا بيه وبملاحضتة .
اخوانا المهندسين رجاءا رجاءا الصور والتعليقات اللي ما بيها جوهر مفيد , اصبحت مجرد اطالة لهذه المقالة , وكاعد اتشتت انتباه المهندسين اللي معلوماتهم قليلة عن هذا الموضوع (( واللي اساسا هذه المقالة موجه اللهم ولفائدتهم)).
صدكوني ما حاب انتقد اي وجهة نضر , بس دا اشوف هواي مهندسين كاعد يتشتت تفكيرهم بسب تعليقات وصور ووجهات نضر سلبياتها اكثر من ايجاباتها .

واخيرا , خير الناس من نفع الناس.

تحياتي
محمد الزعيري
 

[moml]

مهندسينا ومهندساتنا , اللي ساكنين في كالفورنيا مدينة ساندياكو , والمدن القريبة من ساندياكو, راح تنفتح دورتين لامتحان FE ,  راح اذكر الكم تفاصيلها من ترسل الي , للي حاب ان يسجل ويشترك بيها اذا كان سكنه قريب من مدينة ساندياكو.

[الذكي]

حياك الله مهندس محمد
اكو شغلة حبيت انوه عليها هية خاصة لجماعة كاليفورنيا واني شخصيا  اتصلت بيهم وفهموني القصة
اي شخص مهندس ساكن كاليفورنيا يكدر يمتحن امتحان ال fe بدون اللجوء لمعادلة الشهادة عن طريق ncees.org او اي شركة معادلة وهذا اللي شرحولي اياه بس بالمقابل ميحق للمهندس يمارس اختصاصة الة بكاليفورنيا يعني اللي ينجح من الامتحان بكاليفورنيا ويروح لغير ولاية مراح يكدر يشتغل بشهادتة الا اذا طبق قوانين الولاية الاخرى من اجراءات معادلة الشهادة والامتحان مرة ثانية وهذا اللي خلاني اصبر 4 سنين لحد ما اعادل شهادتي لانه مردت اروح كاليفورنيا واستقر بيها
حبيت انقل هذا الشي للامانة هذا الحجي سمعتة قبل 4 سنين ما اعرف هسة شنو القانون

[moml]

شكرا للاضافة مهندسنا الذكي , ما اعتقد انه هذا الموضوع مهم بالنسبة للشركات او الدوائر الحكومية , فقط يكون مؤثر لمن يكون في بعض الولايات اكو شروط اضافية , مثل ولاية كالفورنيا , ميحق لابو PE  اختصاص مدني ان يعمل تصاميم  مدني بدون ما يمتحن ( زلازل) فقط لابو PE مدني , اما ابو FE  مدني فماكو مشكلة انه يكون حاصل عليها من تكساس وحاب يعمل بكالفورنيا , لاحض كل اعلانات العمل انه يطلب FE or PE  بدون ذكر الولاية اللي ممتحن فيها .
واعرف مهندسين واحد عراقي والاخر هندي , امتحنوا FE and PE  في كالفورنيا , وهما الان يعملون داخل كالفورنيا وخارجها في بقية الولايات بدون مشاكل, وواحد منهم كان يعمل لفترة طويلة في هيئة استشارية لتقديم استشارات هندسية للمحاكم في قضايا النزاعات بين  الحكومة و الشركات والمقاولين الثانويين , وكان عملة يتطلب يقدم تقرير هندسي لمختلف محاكم الولايات , فقط المهم تطبيق كودات CODS الولاية او الكاونتي للي العمل يتم بيها , فمثلا اصعب واعقد كودات في ولاية كالفورنيا في مجال التكيف والتبريد والتدفئة والبويلارات هية في لوس انجلس , اغلب الاحيان يكون هذا الكاونتي (لوس انجلس ) اله كودات اضافية اصعب من كودات ولاية كالفورنيا ,  ولازم على الشركات والمهندسين الالتزام بيها .

تحياتي
محمد الزعيري

 

[moml]

شكرا مهندس ليث العاني , ارسلي فلارير لدورة FE التي ستقام في كلية GROSSMONT -CUYMACA COLLAGE   , اللي يرغب بالمشاركة بالدورة يتصل بمهندس ليث على الموبايل او الايميل.

تحياتي
محمد الزعيري

[EagleHead]

الاخ محمد المحترم,
السلام عليكم,
اشكد يتطلب معادلة الشهادة بحيث تكدر تمتحن الاف اي.؟
 اذا ممكن عن المعادلة بعض التفاصيل الي عودتنا عليها؟

تحياتي.

[moml]

اني ذاكر سابقا انه بعض الولايات تطلب معادلة  وبعضها ميطلب نثل كالفورنيا , والبعض يسمح للمهندس بالدخول الى الامتحان والمشاركة به (مثل اوكلوهوما ) , ولكن عند النجاح مينطون السرتفكيت  الا اذا عادلت الشهادة  ( ولكن يعطون رسالة انه الشخص المعني في ولاية اوكلوهما قد اجتاز الامتحان).

وعليه ارجع الى بورد المهندسين في ولايتك حتى تكدر تعرف شروطهم.

تحياتي
محمد الزعيري

[EagleHead]

اني ذاكر سابقا انه بعض الولايات تطلب معادلة  وبعضها ميطلب نثل كالفورنيا , والبعض يسمح للمهندس بالدخول الى الامتحان والمشاركة به (مثل اوكلوهوما ) , ولكن عند النجاح مينطون السرتفكيت  الا اذا عادلت الشهادة  ( ولكن يعطون رسالة انه الشخص المعني في ولاية اوكلوهما قد اجتاز الامتحان).

وعليه ارجع الى بورد المهندسين في ولايتك حتى تكدر تعرف شروطهم.

تحياتي
محمد الزعيري

شكرا شكرا استاد الكل,
بس نعرف شي عن بورد واشنطن ستيت.؟؟؟

تحياتي..

[Danoosha]

شكرا اخ محمد عالموضوع الشامل والمفيد بكل تفاصيله بصراحة انطاني امل انه ممكن ارجع لهذا المجال مرة اخرى
بس اذا وقتك يسمح اريد منك تنصحني بهذا الموضوع
اني خريجة هندسة مساحة سنة 2007 وتاركة الهندسة وما اشتغلت بيها وماعندي خبرة بيها وكل المعلومات ناسيتها
وصارلي 6 اشهر من وصلت الى ولاية ماريلاند
احب اسال:
اكو دورات او كورسات اكدر اخذها حتى استرجع معلوماتي
هل مطلوب اعادل شهادتي قبل ان امتحن؟
وشنو المواد اللي اكدر ادرسها وقريبة على اختصاصي وتساعدني في فهم الامتحان؟
اكو ناس نصحوني انه ادور على فرص انترنشب في شركات هندسية فهل هذه الفرص تتطلب امتحان ال FE؟

اني جنت مفكرة ادرس من جديد بس غير اختصاص بس موضوعك خلاني اغير رايي
شكرا الك ويارب كل التوفيق بحياتك

اختك دنوشة

[dardoor89]

السلام عليكم ورحمة الله و بركاته....... الحقيقة انا مهندس و لكن قديم جدا و الموضوع اعتقد لا يعنيني لاني لم تكن في نيتي  العمل كمهندس و خاصة اني وطول حياتي الهندسية (40سنة ) لم اشغل عند الحكومة او عند احد عا اني اشتغلت مع شركات اجنبية لمدة طويلة ويمكن استطيع ان اقول اني المهندس الوحيد او ممكن ان يكون معي واحد اخر الذي اشتغل بشركة اجنبية بعنوان مدير مشروع و بامرتة اكثر 25 مهندس و 3 الاف عامل من جنسية تلك الشركة ..... ما اريد ان اقوله هو شكري و تقديري لجميع الاخوان الذين شاركوا بشر هذا الموضوع موضوع امتحان الاف اي و بي اي و اخص بالذكر الاخوان محمد و الذكي و في قرارة نفسي اعتقد ان كلمة الشكر قليلة بحقهم و لكن ما قراته من تفاصل اسردوها لاخوانهم و اخواتهم من المهندسين و المهندسات و طول بالهم بالرد و تفصيل الاجوبة قد اثلج قلبي و اعاد لي شعوري الدائم بان العراقي هو الاول بالدول العربية بحبه مساعدة الاخرين و بالاخص اخوته العراقيين...... بارك الله بكم اولادي الاعزاء و وفقكم لما هو خير لكم و لاخوتكم العراقيين و اعدكم بان ساصلي لله ركعتين في جوف الليل و ارفع يدي بالدعاء لكم جميعا بالتوفيق و تحقيق الاماني .. و اخيرا احب ان انقل لكم ان احصائية عالمية صدرت من فترة قصيرة ان العراقيين هم رقم واحد بالذكاء بالنسبة للدول العربية و 47 بالنسبة للعالم وهذا مع كل ما عاناه العراقيين من بؤس و قهر و حرمان و اضطهاد و كبت و لو كان العراقي يعيس كما يعيس السويدس ماذا ستكون نتيجة هذه الاحصائية ؟؟؟؟ اترك الجواب لكم .... مرة ثانية دعائي لكم بالتوفيق و النجاح الباهر.... اخوكم الكبير ابو فراس

[moml]

الاخ اللي يسال عن بورد المهندسين بواشنطن ستيت
اسف ما عندي معلومة محددة , بس تكدر تدخل على موقعهم وتعرف التفاصيل , خصوصا انه التفاصيل تتغير باستمر, سمعت قريبا راح يكون الامتحان على الكومبيوتر بدل الدفتر والقلم.

الاخت المهندسة اختصاص المساحة  في ولاية مريلاند .
اني ذاكر انه امتحان المساحة منفصل وتكدرين ترجعين الى المعلومات في الاعلى , وبخصوص انه انت ما مشتغلة بالهندسة من سنة تخرجك سنة 2007 , فاحب اطمانك انه الارزاق على الله والدليل انه  اعرف مهندس مدني متخرج معي سنة 1997 وما مشتغل ابدا , بس حصل فرصة عمل حديثا في شركة ومن ضمنها تدريب شهر , في حين بعض الاخوان اللي عندهم خبرة واجتازو ا الامتحان لم يحصلو ه على فرصتهم بعد.
نصيجتي للكل اجتياز الامتحان مجرد باب ينفتح على ممر طويل يحتاج هذا الممر الى الاجتهاد بالبحث وتطوير القابليات في البرامج  المكملة للاختصاص او الحصول على اختصاص دقيق ( اني صارلي اكثر من سنتين ادرس تكييف) , اكو كثير من البرامج المطلوبة للمهندس ( حتى المهندس الحاصل على PE ) يحتاجها ايضا مثل اوتوكاد , واوتوكاد سفل , واوتوكاد ميكانيكل واتوكاد الكتلرك , وصولد ورفت معماري ومدني ورفت ميكانيك , وكثير من البرامج اللي المفروض يكون المهندس مختص باثنين منها او واحد على الاقل .
هذا البرامج تكدرون اتنزلوها من موقع اوتودسك ( نسخة الطالب ) مجانية بعد ان تسوون حساب معاهم وتكدرون اتسجلون بكليات الكوميونتي كولج لان بكل مدينة كبيرة اكو على الاقل كلية واحدة تنطي كورسات بهاي البرامج , وتكدرون اتشوفون الفديوهات التعليمية على اليوتيوب او تشترون السيدي التعليمي من موقع الامازون او غيرها.
للاخت اللي طالبة مكان للدورات اذا كان ماكو في مدينكم فتوجد دورات اونلاين مثل
1-    http://www.eitexperts.com/      هذه الدورة يقدمها واحد ايراني بس دورة جيدة جدا ممكن الواحد يشارك بالحصول على الفديو لكل المواد ب 200 دولارا والحصول على المحاضرات بي دي اف ب 200 دورلار اخرى او ان يشتري اشتراك كامل بمبلغ اكثر من الف دولار.

2- http://ppi2pass.com/?gclid=CNyZsoDknbUCFYl7QgodAAYA_A   او عن طريق معهد البي بي اي , بس انصحكم في هذا المعهد اختارو other disciplined   لانه يقدم عدة دورات .

وتوجد كثير  الكثير من الدورات ومن المعاهد اون لاين كذلك اغلب اليونيفيرستي  الكبيرة اتقدم كورسات بس ما انصح بيها لان مومفيدة ومتعلم استراتيجية وفيكات وتكتيك الامتحان .

موقع اوتودسك
 http://usa.autodesk.com/

تكدرون اتنزلون نسخ من برامج الطلبة ( نسخة كاملة , بس عند الطباعى راح يضهر على جوانب الورقة انه هذه مرسومة بنسخة الطلبة).

ونضيحتي للكل , الطريق طويل وينرادله تعب وصبر , واعتقد النتيجة تسوة , بان الواحد يكدر يحصل على فرصة عمل هندسية في امريكا !.

تحياتي
محمد الزعيري.

[moml]

شكرا لمهندسنا واستاذنا (40 سنه مهندس ) , اشكرك على الدعاء .
هذا كان قصدي من هذه المقالة صدقة جارية لي ولوالدي , وتوفير معلومات كانت خافية عني عند قدومي الى امريكا وكانت سبب في معاناتي لفترة سنتين تقريبا من التخبط.

اشكر الكل.

تحياتي
محمد الزعيري.
 

[أبو كرم البغدادي]

المجموعة الثانية من الملاحضات حول اجتياز امتحان ال( EIT(FE

اخوانا المهندسين , اتمنى ان اتكون هذه الملاحضات مفيدة , راح اتطرق الى موضوع التسجيل والامتحان ومتعلاقته.

1- الامتحان يقام مرتين في السنة , في شهر الرابع والعاشر , والتسجيل يكون لفترة محددة , يعني اللي ناوي يمتحن وفاته موعد التسجيل , لازم ينتضر 6 اشهر حتى يكدر يسجل ويمتحن .
2-شروط الامتحان مختلفة من ولاية الى اخرى , رغم انه الامتحان موحد لكل امريكا الشمالية وكندا وكل من المراكز الموجودة بالعالم ومنها الامارات ومصر, بعض الولايات تطلب انه يكون الشخص متخرج من كلية الهندسة , وبعضها يطلب انه يكون عندة خبرة والبعض الاخر لا يطلب شهادة ولا تخرج ولا خبرة , مثل ولايه كالفورنيا ( كثير من طلاب الهندسة يقدمون عللا الامتحان خلال المرحلة الثالثة او الرابعة , لان بعدهم فرش , كذلك كثير من الفنيين واصحاب الدبلوم  اللي يعملون في مجال التصميم يقدمون على هذا الامتحان من اجل الترقية او العلاوة) , وحاليا اغلب الشركات يطلبون من  بالتعيين شهادة ال FE على الاقل لغرض التوضيف , وحتى الكاونتي اول شرط لتعين او قبول المنهدس كمتطوع هو اجتياز هذا الامتحان.
3-اذا كانت شروط ومتطلبات الولاية اللي انت بيها صعبة او تطلب شهادة , فممكن تطلع على شروط باقي الولايات القريبة منك وتسجل على الامتحان على اقرب ولاية الشروط بيها سهلة وتنطبق عليك , وحتى تكدر تحجز على الامتحان في الامارات او اي مركز بالعالم.
4- تشرف على الامتحان بكل العالم منضمة غير ربحية NCEES وهي تتعامل مع بورد المهندسين في كل ولاية , لهذا الامتحان والاسئلة والتصليح شاملة , ولكن نسب النجاح واعلان النتائج تختلف من ولاية الى اخر اعتمادة على الحاجة لعدد معين من المهندسين في تلك الولاية المعينة , وعلى ضوء هذا العدد يتم اعطاء كيرف موجب او كيرف سالب ( لرفع او خفض الدرجات حسب حاجة الولاية ) , ويتم تحديد العدد والكيرف من قبل بورد المهندسين في تلك الولاية , لهذا يكون وقت ضهور النتائج متفاوت من ولاية الى اخرى , حيث تعلن ال  NCEES النتائج الواقعية كما هي بعد مرور 30 يوم من موعد الامتحان , وتسلمها الى بوردات المهندسين في لكل ولاية على حدة , لهذا السبب في الامتحان الماضي ولاية جورجيا كانت اول الولايات بنشر نتائج الامتحان كما هي بدون كيرف ( جورجيا نشرت نتائجها بنفس يوم اللى NCEES  سلمتهم النتائج) , اما ولاية كالفورنيا فنشرت النتائج بعد 10 ايام.
5-موقع المنضمة المسئولة عن اقامة الامتحان هو http://www.ncees.org/

ولمعرفة شروط كل ولاية         http://www.ncees.org/Exams.php     اكو سهم على اليمين لاختيار البلد والولاية وراح اتشوفون الامارات ومصر من ضمن البلدان اللي بيها مراكز امتحان.

للتسجل على الامتحان سجل بنفس موقع المنضمة وافتح اكاونت وياهم في My NCEES وبعد متسوي اكاونت اسحب الفورمة بي دي اف ودخل بيها معلوماتك ومعاها موني اوردر بمبلغ الامتحان وارفقة مع الفورمة بعد ان اتوقعها وارسلها على عنوان المنضمة الموجودة على الفورمة , اتاكد من انه العنوان صحيح لانه المنضمة مراح تتصل بيك الا قبل الامتحان ب 14 يوم , راح اتدزلك EMAIL  به رقمك ورقم المقعد الامتحاني وموقع مركز الامتحان , مع ملاحضات حول الامتحان وشروطه , هذه الورقة تطبعها وتاخذها معاك للامتحان مع هوية نافذة ( اللي هويته اكسباير يطلعوه من الامتحان ) , يفضل ان تروج قبل الامتحان بيوم حتى تدل مكان القاعة ومحلك فيها .
 
6-لتحميل كتاب الرفرنس من موقع المنضمة مجانا

http://www.ncees.org/Exams/Study_materials/Download_FE_Supplied-Reference_Handbook.php

ممكن تطبع هذا الكتاب والافضل انه تطبعه حتى تكدر تكتب ملاحضاتك عليه ويفضل ان تشتري نسخة منه حتى تحتفض بيها نضيفة وتستخدمها في حل المسائل وكانه تفرض نفسك بامتحان حتى تتعود على استخدام هذا الرفرنس 1000 %

7- افضل كتاب موجود على حد علمي هو
http://www.amazon.com/Review-Manual-Preparation-Fundamentals-Engineering/dp/1591263336/ref=sr_1_1?ie=UTF8&qid=1343787464&sr=8-1&keywords=FE+book

الطبعة الثالثة , مهم جدا اته تقراء وتفتهم كل الشرح الموجود بالكتاب ضمن المواد اللي ناوي تقراها , لانه كثير من المسائل في الامتحان راح اتكون كلامية حول فهم المبادئ.

8-التمرس على حل المسائل مهم جدا لانه في الصباح الوقت 2 دقيقة لكل سؤال , فلازم تتمرس على الحل بسرعة وتتقن استخدام الحاسبة 1000% , واذا كان اكو فرصة انه تستنج الحل بدون حل السؤال فلا اتضيع وقت , استنتج الحل لانه هو هذا المطلوب في كثير من المسائل , لانه بعض المسائل لو تدخل ابمعمة الحل , راح اتطول وفي كل خطوة ممكن ان تخطاء بادخال رقم.

عود عينك على ملاحضة الاختيارات الاربعة الموجودة قبل المباشرة بحل السؤال , لانه في كثير من الاسئلة يعطيك مثلا قيم بعيدة جدا في A & D لهذا الحل راح يكون محصور بين B & C وبهاي الطريقة ممكن حتى السؤال اللي اتوقفت اثناء حله ممكن تختار واحد من الاختيارين القريبة وتكون نسبة الدرجة الصحيحة بهذا السؤال 50% .

9- اكو العدبد من الدورات ومراكزها في كثير من الولايات , واكو البعض اون لاين , فاللي متخرج قبل 30 سنة وما متواصل مع الاختصاص من فترة طويلة ممكن يسال ويسجل على دورة .

10- اخوان نصيحتي للكل , راح اتواجهكم مواد قد تكون صعبة او ناسيها , ابد لتايسون ولا تستسلمون ا, اكيد امتحان FE ومن بعد PE يستاهل التعب , اعرف مهندسين عراقيين نجحوا من اول مرة والبعض من ثاني مرة والبعض من الثالثة , وكان ويانا بالامتحان امريكي يشتغل في شركة كهرباء ساندياكو كانت هذه اله المحاولة السادسة ! , مو عيب المحاولة , بس صعبة سنوات الدراسة وسنوات الخبرة بالعراق اتضيع , وصعبة الحياة ب 8 دولارت بالساعة , خصوصا للعنده عائلة , و اصعب للباقي جزء من احلامه حية اداعب خياله ويتمنى يرجع يشتغل مهندس من جديد.

اني راح استمر اكتب عن الامتحان كل ما صارت فرصة , واتمنى انه اتكون مفيدة لاخوانا المهندسين.

خوش موضوع عاشت ايدك وجزاك الله خير

[alzandawi]

^{عاشت أيدك على هل موضوع اختي دتريد تدخل هل امتحان وكلش خايفه حخليه تقره الموضوع وبلكت ترتفع معنوياته والتسهيل على الله}

[جوني جاك]

شكرا اخوان بس مدا اعرف وين موجودة محددات الامتحان بالبورد مال المهندسين بنيويورك فاللي يكدر يساعدني مشكور

[moml]

الاخ اللي يسال عن بورد المهندسين بنييورك , اطلع على هذا الموقع.

http://www.op.nysed.gov/prof/pels/

تحياتي
محمد الزعيري

[شبعاد]

صراحه الموضوع رائع ويستحق التثبيت

[Rami.Khalid]

صراحه الموضوع والتفاصيل اكثر من رائعه ،
بس عندي استفسار بالنسبه للخطوه الي بعد الFE
في ولاية كليفورنيا ، هل يحتاج بعد النجاح في الامتحان
ان تذهب الى البورد في الولايه ، شو الاجرائات اذا امكن

والي يريد اقدم على PE , اشلون رح اصير التقديم عليه وخصوصا هندسة الكهرباء
شنو تفاصيله ،
اذا تكدرون تنطونه تفاصيل
وشكرا

[simsim85]

طبعا مع الاسف اني كلش اتاخرت على اداء هذا الامتحان و كان المفروض ما اتاخر عليه
بس عالعموم هسة دعيد ترتيب اوراقي و اشتري الكتاب و اكعد اقره بس اللي مخليني متعاجز هو الشهادة من الجامعة لازم لازم توصل من بغداد لمنظمه NCESS لو كل ولاية و الهة قوانينهة؟
ول عايش ب هيوستن او تكساس بشكل عام، شنو الخطوات ال سواهة و اكون ممنون

شكرا جزيلا لصاحب الموضوع و كل المشاركين

[moml]

مهندسينا , اني اسف صارلي فترة طويلة مكاتب بهذا العمود او المقال , لانه الحمد لله حصلت فرصة عمل كمهندس بغير ولاية وانتقلت مع عائلتي (واكيد تعرفون وتقدرون ضروف الانتقال), انشاء الله الموفقية للجميع , وميضيع تعب او مجهود اي مهندس او مهندسة , انصح الجميع استمرو طوروا نفسكم وامكاناتكم بختصاصكم , وقبلوا باي اجر وباي راتب , المهم اتخلون قدمكم على الطريق والباقي كله قابل للتغير , واكيد نحو الافضل.

الاخ او الاخت من هيوستن , اني ذاكر سابقا انه كل ولاية الها قوانينها , وهذه القوانين تتغير !, انصح الكل اقرأوا المقالة بالتفصيل , واقرأوا التفاصيل الموجودة في موقع بورد المهندسين في الولاية الي انت بيها , والولاية اللي شروط صعبة او تعجيزية , غيروها وامتحنوا بغير ولايات.

الاخ او الاخت من ولاية كالفورنيا , اني صارلي اكثر من سنه من عبرت الامتحان في كالفورنيا , واللي سمعته انه بعض القوانين اتغيرة بصورة بسيطة , وافضل مصدر للمعلومات الك هو موقع بورد المهندسين لولاية كالفورنا ( احد مهندسي الكهرباء العراقين في سان فرانسسكو امتحن بي اي قبل سنه ونجح من اول مرة , كان يعمل بشركة امريكة في العراق , ومديره كان بالعراق مهندس برازيلي او من دولة لاتينية  وما عنده بي اي , وبعدها عمل في عمان وكان مديره اردني واضا ما عنده بي اي , بس هو حصل تاييد منهم بانه مشتغل مهندس وكان يقوم بالحسابات الهندسية وكدر يحصل موافقة للدخول لامتحان الب اي , على الرغم انه مدرائه مكانو بي اي , لانه  NCESS تعرف انه فقط في امريكا وكندا البي مطلوب وكل شركات العالم الاخرى ما مطلوب).

تحياتي
محمد الزعيري

[moml]

احدى المهندسات كتبتلي على الخاص(وحبيت اذكر مشكلتها للفائدة العامة) , وما ذكرت هيه بيا بولاية , بس كانو طالبين منها اته تجلب شهادتها معادلة من WES من اجل التسجيل على امتحان FE  , وحسب شروط ولايتها  لازم اتحصل 75 كردت منها 15 كردت للعلوم العامة , والمهندسة امحصلة مجموع كردت 125 بس جماعة الFE مديعرفون شلون يوزعون الكردت على درروس البيسك (فيزياء , كيمياء و بايلوجي ) او يجدون الية لتقسيم الكردت اللي هيا حاصلة عليا على الدروس البيسك.

على العموم اني هذا اللي افتهمته من رسالتها وسؤالها , وجوابي الها كالتالي :-

اختنا , اني امتحن بوالية كالفورنيا , ومثل ما كتبت بالمقالة انه كالفورنيا متطلب اي شئ , لا معادلة ولا WES  ولا كردت , ومتطلب اي اثبات انه الشخص لازم يكون مهندس , لانه حتى طلاب كلية الهندسة الامريكان يمتحنون وهمه في الصف الثالث او الرابع لان بعدهم فرش

على العموم الحل الاسهل انه تمتحنين في غير ولاية.

اما عن كونك مدني ومدارسة فيزية او كيمياء فهذا مو صحيح , لانه اتذكر زملائي في المدني كانو يدرسون ستاتك وداينمك (وكلا الدرسين فيزياء ) وكانو يدرسون مواد هندسية (البنية المجهرية للحديد , والخشب والكونكريت , والمواد الكيياوية المضافة للكونكريت , الايبوكسيات والبوليمر, والتاكسد , والصداء وتاكل الحديد والخرسانة .....) وهذه كلها تعتبر كيمياء , اما عن احواض التعفن والسبتكتنك والبكتريا ومحطات التفية ةالفلاتر والمجاري (فهذه بايو )
 وهذه المواد كلها تكدرين اتبوبيها ضمن الفيزياء والكيمياء والبايو .

اني مدا اشوف اي مشكلة اذا انت كنت دارسة هذا المواد (اكثر او اقل ) فتكدرين اتفوتين بعيونهم وتقنعينهم , حتى لو اتروحين اتقابليهم وجه لوجه واكيد راح يقتنعون اذا اخذتي وياك السليبص (مال المواد الدارستها من الجامعة ) وتقنعيهم بيها ( اذا كنت خريجة جامهة بغادد فراح تكدرين اتنزلين السيليبص من موقع الجامعة الرسي اون لاين).

تحياتي
محمد الزعيري

[Mayasa2013]

رجاءا اريد مساعدتكم بخبراتكم
http://www.ankawa.com/forum/index.php/topic,685128.0.html
شكراااااااا

[الذكي]

تحية طيبة مهندس محمد انشاء الله تكون بخير
طبعا كلامك كلة صحيح بالنسبة للمدني بس لما شركة ncees عادلت شهادتي اعتمادا على ال سليبس من الجامعة التكنولوجية طلع المجموع الكلي اللي دارسة اني هو 165 كردت ومع ذلك ذكروا انه عندي نقص 2 semester credit hours deficiency in humanities وبعدين خاطبنة البورد اوف انجنيرنك ب اوريكون ولايتي وقرروا انه هية دروس مو اساسية واكدر ادخل الامتحان.

زين شعجب الاخت جامعة بغداد ودارسة 125 كردت وهية مدني واني مدني؟

كان المفروض تعادل شهادتها عن طريق ncees لانه يعرفون شلون يوزعون الوحدات لانه اختصاص بهاي الامور .

[Abu_mouth]

شعجب ما مثبت هالموضوع؟


أعزائي قريت من البداية وما لكيت جواب لسؤالي..


أنا لازلت في العراق.. شلون أستغل هالميزة بتعجيل الحصول معادلة الشهادة؟

يعني أكدر اسجل بالموقع من هسة واخليهم يراسلون الجامعة، وآني اروح للجامعة أكمل المعاملة ؟

[مهندس كيمياوي]

مرحبة

اني مهندس مستجد مع االمجموعة.اني مهند س كيمياوي متخرج من جامعة بغداد من 10 سنين وساكن بامريكا واريد اسئل على الامتحان FE هل الا سئلة بالكتاب  الاصفر PPI  نفسها تجي  بالامتحان ؟
والامتحان المسائي other dicpline تكون اصعب لو اسهل شنو طبيعة الاسئلة ولازم اشتري كتاب للامتحان المسائي ل اقرا نفس الكتاب الاصفر
وطبعا اني خايف من الامتحان FE  اخاف ما انجح لان تقريبا الفهم ال عندي مو 100 بال 100 لان ناسي المادة وبصعوبة اذكر

ارجو الرد وشكرا

[jerrytheniceman]

السلام عليكم ورحمة الله
شكر جزيل للمشاركة وطرح التجربة لفائدة الاخرين انشاء الله لك صدقة جارية
يارب سهل امر الععراقيين والناس اجمعين
الغربة صعبة وظروف العراق لل30 سنة الاخيرة جدا صعبة حتى اصبحنا بهذا الوضع
المهم اشتريت الكتاب والحاسبة من الامازون والله كريم
ما عندي مجال للدراسة لان اشتغل 9 ساعات باليوم
والحمد لله اشتغل بشركة هندسية باختصاصي-مهندس مدني جامعة بغداد 2002 لان اشتغلت وياهم بالعراق وقبلوني هنا بدون اي افي اي او بي اي
 على فكرةاكو عدنة مدراء ممخلصين ثانوية بس عدهم خبرة
اني ردت اطور نفسي واخذ انشاء الله ال اف اي حتي تتقوي مكانتي با لعمل والشركة
اقرة ساعتين باليوم بعد العمل والله كريم
اعرف 3 عراقيين اصدقاء نجحوا بالامتحان
ممنونين جدا للمشاركة يارب الموفقية للجميع

[hkr_7878]

أخي الكريم أحييك لهذا الموضوع وجزيل الشكر لهذه المعلومات القيمو

[jerrytheniceman]

مرحبة

اني مهندس مستجد مع االمجموعة.اني مهند س كيمياوي متخرج من جامعة بغداد من 10 سنين وساكن بامريكا واريد اسئل على الامتحان FE هل الا سئلة بالكتاب  الاصفر PPI  نفسها تجي  بالامتحان ؟
والامتحان المسائي other dicpline تكون اصعب لو اسهل شنو طبيعة الاسئلة ولازم اشتري كتاب للامتحان المسائي ل اقرا نفس الكتاب الاصفر
وطبعا اني خايف من الامتحان FE  اخاف ما انجح لان تقريبا الفهم ال عندي مو 100 بال 100 لان ناسي المادة وبصعوبة اذكر

ارجو الرد وشكرا

اشتري الكتاب والحاسبة من الامازون  وهو بي امثلة محلولة  تجي الاسئلة مشابهة الهة مو نفسهة  بس اذا تحل الكتاب الاصفر الطبعة الثالثة انت بخير طبعا امتحان بعد الظهر اصعب بشوية لان تخصص وكلنة مثلك نسينة الدراسة بس الالف ميل تبدء بخطوة اقرة والله كريم ولنخاف

[Rosaline]

مساء الخير ..انا مبسوطة جدا اني لقيت منتدى بيناقش الموضوع دة لأني تايهة جدا انا مهندسة مدني دفعة 2004 ومقيمة بأمريكا وبفكر اقدم على الامتحان وفعلا جبت كتاب FE review manual بس طبعا مش فاكرة ولا حاجة والكتاب بجد مليان تفاصيل ورغي كتير وسمعت ان احسن طريقة هي حل امتحانات على طول فياريت تساعدوني بأي لينك او مصدر كويس للامتحانات . كمان تفتكروا لما الامتحان يكون بالكمبيوتر السنة الجاية هيكون احسن ولا لأ. شكرا جزيلا 

[moml]

مهندسنا الكيمياوي اللي متخرج قبل عشر سنوات , كلناكنا ناسين المادة في البداية وشايفيها صعبة , بس اخذنا الموضوع بجدية واصرار والحمد لله كثير من المهندسين كدرو اينجحون وبعضهم اتوفقوا وكدروا يعملون كمهندسين باختصاصهم والحمد لله اني واحد منهم , وانشاء الله اتكون انت منهم ايضا.
خلاصة الكلام  المهندسين اللي نجحوا فرقهم فقط انهم اشتهدوا ودرسوا وامتلكوا الاصرار على النجاح , اني ذاكر انه احد زملائنا العراقين نجح بالمرة الثالثة واعرف امريكي نجح بالمحاولة السابعة , مو المهم هو عدد المحاولات , المهم هو الاصرار على النجاح .
كلامي ميعني انه المهندس ميبحث عن افضل واسرع وسيلة للنجاح , وهذا اللي حاولت انه الخصه واقدمه لكل اخوانا وخواتنا حتى يستفادون من تجربتي وتجارب الاخارين , رجائا رجائا لا تتخبطون اكثير , المقالة حاوية كل التفاصييل اللي اعرفها واتبعتها ومكنتي من النجاح, واتمنا ان تقراوها بدقة.

الكتاب الاصفر مراح تجي نفس الاسئلة منه , الاسئلة راح اتكون ابسط واغرب اكرر مرة اخرى ابسط واسهل ولكن اغرب اي الاسئلة سهلة جدا ولكن حاوية على فكرة بسيطة جدا , المهندس الفاهم المبدا  ممكن يلكف الفكرة ويختار الحل الصحيح بدون من يدخل بتفاصيل حل اغلب المسائل اي ممكن يعرف الاجابة من الشكل الصحيح او من التسقيط لاجابتبن بعيدة تماما عن الحل المنطقي وهذا سر حل السؤال بدقيقتن او اقل.

اني ذاكر انه توجد دورات كثير ممكن الواحد يشترك بيها , وخصوصا الدورات اللي ينطوها العراقيين في مدينة ساندياكو , اكو اسرار كثير اتسهل وتسرع اسلوب الفهم والتوصل الى الحل الصحيح بالامتحان , بالاضافة الى التكتيك المستخدم واللي اني ذاكره بالتفصيل في اعلى المقاله .

اما المهندسن الساكنين بعيد عن ساندياكو ومو بالمستطاع الدخول بهذه الدورات فممكن تاخذون دورة اون لاين وموجودة كثيرة وافضل وحدة سامع عنها هي ينطيها شخص ايراني  اسمه دكتور جوهانين واللي اعرفه انه دورته هي افضل وحدة للنجاح السريع ممكن اتشوفوها على موقعقه
http://eitexperts.com/

تحياتي للجميع بالنجاح في الامتحان وفي الحياة العملية
اخوكم محمد الزعيري

[sadeq78]

السلام عليكم
بالبداية احب اتوجه بالشكر الجزيل للاستاذ محمد بشكل خاص على المجهود العظيم والخدمة الجليلة الي قدمها لكل المهندسين الراغبين بالمعادلة والحصول على الرخصة واسال الله العلي العظيم ان يبارك بيك و يحفضك من كل شر .و الى كل الاخوة الي فادونة بمعلوماتهم واحب اسال بعض الاسئلة اذا ممكن
1- اني بالعراق بعدني حاليا, اكدر ا افتح اكاونت مع NCEES  من الان وادفع الاجور وابدي بمعاملة المعادلة .
2- بخصوص المعادلة من هي الجهة المسؤلة من قبل الجامعة عن الرد على المنظمة في حالت طلبت الشهادة و الوثائق الي يحتاجوها( حتى ارتب معاهم من اجل تسريع ارسال الوثيقة والمعلومات المطلوبة )
3- كم من الوقت احتاجيتو كمعدل حتى وصلت الوثائق للمنظمة من العراق
4- انذكرت كلمة ( سليبس) شنو معناها وكيف احصلها من الجامعة التكنلوجية قسم المكائن و المعدات

[moml]

1- ممكن تفتح حساب , بس في اي ولاية !, لان NCEES تختلف شروطها من ولاية الى اخرى اعتمادا على بورد المهندسين لكل ولاية.
2-المفروض ان تكون مسؤلية العمادة في الاجابة على مواضيع الدرجات.
3-الوقت يعتمد على الجامعة والبريد , بالاضافة الى الولاية نفسها , فمثلا انا كنت ساكن في كاليفورنيا وامتحنت في كالفورنيا , وما كان مطلوب اي اثبات او تقديم اي وثيقة.
4-السيليبس هو ملخص لعناوين المواد الدارسها خلال مدة ال4 سنوات واعتقد انه في جامعة بغداد السيلي بس منشور على موقع الجامعة , ومرة ثانية حسب شروط الولاية.

تحياتي
محمد الزعيري

[ام محمد العراقية]

مشكور على الموضوع والمجهود الاكثر من رائع

كفيــــــــــــــــــــــــــت ووفيـــــــــــــــــــــــــــــت

ودعائي لك بالتوفيـــــــــــــــــــــــق

[Baghdad Engineer]

الله يبارك بيك على هذا المجهود و يجعاه في ميزان حسناتك ان شاء الله

[KUKICACAW]

السلام عليكم .......... شكرا جزيلا على هذا الموضوع الرائع وحقيقة جنت ادور على هذا الموضوع لان اريد اعادل شهادتي وحرامات بعد الدراسة والتعب اعوف مهنتي وشهادتي وخبرتي ........ أكرر شكري وامتناني لك

[alialiali10099]

السلام عليكم جميعا وخصوصا صاحب الموضوع الاخ الفاضل محمد بارك الله بيك وبوالديك الذين انجباك ياطيب ياشريف وفقك الله وسهل امرك بحق محمد وال محمد

موضوع يستحق التثبيت للفائدة العامة للمهندسين
ما هي معلوماتك حول ولاية ارزونا لانني ارغب بمعادلة شهادتي او /و ادرس وادخل الامتحان FE/EIT اذا تعرف معلومات تساعدني بيها

والله هذا الموضوع صدقة جارية لك ولوالديك ان شاء الله ربي يوفقك يوم بعد يوم وابد لا انساك بالدعاء ان شاء الله
اخوك علي

[Abu Fawz]

بارك الله فيك والله يوفقك ويكثر من امثالك في عمل الخير

[moml]

اشكر الجميع على دعائهم وكلماتهم الطيبة.

الاخ من ولاية اريزونا , الامتحان تكدر تطلع على شروط اريزونا من رابط بورد المهندسين لاريزونا :
http://ncees.org/exams/state-pages/arizona-exam-registration/

الامتحان راح يكون بالكومبيوتر بدل الورقة والقلم(computer-based testing (CB والتسجيل بادي من شهر ال 11 يوم 4 .

شروط ولاية اريزونا سهلة جدا مثل ما موضحين في موقعهم لان ميطلبون اي شروط او متطلبات , فقط سوي حساب وياهم .
اتوكل بالله وسجل على الامتحان april 2014  قبل مينتهي الوقت (بس لاحض انه في اريزونا انت محدد ب 3 امتحانات فقط خلال فترة سنه واحده (12 ) شهر ( يعني اذا انت سجلت على  امتحان شهر 4 سنه 2014 فمن حقك انه اتعيد الامتحان (في حالة عدم نجاحك ) في شهر 10 لسنه 2014 واخر محاولة وهية الثالثة شهر 4 لسنه 2015 , وبعدها لازم اتحصل موافقة حتى يمددولك لمحاولة رابعه (لهذا شد حيلك وانجح من اول محاولة).

مهندسينا الكلام في الاعلى فقط لولاية اريزونا , انصح كل مهندس ان يتابع بورد المهندسين في ولايته.

تحياتي للجميع
محمد الزعيري

[عرموط]

اخي العزيز
اولا احب اكلك الله ينطيك الصحة والعافية واسال الله ان يجازيك كل الخير على هذا مجهودك الرائع ...
اخي العزيز سؤالي لك يحق لي ادخال الريفرنس في الامتحان ؟؟؟؟؟؟؟؟؟؟ يعني مثل ماتعرف المعادلات بالالوف يعني لازم الواحد ينساها
وسؤالي الثاني اذا نجحت بالصباحي ورسبت بالمسائي او حصل العكس بس كان معدل الامتحانين ناجح هل اعتبر ناجح بهذه لحاله لو لا؟
وسؤالي الثالث اذا اجتاز هذا الامتحان شنو الي ححصله  يعني هل ستكون الفرص بالعمل كمهندس اكثرر؟؟؟
واشكرك على سعت صدرك واعتذر اذا اطلت عليك
تقبل تحياتي
اخوك عرموط

[moml]

مهندسنا عرموط , اني اكدر اجاوبك عن اسئلتك الثلاثة , بس صدكني مراح تكون الاجوبة ذات فائدة , لسبب واحد فقط , اللي يريد ينجح في امريكا لازم يتعب , المقالة اللي اني كاتبها بيها الاجوبة اللي مختاجها.
اقراها من البداية , وذا كان عندك بعدها سؤال اني حاضر.

تحياتي

محمد الزعيري
   

[ورد الشام]

السلام عليكم
شكرا جزيلا اخ محمد على هذا الموضوع يكتبه الله في ميزان حسناتك ويوفقك في الدنيا والاخرة ويحفظك الله ويحفظ عائلتك من كل شر ومن كل سوء ويارب تحقق كل امانيك .
اختكم ورد الشام.

[Mr.Joker]

اصدقائي اذا اكو كتب اقرها فدوة اسماء الكتب او لنكات او اي شي

[كومار]

اخ محمد بارك الله بيك والله يجعلها ان شاء الله بميزات حسناتك

عندي استفسار الله يرحم والديك ... اني مهندس مدني تخرجت من العراق ب 2007 واشتغلت وعندي خبرة واجيت لاميركا قبل 3 سنوات والحمد لله حصلت شغل حلو ومرتب بس مو كمهندس واني امنيتي ارجع اشتغل مهندس مرة لخ. الصراحة ما اعرف شنو الي اقراه بالظبط وكلش خايف من الامتحان وخاصة اني صاحب عائلة فقررت انه ارجع اعادل شهادتي حتى استرجع المعلومات واحصل بكالوريوس من اميركا احسن ما اضيع المشيتين . الشهادة ل الله الجامعة عادلتلي هواية مواد بس اكو مواد مثل الفيزياء والكيمياء مقبلت تعادلها ما اعرف ليش وهسة اكتبلك رد الادفايزر واتمنى مساعدتك ( طبعا بالسيلابس ممذكور فيزياء او كيمياء بس مثل متفضلت حضرتك احنة دارسين هاي المواد بمسميات اخرى)

Your transfer credit report does not show any physics courses to be evaluated. I cannot evaluate a course if it is not listed on your transfer credit report.

If you will eventually, have physics courses listed on your transfer credit report, to evaluate them, I would like to know the title and author of the textbook and the topics covered in the courses. You may send this information by email if you are able; otherwise, you may bring it to my office

بالاضافة لهذا الطلب اتمنى من حضرتك ومن الاخوان مهندسين المدني انه ينطونا فكرة عن الكتاب المطلوب ( والله اشتريه باجر) ولكم الاجر ان شاء الله

[المهندس الزورائي]

السلام عليكم ..
اشكرك كثيرا بشمهندس على جهودك وانا دعيتلك ودعيت للوالد وللاهل .. جزاك الله خير الجزاء . انا مقيم بالامارات وناوي اطلع لامريكا خلال السنة القامة باذن الله .. اشتغل بمكتب هندسي استشاري امريكي اسمه AECOM  في ابو ظبي .ما اعرف شنو تاثير عملي مع هذا المكتب على موضوع ال FE ? وسؤال اخر .. اذا حصلت السرتفكيت من الامارات هسه هل احتاج الى اعادة الامتحان مستقبلا ؟ يعني النتيجة حتكون اكسباير بعد فترة معينة ؟ لو للابد ؟ بارك الله بيك وكثر من امثالك .

[moml]

مهندسنا المدني (كومار ) صدكني انت كاعد توصف معانتي في امريكا خلال اول سنتين , كنت اتخبط بموضوع المعادلة والسيلبس وموضوع اكمال كورسات المواد اللي اني ما دارسها , وكنت اسمع نصائح سلبية عن صعوبة الامتحان وكنت خايف لا افشل (اكثر من سنتين ضاعت ) , بس بعدين شفت اكو كثير مهندسين عراقيين نجحوا من اول او ثاني او ثالث محاولة , فتوكلت على الله وبلشت اقراء والحمد لله عبرته من اول مرة.

شاهد الكلام خلي الخوف على جنب وتوكل على الله وامتحن افضل بكثير من موضوع اكمال ومعادلة الشهادة ((((( لانه حتى لو عادلت الشهادة فموضوع  FE ,PE  كلاهما مطلوبتان سواء عادلت ام رجعت درست من الصفر وتخرجت من اعلى وارقى جامعة امريكية همين راح ترجع تمتحن FE , PE , مختصر مفيد حتى الامريكان المتخرجين من امريكا مجبورين يمتحنون FE و PE من اجل الحصول على فرصة عمل هندسية جيدة .))))))))

نصيحتي لمهندس مثلك عنده عمل وعائلة ادخل دورة اون لاين (كثير جدا  الدورات ) بس افصل وحدة سامع بيها هية  http://www.eitexperts.com/


واشتري الكتاب FE Review Manual: Rapid Preparation for the Fundamentals of Engineering Exam
http://www.amazon.com/Review-Manual-Preparation-Fundamentals-Engineering/dp/1591263336/ref=sr_1_1?s=books&ie=UTF8&qid=1388347103&sr=1-1&keywords=fe+exam


والمنول FE Supplied-Reference Handbook, 8th edition,

http://www.amazon.com/Supplied-Reference-Handbook-8th-2nd-revision/dp/1932613595/ref=sr_1_2?s=books&ie=UTF8&qid=1388347103&sr=1-2&keywords=fe+exam


اكرر مرة ثانية اللي ابمثل ضروفك خلي يدخل دورة مع هذا الكتاب جدا جدا كافي للنجاح (خطيتك برقبتي اذا ما نجحت , بس حاول تاخذ وقت كافي للقرائة على الاقل 6 اشهر للشخص اللي يعمل وعنده عائلة ).

واخيرا خوض التجربة ونيل شرف المحاولة افضل من التردد والخوف من المحاولة ولا تتهيب من صعود الجبال (حاول مرة وثنين و  ووو الى ان تنجح) وصدكني الله ميضيع تعب

تحياتي محمد الزعيري

[moml]

مهندسنا (الزورائي).

سرتفكيت FE ما به اكسباير , ولكن PE  يصبح اكسباير خلال 2 سنه اذا ما عملت باختصاصك , بس ممكن لل PE ان يدخل دروس اون لاين continuing Education في اختصاصى من اجل تحديث معلومات وهذه الدروس اتحافض على سرتفكيت البي اي في حالة الانقطاع عن العمل لمدة 2 سنة.

لو اني ابمكانك امتحن كل من FE   ثم PE مباشرة ( اذا كان عندك الخبرة الكافة وتكدر تثبتها )

واكيد راح اتكون افضل الك بالعمل الحالي او بالمنافسة على اس عمل مستقبلي ( بالاضافة الى المعلومات الى راح اتحدثها وتطوير قابليتك في موضوع الحسابات والتصميم )

بالمناسبة مراكز الامتحانات اصبحت الان في الامارات والسعودية ومصر
تحاتي والموفقية للجميع

محمد الزعيري

[المهندس الزورائي]

تسلم وتعيش اخوية ابو جاسم الورد .. بس نقطة وحدة مافهمتها : اذا وصلت لامريكا واني عندي شهادة ال FE هل تغنيني هذه الشهادة عن معادلة شهادة الجامعة ؟ بمعنى .. ممكن اشتغل فقط بال FE ? لو لازم معاها اعادل شهادة الجامعة ؟ جزاك الله خير الجزاء

[البابلي2000]

بارك الله فيك اخي محمد على هذه المبادرة الرائعة
ارجو معرفة هل يكون الامتحان حسب الاختصاص وحسب ماهو مدرج في موقع NCEES
واذا كان اختصاصي مهندس صناعي وخبرتي مشتركة مع الهندسة الميكانيكية فاي راح اختصاص امتحن
وهل ممكن الحصول على عمل في امريكا فقط بالنجاح في هذا الامتحان وعدم الحاجة الى معادلة الشهادة

تحياتي

ابو محمد

[I AM LEGEND]

السلام عليكم
شباب ممكن سؤال اذا واحد نجح بالامتحانات الي انتو ذاكريها ممكن يحصل شغل وشكد الراتب ان كان شهري او اجر يومي ممكن تفيدوني بهاي المعلومة
ولكم خير الجزاء

[UAE2006]

سؤال لأهل الخبره

ما هيه الخطوه الأولى للتقديم على هذاا الامتحان ؟؟؟؟؟ هل هي تصديق الشهاده عن طريق موقع NCEES ؟؟

شلون اقدم طلب تصديق الشهاده عن طريق موقع NCEES  ؟؟ وهل يمكن ان ابدي بهذا الأجراء قبل وصولي لامريكا لاختصار الوقت ؟؟

بارك  الله بيكم اخواني مقدما

[MUN]

اخي العزيز صاحب الموضوع محمد الزعيري
بارك الله فيك ووفقك ... وكثر الله من امثالك ... كفيت ووفيت ... شكرا لك

[Laith82]

الاخوان الاعزاء محمد والذكي والجميع بارك الله بيكم

اخوكم مهندس مدني من بغداد
انا بصراحه لا ازال بالعراق ولكن سوف اكون في امريكا ان شاء الله قريبا في ولاية تكساس

الموضوع شوقني جدا وانا بدأت بالتخطيط من الان لكي احصل على شهادة هذا الامتحان والله الموفق

عندي استفسارين عن موظوعين احدهم محبط جدا والثاني به امل

الاستفسار الاول المحبط هو عندما قرأت تجربة الاخ الذكي في معادلة الشهاده واستغراقها لسنوات بسبب الجامعه التكنلوجية والتي هي جامعتي ايضا. هل استطيع ان اقدم على معادله شهاده مع هذه المؤسسه من الان وانا في العراق اختصارا للوقت؟؟ وهل من الممكن مراجعه الجامعه التكنلوجية والضغط عليهم من اجل الاسراع في هذه العمليه؟؟

الاستفسار الثاني هو عن بورد المهندسين في ولاية تكساس.. ذكر الاخ محمد يجب الرجوع الى بورد المهندسين في الولاية لمعرفة الشروط وبصراحه ليس عندي موقع بورد المهندسين الخاص بولاية تكساس فأن امكن كتابة الرابط سوف اكون ممنون جدا.

ملاحظة: ما الفائده اذا من تصديقنا للوثيقه من وزارة الخارجية اذا كانت غير معترفه في الخارج؟؟ الا يوجد سبيل اخر لاجراء الامتحان دون التاخر بسبب مراسلة الجامعه؟ خصوصا اذا كانت الولاية تطلب معادلة شهاده

وممنونين جدا وما قصرتو ورحم الله والديكم

[sadeq78]

اخواني الاعزاء...بخصوص ارسال السليباس والوثائق المطلوبة بخصوص المعادلة الى NCEES
المطلوب وباختصار شديد هو كلاتي:
1 - المنهج الدراسي ( السلبس ) تسحبة اما من موقع الجامعة او تقدم طلب وينطوك اياه الجامعة وتسويه هارد كوبي

[sadeq78]

اخواني الاعزاء...بخصوص ارسال السليباس والوثائق المطلوبة بخصوص المعادلة الى NCEES
المطلوب وباختصار شديد هو كلاتي:
1 - المنهج الدراسي ( السلبس ) تسحبة اما من موقع الجامعة او تقدم طلب وينطوك اياه الجامعة وتسويه هارد كوبي وتخليها بظرف عادي وتحاول تخليهم يختموه الك التسجيل
2- وثيقة ام الدرجات وتصدقها وتخليها بظرف وتخلي جماعة التسجيل يختموه الك (الظرف )
3- وثيقة بدون درجات وتصدقها وتخليها بظرف وتخلي جماعة التسجيل يختموه الك (الظرف )
وتروح للDHL ودزهن مناك وتكلة للموظف اريدة تسويه المرسل باسم الجامعة ( يسموه حكومي الى حكومي ) .......وبس
طبعا قبل هذا تسجل مع المنظمة NCEES وتدفع الاجور 400 دولار وهم يعينولك افالويتر وهو يفهمك ...بس هاي الخلاصة هاي الامور الثلاثة ولا دوخون نفسكم اكثر..وخطيتكم بركبتي...وسلام خاص للاخ محمد الزعيري وكل الاخوة بشكل عام   

[moml]

شكرا جزيلا على المعلومات اخ صادق , بصراحة اني ما اعرف اي شي عنها لاني امتحنت بولاية كالفورنيا , وفي كالفورنيا لا يطلبون اي شئ.
نفس الحال بولاية اريزونا ميطلبون اي معادلة.

اخوانا وخواتنا المهندسين رجاءءءءااااااااا راجعوا تعليمات الامتحان لان الامتحان صار على الحاسبة واللي سمعتخ انه وقت الامتحان اصبح 5:30 ونصف وعدد الاسئلة تم تقليله , وفترة الاستراحة بين الامتحان الصباحي والمسائي اصبحت 20 دقيقة والمنول اصبح موجود على الحاسبة يعني مينطوك هارد كوبي من المنول , وتوجد على موقع NCEES  عدد من افلام الفديو اللي اتوضحلكم التغييرات .

   تحياتي
محمد الزعيري

[كومار]

اخوية العزيز محمد الزعيري بارك الله بيك وكثر الله من امثالك, اني هسة اشتريت الكتب اون لاين وتوصل اسبوع الجاي ان شاء الله
والتوفيق من رب العالمين

الله يسهل علينا وعليك ويوفق الجميع يا رب

تحياتي لشخصك الكريم وبارك الله بيك

[aabid 1]

[/colالاor]
الاخ الفاضل المهندس محمد الزعيري
اشكرك جدا واشكر والديك على هده الاخلاق اللي تحملها
وعلى روح التعاون اللي تفيد بيها الناس
كثر الله من امثالك وشكرا لتعاونك

اخوك المهندس ابو عبد الرحمن

[alialiali10099]

السلام عليكم اخوية محمد الورده بارك الله بك وبوالديك كما قلت لك هذا الموضوع صدقه جاريه لك ولوالديك والله دادرس والله كريم محتاج دعاءكم تحياتي لكم وان شاء الله من امتحن وانجح راح ابشركم اعزائي جميعا ومحمد عزيزي خصوصا
اخوك علي اريزونا

[Sonata*]

يعني هذا الموضوع لحد هذه اللحظة نستفاد منه ومن معلوماته

يارب اجزي الاخ محمد وبارك له في عمره وفي ذريته يا ارحم الراحمين


المهندس المدني
ابو دانيا

[slam hawk]

بارك الله بيك على المجهود الرائع

[newatusa]

اضافة الى الموضوع
لازال كتاب الريفيوا مانيول  FE Review Manual يستخدم للتحضير الى الامتحان الجديد والذي يتم عبر الكمبيوتر
افضل النسخ المتوفرة هي على موقع امزون وعلى الرابط
http://amzn.to/1gtlf64
لايسمح باستخدام حاسبات يدوية او ادخالها الى الامتحان ماعدى الحاسبات المسموح بها من قبل NCEES وحسب الرابط
http://ncees.org/exams/calculator-policy/
هذه من اهم النقاط اذا استخدمت حاسبة يدوية اخرى قد تحرم من الامتحان.
توجد اربع حاسبات تستخدم على نطاق واسع

    Hewlett Packard: HP 35s
http://amzn.to/1eE73Df

Casio: fx-115 ES Plus
http://amzn.to/1cJuaB4
   
    TI-30XS Multiview (Texas Instruments)
http://amzn.to/1iNLmZ0

  TI-36X Pro (Texas Instruments)
http://amzn.to/1fZc8eI

ومن افضل الحاسبات من حيث سرعة استخراج قيم الحلول والمعادلات و حل المصفوفات وخياراتها هي حاسبة fx-115 ES Plus من Casio
وكذلك سعرها معقول وذات شاشة كبيرة ممكن رؤية جميع تفاصيل العملية الحسابية وعلى سطرين مما يسهل على الممتحن التاكد من العملية الحسابية دون اعادتها مما يوفر وقت لحل سؤال اخر
ويوجد فيديوا يوضح استخدام هذه الحاسبة على الرابط
http://www.youtube.com/watch?v=19pdVttTs3M 

بالاضافة الى الريفيو مانيول والحاسبة تحتاج الى FE Reference Handbook من ncees بطبعته الجديدة والتي تختلف عن الطبعة السابقة. يحتوي على جميع المعادلات التي تحتاجها في الامتحان وخلال الامتحان سيكون هو المرجع الوحيد لك للاجابة على الامتحان لذلك عليك التمرن عليه لتوفير الوقت موجود على امازون على الرابط
http://amzn.to/RQEhuU

اذا كان الامتحان اللذي ستقوم به هو امتحان FE Other Disciplines فال  FE Review Manual و FE Reference Handbook يكون كافي لاجتياز الامتحان بشطريه الصباحي والمسائي. اما اذا اردت امتحان الاختصاص كالميكانيك والكهرباء والمدني والهندسة الكيمياوية فان اسئلة الامتحان المسائي تكون من ضمن الاختصاص وبذلك سيكون كتاب  FE Review Manual يغطي فقط امتحان الصباحي.
لذلك عليك دراست محاضراتك او استخدام كتب الاختصاص للمراجعة. اهم الكتب للمراجعة لامتحان الاختصاص وهي كافية لكل اختصاص هي

FE Chemical
 Chemical Discipline-Specific Review for the FE/EIT Exam
http://amzn.to/1l9XXnM

FE Civil
 FE Civil Review Manual
http://amzn.to/1nt8Nrr

FE Electrical and Computer
 FE Exam Review: Electrical and Computer Engineering
http://amzn.to/1mKuYt6

FE Environmental
 Environmental Discipline-Specific Review for the FE/EIT Exam
http://amzn.to/RQIDCk

FE Industrial
 Industrial Discipline-Specific Review for the FE/EIT Exam
http://amzn.to/1nt8Xzb

FE Mechanical
 Mechanical Discipline-Specific Review for the FE/EIT Exam, 2nd ed.
http://amzn.to/1l9YLcu

حاول ان تحصل على كتاب مستخدم ولكن جيد لكي يكون مرجعك الدائم والتوفيق للجميع

[samer adnan]

السلام عليكم
اني مهندسه كيمياويه في اريزونا واحب استفسر منك عن بعض النقاط
1- اذا اريد ارسل الشهاده حتى اسوليلها evaluation وين ارسلها وهل ال necce تطلب من عندي اسويها في مكان خاص هي تعترف بي
2- اذا حصلت و نجحت ب fe هل استطيع ان اجد عمل علما اني عندي خبره 5 سنوات بس  بالعراق
3-سمعت من بعض الاصدقاء ان احاول اجد عمل ك volunteer  هل تعتقد ان هذا ممكن وهل بعد ما احصل على ال fe هم احتاج واسطه حتى اجد عمل .. ويقال انه من الممكن ان تحصل شغل حتى بدون ال fe وبعدين هم قصدي الي شغالوك يكولولك لازم تتجتاز ال fe ( قصدي بعد التعب هم تحتاج على واحد عرف لو تقدر تعتمد على شهادتك و مجهودك فقط)
4- اسف اذا جبت هواي كلام من غير ناس بس حبيت اقارن بين المعلمومات

[CivilEng]

شكرا  على  المعلومات القيمة.

[المهندس الزورائي]

باش مهندسة CivilEng  دائما اتفائل لما اقرا مواضيعج وتعليقاتج .. وافرح هواية لما اسمع اخبار حلوة عن المهندسين بامريكا . اتمنى ما تبخلين علينا بملاحظاتج عن طبيعة الحياة المهنية للمهندسين العراقيين بامريكا .. تحياتي

[CivilEng]

باش مهندسة CivilEng  دائما اتفائل لما اقرا مواضيعج وتعليقاتج .. وافرح هواية لما اسمع اخبار حلوة عن المهندسين بامريكا . اتمنى ما تبخلين علينا بملاحظاتج عن طبيعة الحياة المهنية للمهندسين العراقيين بامريكا .. تحياتي

اخوية المهندس الزورائي اني حاضرة لاي سؤال و اتمنى اقدم أي شئ يفيد الاخوة بهذا المنتدى ان شاء الله. تحياتي

[كومار]

اخوان قبل التحضير للامتحان شنو لازم نسوي ؟؟؟؟؟

هل نعادل الشهادة ---- اذا اي ؟ منو افضل جهة 

شنو الخطوات الي لازم نسويها للاتصال ب NCEES? 

الرجاااااء توضيح الخطوات الاولية وجزااااكم الله كل خير

اني مهندس مدني دا استعد لامتحان ال FE وحاليا بولاية اوهايو

شكرا وبارك الله بالجميع[/b]

[CivilEng]

اخ كومار .. اني امتحنت بكاليفورنيا و ما طلبوا  مني معادلة الشهادة . بالنسبة لأوهايو  الاجابة على اسئلتك  في موقع بورد المهندسين المحترفين-اوهايو . ادخل على هذا الرابط و اقراه http://www.peps.ohio.gov/Exams/FE.aspx      . حالتك تنطبق عليها الفقرة رقم 4 لان شهادتك من خارج امريكا  لازم تعادل شهادتك عن طريق   NCEES  و بعدين تقدم التقرير مال الشهادة  للبورد قبل 120 يوم من موعد الامتحان . اذا    NCEES قررت  ان شهادتك تفتقد الى بعض المواد لازم تعوض النقص و تاخذ دروس.  بعد موافقة البورد تدخل على موقع  NCEES   و تفتح حساب و تحدد موعد الامتحان .  هذا موقع   NCEE    تكدر تاخذ فكرة شاملة عن ضوابط الامتحان            http://ncees.org/exams/state-pages/ohio-exam-registration   

[Baghdad Engineer]

شكرا للمعلومات القيمة 

سؤالي ما هيه درجة النجاح بالامتحان اكثر من 50 % و هل الامتحان صعب اذا اختار Other decepline

مع الشكر

[CivilEng]

الاخ مهندس بغداد , درجة النجاح اكثر من 50% و تتغير من امتحان لاخر لان يحولوها الى   curve   . حاول تحل اكبر قدر من الاسئلة و اذا ما تعرف الجواب احزر . اني امتحنت قبل 6 سنوات و كان بوقتها الامتحان كتابي و قسمين امتحان الصباح  General . الظهر اما اختيار احد الاختصاصات الهندسية  او عام  general disciplene. درجة الصعوبة نفسها سواء  احد فروع الهندسة  او    Other Disciplines     . الفائدة  اذا امتحنت باختصاصك راح تفيدك الدراسة  بعملك كمهندس و ايضا راح تكون اساس للمرحلة الثانية و هي   PE exam   اذا عندك رغبة .

[غسان العبيدي]

اخوان لحد يمتحن ولا يقدم ترى اي شي اسمه معادلة كلاوات لا يشغلوه ولا يعترفون بيه هم اليتخرجون من امريكا ملاكين شغل يعينون المعادلين
شهاداتكم نكعوها واشربو ميها اولا وثانيا امريكا متفييييد .... اني سكنت بيها شويه اكثر من سنة ونص وهسه اني الحمد لله بالسويد متنعم صدك بلد خييير وناس خير وحباة اوادم وشعب ادمي بكل المقاييس  وخلصت من الحرامية والكلاوات والغباء الامريكي اغبى دول العالم

[moml]

سلام للجميع,
اخوان اللي حصل لجوء بالسويد بالعافية علية ’ الله يسهل امورك وامور كل الناس , بس المهندسين الباقين في امريكا وما عدهم اي طريق سوى العمل , اكيد العمل كمهندس في امريكا مو سهل , لان التحديات هواي , بس مو مستحيل , والخيارات مفتوحة للجميع , اللي حاول مرة وتعب وحب ينسحب , او اللي ضرفه الصحي او العائلي ميساعده او ........... الاسباب كثيرة لعدم المواصلة والنجاح , فيكدر ينسحب بدون ميثبط من عزيمة الاخرين او يهون من عملهم وطموحهم وحلمهم.
بس اللي يتوكل على الله مرة واثنين وووو...............و يسوي اللي عليه والباقي على الله , لان الارزاق بيد الله , بس الرزق ميجي الى اقدام النائم والحليم تكفيه الاشارة.

الحمد لله اني حصلت عمل كمهندس بعد بحث طويل وتعب (بعد ان كملت امتحان FE )
وللاسف خسرت عملي وكان هذا دافع اللي انه امتحن PE والحمد لله نجحت وحصلت عمل بشركة كبيرة .

رباط السالفة ((( انتوا بكيفكم )))

تمنياتي بالموفقية للجميع
بالمناسبة (قبل 4 سنوات كان موضوع ال PE حلم من الصعب ان اتقرب عليه )
اخوكم محمد الزعيري.

[moml]

سلام للجميع,

اخوان مختصر مفيد , اللي شروط ولايته صعبة خلي يمتحن FE بولاية كالفورنيا او غيرها من الولايات الشروطها سهلة.

واللي ناوي يمتحن PE  وشروط ولايته صعبة خلي يروح يمتحن في ا ريزونا , في امتحان PE السابق امتحنا 4 عراقيين , نجحنا 3 والرابع ما اتوفق , وانشاء الله التوفيق بالمرة القادمة.
اني سافرت من هيوستن و2 مهندسين قدمو من كالفورنيا والرابع من نييورك وامتحنا في اريزونا.

تمنياتي للجميع بالموففقية

تحياتي

محمد الزعيري
 

[CivilEng]

اخوان لحد يمتحن ولا يقدم ترى اي شي اسمه معادلة كلاوات لا يشغلوه ولا يعترفون بيه هم اليتخرجون من امريكا ملاكين شغل يعينون المعادلين
شهاداتكم نكعوها واشربو ميها اولا وثانيا امريكا متفييييد .... اني سكنت بيها شويه اكثر من سنة ونص وهسه اني الحمد لله بالسويد متنعم صدك بلد خييير وناس خير وحباة اوادم وشعب ادمي بكل المقاييس  وخلصت من الحرامية والكلاوات والغباء الامريكي اغبى دول العالم

اخوية اذا انت ما حققت أي نجاح  في امريكا فلا داعي لان تعمم تجربتك على كل الناس و تثبط عزيمة االناس اللي يحاولون  يشقون طريقهم في امريكا .  اني امتحنت  FE  و     PE و نجحت بالاثنين و صار عنواني مهندس محترف Professional Engineer. والحمد لله فان نجاحي كان مدعاة للتقدير و الاحترام  من قبل زملائي لسببين:  لاني اجنبية جيت من العراق البلد اللي مزقته الحروب و كافحت , و ثانيا   لاني نجحت بامتحان صعب وفق المقاييس الامريكية . و بصراحة فان ملايين المهاجرين و اللاجئين حققوا نجاحات كبيرة في امريكا و هذي اول مرة اسمع واحد يحجي عن (الغباء و الحرامية و الكلاوات في امريكا) .

[Alnagash]

Civil Eng. 
لو اكو لايك جان سويت لايك لتعليقج .... 
اني مهندسة معمارية ومتاكدة اذا قيموا الشهادة مالتي راح اكون غير مستوفية لبعض المواد وممكن اضطر ادرسها حسب بورد المهندسين في تكساس !!!! على فرض انه معاملتي مشت بسرعة في اروقة قسم المعماري / تكنولوجية 
سؤالي الاول : هو ممكن امتحن  FE Environmental ; كبديل لامتحان التخصص للمعماري المسمى ب ARE على اساس انه هو اقرب التخصصات للمعماري ولانه كما هو معروف انه المعماري ما دارس فيزياء ولا رياضياء بشكل معمق مثل باقي الاختصاصات ..
سوالي الثاني : لو افترضت انه قيموا شهاداتي المعماري من الجامعة التكنولوجية مستوفية كل المواد  حسب ال NCEES , هل سيسمحوا لي بامتحان ال FE Environmental  .....اقصد هل يجوز اغير الاختصاص بدون اي مشاكل على اعتبار اني شهادتي  معماري ؟؟؟ لانه حسب تقديري مجالات شغل ال Environmental  اكثر من امعماري ...
 ارجوا الرد مع الشكر مقدما 

[CivilEng]

Civil Eng.
لو اكو لايك جان سويت لايك لتعليقج ....
اني مهندسة معمارية ومتاكدة اذا قيموا الشهادة مالتي راح اكون غير مستوفية لبعض المواد وممكن اضطر ادرسها حسب بورد المهندسين في تكساس !!!! على فرض انه معاملتي مشت بسرعة في اروقة قسم المعماري / تكنولوجية
سؤالي الاول : هو ممكن امتحن  FE Environmental ; كبديل لامتحان التخصص للمعماري المسمى ب ARE على اساس انه هو اقرب التخصصات للمعماري ولانه كما هو معروف انه المعماري ما دارس فيزياء ولا رياضياء بشكل معمق مثل باقي الاختصاصات ..
سوالي الثاني : لو افترضت انه قيموا شهاداتي المعماري من الجامعة التكنولوجية مستوفية كل المواد  حسب ال NCEES , هل سيسمحوا لي بامتحان ال FE Environmental  .....اقصد هل يجوز اغير الاختصاص بدون اي مشاكل على اعتبار اني شهادتي  معماري ؟؟؟ لانه حسب تقديري مجالات شغل ال Environmental  اكثر من امعماري ...
 ارجوا الرد مع الشكر مقدما

الاخت     Alnagash . اني في غاية الامتنان لكلامج الجميل و اتمنالج النجاح و التوفيق من كل قلبي.

  اني  امتحنت في كاليفورنيا و هاي الولاية ما تطلب معادلة للشهادة في امتحان   FE فاذا وجدت صعوبة في معادلة شهادتج في ولايتج فممكن التقديم على الامتحان في بورد  كاليفورنيا حتى تتجاوزين هاي العقبة . ثانيا : نعم تقدرين تمتحنين في أي فرع من فروع الهندسة و منها    Environmental و ايضا  تقدرين تمتحنين   Other Disciplines وهذا الفرع  عام  . الكيمياء و الفيزياء و الرياضيات مهمة جدا في امتحان   FE . اتمنى ان يكون جوابي مفيد .  اتمنالج النجاح و التوفيق ان شاء الله  . و تذكري ان رحلة الاف ميل تبدا بخطوة واحدة فقط و شكرا

[المهندس الزورائي]

حي الله البشمهندسات .. ما شاء الله طموح وجهد ونضال وعزيمة والنتيجة نجاح مبهر .. تمنياتي بدوام النجاح لكل مهندسي ومهندسات العراق

[CivilEng]

UP

[Alnagash]

شكرا جزيلا ل المهندس محمد الزعيري ..الله يكثر من امثاله..
ومشكوره على الرد Civil Eng راح احاول ادور اكثر بامكانية تطبيق نصيحتج ...
وايضا المهندس الزورائي ...الله محي اصلك ...اذا كنت بدبي فاتسلح بالكثير من السرتفكيتات ...لانه المهندس بامريكا بدون سرتفكيتس ما اله قيمة .
دمتم جميعا

[newatusa]

معلومات وكيفية التحضير و اجتياز الامتحان ال FE الجديد والذي يتم على الحاسوب موجود على الرابط.
http://newimmigrant-welcome-to-usa.blogspot.com/2014/05/fundamental-engineering-exam-fe.html

[Baghdad Engineer]

السلام عليكم 

اخواني و اخواتي اشلون اسحب النسخة و اني بالعراق مال كتاب التحضير للامتحان اكو نسخة PDF يكدر واحد يشتريها لو ماكو هيجي شيء مع الشكر للجميع

[moml]

تكدر اتوصي على كتاب ال FE  من وكيل امازون بالمنصور  - بغداد .

تحياتي
محمد الزعيري  

[Baghdad Engineer]

الله يبارك بيك خويه محمد راح اشتري الكتاب و اتوكل على الله

[CivilEng]

UP

[Baghdad Engineer]

شباب لا أمازون و لا غيره نزلوا الكتاب من هذا اللنك ابلاش و اني نزلته ودا اقرا بيه

http://www.2shared.com/document/-YYaogmJ/FE_Review_Manual_-_Rapid_Prepa.html?cau2=403tNull

مع تحياتي

[dot net]

شباب لا أمازون و لا غيره نزلوا الكتاب من هذا اللنك ابلاش و اني نزلته ودا اقرا بيه

http://www.2shared.com/document/-YYaogmJ/FE_Review_Manual_-_Rapid_Prepa.html?cau2=403tNull

مع تحياتي

عاشت ايدك وبارك الله فيك اخي الغالي ... والف الف شكر للجميع ورحم الله والديكم ......... تمنياتي التوفيق للجميع

[Baghdad Engineer]

السلام عليكم 

اني اريد اطلع الوثيقة مال تخرج قبل السفر بالدرحات لان اسمي يختلف بالانكليزي عن الوثيقة الي موجودة عندي سابقا . ضروري ان تكون الوثيقة مصدقة من الخارجية او فقط مصدقة من الجامعة لان الخارجية تتأخر.

و اني ممنون من الجميع

[dot net]

حسب معلوماتي اخي الغالي من الضروري تصديق الوثائق من وزارة الخارجية ... تحياتي

[ابو الين]

مرحبا  اخوان
سؤال بلازحمه عليكم اني عندي شهادة ام الدرجات ( انكلينزي ) ومصدقة من الخارجية طبعا اني هندسة ميكانيك عام ولكن الاسم مو مثل ما موجود بالجواز واني على ولاية نورث داكوتا سؤالي هو اذا ردت امتحن FE هل من الضروري يكون السبيل في الشهادة بالضبط مثل ما موجود
بالجواز؟؟؟

شكرا للاجابة مقدما

[ابو الين]

UP
UP

[CivilEng]

UP

[ام محمد العراقية]

شكرا اخت civil على المساعدة

مو بعيدة على اخلاقنا العراقيين

حرامات سمعتنا دا تسوء يوم على يوم والطيب موجود

تمنياتي للعراق الحفظ والصون ماطول اخلاق العراقيين بهاي الصورة

[dot net]

مرحبا  اخوان
سؤال بلازحمه عليكم اني عندي شهادة ام الدرجات ( انكلينزي ) ومصدقة من الخارجية طبعا اني هندسة ميكانيك عام ولكن الاسم مو مثل ما موجود بالجواز واني على ولاية نورث داكوتا سؤالي هو اذا ردت امتحن FE هل من الضروري يكون السبيل في الشهادة بالضبط مثل ما موجود
بالجواز؟؟؟

شكرا للاجابة مقدما
[/quot
نعم اخي المفروض الاسم في الوثيقة يطابق الاسم في الجواز

[جوكر الهندسة]

شكرا للاخ محمد و الاخت CIVIL ENG. و لكل من ساهم بالاجوبة ع استفسارات الاعضاء البقية7
اني حاليا بولاية كونيكتكت و دخلت ع بورد المهندسين و المطلوب مني و كولشي مفتهمت لاني بعدني مو كولش قوي بلانكليزي والاتعس منها اني خريج جامعة تكريت و جامعة تكريت هسه عدها 3 مواقع بديله الها بكركوك و بسامراء و ابغداد و اتصور بولايتنا تتطلب من عدنا معادلة
الي يقرالي شروط ولايتنا يسويلي فضل لان صدك دخت و المدوخني جامعتنا مكانها ب 3 اماكن يعني اذا هاي المنظمة اتدز بريد لجامعتي وين يروح
المهم العندي انه هل ولايتي رايدين مواصفات خاصة لو لا و اتمنى واحد يكولي شنو المتطلبات مال ولايتنا لان صارت هوسة عليه و اني جديد ع امريكا
هذا الرابط مال ولايتنا http://boards.ncees.org/view/index/board-1006-connecticut/1/
ادري بيكم متقصرون و بلاخص الاخت CIVIL ENG. j

[CivilEng]

تحياتي اخ جوكر الهندسة و تمنياتي بالنجاح و التوفيق . ولاية كونكتيكت تطلب معادلة الشهادة قبل التقديم على امتحان FE. شوف هذا الرابط بيه معلومات:

http://ct.gov/dcp/cwp/view.asp?a=1622&q=446468

 يعني اول شي تسويه ان تعادل شهادتك .النص التالي بيه تعليمات لخريجي الكليات الاجنبية  و يكول ان يتم معادلة الشهادة من قبل  NCEE قبل ان تقدم معاملتك للبورد .

  Applying for the EIT Registration: 
If you only hold a foreign undergraduate degree (BS) in engineering and no US Masters degree, you must have your degree evaluated by NCEES before the Board will review your application under Class 10.
 
تكدر تتصل ب NCESS لغرض معادلة الشهادة على هذا الهاتف او الايميل :
 
NCEES (National Council of Examiners for Engineering & Surveying) web site:  www.ncees.org click onto Credentials Evaluations (Telephone 1-800-464-7650)  .
 
بعد ان تعادل الشهادة تكدر تقدم معاملتك للبورد و تفتح حساب مع  Ncess و تحدد موعد للامتحان و هو امتحان كومبيوتر و تكدر تاخذ الامتحان 3 مرات بالسنة . اذا عندك أي سؤال اني حاضرة مع التمنيات بالنجاح .                         

[جوكر الهندسة]

تحياتي اخ جوكر الهندسة و تمنياتي بالنجاح و التوفيق . ولاية كونكتيكت تطلب معادلة الشهادة قبل التقديم على امتحان FE. شوف هذا الرابط بيه معلومات:

http://ct.gov/dcp/cwp/view.asp?a=1622&q=446468

 يعني اول شي تسويه ان تعادل شهادتك .النص التالي بيه تعليمات لخريجي الكليات الاجنبية  و يكول ان يتم معادلة الشهادة من قبل  NCEE قبل ان تقدم معاملتك للبورد .

  Applying for the EIT Registration: 
If you only hold a foreign undergraduate degree (BS) in engineering and no US Masters degree, you must have your degree evaluated by NCEES before the Board will review your application under Class 10.
 
تكدر تتصل ب NCESS لغرض معادلة الشهادة على هذا الهاتف او الايميل :
 
NCEES (National Council of Examiners for Engineering & Surveying) web site:  www.ncees.org click onto Credentials Evaluations (Telephone 1-800-464-7650)  .
 
بعد ان تعادل الشهادة تكدر تقدم معاملتك للبورد و تفتح حساب مع  Ncess و تحدد موعد للامتحان و هو امتحان كومبيوتر و تكدر تاخذ الامتحان 3 مرات بالسنة . اذا عندك أي سؤال اني حاضرة مع التمنيات بالنجاح .                       

اني جدا اشكرج ع الرد و ماقصرتي
رح ابدي اراجعهم و اشوف شنو الالية مال المعادلة لان اني جايب وياية شهادتي بالدرجات و مصدقها من الخارجية بس اشو يكولون متفيد وياهم لازم همة يدزون بريد للجامعه و اني دايخ شلون رح ارتبها لان جامعتنا صار عدهم 3 مواقع بديلة
اتمنى يوافقون ع الشهادة الي اني جايبها

[CivilEng]

 انت بس قدم شهادتك ل  NCESS و هم يقومون بالشغل و يفاتحون الجامعة ; لان انت ما كو بيدك أي شي و ان شاء الله الجامعة مالتك تجاوب يسرعة . احتمال الشغلة مو معقدة مثل ما انت متصور . ايضا اكو ولايات ما تحتاج معادلة شهادة مثل كاليفورنيا تكدر تقدم عليها في حالة اذا الجامعة ما تجاوب لا سامح الله و كل شي بوقته . 

[جوكر الهندسة]

انت بس قدم شهادتك ل  NCESS و هم يقومون بالشغل و يفاتحون الجامعة ; لان انت ما كو بيدك أي شي و ان شاء الله الجامعة مالتك تجاوب يسرعة . احتمال الشغلة مو معقدة مثل ما انت متصور . ايضا اكو ولايات ما تحتاج معادلة شهادة مثل كاليفورنيا تكدر تقدم عليها في حالة اذا الجامعة ما تجاوب لا سامح الله و كل شي بوقته .

والله قبل نص ساعه دزيت ايميل الهم كتبتلهم اني اريد امتحن امتحان FE و قريت من المتطلبات قبل الامتحان بالولاية هي معادلة الشهادة ف شنو المطلوب مني حاليا مع العلم اني عندي حاليا وثيقة التخرج بالدرجات و الوحدات مصدقة من وزارة الخارجية
بلكي الله يسهلوها الي لان مال اسافر لكاليفورنيا بعيدة علية لان اني بأقصى الشرق و كاليفورنيا بأقصى الغرب و اني جديد بعدني ع امريكا هسه لو ولاية قريبة عليه متطلب معادلة يجوز بيها مجال بس كاليفورنيا بعيدة علية ع الاقل بالوقت الحالي
شكرا ع ردج و ان شاء الله نبقى ع تواصل عن طريق الردود بهذا الموضوع

[أبو كرم البغدادي]

السلام عليكم اخواننا المهندسين
أنصحكم الي يريد يمتحن FE فيقدم على كاليفورنيا وبس لحد يتورط يمتحن بغير ولايةو ليگول بعيدة علية أگله ادفع فلوس طيارة وروحلها احسن ماتدفع ضعفها على المعادلة و التوفل
لأانه اني امتحنت FE بنيوجيرسي ونجحت وطلعت السالفة حصبة وجدري لازم تقدم Application وگلت ميخالف دزيته الهم ودانتظر الرد
ولازم بعد وراها 3 رسائل من 3 رفنرسات واحد منهم على الاقل يكون عنده PE License.
لا والنوب طلعوا يريدون شهادتك ولازم تعادلها عند الـNCEES و احتمال يطلبون منك توفل
بالمناسبة الاسئلة مال الـ FE سهلة جدا لتتخوفون منها

[ام محمد العراقية]

مشكور اخ ابو كرم

اني اريد امتحن بس ما دا اعرف منين اقره وشلون

ياريت تعلمنه على الطريق

لعد ماهي الشروط بولاية كاليفورنيا للتقديم على الأمتحان

وتمنياتنا لك بالتوفيق

السلام عليكم اخواننا المهندسين
أنصحكم الي يريد يمتحن FE فيقدم على كاليفورنيا وبس لحد يتورط يمتحن بغير ولايةو ليگول بعيدة علية أگله ادفع فلوس طيارة وروحلها احسن ماتدفع ضعفها على المعادلة و التوفل
لأانه اني امتحنت FE بنيوجيرسي ونجحت وطلعت السالفة حصبة وجدري لازم تقدم Application وگلت ميخالف دزيته الهم ودانتظر الرد
ولازم بعد وراها 3 رسائل من 3 رفنرسات واحد منهم على الاقل يكون عنده PE License.
لا والنوب طلعوا يريدون شهادتك ولازم تعادلها عند الـNCEES و احتمال يطلبون منك توفل
بالمناسبة الاسئلة مال الـ FE سهلة جدا لتتخوفون منها

[CivilEng]

كاليفورنيا ما تطلب معادلة شهادة . فقط تقديم  الابليكاشن و الرسوم . بالنسبة للكتب اكو هواية كتب للتحضير لامتحان  FE . مثال على ذلك الرابط ادناه من امازون :
http://www.amazon.com/s/ref=nb_sb_noss_2?url=search-alias%3Dstripbooks&field-keywords=fe+exam+&rh=n%3A283155%2Ck%3Afe+exam+

الامتحان مو كلش صعب لكن يحتاج تحضير و حل اكبر عدد من المسائل  . مع التحية

[CivilEng]

UP

[أبو كرم البغدادي]

هذا اللنك مال كاليفورنيا ادخلي واقري بالتفصيل
http://www.bpelsg.ca.gov/applicants/eit_lsitapp.shtml
بس لازم بالبداية يكون عندج بروفايل بالـNCEES تنزلين معلوماتك بشكل كامل هو اللنك راح يشرحلج بأسفل الصفحة بالخطوات شلون تسجلين أو من هنا:
https://account.ncees.org/login
وتدخلين وراها تحددين الامتحان وطبعا سعر الامتحان 225 دولار ورة متنجحين ان شالله تقدمين الـApplication وكتبيلهم بي عندي 3 سنوات خبرة على الاقل وحطي فد 3 اسماء اشخاص يعرفوج بأمريكا مشتغلة وياهم او (متدربة) وياهم ويعرفون خبراتج ولازم يكون واحد منهم عنده PE وخلص متحتاجين معادلة شهادة ولا شي ثاني

[moml]

غير متصل حبيبي العراق
عضو فعال جدا
***
مشاركة: 76
مشاهدة الملف الشخصي  البريد الالكتروني  رسالة شخصية (غير متصل)

رد: للمهندسين, طريق الى P.E.
« رد #1 في: الأمس في 16:10 »
اقتباس
الاخ محمد في البداية اقدم لك التهنئة والتبريكات لحصولك على بورد المهندسين واحييك على اصرارك وشجاعتك لمواصلة مشوارك الهندسي وتطوير قدراتك العملية والاجتماعية.
اخي العزيز اتمنى مساعدتك بتقديم النصيحة والمشورة مع الشكر الجزيل
انا مهندس مدني حاصل على شهادة البكلوريوس من الجامعة التكنولوجية وحاصل على شهادة الدبلوم العالي عام ٢٠٠٠ من نفس الجامعة ونفس الاختصاص ومنذ اكثر من سبع سنوات اعيش في الامارات وان شاء الله قادم الى امريكا لولاية كاليفورنيا وارغب بأكمال دراستي للماجستير والدكتوراه اذا الله سبحانه وتعالة سهل القصد.
بماذا تنصحني وانا حاليا في الامارات في تحصيل الدراسة من معادلة الشهادة وغيرها وهل اللذي اطمح اليه حلم ام يمكن ان يكون حقيقة.

مع خالص شكري وتقديري لك


السؤال منقول من مقالة   للمهندسين, طريق الى P.E.

الاخ حبيب العراق , طريقك ورد انشاء الله , كنت اتمنى لو الامور كانت واضحة الي من اول ما وصلت لامريكا بخصوص امتحان ال FE بدل ما ضيعت سنتين ونصف تقريبا بحالة ضياع, كان الموضوع عبارة عن طلسم مبهم وكل اللي امتحنوا قبلي كانت ردودهم سلبية!!.

رباط السالفة , حاول تمتحن  FE من الامارات , لان اكو مركز امتحاني في دبي او الشارقة, واذا ما اتمكنت فتكدر تمتحن بامريكا (((( ماكو اسهل منها)))) , اذا كان وضعك يساعد ادخل دورة , اكو عشرات الدورات اون لاين , اكثر وحدة اثق بيها هي
http://eitexperts.com/
 
اتكلفك بحدود 1250 دولار اذا اختاريت كل الخيارت يعني
1-Webinar
2-Video access
3-PDF lectures

اما اذا تاخذ الخيارين 2 و3 راح اتكون عليك بحدود 750 دولار.


بالمناسبة اللي محتاج درس تقوية بكييفية استخدام الحاسبة Casio او الثرموا او الاحتمالات او .... ممكن يشتري فقط الدرس المحتاجة اله فقط من نفس الموقع EIT experts اعلاه.

اكو دوات كثيرة جدا تنطيها جامعات او اشخاص او شركات , الجامعات دائما متعلم فيكات الامتحان , فما انصح بيها, الشركات او الاشخاص افضل.
الامتحان اتغير , كان في السابق تمتحن other discipline  هو الخيار الاسهل اما الان بسبب تحول الامتحان الى الكومبيوتر وتغيير المنهج قليلا , واختصار الوقت الى 5:20 ساعة بدل ما كان 8 ساعات فاصبح اختصاص المدني او الكهرباء او الميكانيك تقريبا تقريبا بنفس مستوى ال other discipline , لسبب هذه التغيير اللي حصل بالمنهج انصح المهندس اللي عنده خبرة كافية والناوي يمتحن PE بعد FE ان يمتحن باختصاصة افضل , لان مثل ما كلت بعد ماكو امتحان صباحي موحد مثل السابق, فاصبحت درجة صعوبة الاختصاص مو كبيرة مقارنة مع ال other discipline.

اتوكل على الله

تحياتي
محمد الزعيري

[moml]

غير متصل جوكر الهندسة
عضو فعال
**
مشاركة: 73
مشاهدة الملف الشخصي  البريد الالكتروني  رسالة شخصية (غير متصل)

رد: للمهندسين, طريق الى P.E.
« رد #2 في: الأمس في 17:24 »
اقتباس
مبروك اخي على حصولك على شهادة الPE و ان شاء الله من تقدم الى اخر
عندي استفسار بخصوص ولايتي بأمتحان الFE يطلبون مني اعادل شهادتي و يمكن يطلبون السليباس على الارجح زين اني بهاي الحالة اتصور السليباس صعب حيل احصله خصوصاً و اني خريج جامعة تكريت و جامعة تكريت هسه بنص الخراب اما بخصوص شهادتي ف عندي وثيقة تخرج بالدرجات بلانكليزي و مصدقة بالخارجية تتصور هاي تفيدني لو الا وثيقة التخرج تجي من العراق بضرف مختوم؟
اتمنى تجاوبني لاني عن قريب جداً رح اسجل و ابدي اقرا


منقوووووول من مقالة  للمهندسين, طريق الى P.E.

جوكر الهندسة , نصيحتي الك سجل على كالفورنيا وامتحن FE اهناك , بدل ما اتخاطر في موضوع الشهادة والمعادلة وكلفتها , امتحن في كالفورنيا بدل دوخة الراس, واستخدم كلفة المادلة لتغطية نفقات السفر.
استغل الوقت , ما دام قوانين كالفورنيا سهلة وفي صالحك , اذا اتغير قانون كلفورنيا راح اتكون صعبة.

اما اذا حبيت اتعادل شهادتك فما انصح بيها , بعض الحالات (اعتمادا على نوع المنضمة اللي اتعادلك الشهادة ) قد تنطيك نقص في بعض المواد مثل الكيمياء (اذا كنت ناوي تمتحن other discipline راح اتكون صعبة عليك ) اما في الاختصاصت اللي ما بيها كيمياء فماكو مشكلة.

واجهتني هذا المشكلة من عادلت شهادتي في ال NCEES  من اجل ال PE , كتبولي بالمعادلة انه عندي نقص مادة الكيمياء والجبر الخطي , بس هذا ما اثر على ال PE لان ماكو كيمياء في امتحان ال PE وكذلك الجبر الخطي لا يوئثر ضمن دروس الاختصاص لل PE ميكانيك.

احد اصدقائي في ولاية اريزونا عادل شهادته في ال NCESS من اجل امتحان ال FE و كان مخلص ماجستير كهرباء من جامعة بغداد وبسبب نقص مادة الكيمياء في المعادلة لم تسمح ولاية اريزونا له باكمال امتحان ال other discipline  مما اضطره للتسجيل في كالفورنيا واخذ الامتحان في كالفورنيا.

مثل ما كلت ال other discipline يحوي على الكيمياء.
جوكر الهندسة , الان كل الخيارات امامك , اختار المقتنع به.

تحياتي
محمد الزعيري

[جوكر الهندسة]

غير متصل جوكر الهندسة
عضو فعال
**
مشاركة: 73
مشاهدة الملف الشخصي  البريد الالكتروني  رسالة شخصية (غير متصل)

رد: للمهندسين, طريق الى P.E.
« رد #2 في: الأمس في 17:24 »
اقتباس
مبروك اخي على حصولك على شهادة الPE و ان شاء الله من تقدم الى اخر
عندي استفسار بخصوص ولايتي بأمتحان الFE يطلبون مني اعادل شهادتي و يمكن يطلبون السليباس على الارجح زين اني بهاي الحالة اتصور السليباس صعب حيل احصله خصوصاً و اني خريج جامعة تكريت و جامعة تكريت هسه بنص الخراب اما بخصوص شهادتي ف عندي وثيقة تخرج بالدرجات بلانكليزي و مصدقة بالخارجية تتصور هاي تفيدني لو الا وثيقة التخرج تجي من العراق بضرف مختوم؟
اتمنى تجاوبني لاني عن قريب جداً رح اسجل و ابدي اقرا


منقوووووول من مقالة  للمهندسين, طريق الى P.E.

جوكر الهندسة , نصيحتي الك سجل على كالفورنيا وامتحن FE اهناك , بدل ما اتخاطر في موضوع الشهادة والمعادلة وكلفتها , امتحن في كالفورنيا بدل دوخة الراس, واستخدم كلفة المادلة لتغطية نفقات السفر.
استغل الوقت , ما دام قوانين كالفورنيا سهلة وفي صالحك , اذا اتغير قانون كلفورنيا راح اتكون صعبة.

اما اذا حبيت اتعادل شهادتك فما انصح بيها , بعض الحالات (اعتمادا على نوع المنضمة اللي اتعادلك الشهادة ) قد تنطيك نقص في بعض المواد مثل الكيمياء (اذا كنت ناوي تمتحن other discipline راح اتكون صعبة عليك ) اما في الاختصاصت اللي ما بيها كيمياء فماكو مشكلة.

واجهتني هذا المشكلة من عادلت شهادتي في ال NCEES  من اجل ال PE , كتبولي بالمعادلة انه عندي نقص مادة الكيمياء والجبر الخطي , بس هذا ما اثر على ال PE لان ماكو كيمياء في امتحان ال PE وكذلك الجبر الخطي لا يوئثر ضمن دروس الاختصاص لل PE ميكانيك.

احد اصدقائي في ولاية اريزونا عادل شهادته في ال NCESS من اجل امتحان ال FE و كان مخلص ماجستير كهرباء من جامعة بغداد وبسبب نقص مادة الكيمياء في المعادلة لم تسمح ولاية اريزونا له باكمال امتحان ال other discipline  مما اضطره للتسجيل في كالفورنيا واخذ الامتحان في كالفورنيا.

مثل ما كلت ال other discipline يحوي على الكيمياء.
جوكر الهندسة , الان كل الخيارات امامك , اختار المقتنع به.

تحياتي
محمد الزعيري

اني اشكرك اخي الكريم ع الرد و اسف ع وضع ردي بموضوع الPE
عندي استفسار بخصوص اذا اريد امتحن FE بأختصاصي مثلاً اني اختصاصي Environmental فهل الامتحان كوله ع البيئة يعني مابي other discipline ( يعني الخمس ساعات و ثلث كوله ع ال environmental )؟؟؟؟؟؟؟
سؤالي الثاني اذا اختاريت امتحان الenviromental شلون رح اعرف المواد الي لازم ادرسه قبل ما اشتري الكتاب؟؟؟

[moml]

تكدر اتقارن بين مواد الامتحان للاختصاصت بيئة وother او مدني او ...... من خلال تنزريل ال Refrence Manual Ver 9.2 من موقع الNCEES

http://ncees.org/exams/study-materials/download-fe-supplied-reference-handbook/

دخل ايميلك اولا ثم submitt بعدها يبعثولك ايميل به باسورد , دخل الباسوورد واعمل Submitt حتى تكدر تنزل نسخة من المنول PDF .

من تكمل تنزييل راجع الصفحات من 267 الى ص 285 , راح تكدر اتسوي مقارنة بين مادة كل الاختصاصت.

تحياتي
محمد الزعيري

[جوكر الهندسة]

تكدر اتقارن بين مواد الامتحان للاختصاصت بيئة وother او مدني او ...... من خلال تنزريل ال Refrence Manual Ver 9.2 من موقع الNCEES

http://ncees.org/exams/study-materials/download-fe-supplied-reference-handbook/

دخل ايميلك اولا ثم submitt بعدها يبعثولك ايميل به باسورد , دخل الباسوورد واعمل Submitt حتى تكدر تنزل نسخة من المنول PDF .

من تكمل تنزييل راجع الصفحات من 267 الى ص 285 , راح تكدر اتسوي مقارنة بين مادة كل الاختصاصت.

تحياتي
محمد الزعيري

اشكرك اخوية طبعاً طلعت المواد الي امتحنهن اذا اختار بيئة و المواد اذا اختار other بس الصدمني من دا ادور بلامزون ع الكتاب مال البيئة لكيت الكتاب ميغطي كل المواضيع المطلوبة بلامتحان ع سبيل المثال كتاب البيئة ميحتوي ع رياضيات  بينما بلامتحان جزء من الامتحان اكو رياضيات و غيرها من المواضيع موجودة بلامتحان و مموجودة بالكتاب يعني مختصر مفيد حسبت المواد الي تجي بلامتحان و موجودة بالكتاب هي ٩٠ درجة من اصل ١٥٤ و لهذا صار عندي احباط يعني لازم اشري كتاب other علمود اقرا المواد المطلوبة بلامتحان و ممذكورة بكتاب البيئة
هسه لو اكو واحد هنا يأجرلي الكتاب مال other هههههههههه

[mirage2000]

السلام عليكم
انشاء الله تكون هذه السنة سنة خير و سلام على كل الناس , اخواني و اخواتي اني مهندس مدني و حاليا بمدينةMadison/WI دخلت على موقع البورد مال مادسن و هذا نص المكتوب
                                                             FUNDAMENTALS OF ENGINEERING EXAMINATION (FE): To be eligible to take the FE, an applicant must be at least a senior in an accredited B.S. Engineering Program. Information on the examination content is available on the NCEES web site. You may take the FE after you meet this requirement without applying to the engineering board for authorization.
الي افتهمته انو ما اكو شروط بس كلمة accredited شوية دوختني هل شهادات الحامعات العراقية تعتبر accredited هنا , شتكولون اتمنى الي عنده معلومة يساعدني علما اني راسلتهم و دا انتظر الرد

[CivilEng]

الجامعات العراقية ليست   Accredited . لهذا السبب فان معظم الولايات تطلب معادلة الشهادة .

[mirage2000]

شكرا اختي CivilEng  عالرد السريع بس الموقع ذاكر بالتفصيل بشروط امتحان PE اذا كانت شهادة ال .B.S من خارج ال USA فيجب معادلتها من قبل NCEES تحديدا و لا يتم قبولها اذا تمت معادلتها من قبل أي جهة اخرى
                                                                 

To obtain a professional engineer license by examination:

1) Satisfy ONE of the following education and experience requirements:

a. Graduation from an accredited program approved by the Examining Board as of satisfactory standing in an engineering course of not less than four years, together with an additional four years of experience in engineering work of a character satisfactory to the Examining Board and indicating that the applicant is competent to be placed in responsible charge of such work;

OR

b. graduation from an approved technical college approved by the Examining Board in an engineering-related course of study of not less than two years and at least six years of engineering experience.

Foreign Education Evaluation: All education received outside the United States, must be evaluated before submitting it to the Department with your application. The Professional Engineer Section will accept education evaluations only from NCEES Credentials Evaluations. No other credential evaluation services will be accepted. No credit will be allowed for education submitted without an educational evaluation.



 
 

[CivilEng]

كلامك صحيح اخي الكريم شهادتك العراقية لازم تعادلها في   NCEES لان الجامعات العراقية ليست accredited  . ولاية كاليفورنيا لا تطلب معادلة شهادة لامتحان FE
سؤال ... انت تريد تقدم على امتحان  FE  لو  PE ؟
لان تعليقك الاول تتكلم بيه عن   FE و الثاني عن PE  .
 

[mirage2000]

اني اريد امتحن FE و الي اقصده ليش ما موضح الشروط بهدا الشكل بالنسبة لامتحان ال FE اذا كان هذا الشرط مطلوب (المعادلة)

[CivilEng]

هسة دخلت على بورد ويسكونسن . هم ذاكرين بان شرط التقديم ان يكون برنامج الجامعة  accredited  بالنسبة للخريجين من جامعات اجنبية لم يذكروا  الشرط  الافضل ان تتصل بيهم .
اتوقع ان يطلبون معادلة الشهادة عن طريق   NCEES مثل غالبية الولايات .
انت ذكرت بان دزيت لهم ايميل فاقترح ان تنتظر جوابهم .
هذا الرابط مال البورد اذا ردت تتصل بيهم ( سوي حساب ) :
http://new.engineerintrainingexam.com/eit-exam/state-by-state-requirements/wisconsin/

[mirage2000]

شكرا اختي CivilEng تعبتك ويايه,اني دزيتلهم ايميل قبل كم يوم و انتظر ردهم و الله كريم

[CivilEng]

بالتوفيق ان شاء الله .

[alaassadnan]

السلام عليكم انا مهندس فلسطيني مسافر قريبا ان شاء الله الى شيكاغو وارغب في التقدم لامتحان FS للزياده فرصي بالحياه .. المهم .. ارغب المساعده منكم والنصائح بخصوص الامتحان والكتب التي تساعددني لاجتيازه .. بالاضافه عندي تساؤلات عديده بخصوص ميزات امتحان FS ومن افضل هوه ام امتحان FE يا ريت تساعدوني يا اخوان .. وكشرا الكم سلفا

[CivilEng]

  FS Exam  او  (Fundamental Surveying) هو الخطوة الاولى لللحصول على لايسنس للمساح . الاجابة عن سؤالك ايهما افضل  FE, FS يعتمد عليك و على تحصيلك الدراسي و الخبرة التي تملكها . اذا انت مهندس مدني , كهرباء او ميكانيك  او لديك خبرة في هاي الاختصاصات فامتحن   FE .اما اذا دراستك و خبرتك بالمساحة فامتحن FS .
امتحان   FS  يشمل مبادئ المساحة بالاضافة الى الرياضيات و   Basic sciences و غيرها.
شوف هذا الرابط بيه مواضيع الامتحان .

.http://ncees.org/wp-content/uploads/2013/10/FS-January-2014_with-ranges.pdf
اذا سؤالك ايهما افضل في سوق العمل الاثنين بنفس المستوى واكو حاجة  لهاي الاختصاصات دائما .

[alaassadnan]

شكرا لك عزيزيCivilEng.. وانا مهندس مدني تخصص مساحه وجيوماتكس والصراحه متحير اي امتحان احضرله fe ام fs .. بدي نصيحه عمليه للسوق والمجاله اوسع ؟؟
بالاضافه هل احتاج الى معادله شهادتي علما انا دارس خمس سنوات ما يعادل 162 كريديت ( ساعه ) ودراستي كلها بالانجليزيه كانت واخرجت كشف رسمي من الجامعه بعلاماتي وجميع المواد العلميه التي اخذتها بخطتي ... ؟؟ ... بالاضافه انا مش فاهم ايش يعني امتحان فتره صباحيه وامتحان فتره مسائيه ؟؟

[CivilEng]

المواد اللي يدرسها المهندس المدني تختلف عن مهندس المساحة . المهندس المدني يدرس   Structure   , ميكانيك موائع , هيدروليك و هيدرولوجي , ميكانيك مواد , ميكانيك تربة , Environmental , Transportation  .
اذا انت دارس او عندك خبرة هذه المواد فبامكانك تمتحن    FE  . اما اذا دراستك فقط مساحة فامتحن   FS . القرار يرجع لك .

بالنسبة للامتحان الصباحي و المسائي .. قبل سنة 2014 امتحان FE كان بالورقة    written exam  و كان   يتكون من جزئين : صباحي 4 ساعات  ( عام   General). بعدها ساعة للغداء . ثم امتحان مسائي 4 ساعات و يكون امتحان تخصصي للمادة اللي انت تختارها .

في عام 2014  تغيرت طريقة امتحان FE  واصبح امتحان حاسبة  (CBT - Computer Based test ) و مدته 6 ساعات و يحتوي على 110 سؤال.

بالنسبة لمعادلة الشهادة . معظم الولايات  تطلب معادلة الشهادات الاجنبية . و لاية كاليفورنيا لا تطلب معادلة شهادة . يفضل ان تتصل بالبورد في ولايتك  و تسالهم  .
اختك المهندسة المدنية

[alaassadnan]

شكرا الك خيتو افدتيني كثير ... بتمنى التوفيق للجميع

[Iraq Engineer]

السلام عليكم
اني اختصاص Industrial Engineer واريد امتحن FE في كاليفورنيا
فاذا ممكن اختنا المهندسة المدنية هل استطيع ان امتحن FE Other Disciplines
وهل يكتبون بالشهادة كمهندس متدرب مع الاختصاص
وشكرا 

[newatusa]

تم اصدار كتب جديدةتتوافق مع الامتحان الFE الجديد على الرابط.

http://newimmigrant-welcome-to-usa.blogspot.com/2014/05/fundamental-engineering-exam-fe.html
 اما بخصوص رخصة الPE لابدمن معادلة الشهادة مع الشهادة الامريكية وذلك بدراسة جميع المواد المطلوبة وعند اكمال هذه المواد تقدم شهادة اكمال هذه المواد الى NCEES لاعادة تقييم الشهادة وتقديمها الى البورد مع نتيجة امتحان ال PE

[CivilEng]

السلام عليكم
اني اختصاص Industrial Engineer واريد امتحن FE في كاليفورنيا
فاذا ممكن اختنا المهندسة المدنية هل استطيع ان امتحن FE Other Disciplines
وهل يكتبون بالشهادة كمهندس متدرب مع الاختصاص
وشكرا
[/quot/]


الاخ الكريم .. نعم بامكانك ان تقدم على امتحان     FE-other Disciplines   او اي موضوع اخر في كاليفورنيا (بدون معادلة شهادة) .  ( Engineer In Training Certificate)    لا يكتب فيها نوع الاختصاص  . فقط   PE License   يكتب فيه نوع الاختصاص .  هذا اللنك بيه  نماذج كتب تحضير امتحان FE-other Disciplines .

http://www.amazon.com/s/ref=nb_sb_ss_i_0_7?url=search-alias%3Daps&field-keywords=fe+other+disciplines+review+manual&sprefix=fe+othe%2Caps%2C717

الكتب المستعملة ارخص و تفي بالغرض .

ايضا الاخ newatusa زودنا بمعلومات قيمة عن اخر الاصدارات من كتب التحضير لامتحان  FE  .

مع التمنيات بالتوفيق

[CivilEng]

تم اصدار كتب جديدةتتوافق مع الامتحان الFE الجديد على الرابط.

http://newimmigrant-welcome-to-usa.blogspot.com/2014/05/fundamental-engineering-exam-fe.html
 اما بخصوص رخصة الPE لابدمن معادلة الشهادة مع الشهادة الامريكية وذلك بدراسة جميع المواد المطلوبة وعند اكمال هذه المواد تقدم شهادة اكمال هذه المواد الى NCEES لاعادة تقييم الشهادة وتقديمها الى البورد مع نتيجة امتحان ال PE

مشكور على المعلومات المفيدة .

[maadmati]

مرحبا اخي العزيز وشكرا للمعلومات القيمة
كيف يمكن الحجز للامتحان
انا مهندس كهرباء متخرج منذ 8 سنين
ايهما افضل تنصح ان امتحن اختصاص الكهرباء
ام اختار الOther Disciplines
وهل عند حصولي على هذه الرخصة استطيع العمل كمهندس
ما هي الاوراق التي تحتاجها للتقديم للامتحان
وشكرا

[ibo.khalil]

السلام عليكم
أخوكم مهندس مدني بولاية تكساس مدينه هيوستن وقررت امتحن FE CIVIL واتمنى بس توضحولي المواد الي لازم تجمعها واقرءها اذا امكن FE CIVIL MATERIALS
وشكرا

[عبود الجديد]

السلام عليكم الأخوة الأعزاء


أني مهندس ميكانيك خريج ١٩٩٥، قدمت معادلة لغرض امتحان fe وأني سأذهب لولاية ct ،. واستلمت نتيجة التقييم اليوم من ncees  ،  طبعا أني خريج جامعة بغداد ، وكاتبين انو الدراسة غير مطابقة وفيها نقص

The program completed does not fulfill the requirement of NCEes , academic program defect envy in math/basic scaine'
4 semester credit hours in generalmeducation

طبعا موقع البور د لولاية ct يقول تمتحن وبعد النجاح تقدم بلورد الولاية

أرجو التفضل بإعطائي رأيكم مع الشكر

[CivilEng]

السلام عليكم الأخوة الأعزاء


أني مهندس ميكانيك خريج ١٩٩٥، قدمت معادلة لغرض امتحان fe وأني سأذهب لولاية ct ،. واستلمت نتيجة التقييم اليوم من ncees  ،  طبعا أني خريج جامعة بغداد ، وكاتبين انو الدراسة غير مطابقة وفيها نقص

The program completed does not fulfill the requirement of NCEes , academic program defect envy in math/basic scaine'
4 semester credit hours in generalmeducation

طبعا موقع البور د لولاية ct يقول تمتحن وبعد النجاح تقدم بلورد الولاية

أرجو التفضل بإعطائي رأيكم مع الشكر

الاخ الكريم .. في هذه الحالة لازم تدرس المواد الناقصة و تاخذ كريدت بيها حتى يتم معادلة الشهادة .
تكدر تمتحن امتحان  FE  قبل ان تعادل شهادتك لكن حتى في حالة نجاحك بالامتحان , البورد في  CT ما راح ينطيك   EIT  Cerificate الا  بعد ان تعادل الشهادة .
طبعا السرتفكت مهمة لان راح تقدمها لما تقدم على وظيفة .
بعض الاخوة  ما يحبون يدخلون بمعمعة معادلة الشهادة فيروحون لكاليفورنيا او غير ولاية ما تطلب معادلة الشهادة و يمتحنون امتحان   FE  .
تمنياتي بالموفقية .
اختك المهندسة المدنية

[عبود الجديد]

الشكر الجزيل للاخت
هل لديك اي معلومات أين أستطيع أخذ هذه الدروس علما انهم يقولون النقص في الدروس الاساسية مثل الفيزياء والكيمياء والتاريخ اما الهندسة فيقولون اننا دارسين ضعف المطلوب هل أستطيع طلب اعادة التقييم

والشكر لكم

[جوكر الهندسة]

الشكر الجزيل للاخت
هل لديك اي معلومات أين أستطيع أخذ هذه الدروس علما انهم يقولون النقص في الدروس الاساسية مثل الفيزياء والكيمياء والتاريخ اما الهندسة فيقولون اننا دارسين ضعف المطلوب هل أستطيع طلب اعادة التقييم

والشكر لكم

اخي العزيز اني بولاية كونيكتكت بس بعدني مبادي بشي لان صادفتني ضروف
المهم كالو اكو اكثر من مكتب للمعادلة بولايتنا يعتمدوه بورد المهندسين و واحد من هاي المكاتب الي حضرتك معادل يمهم جماعة ncees طبعاً و يعتبر اصعب مكتب للمعادلة هو انت الي معادل يمه هم تأخير و هم غالي و هم احتمال يطلعولك نقص بالكردتهاي المعلومة كلي عليها واحد من الي معادلين شهادة الهندسة المدنية بس بغير ولاية كال طلعت اني مستوفي و امتحن وراها FE بدون اي اشكال و نجحت و الحمدلله دا اشتغل حالياً ف من سألته ع اي مكتب كال اسمه AACRAO كتله هذا يعترفون بي بولايتي كونيكتكت كلي جيك بورد المهندسين وراها حاولت اجيك مكدرت الكه شي ف خطية الولد دزلي الرابط كلي بورد المهندسين يعترف بمهادلة هذا المكتب و للتأكد دزلي رابط رح انسخه الك بالصفحة رقم ٢ مكتوبة اسماء المكاتب تحت عنوان
Foreign institution
http://www.ct.gov/dcp/lib/dcp/pdf/applications_added_2012/pel01-12jun.pdf
انت اذا تحب دزلي رسالة ع الخاص حتى نتناقش اكثر بكونه ثنينه مهندسين و بنفس الولاية
تحياتي

[عبود الجديد]

السلام عليكم شباب

بعد التحية ، اني وصلت الان الى الولايات المتحدة ، واشتريت الكتاب الخاص بالامتحان وسابدأ التحضيرات ، لا اعتقد الامتحان صعب بعد اطلاعي على مجموعة من الاسئلة ولكن يحتاج الى تذكر ومعرفة استخدام المعادلات واعادة تذكر ، وضعت لنفسي جدول بحدود ساعتين يوميا وسابدا من الاسبوع القادم بالقراءة

هل برايكم يوجد اي جدول للقراءاة او فقط قراة الكتاب بالتسلسل ، وحسب ما فهمت الان الامتحان يتم حسب الاختصاص وامتحان واحد ، فهل يوجد فرق وهل الكتاب FE review manual  كافي للمهندس الميكانيك ، لاني وجدت كتاب بسعر 200 دولار خاص بالهندسة الميكانيكة ، ارجو اذا عندكم اي معلومات ابلاغي مع الشكر والتقدير للجيمع

[TOFEE.US]

عاشت ايدكم على هذا الموضوع

[وجدان العودي]

السلام عليكم ورالله وبركاته
بارك الله فيكم احبائي وجزاكم الله خير الجزاء علی هذا الموضوع القيم.
اخوكم وجدان العودي يمني الجنسية مقيم في كاليفورنيا احمل شهادة هندسة مدنية قسم الإنشائية من جامعة تشرين السوريه تخرجت في 2011-2012
الآن انا اعمل دوام كامل مايقارب إلى الله 13 ساعه يوميا كمحاسب في مطعم اكلات سريعه وهذه معاناه كبيره اخذت كتاب يدعی
fe civil review Manuel
وانا اقرا منه بشكل شبه يومي مايقارب ساعتين
علی أمل أن أحصل علی eit وعلی الله التيسير
الشكر موصول للأخ محمد صاحب فكرة هذا الموضوع
والی كل الاعضاء الأفاضل
حفظكم الله وابقاكم
وعاشت العراق حره ابيه.

[mirage2000]

السلام عليكم اخواني و اخواتي
الحمد لله الي وفقني اعبر امتحان ال FE من اول محاولة ,الامتحان سهل جدا و اشكر الأخ محمد و الأخت civil engineer الله يوفقهم و كل الاخوة الي شاركوا بالموضوع, طبعا هنا ب Madison,WI طلبوا اعادل شهادتي ب Ncees حتى ينطوني السرتفكيت, دبروني هسة شسوي, يصير احول نتيجتي مال الامتحان لغير ولاية مثلا كلفورنيا و اقدم عالسرتفكيت هناك اذا اني ما ساكن بكلفورنيا و اذا يصير شنو الاجراءات و سؤال ثاني اذا ما طلعت السرتفكيت هسه خلال شكد تصير نتيجة الامتحان اكسباير.   

[mirage2000]

up

[CivilEng]

اخي الكريم الف مبروك على النجاح الباهر و اتمنى لك النجاح الدائم في مواصلة مشوارك المهني ان شاء الله.
بالحقيقة ما اعتقد بورد كاليفورنيا راح ينطيك سرتفيكت . لكن اقترح ان تخابرهم و تسالهم للتاكد.
اني سمعت احد الاخوة كان في مثل و ضعك و بعده ما محصل سرتفكت لكن قدم على شغل و في مقابلة العمل (  Interview ) شوف صاحب العمل الرسالة مال البورد اللي بلغوه بيها بالنجاح . و شرح  لهم ان مخاطبة الجامعات العراقية بيه صعوبة و يحتاج وقت . المهم قبلوا يعينوه كمهندس بناء على كتاب البورد على ان يجيب السرتفكت لاحقا .
اقترح ان تسوي نفس الشي و اكتب بالابليكاشن انك حاصل على EIT لان انت حاصل عليها بغض النظر عن موضوع السرتفكت. و ايضا ان تبدي بمعادلة الشهادة و ان شاء الله تحصلها باسرع وقت .
تمنياتي بالتوفيق ان شاء الله

[mirage2000]

 شكرا اختي civil engineer الله يبارك بيج هذا من اصلك الطيب دائما ما تتردين بتقديم المساعدة. 

[Baghdad Engineer]

السلام عليكم جميعا

اني من سكنة ولاية هيوستن ارغب باداء امتحان ال FE و ذهبت الى الجامعة و ارسلت اوراقي و المنهج الى ال NCEES , و الان انتظر معادلة الشهادة. و اني خريج هندسة كهربائية جامعة بغداد و حسب نصيحة الاخوان قمت بشراء كتاب التحضير لامتحان ال FE هل استطيع التقديم على  امتحان الOTHER DECEPLINE . ام قط على اختصاصي و هوه الهندسة الكهربائية؟ز مع الشكر للجميع

[mirage2000]

 الأخ مهندس بغداد انت تختار الاختصاص الي تريد تمتحن بيه و اشوف انهOTHER DECEPLINE بعده احسن خيار لانه تقرا عدد محدود من المواد مع فرص اكبر بالنجاح, اني مهندس مدني و امتحنت OTHER DECEPLINE و الحمد لله عبرت, من توزيع الدرجات لاحظت انه البلك مال الدرجة عالميكانيك يعني (ستاتيك و داينميك و ميكانيك المواد) و فعلا اكثر مادة عليها اسئلة هي بعدها يجي الرياضيات و الثرمودايمك و ضيفلها فد مادتين مثلا كهرباء و تخمين او كيميا يكون المواد 7 منها 3 تعتبر ضمن نفس المادة بس اهم شي الميكانيك و الرياضيات و الثرمو.

 

[moml]

مهندسينا ومهندساتنا, اللي يعتقد مشوار النجاح صعب او مستحيل او .... انصح ان يعطيني من وقته ساعتين وربع فقط , شاهدوا هذا الفلم , ماخوذ عن قصة حقيقية the pursuit of happiness.

الرابط على اليوتيوب
https://www.youtube.com/watch?v=yDt7eXbPzDw

تحياتي
محمد الزعيري

[Baghdad Engineer]

السلام عليكم
رمضان مبارك عالجميع ان شاء الله

قمت بالتسجيل على موقع ال (NCEES), ة ارسال الوثائق المطلوبة من العراق و التي تتضمن وثيقة التخرج بالانكليزي و المنهج الدراسي.  و دفع مبلغ 400$.

مع العلم اني خريج هندسة كهربائية
اني الان في هيوستن تكساس و استلمت رسالة من ال(NCEES) كالاتي:

The program completed does not fulfill the required curricular content of the NCEES Engineering Education Standard. The identified deficiencies are: Academic program deficiency in math/basic sciences A course in general chemistry or general biological science was not taken. 4 semester credit hours in general education Specific Deficiencies: The NCEES Engineering Education Standard requirement is 16 semester credits in general education. This report does not include the assessment of written and oral communication skills, computer skills, the quality of laboratory or field work, and the scope of design experience, which require an onsite review. Academic records (such as transcripts and catalogs) do not document qualitative factors and practical constraints to desirable outcome.

ماذا تعني هاي الرسالة هل استطيع التقديم على امتحان ال FE ؟ او احتاج الى كمال دراسة هاي المناهج.

مع الشكر للجميع

[moml]

 Baghdad Engineer ما اعتقد انه راح اتاثر هواي , وفي حاله انه اتعرقلت في تكساس , قدم على الامتحان في كاليفورنيا.

هذا المقيم اللي عادلك الشهادة شوية رايح زايد اكثر من اللازم , بوقتها اني احتاجيت المعادلة فقط في ال PE , وبوقتها كتبوا عندي نقص بالجبر الخطي والكيمه ومواد الجنرال , بس مكان الها تاثير على ال PE  لانه كتبولي اني مستوفي لمواد الاختصاص.

اتوكل بالله وقدم على تكساس , او امتحن بكاليفورنيا.


تحياتي

محمد الزعيري

[المهندس الزورائي]

اخ محمد الزعيري .. اكثر من 47 الف واحد قرأ موضوعك .. فانت شوف شكد حتجيك حسنات .. موضوعك اشبه بصدقة جارية تزداد مع الزمن .. بارك الله فيك وجزاك خيرا عن كل حرف كتبته وعن كل فائدة اصابت من قرأ موضوعك . تقبل مودتي

[Baghdad Engineer]

الله يبارك بيك خويه ابهذا الشهر المبارك

مشكور على جهودك

[mirage2000]

السلام عليكم
حبيت اشكر الأخ محمد الغالي و الله يعلم شكد ادعيلك بالتوفيق والله يجعل بطريقك ناس طيبين مثل وجهك و يحفظك و يحفظلك عائلتك و يكثر من امثالك ما تقصر بتقديم المساعدة و الله حسيت كانه اخوية و اكثر من اتصلت بيك.
اخوك احمد


 

[stormes]

Thanks a lot for the subject and congratulation for passing the exam but do you really need to get the FE? As I know you do not need anything to work as an engineer only the company accept you as an engineer, this is for the civil engineer

[Aram2003]

اسمحولي اخوتي ان اشارككم بمزيد من المعلومات حبيث هذا الموضوع جميل واريد افيدكم
الى كل العراقيين الذين لديهم شهادة هندسة من الجامعات العراقية
لا تياسوا ابدا كل ممن اعرفهم لديه شهادة هندسة يعمل في مجال اختصاصه ووجد العمل بعد سنة واحدة من وجوده بامريكا.
اهم شي ء اهتموا بالسي في مالتكم حاولوا ترتبوها وابحثوا عن منظمات تقوم بترتيبها واعادة كتابتها بشكل ينافس اقرانكم الامريكان في سوق العمل الهندسي او الفني بامريكا
احد هذه الدورات تسمىCAIP وامد الدوره 16 ساعة حيث يقيومن باعدة كتابة الريسم ويدخلونك تطبيقات عملية في مجالات التقديم للعمل
انا مع اخي دخلنا امريكا قبل سنة ونصف-اخي وجد العمل في مجال اختصاصه وهو النفط بعد 9 اشهر فقط وانا والحمدلله بعد سنة وشهرين وكل من اعرفهم من اصدقاءي المهندسين يعملون في مجالات اختصاصهم وباسعار خيالية.
لو كان لديك القدرة على معادلة الشهادة اوامتحان الاف اي فذلك افظل
ادخلوا الالموقع التاليWWW.NACES.COMتجدون قائمة بكل المنظمات التي تقوم بتقييم الشهادة وابداء النصح اللازم
اهم شي اللغة حاولوا تقوية اللغة قدر الامكان واستفادوا من اوقات فراغكم لتطوير اللغة.
يوجد منظمة تجدون موقعه https://www.upwardlyglobal.org/
هذه المنطمة لديها فروع في كثير من الولايات--عمل هذه المنظمة هو مساعدة ذوي الشهادات من خارج اميركا لايجاد اعمال تطابق اختصاصهم-ادخلو الموقع واستفادوا منها قدر الامكان.
هذه مواقع شركات عالمية اعرف الكثير من العراقيين ممن وجدوا العمل فيه
WWW.GRANITE SERVICES INTERNATIONAL.COM
WWW.PRO ENERGY.COM
WWW.ABB.COM
WWW,USNAVY.COM
WWW.NASSUSA.COM
انا مستعد للاجابة على اي سؤال واعذروني قد اتاخر بالاجابة لانشغالي بالعمل انشاءالله
اهم اشيء السي في وعليكم الاعتماد على منظمات وشركات خاصة لكتابتها.
بالتوفيق انشاءالله

[ام محمد العراقية]

اخ Aram2003 موضوعك مهم جدا
ياريت  تعمله موضوع جديد حقا معلومات جديدة وقيمة
الي دا يصير اخ Aram2003 الواحد منه يتصور أمريكا صعبة ويبدي من طرق صعبة في حين يمكن هناك طرق للحياة اسهل مما دا نتصورها
ارجع واطلب من حضرتك تعمله موضوع جديد حتى الكل تستفاد
مشكورررررر

[moml]

احدى المهندسات ارسلتي ايميل, واعتقد الرد ممكن يفيد الجميع , لهذا نشرته للمنفعة العامة:

السلام عليكم
اني مهندسه اختصاص مدني ومااشتغلت سابفا باختصاصي نهائيا واجتازيت امتحان ال fe بس مدا اعرف شلون ممكن الكي شغل ولا حتى فالنتير لان الكل يريد خبره.. اذا ممكن اي نصيحه تفيدني . حاليا قدمت على drafting design بكوميونتي كولج اكو شي ثاني لازم اسويه؟ اكون ممنونه منك على اي نصيحه


الرد

قدمي فولنتير على الكاونتي اوالستي , واذا كدرتي اتثبتين كفائة فراح اتكونين مرشحة قوية للتعين من يكون عدهم شاغر’ اعرف 3 مهندسين اطوعواوبعدها حصلوا وضيفة دائمية بهذه الطريقة, واحد منهم متخرج قبل 15 سنه وما مشتغل بالهندسة المدنية وقاضي خياته كله بالتجارة , بس امتحن افي اي واخذ سرتفكيت من كوميونتي كولج بالاوتوكاد غيرها من برمجيات التصمصم والله وفقه وحصل شغل بالستي.
المهم انه بعد الافي كملي دراسة بالكوميونتي كولج واخذ دورات بالكاد ممكن عن طريقها ان تبدائين كرسامة درافتر وهذا اسهل مدخل للشركات.

تحاتي
  محمد الزعيري.

[zaid2016]

مرحبا اخوان
اني مهندس كيمياوي وعندي خبرة جيدة بمصانع انتاج الكلور والصودا وبمصانع انتاج المنظفات
اخوان اشلون اكدر احصل شغل وباي طريقة لازم اخذ fe لو مو ضرورية علما انة قريت يريدون ضرف مغلق من الجامعة العراقية وما اتردهم واطول سنة
افيدوني اخوان رحمة الله والديكم

[Sonata*]

السلام عليكم

الحمدلله اليوم نجحت ارسلولي نتيجة الامتحان FE Civil
كانت المحاولة الاولى في نهاية الشهر العاشر وفشلت
والامتحان الثاني كان قبل حوالي اسبوع واليوم ارسلولي انه ناجح
، وهسه ان شاء الله راح اقدم للحصول على Certificate.

ملاحظاتي :

انه استافاديت من اخطائي في الامتحان الاول ومن اهمها:-
1- انه الامتحان 5 ساعات و 20 دقيقة ينقسم الى قسمين يتخللهما استراحة 25 دقيقة
حاولوا تعطون وقت اكثر للجزء الثاني كون الاسئلة فيه تطلب وقت اطول للحل والجزء الول عادة تكون الاسئلة بيه اسهل. اني علما اذكر اعطيت اقل من ساعتين و 10 دقائق للجزء الاول.
2- السؤال اللي متعرف الحل مالته اعطيه من البداية اجابة وأعمله Flag حتى اذا صار وقت تراجعه ، ماصار وقت على الاقل منطي Chance ولو قليل تكون الاجابة صحيحة.
3- الامتحان فقط اربع مرات في السنة يحقلكم.


 



تحياتي والموفقية للجميع



 


 

[Baghdad Engineer]

السلام عليكم اخي الكريم

شكرا على هاي المعلومات الرائعة و اني اتصلت يالشركة و كملت الدورات مالتهم .. وبالنعيه قامو بترتيب ال سيرة الذاتية لي ...و منها قمت بالتقديم على عمل ..و لحد الن صارلي عشرة اشهر اقدم و ماكو فائدة مليت حقيقة و اشوف تنه ما بيعا فائدة شغلت التقديم ...مع العلم اني عندي خبرة 12 سنة كمهندس كهرباء و الان ساكن في هيوستن ...و دا احاول امتحن FE ...والله كريم
اسمحولي اخوتي ان اشارككم بمزيد من المعلومات حبيث هذا الموضوع جميل واريد افيدكم
الى كل العراقيين الذين لديهم شهادة هندسة من الجامعات العراقية
لا تياسوا ابدا كل ممن اعرفهم لديه شهادة هندسة يعمل في مجال اختصاصه ووجد العمل بعد سنة واحدة من وجوده بامريكا.
اهم شي ء اهتموا بالسي في مالتكم حاولوا ترتبوها وابحثوا عن منظمات تقوم بترتيبها واعادة كتابتها بشكل ينافس اقرانكم الامريكان في سوق العمل الهندسي او الفني بامريكا
احد هذه الدورات تسمىCAIP وامد الدوره 16 ساعة حيث يقيومن باعدة كتابة الريسم ويدخلونك تطبيقات عملية في مجالات التقديم للعمل
انا مع اخي دخلنا امريكا قبل سنة ونصف-اخي وجد العمل في مجال اختصاصه وهو النفط بعد 9 اشهر فقط وانا والحمدلله بعد سنة وشهرين وكل من اعرفهم من اصدقاءي المهندسين يعملون في مجالات اختصاصهم وباسعار خيالية.
لو كان لديك القدرة على معادلة الشهادة اوامتحان الاف اي فذلك افظل
ادخلوا الالموقع التاليWWW.NACES.COMتجدون قائمة بكل المنظمات التي تقوم بتقييم الشهادة وابداء النصح اللازم
اهم شي اللغة حاولوا تقوية اللغة قدر الامكان واستفادوا من اوقات فراغكم لتطوير اللغة.
يوجد منظمة تجدون موقعه https://www.upwardlyglobal.org/
هذه المنطمة لديها فروع في كثير من الولايات--عمل هذه المنظمة هو مساعدة ذوي الشهادات من خارج اميركا لايجاد اعمال تطابق اختصاصهم-ادخلو الموقع واستفادوا منها قدر الامكان.
هذه مواقع شركات عالمية اعرف الكثير من العراقيين ممن وجدوا العمل فيه
WWW.GRANITE SERVICES INTERNATIONAL.COM
WWW.PRO ENERGY.COM
WWW.ABB.COM
WWW,USNAVY.COM
WWW.NASSUSA.COM
انا مستعد للاجابة على اي سؤال واعذروني قد اتاخر بالاجابة لانشغالي بالعمل انشاءالله
اهم اشيء السي في وعليكم الاعتماد على منظمات وشركات خاصة لكتابتها.
بالتوفيق انشاءالله

[light sun]

السلام عليكم ..كيف الحال ان شاء الله كلشي تمام
اني مهندسه اختصاص ميكانيك واعيش حاليا بولايه ايوا الامريكيه ..اكو احد من الاخوة والاخوات المهندسين اجتاز امتحان FE بهذه الولايه   ..اتمنى المساعده من المهندسين لان ما اريد اضيع تعبي وشهادتي بشغل مو ضمن اختصاصي .بليزززز

[light sun]

Hello

[zaid2016]

مرحبا أخوان
أني مهندس كيمياوي في ولاية كنتاكي اكو احد أمتحن fe بهذة الولاية ؟ بالنسبة للمعادلة شركة sparturn معترف بيها من قبل بورد ولاية كنتاكي يعني اكدر أعادل بهذة الشركة
شكرا

[Ahmed Kailan]

حبي سؤال فدوة ..
انت الامتحان الي امتحنته والمعلومات الي كاتبها هو على الامتحان الورقي مو صح؟ pencil-and_paper exam؟؟
لان هسة الامتحان صاير على الحاسبة computer-based exam؟
وهواية شغلات اختلفت .. فيا ريت لو نعرف
وشكرا مقدما

[Baghdad Engineer]

السلام عليكم جميعا

قمت بالامتحان بالشهر الخامس في هيوستن تكساس..و مع الاسف ارسلوا لي النتيجة غير ناجح... ابصراحة الامتحان مو سهل الجزء الاول سهل 55 سؤال. ولكن الجزء الثاني صعب جدا و يحتاج الى وقت طويل.. ما كنت اتصور الاسئلة راح اتكون ابهاي الصعوبة و مركزة لازم اعيد الامتحان و يحق للشخص الامتحان 3 مرات بالسنة..والله كريم

[zaid2016]

السلام عليكم جميعا

قمت بالامتحان بالشهر الخامس في هيوستن تكساس..و مع الاسف ارسلوا لي النتيجة غير ناجح... ابصراحة الامتحان مو سهل الجزء الاول سهل 55 سؤال. ولكن الجزء الثاني صعب جدا و يحتاج الى وقت طويل.. ما كنت اتصور الاسئلة راح اتكون ابهاي الصعوبة و مركزة لازم اعيد الامتحان و يحق للشخص الامتحان 3 مرات بالسنة..والله كريم

أنشاءللة موفق المرة القادمة
لو تسمحلي أخي عندي سوال هل عادلت شهادتك قبل أجراء الامتحان واذا عادلت أين عادلت في اي شركة
مشكور بارك الله بيك

[Baghdad Engineer]

و عليكم السلام قمت بمعادلة شهادتي ..و افضل مكتب لمعادلة الشهادة اسمه http://www.spantran.com/
و تكدر تمتحن و بعدين اتعادل شهادتك عادي
بالتوفيق

[zaid2016]

و عليكم السلام قمت بمعادلة شهادتي ..و افضل مكتب لمعادلة الشهادة اسمه http://www.spantran.com/
و تكدر تمتحن و بعدين اتعادل شهادتك عادي
بالتوفيق
أشكرك أخي
بس أني حاليا في ولاية كنتاكي هل هذة الشركة معترف بيها من قبل ولاية كنتاكي ام لا وهل استطيع  ان اعادل بيها اون لاين وامتحن بولايتي  عادي لو ما يصير
بارك الله بيك أخي

[tarmano]

انا الحمد لله قدمت ع FE ونجحت بولاية CT ممكن اعرف شو هي الخطوات حتى اقدر احصل ع اللايسنس او السرتفيكيت مال eit .
واين اسهل ولاية من ناحية الشروط من اجل التقديم ع PE مع العلم اني دارس خارج امريكا ومعادل شهادتي عند ncees .... شكرا لمروركم

[zaid2016]

انا الحمد لله قدمت ع FE ونجحت بولاية CT ممكن اعرف شو هي الخطوات حتى اقدر احصل ع اللايسنس او السرتفيكيت مال eit .
واين اسهل ولاية من ناحية الشروط من اجل التقديم ع PE مع العلم اني دارس خارج امريكا ومعادل شهادتي عند ncees .... شكرا لمروركم

السلام عليكم
الف مبروك على النجاح أخي, سوال لو تسمح شنو هي خطوات المعادلة في نبس ولمن حضرتك عادلت هل طلعولك مواد ناقصة درستها لو لا
أشكرك جدا

[tarmano]

ارسلت شهادة الهندسة مع توصيف العلامات الى NCEES  عن طريق dhl  باسم الجامعة ....
طلع عندي نقص كريدت واحد فقط وراسلت البورد عشان اعرف اذا لازم ادرسه او لا

[aabid 1]

السلام عليكم
1-انا اشكر الاخ محمد صاحب الموضوع > من لا يشكر الناس لا يشكر الله <اللهم اجعلها في ميزان حسناته
2-انا امتحنت قبل عشر ايام في ولاية نيويورك ونجحت والحمد لله من اول مرة والامتحان صعوبته متوسطه
3-الامتحان FE OTHER Discipline اختاريته حسب نصيحة الاخ محمد صاحب الموضوع
4-اشتريت الكتب التالية ودرستها اربعة اشهر مع الاطلاع على بعض الفيديوات   
 a-FE REVIEW MANUAL Rapid Preparation
for the Fundemantals of Engineering exam third edition
السعر68 دولار
  Engineering-In-Training License Review   مستعمل سعر 4 دولار من amazon الطبعه التاسعه
 

[zaid2016]

ارسلت شهادة الهندسة مع توصيف العلامات الى NCEES  عن طريق dhl  باسم الجامعة ....
طلع عندي نقص كريدت واحد فقط وراسلت البورد عشان اعرف اذا لازم ادرسه او لا

شكرا اخي

[mirage2000]

السلام عليكم
اخوان اني ساكن بولاية وسكنسن وبعد اجتياز امتحان ال FE كان لازم اعادل شهادتي عد ncees تحديدا حتى احصل عالسرتفكيت من ولايتي فتجنبا للتأخير و العراقيل و احتمالية النقص بالمواد قدمت عالسرتفكيت من ولاية كاليفورنيا راسلتهم و دزولي الفنكرز برنت سيت و رحت للبوليس سوولي الفنكرز برنت و انطونياها بظرف مغلق و مختوم و دزيتها مع الابليكيشن مع صك بقيمة 99$ الي هي جزء للابليكيشن و الباقي للسكيورتي جيك و طولت 5 اشهر و الحمد لله استلمتها حبيت انقل تجربتي للفائدة العامة.
و نصيحتي للمهندسين الي بعدهم ما ممتحنين يختارون FE OTHER Discipline لان اهم شيء للنجاح انو تحدد المادة الي تقراها و تضبطها مثلا اني شفت المواد الي داخلة بالامتحان و الدرجات الي على كل مادة بعدين اخذت المواد الي عيها اعلى الدرجات و الي اعرفها او على الأقل مطلع عليها و حددت المواضيع الي عليها اعلى درجات من هذي المواد و قررت اقرا رياضيات كله ما عدى قوانين الاحتمالية الطويلة الميكانيك تقريبا كله الثرموداينمك المواضيع الي عليها اعلى درجات بيه و الفلويد اغلبه و تقريبا نص مادة الكهرباء مع انو الثرموداينمك و الكهرباء اخذناها ككورس بالكلية و من دخلت الامتحان حسيت الاختيارات الي سويتها للمواد الي قريتها كانت الحمد لله صحيحة وجنت متفاجئ بمستوى الأسئلة سهلة بس بيها فكره بسيطة الي ما يلكفها او يرتبك تروح عليه لان وقت محدد اني قريت المواضيع الي حددتها بكتاب FE Review Manul 2nd edition واشوفه جدا كافي و اعلى من مستوى الامتحان لا تنسونا من دعاءكم اخواني.   

[Baghdad Engineer]

[quote author=Baghdad Engineer
السلام عليكم جميعا

الحمدلله نجحت في امتحان الاFE و هاي المره الثانيه و قمت يارسال اوراقي و المعادلة الى Texas PEو عندي نقص كردت بالمعادلة و ان شاء الله ما احتاج ادرس مواد النقص الي عندي نصيحه الى مهندسي الكهرباء ان يمتحنوا FE Electrical & Computerو هذا الكتاب Study Guide for Fundamentals of Engineering (FE) Electrical and Computer CBT Exam: Practise Over 400 Solved Problems Based on NCEES FE CBT Specification [Book]
link=topic=602118.msg7474900#msg7474900 date=1465767282]
و عليكم السلام قمت بمعادلة شهادتي ..و افضل مكتب لمعادلة الشهادة اسمه http://www.spantran.com/
و تكدر تمتحن و بعدين اتعادل شهادتك عادي
بالتوفيق
[/quote]

[مصطفى السيماتي]

بالتوفيق لكل المهندسين