0 الأعضاء و 1 ضيف يشاهدون هذا الموضوع.
صياح النور أخوي الغالي أبو قمرعاشت إيديك و بارك الله بيكالموضوع رائع و مفيد جداً و هذا رأيي حتى قبل أن أنهي قراءتهليس فقط لأنه مفيد فعلا و رائع فوق الوصفو لكن لأن مواضيعك تذكر أعضاء المنتدى بالهدف السامي للهجرة و تنطيهم دفعة أمل في المستقبل و تريهم جمال مساعدة الآخرين و تخرجهم من العقلية المتخلفة و النقاشات العقيمة و التي لن تؤدي إلا إلى الفشل في أي مكان.الله لا يحرمنا من مشاركاتك و مشاركات الأخوة الحريصين على تقديم المساعدة و النفع لإخوانهم و أخواتهم و الله يقدرنا و نرد جميلك و جميل أمثالك من أخوتنا الرائعين و جميل المنتدى الرائع الذي إستفدنا منه كثيرا إذا ما الله يسر أمورنا و هاجرنا إلى أمريكا.سلامي و تحياتيو الله يوفقك لكل خيرصباح الورد صديقي الطيب ... شكرا يا غالي لكل كلمة كتبتها وانشاء الله دائما متعاونين بما فيه خير للجميع ... تقبل تحياتي أبو قمر
استاذنا العزيز ابو قمر .. تحياتي الجنابك واشكرك على وقتك ومجهودك الي فعلا احنا بحاجه الهاني قريت موضوعك السابق وجنت انتظر الجزء الثاني والحمد لله قريته هسهعندس بعض الاستفسارات واكون ممنون اذا سمح وقتك بالرد عليها بالبداية اني عندي شهادتين الاعدادية فرع الادبي مترجمة وبالدرجات ومصدقة من وزارة الخارجة عدنا ابغدادوعندي شهادة معهد الادارة قسم الادارة القانونية والي هوه عبارة عن دبلوم بالقانون ايضا مترجمة ومصدقة من الخارجيه العراقية ولكن بدون درجات لانه من رحت كلولي منكدر ننطيك شهادة بالدرجات لانه احتركت من صارت حواسم بوقتها وبدل ذلك انطوني شهادة لغرض التقديم على العمل يعني بدون درجات لكن بيها انو اني خريج المعهد وسنة التخرج والقسم والمعدل وهاي مترجمة ومصدقة من الخارجية مثل مذكرت الجنابك الكريمهسه اني شنو الاختيارات الي حضرتك اتشوفها مناسبة الي علما اني جاي انشاء الله عن قريب الى فورت وورث تكساس يعني جرانكم ههههه واني عمري حليا 38 سنه وسنكل ولغتي بالتحدث جيدة لكن بالكتابة موشي للاسف وطبعا اني مهم جدا عندي اي رئي تنطي جنابك الي واكيد راح اخذه بنظر الاعتبار بكل حساباتي بالمناسبة اني افكر باي دراسة سهلة وسريعة وممكن تكون شهادتها بسيطة لكن تفيدني احصل على وظيفة عادية بس احسن من وظائف الغير محترفين الي متفيد ومترفع من سقف المعيشة تحياتي وشكري الجزيل الجنابك الكريم اخوك روودي
صباح الخيرات ,اليوم راح نكمل موضوعنا بالأسبوع الماضي , اذا تذكرون اتكلمنا بالاسبوع الماضي عن المجموعة الاولى من الاجئين الي يحملون شهادة الاعدادية او لا يحملوها واتكلمنا عن الطريقة الافضل للدراسة وايضا اتكلمنا عن امتحان الجي اي دي ,اليوم راح نتكلم عن الوجبة الثانية الي هي خريجي الجامعات والمعاهد يعني حملة شهادات البكلوريوس والدبلوم , بس قبل كل هذا راح احاول ان اوضح الكم بكم سطر اسلوب الدراسة في امريكا بالنسبة للكليات والجامعات لان للاسف اغلب المهاجرين معدهم معلومات على الموضوع ومع هذا يقدمون للدراسة وللاسف اكو منهم ديدرسون لكن فاهين اسلوب الدراسة بشكل خاطىء , طبعا اكيد فرق كبير جدا بين نظام دراستنا ونظام الدراسة في امريكا ,الدراسة في الكليات والجامعات الامريكية تكون على شكل سمستر او كوارترز , يعني السنة الدراسية راح تتكون من عدد 2 سمستر رئيسيات وسمستر صغير هو فترة الصيف , السمستر الاول وهو السبرنك ( الربيع) يبدي من منتصف شهر الواحد الى نهاية الخامس , سمستر الثاني هو سمستر الفااال (الخريف) وهذا يبدي من نهاية الثامن الى نهاية ال 12 طبعا المواعيد راح يكون بيها اختلاف بسيط باختلاف الولاية او الكلية او الجامعة , ايضا اكو سمستر قصير جدا حوالي شهرين يكون بالصيف , اذن هما ميستخدمون اسلوب السنة الدراسية المتبع عدنا , طيب شنو الفرق بين الاسلوبين , المعروف عدنا ان حصولك على شهادة الدبلون يقترن بحصولك على نجاح بسنتين دراسيتين بينما حصولك على البكلوريوس رفالاح يعتمد على حصولك على اربع سنوات دراسية نجاح او قد تكون خمسة بالاختصاصات الهندسية او اكثر بالاختصاصات الطبية اغلبنا يعرف هذا الكلام , في امريكا الموضوع مختلف الموضوع مراح يؤخذ بالوقت الموضوع راح يؤخذ بشيء اسمة سمستر كردت اور يعني راح تقوم بعملية جمع نقاط ومن يكون عندك عدد معين من النقاط تحصل على شهادة معينة شلون يعني ؟؟؟بشكل عام اكو شهادتين للطلاب الي هما تحت الدراسات العليا اندر كراجيوات , اكو شهادة اسمه اسوشييت واكو شهادة البكلوريوس , طبعا شهادة الاسوشييت تؤخذ من الكليات الكولج والي تعادل عدنا شهادة المعهد او الدبلون بس قيمتها في امريكا جدا عاليا مو مثلنا , حتى تحصل على هذه الشهادة لازم تحصل على كردت اور 64 او اكثر حسب الاختصاص وحسب الكلية وحسب الولاية , شنو معنى سمستر كردت اور ؟؟؟؟ كل مادة تدرسها الها عدد ساعات دراسة اسبوعيا اكو مواد الها 6 ساعات اسبوعيا يعني مثلا ساعتين يوم الاثنين ساعتين يوم الاربعاء ساعتين يوم الخميس على مدار السمستر , هذه المادة راح تنطيك 6 كردت بعد متخلصها بنجاح وهكذا كل مادة تاخذها الها كردت معين وانت ووقتك وشطارتك ممكن تخلص الاسوشييت بسنتين وممكن باربعة , الجميل بالموضوع انك انت تختار المواد من ضمن مجموعة مواد خاصة باختصاصك طبعا اكو بعض المواد اجباري تاخذها وايضا انت الي تحدد عدد المواد الي تاخذها بالسميتر ممكن تاخذ مادة او مادتين اذا كنت تشتغل انت حر بالتحديد وفق وقتك وظروفك , اذن اني بعد ما اخذ الجي اي دي واكو حامل شهادة اعدادية ادخل للكلية وادرس في اختصاص معين ومن يكون عندي عدد 64 كردت او اكثر او ممكن اقل شوية في بعض الولايات راح امنح شهادة الاسوشييت , طيب البكلوريوس شلون , نفس الموضوع بالضبط ايضا الشهادة تعطى بعد متاخذ 126 كردت او اكثر وممكن اقل بشوية ببعض الولايات حسب الاختصاص والجامعة والولاية , لكن الدراسة في الجامعة مكلفة ولهذا اغلب الطلاب الي حابين ياخذون البكلوريوس يدرسون المواد المطلوبة منهم بالجامعة والمتوفرة بالكولج يدرسوها بالكولج لان ارخص ,طبعا النقاط الي تجمعها بالكولج راح تحولها وياك للجامعة طبعا حسب المواد المتعلقة باختصاصك , ولهذا بشكل عام البكلوريوس فس امريكا يحتاج سنتين في الكولج وحوالي سنتين او ثلاثة في الجامعة , طبعا تكاليف الدراسة تحسب ايضا بالكردت اور يعني كل عدد معين من الكردت اله سعر معين , هذا عدى الكتب والمواصلات والسكن وباقي الامور , نفس الشيء بالدراسات العليا الماجستير ايضا مقرون ب 37 كردت اور قد تكون بدون مشروع او 31 + 6 مشروع , وايضا نفس الاسلوب والاسعار طبعا تختلف , الدكتوراة ايضا نفس الشيء قد تحتاج 72 كردت اور وهكذا , طبعا الارقام تختلف من جامعة الى اخرى ومن ولاية الى اخرى لكن الاسلوب واحد . نجي لموضوعنا اذا كنت حامل بكلوريوس شنو الافضل الي ؟؟؟؟ ارجع من الاول اجمع 124 كردت لمدة اربع او خمس سنوات حتى احصل بكلوريوس واللبه على مود الدولة تنطيني 4 الاف دولار منحة والاولاية تنطيني فد 1000 دولار بالسمستر منحة والي هية باحسن الاوضاع مراح تكفيك غير لاول 25 كردت اور حتى اخذ بعدها شهادة بكلوريوس الي نفسها الي اني املكها مع الاختلاف الكبير طبعا بين قيمت البلدين الاكاديمية ؟؟؟ الجواب بالنسبة الي هذا الطريق طويل وصعب ومضيعت وقت ومو عملي ابدا ...طيب شنو الانسب والافضل ؟؟؟اذا كنت حامل شهادة عندك 3 خيارات يعتمدون على جوابك للسؤال التالي : هل انت مبدع في اختصاصك ؟؟ او على الاقل هل انت حاب اختصاصك ؟؟؟؟ اذا كان الجواب نعم فعندك خيارين من الثلاثة الاول والافضل ان تقدم مباشرة للماجستير والي تحتاجه لهذا الموضوع ثلاث اشياء فقط وماكو شي اسمه معادلة :شهادتك مع وثيقة الدرجات مصدقة من وزارة الخارجية ويكون معدلك لا بأس بيه يعني اذا 68 بالمية وفوك يمشي اذا كان اقل ايضا ممكن يمشي حسب قناعة البروفسور ال راح تتكلم وياه وهذا الشي مراح تحدده الى بعد متروح للجامعة لكن بشكل عام للماجستير مطلوب ان يكون الجي بي اي مالتك 3 او فوك و بعض الجامعات تطلب اكثر , طبعا الجي بي اي هو النظام المستخدم في امريكا في تقدير الدرجات طبعا بالعراق نستخدم النظام المئوي , الجامعة راح تاخذ منك الشهادة وتحول درجاتك من النظام المئوي الى نظام الجي بي اي , بعض الجامعات معدها القسم الخاص بالتحويل فتطلب منك ان تراسل شركات خاصة للتحويل وترسللهم شهادتك وياها الرسوم وبعدها بفترة يدزولك التحويل , هذه العملية هي تحويل درجات من نظام الى اخر وليست معادلة شهادة للاسف اغلب العراقيين فاهمين الموضوع غلط يكلك اني عادلت شهادتي وماكو شغل هذه ليست معادلة هذه فقط ترجمة اكاديمية .الشي الثاني اجتيازك لامتحان الجي ار اي او الجي مات للاختصاصات الغير علمية , هذا الامتحان اختبار للتاكد من قدرات العلمية واللغوية , الامتحان مقسم الى جزئين جزء رياضيات وهو عبارة عن 40 سؤال مقسمين على جزئين 20 في كل 30 دقيقة , الجزء الاخر هو لغة وهو هذا الجزء الاصعب لان الكلمات المستخدمة بيه لاول مرة تسمع بيها بحياتك مهما كانت لغتك وهو مقسم الى جزئين , كتابة الي هي جزئين ايضا ينطوك موضوع تكتب عنه المدة 30 دقيقة والجزء الثاني من الكتابة ينطوك قطعة صغيرة بيها مقترحات ويطلبون منك رائيك وايضا مدته 30 دقيقة , الجزء الثاني من اللغة هي عبارة عن اسئلة لمرادفات و متعاكسات او قطع تقراها وعليها اسئلة راح تتكون من اربعين سؤال مقسمة الى جزئين 20 في كل نص ساعة ,كل جزء عليه 175 درجة وقسم الكتابة عليه 6 درجات , اغلب الجامعات تطلب درجة 315 وفوك حسب الجامعة والقوانين الخاصة بيها , والموضوع ايضا يعتمد على البروفسور ممكن يسويلك ويف للدرجة حتى لو كانت درجتك قليلة وممكن لا , ممكن تعيد الامتحان بعد شهر من اخذه والك اربع مرات بالسنة تعيده , سابقا كانوا يدزون كل الدرجات مع بعض الان ممكن يدزون الدرجة الي تختارها انت يعني اذا انت مسوي اربع امتحانات ممكن تختار درجة الامتحان الافضل ترسل لجامعتك وطبعا كل الدرجات تبقى بملفك الخاص بالامتحان لمدة خمس سنوات , تكلفة الامتحان 175 ويختلف من ولاية ومن دولة الى اخرى ممكن تاخذ الامتحان من خارج امريكا , الامتحان يكون بمركز امتحاني ولايوجد منه امتحان اون لاين ,الشيء الثالث وهو يختلف من جامعة الى اخرى , ممكن يطلب منك امتحان التوفل لان شهادتك من خارج امريكا , بعض الجامعات متطلب هذا الشيء اذا عندك الكرين كارت لكن البعض يطلب بغض النضر عن الكرين كارت , بعض الجامعات تطلب ريكمونديشن رسالة تزكية من اساتذة من مديرك بالعمل وبعض الجامعات متطلب هذا الشي الى بالدكتوراة ..معناتها اذا معدل تخرجي بالعراق مقبول من قبل الجامعة الي مقدملها واني اجتازيت امتحان الجي ار اي ودرجتي مقبولة من قبل الجامعة معناتها اني طالب دراسات عليه , طبعا ممكن تقدم مباشرة على الدكتوراة وتاخذ الماجستير من خلال فترة دراستك وهذا الشي الي سويته اني بس هذا يعتمد على الجامعة ...من دخلت الدراسة تحتاجلك 37 كردت اور اكثر او اقل تختلف من جامعة الى اخرى ممكن تاخذها بسنتين وممكن باكثر حسب ظروفك وبعدها يكون عندك شهادة ما جستير امريكية ...الخيار الثاني اذا مكدرت ان تلبي شروط الخيار الاول يعني معدلك حيل قليل ومريت على كل الجامعات الي بمدينتك ومحد قبل ان يساعدك , او ظليت تاخذ بالجي ار اي اكثر من مرة ومرهمت وياك ومقبلت الجامعة اتساعدك , هنا ممكن تتجه لخيار المعادلة , تروح للأدفايزر الخاص بقسمك وتشرحله الوضح راح يحول اوراقك الى قسم اخر راح يحتسبون المواد الي ماخذها بالعراق والي موجودة بمنهاج جامعتهم فراح تنشطب ويطلب منك الباقي , يعني اذا البكلوريوس مثل مذكرنا سابقة 125 كردت اور فممكن ينشال منك فد 40 او اكثر وتحتاج ان تكمل الباقي وتاخذ البكلوريوس بكل الاحوال افضل مما تبدي من الصفر ...اما الي جواب على سؤالي الاول بلا ... اي انه غير مبدع باختصاصه او ما يحب اختصاصه , فممكن ان يبدى يدرس الاسوشييت من جديد باختصاص يحبه وممكن يكمل للبكلوريوس ايضا ,اما الي عنده شهادة معهد او دبلون فممكن يستفاد منها ايضا في الكلية او الجامعة من خلال حذف المواد الي درسها بالعراق وطبعا حسب قوانين الكلية او الجامعة فراح تساعده بتقليل الكردت اورس الخاص بالشهادة الي يريد ياخذها , سواء حاب ان ياخذ الاسوشييت او البكلوريوس , البعض يكل اني مكملت جامعة على النص وبطلت , هنا بصراحة صعب الجواب على هذا النوع لكن اذا كدرت ان تاخذ اوراق رسمية من جامعتك مصدقة من الخارجية بالمواد الي ماخذها وبدرجاتها ممكن تساعدك هنا وطبعا الموضوع راح يعتمد على الجامعة او الكلية الي تقدم عليها وكل مرة اذكر هذه الجملة لان اريد اوصل الجميع لنضرية ان ماكو شي ستندر في امريكا كل جامعة الها قوانينها وكل مدينة او ولاية الها قوانينها ...طبعا الموضوع طال وبعد بيه كلام كثير وتفاصيل اكثر , بس انشاء الله نكمل بالموضوع القادم ...تحياتي أبو قمر
المحرر
موضوع: اسلوب الدراسة بين العراق وامريكا .. انسب الحلول الي للدراسة في امريكا .. المجموعة الثانية اصحاب الشه (زيارة 26662 مرات)
