المحرر موضوع: كل ماتريد معرفته عن مقابله المحلفين...اساله المحلفين ...نصائج من تجربتي الخاصة وتجارب الاخوة الاعضاء  (زيارة 57723 مرات)

0 الأعضاء و 1 ضيف يشاهدون هذا الموضوع.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
الاخوة والاخوات اعضاء منتدى عنكاوة ...

السلام عليكم ورحمه الله وبركاتـــــــه،

حبيت اطرح اليوم موضوع  تطرق له الكثير من الاخوة مشكورين في المنتدى ، وحبيت اليوم اطرحه عليكم بشكل اوسع للفائدة العامـــه مستفيده من المعلومات اللي طرحوهه الاخوة سابقا مضافا اليه خبرتي الشخصية في مقابلة المحلفين مع المعلومات اللي وصلتني عن طريق الاهل والاصدقاء ..ان شاء الله تستفادون من المعلومات الموجودة  ويارب مقابله سهلة للجميع وتفرحون باستلام الموافقه.

طبعا الكل عادة يخوف من مقابله المحلفين ..طبعا المحلفين اكو منهم السهل واكو منهم الصعب...بس صدكوني مرح يجيبولكم اسأله بعيدة عن اللي كتبتلكميا اليوم وطبعا كل شخص واله قصته وكل قصه والهه اسألتهه ،بس اذا انتو بديتو تسولفون وتاخذون راحتكم بعرض الحقائق فحتى المحلف اذا ميريد يسالك انت حتفتحله باب يسالك منه ومعلومات زايده معناهه اساله اكثر وبالتالي تزداد احتمالية ارتكاب اخطاء او تناقضات.

يعني مثلا اكو ناس اذا المحلف سالهم مثلا شلون اجيت العمان اكو ناس اتجاوب بالطيارة ، واكو ناس يجاوبون بالطيارة لان بالسيارة اخاف يكتلوني بالطريق ومنهالحجي فاذا هاي العبارة مال ناس يكتلوني بالطريق اذا ماكانت جزء من قصتك فمباشرة السوآل اللي حيسأللكياه المحلف ليش منو تتوقع مهددك ؟ومنو سامع اجه بالطريق وكتلوه؟ ، وحتدخل انت بمتاهات كان اختصرتهه بكلمه وحدة.

اني اعرف ناس اذا سالو شنو اسمك يذكر اسمه بسطرين ويسأل تريد الخماسي والسداسي...عيني سالناك اسمك شنو كول فلان عود من نسألك شنو اسم ابوك او جدك اذكرهم.

المهم انتو كلكم تعرفون انه كل شي قسمة ونصيب واللي الك ميروح الغيرك بس بنفس الوقت الله سبحانه وتعالى كال للعبد اسعى واني اسعى وياك...يعني اني اعرف ناس لايكلفون نفسهم يسالون على اساله المحلف ولا يدورون بالنت ومن تحجي وياهم يكلولك اللي الله كاتبه يصير ومن يروحون للمحلف ويسالهم ابسط سؤال يطلعون يتباجون وهاي شنو وممتوقعين حيسالونه هيجي سؤال!!!!

طبعا بيوم مقابلة المحلفين لازم الواحد يكون هناك بالسبعه ونص الصبح وعادة يطلع بال 5 مساءا الا ماندر او قابل من وكت ، هناك ميعرفون عندك جهال لكن في بعض الاحيان يراعون كبار السن...وما احجيلكم شنو شعور الواحد من ينتظر فد 6 ساعات على المقابلة ، شكو كليجة وصمون ونساتل يخلصون ...اول شي الواحد يكعد متشنج وكل دقيقتين يفتح الجنطة يباوع على البراشيم عبالة نص ساعه ويصيحو ..بس ورة 6 ساعات تكوم تكول وينه المحلف حتى نخلص وكل تشنج حيروح وحتهدؤون.

طبعا الثقة بالنفس وسرعه الاجابة عامل جدا مهم بس اي شي ممتأكد منه او تاريخ نسيته كول ما اذكر زين او ما اعرف احسن مما اتجاوب شي يسويلك تناقض عن اللي ذكرته بالمقابلة الاولية او التوطين.

طبعا اوراقك حاول تجيب الاصليات ...مو تنطيهم الاصليات بس راويلهميا...احنه بالمقابلة اشو كالو لتنطونه شهادات الجامعه ...حاول لاتجاوب بسؤال لان انت شغلتك اتجاوب مو تسال اسأله للمحلفين وحاول تستخدم كلمات يفهمهه المترجم حتى يترجم صح  لان المترجم عربي واللي يعرف انكليزي ينتبه على المترجم من يترجم...طبعا كل كلمه ذكرتهه بالمقابله الاولية او التوطين حيسالوك عليهه ومو بالتسلسل وباكثر من طريقه وهو نفس السوال فانتبه ومرات يكولولك انت كلت هيجي بالمقابلة الاولية وانت لا كايل ولا حاجي بس حتى يشوفون صدقك واكو محلفين بنهاية المقابلة يكلك اني لا مقتنع بقصتك ولا شي  يستفزك يريد ايشوفك اشحتسوي.

دفتر الخدمة جدا مهم وموتجيبو نص اوراقة طايرة لو مواضح...هواية ناس اجاهم تعليق من ورة هالموضوع.

ما اوصيكم سهرو قبل بيوم ولتنامون حتى تروحون دايخين وتكومون لاتربطون باساله المحلف ولا اصلا حيصير عدكم خلك تتحملون كل الاسأله ...اخوان نامو انتو وجهالكم من وكت وطلعو قبل الوقت لان متدرون شنو الظروف وخلو قبل يوم المقابله  يوم راحة مو اتطلعون تسوكون للسفرة قصدي المقابله ولاتنسون تاخذون ادوية للاطفال والكم  ، وكل هوياتكم والجوازات ودفتر الخدمه موتنسوهه...اي شي عدكم سوو قائمه (جيك لست ) قبل باسبوع وحضروهه قبل بوكت...وطبعا لتنسون قبل مطلعون من البيت صلوا صلاه قضاء حاجة وادعوا...ادعيلكم مقدما بمقابله ميسرة وسهله.

طبعا اهم شي تكعد انت وزوجتك تراجعون القصة والتواريخ وخلي واحد يسال الاخر اساله يشوف شلون حيجاوب وبيكم خير واخترعو اساله ربما وحدة من هاي الاساله حتنطرح عليكم...حتى اولادكم علموهم ونبهوهم لان المحلفين في بعض الاحيان يطرحون عليهم اساله بأطار المزح بس همه الهم قصد بيهه.

بالنسبة للحركات وامكانية كشف الكذب ...فلازم تكون مقتنع بكلامك ..لان اذا انت اصلا ممقتنع بالكلام اللي تكولة شلون حتقنع الاخرين !!  احنه منكول كذبوا بس اذا اكو اضافات قليلة منا ومنا احجيهه بثقة مو بتلكوء وتضل تحك بخشمك لو تعدل نظاراتك لو تحك بعينك او شعرك او اذنك ...اوكلسع تبلع ريكك ...طبعا لتشوفوهه صعبة انتو بس استرخوا حفظوا التواريخ والاحداث وهاهية وماكو واحد بالعراق ممتأذي من ورة الضروف الصارت ومامر بظروف صعبة...المحلفين ناس محترمين وظيفتهم يحققون فانت لا تتنرفز ولا شي ...

المحلفين رايحين جايين قريب من القاعه والكاميرات بكل مكان ...اكو ناس تدخل يم المحلف تبكي من ورة ضروفهه الصعبة وبس تنتهي المقابلة ويودوهم للقاعه الصغيرة  تشوفهم مفرفشين وضحك وسوالف.

نجي للاسأله ...طبعا مو كل شخص حيسألو كل هاي الاسأله ...احنه ربع هاي الاساله مسألونياهه...بس هاي مثل ماكلت 80% من الاساله المتوقعه...حتلاحظون انه اكو اساله جاوبت عليهه باكثر من اجابه حتى كل شخص يختار الاجابة القريبه من قصته وطبعا هو اذا عنده اجوبه احسن فخلي يعتمدهه وياريت يذكرهه حتى يستفاد منهه الجميع...المهم انت اختار الاجابة اللي تحس مسيطر عليهه ومقتنع بيهه حتى هم تحفظهه بسرعه وهم من تجاوب كدام المحلف تتكلم بثقة  وضيف عليهه اذا تحب بس كون اضافه مفيدة مو تضرك.

طبعا في بداية المقابلة يكولوك اوكف وارفع ايدك اليمين واقسم تكول الحقيقة ؟ انت طبعا توكف وتكول نعم.

في البداية ...معلومات عامه عنك وعن افراد عائلتك...اسمك وتاريخ ميلادك الكامل ونفس الشيء بالنسبة العائلتك واماكن ولادتهم والتحصيل العلمي . بعدين يطلب المحلف نسخ اصليه او مصوره ، (جنسيه...شهادة جنسيه- مو شرط الاصلية) ، جوازات (الاصليه) ، باجات، شهادات ، عقد الزواج ، عقد الطلاق ، دفتر الخدمه العسكريه, اوراق حضانه الاطفال ، اوراق سماح الاب للاطفال بالسفر الى امريكا ( في حالة الطلاق) ، بيانات الولاده للأطفال، ، كتب تزكيه، كتب التعيين، رسائل تهديد.

الاسأله المكررة

هل انت محكوم بجريمه جنائيه او جريمة ارهاب او جريمة مخلة بالشرف؟
شاركت باخفاء اشخاص الهم علاقة بعمليات اجرامية؟
دافع مبالغ لشبكات ارهابيه؟
ماذي احد كونه يحمل ديانه اخرى مغايرة لديانتك؟
 متبني طفل امريكي سابقا؟
دافع فديه ؟
مقدم على فيزا سابقا لامريكا؟
زرت امريكا؟

العسكريه: (نقلا عن احد الاخوة)

لابس عسكرية؟
ليش لبست عسكرية؟
شوكت لبست عسكرية ؟
وين لبست عسكرية:
شنو اتعلمت بالعسكرية؟
شوكت تسرحت؟
شلون اتسرحت؟
زين ليش مدفعت بدل مال 3 اشهر؟ متقبل الحكومه هاية 3 اشهر هية خدمه العلم في العراق وهية الزامية

العراق:
شوكت طلعت من العراق :
كم مرة رجعت للعراق وشوكت وشنو السبب؟ ...هذا السؤال حيكررو باكثر من صيغه.

السفر الى خارج العراق

الدول اللي سافرتلها والاسباب ...تواريخ السفر والعودة .

اللجوء

هل قدمت على طلب توطين بغير دائرة الهجرة ؟ نعم في ال يو ان ،واللي طالب لجوء بغير دوله خلي يذكر الدوله.
ماهي اسباب الرفض؟
شلون سافرتو لهاي الدوله والتاريخ وشلون رجعتوا  وشكد بقيتوا هناك؟

ملاحظة /...جيبو شكو اوراق رفض اخذتوهه من الدوله اللي رفضت لجوءكم واهم شي تكون مذكوره  بيهه اسباب الرفض وتكون الاوراق مترجمه مو تنطوهه بالالماني لو بالسويدي... ترة اذا متقدمون هاي الاوراق كبل يعلقون ملفكم.


اسئلــــــه اضافية مهمـــه


1-   بالنسبة للشخص اللي صارلة زمان طالع من العراق ومراجع...السؤال هو ..التهديد صارلة اكثر من 5 سنوات مثلا فليش تتوقع الحد هسة انت مهدد؟

ج1/...الارهابيون لايعتمدون على التاريخ والوقت لكنهم ينتظرون اللحظة المناسبة لتنفيذ تهديدهم حتى لو بعد سنوات من تهديدهم وهناك الكثير من الناس قتلوا بعد فترة من تهديدهم ظنا منهم ان التهديد انتهى.

ج2/  بالنسبة للاشخاص العاملين مع الامريكان...التهديد اجاني على اساس انه اني شخص متعاون مع الامريكان وعميل لهم وهاي الحقيقة اصبحت عند هؤلاء الارهابيون وبرأيهم لازم اعاقب على خيانه البلد حتى ولو بعد سنوات ، فاني شخص لصقت به هذه التهمه ولازم اخذ جزاءي بالقتل.

أما بالنسبة للاشخاص اللي راجعين للعراق ..فخلي يذكر اسباب مقنعـــه كحصول حالة وفاة او مرض احد المقربين...الخ
ملاحظة / المحلف حيسالك شنو معنى عميل...الجواب...خائن للبلد (هذا السؤال انسأل الجيرانه).

2-   اذا رجعت شمدريهم الارهابين انه انت رجعت؟
ج/ الامكانيات الاستخباراتية لدى الارهابيين واسعه.

3-    للعاملين مع الامريكان...كيف عرفوا القاعده انك تشتغل مع الامريكان؟
ج/ عادة يراقبون الداخل والخارج الى القواعد العسكريه ويتبعوهم الى منازلهم.

4-   كيف عرفت انه التهديد اجه من القاعده او من الميليشات ؟
ج/ لانهم كانوا نشطين في تلك الفترة.
ملاحظة: اللي يذكر كلمه الارهابين حيساله المحلف مباشرة منو قصدك بالارهابيين؟

5-   عندك نيه ترجع للعراق اذا صار الوضع احسن وليش؟

ج/ ماعندي نية  نهائيا ارجع للعراق لانه توجد خلايا نائمه تنشط بأي وقت ومتى ماتوفرت لها الظروف.

6-   ليش متستقر بكردستان ؟ هناك الوضع مستقر.

ج1/ يحتاج البقاء في كردستان الى اقامه تتم عن طريق كفاله كردي ..ولايحق للاطفال الدراسة بدون اقامه...كردستان جزء من العراق لكن لديهم حكومتهم المستقلة .
ج2/ اكو اخوان يكولون الاكراد عنصريون واللغة هناك مختلفة ...الخ ( اني ما احب هيجي جواب).

7-   ليش متروح الغير محافظة او ليش متغير مكان سكنك؟

ج/ القاعده والمليشيات موجودين بكل المحافظات والتفجيرات والارهاب طال العراق من الشمال الى الجنوب والامكانيات الاستخباراتية لدى الارهابن واسعه.
# سؤال محلف:.شلون عرفت امكانياتهم الاستخباراتية واسعه.؟..جواب...لان حتى الوزير اللي عنده حرس خاص بي يعرفون منين حيفوت وين حيروح ويحطوله عبوة ناسفة بالطريق.

8-   اذا كنت مهدد ليش متروح تشكي عند الشرطة؟

ج/ الاجهزة الامنية تحوي على عناصر تنتمي الى المليشيات والاحزاب وهناك عناصر من الشرطة مشاركة باعمال ابتزاز وتهديد وقتل ضد المواطنين واني اخاف يبيعوني للمليشيات.

9-   هل الحكومة الحالية تحميك؟

ج/ كلا..لان الحكومه غير قادرة على حمياة نفسها، فلا يستطيع اي مسؤول التجول بحرية خوفا من تصفيته من الارهابيين او من احزاب او ميليشيات في داخل الحكومه بالاضافة الى خفق الاجهزه الامنيه بحماية المواطن.

10-   منو احسن قبل 2003 لو بعد 2003؟
قبل 2003 كان هناك نظام دكتاتوري مجرم ادخل الشعب بحروب وكان سالب لحرياتنا.
بعد 2003 توجد ديمقراطية لكن الدوله غير مسيطرة على البلد وهناك مليشيات وطائفية وفساد اداري.

11-   للي مامنتمي الحزب البعث...ليش منتميت الحزب البعث؟
انا لا اؤمن بهذا الحزب وقد طلب مني الانتماء ولكن تحججت بالدراسه وعادة يجبرون طلاب الماجستير والدكتوراه او من يشتغل لدى الحكومة.
- للي منتمي الحزب البعث...ليش انتميت الحزب البعث؟
كانوا يجبروننا على المشاركه ولكني لم اكن احظر الاجتماعات بحجج الانشغال بالدراسه وغيرها.

12-   هل انت سني ام شيعي؟
انا مسلمه اولا...لا يوجد فرق بين شيعي او سني والطائفية هي سبب دمار العراق.
بالنسبه اللي شخصيا بالمقابله الاولى رفضت اجاوب واكتفيت بقولي مسلمه وبالمحلفين بس سالوا عن الديانه.

13-   بالنسبة للعاملين مع القوات المريكية؟ هل انت نادم على العمل مع القوات الامريكيه؟
اكيد لا...والا لماذا انوي الذهاب الى امريكا.

14-   ليش متبقى بالاردن؟
انا عراقي في بلد غريب ليس لدي اي حقوق ولا اقامه وباي لحظة نطرد الى خارج البلد.
بالنسبه للي عدهم اقامه...اني عندي اقامه دراسة او عمل ..الخ وكلها اقامات سنوية ويمكن ان تنسحب منا او تلغى باي وقت.

15-   شنو اللي صار وياك بحيث اتاذيت منه جسميا او عقليا؟ أو هل انضريت بحياتك؟
انتبهوا على هذا السوال...هذا سؤال ابو اللوفه...اكو اخوان يجاوبون والله توفه ابويه او انكسرت رجلي ومنهالحجي ..همه قصدهم على التهديد اللي اجاك او الظرف اللي عانيت منه بحيث خلاك تترك البلد.
ج/ التهديد اتأثرت بي نفسيا واللي مضروب بطلقة او متأذي يكول جسميا وعقليا.

16-   تروح لجوء الغير دولة؟
ج/ نعم اذا كانت دولة امنه والقانون سيد الكل ودوله تضمن حقوقي وحقوق اولادي.

17-   لماذا تذهب الى امريكا؟ او شنو رايك بامريكا؟
ج/امريكا بلد الاستقرار والامان وبلد القانون واحترام الانسان.

18-   شنو اللي خلاك تشعر بان امريكا زينه؟
ج/اللي عنده كفيل يكول الكفيل حجالنه على الامتيازات واحترام الانسان والحرية واللي ماعنده كفيل يكول اصدقائي بامريكا كالو كذا وكذا.

19-   من توصل الامريكا شتسوي؟
ج/ ادور على عمل واتقن اللغة .

20-   اذا رفضتك امريكا شتسوي؟
ج/ احزن واحاول اشوف دوله ثانية للتوطين.

21-   اذا قبلت الاردن تخليك لاجيء عندها تقبل وليش؟
ج/ لا.. لااقبل..لان الدول العربيه ليست امان للاجيء وقوانينهم متغيرة وليس هناك حريه التعبير.

22-   تتزوجين امريكي او تتزوج امريكيه؟ (سؤال انسأل الزوجي)
ج/نعم.

23-    تتوقع الحال اللي وصل اله العراق بسبب جيش المهدي ام القاعده؟
ج/ كلهم.

24-   ليش الارهابيين دائما يستخدمون سيارات البي ام؟
ج/ يمكن لانها سريعه.

25-   عندك علاقة عاطفية حاليا؟سابقا؟
ج/ الجواب بكيف الواحد.

26-   لماذا تتزوج الان او لماذا لم تتزوج لحد الان؟
ج/ اتزوج حينما استقر ويكون لي بلد امن وقانون يحميني...او تزوجت للاستقرار وتكوين عائله.

27-   هل لديك اقامه في الاردن او لا؟
لا ليس لدي اقامه ...
# سؤال محلف:  وكيف باقيين بالاردن من غير اقامه...ج/ غير قانوني.
بالنسبه للي عدهم اقامه يذكرون اقامه دراسة او عمل ..الخ.

28-   هل تحب اولادك؟
ج/ اكيد.

29-   اين تقع المحكمه التي تزوجت فيها او اين تقع المحكمه التي تطلقت فيها؟
ج/ مكان المحكمه يذكر.

30-   هل وقفت امام قاضي؟
ج/ بالنسبة للمتزوجين ...نعم عند الزواج، لغير المتزوجين لا او حسب القصه.

31-   دخلت سابقا محكمه؟
ج/ الجواب حسب القصة.

ملاحظة: اكو ناس سالوهم  وكفت سابقا امام قاضي كال لا ...وراهه سالوهم دخلت محكمه سابقا كال نعم..جان يسالو شلون دخلت محكمه وموكفت كدام قاضي ..الجواب دخلت اسوي معاملة او من هالقبيل.

32-   هل عندك مبلغ بالبنك؟
ج/ كلا

33-   هل لديك سلاح في البيت؟
ج/ كلا.

34-   ماهي الغالبية الدينية في منطقتكم؟
ج/ شيعية او سنيه حسب المنطقه.

35-   هل سابقا اخذت بصمات اصابعك العشر او اصبع واحد؟
ج/ للي عنده اقامه بالاردن واللي طالب لجوء بدوله اوربيه يجاوب نعم بالنسبه لل 10 اصابع...بالنسبه للاصبع الواحد الجواب للجميع نعم
عند عمل شهادة الجنسية عمل وكالة او شهادة حياة...الخ.

بآخر المقابلة ..حيكلك المحلف او المحلفة بانه مو هو بس صاحب القرار بالموافقة لكن يوجد ايظا السوبرفايزر ولجنه مسؤولين عن اصدار القرار ويكلك المحلف انه المترجم هو شغلته فقط ترجمه وما اله دخل بالموضوع ويكلك القرار حتاخذه منا ال 3 اسابيع.
اتمنى يا اخواني واخواتي ان تكونوا استفدتوا من المعلومات اللي طرحتها... ومن الله التوفيق ...

ولتنسوني بدعاءكــــم وممنونـــه



غير متصل *Ray

  • مبدع قسم الهجرة
  • عضو مميز متقدم
  • *
  • مشاركة: 7828
  • الجنس: أنثى
  • J
    • مشاهدة الملف الشخصي

 تسلمين حزيران ع المعلومات ما قصرتي بارك الله بيج

                                                   اختج راي / تركيا

 Switchfoot -- Love Alone Is Worth The Fight
http://www.youtube.com/watch?v=rk9Pj3ID0UE

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي

 تسلمين حزيران ع المعلومات ما قصرتي بارك الله بيج

                                                   اختج راي / تركيا

شكرا اخت راي اني بالخدمـــه ومثل ما اني استفاديت اتوقع من الواجب افيد الاعضاء...تحياتي وتمنياتي بالموفقية.

غير متصل aseersoso

  • عضو فعال جدا
  • ***
  • مشاركة: 430
    • مشاهدة الملف الشخصي
عاشت الايادي اختي حزيران وان شاء الله الموفقية والنجاح

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
عاشت الايادي اختي حزيران وان شاء الله الموفقية والنجاح

الموفقية والنجاح للجميع يارب

غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي



ان يحكمك الوضيع و السافل ... فأنت تعيش في غربة!!!!

غير متصل هدوء الليل

  • عضو
  • *
  • مشاركة: 15
    • مشاهدة الملف الشخصي
شكرا اختي العزيزة حزيران علي المعلومات اريد اسالج اني مقدمة كنت لكندا عن طريق آليو ان واجانا رفض قبل سنة ونص وتم تحويلي لامريكا عن طريق آليو ان هل بالمقابلة اكللهم ارفضنا وتم تحويلنا لو يعتبر كيس جديد للعلم إحنا سوينا مقابلة باليو ان جديدة من تم الموافقة على تحويلنا لامريكا  قبل سنة تقريبا وقبل ثلاثة اشهر قالبنا باي او ام مصر ولك جزيل الشكر قصدي بمقابلة المحلفين يسالونا على الرفض لو لا

غير متصل أبو أياد

  • عضو مميز
  • ****
  • مشاركة: 1174
  • الجنس: ذكر
    • مشاهدة الملف الشخصي
احنا الممنونين ويارب ايسهل امرج يا طيبة

والله يجعلها في ميزان حسناتك اختنا الغالية

غير متصل ehab282003

  • عضو فعال جدا
  • ***
  • مشاركة: 233
    • مشاهدة الملف الشخصي
    • البريد الالكتروني
جزاكي الله الف خير ...

ممنون منج اختي ... تمنياتي لك وللجميع بالموفقية

غير متصل frank martin

  • عضو فعال جدا
  • ***
  • مشاركة: 175
    • مشاهدة الملف الشخصي
    • البريد الالكتروني
ممنون منج اختي العزيزه ( حزيران ) وبارك الله بيج على مجهودج الجميل وربي يسهل امرج ان شاء الله ....

بـــس ممكن كم سؤال ؟

س/ عكس السؤال الاول// بالنسبة للشخص اللي صارلة زمان طالع من العراق ومراجع...السؤال هو ..التهديد صارلة اكثر من 5 سنوات مثلا فليش تتوقع الحد هسة انت مهدد؟ يعني مده قليله ؟

س/ الملاحظه // ملاحظة: اللي يذكر كلمه الارهابين حيساله المحلف مباشرة منو قصدك بالارهابيين؟

س/   ماهي الغالبية الدينية في منطقتكم؟ هل هذا السؤال يعيق ملفي او اجاوب انه اكو طائفه 60 % وطائفه 40 %

مره لخ اكلج ممنون ومشكور منج اختي العزيزه

تحياتي !

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
مجهود رائع ومفيد
بارك الله بيك اخت حزيران

شكرا اخ اسبيرو ...يارب تعم الفائدة ويستفاد الجميع.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا اختي العزيزة حزيران علي المعلومات اريد اسالج اني مقدمة كنت لكندا عن طريق آليو ان واجانا رفض قبل سنة ونص وتم تحويلي لامريكا عن طريق آليو ان هل بالمقابلة اكللهم ارفضنا وتم تحويلنا لو يعتبر كيس جديد للعلم إحنا سوينا مقابلة باليو ان جديدة من تم الموافقة على تحويلنا لامريكا  قبل سنة تقريبا وقبل ثلاثة اشهر قالبنا باي او ام مصر ولك جزيل الشكر قصدي بمقابلة المحلفين يسالونا على الرفض لو لا

اختي هذا الموضوع ميأثر على ملفكم ...واذا سأل المحلف جاوبو عادي...انتو تقديمكم واجراءاتكم قانونية وعن طريق ال يو ان وهمة الهم علم بيهه..فمن شنو خايفة...توكلي على الله وان شاء الله تاخذون موافقه باسرع وقت.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
احنا الممنونين ويارب ايسهل امرج يا طيبة

والله يجعلها في ميزان حسناتك اختنا الغالية

ويسهل امركم يااااااااارب.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
جزاكي الله الف خير ...

ممنون منج اختي ... تمنياتي لك وللجميع بالموفقية

شكرا اخ ايهاب وان شاء الله يوم اللي نشوف جدولك مكتوب بي ليفوك ( وصل الى الولايات المتحدة).

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
ممنون منج اختي العزيزه ( حزيران ) وبارك الله بيج على مجهودج الجميل وربي يسهل امرج ان شاء الله ....

بـــس ممكن كم سؤال ؟

س/ عكس السؤال الاول// بالنسبة للشخص اللي صارلة زمان طالع من العراق ومراجع...السؤال هو ..التهديد صارلة اكثر من 5 سنوات مثلا فليش تتوقع الحد هسة انت مهدد؟ يعني مده قليله ؟

س/ الملاحظه // ملاحظة: اللي يذكر كلمه الارهابين حيساله المحلف مباشرة منو قصدك بالارهابيين؟

س/   ماهي الغالبية الدينية في منطقتكم؟ هل هذا السؤال يعيق ملفي او اجاوب انه اكو طائفه 60 % وطائفه 40 %

مره لخ اكلج ممنون ومشكور منج اختي العزيزه

تحياتي !


الاخ فرانك ممكن توضح شنو القصد من سؤالك الاول حتى اعرف اجاوبك...يعني انت صارلك مده قليلة من سافرت من العراق ( هذا داعي اكبر انه التهديد قريب) لو انت راجع للعراق ؟ ممكن توضحلي؟

بالنسبة السؤال منو قصدك بالارهابيين ...فهذا حسب قصتك...انت اجاك التهديد من ميليشيات لو قاعده لو منو سميهم .

بالنسبة لسؤال الغالبية الدينيه ...فهذا حسب قصتك ايظا...يعني اذا انت تهددت ابمنطقتك كونك شيعي والبقية سنه ( وكلنا اسلام) وذكرت انه منطقتك شيعه ( مثلا حي الصدر) فحيصير خلل بقصتك...اكو مناطق معروفة بالغالبيه الدينيه السائدة مثل الكرادة والعامريه وغيرها واكو مناطق نص نص..فاذا انت من جماعه النص نص كول الشي اليخدم قصتك...ولتحدد النسب بالارقام.

طبعا اذا انت قصتك متهدد بالمنطقه... الخ فاكيد حيسالوك هذا السؤال لكن اذا قصتك تشتغل وية الامريكان او قصة بعيدة عن هذا الموضوع فاحتمال اقل يسالوك.
ذكرتني باوربا من كنا مقدمين لجوء...سالونه هالسؤال كنالهم احنه من الكرادة جان يسالونه كراده خارج لو داخل هههههه ( القصد هم يعرفون توزيع الطوائف الدينيه في العراق ومو غشمه).

شيجي ابالك اسال ونتناقش...وتدلل اخوية.


غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
أخت حزيران ألسلام عليكم ورحمة ألله وبركاته
مجهود أكثر من رائع ويارب يستفادون منه ألأخوة

تمنياتي لكي بألتوفيق وألسفر

الاخت/ الاخ...تمكين ، شكرا على الاماني الحلوة ونفرح بسفركم بمشيئة الله.

غير متصل (ام جنات)

  • عضو فعال جدا
  • ***
  • مشاركة: 182
    • مشاهدة الملف الشخصي
السلام عليكم .شكرا اختي على جهودج والموضوع اكثر من رائع .عندي سؤال احنة مرفوضين من دولة اوربيه وعدنة اوراق سحب الاقامة وقطع المساعدات  وعندي ورقة تثبت هل شي  واحنة اصلن رجعنة عن طريق ال iom وكلنالهم هل حجي بل مقابلة الاولى ومسألونة على اوراق بس كالو ليش رجعتو كلنالهم القانون يكول بلدكم صار امان لازم ترجعون  والا نرجعكم قسريا هسة ننتضر مقابلة محلفين ف على حجايتج اترجم الاوراق لو لا علما احنة مو اصحاب الكيس الرئيسي وشكرا جزيلا.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
السلام عليكم .شكرا اختي على جهودج والموضوع اكثر من رائع .عندي سؤال احنة مرفوضين من دولة اوربيه وعدنة اوراق سحب الاقامة وقطع المساعدات  وعندي ورقة تثبت هل شي  واحنة اصلن رجعنة عن طريق ال iom وكلنالهم هل حجي بل مقابلة الاولى ومسألونة على اوراق بس كالو ليش رجعتو كلنالهم القانون يكول بلدكم صار امان لازم ترجعون  والا نرجعكم قسريا هسة ننتضر مقابلة محلفين ف على حجايتج اترجم الاوراق لو لا علما احنة مو اصحاب الكيس الرئيسي وشكرا جزيلا.

اخوية العمر كله...انتو مادام رجعتو عن طريق ال اي او ام فهذا شي جيد ...بس المحلف يريد يعرف ليش انت انرفضت ...يعني يمكن هناك اكتشفو عندك جنسية ثانية او انت مسوي جريمه لا سامح الله ورفضوك او غيرهه من الاسباب فاحنه ليش ندوس على الجني ونكول بسم الله...اخوية نصيحه من اخت واحنه اجانه تعليق قبل شهر من ورة هالموضوع الورقة اللي بيهه اسباب رفضكم وليس فقط رفضكم (الاسباااااب )...ترجموهه عند مكتب معتمد وهذا عنوان مكتب ممتاز للترجمه قرب دوار الداخلية ولو ما اعرف جنابك ابغداد لو عمان...هاي الورقة حيسالك عليهه المحلف لا محاله بالاضافة الى الاسأله اللي ذكرتهه اني سابقا.

تلفون مكتب الترجمه 0795591678 ...من اترجم الاوراق ارجع اقرة التواريخ والارقام كاتبيهه صح لو لا للتأكيد.

موفقين اخوية ...

غير متصل Nawfal_Alfadly

  • عضو فعال جدا
  • ***
  • مشاركة: 496
  • الجنس: ذكر
    • مشاهدة الملف الشخصي
عاشت ايدك على الشرح والسرد المفصل وفقكم الله وجعل هذا العمل في ميزان حسناتكم وان شاء الله كل الاعضاء راح تستفاد من هيج مواضيع
لآ يُؤخِر الله أمراً إلآ لِ خَير ،
ولآ يَحرمُكَ أمراً إلآ لِ خَير ،
وَلآ يَنزل الله عَليكَ بلآء إلا لِ خَير? ،
فَلآ تَحزن لآن رَبك لآ يَكتب لَك شيءِ الِآ فيهِ لَك كُل الخَير
فَ رَب الخَير لآ يأتِي إلآ بِ الخَير ?:) !

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
عاشت ايدك على الشرح والسرد المفصل وفقكم الله وجعل هذا العمل في ميزان حسناتكم وان شاء الله كل الاعضاء راح تستفاد من هيج مواضيع

شكرا اخ نوفل ويوفقك الله .

غير متصل المصارع

  • عضو فعال جدا
  • ***
  • مشاركة: 738
  • الجنس: ذكر
    • MSN مسنجر - stievali@hotmail.com
    • ياهو مسنجر - stievali@yahoo.com
    • مشاهدة الملف الشخصي
بارك الله بجهودكم

انار الله طريقكم


دمتم سالمين

غير متصل جاوين اهلنا

  • مبدع قسم الهجرة
  • عضو فعال جدا
  • *
  • مشاركة: 227
  • مالي صحت يمه احاه جاوين اهلنا
    • مشاهدة الملف الشخصي
    • البريد الالكتروني
اخت حزيران تعرفين اشكد كنت ابحث عن هيج موضوع مفيد جدا
ما اعرف شكول الحضرتج غير بس الله يوفقج دنيا واخرة يارب والله يسهل عليج طريقج مثل مسهلتي طريق الناس وفهمتينا بهيج موضوع من زمان ابحث عليه
الله يبارك بيج

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
بارك الله بجهودكم

انار الله طريقكم


دمتم سالمين

شكرا اخي ...ان شاء الله الموفقية والسلامه للجميع.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
اخت حزيران تعرفين اشكد كنت ابحث عن هيج موضوع مفيد جدا
ما اعرف شكول الحضرتج غير بس الله يوفقج دنيا واخرة يارب والله يسهل عليج طريقج مثل مسهلتي طريق الناس وفهمتينا بهيج موضوع من زمان ابحث عليه
الله يبارك بيج

اخوية العزيز...اني اللي ما اعرف شلون اشكرك على دعاءك اللي والله اثلج قلبي...يارب يسهلك كل طريق وتنفتحلك ابواب الرزق والعافية والهجرة.

اخوية جيك الروابط اللي حكتبلكياهم جوة ...يدورون حول نفس الموضوع :
http://www.ankawa.com/forum/index.php/topic,496204.0.html
http://www.ankawa.com/forum/index.php?topic=272792.5;wap2

غير متصل Türk.life

  • عضو فعال
  • **
  • مشاركة: 38
    • ياهو مسنجر - Who+Cares
    • مشاهدة الملف الشخصي
ومرات يكولولك انت كلت هيجي بالمقابلة الاولية وانت لا كايل ولا حاجي بس حتى يشوفون صدقك واكو محلفين بنهاية المقابلة يكلك اني لا مقتنع بقصتك ولا شي  يستفزك يريد ايشوفك اشحتسوي.

العفو اختي.. هنا المفروض شنو بكون تصرف او رد فعل الشخص!
(Türk Life)

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
ومرات يكولولك انت كلت هيجي بالمقابلة الاولية وانت لا كايل ولا حاجي بس حتى يشوفون صدقك واكو محلفين بنهاية المقابلة يكلك اني لا مقتنع بقصتك ولا شي  يستفزك يريد ايشوفك اشحتسوي.

العفو اختي.. هنا المفروض شنو بكون تصرف او رد فعل الشخص!

أخوية...اذا انت متأكد من تطابق كلامك بالمقابلة الاولى مع المحلفين وقصتك محبكة ومابيهه ثغرات يعني مو حدث يناقض حدث ثاني فماكو داعي للارتباك ابدا ...راسا اتجاوب ( ممكن اعرف وين مكان الالتباس حتى اوضحه) ...مرات همة اصلا ممفتهمين اللي تكوله فنتيجه عدم الفهم والالتباس اللي عدهم يكولولك هيجي ...فانت بكل برود وثقة اسال والمحلفة راسا حيكلك انت كلت كذا بعدين كلت كذا ...الخ فراسا انت وضح الالتباس وعاشو عيشه سعيده.

اهم شي القصة مو فلم هندي ...كثر الاحداث يخليك توكع بمطبات والمحلف حيضل يسالك وهو حيدوخ وانت حدوخ وهاي مو بصالحك.

التواريخ الهواية والاحداث الهواية مو دائما تخدمك...خير الكلام ماقل ودل.

بالموفقية.


غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
عاشت ايدج اخت حزيران .. وبارك الله بيج


هلو بالوردة مغامر...بلغ جمعيتك واحد واحد  :o اذا اسمع واحد اجاه تعليق >:( او رفض  >:( احط مفخخه اباب بيتنه  >:( .

 :D :D :D

ان شاء الله تفرحونه بسفركم يارب.

غير متصل dynamic

  • عضو فعال جدا
  • ***
  • مشاركة: 854
    • مشاهدة الملف الشخصي
    • البريد الالكتروني
شكرا اخت حزيران على هذا الموضوع الله ييسر اموركم .



Warm Regards to all


غير متصل dynamic

  • عضو فعال جدا
  • ***
  • مشاركة: 854
    • مشاهدة الملف الشخصي
    • البريد الالكتروني
عاشت ايدج اخت حزيران .. وبارك الله بيج


هلو بالوردة مغامر...بلغ جمعيتك واحد واحد  :o اذا اسمع واحد اجاه تعليق >:( او رفض  >:( احط مفخخه اباب بيتنه  >:( .

 :D :D :D

ان شاء الله تفرحونه بسفركم يارب.

هههههههههههههه لا ورة هذا الموضوع بعد ماعدهم عذر .. لازم كلة موافقة .. وانشالله يارب كلنا موافقة .. بس اول شي خل يجون المحلفين همة وينهم ههههههه

ويوم الي تخلصين من التعليق وتفرحينا بسفرج يارب  :) :) :) :)

تحيـــــــــــــاتي


+100000000000



Warm Regards to all

غير متصل جاوين اهلنا

  • مبدع قسم الهجرة
  • عضو فعال جدا
  • *
  • مشاركة: 227
  • مالي صحت يمه احاه جاوين اهلنا
    • مشاهدة الملف الشخصي
    • البريد الالكتروني
اخت حزيران اني شاكر مجهودج مرة ثانية والله يجزاج الخير ويبارك بيج ويبارك بكل انسان يساعد الاخرين
ونعم منج اختنا الطيبة

غير متصل Sound of Soul

  • الاداري الذهبي
  • عضو مميز متقدم
  • *******
  • مشاركة: 13023
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php/board,53.0.html


بوركتي اختنا الكريمة على هذا المجهود
كل الاحترام
ساوند .

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا اخت حزيران على هذا الموضوع الله ييسر اموركم .

شكرا اخوية داينمك ...رحم الله والديك.

غير متصل iraqlove70

  • عضو فعال جدا
  • ***
  • مشاركة: 148
  • الجنس: ذكر
    • مشاهدة الملف الشخصي
شكراااااااااااااااا  جزيلااااا اختـــــــــــــــــــــــــــــي حـــــــــــــــــــــــــزيــــــــــــــــــــــــــــــــــــــــــــــــران
على هذا الموضوع الرائع ....
 :) :) :) :) :)

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
اخت حزيران اني شاكر مجهودج مرة ثانية والله يجزاج الخير ويبارك بيج ويبارك بكل انسان يساعد الاخرين
ونعم منج اختنا الطيبة

على راسي اخوية وبخدمه اهلي وناسي...يعني احنه اجانه تعليق ولو تدري شنو السبب ... ورقة رفض لجوءنا من احدى الدول الاوربيه نطيناهه ممترجمه...يعني لو بس احد ذاكر هالموضوع كان احنه هسة يمكن على جدول السفر...هذا الشي خلاني اسوي هالموضوع واذكر كلشي اللي اعرفه واللي ما اعرفه لان ما اريد احد يمر باللي مرينه بي ..وماكو شي اخوية يضيع يم ربنه...ربما وحدة من دعواتكم الحلوة توصل وتفرج علينه.

كل التقدير الك اخي.


غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي


بوركتي اختنا الكريمة على هذا المجهود
كل الاحترام
ساوند .

اني اللي اشكر جهودكم الطيبه ومساعيكم...بالتوفيق.

غير متصل iron man

  • عضو فعال جدا
  • ***
  • مشاركة: 406
  • الجنس: ذكر
    • مشاهدة الملف الشخصي

غير متصل مايكل اندريه85

  • مبدع قسم الهجرة
  • عضو مميز جدا
  • *
  • مشاركة: 3500
  • الجنس: ذكر
    • مشاهدة الملف الشخصي
بارك الله بحياتج اختي حزيران وعاشت ايدج على هالموضوع المفيد جدا مجهود رائع ....

اخووكي مايكل

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكراااااااااااااااا  جزيلااااا اختـــــــــــــــــــــــــــــي حـــــــــــــــــــــــــزيــــــــــــــــــــــــــــــــــــــــــــــــران
على هذا الموضوع الرائع ....
 :) :) :) :) :)


عفوا جزيلا اخوية وبخدمتكم.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
بارك الله بحياتج اختي حزيران وعاشت ايدج على هالموضوع المفيد جدا مجهود رائع ....

اخووكي مايكل

الله يطول بعمرك اخ مايكل ..هذا لطف منك.

غير متصل tbhsh

  • عضو
  • *
  • مشاركة: 9
    • مشاهدة الملف الشخصي
جهد مبارك ومشكوره عليه الاخت حزيران، حبيت انبه الاخوان لشغلة المترجم لان ممكن تقلب الامور راسا على عقب من اللي صار وياي، اني كان عندي تاجيل من الخدمه "لجنه طبيه"، المحلف سال وين كاتبين التاجيل، فتحت الصفحه وانطيت الدفتر للمترجم وكان عراقي، اللي صار انو مكدر يقراها فكال مكتوب تغيير عمر، عاد اني رديت وكلت ماكو هيج شئ هذي صفحة التاجيل، المحلف تفهم الوضع وجان حباب وماعلق على الموضوع وعبر للسؤال التالي، وبالمناسبه المقابله وي المحلف مطولت اكثر من 10 دقائق.

تحياتي وتمنياتي للجميع بالموفقيه
اخوكم ابو علي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
جهد مبارك ومشكوره عليه الاخت حزيران، حبيت انبه الاخوان لشغلة المترجم لان ممكن تقلب الامور راسا على عقب من اللي صار وياي، اني كان عندي تاجيل من الخدمه "لجنه طبيه"، المحلف سال وين كاتبين التاجيل، فتحت الصفحه وانطيت الدفتر للمترجم وكان عراقي، اللي صار انو مكدر يقراها فكال مكتوب تغيير عمر، عاد اني رديت وكلت ماكو هيج شئ هذي صفحة التاجيل، المحلف تفهم الوضع وجان حباب وماعلق على الموضوع وعبر للسؤال التالي، وبالمناسبه المقابله وي المحلف مطولت اكثر من 10 دقائق.

تحياتي وتمنياتي للجميع بالموفقيه
اخوكم ابو علي

شكرا اخي على هاية النصيحه ويارب يستفاد منهه الاخوان...هنا الاخ المترجم محب يستفهم منك وترجم بكيفه ...احنه المترجم شافنه نباوع علية شلون ديترجم خاف يترجم خطأ كلب وجهه الاخ...

أخوان هذا موضوع مصيري والمجاملات متفيد احد...من حقك اتغير المترجم اذا شفته ميترجم صح ...بالموفقيـــه.

غير متصل single man

  • مبدع قسم الهجرة
  • عضو مميز جدا
  • *
  • مشاركة: 3043
  • اللهم صل على محمد و ال محمد
    • مشاهدة الملف الشخصي
شكرا اختي العزيزة على الموضوع
بارك الله بيج

غير متصل mukhtar ali

  • عضو فعال جدا
  • ***
  • مشاركة: 205
    • مشاهدة الملف الشخصي
اختي العزيزه حزيران الله يبارك بيج على هالموضوع المهم . اختي احنه اجانه ايميل يفيد بتاجيل قرار المحلف . شنو يعني هذا وهل تطول الفتره وهل ممكن يصير رفض لا سامح الله.. مع الشكر والتقدير

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
اختي العزيزه حزيران الله يبارك بيج على هالموضوع المهم . اختي احنه اجانه ايميل يفيد بتاجيل قرار المحلف . شنو يعني هذا وهل تطول الفتره وهل ممكن يصير رفض لا سامح الله.. مع الشكر والتقدير

اخي انتو اجتكم موافقة مشروطه بامنيه لو تحت الدراسة ( تعليق) ؟؟؟، اذا انتوا اجتكم موافقة مشروطة بالامنية فهاي لازم تنتظر الامنيه تخلص ..اكو ناس اجتهم الموافقه بشهر واكو ناس سنه ونص ومجايتهم..لكن هسة الامنية وعلى نظام التسريع الجديد المفروض متطول اكثر من سنه...طبعا ممكن يصير رفض ياستار وهاي بحالات نادرة للاشخاص اللي اجاهم رفض بالامنية كانه يكون مسوين مشكله بدوله معينة او ماشابه.

اما اذا انتوا اجاكم تعليق معناهه انتو لا قابليكم ولا رافضيكم لسبب معين فلازم تعرفون شنو سبب التعليق حتى ينشال...والاغلبية يكون سبب التعليق هو طلب المحلف المزيد من التجيكات الامنية معناهه بس تكمل امنيتهم وتكون (موافقه) فرأسا يوافق المحلف وتمشي امورهم ..وطبعا هاي نفس الشي ما الهه وقت محدد...بس المتابعه مع الهجرة مفيدة بكلتا الحالتين.

طبعا حاليا اللي يسوي فحص طبي معناهه نص امنيته مكتمله ومتحرك ملفه.

اما اذا انتو متعرفون اجتكم موافقة او تعليق فاذا تحب ادزلي صيغه الايميل اللي وصلكم حتى اقراه واجاوبكم.

بالموفقية.




غير متصل mukhtar ali

  • عضو فعال جدا
  • ***
  • مشاركة: 205
    • مشاهدة الملف الشخصي
السلام عليكم
مشكورة اختي على الرد, اني اجتي رسالة تأجيل على الايميل و وياها ملفين مرفقة واحد بي توقيع و واحد دليل عن الحياة بأمريكا. ومن فتت على الموقع داشوف حالة الملف لكيته متحول من (( فعال )) الى (( معلقة )) فماعرف شنو الديصير ارجو التوضيح واكون ممنونج...
هاي الرسالة

...............................................................................................
Deferral Letter

The International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter. 
Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.
Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.
You will find a scanned copy of your decision deferral letter attached to this email.
It is very important that your reply to this email (do not send a new, separate email) to confirm that you have received this email and the attached letter.
When you reply please write the following:
 “I confirm that I have received this email and the attached decision letter for my refugee case with the United States Refugee Admissions Program.”
Kindly include your full name in your reply.
  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date.
 
Best Regards,

غير متصل dynamic

  • عضو فعال جدا
  • ***
  • مشاركة: 854
    • مشاهدة الملف الشخصي
    • البريد الالكتروني
اختي العزيزه حزيران الله يبارك بيج على هالموضوع المهم . اختي احنه اجانه ايميل يفيد بتاجيل قرار المحلف . شنو يعني هذا وهل تطول الفتره وهل ممكن يصير رفض لا سامح الله.. مع الشكر والتقدير

اخي انتو اجتكم موافقة مشروطه بامنيه لو تحت الدراسة ( تعليق) ؟؟؟، اذا انتوا اجتكم موافقة مشروطة بالامنية فهاي لازم تنتظر الامنيه تخلص ..اكو ناس اجتهم الموافقه بشهر واكو ناس سنه ونص ومجايتهم..لكن هسة الامنية وعلى نظام التسريع الجديد المفروض متطول اكثر من سنه...طبعا ممكن يصير رفض ياستار وهاي بحالات نادرة للاشخاص اللي اجاهم رفض بالامنية كانه يكون مسوين مشكله بدوله معينة او ماشابه.

اما اذا انتوا اجاكم تعليق معناهه انتو لا قابليكم ولا رافضيكم لسبب معين فلازم تعرفون شنو سبب التعليق حتى ينشال...والاغلبية يكون سبب التعليق هو طلب المحلف المزيد من التجيكات الامنية معناهه بس تكمل امنيتهم وتكون (موافقه) فرأسا يوافق المحلف وتمشي امورهم ..وطبعا هاي نفس الشي ما الهه وقت محدد...بس المتابعه مع الهجرة مفيدة بكلتا الحالتين.

طبعا حاليا اللي يسوي فحص طبي معناهه نص امنيته مكتمله ومتحرك ملفه.

اما اذا انتو متعرفون اجتكم موافقة او تعليق فاذا تحب ادزلي صيغه الايميل اللي وصلكم حتى اقراه واجاوبكم.

بالموفقية.






اخت حزيران يعني شيقصد المحلف  من يعلق الملف   للمزيد من التجيكات الامنية .يعني هاي غير الامنية الي نعرفها.

سؤال اخر اذا المحلف سال كم عندك مبلغ بالبنك.
تحياتي 



Warm Regards to all

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
السلام عليكم
مشكورة اختي على الرد, اني اجتي رسالة تأجيل على الايميل و وياها ملفين مرفقة واحد بي توقيع و واحد دليل عن الحياة بأمريكا. ومن فتت على الموقع داشوف حالة الملف لكيته متحول من (( فعال )) الى (( معلقة )) فماعرف شنو الديصير ارجو التوضيح واكون ممنونج...
هاي الرسالة

...............................................................................................
Deferral Letter

The International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter. 
Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.
Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.
You will find a scanned copy of your decision deferral letter attached to this email.
It is very important that your reply to this email (do not send a new, separate email) to confirm that you have received this email and the attached letter.
When you reply please write the following:
 “I confirm that I have received this email and the attached decision letter for my refugee case with the United States Refugee Admissions Program.”
Kindly include your full name in your reply.
  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date.
 
Best Regards,

مبروك اخي...هاي موافقه محلف مشروطة باكتمال الامنية.

اخي ضروري جدا تسوي reply على الايميل مالتهم وتكتب عبارة

 “I confirm that I have received this email and the attached decision letter for my refugee case with the United States Refugee Admissions Program.”   

حتى يعرفون انه انت استلمت قرار المحلف ولتنسى تذكر اسمك الكامل عند الرد...الموقع عند الكثيرين يصير هولد بعد استلام النتيجه لان انت بانتظار الامنية.

ادعيلك بالسفر العاجل ان شاء الله.


غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
اختي العزيزه حزيران الله يبارك بيج على هالموضوع المهم . اختي احنه اجانه ايميل يفيد بتاجيل قرار المحلف . شنو يعني هذا وهل تطول الفتره وهل ممكن يصير رفض لا سامح الله.. مع الشكر والتقدير

اخي انتو اجتكم موافقة مشروطه بامنيه لو تحت الدراسة ( تعليق) ؟؟؟، اذا انتوا اجتكم موافقة مشروطة بالامنية فهاي لازم تنتظر الامنيه تخلص ..اكو ناس اجتهم الموافقه بشهر واكو ناس سنه ونص ومجايتهم..لكن هسة الامنية وعلى نظام التسريع الجديد المفروض متطول اكثر من سنه...طبعا ممكن يصير رفض ياستار وهاي بحالات نادرة للاشخاص اللي اجاهم رفض بالامنية كانه يكون مسوين مشكله بدوله معينة او ماشابه.

اما اذا انتوا اجاكم تعليق معناهه انتو لا قابليكم ولا رافضيكم لسبب معين فلازم تعرفون شنو سبب التعليق حتى ينشال...والاغلبية يكون سبب التعليق هو طلب المحلف المزيد من التجيكات الامنية معناهه بس تكمل امنيتهم وتكون (موافقه) فرأسا يوافق المحلف وتمشي امورهم ..وطبعا هاي نفس الشي ما الهه وقت محدد...بس المتابعه مع الهجرة مفيدة بكلتا الحالتين.

طبعا حاليا اللي يسوي فحص طبي معناهه نص امنيته مكتمله ومتحرك ملفه.

اما اذا انتو متعرفون اجتكم موافقة او تعليق فاذا تحب ادزلي صيغه الايميل اللي وصلكم حتى اقراه واجاوبكم.

بالموفقية.






اخت حزيران يعني شيقصد المحلف  من يعلق الملف   للمزيد من التجيكات الامنية .يعني هاي غير الامنية الي نعرفها.

سؤال اخر اذا المحلف سال كم عندك مبلغ بالبنك.
تحياتي 

الاخ داينمك ...اذا انت قصدك بالنسبة للملفات اللي هي تحت الدراسة ( المعلقه) فهي نفس الامنية اللي نعرفهة بس زياده عليهه شوية خصوصا للاشخاص المسافرين هواية او طالبين اللجوء بغير دول.

يمعود لدور وره التعليق ان شاء الله تقابل هالمرة وتاخذ كبل الموافقة.

بالنسبة لسؤال المحلف ..فهو ميعرف انت عندك او ماعندك حساب بالبنك حتى يسالك شكد عندك ...هو مرات يسأل عندك مبلغ بالبنك او لا يعني مو كميته والجواب كاتبتة اني بالاجوبة.

تحياتي ويارب تستلم الموافقتين سوية.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا اختي العزيزة على الموضوع
بارك الله بيج

شكرا اخي ...وبارك الله بيك .

غير متصل dynamic

  • عضو فعال جدا
  • ***
  • مشاركة: 854
    • مشاهدة الملف الشخصي
    • البريد الالكتروني
اختي العزيزه حزيران الله يبارك بيج على هالموضوع المهم . اختي احنه اجانه ايميل يفيد بتاجيل قرار المحلف . شنو يعني هذا وهل تطول الفتره وهل ممكن يصير رفض لا سامح الله.. مع الشكر والتقدير

اخي انتو اجتكم موافقة مشروطه بامنيه لو تحت الدراسة ( تعليق) ؟؟؟، اذا انتوا اجتكم موافقة مشروطة بالامنية فهاي لازم تنتظر الامنيه تخلص ..اكو ناس اجتهم الموافقه بشهر واكو ناس سنه ونص ومجايتهم..لكن هسة الامنية وعلى نظام التسريع الجديد المفروض متطول اكثر من سنه...طبعا ممكن يصير رفض ياستار وهاي بحالات نادرة للاشخاص اللي اجاهم رفض بالامنية كانه يكون مسوين مشكله بدوله معينة او ماشابه.

اما اذا انتوا اجاكم تعليق معناهه انتو لا قابليكم ولا رافضيكم لسبب معين فلازم تعرفون شنو سبب التعليق حتى ينشال...والاغلبية يكون سبب التعليق هو طلب المحلف المزيد من التجيكات الامنية معناهه بس تكمل امنيتهم وتكون (موافقه) فرأسا يوافق المحلف وتمشي امورهم ..وطبعا هاي نفس الشي ما الهه وقت محدد...بس المتابعه مع الهجرة مفيدة بكلتا الحالتين.

طبعا حاليا اللي يسوي فحص طبي معناهه نص امنيته مكتمله ومتحرك ملفه.

اما اذا انتو متعرفون اجتكم موافقة او تعليق فاذا تحب ادزلي صيغه الايميل اللي وصلكم حتى اقراه واجاوبكم.

بالموفقية.






اخت حزيران يعني شيقصد المحلف  من يعلق الملف   للمزيد من التجيكات الامنية .يعني هاي غير الامنية الي نعرفها.

سؤال اخر اذا المحلف سال كم عندك مبلغ بالبنك.
تحياتي 

الاخ داينمك ...اذا انت قصدك بالنسبة للملفات اللي هي تحت الدراسة ( المعلقه) فهي نفس الامنية اللي نعرفهة بس زياده عليهه شوية خصوصا للاشخاص المسافرين هواية او طالبين اللجوء بغير دول.

يمعود لدور وره التعليق ان شاء الله تقابل هالمرة وتاخذ كبل الموافقة.

بالنسبة لسؤال المحلف ..فهو ميعرف انت عندك او ماعندك حساب بالبنك حتى يسالك شكد عندك ...هو مرات يسأل عندك مبلغ بالبنك او لا يعني مو كميته والجواب كاتبتة اني بالاجوبة.

تحياتي ويارب تستلم الموافقتين سوية.
إشكرا اخت حزيران ... والله الي كاتبه الله نشوفه الله كريم ... المحلفين مينعرفون شلون يوافقون او يعلقون او يرفضون ان شاء الله خير .

تحياتي



Warm Regards to all

غير متصل rozhito

  • عضو فعال
  • **
  • مشاركة: 43
  • الجنس: ذكر
    • مشاهدة الملف الشخصي
شكرا اختي حزيران على الموضوع الرائع
بس عندي استفسار اذا ممكن تساعديني بي
اني اصلي كوردي وجنسيتي كورديه وكاتبلهم اعرف لغه كورديه اذا كلولي ليش مترجع هناك تعيش شكوللهم علما اني جامعتي ابغداد يعني اكدر اتحجج بيها ؟
وشكرا

غير متصل tbhsh

  • عضو
  • *
  • مشاركة: 9
    • مشاهدة الملف الشخصي
جهد مبارك ومشكوره عليه الاخت حزيران، حبيت انبه الاخوان لشغلة المترجم لان ممكن تقلب الامور راسا على عقب من اللي صار وياي، اني كان عندي تاجيل من الخدمه "لجنه طبيه"، المحلف سال وين كاتبين التاجيل، فتحت الصفحه وانطيت الدفتر للمترجم وكان عراقي، اللي صار انو مكدر يقراها فكال مكتوب تغيير عمر، عاد اني رديت وكلت ماكو هيج شئ هذي صفحة التاجيل، المحلف تفهم الوضع وجان حباب وماعلق على الموضوع وعبر للسؤال التالي، وبالمناسبه المقابله وي المحلف مطولت اكثر من 10 دقائق.

تحياتي وتمنياتي للجميع بالموفقيه
اخوكم ابو علي

شكرا اخي على هاية النصيحه ويارب يستفاد منهه الاخوان...هنا الاخ المترجم محب يستفهم منك وترجم بكيفه ...احنه المترجم شافنه نباوع علية شلون ديترجم خاف يترجم خطأ كلب وجهه الاخ...

أخوان هذا موضوع مصيري والمجاملات متفيد احد...من حقك اتغير المترجم اذا شفته ميترجم صح ...بالموفقيـــه.

ممنون اخت حزيران، الموفقيه للجميع ان شاء الله!!

غير متصل mukhtar ali

  • عضو فعال جدا
  • ***
  • مشاركة: 205
    • مشاهدة الملف الشخصي
الله يبارك بيج ويوفقج وييسر امرج اني فعلا مباشرة دزيتلهم ريبلاي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا اختي حزيران على الموضوع الرائع
بس عندي استفسار اذا ممكن تساعديني بي
اني اصلي كوردي وجنسيتي كورديه وكاتبلهم اعرف لغه كورديه اذا كلولي ليش مترجع هناك تعيش شكوللهم علما اني جامعتي ابغداد يعني اكدر اتحجج بيها ؟
وشكرا

اخوية جاوبتك على الخااااااص .

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
الله يبارك بيج ويوفقج وييسر امرج اني فعلا مباشرة دزيتلهم ريبلاي

ان شاء الله نفرح بسفرك.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي

غير متصل احمدمالك

  • عضو مميز جدا
  • *****
  • مشاركة: 2813
  • الجنس: ذكر
    • مشاهدة الملف الشخصي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
تسلم اخي العزيز على المعلومات القيمه

شكرا اخي ويارب الجميع يستفاد.

اختك حزيران !

غير متصل -المهاجره-

  • عضو فعال جدا
  • ***
  • مشاركة: 176
    • مشاهدة الملف الشخصي
الف شكر اختنا حزيران على المجهود وخاصة اني ع ابواب مقابلة الوفد

بارك الله بك اختي

اختك

المهاجره

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
الف شكر اختنا حزيران على المجهود وخاصة اني ع ابواب مقابلة الوفد

بارك الله بك اختي

اختك

المهاجره

اتمنالك مقابلة سهله وميسرة بحق محمد وال محمد...وشيجي ابالك اساله اسألي اختي واني والاخوة ان شاء الله منقصر بالاجوبة.

حزيران

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي

غير متصل صهوبي

  • عضو فعال جدا
  • ***
  • مشاركة: 385
    • مشاهدة الملف الشخصي
    • البريد الالكتروني
الى الاخت حزيران السلام وعليكم  .ارجوا اتوضحيلي شنوالرابط القوي بين الكيسات نحنوا بانتظار بصمات ومحلفين من عمان .وعاشت ايدج على المعلومات الي كتبتيهه وان شالله بلتوفيق والحياة السعيده......اختي احنه سالونه بiom تردون الرابط قوي لوضعيف كنالهم قوي .اشو بلمنتدى خوفونه انو الرابط القوي يتاخرون بلسفر....تحياتي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
الى الاخت حزيران السلام وعليكم  .ارجوا اتوضحيلي شنوالرابط القوي بين الكيسات نحنوا بانتظار بصمات ومحلفين من عمان .وعاشت ايدج على المعلومات الي كتبتيهه وان شالله بلتوفيق والحياة السعيده......اختي احنه سالونه بiom تردون الرابط قوي لوضعيف كنالهم قوي .اشو بلمنتدى خوفونه انو الرابط القوي يتاخرون بلسفر....تحياتي

اخي صهوبي...الربط الضعيف بين الكيسات معناهة اذا احد اجاه رفض لاسامح الله او تأخر سفرة او امنيته الباقيين ما الهم علاقة ياهو اللي تكمل امورة يسافر  ...بينما الربط القوي فهذا مشكله اذا اي احد اجاه رفض الكل حياخذون رفض واذا احد اتأخر سفرة او امنيته او اي شي فالكل حيتأثر...طبعا محد يكدر يكلك ياهو احسن الربط القوي او الضعيف كلمن حسب ظروفه يعني اذا انت عندك والدك او والدتك كبار بالسن وميكدرون يسافرون بوحدهم فاكيد لازم تسوي ربط قوي ابيناتكم علما انه تكدر تسوي ربط ضعيف مثلا وية اخوك وزوجته بس ربط قوي وية والدك و والدتك...تحياتي ويارب تسهل اموركم.

حزيران

غير متصل صهوبي

  • عضو فعال جدا
  • ***
  • مشاركة: 385
    • مشاهدة الملف الشخصي
    • البريد الالكتروني
شكرا اختي حزيران على الرد والتوضيح  اتمنالكي السفر القريب والتوقيق .احنه عائله اني واخوتي 3 ووالدتي فاعتيادي كلنه الرابط قوي.كليتنه اعمارنه ثانويه وكليه....ووالدي متوفي ..........هل انغير على الرابط الضعيف عندما نقابل محلفين.....شنو رايج.....ولو ضوجتج بلاسئله.,تحياتي مع الشكر الجزيل

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا اختي حزيران على الرد والتوضيح  اتمنالكي السفر القريب والتوقيق .احنه عائله اني واخوتي 3 ووالدتي فاعتيادي كلنه الرابط قوي.كليتنه اعمارنه ثانويه وكليه....ووالدي متوفي ..........هل انغير على الرابط الضعيف عندما نقابل محلفين.....شنو رايج.....ولو ضوجتج بلاسئله.,تحياتي مع الشكر الجزيل

عيني افصل ملفاتكم بالسرعه الممكنه وقبل مقابله المحلفين ...ابعث رساله لل اي او ام وبلغهم بالموضوع واطلب منهم يأكدولك انه رسالتك وصلتهم وحيعملون الازم...عادة يطول فصل الملفات اسبوعين...بالتوفيق.

غير متصل صهوبي

  • عضو فعال جدا
  • ***
  • مشاركة: 385
    • مشاهدة الملف الشخصي
    • البريد الالكتروني
شكرا اخت حزيران على الرد اكدر اروح يوم الخميس للiom وابلغهم بفصل الملف مو احسن لو لا..........تحياتي

غير متصل مغامر

  • مبدع قسم الهجرة
  • عضو
  • *
  • مشاركة: 21
    • مشاهدة الملف الشخصي

غير متصل Space of freedom

  • عضو فعال جدا
  • ***
  • مشاركة: 254
  • الجنس: ذكر
  • All that glitters is not gold ليس كل ما يلمع ذهبا
    • مشاهدة الملف الشخصي



Good FRIENDS are hard to find, harder to leave, and impossible to forget

الأصدقاء الحقيقون يصعب إيجادهم ، يصعب تركهم ، ويستحيل نسيانهم

غير متصل -المهاجره-

  • عضو فعال جدا
  • ***
  • مشاركة: 176
    • مشاهدة الملف الشخصي
شكرا لك اخت حزيران

سؤالي انا ارمله ولي ولد واحد وعندما غادرت العراق كان عمره 14 عام

كيف ممكن تكون اامقابله بسيطه

اختكم
المهاجره

غير متصل صهوبي

  • عضو فعال جدا
  • ***
  • مشاركة: 385
    • مشاهدة الملف الشخصي
    • البريد الالكتروني
اشكر الاخوه على ردودكم .وشكر الى الاخ مغامر وكلامك صحيح لان منكدر انعوف والدتي واختي ابحدهم بعمان ولا يسافرون ابحدهم وكلامك عين العقل وشكرا على التوضيح.....تحياتي

غير متصل dynamic

  • عضو فعال جدا
  • ***
  • مشاركة: 854
    • مشاهدة الملف الشخصي
    • البريد الالكتروني
شكرا اخت حزيران على الرد اكدر اروح يوم الخميس للiom وابلغهم بفصل الملف مو احسن لو لا..........تحياتي

اخوية العزيز صهوبي .. بس للتذكير مرة اخرى .. والاخت حزيران هم ذكرتها وشرحتها بس رح اذكرها مرة لخ

شوف عيني اذا سويتوا الربط الضعيف لازم تخلي ابالك
اذ والدتك او اذا عندك احدى اخواتك البنات وحدها بكيس .. فهذا معناه انو هي مستعدة تسافر وحدها وتروح لامريكا وحدها وتعوفكم وحدكم بالاردن  .. او بالعكس ممكن انتوا اتعوفها وتروحون ..

الربط الضعيف يعني انتو كعائلة مستعدين تسافرون بالتسلسل العشوائي  .. وحسب الحظ الي تخلص امنيته يطلع .. والي يأجل ترة يتأخر كلش كلش هواية يعني ترة من يطلع موعد السفر لواحد بيكم (او قسم منكم) ترة بعد مابيها مجال تأجيل ..

تحياتي الك وانشالله تتوفقون باتخذ القرار الصحيح


 +1
اخوية صهوبي  فكر باموضوع زين قبل ان تاخذ قرارك النهائي.

بالاضافة الى كلام الاخ مغامر اتوقع في امريكا ميعاملوكم معاملة عائلة وتسكنون في بيت واحد لان كل شخص على حده ولكن بالتاكيد تكونون نفس الولاية .....

الله ييسر امركم   



Warm Regards to all

غير متصل صهوبي

  • عضو فعال جدا
  • ***
  • مشاركة: 385
    • مشاهدة الملف الشخصي
    • البريد الالكتروني
شلونك اخ داينمك والله لحد الان مماخذين اي قرار ومنعرف سنسوي اروح للمنظمه واسئل على هذا الموضوع وشنو مسأوء الربط القوي اذا مابي اي شي نبقه على الربط القوي ...اشكرك على الرد............اشو احنه عفنه الجمعيه مالتنه ونتناقش بهذي الجمعيه ...ياله انشاالله خير...تحياتي

غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
الاخ صهوبي العزيز
طبعا كلمن وضروفه .....بخصوص افراد العائلة قصدي
بس اكولك فد شي ::اني عندي طفله عمرها اربع سنوات ...اذا طلعلها سفر وحدها اخليها تسافر ههههههههههه



ان يحكمك الوضيع و السافل ... فأنت تعيش في غربة!!!!

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا اخت حزيران على الرد اكدر اروح يوم الخميس للiom وابلغهم بفصل الملف مو احسن لو لا..........تحياتي

تدلل اخوية ...ديربالك ترة همة كل شهر الهم ايام معينه مو مثل قبل كل خميس...طبعا هاي نقلا عن احدى الصديقات .

اتأكد قبل متروح وروح من ال 7 الصبح حتى يوصلك الدور بسرعه.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا اخت حزيران على الرد اكدر اروح يوم الخميس للiom وابلغهم بفصل الملف مو احسن لو لا..........تحياتي

اخوية العزيز صهوبي .. بس للتذكير مرة اخرى .. والاخت حزيران هم ذكرتها وشرحتها بس رح اذكرها مرة لخ

شوف عيني اذا سويتوا الربط الضعيف لازم تخلي ابالك
اذ والدتك او اذا عندك احدى اخواتك البنات وحدها بكيس .. فهذا معناه انو هي مستعدة تسافر وحدها وتروح لامريكا وحدها وتعوفكم وحدكم بالاردن  .. او بالعكس ممكن انتوا اتعوفها وتروحون ..

الربط الضعيف يعني انتو كعائلة مستعدين تسافرون بالتسلسل العشوائي  .. وحسب الحظ الي تخلص امنيته يطلع .. والي يأجل ترة يتأخر كلش كلش هواية يعني ترة من يطلع موعد السفر لواحد بيكم (او قسم منكم) ترة بعد مابيها مجال تأجيل ..

تحياتي الك وانشالله تتوفقون باتخذ القرار الصحيح

يا ضيفنا لو زرتنا لوجدتنا نحن الضيوف وانت رب المنزل  ::)...هلو بأخوية مغامر.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شلونك اخ داينمك والله لحد الان مماخذين اي قرار ومنعرف سنسوي اروح للمنظمه واسئل على هذا الموضوع وشنو مسأوء الربط القوي اذا مابي اي شي نبقه على الربط القوي ...اشكرك على الرد............اشو احنه عفنه الجمعيه مالتنه ونتناقش بهذي الجمعيه ...ياله انشاالله خير...تحياتي

شرفتونه اخويه بزياراتكم ...

غير متصل صهوبي

  • عضو فعال جدا
  • ***
  • مشاركة: 385
    • مشاهدة الملف الشخصي
    • البريد الالكتروني
شكرا اختنا حزيران والله متقصرين .هي هم جمعيتنه وان شاالله كلنا اخوان وناس اساعد ناس ......اتمنالك الموفقيه في حياتك والنجاح.......

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا لك اخت حزيران

سؤالي انا ارمله ولي ولد واحد وعندما غادرت العراق كان عمره 14 عام

كيف ممكن تكون اامقابله بسيطه

اختكم
المهاجره

اختي المهاجرة ...كلما كانت القصة طويله ومعقدة كلما كانت الاسأله اطول واعقد..والقصص وهموم الناس انواع ،اللي خاطفي واللي مهددي واللي يشتغل وية الامريكان واللي قاتلين احد من اهلة ..يعني اشكال الوان...المهم تكون قصه مقنعه (قصيرة او طويله) تأهل صاحبهه حسب مقاييس المحلفين لطلب اللجوء وياخذ موافقة.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
الاخ صهوبي العزيز
طبعا كلمن وضروفه .....بخصوص افراد العائلة قصدي
بس اكولك فد شي ::اني عندي طفله عمرها اربع سنوات ...اذا طلعلها سفر وحدها اخليها تسافر ههههههههههه


لا عاب حلكك اخي اسبيرو ..هو بس جيب السفر   :-\ :-\ والباقي سهل.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي

غير متصل ابو ايهم

  • عضو فعال
  • **
  • مشاركة: 47
    • مشاهدة الملف الشخصي
    • البريد الالكتروني
السلام عليكم
اختي العزيزة حزيران شكرا على الموضوع المفيد والجهود الرائعة الله يوفقك
ممكن مساعدتج بخصوص سؤالي
انا مرفوض من الاي او ام  رفض من المحلف بسبب عدم المصداقية وقدمت الان على الاس اي في وسؤالي عند المقابلة هل اخبر باني تم رفضي من الاي او ام  وهل يؤثر الرفض على الاس اي في
ولك كل الشكر
الله يوفق الجميع

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
السلام عليكم
اختي العزيزة حزيران شكرا على الموضوع المفيد والجهود الرائعة الله يوفقك
ممكن مساعدتج بخصوص سؤالي
انا مرفوض من الاي او ام  رفض من المحلف بسبب عدم المصداقية وقدمت الان على الاس اي في وسؤالي عند المقابلة هل اخبر باني تم رفضي من الاي او ام  وهل يؤثر الرفض على الاس اي في
ولك كل الشكر
الله يوفق الجميع

مرحبا اخي...الحقيقة اني ماعندي معلومات عن ال اس اي في اله الشي القليل لكن اللي اعرفه انه من ضمن الاساله اللي لازم اتجاوب عليها والتي تكون مرافقه لل فورم 157 السؤال التالي:

8.   Previous or current SIV or USRAP Applications

عاد هذا شيقصدون بي بالضبط ...لان السؤال يطلب ذكر الاستمارات الحالية او التي تم ملئها في حالة ال اس اي في او التقديم المباشر بالنسبة للعاملين مع قوات الامريكية

وحسب علمي انه ال اس اي في ماعدهم مقابلات بس بوكت مقابله القنصل والباقيه كلهه بالبريد.

انصحك اخي تنزل الموضوع على العام حتى تاخذ اراء اكثر وتتنور.

موفق وندعيلك بتيسير الامور.

غير متصل ابو ايهم

  • عضو فعال
  • **
  • مشاركة: 47
    • مشاهدة الملف الشخصي
    • البريد الالكتروني
السلام عليكم
شكرا لك اختي العزيزة انشأ الله سوف اكتب الموضوع على العام
الله يوفقك ويوفق الجميع

غير متصل صقر 11

  • عضو
  • *
  • مشاركة: 26
    • مشاهدة الملف الشخصي
الأخت حزيران ممكن سؤال ... اختي العزيزة اني قابلت محلفين يوم 17_1_2013 ورة يومين صار حالة الملف انتظار النتيجة وخانة المحلفين مكتملة واليوم فتحت الموقع ولكيت الفحص الطبي فعال بعد ان كان غير فعال ممكن اعرف رايك ان تحويل الفحص الطبي الى فعال يعني اكو موافقة للمحلف لو رأي اخر أو مو شرط ورحم الله والديج .

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
الأخت حزيران ممكن سؤال ... اختي العزيزة اني قابلت محلفين يوم 17_1_2013 ورة يومين صار حالة الملف انتظار النتيجة وخانة المحلفين مكتملة واليوم فتحت الموقع ولكيت الفحص الطبي فعال بعد ان كان غير فعال ممكن اعرف رايك ان تحويل الفحص الطبي الى فعال يعني اكو موافقة للمحلف لو رأي اخر أو مو شرط ورحم الله والديج .

رحم الله والديك اخي..90 بالمية او اكثر من اللي يسوون فحص طبي معناهه موافقة محلف ...قبل كان ياهو اللي يجي يسوي فحص ، بس هسة لا وهاي وحده من علامات موافقه المحلف والعلامه الثانية تحول خانه المحلفين الى مكتمل بعد يومين من المقابلة ...مبروك مقدما ...واتمنالك السفر العاجل .

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
أخوااااااااااان عاااااااااجل

الرجاء الاطلاع على حالة الاخ كوبرا اللي كان معلق بسبب ذكره للمحلف انه طلب هجرة الى استراليا ..ونرفع من عنده التعليق بعد سنتين تقريبا ورة مقدم اوراق رفض هجرة استراليا...

http://www.ankawa.com/forum/index.php/topic,640195.0.html

ديرو بالكــــــــــــــــــــــــــــــــــم

حزيـــــــــــــران

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
جمعــــــــــــــــــــــه مباركــــــــــــــــــــــــــــــــــة

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
أخوان...حبيت انقللكم تعليق احد الاخوة على اسباب التعليق اللي ينطيهه المحلف لبعض الملفات :

بالنسبه لهذه الموضوع ...... التعليق لايوجد شي اسمه تعليق اطلاقآ والدليل لاتوجد عند استلامك الظرف مال نتائج المحلفين ورقة تثبت انك معلق 
ولكن هنالك موافقه مشروطه بالامنية وحين تقابل المحلف هو الشخص المخول بان يضيف بعض الامنيات بصورة استثنائيه على هذه الملف او شخص محدد بالذات من عائله الملف  ولحين ما تتكتمل هذه الامنيات تتم من خلالها وبعدها اكمال باقي البرامج المتبقية .

والي استلم باول يوم نفس الورقه الي ثاني وثالث يوم ماعدى الرفض هنالك اختلاف . وتعتمد على القصه وتفرعاتها وصلاحية المحلف هاي بصورة مختصره . هو يضيف او يلغي بعض برامج الامنيات البدائيه والاساسيه والجدير بالذكر ان كل من :

1- دفع فديه بارادتة
2- رتبه غير عاديه او اختصاص
3 - لم يجلب معه دفتر الخدمه
4- اختصاص او خريج على سبيل المثال كمياء او فيزاء او صيدله لديه برامج اضافيه نظرآ لعلمه بعديد من الامور الخاصه بدراسته
5- كان في بلد مثل السويد او هولنده او من هذا القبيل
6- مقدم باجات او توصيات الاسم مختلف حسب اللفظ عن ما في الجواز باللغه الانكليزيه
بعد اضافة برامج امنيه غير اعتياديه مثل باقي الملفات هذا الي يسبب التاخير ولاننسى الربط القوي بين الملفات هذا عارض جانبي .
7- عدم المصداقية وعدم تطابق مقابلة المحلف مع مقابلة التوطين او المقابلة الاولى تؤدي الى رفض الملف لا سامح الله.

تحياتي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
أخوان...حبيت انقللكم تعليق احد الاخوة على اسباب التعليق اللي ينطيهه المحلف لبعض الملفات :

بالنسبه لهذه الموضوع ...... التعليق لايوجد شي اسمه تعليق اطلاقآ والدليل لاتوجد عند استلامك الظرف مال نتائج المحلفين ورقة تثبت انك معلق 
ولكن هنالك موافقه مشروطه بالامنية وحين تقابل المحلف هو الشخص المخول بان يضيف بعض الامنيات بصورة استثنائيه على هذه الملف او شخص محدد بالذات من عائله الملف  ولحين ما تتكتمل هذه الامنيات تتم من خلالها وبعدها اكمال باقي البرامج المتبقية .

والي استلم باول يوم نفس الورقه الي ثاني وثالث يوم ماعدى الرفض هنالك اختلاف . وتعتمد على القصه وتفرعاتها وصلاحية المحلف هاي بصورة مختصره . هو يضيف او يلغي بعض برامج الامنيات البدائيه والاساسيه والجدير بالذكر ان كل من :

1- دفع فديه بارادتة
2- رتبه غير عاديه او اختصاص
3 - لم يجلب معه دفتر الخدمه
4- اختصاص او خريج على سبيل المثال كمياء او فيزاء او صيدله لديه برامج اضافيه نظرآ لعلمه بعديد من الامور الخاصه بدراسته
5- كان في بلد مثل السويد او هولنده او من هذا القبيل
6- مقدم باجات او توصيات الاسم مختلف حسب اللفظ عن ما في الجواز باللغه الانكليزيه
بعد اضافة برامج امنيه غير اعتياديه مثل باقي الملفات هذا الي يسبب التاخير ولاننسى الربط القوي بين الملفات هذا عارض جانبي .
7- عدم المصداقية وعدم تطابق مقابلة المحلف مع مقابلة التوطين او المقابلة الاولى تؤدي الى رفض الملف لا سامح الله.

تحياتي

غير متصل mukhtar ali

  • عضو فعال جدا
  • ***
  • مشاركة: 205
    • مشاهدة الملف الشخصي
السلام عليكم ... اختي العزيزه حزيران اذا كانت نتيجة مقابلة المحلف موافقه مشروطه باكتمال الامنيه هل موعد الفحص الطبي يعني الموافقه .. وحسب تقديرج ماهي الفتره المتبقيه للسفر بعد الفحص ..... مع الشكر والتقدير وانشالله رب العالمين يسر امرج وتكتبينه من امريكا .

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
السلام عليكم ... اختي العزيزه حزيران اذا كانت نتيجة مقابلة المحلف موافقه مشروطه باكتمال الامنيه هل موعد الفحص الطبي يعني الموافقه .. وحسب تقديرج ماهي الفتره المتبقيه للسفر بعد الفحص ..... مع الشكر والتقدير وانشالله رب العالمين يسر امرج وتكتبينه من امريكا .

اخي اذا انتو اجتكم موافقه مشروطة بامنيه ( يعني مو تحت الدراسة) فهذا بوحده معناه موافقه ومتنتظر الفحص الطبي حتى يأكدلك...بس انتو اذا كان ملفكم تحت الدراسه واجاكم فحص فهذا معناه مئة بالمئة اجتكم موافقة.

وبكل الاحوال الفحص الطبي مؤشر جيد على انه ملفك ماشي...اما بالنسبة الى فترة السفر بعد الفحص فماكو شي ثابت ، اكو ناس ورة شهر سافرت واكو صارلهم 6 اشهر وكلشي ماكو ..والامثلة كثيرة.

اتمنالك السفر والموفقية.

غير متصل mukhtar ali

  • عضو فعال جدا
  • ***
  • مشاركة: 205
    • مشاهدة الملف الشخصي
اشكرك اختي العزيزه والله يبارك بيج ويفتحه بوجهج .

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
اشكرك اختي العزيزه والله يبارك بيج ويفتحه بوجهج .

الشكر لله...ان شاء الله نفرح بسفركم.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
مرحبا اخوان...

اليوم نقلتلكم اجابة الاخ زيطة عن اسباب اعادة مقابله المحلفين مرة اخرى:

 لا يوجد اكسباير لمقابلة المحلفين اطلاقا ، هناك حالات حصرية لاعادة المحلفين  وليس لها علاقة بالفترة بين المقابلة الاولى و الاعادة من هذه الحالات:

1- تغير الحالة الشخصية للمتقدم زواج ، طلاق.
2- حالة تغير عدد افراد الكيس بلوغ احد التابعين سن البلوغ ، او حالة وفاة المتقدم الرئيسي ـ يتعين تنسيب الزوجة او الزوج في حالة وفاة القرين وهي حالة شاهدتها بعيني اثناء اعادة المقابلة.
3-حالة الولادة وتغير حجم الكيس تستوجب اعادة المقابلة لمعاينة المولود الجديد
4- هناك نقطة غامضة في القضية تستوجب اعادة المقابلة مثل حالتي لدي رفض سابق بالاس اي في والاعادة لبيان اسباب الرفض كون المقابلة الاولى حصلت قبل الرفض
4- اذا اظهر التدقيق الامني معلومات انتقاصية للمتقدم يتم استدعائه لتوضيح الحالة - هناك متقدمين اخفوا ان لديهم حكم جنائي خلال مقابلة المحلفين الاولى.
5- تحديث المعلومات الشخصية ومنها اخذ البصمات .
6- جماعة سوريا العائدين، بعضهم وليس جميعهم

خلوا هاي باعتباراتكم....

اختكم حزيــــران

غير متصل George tom

  • عضو
  • *
  • مشاركة: 14
    • مشاهدة الملف الشخصي
    • البريد الالكتروني
اخي العزيز
انا قدمت على اللجوء من داخل امريكا وذهبت للمقابله المحلف منذ ثلاث اشهر  حيث قيل لي انه بعد عشره ايام سيصلني رد ولكن الى الان لم يصلني اي شيفارسلة راسله لهم فكان الجواي بان القرار معلق ولا اعرف ماذا افعل علما اني متزوح ولدي طفل وهل هاذا التعليق قد يطول او قد يرفض لا اعلم ولكن الانتظار صعب جدا خاصه بامريكا مع عائله ومصاروف كبير يرجى الرد

غير متصل George tom

  • عضو
  • *
  • مشاركة: 14
    • مشاهدة الملف الشخصي
    • البريد الالكتروني
الى الاخوة ممن لديه خبرة بللجوء يرجى الرد على سؤالي السابق

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
اخي العزيز
انا قدمت على اللجوء من داخل امريكا وذهبت للمقابله المحلف منذ ثلاث اشهر  حيث قيل لي انه بعد عشره ايام سيصلني رد ولكن الى الان لم يصلني اي شيفارسلة راسله لهم فكان الجواي بان القرار معلق ولا اعرف ماذا افعل علما اني متزوح ولدي طفل وهل هاذا التعليق قد يطول او قد يرفض لا اعلم ولكن الانتظار صعب جدا خاصه بامريكا مع عائله ومصاروف كبير يرجى الرد

اخي الكريم...

حاول اول شي تعرف شنو سبب الرفض ...يمكن محتاجين اوراق او دفتر خدمه او اي شي حتى تزودلهميا...طبعا التعليق مينعرف شكد يطول ...انصحك اخي تستشر او توكل محامي خاص بالهجرة حتى يتصل بيهم ويعرف اسباب التعليق...هم اذا يريدون يرفضوك كان راسا رفضوك لكن المحلف عنده شك او يريد يتأكد من نقطه معينه والى ان يتأكد لازم تنتظر.

اخي وكل محامي وحتشوف شلون حيسهل الامور واللي سامعته اني انه اكو محامين ابلاش ..المنظمات هناك تخليهم.

لمعلومات اكثر بامكانك استشارة الاخوة الاعضاء فى المنتدى من خلال الكتابه على العام.

بالموفقيه.

اختك حزيران

غير متصل مصطفى ابوطلال

  • عضو جديد
  • *
  • مشاركة: 1
    • مشاهدة الملف الشخصي
    • البريد الالكتروني
اختي حزيران شكرا عالمجهود الرائع دزيتلج رساله عالخاص اذا متصير زحمه

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
اختي حزيران شكرا عالمجهود الرائع دزيتلج رساله عالخاص اذا متصير زحمه

جاوبتك اخي وبالخدمه.


غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
الاخوة والاخوات الاعزاء...

الاخ صقر مشكور كتبلنه عن مقابلته مع المحلفين لاضافة طفل:

السلام عليكم

تحية الى جميع الاخوة الاعضاء بالمنتدى

طبعا موعدي كان ساعة 6ونص الصبح الساعة 6 اني بساحة النسور  وششوف امة الثقلين هناك المهم بدو يدخلونة الحرس بالستة ونص ووقفنة ننتظر بدو يجون الموظفين المهم لاتكلولي ولا الكللكم انتقام الننجا الى الساعة تسعة يلة دخلنة وطبعا اتصور عدد الي كانو موجودين بحدود ال 150 شخص مابين الي ديراجعون السفارة والمنظمة

المهم دخلنة للمنظمة احنة جماعة المقابلة الثانية كنا اقل من 40 كيس بقليل

وطبعا بعده دخلو جماعة المقبلة الاولى وان عددهم اتصور نفس الشي

المهم عدد الافراد الي كانو موجودين في قاعة الانتظار اتصور يصل الى 100 شخص او اقل بقليل

المهم
دخلنة للمحلف كان رجل امركي من اصول عربية ويتكلم العربي بطلاقة عرفنة بنفسة وقال تفهمون علية بصورة جيدة كتلة اي واذا تحب تككلم انكليزي هم ماكو مشكلة كال لا اذا تفهمون علية راح اتكلم عربي كتلة اوكي

اقسمو وراية قسمنة وبداء

قال مثل ماتعرف انت مقابلتك لاضافة الزوجة وراح نظيفه ونراجع معلوماتها وايضا راح نراجع ونستكمل بعض الامور معاك كتلة اوكي

بلش يسال الرجل بالاسئلة وقبلها قال اسف اكو كثير من الاسئلة اعرف متنطبق عليكم بس لازم نسالها كتلة ماكو مشكلة

الاسئلة كانت التقليدية عن تفاصيل العمر والدراسة وبعدها منتمية للحزب لو لا خادمة عسكرية لو لا دعمتو ارهاب لو لا دفعتو فدية لو لا
طبعا الرجل كانت كلش مرتب ومتعاون ومتعاطف معانا بس الشغلة الوحيدة الي ركز عليه انه شلون زوجتي مخلصة جامعة وهية مامنتمية للحزب
واحنة الي نعرفة ونسمع انه انتو كنتو تجبرون وتتعرضون الى مضايقات بهذا الخصوص وانت يعني منتمي لان من وصلت الجامعة نجبرت
هنا اني يعني وضحتلة كتلة يابا هية الالحاح على الانتماء موجود بكل مرحلة من نوصلله يعني من خلصنة متوسطة كلولنة يابا ترة متكدرون تدخلون بعدين اعدادية وبعدين من خلصنة اعدادية ترة متكدرون تدخلون جامعة اذا متنتمون بس الصراحة كانت الدرجات متفاوتة واكو كثير ناس كانت تكدر تفلت من الامر ومتنتمي وترة الامور الي تسمعوه مو كلها صدق 100 % يعني اكو كثير من الناس كانت تقدر تفلت من موضوع الانتماء واكو لا
وكتلة بالاخص بالنسبة للبنات كان الامر بي مرونة يعني التشديد اكثر على الولد اكثر من البنية هاي الشغلة الوحيدة الي ركز عليه
والرجل كان متفهم للامور

المهم الاسئلة الي طرحه عموما هية نفسه المتعارف عليه

منتمي للحزب لو لا
منتمي لجماعة ارهابية
دفعت فدية لو لا
اجبرت على التعامل مع جه ارهابية
تلقيت تدريبات عسكرية او وية مجاميع مسلحة
كان عندك سلاح لو لا
انظميت الى تنظيم القاعدة او جيش المهدي او والله الصراحة معرف بعد هية الجهات الي سئل عليه هواية اكو حتى منه ماسامع بيه
سئلني عن وظيفتي الحالية ومكان دوامي وعن وظعي الحالي شلون

المهم من خلص الرجل كال انت عندك سوال
اني كتلة اي نعم كال تفضل

فسالته عن موعد الاجابة على رد المحلف كال 60 يوم كتله اني مستلم قبل رد باول مقبلة فهل راح يجيني مرة ثانية كال اي نعم
هنا كتلة احنة مشكلتنة مع المدة اولا اذا كانت 60 يوم ننتظر بس على الله لاتكون اكثر الجان يسالني عن ايميلي وارقام تلفوناتي وكال اكيد راح يوصلكم الرد وراح نكون حريصين انه يكون باسرع وقت واتصور حسب مااستشفيت من كلامة احتمال راح يكون الرد مباشر من قبلهم وسئلني عن الوقت الي اشتريت بيه هاي الارقام

سئلت عن الدفرال لتر وكتله هية معناها او ترجمته الصحيحة هية تاجيل واحنة حسب مانعتبره انه هية موافقة المحلف المبدئية والمشروطة باكتمال الامنية وهنا جاوبني وكال صحيح ممكن تعتبره هيجي شي وكال هية اكو موافقة نهائية واكو رفض واكو هاي الدفرال لتر معناها انت بعد بعدك عندك بعض لاجراءات الامنية والفحوصات واستكمال بعض الاجراءات قبل ان تحصل على الموافقة النهائية

سئلت عن انه احنة دنسمع بتصفية الملفات القديمة واكو تسريع بالاجراءات

وهنا كانت اجابته انه فعلا اكو تسريع بالاجراءات وديحاولون يعني ينهون الاجراءات من فحص طبي واجراءات امنية وانشاء الله خير
شكرت الرجل وطلعنة

الصراحة المقابلة جرت بسهولة والرجل كان جدا لطيف وطيب وخلوق.

الاجواء بشكل عام شفتهة مطمئنة ومشجعة وفعلا الي لمستة اكو تسريع وديحاولون يمشون اكثر قدر ممكن من الملفات ويحسمون امره

نصيحتي لكل الاخوان الي بعدهم ممقابلين انه لايتوترون ولايخافون من مقابلت المحلف لان همة ناس ودودين ولطفاء بالتعامل اني مريت على 3 محلفين  بس انت كون صادق بكل اجاباتك ولاتحاول تستذكى براسهم كون طبيعي وتكلم بصدق وصراحة وبأدب معاهم وراح تشوف كلش متعاونين معاك واولا واخيرا النجاة بالصدق  وهية المسئلة مسألة قسمة ونصيب وتوفيق من رب العالمين

المحلف مراح يكدر يسوي شي غير انه ينفذ مشيئة رب العالمين الي كاتبلك اياها انه تطلع او لا فكون صريح وصادق واترك الباقي على رب العباد.

غير متصل George tom

  • عضو
  • *
  • مشاركة: 14
    • مشاهدة الملف الشخصي
    • البريد الالكتروني
شكرا اختي حزيران على الرد وفي الحقيقه انا عندي محامي بس ما استفيد منو بشي رح حاول احط محامي غيرو وشكرا اللك مره ثانيه

غير متصل heya

  • عضو
  • *
  • مشاركة: 11
    • مشاهدة الملف الشخصي
شكرا على الرد ولكن تهديدنا كان طائفي ام مغادرة المحافظة او القتل ولااعتقد اننا نستطيع ان نقول ان الارهابيين سوف يقتلوننا فب محافظة اخرى لاننا لو تركنا المحافظة لاحجة لهم بملاحقكتم سوف يقول المحلف هكذا

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكرا على الرد ولكن تهديدنا كان طائفي ام مغادرة المحافظة او القتل ولااعتقد اننا نستطيع ان نقول ان الارهابيين سوف يقتلوننا فب محافظة اخرى لاننا لو تركنا المحافظة لاحجة لهم بملاحقكتم سوف يقول المحلف هكذا

اختي الكريمه ...

الارهابيون ايديهم طايله وهم شبكه كبيرة ممتده عبر المحافظات...كولي للمحلف الارهابيون قابلياتهم الاستحباراتيه عاليه جدا,  للوزير اللي ويا الف حراسه يحطوله عبوة ناسفة بالطريق ويعرفون شوكت راح وشوكت جاي.

تحياتي

غير متصل Mostafa TA

  • عضو جديد
  • *
  • مشاركة: 1
    • مشاهدة الملف الشخصي
    • البريد الالكتروني
السلام عليكم ....تحيه طيبه للجميع .... عندي استفسار بخصوص التقديم من تركيا الى امريكا بس محتاج محامي ابغداد او احد يسويلي اوراق انو اني متهدد ومحاضر شرطة علما اني منتسب بالجيش وعندي اثباتات ....تحياتي

غير متصل Hassan1983

  • عضو
  • *
  • مشاركة: 22
    • مشاهدة الملف الشخصي
    • البريد الالكتروني
السلام عليكم اني متقدم للهجرة على IOM منذ 2009 وكنت اعمل سابقا مترجما مع الامريكان ولكن اقل من سنة  ثم عملت مع شركات امريكية ولم تعطيني الشركات توصيات
ولحد الان لم ينتهي التشييك الامني 
الله يخليكم اكو ان انسانة تقبل تزوجني على الورق او حقيقي وان تكون ايضا متقدمة لهذا البرنامج
لذا نستطيع ضم القضيتين وتسريع العملية
عمري 30 سنة ومطلق ولدي طفلة
ارغب بزواج حقيقي او على الورق
هذا ايميلي من رخصة الادمن

hasan_alsabag@yahoo.com
سهلو امري الله يخليكم
كل من يقرا هذه الرسالة
حسن

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
السلام عليكم اني متقدم للهجرة على IOM منذ 2009 وكنت اعمل سابقا مترجما مع الامريكان ولكن اقل من سنة  ثم عملت مع شركات امريكية ولم تعطيني الشركات توصيات
ولحد الان لم ينتهي التشييك الامني 
الله يخليكم اكو ان انسانة تقبل تزوجني على الورق او حقيقي وان تكون ايضا متقدمة لهذا البرنامج
لذا نستطيع ضم القضيتين وتسريع العملية
عمري 30 سنة ومطلق ولدي طفلة
ارغب بزواج حقيقي او على الورق
هذا ايميلي من رخصة الادمن

hasan_alsabag@yahoo.com
سهلو امري الله يخليكم
كل من يقرا هذه الرسالة
حسن


الاخ حسن...

انت اول شي مقدم مباشر على الهجرة لو عن طريق ال يو ان؟

بكل الاحوال مادام انت بعدك على التشيكات الامنيه فاحسنلك تبقى وتنتظر لان اذا تزوجت ماكو شي اسمه نضم القضيتين سويه ...اذا ضميتهم معناهه لو هي تضيفك على الكيس مالته لو العكس وبهالحاله حترجع النقطه الصفر من مقابلات ...الخ.

نصيحتي انتظر لان ديصير تسريع بالملفات وامنيات هوايه ناس اكتملت هالفترة.

وبالنسبه للزواج فانت عندك طفله الله يحفظهه ...ماكو شي تتزوج اي وحده علمود توصل الامريكا ..هذا موضوع مصيري الك والبنتك مو لعبه وانت طلقت مرة ولازم تستفاد من التجربه المريت بيهه مو تكررهه .

تحياتي وان شاء الله تتوفق بحياتك.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
السلام عليكم ....تحيه طيبه للجميع .... عندي استفسار بخصوص التقديم من تركيا الى امريكا بس محتاج محامي ابغداد او احد يسويلي اوراق انو اني متهدد ومحاضر شرطة علما اني منتسب بالجيش وعندي اثباتات ....تحياتي

عفوا اخي ماعندي معلومات بهالموضوع.

غير متصل الباشق عز الرجال

  • عضو
  • *
  • مشاركة: 15
  • الجنس: ذكر
    • مشاهدة الملف الشخصي
    • البريد الالكتروني
بارك الله بك سيدتي الرائعة وجعلها في ميزان حسناتك ووفقك ربي في الدنيا والاخره على هذا الطرح الرائع لكن انا من سكنة محافظة الانبار ووالدي يعمل في احدى القنصليات في تركيا حاليا ولدي موضوع حساس جدا اريد قناة خاصة للاتصال بكِ لكون الموضوع شخصي ومهم جدا ولا يصح ان يذكر على العام تحياتي لك وانتظر الجواب...اخيك سيف الدين الدليمي

غير متصل Aliasady

  • عضو
  • *
  • مشاركة: 25
    • مشاهدة الملف الشخصي
بارك الله بك سيدتي الرائعة وجعلها في ميزان حسناتك ووفقك ربي في الدنيا والاخره على هذا الطرح الرائع لكن انا من سكنة محافظة الانبار ووالدي يعمل في احدى القنصليات في تركيا حاليا ولدي موضوع حساس جدا اريد قناة خاصة للاتصال بكِ لكون الموضوع شخصي ومهم جدا ولا يصح ان يذكر على العام تحياتي لك وانتظر الجواب...اخيك سيف الدين الدليمي

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
بارك الله بك سيدتي الرائعة وجعلها في ميزان حسناتك ووفقك ربي في الدنيا والاخره على هذا الطرح الرائع لكن انا من سكنة محافظة الانبار ووالدي يعمل في احدى القنصليات في تركيا حاليا ولدي موضوع حساس جدا اريد قناة خاصة للاتصال بكِ لكون الموضوع شخصي ومهم جدا ولا يصح ان يذكر على العام تحياتي لك وانتظر الجواب...اخيك سيف الدين الدليمي


الاخ الكريم راسلتك على الخاص....

اختـــك حزيران

غير متصل Hayder84

  • عضو فعال جدا
  • ***
  • مشاركة: 189
  • الجنس: ذكر
    • مشاهدة الملف الشخصي
شكرا جزيلا اخي على الابداع ويارب التوفيق ان شاء الله شكرا دزيلا مره اخرى

غير متصل MUN

  • عضو فعال جدا
  • ***
  • مشاركة: 326
    • مشاهدة الملف الشخصي
    • البريد الالكتروني
شكر ا جزيلا للعزيزة الاخت حزيران
الموضوع جدا مفيد ...خاصة بالنسبة لي لاني تقديم جديد
الله يسهل عليك وعلى الجميع
وانشاء الله موعد سفر قريب

غير متصل samaalyasmin

  • عضو فعال
  • **
  • مشاركة: 72
    • مشاهدة الملف الشخصي
عااااشت ايدج وانشششاء موعد سفر قريب للجميع:-)

غير متصل fuqy

  • عضو
  • *
  • مشاركة: 12
    • مشاهدة الملف الشخصي
    • البريد الالكتروني
شكر كبير وتقدير عالي لكم لطرح هذا الموضوع المفيد..

غير متصل fuqy

  • عضو
  • *
  • مشاركة: 12
    • مشاهدة الملف الشخصي
    • البريد الالكتروني

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي


اخي الكريم...عذرا ما اكدر اجاوبك لان الاجوبه العندي مو اكيده فما اريد افتي بشي يأثر عليك سلبا...بالنسبه الشغل زوجتك فبما انه بدائرة حكوميه فاتوقع حيبين عدهم ..زين هي تروح وترجع العمان مو ينختم جوازهه...الشي المتأكده منه انه زوجتك ديربالهه تغير اقوالهه لان هي كالت جمله طول بعرض مو كلمه حتى نكول مفتهمت ونداركهه بشي ثاني.

نصيحتي انه تكتب هالشي على العام ولتكتب تفاصيل ملفك كامله مثل انت جاي على ملف اخوك واخوك اس اي في ...اشرح مشكلتك وبس ...وان شاء الله الاخوة المارين بنفس التجربه يفيدوك.

اختـــــــــك حزيران

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
شكر ا جزيلا للعزيزة الاخت حزيران
الموضوع جدا مفيد ...خاصة بالنسبة لي لاني تقديم جديد
الله يسهل عليك وعلى الجميع
وانشاء الله موعد سفر قريب


ويسهلهه عليك..انه سميع مجيب.

غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
عااااشت ايدج وانشششاء موعد سفر قريب للجميع:-)

وايدك العايشه والعاليه اخي.

غير متصل فيكتور سامي

  • عضو فعال جدا
  • ***
  • مشاركة: 226
  • الجنس: ذكر
    • مشاهدة الملف الشخصي

غير متصل ZaidShaker

  • عضو
  • *
  • مشاركة: 7
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
اخوان اني لدي اقامة بدولة الامارات العربية (دبي) (اقامة عمل) بصفة شريك لاحد الشركات الامارتية  علماً انه اني اشتغل مهندس عندهم وبسبب قوانين الاقامة رفضوا ينطوني اقامة بسنة 2008 بصفة موظف لدى الشركة فلم يكن خيار لدى الشركة سوى ان يجعلوني شريك بنسبة 1% فبقيت مستمر عندهم انا كنت سابقاً اشتغل بالعراق بشركة امريكة لحد سنة 2007
الفترة الي كنت فيها بالامارات من منتصف 2007 ولغاية نهاية سنة 2009 بس بقيت الاقامة مال الامارات وظليت اجددها (مثل ما نقول خليتها احتياط) وهي حالياً نافذة لسنة 2017 مجرد اسافر لهناك اني وعائلتي كل ستة اشهر (لغرض التجديد)
قدمت على برنامج SIV منذ سنة 2012 وحالياً آني ماشي بالاجراءت وصلت الى مرحلة NVC بعد ماحصلت على ال COM و مليت ال I-360 و هسة حصلت كيس نمبر BGH ودا احضر الوثائق الي تتعلق بالفورم 260 وملحقاتها وحالياً اني بالعراق
سؤالي هنا هل ستؤثر اقامتي على حالتي وخاصة بالمقابلة علماً ان زوجتي واطفالي ايضا لديهم اقامات على اقامتي
الرجاء من اهل الخبرة والي لديهم حالات مشابه الرد على سؤالي وشكراً

غير متصل ZaidShaker

  • عضو
  • *
  • مشاركة: 7
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني

غير متصل EMAD KIRKUKI

  • عضو جديد
  • *
  • مشاركة: 4
  • الجنس: ذكر
  • الحياة ليست عادلة، فلتعود نفسك على ذلك
    • مشاهدة الملف الشخصي
السلام عليكم
سوؤالي لاهل الخبرة:اني مقدم علىiom سنة2011لوحدي كملت مقابلةاولى2013تشرين الاول ب2014بعد دخول داعش
للعراق ضفت عائلتي 6وقبل يوم اتصلت المنظمةتحددمقابلة اولى وثانية 7-1و17-2-2016وبلغت المنظمة بالحضور
لاكن تغير الوضع وتراجعت عائلتي لحضور المقابلة وانا في حيرة من امري مالحل افيدوني ؟ :-\
تراني عالسفر ما كنت ناوي ..حكم حِكم القدر غصباً عليّا

غير متصل Asuu

  • عضو جديد
  • *
  • مشاركة: 2
  • منتديات عنكاوا
    • مشاهدة الملف الشخصي
الشكر الجزيل للاخت الفاضلة على هذه المعلومات
اريد اسالك اني في مقابلتي الاولى لما حجيت عن التهديدات الي صارت وي اخوية نسيت انه اذكر حادثتين في حين اخي ذكرها كلها فسؤالي هل في مقابلتي الثانية لما يسالني عن التهديدات وتواريخها اذكر اله انه اني نسيت ان اذكر هذه الحادثتين واعتذر منه لكوني نسيت؟
سؤالي الثاني في مقابلتي الاولى لما سالني عن اخي المتوفي وابي المتوفي في نفس السنة حيث حدثت الوفاة بفارق اشهر ماهو سبب الوفاة اني من جاوبت بجيت والذي قابلني تعاطف معي وطلب انه اتوقف عن البكاءلكن انتبهت انه أشر بالورقة الي يمه كدام مربع متلون بلون معين فهل هذا الشي يعتبر نقطه ضدي؟ وهل اذا تم سؤالي من قبل المحلف واني متاكدة همين راح ابجي لانه مااكدر امنع نفسي فهل المحلف يعتبره كضعف مني او يحلل شخصيتي على  انها غير مستقره؟

مع الشكر الجزيل وادعيلنا انه الله يفتحها بوجهنا ويوافقون علينا

غير متصل Rokka

  • عضو فعال جدا
  • ***
  • مشاركة: 142
  • منتديات عنكاوا
    • مشاهدة الملف الشخصي
السلام عليكم
طبعا هذا و بعض المواضيع الاخرى من افضل مواضيع مقابلة المحلفين و لغرض استمرار الموضوع ليكون موسوعه لكل من يترقب مقابلة المحلفين المصيريه اتمنى من كل من قابل ان يشارك تجربته بهذا الموضوع

و بما انني كنت واحد من الذين استفادوا بشكل كبير جدا من هذه المواضيع و قد اكملت مقابلتي سأشارككم تجربتي مع المحلفه

في تمام الساعة السابعه و النصف صباحا كنا في منظمة الهجرة الدوليه في عمان بعد التفتيش و اخذ الباجات انتظرنا في صاله الانتظار لحوالي الساعه الثامنة صباحا ثم نادت اسمائنا موظفه طلبت منا التوقيع على بعض الاوراق بملفنا ثم رجعنا للانتظار فترة بسيطة حتى نادت اسمائنا موظفة اخرى لغرض اخذ البصمات و الطول و الوزن و صورة.

بعدها اخذونا كلنا المقابلين للطابق الرابع بالمنظمة كان هذا بحوالي الساعه 9، شرحوا طبيعه المقابله و النتائج و سألوا اذا كان هناك شخص مريض و لا يستطيع الانتظار طويلا حتى يقابله المحلف اولا.
بعد 10 دقائق نادوا اسمائنا و اخذنا المترجم لغرفة المحلفه و طلبت منا الحلفان على قول الحقيقه و سألت هل لدينا وثائق نرغب باضافتها و اعطيتها كل الوثائق مرتبين فكان انطباعها و تعليقها اننا مرتبين جدا بعدها بدأت تسأل اسئله عادية عن السيرة الذاتيه الاسم ، اللقب و الدراسة، تاريخ دخول الاردن و غيرها من التفاصيل العاديه طبعا بوجود جميع افراد العائله و بعدها سألت عن السفرات خارج البلد الاصلي و كنت محضر ورقه بها تواريخ الدخول و الخروج فستأذنت منها ان اقرأ من الورقه فسمحت لي و اعطيناها تواريخ جميع السفرات و سببهم بعدها سألتنا اسئلة جوابها نعم او لا
وقفت امام قاضي ، شاركت بأبادات، ساعدت ارهابين ، اسئله عاديه جدا و مثل ما موجود بالموضوع الرئيسي
بعدها طلبت من باقي افراد الاسرة الخروج و بدأت تسألني لمدة ساعه تقريبا عن سبب خروجي من العراق و كيف خرجت فشرحت السبب و هي تكتب و اذا كانت هناك نقطة لم تفهمها توقفني و تطلب مني ان اعيد هذه النقطة و بعدها سألتني لماذا لا ارجع للعراق فشرحت الاسباب يعني شرحت الوضع و بعدها سألتني كم سؤال بخصوص الاسباب و اسئله عامة مثل:
لماذا يهددوكم هؤلاء الاشخاص؟
من هؤلاء الاشخاص؟
لماذا لا تلجأوون للجكومة و الشرطة ؟
لماذا الشرطة او الحكومة لا تستطيع حماية انفسهم؟
لماذا لا تسكنون كردستان؟
لماذا لا تسكنون في محافظة اخرى؟
لماذا لا تسكنون بحي اخر في بغداد؟
لماذا هذا الجهة التي تهددكم لا تريد الامريكان ؟
لماذا يعتبروكم خائنين؟
لماذا التعامل مع الامريكان يعتبر خيانه؟
ماذا سيفعلون بكم في حال رجوعكم؟
ماهو اكثر شي يخيفكم من الرجوع؟
لماذا الشيعة يقتلون السنة أو العكس؟
كيف سيتعرف الجهة المهدده انكم رجعتم للعراق؟
ماذا سيحدث اذا سكنتوا في البصرة (او غير محافظة)؟
هل هذه الجهة لا تزال مزاوله لاعمالها في العراق ؟
هل هذه الجهة تستهدف الامريكان ؟
في حال كنت اجاوب بأني لا اعلم تفكير او اهداف الجهة المهدده تجنبا للخوض في نقاشات لا داعي لها كانت تسألني هل سمعت بالاخبار
شي عن اعمالهم او ما هي اهداف هكذا جماعات بالاخبار؟

اجوبتي كانت دبلوماسية جدا يعني يأما كنت اجاوب باني لا اعلم كيف تفكر هذه الجهات او ما هي اهدافها
و عن سؤالها لماذا يهددوكم شرحت لها الاسباب بشكل مختصر جدا و قلت لها  THEY BELIEVE we have strong US tie
 فسألتني و لماذا هذا الارتباط مشكله ؟
فجاوبتها انه هم يعتقدون و لست انا من يعتقد بان من لديه صله مع الامريكان لا تهمه  افضل مصلحة البلد
سألت كيف يعني وضحلي ذلك اكثر فجاوبت بأنهم هم يعتقدون بأن من له علاقه مع الامريكان خائن
سألت لماذا جاوبتها لا اعلم هذا اعتقادهم هم و ليس اعتقادي و لا اعرف كيف يفكرون

يعني الاجوبه يفضل اختيار كلمات محايده قدر الامكان و اجوبه دبلوماسية لتجنب الخوض في مناقشات سياسيه ليس لها داعي
و طبعا حاول التكلم باللغه الانكليزية قدر الامكان لاني لاحظت ان التكلم بصورة مباشرة معها ترك لديها انطباع ايجابي
كانت مؤدبه جدا و اعطتني مجال للتكلم و الرد بحريه
بالجزء الاول هذا دامت المقابله لمدة ساعه الى ساعه و ربع و بعدها بربع ساعه تقريبا ادخلت شخص ثاني بالعائله و كان هناك مجال حتى تتطابق اجوبتنا بهذه الربع الساعه و الشخص الثاني طول حوالي نص ساعه الى ساعه و بعدها دخلت انا مرة اخرى سألت سؤالين جاوبت و طلعت بعدها بنصف ساعه دخلتني مرة اخرى و سألت سؤال عادي و عن القصه و طلعت
و بعدها ظليت انتظرحتى الساعه الخامسة عصرا كنا منهكين جدا جدا بالرغم ان المقابله عاديه لكن الانتظار على الكراسي من ال7:30 الصبح لل 5:00 عصرا بدون اكل جيد و الاطفال حولناو صراخهم كان عذاااب . المهم الساعه 5 دخلتني مرة اخرى و سألت مرة اخرى نفس الاسئله و جاوبت نفس الاجوبه طولت حوالي نصف ساعه و شكرتني و رجعت للقاعه هذه المرة نادت الشخص الثاني فورا فلم الحق ان اشرح ماذا سألتني و ماذا جاوبت لكن هي نفس الاسئله و بعدها شكرتنا و انتظرنا بالقاعه الى الساعه 6:30 العصر كنا مستووين خرجنا من المنظمه و رجعنا للبيت كنا نفسيا مرتاحين اكثر لان المحلفه كانت لطيفة و متفهمه و اجوبتنا كانت متطابقة و بعد اربع ايام استلمنا تلفون من المنظمة باستلام النتيجه بعد اسبوع و هنا كانت المفاجئة و التوتر الغير المتوقع نظرا لسرعه النتيجة و عدم وجود فحص طبي لذلك توترنا جدا و حاولنا تذكر اذا كانت هناك نقطة بالمقابله غفلنا عنها او اخطأنا فيها
بعد 3 ايام على النتيجه و نحن بالانتظار و رجع التوتر النفسي
اتمنى دعواتكم بالموافقه و تيسير السفر و يارب ميكون رفض
و اتمنى للجميع الموفقيه و السفر بالقريب العاجل