المحرر موضوع: جمعية ملف $$$123$$$ (زيارة 7712 مرات)

looking for peace · « **في:** 12:41 12/02/2013 »

السلام عليكم...... بعد التحية والسلام على جميع اعضاء. موقعنا الرائع ... حبيت احذو حذو الاخت نور علي واسس جمعية خاصة باالملفات الي تبدي 123 وشنواخر اخبارهم اشو مدا اشوف الا القليل منهم .. ياريت الكل مسافرين . ً راح ابدي بنفسى واكتب تفاصيل ملفي وارجو منوالاخوة اللي نفس ارقام ملفي يدخلو ونشوف شنوالوضع وياكم .... تحياتي للجميع المقابلة الاولية بتاريخ 4 شهر واحد 2012 @ مقابلة محلفين يوم 12 شهر 2 ًًً،، 2012 @ فحص طبي 28 شهر 2 سنة 2012 @@@ وقبل 20 يوم تحول التجييك الامني من غبر مكتمل الى بالانتظار ......... هسه اخواني اللي ملفاتهم مثلي يشرفونه بهايةالجمعية ........ اخوكم رضا

looking for peace · « **رد #1 في:** 13:13 12/02/2013 »

Case Status (حالة الملف)   HOLD ( مُعٌلقة)
Case Size (عدد الأفراد)   5
Prescreen Interview Status (المقابلة الاولية)   COMPLETED (مكتمل)
USCIS Interview Status (مقابلة المحلفين)   COMPLETED (مكتمل)
Medical Screening (الفحص الطبي)   COMPLETED (مكتمل)
Security Review (التشييك الامني)   Pending (بالانتظار)
Travel Status (حالة السفر)   NO ACTIVITY (غير فعال)
Destination City(المدينة)   Houston,TX
Airport Code(المطار)   HOU

ام اديان · « **رد #2 في:** 13:24 12/02/2013 »

السلام عليكم .ملفنه يبدي 123 واليوم تحول من انتظار الى فعال وهاي تفاصيل الملف والمقابلات:
تقديم 2010
مقابله اولى 16/2/2012
فحص طبي 20/3/2012
مقابلة محلف 10/6/2012
دفرال لتر 28/7/2012
اتصالين بالكفيل بدون توقيع الاول قبل نتيجة المحلف والثاني بالعاشر وراها ضافولنه المدينه والمطار.
ان شاء تكون جمعية خير عالجميع وكلنا نسافر عن قريب.
تقبلو تحياتي.
اختكم ام اديان

looking for peace · « **رد #3 في:** 17:05 12/02/2013 »

السلام عليكم ... حياك الله اختي ام اديان ،،، انتي اول عضو يرد على الموضوع واتمنه من البقية المشاركة. طبعاً يوجد الكثيرون ممن لم يسجلوا في هذا المنتدى الرائع ولم يشاركوا ايظاً ... انشالله نسمع اخبار مفرحة عن قريب عن ملفك بحق محمد وال محمد .. وشكراً للمشاركة ........... رضا

ام اديان · « **رد #4 في:** 19:22 12/02/2013 »

وعليكم السلام اخي .الف شكر عالدعاء ان شاء الله الفرج القريب للجميع.اني اول عضو رديت ان شاء الله فالي خير عليكم بس الظاهر ماكو غيرنه لو بعد ما منتبهين عالموضوع .الله كريم واني هم من يمي راح ارفع الموضوع دائما لمن نشوف عدد الباقين وربك يسهل عالجميع ان شاء الله.

space · « **رد #5 في:** 19:41 12/02/2013 »

السلام عليكم
حبيت اشارك بلجمعية اني هم ملفي 123 تقديم الاردن
متحول منun الى اي او ام 2010
اول مقابلة شهر 8 2011 مع بصمات
مقابلة محلفين 11 2011
اول فحص طبي 12 2011
استلام الظرف 24/12/2011 الموافقة بشرط الموافقة الامنية
اتصال بلكفيل شهر 2/2012 مع توقيع الاوراق
اعادة فحص 7/2012
اعادة فحص 2/2013
وحالة الملف هولد
ولحد الان انتظر الموافقة الامنية ( البلية ) وانشاء الله الفرج للجميع المنتظرين ونسمع اخبار مفرحة

أم إبراهيم · « **رد #6 في:** 20:06 12/02/2013 »

السلام عليكم ..

أحنا هم ملفنا يبدي ب 123
تقديم يو ان من 2010
تحويل للآي او ام ومقابلات بال 2011
10/2012 اتصال بالكفيل ودورة تثقيفية
حالة الملف فعال من شهر ال 11/ 2012
ولحد هسة الأمنية بالأنتظار

family1 · « **رد #7 في:** 21:03 12/02/2013 »

السلام عليكم
نحن عائلة متكونة من ثلاث افراد 123-IZ تحول ملفنا بقل اسبوعين الى فعال عدنا الفحص الطبي 1-2013 وتاريخ تقديمنا كان بسنة 2010 ومكملين كل شىء حتى الامنية كاملة

ولكم منى جزيل الشكر والتقدير....

الحـلم الوردي · « **رد #8 في:** 21:56 12/02/2013 »

اني وياكم 123

مقدم من بغداد ........ مكمل كلشي .. اليوم الملف تحول الى فعال ....

الاخ او الاخت فاملي 1

ملفكم اكتملت الامنية ورة ما صار فعال ؟ ... الرجاء تفاصيل الامنية ومتى تغيرت

تحياتي

looking for peace · « **رد #9 في:** 09:58 13/02/2013 »

(space* ام ابراهيم*. Family *. الحلم الوردي * ) السلام عليكم ..........
اول شئ نورتونا بهاي الجمعية اللي تهتم باصحاب الكيس "123" واللي نحب من خلال مشاركاتكم نشوف سير الملفات .....
انشالله السفر العاجل واهم شئ ان نكون موفقين بهاي الخطوة ......
تحياتي الكم جميعاً

THE SENATOR · « **رد #10 في:** 10:25 13/02/2013 »

السلام عليكم

شلونكم عيوني

اني وياكم بنفس الجمعيه (123)

مكمل كلشي وسويت اعادة الفحص قبل اسبوعين ولحد الان الفحص ( فعال ) ىما ادري شوكت ايصير ( مكتمل )

علماُ حالة الملف ( هولد) والامنية الكشرة ( انتضار)

اتمنى ان تنطوني رد بخصوص الاعادة الفحص وشكوكت يتحول الملف من ( هولد ) الى فعال )

تحياتي الكم جميعاً

الام الطيبة · « **رد #11 في:** 10:48 13/02/2013 »

السلام عليكم انى هم وياكم جماعه الملف 123 يابنائى والى هسه كلشي ماكو تقديم 2010 شهر 9
مقابله اولى 12_7_2011 ومقابله المحلفين 28_11_2011 واستلام المغلف 26_12_2011 تعليق لان المحلف الى هسه مناطى قرار وتم اعادة البصمات 6_9 2012 وهمماكو اى تقدم بالملف لا اتصال بالكفيل ولا فحص ولا كلشي بس رحمه الله ننتظرها

smart81 · « **رد #12 في:** 11:28 13/02/2013 »

السلام عليكم .. احب انضم للمجموعه واشكر صاحب الموضوع
اني نايمه عليه الطابوكه وكما موضح ادناه

:
تقديم 1-2011 اي او ام بغداد
م.اولى 6-2012
فحص 8-2012
ولحد الان ممقابل محلفين واخذت بصمات بالمقابله الاولى وملفي فعال .. شكرا واسالكم الدعاء والله يسهل امر الجميع

looking for peace · « **رد #13 في:** 12:00 13/02/2013 »

(the Senator @. الام الطيبة @ smart @
السلام عليكم احبتي
مرحباً بكم في جمعيتنا المتواضعه ونورتونا وانشالله الفرج اللي فيه صالح الجميع ( ولحد يكول خلي ينزل صالح) !!!!
سيناتور حبيب انته ملفك الحمد لله زين عايد فحص يعني الامل قوي بقوة الله ويتصلون بيك عن قريب اني لسه ما صار اكسباير. لان فاحص نهاية شهر 2 سنة 2012 فاطمان انشالله خير
امنا الطيبة انشالله تفحصون ويتغير ملفكم للافضل والصبر مفتاح الفرج
Smart كلبي دعواتنه الك وتكمل محلفين انشالله......
احبائي حالوا تنطون تفاصيل اكثر عن حالة الملف يعني تواريخ التقديم ومن وين بغداد - عمان- وهيج حتى نعرف ،،،،،، رضا

family1 · « **رد #14 في:** 16:50 13/02/2013 »

الاخ المحترم الحلم الوردي
الملف اتحول من هولد الى فعال قبل اكثر من اسبوع لان كنا نتابعه يوميا ولكن من انقطع النت وراها هاي اليومين والملف تحول من هولد الى فعال..اما بالنسبة للامنية فاصبحت كومبليتد بعد انتظار اكثر من سنة ونصف والفحص الطبي نهاية شهر الواحد اعدنا الفحص واليوم اتغير احد ملفاتنا امام الفحص الطبي كومبليتد اما الاثنين الاخرين من ملفاتنا فبقت ان بروسيس...هذه التفاصل كتبتها كما طلبتها مني وان شاء الله افيدكم اول باول
لان هواي ناس اعطتنا معلومات مفيدة واحنا بدورنا لازم نفيد

looking for peace · « **رد #15 في:** 17:30 13/02/2013 »

"family " الف مبروك ويوم سفركم انشالله
وشكراً على تحديث المعلومات.... الحمد لله السفر وحسم الملفاتةدا يتم بسرعه كبيرة .... رضا

Heading 270 · « **رد #16 في:** 19:16 13/02/2013 »

السلام عليكم ورحمة الله وبركاته على جميع الاخوة والاخوات المشتركين في هذه الجمعيه والشكر للأخ Looking for peace
انا ايضا اريد ان اشارككم هذه الجمعيه وملفي يبدأ 123
2007 UN تقديم
مقابلة توطين 03 – 11 – 2010
مقابلة اولى 07 –06 –2011
مقابلة محلفين 15 – 08 – 2011
موافقة المحلف 25 – 11 – 2011 يعني سنة و3 أشهر حتى نطق بالموافقة
فحص طبي 27 – 11 – 2011 وصار مكتمل بعد اسبوع 04 – 12 – 2012
الامنية وما انكول الكشرة لا تزعل وما تجي بعدها انتظار .
حالة الملف بأنتظار النتيجة
سؤال للجميع , هل الفترة الي يستغرقها المحلف حتى ينطق بالموافقة تاخذ من الوقت المطلوب او المستغرق للأمنيه يعني اتقللها ؟ مع الشكر الجزيل
اللهم افتح علينا ابواب رحمتك وفرج الكرب عن المكروبين والمهمومين يارب العالمين .

الحـلم الوردي · « **رد #17 في:** 20:11 13/02/2013 »

مقتبس من: family1 في 16:50 13/02/2013

الاخ المحترم الحلم الوردي
الملف اتحول من هولد الى فعال قبل اكثر من اسبوع لان كنا نتابعه يوميا ولكن من انقطع النت وراها هاي اليومين والملف تحول من هولد الى فعال..اما بالنسبة للامنية فاصبحت كومبليتد بعد انتظار اكثر من سنة ونصف والفحص الطبي نهاية شهر الواحد اعدنا الفحص واليوم اتغير احد ملفاتنا امام الفحص الطبي كومبليتد اما الاثنين الاخرين من ملفاتنا فبقت ان بروسيس...هذه التفاصل كتبتها كما طلبتها مني وان شاء الله افيدكم اول باول
لان هواي ناس اعطتنا معلومات مفيدة واحنا بدورنا لازم نفيد

الاخ العزيز فاملي ...

بس حبيت اعرف الامنية اكتملت وي تحول الملف الى فعال ؟

انت كاتب ورة سنة ونص ... ورة سنة ونص من مقابلة المحلف لو من التقديم على الاي او ام ؟

ارجو التوضيح .....

لان اني ملفي قبل يومين تحول فعال بس الامنية بعدهي بالانتظار

شكرا لك

hasan samer · « **رد #18 في:** 20:28 13/02/2013 »

السلام عليكم
اني من اصحاب الملفات 123 , عائلة مكونة من 9

مقدم من 2010
مقابل ومكمل مقابلات 2011
مكمل الدورة التثقيفية
كفيلي موقع اوراقي صار تقربا 9 اشهر او اكثر
شنو بعد !!!

اعدت الفحص الطبي قبل شهر !!!!!
الموقع مالتي مسدود صار الة ثلاث اشهر !!!
ودزيت الهم رسائل بس ماكو اي نتيجة ولا رد لحد الان

اسئل الله ان يسهل عليكم وعلينا انة مجيب الدعاء

family1 · « **رد #19 في:** 20:45 13/02/2013 »

مقتبس من: الحـلم الوردي في 20:11 13/02/2013

مقتبس من: family1 في 16:50 13/02/2013
الاخ المحترم الحلم الوردي
الملف اتحول من هولد الى فعال قبل اكثر من اسبوع لان كنا نتابعه يوميا ولكن من انقطع النت وراها هاي اليومين والملف تحول من هولد الى فعال..اما بالنسبة للامنية فاصبحت كومبليتد بعد انتظار اكثر من سنة ونصف والفحص الطبي نهاية شهر الواحد اعدنا الفحص واليوم اتغير احد ملفاتنا امام الفحص الطبي كومبليتد اما الاثنين الاخرين من ملفاتنا فبقت ان بروسيس...هذه التفاصل كتبتها كما طلبتها مني وان شاء الله افيدكم اول باول
لان هواي ناس اعطتنا معلومات مفيدة واحنا بدورنا لازم نفيد

الاخ العزيز فاملي ...

بس حبيت اعرف الامنية اكتملت وي تحول الملف الى فعال ؟

انت كاتب ورة سنة ونص ... ورة سنة ونص من مقابلة المحلف لو من التقديم على الاي او ام ؟

ارجو التوضيح .....

لان اني ملفي قبل يومين تحول فعال بس الامنية بعدهي بالانتظار

شكرا لك

وره سنه و نص من مقابله المحلف

space · « **رد #20 في:** 20:56 13/02/2013 »

السلام عليكم اني الى حد البارحة جان الملف هولد صار اكثر من سنة بس اليوم بقدرة قادر اتحول ملفي من هولد الى فعال بعد انتظار اكثر من سنة انشاء الله هذي الجمعية فاتحة خير على كل ال 123 وانشاء الله التساهيل من الله
بس الامنية بعدهة انتظار

looking for peace · « **رد #21 في:** 08:01 14/02/2013 »

( heading" space" hasan " ) السلام عليكم ويارب يحقق امانيكم
نورتو الجمعية وشكراً على هذاالتواصل ودا اشوف ملفاتةالاخوة دا تتحرك بصورة تبعث الامل ......
انشالله السفر للجميع
رضا

THE SENATOR · « **رد #22 في:** 11:00 15/02/2013 »

يارب هايه الجمعيه فاتحت خير علينه

بس اني عندي ولد صديق البارحه حالة الملف مال اهله صارت فعال

والامنيه مكتمل بس الفحص الطبيي لحد الان فعال من سوو الاعادة

همه هم من جماعة 123 بس ممسجلين بالمنتدى

اتمنى اتشوفون حل للجماعه

sarmad ali · « **رد #23 في:** 16:50 15/02/2013 »

والله عاشت الايادي علة هاي الجمعية ... اني ملفي صارلة اكثر من سنة هولد واليوم الصبح اتحول فعال بس الامنية بعدهة انتظار واني سويت اعادة فحص قبل شهر وصار الفحص الطبي مكتمل قبل اسبوعين تقريباً

looking for peace · « **رد #24 في:** 19:09 15/02/2013 »

السلام عليكم اخونا الغالي سرمد
احييك في هذه الجمعية ويارب تكون فاتحة الخير على الكل وانشالله يوم تبرشنه بسفرك، وسفر جميع الاخوة....
رضا

sarmad ali · « **رد #25 في:** 22:14 15/02/2013 »

مقتبس من: looking for peace في 19:09 15/02/2013

السلام عليكم اخونا الغالي سرمد
احييك في هذه الجمعية ويارب تكون فاتحة الخير على الكل وانشالله يوم تبرشنه بسفرك، وسفر جميع الاخوة....
رضا

انشاء الله الخير للجميع والموفقية ... اشكرك اخوية الغالي

sarmad ali · « **رد #26 في:** 11:46 16/02/2013 »

اخوان سؤال هوة صحيح العلم علم الله سبحانة ، هسة اني متحول شي عندي بس الملف صار قبل يومين الملف صار فعال والامنية بعدهة انتظار يعني شكد وتتوقعون ويصير شي ثاني وهل انو موضوع الملف يصير فعال هذة شي زين او شي طبيعي
انشاء الله السفر للجميع والموفقية ياررررب

ام اديان · « **رد #27 في:** 12:05 16/02/2013 »

مقتبس من: sarmad ali في 11:46 16/02/2013

اخوان سؤال هوة صحيح العلم علم الله سبحانة ، هسة اني متحول شي عندي بس الملف صار قبل يومين الملف صار فعال والامنية بعدهة انتظار يعني شكد وتتوقعون ويصير شي ثاني وهل انو موضوع الملف يصير فعال هذة شي زين او شي طبيعي
انشاء الله السفر للجميع والموفقية ياررررب

اخي الكريم هوايه اخوان بالمنتدى صار عدهم هذا التحول بالفتره الاخيره اللي صار بيها تسريع عالملفات واحنه من ضمنهم صار 4 ايام من تحول الملف فعال والامنيه بعد بالانتظار بس هو اكيد تحول ايجابي والبعض من الاخوه توقع خلال شهر يتحول بس احنه حماي هم ويانه ومقابلاتنه كلها سوه ولمن تحول ملفنه بقه ملفه ما متحول بس وره يومين تحول واكتملت عنده الامنيه بس السفر باقي غير فعال يعني ان شاء الله يتحول بفتره قريبه والله يسهل عالجميع.

looking for peace · « **رد #28 في:** 12:14 16/02/2013 »

السلام عليكم .....
اخوي سرمد اكيد اي تغيير يحدث بحالة الملف معناه اكو تطور وانوا ملفك دا يتقدم بس اصبر وانشالله يوم سفرك.....
االاخت العزيزة نور.... ما أكول غير " رب أعطهم افضل ما يتمنون لنا" ويارب السفر للجميع .... رضا

sarmad ali · « **رد #29 في:** 13:24 16/02/2013 »

انشاء الله التساهيل للجميع واشكركم علة احلى ردود ويارب تفرج عن قريب

sarmad ali · « **رد #30 في:** 15:27 16/02/2013 »

مقتبس من: ام اديان في 12:05 16/02/2013

مقتبس من: sarmad ali في 11:46 16/02/2013
اخوان سؤال هوة صحيح العلم علم الله سبحانة ، هسة اني متحول شي عندي بس الملف صار قبل يومين الملف صار فعال والامنية بعدهة انتظار يعني شكد وتتوقعون ويصير شي ثاني وهل انو موضوع الملف يصير فعال هذة شي زين او شي طبيعي
انشاء الله السفر للجميع والموفقية ياررررب
اخي الكريم هوايه اخوان بالمنتدى صار عدهم هذا التحول بالفتره الاخيره اللي صار بيها تسريع عالملفات واحنه من ضمنهم صار 4 ايام من تحول الملف فعال والامنيه بعد بالانتظار بس هو اكيد تحول ايجابي والبعض من الاخوه توقع خلال شهر يتحول بس احنه حماي هم ويانه ومقابلاتنه كلها سوه ولمن تحول ملفنه بقه ملفه ما متحول بس وره يومين تحول واكتملت عنده الامنيه بس السفر باقي غير فعال يعني ان شاء الله يتحول بفتره قريبه والله يسهل عالجميع.

اختي والله ماعرف شلون دتمشي الوضعية بس علة العموم صار سنة ملفاتنة هية هية المهم صار اي تغيير والله العظيم اني من صار الفحص الطبي اكسباير فرحت كلت يلة المهم اكو حركة بالملف ... انشاء الله تمشي امور كل العالم يارب

THE SENATOR · « **رد #31 في:** 15:39 16/02/2013 »

ياأخواني وياخواتي

اني كملت الاعادة الفحص بيوم 2013.1.29

ولحد الان مكتوب بالجدوك (فعال )

متكوليلي شوكت ايصير مكتمل ؟؟

space · « **رد #32 في:** 16:48 16/02/2013 »

اخي العزيز سيناتور اني اعدت الفحص الطبي الثالث يوم 21/1 هسة قبل يومين اتحول الى فعال يتحول انشاء الله عندك هذي الايام

looking for peace · « **رد #33 في:** 17:16 16/02/2013 »

السلام عليكم ....
اخوتنا تفائلوا بالخير تجدوه ... هاى السنة اخبار السفر طيبة وانجاز الملفات دا يجري بشكل سلس ودا نسم مواعيد سفر هواي ... وخلي في بالكم كثير دا يسافرون وما مشاركين ايظاً بالمنتدى ، منهم يتصفح ويستفاد بدون ان يعمل مشاركة ومن يسافر لا حس ولا خبر . وهناك ناس لا يعرفوا بمنتدانا هذا لا من بعيد و لا من قريب وهم كثر جداً.... انا عندي صديق سافر يوم 11 بهذا الشهر وهو لا مشترك بالموقع ولا شئ ... وهو من الملفات القديمة 109 او هيج شئ،،،،،، ويسلم عليكم هسه بدالاس تكساس ،،،،،، فالحمد لله اولاً واخراً ،،،، نسيتو المكتوب على الجبين لازم تشوفهةالعين،،،،،، فخلوا امركم بيد الله ولا تفكروا فلها مدبر ........ رضا

looking for peace · « **رد #34 في:** 08:10 18/02/2013 »

السلام عليكم ورحمة الله وبركاته.....

اليوم احد الاخوة نزل موضوع موعد سفره اللي حيكون بالشهر الثالث وهو من جماعتنه 123 ومقدم 2011 بس هو ما مشترك ويانه بهذه الجمعية ... فالف مبروك ويوم سفركم جميعاً..... رضا

sarmad ali · « **رد #35 في:** 17:08 24/02/2013 »

السلام عليكم ...
اخوان بشرو محد صار ويا شي جديد
انشاء الله الموفقية للجميع يارب

Heading 270 · « **رد #36 في:** 17:35 24/02/2013 »

هدووووووووووء وان شاء الله يكون هذا الهدوء الي يسبق السفر بس ما اطول ان شاء الله .

ام اديان · « **رد #37 في:** 18:32 24/02/2013 »

الاخ looking for peace الله يبشرك بالخير ان شاء الله يعني اكو امل نسافر

looking for peace · « **رد #38 في:** 10:13 25/02/2013 »

السلام عليكم

اختي ام اديان والاخوة الاعزاء جميعاً . اول شئ لازم نخلي توكلنا على الله في كل الامور وانونعيش حياتنا بشكل طبيعي وبدون ان نفكر بالسفر بس نبقى ندعوا لله بالتوفيق لما فيه خبذنا وخير الاخرين من اهلنا واخوتنا .. طبعاً صار عندي يقين انو قضية السفر تتحكم بيها عدة عوامل منها . 1- المنظمات اللي تستلمنا هل اكنلتةالاجراءات.2- اختيار الولاية مهم ايظاً لانةبعض الولاياتةعليها لود قوي . 3- التجييك الامني .4- موضوع الرشاوى واللعب بالملفات وووووووو الخ الخ الخ. بس ماعدنا غير الدعاء للكل بالخير والموفقية تسهيل الامر ...... رضا ه

THE SENATOR · « **رد #39 في:** 11:49 25/02/2013 »

طبعا لحد اعادة الفحص الطبي مكالتي مكتوب فعال

وصارلي (27) ومتحول الى مكتمل

ما ادري شوكت الله يفرجه وتصير النتيجه مكتمل

ادعولي

smart81 · « **رد #40 في:** 15:59 25/02/2013 »

مقتبس من: THE SENATOR في 11:49 25/02/2013

طبعا لحد اعادة الفحص الطبي مكالتي مكتوب فعال

وصارلي (27) ومتحول الى مكتمل

ما ادري شوكت الله يفرجه وتصير النتيجه مكتمل

ادعولي

اخويه سيناتور كلش طبيعي اني وره 40 يوم يله تحول مكتمل فليضل بالك تره كلش طبيعي اكو ناس وره شهرين يله صار مكتمل واكو وره اسبوع والله يسهل امرك

space · « **رد #41 في:** 19:27 25/02/2013 »

اني هم من جماعة 123 عمان اني الملف هولد من قبل اكثر من سنة قبل اسبوعين تحول فعال وقبل يومين اتصلو بلكفيل للمرة الثانية يأكدون الكفالة والكفيل موقع الاوراق قبل سنة وهسة مادري الامنية بعدهة بلانتظار

ام اديان · « **رد #42 في:** 09:02 27/02/2013 »

السلام عليكم اخواني واخواتي .حبيت ارفع معنوياتكم .البارحه واول البارحه انطو موعد لثلاثة ملفات كلها تبدي 123 ونطوهم موعد يوم 12/3 سويه لان عائله وحده عمي واخوان زوجي اثنين واحد منهم تحول ملفه واكتملت عنده الامنيه يوم 15 بهذا الشهر .
الله يفرجها علينا وعليكم اجمعين .
اختكم ام اديان

ام اديان · « **رد #43 في:** 19:53 01/03/2013 »

اخوان ماكو تغيير بملفاتكم ؟ اللي تحولت ملفاتهم فعال ماصار بعد تغيير؟؟؟

space · « **رد #44 في:** 20:38 01/03/2013 »

السلام عليكم اني البارحة وصلت صديقي ديسافر لأريزونا ومن وصلنا الى المطار جانو تقريبا 20 عائلة وكم واحد عزابي وتعرفنة على ولد هم رايح لأريزونا وسألتة كلي رقم ملفة jo-123 اما بلنسبة الي البارحة خابروني الصبح وبعدني مكلت الو انقطع الخط وخابرتهم كلولي احنة نشوف منو خابرك ونتصل بيك ومحد اتصل ودزيتلهم ايميل علمود اخاف يكولون اتصلنة بيك ومحد مرد ودانتظر شوكت الامنية تصير مكتمل وانشاء الله خير

looking for peace · « **رد #45 في:** 08:48 02/03/2013 »

السلام عليكم اخوتي .......

حبيت ابشركم بتغيير بملفي في خانة الفحص الطبي حيث تحول الى فعال وبسرعه جيدة اي بمحرد ما صار الفحص عندي اكسباير تغيرت حالة الملف وادعولي يتصلون بيه حتى اعيد الفحص الطبي وربنا يسهل .........
رضا الحلي

Sound of Soul · « **رد #46 في:** 09:02 02/03/2013 »

تم تثبيت الموضوع هنا .......

http://www.ankawa.com/forum/index.php/topic,603190.0.html

Sound of Soul

Heading 270 · « **رد #47 في:** 10:13 02/03/2013 »

مقتبس من: looking for peace في 08:48 02/03/2013

السلام عليكم اخوتي .......

حبيت ابشركم بتغيير بملفي في خانة الفحص الطبي حيث تحول الى فعال وبسرعه جيدة اي بمحرد ما صار الفحص عندي اكسباير تغيرت حالة الملف وادعولي يتصلون بيه حتى اعيد الفحص الطبي وربنا يسهل .........
رضا الحلي

ان شاء الله يتصلون بيك بأسرع وقت وتكون فاتحة خير لأكمال باقي ملفك والسفر العاجل .

looking for peace · « **رد #48 في:** 10:52 02/03/2013 »

السلام عليكم ....
حبيبي الغالي Heading

اشكرك جدا ويارب تتسرع جميع الملفات ويسافر الجميع

رضا الحلي

ام اديان · « **رد #49 في:** 20:08 02/03/2013 »

الف شكر للاخت ساوند لتثبيت الموضوع.
الاخ الكريمlooking for peace ان شاء الله تفرج ويتصلون بيك بوقت قريب

ام اديان · « **رد #50 في:** 19:16 13/03/2013 »

شخباركم اخواني واخواتي ؟ ماكو تغيير بملفاتكم شويه يرفع المعنويات؟

صبيه · « **رد #51 في:** 20:08 13/03/2013 »

اخواني اني حبيت اشارك وياكم ملفي 123 مقابله اولى بشهر الخامس 2011 ومقابله المحلفين شهر السادس 2011 وفحص طبي اول شهر السابع 2011 واعاده الفحص 2012 شهر السابع الاتصال بلكفيل مرتين بدون توقيع الاوراق ملفي فعال منذ 5 اشهر الامنيه مازالت بلانتظار انشاء الكل اتسافر وتخلص من هم الانتظار لان اعصابنه تعبت تحياتي الكم
اختكم صبيه

مشتول · « **رد #52 في:** 20:27 13/03/2013 »

اخواني يشرفني انضم لجمعية الملفاتهم تبدي 123
التقديم يو ان شهر العاشر 2010
توطين شهر الواحد 2011
مقابله اولى شهر السابع 2011
محلف شهر الثامن 2011
استلام الموافقه المشروطه بالامنيه شهر التاسع 2011
عايد فحص مرتين و بانتظار الفحص الثالثث لان صار فعال بالموقع من اربع شهور
طبعا اني من عمان
لحد الان لا اتصال بالكفيل و لا نازله الولايه و المطار بالموقع
اخوتي ممكن تحليلاتكم لوضعي\....يعني ليش مامتصلين بكفيلي لحد الان مع انه الكفيل اختي و الكيس المربوطه ربط قوي معي تم الاتصال بالكفيل اللي هو نفسه كفيلي من اكثر من سنه....هل يجوز اكتفو طالما الربط بيناتنا قوي...اسف على الازعاج بس اتمنى تساعدوني و توضحولي اخوتي

ام اديان · « **رد #53 في:** 12:08 14/03/2013 »

ام اديان · « **رد #54 في:** 12:50 27/03/2013 »

اخواني واخواتي الاعزاء حبيت ابشركم انه اليوم اكتملت الامنيه بالموقع ورجع الملف فعال بعد ان كان فعال ورجع انتظار .لكن السفر بعده غير فعال والفحص الطبي فعال لان قبل كم يوم صار اكسبايرد .
ان شاء الله يوم الكم جميعا وتكتمل عدكم الامنيه وتسافرون وتخلصون يارب.
لاحظت غياب الاخ صاحب الموضوع looking for peace صار فتره اتمنى يكون المانع خير ونسمع اخبار حلوه عنه.

looking for peace · « **رد #55 في:** 10:35 04/04/2013 »

ال

السلام عليكم ورحمة الله وبركاته وبعد .......
اود أن أقول أننا أكملنا الفحص الطبي غداً والحمد لله بعدما كان اكسباير وما اعرف الخطوة الجاية شنو ، أن شاء الله خير على الجميع .... تحياتي الكم آشو مأكو ...
طبعاً اللي شفتهم بالفحص اغلبهم ما يعرفون شن. موقع عين كاوة والملفات اللي كدرت اعرفها هيه كلأتي ( 116، 138،، 123،) وآخرين لم يبوحوا بأسرار هم لأنهم بقوا صامتين كعادتهم ونحن نحترم أسباب الجميع ونتمنى التوفيق للجميع......... رضا الحلي

looking for peace · « **رد #56 في:** 10:40 04/04/2013 »

السلام عليكم أختي أم أديان
الله يحفظكم ويسهل أموركم بحق محمد وآل محمد أشكركم اختنا على تفقد إخوتك .... الشغل مأخذ وقتنا والعون من الله .....
تحياتي الكم جميعاً.....

رضا الحلي

looking for peace · « **رد #57 في:** 10:46 04/04/2013 »

السلام عليكم أختي أم أديان
الله يحفظكم ويسهل أموركم بحق محمد وآل محمد أشكركم اختنا على تفقد إخوتك .... الشغل مأخذ وقتنا والعون من الله .....
تحياتي الكم جميعاً.....

رضا الحلي

looking for peace · « **رد #58 في:** 10:53 04/04/2013 »

السلام عليكم

نرحب بالأخت صبية وبالأخ مشتول بكروبنا المتواضع ...... وشكرنا الخاص إلى الأخ sound of soul لتثبيت الموضوع ...... وأتمنى السفر للجميع

واعذروني من عدم التواجد لان اشتغل على باب الله والحمد لله على كل حال.....

طبعاً أني وجهتي تكساس هيوستن وأي احد يحتاج مساعدة بهاي المنطقة أني حاضر......

رضا الخلي

ام اديان · « **رد #59 في:** 10:57 04/04/2013 »

مقتبس من: looking for peace في 10:46 04/04/2013

السلام عليكم أختي أم أديان
الله يحفظكم ويسهل أموركم بحق محمد وآل محمد أشكركم اختنا على تفقد إخوتك .... الشغل مأخذ وقتنا والعون من الله .....
تحياتي الكم جميعاً.....

رضا الحلي

وعليكم السلام اخي الكريم كان الله في العون .اشكرك عالدعاء والله يسهل امورك ويقضي حوائجك في الدنيا والاخره.

الأخبار:

المحرر موضوع: جمعية ملف $$$123$$$ (زيارة 7712 مرات)