المنتدى الثقافي > زاوية الشعر الشعبي

لــيــش تـِـبـْچـيـــنْ

(1/1)

ميسون نعيم الرومي:


لــيــش تـِـبـْچـيـــنْ


ميسون الرّومي


ياعـيـَـني أســـألـِجْ لــيـَـشْ تـِـبـْچـِـيـــنْ
 دَمـْعـِـچْ مـُو رخيـصْ اوزيـَنْ تـِدْريـنْ
أّعاتـِـبْ بالجـِـفـِـنْ ماگــَظ ْ دمِـعـْـتـِـــچْ
ولا گــَلـْهـَه الرمـِشْ بـَسـّـچْ تِـدمْـعـيـنْ
تـِمـْشـي اعـْـلـَه الجـِـفـَنْ واتـْطـَرّزْ الخـَدْ
  واتـْبـوسْ الشِـفـايـِـفْ...تـِـذكـِرْ الزيـَنِْ
يـاشـِــمامْ خـَـدّكْ عـِـطـِــرْ وايــفـــوحْ
تـِـغـارْ امنْ العـِـطـِـرْ أحـْـلـَه الرياحيـنْ
يـاعـودْ السـِـفـَـرْجـَـلْ ياغـِـصِـنْ بـانْ
يـافـَيّ الـْـشـَـمـِسْ بـيـنْ الــبـِســــاتـيـنْ
يـاكـِـحـْـلـَة جـِفـَنْ واطـْحـَنـْهـَه بالـْـروحْ
يـاحـِـنـَّـة عـِـرسْ بــچـْـفـوفْ الايـديـنْ
أَفـِـزّ بالـلــّيـَـل أشـــوفْ الليـّـل مضـنـوك
  يـِـبـْچـي اعـْـله الهَجـِرْ وايـناشـِدْ الـبيـنْ
أتـْـمـَـنـّه أعــيـشْ ابـْحـِضِـنْ طـَـرواكْ  
وَگـِـلْ للـْروحْ ، واشـْـمالـِچْ تـِـلوعـْـيــنْ
يـاروحي الحـَزيـنـَه اتـْـذكـري لــيـلاچ ْ
  يالـيـلْ الگـِـضَـه او بـَعـْدچْ تـِـنوحـِـيـنْ
أتـْـعـَـنـّـه السـَلـَفْ وامشي اعـْـلـَه مـَمْـشاه  
 وانـْـشـِـدْ بالجـِـدَمْ .. مـَـتـْگـِـلـّي لـيـويـَنْ
أَحـْچـي اويـَه الگـِـمـَرْ .. ماخـِـذ ْ مـِچانـَـك ْ
 اتــْـنـادَمْ غـَـنـــَجْ .. بــمْغـامِـزْ العــيــنْ
أعـِـدْ انـجـومْ لــيـلي واغـْـلــَط ْ الـَـعـَـدْ
يانـَجـْـمـَه الأعـِـدهَـه .. تـِرْجـَعْ اســنـيـنْ
أون وَنـــّـات ... واتـــْـون ابــْـونـِـيـــني
 يــاروح الــْـتـِـون ... بـَــــسـّـچ تـونـّيـن
يــاعـيـني أســألـِـجْ : لــيــش تـِـبـْچـيــنْ
دَمِـعـِــچْ مـُـو رخـْيـصْ اوزيـنْ تـِـدريـنْ
 
آب /2013
ســـــــتوكهولم

Odisho Youkhanna:
يـاشـِــمامْ خـَـدّكْ عـِـطـِــرْ وايــفـــوحْ
تـِـغـارْ امنْ العـِـطـِـرْ أحـْـلـَه الرياحيـنْ
يـاعـودْ السـِـفـَـرْجـَـلْ ياغـِـصِـنْ بـانْ
يـافـَيّ الـْـشـَـمـِسْ بـيـنْ الــبـِســــاتـيـنْ
يـاكـِـحـْـلـَة جـِفـَنْ واطـْحـَنـْهـَه بالـْـروحْ

الله على هذا الشعر اللي يرد الروح
تسلمين يااخت ميسون عاشت الايادي

تصفح

[0] فهرس الرسائل